Vishwavani News - Latest Kannada News

ಹೀಗೊಂದು ಅರ್ಥಪೂರ್ಣ ದೀಪಾವಳಿ: ಪಟಾಕಿ ಖರೀದಿ ಬದಲು ಪೌರಕಾರ್ಮಿಕರಿಗೆ ಬಟ್ಟೆ, ಹಣ್ಣು, ಸಿಹಿ ವಿತರಿಸಿದ ಸಂಡೂರು ಶ್ರೀಶೈಲೇಶ್ವರ ವಿದ್ಯಾ ಕೇಂದ್ರದ ವಿದ್ಯಾರ್ಥಿಗಳು

Sun, 08 Nov 2026 15:57:28 +0000

ಸಂಡೂರು, ನ. 8: ದೀಪಾವಳಿ ಎಂದರೆ ಬೆಳಕಿನ ಹಬ್ಬ, ಸಂಭ್ರಮದ ಹಬ್ಬ. ಸಾಮಾನ್ಯವಾಗಿ ದೀಪಾವಳಿ ಸಂದರ್ಭದಲ್ಲಿ , ಪಟಾಕಿಗಳನ್ನು ಸಿಡಿಸಿ ಸಂಭ್ರಮಿಸುವುದು ವಾಡಿಕೆ. ಆದರೆ ಪರಿಸರ ಸಂರಕ್ಷಣೆಯ ಮಹತ್ವವನ್ನು ಅರಿತು, ಹಬ್ಬದ ಸಂಭ್ರಮದ ಜತೆಗೆ ಸಾಮಾಜಿಕ ಜವಾಬ್ದಾರಿಯನ್ನೂ ಮೆರೆಯುವ ಮೂಲಕ ಪಟ್ಟಣದ ಶ್ರೀಶೈಲೇಶ್ವರ ವಿದ್ಯಾ ಕೇಂದ್ರದ ವಿದ್ಯಾರ್ಥಿಗಳು ಅರ್ಥಪೂರ್ಣವಾಗಿ ದೀಪಾವಳಿ ಹಬ್ಬ ಆಚರಿಸಿ ಸಮಾಜಕ್ಕೆ ಮಾದರಿಯಾಗಿದ್ದಾರೆ.

ಪಟಾಕಿಗಳನ್ನು ಸಿಡಿಸುವುದರಿಂದ ವಾಯು ಮತ್ತು ಶಬ್ದ ಮಾಲಿನ್ಯ ಉಂಟಾಗಿ ಪರಿಸರದ ಮೇಲೆ ದುಷ್ಪರಿಣಾಮ ಬೀರುತ್ತದೆ ಎಂಬ ಅರಿವಿನೊಂದಿಗೆ, ಪಟಾಕಿಗಳಿಗಾಗಿ ವ್ಯಯಿಸುತ್ತಿದ್ದ ಹಣವನ್ನು ವಿದ್ಯಾರ್ಥಿಗಳೇ ಸ್ವಯಂಪ್ರೇರಣೆಯಿಂದ ಸಂಗ್ರಹಿಸಿದ್ದಾರೆ. ಈ ಹಣದಿಂದ ಹೊಸ ಬಟ್ಟೆ, ಹಣ್ಣು ಹಾಗೂ ಸಿಹಿತಿಂಡಿಗಳನ್ನು ಖರೀದಿಸಿ, ಸುಂದರವಾಗಿ ಪ್ಯಾಕ್ ಮಾಡಿ ಸಂಡೂರು ಪುರಸಭೆಯ ನೂರಕ್ಕೂ ಹೆಚ್ಚು ಪೌರಕಾರ್ಮಿಕರಿಗೆ ವಿತರಿಸುವ ಮೂಲಕ ಅವರ ಬದುಕಿನಲ್ಲಿಯೂ ದೀಪಾವಳಿಯ ಬೆಳಕು ಮೂಡಿಸಿದ್ದಾರೆ.

ಸಂಸ್ಥೆಯ ಕಾರ್ಯದರ್ಶಿ ಚಿದಂಬರ ಎಸ್. ನಾನಾವಟೆ ಮಾತನಾಡಿ, ʼʼಪ್ರತಿದಿನ ಬೆಳಗಿನಿಂದ ಸಂಜೆಯವರೆಗೆ ಪಟ್ಟಣದ ಸ್ವಚ್ಛತೆಗಾಗಿ ಶ್ರಮಿಸುತ್ತ, ಸಂಡೂರನ್ನು ಸ್ವಚ್ಛ ಹಾಗೂ ಸುಂದರ ಪಟ್ಟಣವನ್ನಾಗಿ ರೂಪಿಸುವಲ್ಲಿ ಪೌರಕಾರ್ಮಿಕರ ಪಾತ್ರ ಅತ್ಯಂತ ಮಹತ್ವದ್ದಾಗಿದೆʼʼ ಎಂದರು.

ಬಳ್ಳಾರಿ-ಗುಂತಕಲ್‌ ರೈಲು ಮಾರ್ಗಕ್ಕೆ ಕೇಂದ್ರ ಅಸ್ತು; ‎1,264 ಕೋಟಿ ವೆಚ್ಚಕ್ಕೆ ಅನುಮೋದನೆ

ʼʼಸಮಾಜದ ಆರೋಗ್ಯ ಮತ್ತು ಸ್ವಚ್ಛ ಪರಿಸರದ ಹಿಂದಿರುವ ನಿಜವಾದ ಶ್ರಮಜೀವಿಗಳು ಪೌರಕಾರ್ಮಿಕರು. ಅವರ ಸೇವೆ ಅನನ್ಯವಾದುದು ಹಾಗೂ ಅಭಿನಂದನಾರ್ಹವಾದುದು. ಇಂತಹ ಶ್ರಮಜೀವಿಗಳ ಬದುಕಿನಲ್ಲಿ ದೀಪಾವಳಿಯ ಸಂತಸವನ್ನು ಹಂಚಿಕೊಳ್ಳುವ ಉದ್ದೇಶದಿಂದ ನಮ್ಮ ಸಂಸ್ಥೆಯ ವಿದ್ಯಾರ್ಥಿಗಳು ಪಟಾಕಿಗಾಗಿ ಖರ್ಚು ಮಾಡುತ್ತಿದ್ದ ಹಣವನ್ನು ಉಳಿಸಿ, ಅದರಿಂದ ಪೌರಕಾರ್ಮಿಕರಿಗೆ ಹೊಸ ವಸ್ತ್ರ ಹಾಗೂ ಸಿಹಿತಿಂಡಿಗಳನ್ನು ವಿತರಿಸಿರುವುದು ನಿಜಕ್ಕೂ ಶ್ಲಾಘನೀಯʼʼ ಎಂದು ಹೇಳಿದರು.

ʼʼಮಾನವಕುಲದ ಸುಸ್ಥಿರ ಬದುಕಿಗೆ ಪರಿಸರದ ಸಮತೋಲನ ಮತ್ತು ಸಂರಕ್ಷಣೆ ಅತ್ಯಗತ್ಯ. ಪರಿಸರಕ್ಕೆ ಹಾನಿ ಉಂಟುಮಾಡುವ ಪಟಾಕಿಗಳ ಸಂಭ್ರಮಕ್ಕಿಂತ, ಮತ್ತೊಬ್ಬರ ಮುಖದಲ್ಲಿ ಸಂತೋಷದ ಬೆಳಕು ಮೂಡಿಸುವ ಕಾರ್ಯವೇ ನಿಜವಾದ ಹಬ್ಬದ ಆಚರಣೆ. ವಿದ್ಯಾರ್ಥಿಗಳ ಈ ನಡೆ ಸಮಾಜಕ್ಕೆ ಉತ್ತಮ ಸಂದೇಶ ನೀಡುವುದರ ಜೊತೆಗೆ ಇತರರಿಗೂ ಪ್ರೇರಣೆಯಾಗಲಿದೆʼʼ ಎಂದು ಅಭಿಪ್ರಾಯಪಟ್ಟರು.

ಪರಿಸರ ಎಂಜಿನಿಯರ್ ಅನ್ನಪೂರ್ಣ ಡಿ. ಮಾತನಾಡಿ, ʼʼಸಾಮಾನ್ಯವಾಗಿ ಶಾಲೆಗಳು ವಿದ್ಯಾರ್ಥಿಗಳಿಗೆ ಪಠ್ಯಪುಸ್ತಕಗಳ ಮೂಲಕ ಜ್ಞಾನವನ್ನು ನೀಡುವುದನ್ನು ಕಾಣುತ್ತೇವೆ. ಆದರೆ ಶ್ರೀಶೈಲೇಶ್ವರ ವಿದ್ಯಾ ಕೇಂದ್ರವು ಪಠ್ಯಜ್ಞಾನದ ಜತೆಗೆ ಪರಿಸರ ಸಂರಕ್ಷಣೆ, ನೈತಿಕತೆ,ಸಾಮಾಜಿಕ ಕಳಕಳಿ ಹಾಗೂ ಮಾನವೀಯ ಮೌಲ್ಯಗಳನ್ನು ವಿದ್ಯಾರ್ಥಿಗಳಲ್ಲಿ ಬೆಳೆಸುವ ಕಾರ್ಯ ಮಾಡುತ್ತಿರುವುದು ವಿಶೇಷ. ಪಟಾಕಿಗಳಿಗಾಗಿ ವ್ಯಯಿಸಬಹುದಾಗಿದ್ದ ಹಣವನ್ನು ವಿದ್ಯಾರ್ಥಿಗಳೇ ಸ್ವಯಂಪ್ರೇರಣೆಯಿಂದ ಸಂಗ್ರಹಿಸಿ, ಅದನ್ನು ಸಮಾಜದ ಸ್ವಚ್ಛತೆಗಾಗಿ ಹಗಲಿರುಳು ಶ್ರಮಿಸುವ ಪೌರಕಾರ್ಮಿಕರ ಸಂತೋಷಕ್ಕಾಗಿ ವಿನಿಯೋಗಿಸಿರುವುದು ಅತ್ಯಂತ ಪ್ರಶಂಸನೀಯ. ಈ ಮೂಲಕ ವಿದ್ಯಾರ್ಥಿಗಳು ಪೌರಕಾರ್ಮಿಕರ ಬದುಕಿನಲ್ಲಿ ಹೊಸ ಬೆಳಕನ್ನು ಮೂಡಿಸಿದ್ದಾರೆʼʼ ಎಂದರು.

ʼʼಪರಿಸರದ ಬಗ್ಗೆ ಕಾಳಜಿ ಹೊಂದಿರುವ, ಸಮಾಜದ ಬಗ್ಗೆ ಜವಾಬ್ದಾರಿಯುತ ಮನೋಭಾವ ಬೆಳೆಸಿಕೊಂಡಿರುವ ಇಂತಹ ಮಕ್ಕಳನ್ನು ರೂಪಿಸುವಲ್ಲಿ ಶ್ರೀಶೈಲೇಶ್ವರ ವಿದ್ಯಾ ಕೇಂದ್ರದ ಪ್ರಯತ್ನ ಮಹತ್ವದ್ದಾಗಿದೆ. ಇಂದಿನ ವಿದ್ಯಾರ್ಥಿಗಳಲ್ಲಿ ಇಂತಹ ಮಾನವೀಯ ಮೌಲ್ಯಗಳನ್ನು ಬೆಳೆಸುವುದು ನಾಳಿನ ಉತ್ತಮ ಸಮಾಜ ನಿರ್ಮಾಣಕ್ಕೆ ಭದ್ರ ಬುನಾದಿಯಾಗಲಿದೆʼʼ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.

ಭ್ರಷ್ಟ ಕಾಂಗ್ರೆಸ್‌ ಸರ್ಕಾರ ಕಿತ್ತೆಸೆಯಲು ಬಳ್ಳಾರಿ ನೆಲದಲ್ಲೇ ಬಿಜೆಪಿ ಸಂಕಲ್ಪ: ಪ್ರಲ್ಹಾದ್‌ ಜೋಶಿ

ಪೌರಕಾರ್ಮಿಕ ಸಂಘದ ಅಧ್ಯಕ್ಷ ಮಲ್ಲಿಕಾರ್ಜುನ ಮಾತನಾಡಿ, ʼʼಪೌರಕಾರ್ಮಿಕರ ಸೇವೆಯನ್ನು ಗುರುತಿಸಿ, ದೀಪಾವಳಿಯ ಸಂದರ್ಭದಲ್ಲಿ ವಿದ್ಯಾರ್ಥಿಗಳು ತೋರಿದ ಪ್ರೀತಿ, ಗೌರವ ಹಾಗೂ ಮಾನವೀಯ ಕಾಳಜಿಗೆ ಹೃತ್ಪೂರ್ವಕ ಅಭಿನಂದನೆಗಳುʼʼ ಎಂದರು. ʼʼವಿದ್ಯಾರ್ಥಿಗಳು ತಮ್ಮ ಸಂತೋಷದ ಹಬ್ಬದಲ್ಲಿ ನಮ್ಮನ್ನೂ ಒಳಗೊಳ್ಳುವ ಮೂಲಕ ನಮ್ಮಲ್ಲಿ ಆತ್ಮೀಯತೆ ಮತ್ತು ಸಂತಸವನ್ನು ಹೆಚ್ಚಿಸಿದ್ದಾರೆ. ಇಂತಹ ಮೌಲ್ಯಯುತ ಕಾರ್ಯಗಳು ಮುಂದಿನ ಪೀಳಿಗೆಗೆ ಉತ್ತಮ ಸಂಸ್ಕಾರವನ್ನು ನೀಡಲಿವೆʼʼ ಎಂದು ಕೃತಜ್ಞತೆ ವ್ಯಕ್ತಪಡಿಸಿದರು.

ಸಂಡೂರು ಪುರಸಭೆಯ ನೂರಕ್ಕೂ ಹೆಚ್ಚಿ ಪೌರಕಾರ್ಮಿಕರಿಗೆ, ಹೊಸ ಬಟ್ಟೆ, ಹಣ್ಣು ಮತ್ತು ಸಿಹಿತಿಂಡಿಗಳ ಪ್ಯಾಕೆಟ್‌ಗಳನ್ನು ವಿತರಿಸಲಾಯಿತು. ಕಚೇರಿ ಮುಖ್ಯಸ್ಥ ಶರಣಬಸಪ್ಪ ಎಂ.ಜಿ. ಗುರುಬಸವರಾಜ, ಸತೀಶ ಮತ್ತಿತರರು ಉಪಸ್ಥಿತರಿದ್ದರು‌.

ರಾಜ್ಯದ ಸುದ್ದಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ.

ʼಪ್ರವಾಸಿ ಪ್ರಪಂಚʼ ವೆಬ್‌ಸೈಟ್‌ಗೆ ಭೇಟಿ ನೀಡಲು ಇಲ್ಲಿ ಕ್ಲಿಕ್‌ ಮಾಡಿ.

]]>

Notice movie: 39 ವರ್ಷಗಳ ಬಳಿಕ ಮತ್ತೆ ಒಂದಾದ ರಾಮ್-ಸೀತಾ ಜೋಡಿ! ಈ ಮೂವಿ ಸ್ಟ್ರೀಮಿಂಗ್‌ ಎಲ್ಲಿ?

Sun, 08 Nov 2026 15:17:35 +0000

ಬಾಲಿವುಡ್‌ನಲ್ಲಿ ಇದೀಗ ಹೊಸ ರಾಮಾಯಣ (Ramayana Movie) ಸಿನಿಮಾ ಭಾರಿ ಚರ್ಚೆಯಲ್ಲಿದೆ. ನಿತೇಶ್ ತಿವಾರಿ ನಿರ್ದೇಶನದ ಈ ಚಿತ್ರದಲ್ಲಿ ರಣಬೀರ್ ಕಪೂರ್ ಶ್ರೀರಾಮನಾಗಿ ಹಾಗೂ ಸಾಯಿ ಪಲ್ಲವಿ ಸೀತೆಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ನಡುವೆ ಸುಮಾರು ನಾಲ್ಕು ದಶಕಗಳ ಹಿಂದೆ ಕಿರುತೆರೆಯಲ್ಲಿ ರಾಮ ಮತ್ತು ಸೀತೆಯ ಪಾತ್ರಗಳ ಮೂಲಕ ಕೋಟ್ಯಂತರ ಜನರ ಮನಗೆದ್ದಿದ್ದ ಅರುಣ್ ಗೋವಿಲ್ ಮತ್ತು ದೀಪಿಕಾ (Deepika) ಚಿಖ್ಲಿಯಾ ಮತ್ತೆ ಒಂದೇ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲು ಸಜ್ಜಾಗಿದ್ದಾರೆ.

ಹೌದು, ರಾಮಾನಂದ ಸಾಗರ್ ನಿರ್ದೇಶನದ ಜನಪ್ರಿಯ 'ರಾಮಾಯಣ' ಧಾರಾವಾಹಿಯಲ್ಲಿ ಶ್ರೀರಾಮ ಮತ್ತು ಸೀತೆಯಾಗಿ ಅಭಿನಯಿಸಿ ಜನಮಾನಸದಲ್ಲಿ ಅಚ್ಚಳಿಯದೆ ಉಳಿದಿರುವ ಈ ಜೋಡಿ ಇದೀಗ 'ನೋಟಿಸ್' (Notice) ಎಂಬ ಹೊಸ ಸಿನಿಮಾದಲ್ಲಿ ಒಟ್ಟಿಗೆ ನಟಿಸುತ್ತಿದ್ದಾರೆ.

ಸುಮಾರು 39 ವರ್ಷಗಳ ಬಳಿಕ ಮತ್ತೆ ಒಂದಾಗುತ್ತಿರುವ ಅರುಣ್ ಗೋವಿಲ್ ಮತ್ತು ದೀಪಿಕಾ ಚಿಖ್ಲಿಯಾ ಈ ಬಾರಿ ಪೌರಾಣಿಕ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿಲ್ಲ. ಬದಲಾಗಿ, ಸಿನಿಮಾದಲ್ಲಿ ಸಾಮಾನ್ಯ ದಂಪತಿಯಾಗಿ ಅಭಿನಯಿಸುತ್ತಿದ್ದಾರೆ. ಈ ಚಿತ್ರ ನೇರವಾಗಿ ಒಟಿಟಿಯಲ್ಲಿ ಬಿಡುಗಡೆಯಾಗಿದೆ.

'ನೋಟಿಸ್' ಸಿನಿಮಾದಲ್ಲಿ ಏನಿದೆ ಕಥೆ?

'ನೋಟಿಸ್' ಸಿನಿಮಾದಲ್ಲಿ ಅರುಣ್ ಗೋವಿಲ್ ಒಬ್ಬ ಸಾಮಾನ್ಯ ವ್ಯಕ್ತಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ತಮ್ಮ ಪೂರ್ವಜರಿಂದ ಬಂದಿರುವ ಹಳೆಯ ಅಂಗಡಿಯನ್ನು ಭ್ರಷ್ಟಾಚಾರ ಮತ್ತು ಹೆಚ್ಚುತ್ತಿರುವ ಬಂಡವಾಳಶಾಹಿ ಪ್ರಭಾವದಿಂದ ರಕ್ಷಿಸಲು ಅವರು ಹೋರಾಡುವ ಕಥೆಯನ್ನು ಸಿನಿಮಾ ಒಳಗೊಂಡಿದೆ.

ಇನ್ನು ದೀಪಿಕಾ ಚಿಖ್ಲಿಯಾ ಅವರು ಅರುಣ್ ಗೋವಿಲ್ ಅವರ ಪತ್ನಿಯ ಪಾತ್ರದಲ್ಲಿ ನಟಿಸಿದ್ದಾರೆ. ಕಷ್ಟದ ಸಂದರ್ಭಗಳಲ್ಲಿ ಪತಿಯ ಬೆಂಬಲಕ್ಕೆ ನಿಲ್ಲುವ ಹಾಗೂ ಕುಟುಂಬದ ಪರಂಪರೆಯನ್ನು ಉಳಿಸಿಕೊಳ್ಳಲು ನಡೆಯುವ ಹೋರಾಟದಲ್ಲಿ ಜೊತೆಯಾಗುವ ಮಹಿಳೆಯಾಗಿ ಕಾಣಿಸಿಕೊಳ್ಳಲಿದ್ದಾರೆ.

