About Us Advertise with us Be a Reporter E-Paper

Breaking Newsಪ್ರಚಲಿತವಿದೇಶ

ಪಾಕ್‌ ಭಯೋತ್ಪಾದಕರಿಗೆ ಸ್ವರ್ಗವಾಗಿದೆ: ನಿಕ್ಕಿ

ನ್ಯೂಯಾರ್ಕ್: ಪಾಕಿಸ್ತಾನ ಭಯೋತ್ಪಾದಕರಿಗೆ ಸ್ವರ್ಗವಾಗಿದೆ ಅಲ್ಲಿ ಆಶ್ರಯ ಪಡೆದ ಉಗ್ರರು ಅಮೆರಿಕದ ಯೋಧರನ್ನು ಹತ್ಯೆೆ ಮಾಡುತ್ತಿದ್ದಾರೆ. ಹೀಗಾಗಿ ಈ ವಿಷಯ ಇತ್ಯರ್ಥಗೊಳಿಸುವವರೆಗೂ ಪಾಕಿಸ್ತಾನಕ್ಕೆ ಒಂದು ಡಾಲರ್ ನೆರವನ್ನೂ ನೀಡಬಾರದು ಎಂದು ಅಮೆರಿಕದ ವಿಶ್ವಸಂಸ್ಥೆ ರಾಯಭಾರಿ ನಿಕ್ಕಿ ಹಾಲೆ ಒತ್ತಾಯಿಸಿದ್ದಾರೆ.

ಕ್ಯಾಬಿನೆಟ್ ದರ್ಜೆಯ ಸ್ಥಾನಮಾನ ಹೊಂದಿರುವ ಮೊದಲ ಭಾರತೀಯ ಅಮೆರಿಕನ್ ಆಗಿರುವ ನಿಕ್ಕಿ ಹಾಲೆ, ಅಮೆರಿಕಕ್ಕೆ ಹಾನಿಯೆಸಗುವ ಯಾವುದೇ ದೇಶಕ್ಕೆ ನೆರವು ನೀಡುವ ಅಗತ್ಯವಿಲ್ಲ ಎಂದು ಪ್ರತಿಪಾದಿಸಿದರು. ’ನಾವು ನಮ್ಮ ರಕ್ಷಣಾ ಪಾಲುದಾರರ ಹಿತಾಸಕ್ತಿಯನ್ನೂ ಗಮನದಲ್ಲಿರಿಸಿಕೊಂಡು ಈ ನಿಟ್ಟಿನಲ್ಲಿ ಹೆಜ್ಜೆ ಮುಂದಿಡಬೇಕು. ಪರಿಣಾಮ ಲೆಕ್ಕಿಸದೆ ಸುಮ್ಮನೆ ಕುರುಡಾಗಿ ಹಣ ನೀಡಬಾರದು’ ಎಂದು ಸಂದರ್ಶನ ಒಂದರಲ್ಲಿ ಹೇಳಿರುವ ನಿಕ್ಕಿ ಹೇಳಿದ್ದಾರೆ.

’ನಾವು ಪಾಕಿಸ್ತಾನಕ್ಕೆ ನೂರಾರು ಕೋಟಿ ಡಾಲರ್‌ಗಳ ನೆರವು ನೀಡುತ್ತಿದ್ದೇವೆ. ಅವರು ಆ ಹಣವನ್ನೆಲ್ಲ ಭಯೋತ್ಪಾದಕರ ಪೋಷಣೆಗೆ ಬಳಸುತ್ತಿದ್ದು ಜಗತ್ತಿನೆಲ್ಲೆಡೆ ಭಯೋತ್ಪಾದನೆ ಹರಡುತ್ತಿದ್ದಾರೆ. ನಮ್ಮ ಯೋಧರನ್ನೂ ಹತ್ಯೆೆ ಮಾಡುತ್ತಿದ್ದಾರೆ. ಅದನ್ನು ಎಂದಿಗೂ ಒಪ್ಪಲಾಗದು. ಈ ಸಮಸ್ಯೆೆ ಪಾಕಿಸ್ತಾನ ಇತ್ಯರ್ಥಪಡಿಸುವವರೆಗೂ ಒಂದು ಡಾಲರ್ ಹಣವನ್ನೂ ನೀಡಬಾರದು’ ಎಂದು ಹಾಲೆ ಒತ್ತಾಯಿಸಿದರು.

ಈ ವರ್ಷಾಂತ್ಯದಲ್ಲಿ ಹಾಲೆ ವಿಶ್ವಸಂಸ್ಥೆೆಯ ರಾಯಭಾರಿ ಪದವಿಯಿಂದ ನಿವೃತ್ತರಾಗಲಿದ್ದಾರೆ. ವಿದೇಶಾಂಗ ಇಲಾಖೆ ವಕ್ತಾರೆ ಹಾಗೂ ಮಾಜಿ ಪತ್ರಕರ್ತೆ ಹೀಥರ್ ನೌರೆಟ್ ಅವರನ್ನು ಹಾಲೆಯ ಉತ್ತರಾಧಿಕಾರಿಯಾಗಿ ಟ್ರಂಪ್ ಆಡಳಿತ ನೇಮಿಸಿದೆ.

Tags

Related Articles

Leave a Reply

Your email address will not be published. Required fields are marked *

Language
Close