ಈ ಸಿನಿಮಾವನ್ನು ಪ್ರದೀಪ್ ಗುಪ್ತಾ ನಿರ್ದೇಶನ ಮಾಡಿದ್ದಾರೆ. ಆದಿತ್ಯ ಪ್ರತಾಪ್ ಸಿಂಗ್ ರಘುವಂಶಿ ಕಥೆ ಬರೆದು ನಿರ್ಮಾಣದ ಜವಾಬ್ದಾರಿಯನ್ನೂ ಹೊತ್ತಿದ್ದಾರೆ. ನಟ ಪಂಕಜ್ ಝಾ ಕೂಡ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದಾರೆ.

ಕುಟುಂಬದ ಅಸ್ತಿತ್ವಕ್ಕೆ ಸವಾಲಾಗುವ ಒಂದು ನೋಟಿಸ್!

ಸಿನಿಮಾದ ಶೀರ್ಷಿಕೆಯೇ ಸೂಚಿಸುವಂತೆ, ಒಂದು ಅಧಿಕೃತ ನೋಟಿಸ್‌ನಿಂದ ಸಾಮಾನ್ಯ ಕುಟುಂಬವೊಂದು ಸಂಕಷ್ಟಕ್ಕೆ ಸಿಲುಕುತ್ತದೆ. ತಲೆಮಾರುಗಳಿಂದ ಕಷ್ಟಪಟ್ಟು ಕಟ್ಟಿಕೊಂಡು ಬಂದಿರುವ ಕುಟುಂಬದ ಆಸ್ತಿಯನ್ನು ಕಳೆದುಕೊಳ್ಳುವ ಭೀತಿ ಎದುರಾದಾಗ, ದಂಪತಿ ವ್ಯವಸ್ಥೆಯ ವಿರುದ್ಧ ಹೋರಾಟಕ್ಕೆ ಇಳಿಯುತ್ತಾರೆ.

ಭ್ರಷ್ಟ ವ್ಯವಸ್ಥೆ ಮತ್ತು ಬಂಡವಾಳಶಾಹಿ ಪ್ರಭಾವದ ನಡುವೆ ತಮ್ಮ ಕುಟುಂಬದ ಪರಂಪರೆಯನ್ನು ಉಳಿಸಿಕೊಳ್ಳಲು ನಡೆಯುವ ಹೋರಾಟವೇ ಚಿತ್ರದ ಪ್ರಮುಖ ಕಥಾವಸ್ತುವಾಗಿದೆ.

'ನೋಟಿಸ್' ಸಿನಿಮಾ 2026ರ ನವೆಂಬರ್ 6ರಂದು WAVES OTT ಆ್ಯಪ್‌ನಲ್ಲಿ ಪ್ರೀಮಿಯರ್ ಆಗಿದೆ.

ಹೊಸ ರಾಮಾಯಣ ಬಿಡುಗಡೆಯ ಬೆನ್ನಲ್ಲೇ ಹಳೆಯ ರಾಮ್-ಸೀತಾ ಜೋಡಿ ರಿಯೂನಿಯನ್!

ಇನ್ನೊಂದು ವಿಶೇಷವೆಂದರೆ, ಅರುಣ್ ಗೋವಿಲ್ ಮತ್ತು ದೀಪಿಕಾ ಚಿಖ್ಲಿಯಾ ಮತ್ತೆ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿರುವುದು ಹೊಸ ರಾಮಾಯಣ ಸಿನಿಮಾ ಬಿಡುಗಡೆಯಾಗಿರುವ ಸಮಯದಲ್ಲೇ ಎಂಬುದು ಗಮನಾರ್ಹ.

View this post on Instagram

A post shared by Aditya Pratap Singh Raghuvanshi (@_adityapratapsinghraghuvanshi)

ನಿತೇಶ್ ತಿವಾರಿ ನಿರ್ದೇಶನದ 'ರಾಮಾಯಣ ಭಾಗ 1' ಸಿನಿಮಾ ನವೆಂಬರ್ 5ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ. ಇದರಲ್ಲಿ ರಣಬೀರ್ ಕಪೂರ್ ರಾಮನಾಗಿ, ಸಾಯಿ ಪಲ್ಲವಿ ಸೀತೆಯಾಗಿ ಹಾಗೂ ಯಶ್ ರಾವಣನಾಗಿ ಅಭಿನಯಿಸಿದ್ದಾರೆ.

ಒಂದೆಡೆ ಹೊಸ ತಲೆಮಾರಿನ ಕಲಾವಿದರು ರಾಮಾಯಣದ ಪಾತ್ರಗಳ ಮೂಲಕ ಪ್ರೇಕ್ಷಕರ ಮುಂದೆ ಬರುತ್ತಿದ್ದರೆ, ಮತ್ತೊಂದೆಡೆ ಹಿಂದಿನ ತಲೆಮಾರಿನ ರಾಮ್-ಸೀತಾ ಜೋಡಿ ವಿಭಿನ್ನ ಪಾತ್ರಗಳ ಮೂಲಕ ಮತ್ತೆ ಒಂದಾಗಿರುವುದು ಸಿನಿಪ್ರಿಯರಲ್ಲಿ ಕುತೂಹಲ ಮೂಡಿಸಿದೆ.

ರಾಮ್ ಮತ್ತು ಸೀತೆಯಾಗಿ ಜನರ ಮನಸ್ಸಿನಲ್ಲಿ ವಿಶೇಷ ಸ್ಥಾನ ಪಡೆದಿದ್ದ ಅರುಣ್ ಗೋವಿಲ್ ಹಾಗೂ ದೀಪಿಕಾ ಚಿಖ್ಲಿಯಾ ಅವರನ್ನು ಈ ಬಾರಿ ಸಾಮಾನ್ಯ ದಂಪತಿಯಾಗಿ ನೋಡುವ ಅವಕಾಶ ಅಭಿಮಾನಿಗಳಿಗೆ ಸಿಕ್ಕಿದೆ.

]]>

ಬೆಂಗಳೂರು ಭೀಕರ ಹತ್ಯಾಕಾಂಡ; ಮೈಸೂರಿನಲ್ಲಿ 2 ಮೃತದೇಹ ಪತ್ತೆ: ನರಹಂತಕನ ಮತ್ತಷ್ಟು ಕ್ರೌರ್ಯ ಬೆಳಕಿಗೆ

Sun, 08 Nov 2026 15:01:17 +0000

ಮೈಸೂರು, ನ. 8: ಇಡೀ ದೇಶವನ್ನೇ ಬೆಚ್ಚಿಬೀಳಿಸಿದ, ಬೆಂಗಳೂರಿನಲ್ಲಿ ನಡೆದ 7 ಮಂದಿಯ ಸರಣಿ ಹತ್ಯೆಯ ತನಿಖೆಯಲ್ಲಿ ಮಹತ್ವದ ಬೆಳವಣಿಗೆ ಸಂಭವಿಸಿದೆ (Bengaluru Mass Murder). ರಾಜಾಜಿನಗರದ ಕ್ಯಾಬ್‌ ಡ್ರೈವರ್‌ ಇಂದುಶೇಖರ್‌ ಪತ್ನಿ ಮತ್ತು ಆಕೆಯ ಕುಟುಂಬದ 6 ಮಂದಿ ಸೇರಿ 7 ಜನರನ್ನು ಹತ್ಯೆಗೈದು ಮೃತದೇಹವನ್ನು ವಿವಿಧ ಕಡೆ ಎಸೆದಿದ್ದು, ಮೈಸೂರಿನಲ್ಲಿ ಇದೀಗ 2 ಮೃತದೇಹ ಪತ್ತೆಯಾಗಿದೆ. ಪುರುಷ ಮತ್ತು ಮಹಿಳೆಯ ಮೃತದೇಹ ಇದಾಗಿದ್ದು, ಹತ್ಯೆಯ ಇನ್ನಷ್ಟು ವಿವರ ಲಭ್ಯವಾಗುವ ಸಾಧ್ಯತೆ ಇದೆ.

ಚಾಮುಂಡಿ ಬೆಟ್ಟದಲ್ಲಿ 500 ಮೀಟರ್ ಅಂತರದಲ್ಲಿ ಎರಡು ಮೃತದೇಹ ಕಂಡು ಬಂದಿದೆ. ಅರೋಪಿ ಇಂದುಶೇಖರ್‌ನನ್ನು ಕರೆತಂದು ಪೊಲೀಸರು ಮಹಜರು ನಡೆಸಿದ್ದಾರೆ. ಇದು ಇಂದುಶೇಖರ್‌ ಪತ್ನಿ ಸುನೀತಾ ಅವರ ಅಣ್ಣ ಮತ್ತು ಅತ್ತಿಗೆ ಶಿವಕುಮಾರ್ ಮತ್ತು ದಿವ್ಯಾ ಅವರ ಮೃತದೇಹ ಎಂದು ಶಂಕಿಸಲಾಗಿದೆ.

ದಿವ್ಯಾ ಮತ್ತು ಶಿವಕುಮಾರ್‌ ಅವರ ಮೃತದೇಹವನ್ನು ಚಾಮುಂಡಿ ಬೆಟ್ಟದಲ್ಲಿ ಎಸೆದಿದ್ದಾಗಿ ಇಂದುಶೇಖರ್‌ ತಿಳಿಸಿದ್ದರಿಂದ ಇಲ್ಲಿ ಪರಿಶೀಲನೆ ನಡೆಸಲಾಗಿತ್ತು. ದಿವ್ಯಾ ಅವರ ಚಿಕ್ಕಮ್ಮ ಮಾತನಾಡಿ, ʼʼಆಸ್ತಿಗಾಗಿ ಈ ಕೊಲೆಗಳನ್ನು ಮಾಡಿದ್ದಾನೆ. ಅವನು ಈ ರೀತಿ ಮಾಡ್ತಾನೆ ಎಂದು ನಾವು ತಿಳಿದಿರಲಿಲ್ಲ. ಆತ ಏನಾದ್ರು ಹೇಳಲಿ ಆಸ್ತಿಗಾಗಿಯೇ ಕೊಲೆ ಮಾಡಿರೋದು. ಅವರ ಅತ್ತೆ ಜತೆ ಜಗಳ ಮಾಡ್ತಿದ್ದನಂತೆ. ಅವನನ್ನು ನಮ್ಮ ವಶಕ್ಕೆ ಕೊಡಿ‌. ಅವನಿಗೆ ನಾವು ತಕ್ಕ ಪಾಠ ಕಲಿಸುತ್ತೇವೆʼʼ ಎಂದು ತಿಳಿಸಿದ್ದಾರೆ.

ಸ್ಕೆಚ್‌ ಹಾಕಿದ್ದು 9 ಮಂದಿಗೆ, ಬಲಿಯಾಗಿದ್ದು 7 ಮಂದಿ; ಬೆಂಗಳೂರು ಹತ್ಯಾಕಾಂಡದ ರೂವಾರಿಗೆ ತನ್ನವರ ಮೇಲೆಯೇ ಯಾಕಿಷ್ಟು ದ್ವೇಷ?

ಬೆಚ್ಚಿ ಬೀಳಿಸಿದ ಕ್ರೈಂ

ಸದ್ಯ ಈ ಪ್ರಕರಣ ಭಾರಿ ಕುತೂಹಲ ಕೆರಳಿಸಿದ್ದು, ಇಂದುಶೇಖರ್‌ನ ಕೃತ್ಯ ದಿನದಿಂದ ದಿನಕ್ಕೆ ಬೆಳಕಿಗೆ ಬರುತ್ತಿದೆ. ಈ ಭೀಕರ ಹತ್ಯಾಕಾಂಡದಿಂದ ಅದೃಷ್ಟವಶಾತ್‌ ಪಾರಾಗಿರುವ 11 ವರ್ಷದ ಬಾಲಕ ಇಂದುಶೇಖರ್‌ನ ಕ್ರೌರ್ಯವನ್ನು ಎಳೆಎಳೆಯಾಗಿ ಬಿಚ್ಚಿಟ್ಟಿದ್ದಾನೆ. ಪತ್ನಿಯ ಕುಟುಂಬಸ್ಥರನ್ನು ರಾಜಾಜಿನಗರದ ಕಟ್ಟಡವೊಂದರ ರೂಮ್‌ನಲ್ಲಿ ರುಬ್ಬುಕಲ್ಲಿನಿಂದ ಜಜ್ಜು ಕೊಲೆ ಮಾಡುತ್ತಿದ್ದ ಇಂದುಶೇಖರ್‌ ಬಳಿಕ ಮೃತದೇಹವನ್ನು ಕಾರಿನಲ್ಲಿ ಸಾಗಿಸಿ ನಿರ್ಜನ ಪ್ರದೇಶದಲ್ಲಿ ಎಸೆಯುತ್ತಿದ್ದ ಎನ್ನುವುದು ತನಿಖೆ ವೇಳೆ ತಿಳಿದು ಬಂದಿದೆ.

ಕಾರಿನಲ್ಲಿ ಹೆಣ ಸಾಗಿಸುತ್ತಿದ್ದ ಇಂದುಶೇಖರ್‌ ಅದನ್ನು ಎಸೆಯಲು ಸೂಕ್ತ ಜಾಗ ಹುಡುಕಾಡುತ್ತಿದ್ದ. ಕಾರ್‌ ಚಲಾಯಿಸುತ್ತಲೇ ರಸ್ತೆ ಬದಿಯ ಕತ್ತಲೆಯ, ನಿರ್ಜನ ಪ್ರದೇಶಗಳನ್ನು ಹುಡುಕುತ್ತಿದ್ದ. ಸುತ್ತಮುತ್ತ ಯಾರೂ ಇಲ್ಲ ಎನ್ನುವುದನ್ನು ಖಚಿತಪಡಿಸಿ ಬಳಿಕ ಹೆಣಗಳನ್ನು ತುಂಬಿಸಿದ ಚೀಲಗಳನ್ನು ಪೊದೆಯ ಮಧ್ಯೆ ಎಸೆದು ಬರುತ್ತಿದ್ದ ಎನ್ನುವುದು ತನಿಖೆ ವೇಳೆ ಗೊತ್ತಾಗಿದೆ.

ಬೆಂಗಳೂರು ಹತ್ಯಾಕಾಂಡ; ಮಗಳ ಬ್ರೈನ್ ವಾಶ್ ಮಾಡಿ ಕೃತ್ಯಕ್ಕೆ ಬಳಸಿಕೊಂಡಿದ್ದ ತಂದೆ!

ಸೇಲಂ ಕಾಡಿನಲ್ಲಿ 2 ಮೃತದೇಹ ಪತ್ತೆ

ತಮಿಳುನಾಡಿನ ಸೇಲಂ ಜಿಲ್ಲೆಯ ಘಾಟ್‌ ಪ್ರದೇಶದ ಕಾಡಿನಲ್ಲಿ ಕೊಳೆತ ಸ್ಥಿತಿಯಲ್ಲಿ 2 ಮೃತದೇಹ ಪತ್ತೆಯಾಗಿದ್ದು, ಇದು ಇಂದುಶೇಖರ್‌ನ ಪತ್ನಿ ಸುನೀತಾ ಮತ್ತು ರೂಪವತಿ ಅವರದ್ದು ಎಂದು ಗುರುತಿಸಲಾಗಿದೆ. ಇದಕ್ಕೂ ಮೊದಲು ಚಿಕ್ಕಬಳ್ಳಾಪುರ ನಂದಿಬೆಟ್ಟದ ಆಸುಪಾಸಿನಲ್ಲಿ 7 ವರ್ಷದ ಬಾಲಕ ಪುನೀತ್‌ನ ಶವ ಪತ್ತೆಯಾಗಿತ್ತು.

ಇನ್ನಷ್ಟು ಕ್ರೈಂ ಸುದ್ದಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ.

ʼಪ್ರವಾಸಿ ಪ್ರಪಂಚʼ ವೆಬ್‌ಸೈಟ್‌ಗೆ ಭೇಟಿ ನೀಡಲು ಇಲ್ಲಿ ಕ್ಲಿಕ್‌ ಮಾಡಿ.

]]>

ಕರ್ನಾಟಕದಲ್ಲಿ ಮೂರೇ ದಿನಕ್ಕೆ 50 ಕೋಟಿ ಕ್ಲಬ್ ಸೇರಿದ ‘ರಾಮಾಯಣ’; ಕನ್ನಡ ಡಬ್ಬಿಂಗ್ ಇತಿಹಾಸದಲ್ಲೇ ಹೊಸ ದಾಖಲೆ!

Sun, 08 Nov 2026 14:40:15 +0000

ಬಾಲಿವುಡ್‌ನ ಬಹುನಿರೀಕ್ಷಿತ ಪೌರಾಣಿಕ ಚಿತ್ರ ‘ರಾಮಾಯಣ’ ಗಲ್ಲಾಪೆಟ್ಟಿಗೆಯಲ್ಲಿ ದಾಖಲೆಯ ಓಟ ಮುಂದುವರಿಸಿದೆ. ನಿತೇಶ್ ತಿವಾರಿ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಸಿನಿಮಾ ಬಿಡುಗಡೆಯಾದ ಕೇವಲ ಮೂರೇ ದಿನಗಳಲ್ಲಿ ಕರ್ನಾಟಕದಲ್ಲಿ ಭರ್ಜರಿ 50 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡುವ ಮೂಲಕ ಚಂದನವನದಲ್ಲಿ ಹೊಸ ಇತಿಹಾಸ ಬರೆದಿದೆ. ಎಲ್ಲಾ ಭಾಷೆಯ ಆವೃತ್ತಿಗಳಿಂದ ಚಿತ್ರಕ್ಕೆ ರಾಜ್ಯಾದ್ಯಂತ ಅಭೂತಪೂರ್ವ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದ್ದು, ಚಿತ್ರಮಂದಿರಗಳು ಹೌಸ್‌ಫುಲ್ ಪ್ರದರ್ಶನ ಕಾಣುತ್ತಿವೆ.

ಯಶ್‌ ಹವಾ ಸಾಬೀತಾಯ್ತು!

ಕರ್ನಾಟಕದಲ್ಲಿ ಸೃಷ್ಟಿಯಾಗಿರುವ ಈ ಐತಿಹಾಸಿಕ ಗಳಿಕೆಯಲ್ಲಿ ಕನ್ನಡ ಡಬ್ಬಿಂಗ್ ಆವೃತ್ತಿಯ ಪಾತ್ರ ಅತ್ಯಂತ ದೊಡ್ಡದಾಗಿದೆ. ಮೊದಲ ಮೂರು ದಿನಗಳಲ್ಲಿ ಕೇವಲ ಕನ್ನಡ ಅವತರಣಿಕೆಯಿಂದಲೇ ಬರೋಬ್ಬರಿ 25 ಕೋಟಿ ಗಳಿಕೆಯಾಗಿದೆ. ಕರ್ನಾಟಕದ ಗಲ್ಲಾಪೆಟ್ಟಿಗೆಯ ಇತಿಹಾಸದಲ್ಲೇ ಅನ್ಯಭಾಷೆಯಿಂದ ಕನ್ನಡಕ್ಕೆ ಡಬ್ ಆದ ಸಿನಿಮಾವೊಂದು ಇಷ್ಟು ಕಡಿಮೆ ಅವಧಿಯಲ್ಲಿ 25 ಕೋಟಿ ಬಾಚಿಕೊಂಡಿರುವುದು ಇದೇ ಮೊದಲು. ಈ ಅಭೂತಪೂರ್ವ ಯಶಸ್ಸಿಗೆ ಚಿತ್ರತಂಡದ ಭಾಗವಾಗಿರುವ ಹಾಗೂ ಪ್ರಮುಖ ಪಾತ್ರಧಾರಿ ರಾಕಿಂಗ್ ಸ್ಟಾರ್ ಯಶ್ ಅವರ ಜನಪ್ರಿಯತೆ ಮತ್ತು ಕರುನಾಡಿನಲ್ಲಿ ಅವರಿಗಿರುವ ಅಪಾರ ಅಭಿಮಾನಿ ಬಳಗವೇ ಪ್ರಮುಖ ಕಾರಣ ಎಂಬುದರಲ್ಲಿ ಎರಡು ಮಾತಿಲ್ಲ.

ಭಾರತದಲ್ಲಿ 3 ದಿನಕ್ಕೆ 218 ಕೋಟಿ ಗಳಿಕೆ

ಕೇವಲ ಕರ್ನಾಟಕವಷ್ಟೇ ಅಲ್ಲದೆ, ದೇಶಾದ್ಯಂತ ಹಾಗೂ ಜಾಗತಿಕ ಮಟ್ಟದಲ್ಲೂ ‘ರಾಮಾಯಣ’ ಸಿನಿಮಾ ಕಲೆಕ್ಷನ್ ಸುನಾಮಿ ಎಬ್ಬಿಸಿದೆ. ಭಾರತದಲ್ಲಿ ಮೊದಲ ದಿನ 64.85 ಕೋಟಿ ಗಳಿಸುವ ಮೂಲಕ ಶುಭಾರಂಭ ಕಂಡಿದ್ದ ಸಿನಿಮಾ, ಎರಡನೇ ದಿನ (ಶುಕ್ರವಾರ) 48.05 ಕೋಟಿ ಕಲೆಕ್ಷನ್ ಮಾಡಿತ್ತು. ಆದರೆ, 3ನೇ ದಿನವಾದ ಶನಿವಾರದಂದು ಗಣನೀಯ ಏರಿಕೆ ಕಂಡಿದ್ದು, ಒಂದೇ ದಿನದಲ್ಲಿ ದೇಶಾದ್ಯಂತ ಬರೋಬ್ಬರಿ 69.80 ಕೋಟಿ ನಿವ್ವಳ ಗಳಿಕೆ ದಾಖಲಿಸಿದೆ. ಇದರೊಂದಿಗೆ ಭಾರತದಲ್ಲಿ ಚಿತ್ರದ ಒಟ್ಟು ನಿವ್ವಳ ಕಲೆಕ್ಷನ್ ಮೂರು ದಿನಗಳಿಗೆ 218.25 ಕೋಟಿ ತಲುಪಿದೆ.

Ramayana Movie: ರಾವಣನ ಸಿಂಹಾಸನಕ್ಕೆ 1 ಕೋಟಿ, ಶೂರ್ಪನಖಿಯ ರಥಕ್ಕೆ ಎಷ್ಟು ಬೆಲೆ ಗೊತ್ತಾ? ಭವ್ಯ ಸೆಟ್‌ ಸಂಪೂರ್ಣ ಮಾಹಿತಿ ಇಲ್ಲಿದೆ

ಶೀಘ್ರದಲ್ಲೇ 500 ಕೋಟಿ ಕ್ಲಬ್‌ ಸೇರೋದು ನಿಶ್ಚಿತ

ಮೂರನೇ ದಿನದ ಗಳಿಕೆಯಲ್ಲಿ ಹಿಂದಿ ಆವೃತ್ತಿಯು 19,927 ಶೋಗಳಿಂದ 53 ಕೋಟಿ ಗಳಿಸಿದ್ದರೆ, ಕನ್ನಡ ಆವೃತ್ತಿಯು ಕೇವಲ 907 ಶೋಗಳಿಂದ 6.30 ಕೋಟಿ ಬಾಚಿಕೊಂಡಿದೆ. ತೆಲುಗು ಆವೃತ್ತಿಯು 1,586 ಶೋಗಳಿಂದ 6.00 ಕೋಟಿ ಹಾಗೂ ಮಲಯಾಳಂ ಅವತರಣಿಕೆಯು 593 ಶೋಗಳಿಂದ 2 ಕೋಟಿ ಕಲೆಕ್ಷನ್ ಮಾಡಿವೆ. ಇನ್ನು ವಿದೇಶಗಳಲ್ಲೂ ಚಿತ್ರಕ್ಕೆ ಅಭೂತಪೂರ್ವ ಸ್ಪಂದನೆ ದೊರೆತಿದ್ದು, 3ನೇ ದಿನದಂದು 60 ಕೋಟಿ ಗಳಿಕೆಯಾಗಿದೆ. ಇದರೊಂದಿಗೆ ವಿದೇಶಿ ಮಾರುಕಟ್ಟೆಯಿಂದ ಬಂದ ಒಟ್ಟು ಮೊತ್ತ 157.25 ಕೋಟಿಗೆ ಮುಟ್ಟಿದ್ದು, ವಿಶ್ವಾದ್ಯಂತ ಈ ಚಿತ್ರದ ಒಟ್ಟಾರೆ ಗ್ರಾಸ್ ಕಲೆಕ್ಷನ್ ಬರೋಬ್ಬರಿ 375.50 ಕೋಟಿ ಗಡಿ ದಾಟಿದೆ.

]]>

Sai Durgha Tej: ನಿಶ್ಚಿತಾರ್ಥದ ಕ್ಯೂಟ್‌ ಫೋಟೋ ಹಂಚಿಕೊಂಡ ಸಾಯಿ ದುರ್ಗಾ ತೇಜ್!

Sun, 08 Nov 2026 14:23:04 +0000

ತೆಲುಗು ಚಿತ್ರರಂಗದ ಖ್ಯಾತ ನಟ ಹಾಗೂ ಮೆಗಾಸ್ಟಾರ್ ಚಿರಂಜೀವಿ ಅವರ ಅಳಿಯ ಸಾಯಿ ದುರ್ಗಾ ತೇಜ್ (Sai Durga Tej)ಇದೀಗ ತಮ್ಮ ವೈಯಕ್ತಿಕ ಜೀವನದ ಸುಂದರ ಕ್ಷಣವೊಂದನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ. ಇತ್ತೀಚೆಗಷ್ಟೇ ಹೈದರಾಬಾದ್‌ನಲ್ಲಿ ಕಿರಣ್ (Kiran) ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದ ನಟ, ಇದೀಗ ತಮ್ಮ ಭಾವಿ ಪತ್ನಿಯೊಂದಿಗಿನ ಮೊದಲ ರೊಮ್ಯಾಂಟಿಕ್ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ.

ನವೆಂಬರ್ 7ರಂದು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿರುವ ಈ ಫೋಟೋದಲ್ಲಿ ಸಾಯಿ ದುರ್ಗಾ ತೇಜ್ ಮತ್ತು ಕಿರಣ್ ಉದ್ಯಾನವನವೊಂದರಲ್ಲಿ ಕೈ ಕೈ ಹಿಡಿದುಕೊಂಡು ಹೆಜ್ಜೆ ಹಾಕುತ್ತಿರುವುದನ್ನು ಕಾಣಬಹುದು. ಇಬ್ಬರೂ ಸಂತೋಷದಿಂದ ನಗುತ್ತಾ ಒಟ್ಟಿಗೆ ಸಮಯ ಕಳೆಯುತ್ತಿರುವ ಈ ಸುಂದರ ಕ್ಷಣ ಅಭಿಮಾನಿಗಳ ಗಮನ ಸೆಳೆದಿದೆ.

ಫೋಟೋಗೆ ಸಾಯಿ ದುರ್ಗಾ ತೇಜ್ ಕೇವಲ ಎರಡು ಪದಗಳಲ್ಲಿ, "ಐ ಲವ್ ಯು" ಎಂದು ಪ್ರೀತಿಯ ಸಂದೇಶ ಬರೆದಿದ್ದಾರೆ. ನವೆಂಬರ್ 5ರಂದು ಕುಟುಂಬದವರು ಮತ್ತು ಆಪ್ತ ಸ್ನೇಹಿತರ ಸಮ್ಮುಖದಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದ ಈ ಜೋಡಿ, ಇದೀಗ ತಮ್ಮ ಪ್ರೀತಿಯ ಕ್ಷಣವನ್ನು ಹಂಚಿಕೊಂಡಿದೆ.

ಇದನ್ನೂ ಓದಿ: Bigg Boss Kannada 13: ಪತ್ರ ಪಡೆಯುವ ವೇಳೆ ಗಾನವಿ ಹೈಡ್ರಾಮ; ಮೊಸಳೆ ಕಣ್ಣೀರಿನ ಕಥೆ ಬಿಚ್ಚಿಟ್ಟ ಕಿಚ್ಚ

ಸಾಂಪ್ರದಾಯಿಕ ಉಡುಗೆಯಲ್ಲಿ ಮಿಂಚಿದ ಜೋಡಿ

ನಿಶ್ಚಿತಾರ್ಥದ ಸಂದರ್ಭದಲ್ಲಿ ಸಾಯಿ ದುರ್ಗಾ ತೇಜ್ ಬಿಳಿ ಬಣ್ಣದ ಸಾಂಪ್ರದಾಯಿಕ ಉಡುಪಿನಲ್ಲಿ ಕಂಗೊಳಿಸಿದ್ದರು. ಉದ್ದನೆಯ ಕುರ್ತಾ, ಬಂದ್ ನೆಕ್ ವಿನ್ಯಾಸ ಹಾಗೂ ಬಟನ್‌ಗಳ ಅಲಂಕಾರವಿದ್ದ ಕುರ್ತಾಗೆ ಹೊಂದಿಕೆಯಾಗುವ ಪ್ಯಾಂಟ್ ಮತ್ತು ಕಂದು ಬಣ್ಣದ ಶೂ ಧರಿಸಿದ್ದರು.

ಇನ್ನೊಂದೆಡೆ ಕಿರಣ್ ಪಚ್ಚೆ ಹಸಿರು ಬಣ್ಣದ ಸುಂದರ ಅರ್ಧ ಸೀರೆಯಲ್ಲಿ ಮಿಂಚಿದ್ದರು. ಚಿನ್ನದ ಬಣ್ಣದ ಕಸೂತಿ ಹಾಗೂ ಗುಲಾಬಿ-ಚಿನ್ನದ ಬಣ್ಣದ ಅಂಚು ಹೊಂದಿದ್ದ ಅವರ ಉಡುಗೆ ವಿಶೇಷ ಆಕರ್ಷಣೆಯಾಗಿತ್ತು.

ಇದೀಗ ಹಂಚಿಕೊಂಡಿರುವ ಫೋಟೋದಲ್ಲಿ ಇಬ್ಬರೂ ಉದ್ಯಾನವನದ ಹಾದಿಯಲ್ಲಿ ಕೈ ಹಿಡಿದು ನಡೆಯುತ್ತಿರುವ ದೃಶ್ಯ ಮನಸೆಳೆಯುತ್ತದೆ. ಕಿರಣ್ ನಗುತ್ತಿರುವಾಗ ಸಾಯಿ ದುರ್ಗಾ ತೇಜ್ ಅವರ ಕೈ ಹಿಡಿದುಕೊಂಡು ನಡೆಯುತ್ತಿರುವ ಈ ಫೋಟೋ ಅಭಿಮಾನಿಗಳಿಗೆ ತುಂಬಾ ಇಷ್ಟವಾಗಿದೆ.

ಚಿರಂಜೀವಿ, ರಾಮ್ ಚರಣ್, ಅಲ್ಲು ಅರ್ಜುನ್ ಭಾಗಿ

ನವೆಂಬರ್ 5ರಂದು ಹೈದರಾಬಾದ್‌ನ ಹಿಲ್ಟನ್ ಹೈದರಾಬಾದ್ ಜಿನೋಮ್ ವ್ಯಾಲಿ ರೆಸಾರ್ಟ್‌ನಲ್ಲಿ ಸಾಯಿ ದುರ್ಗಾ ತೇಜ್ ಮತ್ತು ಕಿರಣ್ ಅವರ ನಿಶ್ಚಿತಾರ್ಥ ಸಮಾರಂಭ ಅದ್ಧೂರಿಯಾಗಿ ನೆರವೇರಿತ್ತು.

ಕುಟುಂಬದ ಸಂಭ್ರಮದ ಈ ಕಾರ್ಯಕ್ರಮಕ್ಕೆ ತೆಲುಗು ಚಿತ್ರರಂಗದ ಹಲವು ಗಣ್ಯರು ಆಗಮಿಸಿದ್ದರು. ಮೆಗಾಸ್ಟಾರ್ ಚಿರಂಜೀವಿ ತಮ್ಮ ಪತ್ನಿ ಸುರೇಖಾ ಅವರೊಂದಿಗೆ ಸಮಾರಂಭದಲ್ಲಿ ಭಾಗವಹಿಸಿದ್ದರು. ನಟ ರಾಮ್ ಚರಣ್, ಅಲ್ಲು ಅರ್ಜುನ್ ಮತ್ತು ಅವರ ಪತ್ನಿ ಸ್ನೇಹಾ ರೆಡ್ಡಿ ಕೂಡ ಉಪಸ್ಥಿತರಿದ್ದರು.

ಇವರ ಜೊತೆಗೆ ವರುಣ್ ತೇಜ್, ಲಾವಣ್ಯ ತ್ರಿಪಾಠಿ, ನಿಹಾರಿಕಾ ಕೊನಿಡೇಲಾ ಮತ್ತು ವೈಷ್ಣವ್ ತೇಜ್ ಕೂಡ ನಿಶ್ಚಿತಾರ್ಥದ ಸಂಭ್ರಮದಲ್ಲಿ ಪಾಲ್ಗೊಂಡಿದ್ದರು. ಪವನ್ ಕಲ್ಯಾಣ್ ಅವರ ಮಕ್ಕಳಾದ ಅಕಿರಾ ನಂದನ್ ಮತ್ತು ಆಧ್ಯಾ ಕೂಡ ಕಾರ್ಯಕ್ರಮಕ್ಕೆ ಆಗಮಿಸಿದ್ದರು.

ನಟರಾದ ಮಂಚು ಮನೋಜ್, ನವದೀಪ್ ಮತ್ತು ಹರ್ಷ ಚೆಮುಡು ಸೇರಿದಂತೆ ಹಲವು ಗಣ್ಯರು ಸಮಾರಂಭದಲ್ಲಿ ಭಾಗವಹಿಸಿ ನವಜೋಡಿಗೆ ಶುಭ ಹಾರೈಸಿದರು.

ಈ ಸಂದರ್ಭದಲ್ಲಿ ರಾಮ್ ಚರಣ್ ಕೂಡ ಫೋಟೋ ಹಂಚಿಕೊಂಡು, "ಆತ್ಮೀಯ ಸಾಯಿ ಧರಮ್ ತೇಜ್ ಮತ್ತು ಕಿರಣ್ ಅವರಿಗೆ ಈ ಸುಂದರ ಹೊಸ ಆರಂಭದ ಹೃತ್ಪೂರ್ವಕ ಶುಭಾಶಯಗಳು. ನಿಮ್ಮಿಬ್ಬರ ಜೀವನದಲ್ಲಿ ಅಪಾರ ಪ್ರೀತಿ, ಅನ್ಯೋನ್ಯತೆ ಮತ್ತು ಜೀವನಪರ್ಯಂತ ಸಂತೋಷ ತುಂಬಿರಲಿ. ನಿಮ್ಮಿಬ್ಬರಿಗಾಗಿ ತುಂಬಾ ಖುಷಿಯಾಗುತ್ತಿದೆ" ಎಂದು ಬರೆದುಕೊಂಡಿದ್ದರು.

ಕೊನಿಡೇಲ ಕುಟುಂಬದ ಕುಡಿ ಸಾಯಿ ದುರ್ಗಾ ತೇಜ್

ಸಾಯಿ ದುರ್ಗಾ ತೇಜ್ ಅವರು ತೆಲುಗು ಚಿತ್ರರಂಗದ ಪ್ರಭಾವಿ ಕೊನಿಡೇಲ ಕುಟುಂಬಕ್ಕೆ ಸೇರಿದವರು. ಅವರು ಚಿರಂಜೀವಿ ಅವರ ಸಹೋದರಿ ವಿಜಯ ದುರ್ಗಾ ಅವರ ಪುತ್ರ. ನಟ ಹಾಗೂ ರಾಜಕಾರಣಿ ಪವನ್ ಕಲ್ಯಾಣ್ ಮತ್ತು ನಟ ನಾಗಬಾಬು ಅವರಿಗೆ ಸೋದರಳಿಯರಾಗಿದ್ದಾರೆ.

ನಟ ರಾಮ್ ಚರಣ್, ವರುಣ್ ತೇಜ್ ಮತ್ತು ನಿಹಾರಿಕಾ ಕೊನಿಡೇಲ ಅವರು ಸಾಯಿ ದುರ್ಗಾ ತೇಜ್ ಅವರ ಸೋದರ ಸಂಬಂಧಿಗಳು. ಅಲ್ಲು ಅರ್ಜುನ್ ಕೂಡ ವಿಸ್ತೃತ ಅಲ್ಲು-ಕೊನಿಡೇಲ ಕುಟುಂಬದ ಸದಸ್ಯರಾಗಿದ್ದಾರೆ.

ಇದನ್ನೂ ಓದಿ: Bigg Boss Kannada 13: ‘ಬಿಗ್‌ ಬಾಸ್‌’ ಗಾನವಿ ಗೌಡ ಫ್ಯಾಮಿಲಿ ವಿಚಾರ ರಿವೀಲ್‌ ಮಾಡಿದ ಕಿಚ್ಚ!

ಒಟ್ಟಿನಲ್ಲಿ, ನಿಶ್ಚಿತಾರ್ಥದ ಸಂಭ್ರಮದ ಬೆನ್ನಲ್ಲೇ ಭಾವಿ ಪತ್ನಿ ಕಿರಣ್ ಜೊತೆಗಿನ ಮೊದಲ ರೊಮ್ಯಾಂಟಿಕ್ ಫೋಟೋ ಹಂಚಿಕೊಂಡಿರುವ ಸಾಯಿ ದುರ್ಗಾ ತೇಜ್, ಅಭಿಮಾನಿಗಳಿಂದ ಪ್ರೀತಿ ಮತ್ತು ಶುಭಾಶಯಗಳನ್ನು ಪಡೆದುಕೊಳ್ಳುತ್ತಿದ್ದಾರೆ. ಈ ಜೋಡಿಯ ಹೊಸ ಜೀವನದ ಪಯಣ ಸುಖಮಯವಾಗಿರಲಿ ಎಂದು ಅಭಿಮಾನಿಗಳು ಹಾರೈಸುತ್ತಿದ್ದಾರೆ.

]]>

ಮಾತೃತ್ವದ ಕನಸಿಗೆ ಹೊಸ ಆಶಾಕಿರಣ: ಬಂಜೆತನಕ್ಕೆ ಆಯುರ್ವೇದದ ಸಮಗ್ರ ಚಿಕಿತ್ಸಾ ವಿಧಾನ

Sun, 08 Nov 2026 13:51:15 +0000

ಡಾ. ಜ್ಯೋತಿಕಾ ಹುಬ್ಳೀಕರ್

32 ವರ್ಷದ ಮಹಿಳೆಯೊಬ್ಬರು ಎರಡನೇ ಮಗುವನ್ನು ಪಡೆಯಲು ಸಾಧ್ಯವಾಗದ ಸಮಸ್ಯೆಯಿಂದ ನಮ್ಮ ಆಸ್ಪತ್ರೆಗೆ ಚಿಕಿತ್ಸೆಗೆ ಆಗಮಿಸಿದರು. ಅವರಿಗೆ ಋತುಚಕ್ರವು ನಿಯಮಿತವಾಗಿದ್ದು, ಸಾಮಾನ್ಯ ಅವಧಿ ಹಾಗೂ ರಕ್ತಸ್ರಾವದ ಪ್ರಮಾಣವನ್ನು ಹೊಂದಿತ್ತು. ಗರ್ಭಪಾತದ ಯಾವುದೇ ಹಿಂದಿನ ಇತಿಹಾಸವಿರಲಿಲ್ಲ. ಇವರಿಗೆ ವಿವಾಹವಾಗಿ ಏಳು ವರ್ಷಗಳಾಗಿದ್ದು, ಐದು ವರ್ಷದ ಹೆಣ್ಣು ಮಗುವಿದೆ. ಮೊದಲ ಹೆರಿಗೆ ಸಿಸೇರಿಯನ್ ಶಸ್ತ್ರಚಿಕಿತ್ಸೆಯ ಮೂಲಕವಾಗಿತ್ತು. ಕಳೆದ ಒಂದೂವರೆ ವರ್ಷದಿಂದ ದಂಪತಿ ಎರಡನೇ ಮಗುವಿಗಾಗಿ ಪ್ರಯತ್ನಿಸುತ್ತಿದ್ದರೂ ಗರ್ಭಧಾರಣೆ ಸಾಧ್ಯವಾಗಿರಲಿಲ್ಲ.

ಸಮಗ್ರ ವೈದ್ಯಕೀಯ ಪರೀಕ್ಷೆ ಹಾಗೂ ಎರಡು ತಿಂಗಳ ಸೂಕ್ತ ಔಷಧೋಪಚಾರದ ನಂತರ, ಇವರಲ್ಲಿ ಅಂಡಾಣು ಬಿಡುಗಡೆಯಾಗುವುದು ತಡವಾಗುತ್ತಿರುವುದು (Delayed Ovulation) ಮತ್ತು ಗರ್ಭಾಶಯದ ಒಳಪದರವು (Endometrium) ತೆಳುವಾಗಿರುವುದು ಕಂಡುಬಂದಿತು. ಗರ್ಭಧಾರಣೆಗೆ ಗರ್ಭಾಶಯದ ಒಳಪದರವು ಸೂಕ್ತ ದಪ್ಪ ಹಾಗೂ ಆರೋಗ್ಯಕರ ಸ್ಥಿತಿಯಲ್ಲಿರುವುದು ಬಹಳ ಮುಖ್ಯ.

ಮಹಿಳೆಯ ಆರೋಗ್ಯ ಸ್ಥಿತಿಯನ್ನು ಪರಿಗಣಿಸಿ, ವೈಯಕ್ತಿಕ ಚಿಕಿತ್ಸಾ ಯೋಜನೆಯನ್ನು ರೂಪಿಸಲಾಯಿತು. ಇದರ ಅಂಗವಾಗಿ ಉತ್ತರಬಸ್ತಿ (Uttara Basti) ಮತ್ತು ನಸ್ಯ (Nasya) ಮುಂತಾದ ಆಯುರ್ವೇದ ಚಿಕಿತ್ಸಾ ವಿಧಾನಗಳನ್ನು ಸತತ ಮೂರು ತಿಂಗಳ ಕಾಲ ನೀಡಲಾಯಿತು. ಮುಟ್ಟಿನ ರಕ್ತಸ್ರಾವ ನಿಂತ ನಂತರ, ಪ್ರತಿ ತಿಂಗಳು ಮೂರು ದಿನಗಳ ಅಂತರದೊಂದಿಗೆ ಆರು ದಿನಗಳ ಕಾಲ ಉತ್ತರಬಸ್ತಿ ಚಿಕಿತ್ಸೆಯನ್ನು ಸಂಪೂರ್ಣ ನಂಜುನಿವಾರಕ ಮುನ್ನೆಚ್ಚರಿಕೆ ಹಾಗೂ ವೈದ್ಯಕೀಯ ಮೇಲ್ವಿಚಾರಣೆಯಲ್ಲಿ ನೀಡಲಾಯಿತು. ಇದರೊಂದಿಗೆ ಸೂಕ್ತವಾದ ಆಂತರಿಕ ಔಷಧೋಪಚಾರವನ್ನೂ ಮುಂದುವರಿಸಲಾಯಿತು.

ಚಿಕಿತ್ಸೆಯ ಜತೆಗೆ ಆರೋಗ್ಯಕರ ಹಾಗೂ ಸಮತೋಲಿತ ಆಹಾರ ಸೇವನೆ, ನಿಯಮಿತ ವ್ಯಾಯಾಮ, ದೈಹಿಕ ಚಟುವಟಿಕೆ ಮತ್ತು ಉತ್ತಮ ಜೀವನಶೈಲಿಯನ್ನು ಅನುಸರಿಸಲು ಸಲಹೆ ನೀಡಲಾಯಿತು. ಅಂಡಾಣು ಬಿಡುಗಡೆಯ ಸಮಯವನ್ನು ತಿಳಿಯಲು ನಿಯಮಿತವಾಗಿ ತಪಾಸಣೆ ಹಾಗೂ ವೈದ್ಯಕೀಯ ಅನುಸರಣೆ ಮಾಡಲಾಯಿತು.

ಮುಂದಿನ ತಪಾಸಣೆಯಲ್ಲಿ ಗರ್ಭಾಶಯದ ಒಳಪದರದ ದಪ್ಪದಲ್ಲಿ ಸುಧಾರಣೆ ಕಂಡುಬಂದಿತು. ನಂತರ ಅಂಡಾಣು ಬಿಡುಗಡೆಯ ಸಮಯವನ್ನು ಗಮನದಲ್ಲಿಟ್ಟುಕೊಂಡು ನೀಡಿದ ಸೂಕ್ತ ಔಷಧೋಪಚಾರದೊಂದಿಗೆ ಮಹಿಳೆಯು ಸಹಜವಾಗಿ ಗರ್ಭಧಾರಣೆ ಹೊಂದಿದರು. ಗರ್ಭಾವಸ್ಥೆಯುದ್ದಕ್ಕೂ ನಿಯಮಿತ ತಪಾಸಣೆ ಹಾಗೂ ವೈದ್ಯಕೀಯ ಮೇಲ್ವಿಚಾರಣೆ ಮಾಡಲಾಯಿತು. ಅಂತಿಮವಾಗಿ 3.2 ಕೆ.ಜಿ. ತೂಕದ ಆರೋಗ್ಯವಂತ ಗಂಡು ಮಗುವಿಗೆ ಜನ್ಮ ನೀಡಿದರು. ಇದರಿಂದ ಕುಟುಂಬದಲ್ಲಿ ಸಂತೋಷದ ವಾತಾವರಣ ನಿರ್ಮಾಣವಾಯಿತು.

ಈ ಪ್ರಕರಣವು ಗರ್ಭಧಾರಣೆಯಲ್ಲಿ ತೊಂದರೆ ಉಂಟಾಗಲು ಕಾರಣವಾಗುವ ಅಂಶಗಳನ್ನು ಆರಂಭದಲ್ಲಿಯೇ ಗುರುತಿಸಿ, ಸೂಕ್ತ ಸಮಯದಲ್ಲಿ ಚಿಕಿತ್ಸೆ ಪಡೆಯುವುದು ಎಷ್ಟು ಮುಖ್ಯ ಎಂಬುದನ್ನು ತಿಳಿಸುತ್ತದೆ. ಅಂಡಾಣು ಬಿಡುಗಡೆಯ ಪ್ರಕ್ರಿಯೆ, ಗರ್ಭಾಶಯದ ಆರೋಗ್ಯ ಮತ್ತು ಅದರ ಒಳಪದರದ ದಪ್ಪವು ಗರ್ಭಧಾರಣೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ಸಮಯೋಚಿತ ತಪಾಸಣೆ, ಸೂಕ್ತ ಚಿಕಿತ್ಸೆ, ಆಹಾರ ಕ್ರಮ, ನಿಯಮಿತ ವ್ಯಾಯಾಮ ಹಾಗೂ ವೈದ್ಯಕೀಯ ಮೇಲ್ವಿಚಾರಣೆಯು ಮಾತೃತ್ವದ ಕನಸಿನತ್ತ ಸಾಗಲು ಸಹಕಾರಿಯಾಗಬಲ್ಲವು.

]]>

13ನೇ ಬಾರಿ ಭದ್ರತಾ ಸಿಬ್ಬಂದಿ ಜತೆ ಪ್ರಧಾನಿ ನರೇಂದ್ರ ಮೋದಿ ದೀಪಾವಳಿ; ಒಂದುಕಾಲದಲ್ಲಿ ನಕ್ಸಲರ ಸ್ವರ್ಗವಾಗಿದ್ದ ಬಸ್ತಾರ್‌ನಲ್ಲಿ ಅರ್ಥಪೂರ್ಣ ಆಚರಣೆ

Sun, 08 Nov 2026 13:13:34 +0000

Yash: ʻಅಂಥ ಕೆಲಸ ಮಾಡಿದ್ರೆ ಹುಷಾರ್..‌ʼ: ಪೈರಸಿ ತಡೆಗೆ ಕೋರ್ಟ್ ಆದೇಶ ಮುಂದಿಟ್ಟು ಖಡಕ್ ಎಚ್ಚರಿಕೆ ಕೊಟ್ಟ 'ರಾಮಾಯಣ' ಟೀಮ್‌!

Sun, 08 Nov 2026 12:46:52 +0000

'ರಾಮಾಯಣ: ಭಾಗ 1' ಚಿತ್ರಮಂದಿರಗಳಲ್ಲಿ ಭರ್ಜರಿಯಾಗಿ ಪ್ರದರ್ಶನ ಕಾಣುತ್ತಿರುವ ಬೆನ್ನಲ್ಲೇ, ಚಿತ್ರತಂಡ ಪೈರಸಿ ವಿರುದ್ಧ ಸಮರ ಸಾರಿದೆ. ಚಿತ್ರಮಂದಿರಗಳ ಒಳಗೆ ಸಿನಿಮಾದ ದೃಶ್ಯಗಳನ್ನು ಅನಧಿಕೃತವಾಗಿ ಮೊಬೈಲ್ ಮೂಲಕ ರೆಕಾರ್ಡ್ ಮಾಡಿ, ಸಾಮಾಜಿಕ ಜಾಲತಾಣಗಳು ಮತ್ತು ಮೆಸೇಜಿಂಗ್ ಆ್ಯಪ್‌ಗಳಲ್ಲಿ ಹಂಚಿಕೊಳ್ಳುತ್ತಿರುವವರ ವಿರುದ್ಧ ಚಿತ್ರತಂಡ ಕೆಂಡಾಮಂಡಲವಾಗಿದ್ದು, ಕಾನೂನು ಕ್ರಮದ ಕಠಿಣ ಎಚ್ಚರಿಕೆಯನ್ನು ನೀಡಿದೆ.

ಕೋರ್ಟ್‌ ಆದೇಶ ನೆನಪಿಸಿದ ಚಿತ್ರತಂಡ

ಈ ಕುರಿತು ಚಿತ್ರತಂಡವು ತನ್ನ ಅಧಿಕೃತ ಸಾಮಾಜಿಕ ಜಾಲತಾಣ ಖಾತೆಗಳಲ್ಲಿ ಮಹತ್ವದ ಪ್ರಕಟಣೆಯೊಂದನ್ನು ಬಿಡುಗಡೆ ಮಾಡಿದೆ. ನಮಿತ್ ಮಲ್ಹೋತ್ರಾ ನಿರ್ಮಾಣದ ಈ ಬಿಗ್ ಬಜೆಟ್ ಸಿನಿಮಾದ ದೃಶ್ಯಗಳನ್ನು ಚಿತ್ರಮಂದಿರಗಳ ಒಳಗೆ ಅನಧಿಕೃತವಾಗಿ ಚಿತ್ರೀಕರಿಸಿ, ಸಾಮಾಜಿಕ ವೇದಿಕೆಗಳಲ್ಲಿ ಹಂಚಿಕೊಳ್ಳುತ್ತಿರುವುದು ಗಂಭೀರವಾಗಿ ಗಮನಕ್ಕೆ ಬಂದಿದೆ ಎಂದು ತಿಳಿಸಿದೆ. ಈ ಕೃತ್ಯವನ್ನು ತಡೆಯಲು ಈಗಾಗಲೇ ಮುಂಬೈ ಹೈಕೋರ್ಟ್ ಆದೇಶ ಹೊರಡಿಸಿರುವುದನ್ನು ಚಿತ್ರತಂಡ ಸಾರ್ವಜನಿಕರ ಗಮನಕ್ಕೆ ತಂದಿದೆ.

ಇದು ನ್ಯಾಯಾಂಗ ನಿಂದನೆಗೂ ಸಮ

ಮುಂಬೈ ಹೈಕೋರ್ಟ್‌ನ 2026ರ ಕಮರ್ಷಿಯಲ್ ಐಪಿ ಸೂಟ್ (ಎಲ್) ಸಂಖ್ಯೆ 37230 ರಲ್ಲಿ, 2 ನವೆಂಬರ್ 2026 ಹಾಗೂ 6 ನವೆಂಬರ್ 2026 ರಂದು ಹೊರಡಿಸಲಾದ ಆದೇಶಗಳನ್ನು ಉಲ್ಲೇಖಿಸಿರುವ ತಂಡ, ಅಧಿಕೃತ ಅನುಮತಿಯಿಲ್ಲದೆ ಚಿತ್ರದ ಯಾವುದೇ ಭಾಗವನ್ನು ರೆಕಾರ್ಡ್ ಮಾಡುವುದು, ಅಪ್‌ಲೋಡ್ ಮಾಡುವುದು, ಹಂಚಿಕೊಳ್ಳುವುದು ಅಥವಾ ಪ್ರಸಾರ ಮಾಡುವುದನ್ನು ಸಂಪೂರ್ಣವಾಗಿ ನಿರ್ಬಂಧಿಸಲಾಗಿದೆ ಎಂದು ಸ್ಪಷ್ಟಪಡಿಸಿದೆ. ಈ ರೀತಿಯ ಕೃತ್ಯವು ಗಂಭೀರ ಹಕ್ಕುಸ್ವಾಮ್ಯ ಉಲ್ಲಂಘನೆಯಾಗಿದ್ದು (ಕಾಪಿರೈಟ್ ಉಲ್ಲಂಘನೆ), ಕೃತಿಸ್ವಾಮ್ಯ ಕಾಯ್ದೆ 1957, ಸಿನಿಮಾಟೋಗ್ರಾಫ್ ಕಾಯ್ದೆ 1952, ಭಾರತೀಯ ನ್ಯಾಯ ಸಂಹಿತೆ (BNS) 2023 ಮತ್ತು ಮಾಹಿತಿ ತಂತ್ರಜ್ಞಾನ (IT) ಕಾಯ್ದೆ 2000 ರ ಅಡಿಯಲ್ಲಿ ಜೈಲು ಶಿಕ್ಷೆ ಹಾಗೂ ದಂಡ ವಿಧಿಸಬಹುದಾದ ಅಪರಾಧವಾಗಿದೆ. ಜೊತೆಗೆ ಇದು ನ್ಯಾಯಾಂಗ ನಿಂದನೆಗೂ ಸಮನಾಗುತ್ತದೆ ಎಂದು ಎಚ್ಚರಿಸಿದೆ.

ದೃಶ್ಯಗಳನ್ನು ಪೋಸ್ಟ್ ಮಾಡಿದರೆ ಕ್ರಮ ಖಚಿತ

ಹೀಗಾಗಿ ಚಿತ್ರಮಂದಿರಗಳಲ್ಲಿ ಸಿನಿಮಾದ ದೃಶ್ಯಗಳನ್ನು ರೆಕಾರ್ಡ್ ಮಾಡುವುದು, ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡುವುದು ಅಥವಾ ಇತರರೊಂದಿಗೆ ಹಂಚಿಕೊಳ್ಳುವುದರಿಂದ ಎಲ್ಲರೂ ದೂರವಿರಬೇಕು ಎಂದು ಕಟ್ಟುನಿಟ್ಟಿನ ಸೂಚನೆ ನೀಡಲಾಗಿದೆ. ಈಗಾಗಲೇ ಇಂತಹ ದೃಶ್ಯಗಳನ್ನು ಪೋಸ್ಟ್ ಮಾಡಿದ್ದರೆ ಅವುಗಳನ್ನು ತಕ್ಷಣವೇ ಅಳಿಸಿಹಾಕಬೇಕು. ಒಂದು ವೇಳೆ ನಿಯಮಗಳನ್ನು ಉಲ್ಲಂಘಿಸಿದರೆ ಯಾವುದೇ ಮುನ್ಸೂಚನೆಯಿಲ್ಲದೆ ಸಂಬಂಧಪಟ್ಟ ಸಾಮಾಜಿಕ ವೇದಿಕೆಗಳು ಹಾಗೂ ಕಾನೂನು ಜಾರಿ ಅಧಿಕಾರಿಗಳಿಗೆ ದೂರು ಸಲ್ಲಿಸಲಾಗುವುದು. ಅಂತಹ ವ್ಯಕ್ತಿಗಳು ಕ್ರಿಮಿನಲ್, ಸಿವಿಲ್ ಮತ್ತು ನ್ಯಾಯಾಂಗ ನಿಂದನೆ ಮೊಕದ್ದಮೆಗಳನ್ನು ಎದುರಿಸಬೇಕಾಗುತ್ತದೆ ಎಂದು ಚಿತ್ರತಂಡ ಕಟುವಾಗಿ ಎಚ್ಚರಿಕೆ ರವಾನಿಸಿದೆ.

ಚಿತ್ರತಂಡ ನೀಡಿರುವ ಎಚ್ಚರಿಕೆ

A clear reminder: Unauthorised recording and sharing of the film is prohibited. https://t.co/28fLMDza4N
— The World Of Ramayana (@WorldOfRamayana) November 7, 2026

ಖ್ಯಾತ ನಿರ್ದೇಶಕ ನಿತೇಶ್ ತಿವಾರಿ ನಿರ್ದೇಶನ ಹಾಗೂ ನಮಿತ್ ಮಲ್ಹೋತ್ರಾ ನಿರ್ಮಾಣದಲ್ಲಿ ಮೂಡಿಬಂದಿರುವ ಈ ಭವ್ಯ ಸಿನಿಮಾದಲ್ಲಿ ರಣಬೀರ್ ಕಪೂರ್ ಶ್ರೀರಾಮನಾಗಿ, ಸಾಯಿ ಪಲ್ಲವಿ ಸೀತೆಯಾಗಿ ಮತ್ತು ರಾಕಿಂಗ್ ಸ್ಟಾರ್ ಯಶ್ ರಾವಣನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಜೊತೆಗೆ ಸನ್ನಿ ಡಿಯೋಲ್ ಹನುಮಂತನಾಗಿ ಹಾಗೂ ರವಿ ದುಬೆ ಲಕ್ಷ್ಮಣನಾಗಿ ನಟಿಸಿದ್ದಾರೆ. ಎರಡು ಭಾಗಗಳಲ್ಲಿ ನಿರ್ಮಾಣವಾಗಿರುವ ಈ ಚಿತ್ರದ ಮೊದಲ ಭಾಗವು ನವೆಂಬರ್ 5 ರಂದು ವಿಶ್ವಾದ್ಯಂತ ಅದ್ಧೂರಿಯಾಗಿ ರಿಲೀಸ್‌ ಆಗಿದೆ.

]]>

Katrina Kaif: ದೀಪಾವಳಿ ಸಂಭ್ರಮದಲ್ಲಿ ಮೊದಲ ಬಾರಿ ಮಗ ವಿಹಾನ್ ಮುಖ ತೋರಿಸಿದ ಕತ್ರಿನಾ ಕೈಫ್ ದಂಪತಿ

Sun, 08 Nov 2026 12:42:04 +0000

ಬಾಲಿವುಡ್‌ನ ಜನಪ್ರಿಯ ಜೋಡಿ ಕತ್ರಿನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ಈ ಬಾರಿಯ ದೀಪಾವಳಿಯನ್ನು ತಮ್ಮ ಕುಟುಂಬದೊಂದಿಗೆ ವಿಶೇಷವಾಗಿ ಆಚರಿಸಿದ್ದಾರೆ. ದೀಪಾವಳಿಯ ಶುಭ ಸಂದರ್ಭದಲ್ಲಿ ದಂಪತಿ ತಮ್ಮ ಮುದ್ದಿನ ಮಗ ವಿಹಾನ್ ಕೌಶಲ್‌ನ ಮುಖವನ್ನು ಮೊದಲ ಬಾರಿಗೆ ಅಭಿಮಾನಿಗಳಿಗೆ ಪರಿಚಯಿಸಿದ್ದಾರೆ. ನವೆಂಬರ್ 7ರಂದು ವಿಹಾನ್ ತನ್ನ ಮೊದಲ ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದು, ಮರುದಿನವೇ ದೀಪಾವಳಿ ಹಬ್ಬದ ಸಂಭ್ರಮದಲ್ಲಿ ಕುಟುಂಬದ ಸುಂದರ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ.

ಕತ್ರಿನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಜಂಟಿಯಾಗಿ ಕುಟುಂಬದ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋಗೆ, "ನಮ್ಮ ಪಾಲಿಗೆ ಈ ಬಾರಿಯ ದೀಪಾವಳಿ ಅತ್ಯಂತ ಪ್ರಕಾಶಮಾನವಾದದ್ದು... ಎಲ್ಲರ ಜೀವನದಲ್ಲೂ ಪ್ರೀತಿ, ಬೆಳಕು ಮತ್ತು ಸಂತೋಷ ತುಂಬಿರಲಿ. ಪ್ರೀತಿಯಿಂದ - ವಿಕ್ಕಿ, ಕತ್ರಿನಾ ಮತ್ತು ವಿಹಾನ್" ಎಂದು ಬರೆದುಕೊಂಡಿದ್ದಾರೆ.

ಹಬ್ಬದ ಉಡುಪಿನಲ್ಲಿ ಮಿಂಚಿದ ಕತ್ರಿನಾ, ವಿಕ್ಕಿ ಮತ್ತು ವಿಹಾನ್

ದೀಪಾವಳಿ ಸಂಭ್ರಮದಲ್ಲಿ ಕತ್ರಿನಾ ಕೈಫ್ ಆಕರ್ಷಕ ಸಾಸಿವೆ ಹಳದಿ ಬಣ್ಣದ ಸಲ್ವಾರ್ ಸೂಟ್ ಧರಿಸಿ ಮಿಂಚಿದ್ದಾರೆ. ಸೂಟ್‌ನಲ್ಲಿ ಸೂಕ್ಷ್ಮವಾದ ಹಾಗೂ ಸುಂದರವಾದ ಕಸೂತಿ ಕೆಲಸವಿದ್ದು, ಅವರ ಸೌಂದರ್ಯಕ್ಕೆ ಮತ್ತಷ್ಟು ಮೆರುಗು ನೀಡಿದೆ. ಕೂದಲನ್ನು ನೈಸರ್ಗಿಕ ಅಲೆಗಳಂತೆ ಬಿಡಿಸಿಕೊಂಡಿದ್ದ ಕತ್ರಿನಾ, ಕಿವಿಗೆ ಸುಂದರವಾದ ಜುಮುಕಿಗಳನ್ನು ಧರಿಸಿ ಸಾಂಪ್ರದಾಯಿಕ ಲುಕ್‌ನಲ್ಲಿ ಗಮನ ಸೆಳೆದಿದ್ದಾರೆ.

ಇನ್ನೊಂದೆಡೆ ವಿಕ್ಕಿ ಕೌಶಲ್ ಐವರಿ ಬಿಳಿ ಬಣ್ಣದ ಸೊಗಸಾದ ಬಂದ್‌ಗಲಾ ಕುರ್ತಾ ಧರಿಸಿದ್ದರು. ಕುರ್ತಾದ ಕಾಲರ್ ಮತ್ತು ಮುಂಭಾಗದಲ್ಲಿ ಚಿನ್ನದ ಬಣ್ಣದ ಕಸೂತಿ ಕೆಲಸ ವಿಶೇಷ ಆಕರ್ಷಣೆಯಾಗಿತ್ತು. ಇದಕ್ಕೆ ಹೊಂದಿಕೆಯಾಗುವ ಬಿಳಿ ಬಣ್ಣದ ಪ್ಯಾಂಟ್ ಧರಿಸಿ ವಿಕ್ಕಿ ಕೂಡ ಸಾಂಪ್ರದಾಯಿಕ ಉಡುಗೆಯಲ್ಲಿ ಕಂಗೊಳಿಸಿದ್ದಾರೆ.

View this post on Instagram

A post shared by Katrina Kaif (@katrinakaif)

ಮುದ್ದಿನ ಮಗ ವಿಹಾನ್ ಕೂಡ ತಂದೆ-ತಾಯಿಗೆ ತಕ್ಕಂತೆ ಹಬ್ಬದ ಉಡುಪಿನಲ್ಲಿ ಮುದ್ದಾಗಿ ಕಾಣಿಸಿಕೊಂಡಿದ್ದಾನೆ. ಐವರಿ ಬಣ್ಣದ ಕುರ್ತಾ-ಪೈಜಾಮದ ಜೊತೆಗೆ ಕಂಗೊಳಿಸುವ ಹಳದಿ ಬಣ್ಣದ ನೆಹರು ಜಾಕೆಟ್ ಧರಿಸಿದ್ದ ವಿಹಾನ್, ತಾಯಿ ಕತ್ರಿನಾ ಅವರ ಉಡುಪಿನ ಬಣ್ಣಕ್ಕೆ ಹೊಂದಿಕೆಯಾಗಿದ್ದಾನೆ. ಮೂವರೂ ಕ್ಯಾಮೆರಾ ಮುಂದೆ ನಗುನಗುತ್ತಾ ಪೋಸ್ ನೀಡಿರುವ ಫೋಟೋ ಅಭಿಮಾನಿಗಳ ಮನ ಗೆದ್ದಿದೆ.

ಮಗನ ನಗುವಿನಲ್ಲಿ ಜೀವನದ ಸಂತೋಷ ಕಾಣುವ ವಿಕ್ಕಿ

ಇತ್ತೀಚೆಗೆ ತಮ್ಮ ಮಗನೊಂದಿಗೆ ಪತ್ನಿ ಕತ್ರಿನಾ ಕಳೆಯುವ ಸಣ್ಣಪುಟ್ಟ ಕ್ಷಣಗಳನ್ನು ನೋಡುವಾಗ ಆಗುವ ಅನುಭವದ ಬಗ್ಗೆ ವಿಕ್ಕಿ ಕೌಶಲ್ ಮನಬಿಚ್ಚಿ ಮಾತನಾಡಿದ್ದಾರೆ.

"ನಿಮ್ಮ ಪತ್ನಿ ಆ ಕ್ಷಣದಲ್ಲಿ ಸಂತೋಷವಾಗಿರುವುದನ್ನು, ನಿಮ್ಮ ಮಗು ನಗುತ್ತಾ ಆಟವಾಡುವುದನ್ನು ಮತ್ತು ನೀವೂ ಅವರೊಂದಿಗೆ ಆ ಕ್ಷಣವನ್ನು ಅನುಭವಿಸುವುದನ್ನು ನೋಡುವಾಗ, ಈ ಕ್ಷಣವನ್ನು ಹಾಗೆಯೇ ನಿಲ್ಲಿಸಿ ಇನ್ನಷ್ಟು ಸಮಯ ಅದರಲ್ಲಿ ಬದುಕಲು ಸಾಧ್ಯವಾಗಿದ್ದರೆ ಎಷ್ಟು ಚೆನ್ನಾಗಿರುತ್ತಿತ್ತು ಎಂದು ಅನಿಸುತ್ತದೆ. ಅದು ನಿಜಕ್ಕೂ ಅದ್ಭುತ ಅನುಭವ. ಇಂತಹ ಕ್ಷಣಗಳು ಮನುಷ್ಯನನ್ನು ಭಾವನಾತ್ಮಕವಾಗಿ ಇನ್ನಷ್ಟು ಸೂಕ್ಷ್ಮವಾಗಿಸುತ್ತವೆ" ಎಂದು ವಿಕ್ಕಿ ಹೇಳಿದ್ದಾರೆ.

"ಅದೇ ಸಮಯದಲ್ಲಿ, ಇದು ಮನುಷ್ಯನ ಜವಾಬ್ದಾರಿಯನ್ನೂ ಹೆಚ್ಚಿಸುತ್ತದೆ. ಈಗ ನೀವು ಇತರರಿಗೆ ಹೇಳುವ ಮಾತುಗಳನ್ನು ನಿಮ್ಮ ಜೀವನದಲ್ಲೂ ಪಾಲಿಸಬೇಕಾಗುತ್ತದೆ" ಎಂದು ವಿಕ್ಕಿ ತಿಳಿಸಿದ್ದಾರೆ. ಹರಿತ್ ಜವೇರಿ ಜ್ಯುವೆಲ್ಲರ್ಸ್‌ನ ಯೂಟ್ಯೂಬ್ ಚಾನೆಲ್‌ನಲ್ಲಿ ಹಂಚಿಕೊಂಡಿದ್ದ ಸಂದರ್ಶನವೊಂದರಲ್ಲಿ ಅವರು ಈ ಮಾತುಗಳನ್ನು ಹೇಳಿದ್ದಾರೆ.

2025ರ ನವೆಂಬರ್‌ನಲ್ಲಿ ಜನಿಸಿದ್ದ ವಿಹಾನ್

ವಿಕ್ಕಿ ಕೌಶಲ್ ಮತ್ತು ಕತ್ರಿನಾ ಕೈಫ್ ದಂಪತಿ 2025ರ ನವೆಂಬರ್ 7ರಂದು ತಮ್ಮ ಮೊದಲ ಮಗುವಿನ ಆಗಮನದ ಸುದ್ದಿಯನ್ನು ಇನ್‌ಸ್ಟಾಗ್ರಾಮ್ ಮೂಲಕ ಹಂಚಿಕೊಂಡಿದ್ದರು."ನಮ್ಮ ಮನೆಗೆ ಸಂತೋಷದ ಕಂದಮ್ಮನ ಆಗಮನವಾಗಿದೆ. ಅಪಾರ ಪ್ರೀತಿ ಮತ್ತು ಕೃತಜ್ಞತೆಯೊಂದಿಗೆ ನಮ್ಮ ಗಂಡು ಮಗುವನ್ನು ಸ್ವಾಗತಿಸುತ್ತೇವೆ" ಎಂದು ದಂಪತಿ ಪೋಸ್ಟ್ ಮಾಡಿದ್ದರು.

ನಂತರ 2026ರ ಜನವರಿಯಲ್ಲಿ ತಮ್ಮ ಮಗನ ಹೆಸರನ್ನು ಬಹಿರಂಗಪಡಿಸಿದ್ದ ಈ ಜೋಡಿ, ಮಗನಿಗೆ ವಿಹಾನ್ ಕೌಶಲ್ ಎಂದು ನಾಮಕರಣ ಮಾಡಿರುವುದಾಗಿ ತಿಳಿಸಿದ್ದರು.

ಇದೀಗ ದೀಪಾವಳಿಯ ಶುಭ ಸಂದರ್ಭದಲ್ಲಿ ಮಗನ ಮುಖವನ್ನು ಅಭಿಮಾನಿಗಳಿಗೆ ಪರಿಚಯಿಸಿರುವ ಕತ್ರಿನಾ ಮತ್ತು ವಿಕ್ಕಿ ದಂಪತಿಯ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಅಭಿಮಾನಿಗಳ ಗಮನ ಸೆಳೆಯುತ್ತಿದೆ. ಪುಟ್ಟ ವಿಹಾನ್‌ನ ಮೊದಲ ಹುಟ್ಟುಹಬ್ಬದ ಸಂಭ್ರಮದ ಜೊತೆಗೆ ಈ ಬಾರಿಯ ದೀಪಾವಳಿ ಕೌಶಲ್ ಕುಟುಂಬಕ್ಕೆ ನಿಜಕ್ಕೂ ವಿಶೇಷವಾಗಿದೆ.

]]>

ಬೆಂಗಳೂರು ಬಳಿಕ ಕಲಬುರಗಿಯಲ್ಲೂ ರುಬ್ಬುಕಲ್ಲಿನಿಂದ ಹತ್ಯೆ; ಪತಿಯ ಮರ್ಮಾಂಗಕ್ಕೆ ಒದ್ದು ಭೀಕರವಾಗಿ ಕೊಂದ ಪತ್ನಿ, ಪ್ರಿಯಕರ

Sun, 08 Nov 2026 12:15:33 +0000

ಕಲಬುರಗಿ, ನ. 8: ಬೆಂಗಳೂರಿನಲ್ಲಿ ಕ್ಯಾಬ್ ಡ್ರೈವರ್‌ ಇಂದುಶೇಖರ್‌ ರುಬ್ಬುಕಲ್ಲಿನಿಂದ ತಲೆ ಜಜ್ಜಿ 7 ಮಂದಿಯನ್ನು ಹತ್ಯೆಗೈದ ಪ್ರಕರಣ ರಾಜ್ಯವನ್ನೇ ಬೆಚ್ಚಿಬೀಳಿಸಿದ ಬೆನ್ನಿಗೆ ಅಂತಹದ್ದೇ ಮತ್ತೊಂದು ಭೀಕರ ಕೊಲೆ ದೂರದ ಕಲಬುರಗಿಯಲ್ಲಿ ನಡೆದಿದೆ. ಪತ್ನಿ ತನ್ನ ಪ್ರಿಯಕರನೊಂದಿಗೆ ಸೇರಿ ಪತಿಯ ಮರ್ಮಾಂಗಕ್ಕೆ ಒದ್ದು, ರುಬ್ಬುಕಲ್ಲಿನಿಂದ ಜಜ್ಜಿ ಭೀಕರವಾಗಿ ಕೊಲೆ ಮಾಡಿರುವ ಘಟನೆ ಕಲಬುರಗಿಯಲ್ಲಿ ಬೆಳಕಿಗೆ ಬಂದಿದೆ (Kalaburagi Crime). ಸದ್ಯ ಮಹಿಳೆ ಮತ್ತು ಆಕೆಯ ಪ್ರಿಯಕರನನ್ನು ಬಂಧಿಸಲಾಗಿದೆ. ಮೃತನನ್ನು ಸಿದ್ದರಾಮ ಎಂದು ಗುರುತಿಸಲಾಗಿದೆ.

ಕೊಲೆ ಮಾಡಿದ ಸಿದ್ದರಾಮ ಅವರ ಪತ್ನಿ ಅಂಬಿಕಾ ಮತ್ತು ಆಕೆಯ ಪ್ರಿಯಕರ ಮಾರುತಿಯನ್ನು ಸದ್ಯ ಪೊಲೀಸರು ಬಂಧಿಸಿದ್ದಾರೆ. ಮಾರುತಿ ಜತೆ ಅಂಬಿಕಾ ಇರುವುದನ್ನು ಸಿದ್ದರಾಮ ಗಮನಿಸಿದ್ದರಿಂದ ಕೊಲೆ ಮಾಡಲಾಗಿದೆ ಎಂದು ಮೂಲಗಳು ತಿಳಿಸಿವೆ.

ಘಟನೆ ವಿವರ

ಮೈಮೇಲೆ ಗಾಯದ ಗುರುತು ಬೀಳದಂತೆ ಸಿದ್ದರಾಮನ ಕೊಲೆ ಮಾಡಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ಕೊಲೆ ಮಾಡಿದ ಬಳಿಕ ಮಂಚದ ಮೇಲೆ ಡೆಡ್ ಬಾಡಿ ಹಾಕಿ ಸಹಜ ಸಾವು ಎಂಬಂತೆ ಬಿಂಬಿಸಲು ಮುಂದಾದ ಜೋಡಿ ಇದೀಗ ಕೊನೆಗೂ ಸಿಕ್ಕಿ ಬಿದ್ದಿದೆ. ಅಂಬಿಕಾ ಮತ್ತು ಪ್ರಿಯಕರ ಮಾರುತಿ ಸೇರಿ ಪತಿ ಸಿದ್ದರಾಮನ ಮರ್ಮಾಂಗಕ್ಕೆ ಒದ್ದು, ರುಬ್ಬುಕಲ್ಲಿನಿಂದ ಜಜ್ಜಿ ಕೊಲೆ ಮಾಡಲಾಗಿದೆ. ಮೈಮೇಲೆ ಗಾಯದ ಗುರುತು ಮೂಡದಂತೆ ಈ ಕೊಲೆ ನಡೆದಿತ್ತು.

ಬಾಲಕಿ ಮೇಲೆ ಅತ್ಯಾಚಾರ ಎಸಗಿ ಗರ್ಭಿಣಿ ಮಾಡಿದ 65 ವರ್ಷದ ವೃದ್ಧ

ನವೆಂಬರ್ 3ರಂದು ರಾತ್ರಿ ಸಿದ್ದರಾಮಗೆ ನಿದ್ರೆ ಮಾತ್ರ ಕೊಟ್ಟಿದ್ದ ಅಂಬಿಕಾ ಬಳಿಕ ಮಾರುತಿಯನ್ನು ಮನೆಗೆ ಕರೆಸಿದ್ದಾಳೆ. ಅಂಬಿಕಾ ಜತೆ ಮಾರುತಿ ರಾತ್ರಿ ಇಡಿ ಕಳೆದಿದ್ದಾನೆ. ನವೆಂಬರ್ 4ರಂದು ಮುಂಜಾನೆ ಎಚ್ಚರಗೊಂಡ ಪತಿ ಸಿದ್ದರಾಮ ಪತ್ನಿ ಅಂಬಿಕಾ ಜತೆ ಮಾರುತಿ ಮಲಗಿರುವುದು ಕಂಡು ಕೋಪಗೊಂಡಿದ್ದಾನೆ. ಅಲ್ಲದೆ ಜಗಳ ತೆಗೆದಿದ್ದಾನೆ. ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದ ಹಿನ್ನೆಲೆಯಲ್ಲಿ ಮಾರುತಿ ಮತ್ತು ಅಂಬಿಕಾ ಸೇರಿ ಸಿದ್ದರಾಮನನ್ನು ಕೊಲೆ ಮಾಡಿದ್ದಾರೆ ಎಂದು ಪೊಲೀಸರು ವಿವರಿಸಿದ್ದಾರೆ.

ಇನ್ನಷ್ಟು ಕ್ರೈಂ ಸುದ್ದಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ.

ʼಪ್ರವಾಸಿ ಪ್ರಪಂಚʼ ವೆಬ್‌ಸೈಟ್‌ಗೆ ಭೇಟಿ ನೀಡಲು ಇಲ್ಲಿ ಕ್ಲಿಕ್‌ ಮಾಡಿ.

]]>

ಹಿರಿಯ ನಟ ಶಶಿಕುಮಾರ್ ಪುತ್ರ ಆದಿತ್ಯ ಅಭಿನಯದ ‘ರಾಶಿ’ ಚಿತ್ರದ ಟ್ರೇಲರ್‌ ಬಿಡುಗಡೆ; ನವೆಂಬರ್ 13ಕ್ಕೆ ತೆರೆಗೆ

Sun, 08 Nov 2026 11:57:15 +0000

ಹಿರಿಯ ನಟ ಶಶಿಕುಮಾರ್ ಅವರ ಪುತ್ರ ಆದಿತ್ಯ ಶಶಿಕುಮಾರ್ ನಾಯಕನಾಗಿ ನಟಿಸಿರುವ ‘ರಾಶಿ’ ಚಿತ್ರದ ಟ್ರೇಲರ್ ರಿಲೀಸ್‌ ಆಗಿದೆ. ಈ ಸಮಾರಂಭದಲ್ಲಿ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದ ಹಿರಿಯ ನಟ ಶಶಿಕುಮಾರ್ ಹಾಗೂ ಖ್ಯಾತ ಹಿರಿಯ ನಟಿ ತಾರಾ ಅನುರಾಧಾ ಅವರು ಚಿತ್ರದ ಟ್ರೇಲರ್ ಅನಾವರಣಗೊಳಿಸಿ, ಇಡೀ ಚಿತ್ರತಂಡಕ್ಕೆ ಶುಭ ಹಾರೈಸಿದರು. ಡಿ ಬೀಟ್ಸ್ ಸಂಸ್ಥೆಯ ಮುಖ್ಯಸ್ಥೆ ಶೈಲಜಾ ನಾಗ್ ಅವರ ಉಪಸ್ಥಿತಿಯಲ್ಲಿ ನಡೆದ ಈ ಕಾರ್ಯಕ್ರಮದಲ್ಲಿ ಗಣ್ಯರೆಲ್ಲರೂ ಚಿತ್ರವು ದೊಡ್ಡ ಮಟ್ಟದ ಯಶಸ್ಸು ಕಾಣಲೆಂದು ಆಶಿಸಿದರು.

ತಾಯಿ ಮತ್ತು ಮಗನ ನಡುವಿನ ಗಾಢವಾದ ಪ್ರೀತಿ

ಅಖಿಲೇಶ್ ನಿರ್ಮಾಣದ ಈ ಚಿತ್ರಕ್ಕೆ ವಿಜಯ್ ಪಾಳೇಗಾರ್ ಕಥೆ, ಚಿತ್ರಕಥೆ ಹೆಣೆದು ನಿರ್ದೇಶನ ಮಾಡುವುದರ ಜೊತೆಗೆ ಸಂಗೀತ ನಿರ್ದೇಶನದ ಜವಾಬ್ದಾರಿಯನ್ನೂ ಹೊತ್ತಿದ್ದಾರೆ. ಡಿ ಬೀಟ್ಸ್ ಸಂಸ್ಥೆಯ ಮೂಲಕ ಬಿಡುಗಡೆಯಾಗಿರುವ ಚಿತ್ರದ ಹಾಡುಗಳು ಈಗಾಗಲೇ ಸಂಗೀತ ಪ್ರೇಮಿಗಳ ಗಮನ ಸೆಳೆದು ಜನಪ್ರಿಯತೆ ಗಳಿಸಿವೆ. ತಾಯಿ ಮತ್ತು ಮಗನ ನಡುವಿನ ಗಾಢವಾದ ಪ್ರೀತಿ, ಅವಿನಾಭಾವ ಬಾಂಧವ್ಯ ಹಾಗೂ ಕೌಟುಂಬಿಕ ಸಂಬಂಧಗಳ ಎಳೆಯನ್ನಿಟ್ಟುಕೊಂಡು ಈ ಚಿತ್ರವನ್ನು ಕಟ್ಟಿಕೊಡಲಾಗಿದೆ. ನಾಯಕ ಆದಿತ್ಯ ಶಶಿಕುಮಾರ್ 'ಶಿವು' ಎಂಬ ಮುಗ್ಧ ಹಳ್ಳಿಯ ಹುಡುಗನಾಗಿ ಕಾಣಿಸಿಕೊಂಡಿದ್ದರೆ, ನಾಯಕಿ ಸಮೀಕ್ಷಾ 'ರಾಧ್ಯಾ' ಎಂಬ ಕಾಲೇಜು ಯುವತಿಯಾಗಿ ಬಣ್ಣಹಚ್ಚಿದ್ದಾರೆ.

ಟ್ರೇಲರ್ ಬಿಡುಗಡೆ ಸಮಾರಂಭದಲ್ಲಿ ಮಾತನಾಡಿದ ನಿರ್ಮಾಪಕ ಅಖಿಲೇಶ್, ಸಿನಿಮಾ ಮೇಲಿನ ಅಪಾರ ಪ್ರೀತಿಯಿಂದ ಈ ಯೋಜನೆ ಕೈಗೆತ್ತಿಕೊಂಡಿದ್ದು, ಇಡೀ ತಂಡ ಶ್ರದ್ಧೆಯಿಂದ ಶ್ರಮಿಸಿದೆ ಎಂದರು. ಆರಂಭದಿಂದಲೂ ನಟ ಶಶಿಕುಮಾರ್ ಅವರು ಬೆನ್ನೆಲುಬಾಗಿ ನಿಂತು ಮಾರ್ಗದರ್ಶನ ನೀಡಿದ್ದನ್ನು ಸ್ಮರಿಸಿದ ಅವರು, ಶೈಲಜಾ ನಾಗ್ ಅವರ ಸಲಹೆ-ಸಹಕಾರ ಹಾಗೂ ಕಾರ್ಯಕ್ರಮಕ್ಕೆ ಆಗಮಿಸಿದ ನಟಿ ತಾರಾ ಅನುರಾಧಾ ಅವರಿಗೆ ಕೃತಜ್ಞತೆ ಸಲ್ಲಿಸಿದರು. ಬಳಿಕ ಮಾತನಾಡಿದ ನಿರ್ದೇಶಕ ಹಾಗೂ ಸಂಗೀತ ನಿರ್ದೇಶಕ ವಿಜಯ್ ಪಾಳೇಗಾರ್, ಕಾಲೇಜು ದಿನಗಳ ಕನಸನ್ನು ಈ ಚಿತ್ರದ ಮೂಲಕ ಸಾಕಾರಗೊಳಿಸಿಕೊಂಡಿದ್ದು, ತಾಯಿ-ಮಗನ ಎಮೋಷನಲ್ ಕಥೆಯನ್ನು ಇಲ್ಲಿ ಹೇಳಲಾಗಿದೆ, ಟ್ರೇಲರ್‌ನಲ್ಲಿ ಕೇವಲ ಝಲಕ್ ಮಾತ್ರ ತೋರಿಸಲಾಗಿದ್ದು, ಚಿತ್ರಮಂದಿರದಲ್ಲಿ ಪ್ರೇಕ್ಷಕರಿಗೆ ಸಂಪೂರ್ಣ ಮನರಂಜನೆ ಸಿಗಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.

ಶಶಿಕುಮಾರ್‌ ಪುತ್ರ ಆದಿತ್ಯ ಅಭಿನಯದ ‘ರಾಶಿ’ ಚಿತ್ರದ ಹಾಡಿಗೆ ಬಾಲಿವುಡ್‌ ಗಾಯಕ ಅರ್ಮಾನ್‌ ಮಲಿಕ್‌ ಧ್ವನಿ; ‘ಮೊದಲ ಪ್ರೀತಿ’ ಸಾಂಗ್‌ಗೆ ಉತ್ತಮ ರೆಸ್ಪಾನ್ಸ್‌

ಆದಿತ್ಯಗೆ ಹಳ್ಳಿ ಹುಡುಗನ ಪಾತ್ರ

ತಮ್ಮ ಪಾತ್ರದ ಕುರಿತು ಮಾತನಾಡಿದ ನಾಯಕ ನಟ ಆದಿತ್ಯ ಶಶಿಕುಮಾರ್, "ತಂದೆಯ ಸಾಧನೆಯೇ ತಮಗೆ ಸದಾ ಸ್ಫೂರ್ತಿಯಾಗಿದ್ದು, ಅವರಂತೆಯೇ ಚಿತ್ರರಂಗದಲ್ಲಿ ತಮ್ಮದೇ ಆದ ಛಾಪು ಮೂಡಿಸುವ ಹಂಬಲವಿದೆ. ಚಿತ್ರದಲ್ಲಿನ ಮುಗ್ಧ ಹಳ್ಳಿ ಹುಡುಗನ ಪಾತ್ರ, ತಾಯಿಯ ಮಮತೆ ಮತ್ತು ಪ್ರೇಯಸಿಯ ಪ್ರೀತಿಯ ನಡುವೆ ಸಾಗುವ ಭಾವನಾತ್ಮಕ ತಿಕ್ಕಾಟ ಪ್ರೇಕ್ಷಕರನ್ನು ಕಟ್ಟಿಹಾಕಲಿದೆ" ಎಂದು ಹಂಚಿಕೊಂಡರು.

ವೀಣಾ ಸುಂದರ್‌ಗೆ ಧನ್ಯವಾದ ಹೇಳಿದ್ದೇಕೆ?

ನಾಯಕಿ ಸಮೀಕ್ಷಾ ಮಾತನಾಡಿ, "ಕಿರುತೆರೆಯಿಂದ ಬೆಳ್ಳಿತೆರೆಗೆ ಪ್ರವೇಶಿಸಿರುವುದು ಸಂತಸ ತಂದಿದೆ, ಹದಿಹರೆಯದಲ್ಲಿ ಕೈಗೊಳ್ಳುವ ತೀರ್ಮಾನಗಳು ಬದುಕಿನ ಮೇಲೆ ಬೀರುವ ಪರಿಣಾಮಗಳ ಸುತ್ತ ತಮ್ಮ ಪಾತ್ರ ಸಾಗುತ್ತದೆ ಎಂದು ತಿಳಿಸಿ, ತಮಗೆ ಮಾರ್ಗದರ್ಶನ ನೀಡಿದ ನಟಿ ವೀಣಾ ಸುಂದರ್ ಅವರಿಗೆ ಧನ್ಯವಾದ" ಎಂದರು.

ನಟ ಶಶಿಕುಮಾರ್‌ ಹೇಳಿದ್ದೇನು?

ಮುಖ್ಯ ಅತಿಥಿಯಾಗಿ ಮಾತನಾಡಿದ ಹಿರಿಯ ನಟ ಶಶಿಕುಮಾರ್, "ಚಿತ್ರದ ಟ್ರೇಲರ್‌ನಲ್ಲಿ ಹಳ್ಳಿಯ ಸಹಜ ಸೊಗಡು, ಆಕರ್ಷಕ ವೇಷಭೂಷಣ, ಲವಲವಿಕೆಯ ಹಾಸ್ಯ ಹಾಗೂ ಕುಟುಂಬ ಸಮೇತ ನೋಡಬಹುದಾದ ಸನ್ನಿವೇಶಗಳು ಎದ್ದು ಕಾಣುತ್ತಿವೆ. ದ್ವಿತೀಯಾರ್ಧದ ಭಾವನಾತ್ಮಕ ಸನ್ನಿವೇಶಗಳು ಮತ್ತು ಕ್ಲೈಮ್ಯಾಕ್ಸ್ ಪ್ರೇಕ್ಷಕರ ಹೃದಯ ಮುಟ್ಟಲಿದ್ದು, ಹೊಸ ಪ್ರಯತ್ನದೊಂದಿಗೆ ಬಂದಿರುವ ಪುತ್ರ ಆದಿತ್ಯನಿಗೆ ಹಾಗೂ ಕನ್ನಡ ಚಿತ್ರಕ್ಕೆ ಪ್ರೇಕ್ಷಕರು ಬೆಂಬಲ ನೀಡಬೇಕು" ಎಂದು ಮನವಿ ಮಾಡಿದರು.

ಕಾರ್ಯಕ್ರಮದಲ್ಲಿ ಹಿರಿಯ ನಟಿ ವೀಣಾ ಸುಂದರ್, ನಟರಾದ ತಬಲಾ ನಾಣಿ, ಮಂಜು ಪಾವಗಡ, ಹುಲಿ ಕಾರ್ತಿಕ್, ವಿನೋದ್ ಗೊಬ್ಬರಗಾಲ, ಉಗ್ರಂ ರವಿ, ಭಜರಂಗಿ ಪ್ರಸನ್ನ ಸೇರಿದಂತೆ ಚಿತ್ರದ ಪ್ರಮುಖ ಕಲಾವಿದರು ಮತ್ತು ತಂತ್ರಜ್ಞರು ಹಾಜರಿದ್ದು ತಮ್ಮ ಅನುಭವಗಳನ್ನು ಹಂಚಿಕೊಂಡರು. ಕೌಟುಂಬಿಕ ಪ್ರೇಕ್ಷಕರನ್ನು ಸೆಳೆಯಲು ಸಜ್ಜಾಗಿರುವ ‘ರಾಶಿ’ ಚಿತ್ರವು ನವೆಂಬರ್ 13ರಂದು ರಾಜ್ಯಾದ್ಯಂತ ಚಿತ್ರಮಂದಿರಗಳಲ್ಲಿ ಅದ್ದೂರಿಯಾಗಿ ತೆರೆಕಾಣಲಿದೆ.

]]>

ದೇವಿರಮ್ಮ ಬೆಟ್ಟದ ತುದಿಯಲ್ಲಿ ದುರಂತ: ಸುರಕ್ಷತಾ ಕಂಬಿ ಮುರಿದು ಬಿದ್ದು 20ಕ್ಕೂ ಹೆಚ್ಚು ಭಕ್ತರಿಗೆ ಗಂಭೀರ ಗಾಯ!

Sun, 08 Nov 2026 11:51:46 +0000

ಚಿಕ್ಕಮಗಳೂರು: ದೀಪಾವಳಿ ಹಬ್ಬದ ಹಿನ್ನೆಲೆಯಲ್ಲಿ ಪ್ರಸಿದ್ಧ ಬಿಂಡಿಗ ದೇವಿರಮ್ಮ (Deviramma Hill) ಬೆಟ್ಟದಲ್ಲಿ ಭಕ್ತರ ದರ್ಶನದ ವೇಳೆ ಭೀಕರ ದುರಂತವೊಂದು ಸಂಭವಿಸಿದೆ. ಬೆಟ್ಟದ ತುದಿಯಲ್ಲಿ ಅಳವಡಿಸಲಾಗಿದ್ದ ಕಬ್ಬಿಣದ ಸುರಕ್ಷತಾ ಕಂಬಿ (ರೈಲಿಂಗ್) ದಿಢೀರ್ ಮುರಿದುಬಿದ್ದ ಪರಿಣಾಮ, ಓರ್ವ ಬಾಲಕ ಸೇರಿದಂತೆ 20ಕ್ಕೂ ಹೆಚ್ಚು ಭಕ್ತರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ವರ್ಷಕ್ಕೊಮ್ಮೆ ಮಾತ್ರ ತೆರೆಯುವ ದೇವಿರಮ್ಮನ ದರ್ಶನ ಪಡೆಯಲು ದೀಪಾವಳಿ ಅಂಗವಾಗಿ ಲಕ್ಷಾಂತರ ಭಕ್ತರು ಬೆಟ್ಟಕ್ಕೆ ಹರಿದುಬಂದಿದ್ದರು.

ಕಿರಿದಾದ ಕಡಿದಾದ ಹಾದಿಯಲ್ಲಿ ನಿರೀಕ್ಷೆಗೂ ಮೀರಿ ಭಕ್ತರ ಸಂಖ್ಯೆ ಹೆಚ್ಚಾಗಿದ್ದರಿಂದ, ಬೆಟ್ಟದ ತುದಿಯಲ್ಲಿದ್ದ ಕಬ್ಬಿಣದ ಸುರಕ್ಷತಾ ಕಂಬಿಯ ಮೇಲೆ ಭಾರ ತಡೆಯಲಾರದಷ್ಟು ಒತ್ತಡ ಉಂಟಾಗಿದೆ. ಪರಿಣಾಮವಾಗಿ ಕಂಬಿ ಮುರಿದುಬಿದ್ದಿದೆ. ಕಂಬಿ ಮುರಿದ ತಕ್ಷಣ ನಿಯಂತ್ರಣ ತಪ್ಪಿದ ಭಕ್ತರು ಕಡಿದಾದ ಹಾದಿಯಲ್ಲಿ ಒಬ್ಬರ ಮೇಲೊಬ್ಬರು ಉರುಳಿ ಬಿದ್ದಿದ್ದಾರೆ. ಸ್ಥಳದಲ್ಲಿ ತಕ್ಷಣವೇ ಕಾಲ್ತುಳಿತದಂತಹ ಪರಿಸ್ಥಿತಿ ನಿರ್ಮಾಣವಾಗಿದ್ದು, ಭಕ್ತರು ಪ್ರಾಣಭಯದಿಂದ ಚೀರಾಡಿದ್ದಾರೆ. ಗಾಯಗೊಂಡವರಲ್ಲಿ ಹಲವರಿಗೆ ತಲೆ ಹಾಗೂ ಕೈಕಾಲುಗಳಿಗೆ ತೀವ್ರ ಪೆಟ್ಟಾಗಿದೆ.

ಘಟನೆ ಸಂಭವಿಸುತ್ತಿದ್ದಂತೆ ಸ್ಥಳದಲ್ಲಿದ್ದ ಅಗ್ನಿಶಾಮಕ ದಳದ ಸಿಬ್ಬಂದಿ, ಪೊಲೀಸರು ಹಾಗೂ ಸ್ವಯಂಸೇವಕರು ತಕ್ಷಣವೇ ರಕ್ಷಣಾ ಕಾರ್ಯಾಚರಣೆಯಲ್ಲಿ ತೊಡಗಿದ್ದಾರೆ. ಗಾಯಾಳುಗಳನ್ನು ಸ್ಟ್ರೆಚರ್ ಹಾಗೂ ಹೆಗಲ ಮೇಲೆ ಹೊತ್ತು ಬೆಟ್ಟದಿಂದ ಕೆಳಗಿಳಿಸಲಾಗುತ್ತಿದ್ದು, ಹೆಚ್ಚಿನ ಚಿಕಿತ್ಸೆಗಾಗಿ ಜಿಲ್ಲಾಸ್ಪತ್ರೆಗೆ ರವಾನಿಸಲಾಗುತ್ತಿದೆ. ಇದಕ್ಕೂ ಮುನ್ನ, ಮುಂಜಾನೆ ಬೆಟ್ಟ ಏರುತ್ತಿದ್ದ ಬೆಂಗಳೂರು ಮೂಲದ ಲಕ್ಷ್ಮಣ್ ಎಂಬ ಭಕ್ತರೊಬ್ಬರು ಹೃದಯಾಘಾತದಿಂದ ದಾರಿ ಮಧ್ಯದಲ್ಲೇ ಮೃತಪಟ್ಟಿದ್ದರು.

ಹೊಸೂರಿನಲ್ಲಿ ಕಟ್ಟಡ ಕಾಮಗಾರಿ ವೇಳೆ ದುರಂತ: ಮೂವರು ಕಾರ್ಮಿಕರು ಸಾವು, ನಾಲ್ವರಿಗೆ ಗಂಭೀರ ಗಾಯ

ಚಿಕ್ಕಮಗಳೂರು ಜಿಲ್ಲೆಯ ಬಿಂಡಿಗ ದೇವಿರಮ್ಮ ದೇವಸ್ಥಾನವು ಕರ್ನಾಟಕದ ಅತ್ಯಂತ ಪವಿತ್ರ ಧಾರ್ಮಿಕ ಕ್ಷೇತ್ರಗಳಲ್ಲಿ ಒಂದಾಗಿದೆ. ಬೆಟ್ಟದ ಮೇಲಿರುವ ದೇವಿರಮ್ಮನ ಗುಡಿಯು ವರ್ಷಕ್ಕೆ ಕೇವಲ ಎರಡು ದಿನ ಮಾತ್ರ (ದೀಪಾವಳಿಯ ನರಕ ಚತುರ್ದಶಿ ಮತ್ತು ಅಮಾವಾಸ್ಯೆಯ ದಿನ) ಭಕ್ತರಿಗಾಗಿ ತೆರೆದಿರುತ್ತದೆ. ಉಳಿದ 363 ದಿನಗಳು ಬೆಟ್ಟದ ಮೇಲೆ ಯಾರಿಗೂ ಪ್ರವೇಶವಿರುವುದಿಲ್ಲ.

]]>

ಬೆಳಗಾವಿಯಲ್ಲಿ ಸಿನಿಮಾ ಸ್ಟೈಲ್ ದರೋಡೆ ಯತ್ನ: 2.68 ಕೋಟಿ ರೂ. ಲೂಟಿಗೆ ಪ್ರಯತ್ನಿಸಿದ ರಮೇಶ್‌ ಜಾರಕಿಹೊಳಿ ಗನ್‌ಮ್ಯಾನ್!

Sun, 08 Nov 2026 10:41:18 +0000

ಬೆಳಗಾವಿ: ರಾಜಕಾರಣಿಯೊಬ್ಬರ ಭದ್ರತಾ ಸಿಬ್ಬಂದಿಯೇ ಸಿನಿಮಾ ಶೈಲಿಯಲ್ಲಿ ದರೋಡೆಗೆ ಸಂಚು ರೂಪಿಸಿ, ಕೋಟ್ಯಂತರ ರೂಪಾಯಿ (Robbery) ಲೂಟಿ ಮಾಡಲು ಯತ್ನಿಸಿದ ರೋಚಕ ಘಟನೆಯೊಂದು ಬೆಳಗಾವಿ ಜಿಲ್ಲೆಯ ಮೂಡಲಗಿಯಲ್ಲಿ ಬೆಳಕಿಗೆ ಬಂದಿದೆ. ಮಾಜಿ ಸಚಿವ ಹಾಗೂ ಶಾಸಕ ರಮೇಶ್ ಜಾರಕಿಹೊಳಿ (Ramesh Jarkiholi) ಅವರ ಗನ್‌ಮ್ಯಾನ್ ಆಗಿದ್ದ ಡಿಆರ್ ಕಾನ್ಸ್‌ಟೇಬಲ್ ಚಿದಾನಂದ ಕುರಬೇಟ್ ಸೇರಿದಂತೆ ಒಟ್ಟು ಏಳು ಜನ ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.

ಬಂಧಿತರಿಂದ ಬರೋಬ್ಬರಿ 2.39 ಕೋಟಿ ರೂ. ನಗದನ್ನು ವಶಪಡಿಸಿಕೊಳ್ಳಲಾಗಿದ್ದು, ಪ್ರಕರಣದ ಮಾಸ್ಟರ್ ಮೈಂಡ್ ಗನ್‌ಮ್ಯಾನ್ ಚಿದಾನಂದನನ್ನು ಸೇವೆಯಿಂದ ಅಮಾನತುಗೊಳಿಸಲಾಗಿದೆ. ಮೂಲಗಳ ಪ್ರಕಾರ, ಗನ್‌ಮ್ಯಾನ್ ಚಿದಾನಂದ ಕುರಬೇಟ್ ದೂರುದಾರರಾದ ಕಲ್ಮೇಶ್ ರಂಗಾಪುರ ಎಂಬುವವರಿಗೆ ಹಣ ದ್ವಿಗುಣಗೊಳಿಸುವ (ಮನಿ ಡಬ್ಲಿಂಗ್) ಆಮಿಷ ಒಡ್ಡಿದ್ದ. 1 ಲಕ್ಷ ರೂ. ನಗದು ನೀಡಿದರೆ, ನಿಮ್ಮ ಬ್ಯಾಂಕ್ ಖಾತೆಗೆ 1.30 ಲಕ್ಷ ರೂ. ಜಮಾ ಮಾಡಲಾಗುವುದು" ಎಂದು ನಂಬಿಸಿದ್ದ. ಈ ಮಾತನ್ನು ಸತ್ಯ ಎಂದು ನಂಬಿದ ಕಲ್ಮೇಶ್, ತಮ್ಮ ಸ್ನೇಹಿತರು ಮತ್ತು ಸಂಬಂಧಿಕರಿಂದ ಒಟ್ಟು 2.68 ಕೋಟಿ ರೂ. ಹಣವನ್ನು ಸಂಗ್ರಹಿಸಿದ್ದರು.

ಅಕ್ಟೋಬರ್ 30ರಂದು ಹಣ ಎಣಿಕೆ ಮಾಡುವ ನೆಪದಲ್ಲಿ ಕಲ್ಮೇಶ್ ಅವರನ್ನು ಮೂಡಲಗಿ ಪಟ್ಟಣದ ನಿರ್ಜನ ಶೆಡ್ ಒಂದಕ್ಕೆ ಕರೆಯಿಸಿಕೊಳ್ಳಲಾಗಿತ್ತು. ಕಲ್ಮೇಶ್ ಹಣದ ಬ್ಯಾಗ್‌ನೊಂದಿಗೆ ಬರುತ್ತಿದ್ದಂತೆ, ಚಿದಾನಂದ ಮೊದಲೇ ಸಿದ್ಧಪಡಿಸಿಟ್ಟಿದ್ದ ದರೋಡೆಕೋರರ ಗ್ಯಾಂಗ್ ಕಣ್ಣಿಗೆ ಖಾರದ ಪುಡಿ ಎರಚಿ, ಹಲ್ಲೆ ನಡೆಸಿ ಹಣವನ್ನು ದೋಚಲು ಯತ್ನಿಸಿದೆ. ದರೋಡೆ ಗ್ಯಾಂಗ್ ದಾಳಿ ನಡೆಸಬಹುದು ಎಂಬ ಅನುಮಾನ ಕಲ್ಮೇಶ್ ಅವರಿಗೆ ಮುಂಚಿತವಾಗಿಯೇ ಇತ್ತು. ಹೀಗಾಗಿ ಅವರು ಮುಂಜಾಗ್ರತಾ ಕ್ರಮವಾಗಿ ಶೆಡ್ ಸುತ್ತಲೂ ತಮ್ಮ ಹುಡುಗರನ್ನು ಕಾವಲಿಗಟ್ಟಿದ್ದರು. ಗ್ಯಾಂಗ್ ದಾಳಿ ಮಾಡುತ್ತಿದ್ದಂತೆ ಅಲರ್ಟ್ ಆದ ಕಲ್ಮೇಶ್ ಬೆಂಬಲಿಗರು, ದರೋಡೆಕೋರರನ್ನು ಬೆನ್ನಟ್ಟಿ ಹಿಡಿದು ಪೊಲೀಸರಿಗೆ ಒಪ್ಪಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಘಟನೆಗೆ ಸಂಬಂಧಿಸಿದಂತೆ ಚಿದಾನಂದ ಕುರಬೇಟ್, ಸಂಜೀವ್ ಅರಭಾವಿ, ರಾಜಾರಾಮ್ ಮಾಳ್ಯಾಗೋಳ, ರಮೇಶ್ ಮಾಳ್ಯಾಗೋಳ, ಪ್ರಕಾಶ್ ಮೆಳವಂಕಿ, ರಾಘವೇಂದ್ರ ಕೊಪ್ಪದ್ ಹಾಗೂ ರಾಮಪ್ಪ ತಳವಾರ್ ಎಂಬ ಏಳು ಜನರನ್ನು ಮೂಡಲಗಿ ಪೊಲೀಸರು ಬಂಧಿಸಿದ್ದಾರೆ. ಬಂಧಿತರಿಂದ 2.39 ಕೋಟಿ ರೂ. ನಗದು ಹಣವನ್ನು ವಶಪಡಿಸಿಕೊಳ್ಳಲಾಗಿದೆ.
Police trap an Armed Gang: ತಡೋಳಾ ಬಳಿ ಪಿಸ್ತೂಲ್‌ನಿಂದ ಗುಂಡಿನ ಸದ್ದು: ದರೋಡೆಗೆ ಹೊಂಚು ಹಾಕಿದ್ದ ಸಶಸ್ತ್ರ ಗ್ಯಾಂಗ್‌ಗೆ ಪೊಲೀಸರ ಬಲೆ

ಬೆಳಗಾವಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕೆ. ರಾಮರಾಜನ್ ಅವರು ಮಾತನಾಡಿ, "ಈ ದರೋಡೆ ಪ್ರಕರಣಕ್ಕೂ ಶಾಸಕ ರಮೇಶ್ ಜಾರಕಿಹೊಳಿ ಅವರಿಗೂ ಯಾವುದೇ ಸಂಬಂಧವಿಲ್ಲ. ಆರೋಪಿ ಚಿದಾನಂದ ಶಾಸಕರ ಬಳಿ ಗನ್‌ಮ್ಯಾನ್ ಆಗಿ ಕೆಲಸ ಮಾಡುತ್ತಿದ್ದನಷ್ಟೇ. ಆತನನ್ನು ತಕ್ಷಣದಿಂದಲೇ ಜಾರಿಗೆ ಬರುವಂತೆ ಅಮಾನತುಗೊಳಿಸಲಾಗಿದೆ" ಎಂದು ಸ್ಪಷ್ಟಪಡಿಸಿದ್ದಾರೆ. ಮೂಡಲಗಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರಿದಿದೆ.

]]>

ಮದುವೆ ಬೆನ್ನಲ್ಲೇ ಅಭಿಮಾನಿಗಳಿಗೆ ಸಿಹಿಸುದ್ದಿ ನೀಡಿದ ಪ್ರಣಮ್‌ ದೇವರಾಜ್: ‘ಶ್ರೀರಸ್ತು’ ಚಿತ್ರದ ‘ಈ ಪರಿ ಸೌಂದರ್ಯವಾ’ ಮೆಲೋಡಿ ಹಾಡು ರಿಲೀಸ್‌

Sun, 08 Nov 2026 10:34:17 +0000

ಇತ್ತೀಚೆಗಷ್ಟೇ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದ ಸ್ಯಾಂಡಲ್‌ವುಡ್‌ ನಟ ಪ್ರಣಮ್ ದೇವರಾಜ್, ಇದೀಗ ತಮ್ಮ ಸಿನಿಮಾ ಕಡೆಯಿಂದ ಅಭಿಮಾನಿಗಳಿಗೆ ಮತ್ತೊಂದು ಸಿಹಿಸುದ್ದಿ ನೀಡಿದ್ದಾರೆ. ಪ್ರಣಮ್ ದೇವರಾಜ್ ಹಾಗೂ ಸಂಜನಾ ಆನಂದ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ‘ಶ್ರೀರಸ್ತು’ ಚಿತ್ರದ ಮೊದಲ ಲಿರಿಕಲ್ ಹಾಡು ‘ಈ ಪರಿ ಸೌಂದರ್ಯವಾ..’ ಇತ್ತೀಚೆಗೆ ರಿಲೀಸ್‌ ಆಗಿದೆ.

ಹರಿ ಕ್ರಿಯೇಷನ್ಸ್ ಬ್ಯಾನರ್ ಅಡಿಯಲ್ಲಿ ಪೆಂಡ್ಲಿಮಡಗು ಹರಿ ಕೃಷ್ಣ ಗೌಡ್ ಅವರು ನಿರ್ಮಿಸುತ್ತಿರುವ ಈ ಚಿತ್ರಕ್ಕೆ ಶಂಕರ್ ರೆಡ್ಡಿ ಸಿದ್ದರೆಡ್ಡಿ ಆ್ಯಕ್ಷನ್-ಕಟ್ ಹೇಳಿದ್ದಾರೆ. ಈಗಾಗಲೇ ಬಿಡುಗಡೆಯಾಗಿದ್ದ ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ ಸಿನಿಪ್ರಿಯರಲ್ಲಿ ಸಾಕಷ್ಟು ಕುತೂಹಲ ಮೂಡಿಸಿತ್ತು. ಇದೀಗ ಬಿಡುಗಡೆಯಾಗಿರುವ ಈ ರೊಮ್ಯಾಂಟಿಕ್ ಮೆಲೋಡಿ ಗೀತೆಯು ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಮೆಚ್ಚುಗೆ ಪಡೆದುಕೊಂಡು ಟ್ರೆಂಡಿಂಗ್‌ನಲ್ಲಿದೆ.

ಸಂಗೀತ ನಿರ್ದೇಶಕ ಶೇಖರ್ ಚಂದ್ರ ಅವರ ರಾಗಸಂಯೋಜನೆಯಲ್ಲಿ ಮೂಡಿಬಂದಿರುವ ಈ ಗೀತೆಗೆ ಪ್ರತಿಭಾವಂತ ಗೀತರಚನೆಕಾರ ವರದರಾಜ್ ಚಿಕ್ಕಬಳ್ಳಾಪುರ ಸಾಹಿತ್ಯ ಬರೆದಿದ್ದಾರೆ. ಗಾಯಕ ಕಪಿಲ್ ಕಪಿಲನ್ ಅವರ ಮಧುರ ಕಂಠದಲ್ಲಿ ಈ ಹಾಡು ಅದ್ಭುತವಾಗಿ ಮೂಡಿಬಂದಿದ್ದು, ಸಂಗೀತಪ್ರಿಯರ ಮನಗೆಲ್ಲುವಲ್ಲಿ ಯಶಸ್ವಿಯಾಗಿದೆ. ಹಾಡಿನ ದೃಶ್ಯಗಳಲ್ಲಿ ಪ್ರಣಮ್ ದೇವರಾಜ್ ಹಾಗೂ ಸಂಜನಾ ಆನಂದ್ ಅವರ ಆಕರ್ಷಕ ಕೆಮಿಸ್ಟ್ರಿ, ಮುದ್ದಾದ ಅಭಿನಯ ಮತ್ತು ಜೀತು ಮಾಸ್ಟರ್ ಅವರ ನೃತ್ಯ ಸಂಯೋಜನೆಗೆ ತಕ್ಕಂತೆ ಜೋಡಿಯ ನೃತ್ಯ ಹೆಜ್ಜೆಗಳು ಹಾಡಿನ ಮೆರುಗನ್ನು ಮತ್ತಷ್ಟು ಹೆಚ್ಚಿಸಿವೆ.

ಬೆಳ್ಳಿತೆರೆಯ ಮೇಲೆ ಪ್ರೇಕ್ಷಕರಿಗೆ ಕಣ್ಣಿಗೆ ಹಬ್ಬ

ಚಿತ್ರದ ಬಗ್ಗೆ ಮಾತನಾಡಿದ ನಿರ್ದೇಶಕ ಶಂಕರ್ ರೆಡ್ಡಿ ಸಿದ್ದರೆಡ್ಡಿ, "ಕಥೆಯ ಓಟಕ್ಕೆ ಈ ಹಾಡು ಅತ್ಯಂತ ಪ್ರಮುಖ ತಿರುವು ನೀಡಲಿದ್ದು, ಸಂಗೀತ ನಿರ್ದೇಶಕ ಶೇಖರ್ ಚಂದ್ರ ಅವರು ಅದ್ಭುತವಾಗಿ ರಾಗ ಸಂಯೋಜಿಸಿದ್ದಾರೆ. ಹರಿ ಕ್ರಿಯೇಷನ್ಸ್ ಸಂಸ್ಥೆಯು ಯಾವುದೇ ಕೊರತೆಯಿಲ್ಲದೆ ಭವ್ಯವಾಗಿ ನಿರ್ಮಿಸುತ್ತಿರುವ ಈ ಸಿನಿಮಾ, ಬೆಳ್ಳಿತೆರೆಯ ಮೇಲೆ ಪ್ರೇಕ್ಷಕರಿಗೆ ಕಣ್ಣಿಗೆ ಹಬ್ಬದಂತಹ ದೃಶ್ಯ ವೈಭವದ ಅನುಭವ ನೀಡಲಿದೆ" ಎಂದು ವಿಶ್ವಾಸ ವ್ಯಕ್ತಪಡಿಸಿದರು.

Photos: ಎಂಗೇಜ್‌ ಆದ ನಟ ದೇವರಾಜ್‌ ಪುತ್ರ ಪ್ರಣಾಮ್‌; ನಮಿತಾ ಜೊತೆ ಅದ್ದೂರಿಯಾಗಿ ನಡೆದ ನಿಶ್ಚಿತಾರ್ಥ ಸಮಾರಂಭ

ಕನ್ನಡ - ತೆಲುಗು ಭಾಷೆಗಳಲ್ಲಿ ಏಕಕಾಲಕ್ಕೆ ನಿರ್ಮಾಣ

ನಿರ್ಮಾಪಕ ಪೆಂಡ್ಲಿಮಡಗು ಹರಿ ಕೃಷ್ಣ ಗೌಡ್ ಮಾತನಾಡಿ, "ತಮ್ಮ ಸಂಸ್ಥೆಯ ಮೂಲಕ ಸದಭಿರುಚಿಯ, ಕುಟುಂಬ ಸಮೇತ ವೀಕ್ಷಿಸಬಹುದಾದ ಕೌಟುಂಬಿಕ ಮನರಂಜನಾ ಚಿತ್ರವನ್ನು ಪ್ರೇಕ್ಷಕರ ಮುಂದಿಡಲು ಹೆಮ್ಮೆ ಎನಿಸುತ್ತಿದೆ. ಹಾಡಿಗೆ ಸಿಗುತ್ತಿರುವ ಅಭೂತಪೂರ್ವ ಪ್ರತಿಕ್ರಿಯೆ ಚಿತ್ರತಂಡದ ಉತ್ಸಾಹವನ್ನು ಹೆಚ್ಚಿಸಿದ್ದು, ಗುಣಮಟ್ಟದಲ್ಲಿ ಯಾವುದೇ ರಾಜಿ ಮಾಡಿಕೊಳ್ಳದೆ ಚಿತ್ರವನ್ನು ಸಿದ್ಧಪಡಿಸಲಾಗುತ್ತಿದೆ. ಕನ್ನಡ ಹಾಗೂ ತೆಲುಗು ಭಾಷೆಗಳಲ್ಲಿ ಏಕಕಾಲಕ್ಕೆ ನಿರ್ಮಾಣವಾಗುತ್ತಿರುವ ಈ ಚಿತ್ರದ ಪೋಸ್ಟ್ ಪ್ರೊಡಕ್ಷನ್ ಕಾರ್ಯಗಳು ಭರದಿಂದ ಸಾಗುತ್ತಿದ್ದು, ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುವ ದಿನಾಂಕವನ್ನು ಶೀಘ್ರದಲ್ಲೇ ಅಧಿಕೃತವಾಗಿ ಪ್ರಕಟಿಸಲಾಗುವುದು" ಎಂದು ಮಾಹಿತಿ ನೀಡಿದರು.

ಅತಿಥಿ ಪಾತ್ರದಲ್ಲಿ ಪ್ರಜ್ವಲ್

ಚಿತ್ರದಲ್ಲಿ ಪ್ರಣಮ್ ದೇವರಾಜ್ ಮತ್ತು ಸಂಜನಾ ಆನಂದ್ ಜೊತೆಗೆ ಅನುಭವಿ ಕಲಾವಿದರಾದ ಸುಮನ್, ಆಮಣಿ, ಚೈತ್ರ, ಪ್ರಸಾದ್ ಬೆಹರಾ ಹಾಗೂ ಶಿವ ರವಿತೇಜ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ. ವಿಶೇಷವಾಗಿ ಸ್ಯಾಂಡಲ್‌ವುಡ್‌ನ ‘ಡೈನಾಮಿಕ್ ಸ್ಟಾರ್’ ಪ್ರಜ್ವಲ್ ದೇವರಾಜ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಚಿತ್ರದ ಬಗೆಗಿನ ನಿರೀಕ್ಷೆಗಳನ್ನು ಮತ್ತಷ್ಟು ಹೆಚ್ಚಿಸಿದೆ.

]]>

ದೇವಸ್ಥಾನದ ಬಳಿ ಗೋಣಿ ಚೀಲದಲ್ಲಿ ಮಹಿಳೆಯ ಮೃತದೇಹ ಪತ್ತೆ; ದೀಪಾವಳಿ ಸಂಭ್ರಮದ ಮಧ್ಯೆ ಭಕ್ತರಿಗೆ ಆಘಾತ

Sun, 08 Nov 2026 10:11:29 +0000

ದಿಸ್ಪುರ, ನ. 8: ದೇಶವೇ ದೀಪಾವಳಿ ಸಂಭ್ರಮದಲ್ಲಿ ತೇಲುತ್ತಿದ್ದರೆ ಅತ್ತ ಅಸ್ಸಾಂನಲ್ಲಿ ಆಘಾತಕಾರಿ ಘಟನೆಯೊಂದು ನಡೆದಿದೆ. ದೇವಸ್ಥಾನವೊಂದರ ಬಳಿ ಗೋಣಿ ಚೀಲದಲ್ಲಿ ಮಹಿಳೆಯೊಬ್ಬರ ಮೃತದೇಹ ಪತ್ತೆಯಾಗಿದೆ. ಹಬ್ಬದ ಖುಷಿಯಲ್ಲಿದ್ದ ಭಕ್ತರು ದೇವಸ್ಥಾನಕ್ಕೆ ಬಂದು ಈ ದೃಶ್ಯ ಕಂಡು ಬೆಚ್ಚಿಬಿದ್ದಿದ್ದಾರೆ. 12 ದಿನಗಳ ಹಿಂದೆ ನಾಪತ್ತೆಯಾಗಿದ್ದ ಮಹಿಳೆಯ ಮೃತದೇಹ ಇದಾಗಿದ್ದು ಪೊಲೀಸರು ತನಿಖೆ ಕೈಗೆತ್ತಿಕೊಂಡಿದ್ದಾರೆ (Assam Horror). ಅಸ್ಸಾಂನ ಗುವಾಹಟಿಯ ಖನಪಾರದ ಗಣೇಶ ದೇವಸ್ಥಾನ ಆವರಣದಲ್ಲಿ ಈ ಘಟನೆ ಸಂಭವಿಸಿದೆ ಎಂದು ಮೂಲಗಳು ತಿಳಿಸಿವೆ.

ದೀಪಾವಳಿ ಪ್ರಯುಕ್ತ ಶನಿವಾರ (ನವೆಂಬರ್‌ 7) ಅಸ್ಸಾಂನ ಗುವಾಹಟಿಯ ಖನಪಾರದ ಗಣೇಶ ದೇವಸ್ಥಾನಕ್ಕೆ ಆಗಮಿಸಿದ ಅಲ್ಲಿನ ಅನಿರೀಕ್ಷಿತ ದೃಶ್ಯ ಕಂಡು ಹೌಹಾರಿದ್ದಾರೆ. ಬೆಳಗ್ಗೆ 11.15ಕ್ಕೆ ದೇವಸ್ಥಾನದ ಬಳಿ ಬಿದ್ದಿರುವ ಚೀಲವನ್ನು ಗಮನಿಸಿದ ಸ್ಥಳೀಯರು ಈ ವಿಚಾರವನ್ನು ಪೊಲೀಸರ ಗಮನಕ್ಕೆ ತಂದರು. ಕಾರ್ಯಪ್ರವೃತ್ತರಾದ ಪೊಲೀಸರು ಮೃತದೇಹ ಪತ್ತೆ ಹಚ್ಚಿದರು.

ಸ್ಥಳೀಯವಾಗಿ ಆತಂಕ ಸೃಷ್ಟಿಸಿದ ಈ ಘಟನೆ ನಡೆದ ಕೂಡಲೇ ದಿಸ್ಪುರ ಠಾಣೆಯ ಪೊಲೀಸರು ಸ್ಥಳಕ್ಕೆ ಧಾವಿಸಿದರು. ಫೋರೆನ್ಸಿಕ್‌ ತಂಡದ ಸದಸ್ಯರು ಆಗಮಿಸಿ ಸಾಕ್ಷಿ ಕಲೆ ಹಾಕಿದ್ದು, ತನಿಖೆ ಮುಂದುವರಿದಿದ. ಮೃತರನ್ನು ಕೋಯಿನಾಧೋರಾದ 38 ವರ್ಷದ ಮಹಿಳೆ ಎಂದು ಗುರುತಿಸಲಾಗಿದೆ. ಇಬ್ಬರು ಮಕ್ಕಳ ತಾಯಿಯಾದ ಈಕೆ ಖನಪಾರದಲ್ಲಿ ಟಿಕೆಟ್‌ ಕಲೆಕ್ಟರ್‌ ಆಗಿ ಕಾರ್ಯ ನಿರ್ವಹಿಸುತ್ತಿದ್ದರು ಎಂದು ಸ್ಥಳೀಯರು ತಿಳಿಸಿದ್ದಾರೆ.

8 ವರ್ಷದ ಬಾಲಕಿ ಮೇಲೆ ಅತ್ಯಾಚಾರ ಎಸಗಿ ಕೊಂದ ವಿವಾಹಿತ; ಗೋಲ್‌ಗೊಪ್ಪ ಕೊಡಿಸುವುದಾಗಿ ಕರೆದೊಯ್ದು ಹೀನ ಕೃತ್ಯ

ಕೊಳೆತ ಸ್ಥಿತಿಯಲ್ಲಿದ್ದ ಮೃತದೇಹ

ಫೋರೆನ್ಸಿಕ್‌ ತಂಡದ ಸದಸ್ಯರ ಪ್ರಕಾರ ಮೃತದೇಹ ಕೊಳೆಯುವ ಸ್ಥಿತಿಯಲ್ಲಿದೆ. ಆ ಮೂಲಕ ಮಹಿಳೆ ಮೃತಪಟ್ಟು ವಾರ ಕಳೆದಿದೆ ಎಂದು ಲೆಕ್ಕ ಹಾಕಲಾಗಿದೆ. ಕೊಲೆಯ ನಿಖರ ಕಾರಣ ಮತ್ತು ಸಮಯ ಪೋಸ್ಟ್‌ ಮಾರ್ಟಂ ಪರೀಕ್ಷೆಯ ಬಳಿಕ ಗೊತ್ತಾಗಲಿದೆ.

ʼʼಮರಣಕ್ಕೆ ಕಾರಣ ಮತ್ತು ನಿಖರ ಸಮಯವನ್ನು ನಿರ್ಧರಿಸಲು ಮೃತದೇಹವನ್ನು ಗುವಾಹಟಿ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಗೆ (GMCH) ಮರಣೋತ್ತರ ಪರೀಕ್ಷೆಗಾಗಿ ರವಾನಿಸಲಾಗಿದೆʼʼ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಈ ಮಹಿಳೆ ಸುಮಾರು 12 ದಿನಗಳಿಂದ ನಾಪತ್ತೆಯಾಗಿದ್ದರು ಎಂದು ವರದಿಯಾಗಿದೆ. ಈ ಬಗ್ಗೆ ಅವರಮನೆಯವರು ಬಸಿಷ್ಠ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಮಹಿಳೆಯ ಸುಳಿವು ಪತ್ತೆಹಚ್ಚುವ ಪ್ರಯತ್ನದ ಭಾಗವಾಗಿ ಅಧಿಕಾರಿಗಳು ಮೇಘಾಲಯ ಪೊಲೀಸರನ್ನು ಕೂಡ ಸಂಪರ್ಕಿಸಿದ್ದರು ಎನ್ನಲಾಗಿದೆ.

ಹಾಸನದಲ್ಲಿ ನವವಿವಾಹಿತೆ ಕಣ್ಮರೆ ಕೇಸ್‌; 8 ದಿನಗಳ ಬಳಿಕ ಮೃತದೇಹ ಪತ್ತೆ!

ಬಗೆಹರಿಯದ ನಿಗೂಢತೆ

ಸದ್ಯ ಈ ಪ್ರಕರಣದ ನಿಗೂಢತೆ ಹಾಗೆಯೇ ಮುಂದುವರಿದಿದೆ. ಈ ಮಹಿಳೆ ನಾಪತ್ತೆಯಾಗಿದ್ದು ಹೇಗೆ? ಸಾವಿಗೆ ಕಾರಣವಾದ ಅಂಶ ಯಾವುದು? ಅವರನ್ನು ಕೊಲೆ ಮಾಡಲಾಗಿದೆಯೇ ಅಥವಾ ಸಹಜ ಸಾವೇ? ಮುಂತಾದ ಉತ್ತರವಿಲ್ಲದ ಪ್ರಶ್ನೆಗಳು ಕಾಡುತ್ತಿದ್ದು, ಪೊಲೀಸರಿಗೆ ಸವಾಲಾಗಿ ಪರಿಣಮಿಸಿದೆ. ಮಹಿಳೆ ಮೇಲೆ ಆಳವಾದ ಗಾಯಗಳಿವೆಯೇ ಎನ್ನುವುದನ್ನು ಪರಿಶೀಲಿಸಲಾಗುತ್ತಿದೆ. ಅದರಲ್ಲೂ ದೇವಸ್ಥಾನದ ಬಳಿ ಮಹಿಳೆಯ ಮೃತದೇಹವನ್ನು ಎಸೆದಿದ್ದು ಯಾರು, ಯಾಕೆ ಎನ್ನುವ ಪ್ರಶ್ನೆಯೂ ಸ್ಥಳೀಯರಿಗೆ ಕಾಡುತ್ತಿದೆ. ತನಿಖೆ ಬಳಿಕವಷ್ಠೆ ಎಲ್ಲ ಪ್ರಶ್ನೆಗಳಿಗೆ ಉತ್ತರ ಸಿಗಲಿದೆ.

ಇನ್ನಷ್ಟು ಕ್ರೈಂ ಸುದ್ದಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ.

ʼಪ್ರವಾಸಿ ಪ್ರಪಂಚʼ ವೆಬ್‌ಸೈಟ್‌ಗೆ ಭೇಟಿ ನೀಡಲು ಇಲ್ಲಿ ಕ್ಲಿಕ್‌ ಮಾಡಿ.

]]>

ಕ್ರಷರ್ ಮಾಲೀಕರಿಂದ ಹಣ ಸುಲಿಗೆ; ಹಾಸನ ಜಿಲ್ಲಾಧಿಕಾರಿ, ಸಚಿವ ಶಿವಲಿಂಗೇಗೌಡ ವಿರುದ್ಧ ಹೆಚ್.ಡಿ.ಕೆ ಗಂಭೀರ ಆರೋಪ

Sun, 08 Nov 2026 09:58:14 +0000

ಹಾಸನ: ಕಲ್ಲು ಗಣಿಗಾರಿಕೆ (ಕ್ರಷರ್) ಗಳಿಗೆ ಅನುಮತಿ ನೀಡುವುದು ಹಾಗೂ ವಸತಿ ಬಡಾವಣೆಗಳ ಅಲ್ಯುಲೇಷನ್ (ಅನ್ಯ ಸಂಕ್ರಮಣ) ವಿಚಾರದಲ್ಲಿ ಹಾಸನ ಜಿಲ್ಲಾಧಿಕಾರಿ (Haasan D.C) ಕಚೇರಿ ವ್ಯಾಪಕ ಭ್ರಷ್ಟಾಚಾರದಲ್ಲಿ ತೊಡಗಿದೆ. ಈ ಅಕ್ರಮದಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವ ಶಿವಲಿಂಗೇಗೌಡ (Minister Shivalinge Gowda) ಕೂಡ ಶಾಮೀಲಾಗಿದ್ದಾರೆ ಎಂಬ ಅಂಶ ಬೆಳಕಿಗೆ ಬಂದಿದೆ ಎಂದು ಕೇಂದ್ರ ಸಚಿವ ಹೆಚ್.ಡಿ. ಕುಮಾರಸ್ವಾಮಿ (H.D. Kumaraswamy) ಅವರು ಗಂಭೀರ ಆರೋಪ ಮಾಡಿದ್ದಾರೆ. ಹಾಸನಾಂಬೆಯ ದರ್ಶನ ಪಡೆದ ನಂತರ ಶಾಸಕ ಸ್ವರೂಪ ಪ್ರಕಾಶ್ ಅವರ ಮನೆಯಲ್ಲಿ ಮಾಧ್ಯಮಗಳನ್ನು ಉದ್ದೇಶಿಸಿ ಮಾತನಾಡಿದ ಕೇಂದ್ರ ಸಚಿವರು; ಮಧ್ಯವರ್ತಿಗಳ ಮೂಲಕ ಜಿಲ್ಲಾಧಿಕಾರಿ ಕಚೇರಿಯೇ ನೇರವಾಗಿ ಕ್ರಷರ್ ಮಾಲೀಕರು ಹಾಗೂ ವಸತಿ ಬಡಾವಣೆಗಳ ಮಲಿಕರಿಂದ ಹಣ ಸುಲಿಗೆ ಮಾಡುತ್ತಿರುವ ದಾಖಲೆಗಳನ್ನು ಬಿಡುಗಡೆ ಮಾಡಿದರು.

ಹಾಸನ ಜಿಲ್ಲಾಧಿಕಾರಿ ಲತಾಕುಮಾರಿ ಅವರ ಆಪ್ತ ಸಹಾಯಕ ಶಶಿಕಿರಣ್ ಎಂಬ ವ್ಯಕ್ತಿ ಹಣವನ್ನು ಸುಲಿಗೆ ಮಾಡಿ ಜಿಲ್ಲಾಧಿಕಾರಿಗಳಿಗೆ ಕೊಡುತ್ತಿದ್ದಾರೆ ಎನ್ನಲಾದ ಅಂಶವು ಆ ವ್ಯಕ್ತಿಯ ವಾಟ್ಸಾಪ್ ಚಾಟ್ ಗಳ ಮೂಲಕ ಬಯಲಿಗೆ ಬಂದಿದೆ ಎಂದು ಸಚಿವರು ಹೇಳಿದರು. ಅಲ್ಲದೆ ಈ ಸಂದರ್ಭದಲ್ಲಿ ಶಶಿಕಿರಣ್ ಅವರ ವಾಟ್ಸಾಪ್ ಚಾಟ್ ದಾಖಲೆಗಳನ್ನು ಮಾಧ್ಯಮಗಳಿಗೆ ಬಿಡುಗಡೆ ಮಾಡಿದರು.

ಮುಖ್ಯವಾಗಿ ಜಿಲ್ಲಾ ಉಸ್ತುವಾರಿ ಸಚಿವರಿಗೆ ದೊಡ್ಡ ಮತದ ಹಣವನ್ನು ಕೊಟ್ಟು ಹಾಸನ ಜಿಲ್ಲಾಧಿಕಾರಿಯಾಗಿಯೇ ಅವರು ಮುಂದುವರೆದಿದ್ದಾರೆ ಎಂಬ ಬಗ್ಗೆಯೂ ಕೇಂದ್ರ ಸಚಿವರು ಗಂಭೀರ ಆರೋಪ ಮಾಡಿದರು. ಈ ಅಕ್ರಮದಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವ ಶಿವಲಿಂಗೇಗೌಡ ಅವರು ಕೂಡ ಶಾಮೀಲಾಗಿದ್ದಾರೆ ಆಗಿದ್ದಾರೆ ಎಂದು ಸಚಿವರು ದೂರಿದರು.

ರಾಜ್ಯದಲ್ಲಿ ಭ್ರಷ್ಟಾಚಾರ ಮಿತಿಮೀರಿದ್ದು, ಹಾಸನ ಜಿಲ್ಲಾಡಳಿತದ ಬ್ರಹ್ಮಾಂಡ ಭ್ರಷ್ಟಾಚಾರದ ವಾಟ್ಸಾಪ್ ಚಾಟ್ ದಾಖಲೆಗಳನ್ನು ಪ್ರಾಮಾಣಿಕ ಅಧಿಕಾರಿಯೊಬ್ಬರು ನನಗೆ ನೀಡಿದ್ದಾರೆ. ಶಶಿಕಿರಣ್ ಎಂಬ ಬ್ರೋಕರ್ ಮೂಲಕ ಕಡತಗಳ ವಿಲೇವಾರಿಗೆ ಲಕ್ಷಾಂತರ ರೂ. ಲಂಚದ ಚೌಕಾಸಿ ನಡೆಯುತ್ತಿದ್ದು, 60 ಲಕ್ಷ ರೂ. ಲಂಚದಲ್ಲಿ 50 ಲಕ್ಷ ರೂ. ಡಿಸಿಗೆ ಹಾಗೂ ಉಳಿದ ಹಣವನ್ನು ಡಿಸಿ ಮೇಡಂ ಆಪ್ತ ಸಹಾಯಕಿ ಸಹನಾ, ವಾಹನ ಚಾಲಕ, ಗನ್ ಮ್ಯಾನ್ ಮತ್ತು ಇತರ ಸಿಬ್ಬಂದಿಗೆ ಹಂಚಿಕೆಯಾಗುತ್ತಿದೆ. ಹಾಗೆಯೇ ಹಾಸನದ ಎಸಿ ಜಗದೀಶ್ ಅವರು 22 ಲಕ್ಷ ರೂ. ತಹಶೀಲ್ದಾರ್ ಗೀತಾ ಅವರು 13 ಲಕ್ಷ ಲಂಚ ಪಡೆದಿರುವ ಉಲ್ಲೇಖ ವಾಟ್ಸಾಪ್ ಚಾಟ್ ನಲ್ಲಿದೆ ಎಂದು ಸಚಿವ ಕುಮಾರಸ್ವಾಮಿ ಅವರು ಹೇಳಿದರು.

ಮುಖ್ಯವಾಗಿ ಜಿಲ್ಲಾಧಿಕಾರಿ ಅವರನ್ನು ವರ್ಗಾವಣೆ ಮಾಡದಂತೆ ತಡೆಯಲು ಸಚಿವ ಶಿವಲಿಂಗೇಗೌಡರಿಗೆ ತಹಶೀಲ್ದಾರ್ ಸಂತೋಷ್ ಮೂಲಕ 75 ಲಕ್ಷ ರೂ. ನೀಡಲಾಗಿದೆ ಎಂಬ ಆಘಾತಕಾರಿ ವಿಷಯ ಕೂಡ ವಾಟ್ಸಾಪ್ ಚಾಟ್ ನಲ್ಲಿ ಬಹಿರಂಗವಾಗಿದೆ ಎಂದು ಕೇಂದ್ರ ಸಚಿವರು ಹೇಳಿದರು.

ಡಿಸಿ ಮನೆಯ ಪೊಲೀಸ್ ರೂಮ್ ನಲ್ಲಿಯೇ ಲಂಚದ ಹಣ

ಲಂಚದ ಹಣವನ್ನು ಸಿಸಿಟಿವಿ ಕಣ್ಣುತಪ್ಪಿಸಿ ಜಿಲ್ಲಾಧಿಕಾರಿ ನಿವಾಸದ ಗೇಟ್ ಬಳಿ ಇರುವ ಪೊಲೀಸ್ ರೂಮ್ ನಲ್ಲಿ ಇಡುವಂತೆ ವಾಟ್ಸಾಪ್ ಸಂದೇಶದಲ್ಲಿ ಸೂಚಿಸಲಾಗಿದೆ. ಆ ನಂತರ ಹಣ ಯಾರಿಗೆಲ್ಲ ತಲುಪಬೇಕೋ ಅವರಿಗೆಲ್ಲ ಮುಟ್ಟಿದೆ. ಭ್ರಷ್ಟಾಚಾರ ಎಷ್ಟರಮಟ್ಟಿಗೆ ಇದೆ ಎಂದರೆ, ರೈತರ ಜಮೀನು ಕಡತಗಳಿಗೆ ಅವರ ಒಡವೆಗಳನ್ನು ಮಾರಿ 50 ಲಕ್ಷ ಲಂಚ ಕೊಡುವಂತಹ ದಾರುಣ ಸ್ಥಿತಿ ಜಿಲ್ಲೆಯಲ್ಲಿ ನಿರ್ಮಾಣವಾಗಿದೆ. ಇತ್ತೀಚೆಗಷ್ಟೇ ಟ್ರ್ಯಾಪ್ ಆಗಿ ಸಸ್ಪೆಂಡ್ ಆಗಿದ್ದ ಅಧಿಕಾರಿಯೇ ಮತ್ತೆ ಜಿಲ್ಲೆಗೆ ಬಂದು ಹಣ ವಸೂಲಿ ಮಾಡುತ್ತಿದ್ದಾನೆ ಎಂದು ಸಚಿವರು ಹೇಳಿದರು.

ಯಾರೇ ಸರಕಾರಿ ನೌಕರರು 10 ರೂ. ಲಂಚ ಕೇಳಿದರೂ ತಮಗೆ ಕರೆ ಮಾಡಿ ಎಂದು ಮುಖ್ಯಮಂತ್ರಿಗಳು ಹೇಳಿದ್ದಾರೆ. ಆದರೆ ಇಲ್ಲಿ ಇಡೀ ಜಿಲ್ಲಾಡಳಿತವೇ ಭ್ರಷ್ಟಾಚಾರದಲ್ಲಿ ಮುಳುಗಿದೆ. ಈಗ ಹೇಳಿ ಮುಖ್ಯಮಂತ್ರಿಗಳೇ, ಲಂಚ ಕೇಳುವ ಇಂತಹ ಅಧಿಕಾರಿಗಳ ವಿರುದ್ಧ ಯಾರಿಗೆ ದೂರು ಕೊಡಬೇಕು? ಯಾವ ಮೊಬೈಲ್ ನಂಬರ್ ಗೆ ಕರೆ ಮಾಡಬೇಕು ಎಂಬುದನ್ನು ಹೇಳಬೇಕು? ಎಂದು ಕೇಂದ್ರ ಸಚಿವ ಕುಮಾರಸ್ವಾಮಿ ಪ್ರಶ್ನಿಸಿದರು. ತಕ್ಷಣವೇ ವಾಟ್ಸಾಪ್ ಚಾಟ್ ನಲ್ಲಿ ಪ್ರಸ್ತಾಪಿಸಲ್ಪಟ್ಟಿರುವ ಅಧಿಕಾರಿಗಳ ಮೊಬೈಲ್ ಫೋನ್ ಗಳನ್ನು ಜಪ್ತಿ ಮಾಡಿ ತನಿಖೆ ನಡೆಸಬೇಕು ಎಂದು ಮುಖ್ಯಮಂತ್ರಿಗೆ ಒತ್ತಾಯಿಸಿದ ಕೇಂದ್ರ ಸಚಿವರು; ಯಾವುದೇ ಕಾರಣಕ್ಕೂ ಇಂತಹ ಭ್ರಷ್ಟ ಅಧಿಕಾರಿಗಳನ್ನು ಬಿಡಬಾರದು ಎಂದು ಅಗ್ರಹಿಸಿದರು.

ನಾನು ಈಗಷ್ಟೇ ತಾಯಿ ಹಾಸನಾಂಬೆಯ ದರ್ಶನ ಪಡೆದುಕೊಂಡು ಬಂದೆ. ಈ ವಿಚಾರವನ್ನು ಇಲ್ಲಿ ಪ್ರಸ್ತಾಪ ಮಾಡುವುದು ಬೇಡ ಎಂದು ಭಾವಿಸಿದ್ದೆ. ಆದರೆ ಹೇಳಲೇಬೇಕಾದ ವಿಚಾರ. ಜಿಲ್ಲಾಡಳಿತ ಯಾವ ರೀತಿಯಲ್ಲಿ ಲಂಚಾವತಾರದಲ್ಲಿ ಮುಳುಗಿದೆ ಎಂಬುದನ್ನು ಈ ವಾಟ್ಸಪ್ ಚಾಟ್ ಹೇಳುತ್ತದೆ ಎಂದು ಸಚಿವ ಕುಮಾರಸ್ವಾಮಿ ಅವರು ಹೇಳಿದರು.

ಹಾಸನಾಂಬೆ ದರ್ಶನ ಪಡೆದು ರಾಜ್ಯದ ಜನತೆಗೆ ಒಳಿತಾಗಲಿ ಎಂದು ಪ್ರಾರ್ಥಿಸಿದ್ದೇನೆ. ಹಾಸನಕ್ಕೆ ಭೇಟಿ ನೀಡುತ್ತಿರುವ ಮುಖ್ಯಮಂತ್ರಿಗಳು, ತಮ್ಮ ಕಾರ್ಯಕ್ರಮಗಳನ್ನು ಕೇವಲ ಪ್ರಚಾರದ ಘೋಷಣೆಗಳಿಗೆ ಮಾತ್ರ ಸೀಮಿತ ಮಾಡದೆ, ಜನರ ಬದುಕಿಗೆ ಒಳ್ಳೆಯದು ಮಾಡಿ ಅವರಿಗೆ ಆರ್ಥಿಕ ಶಕ್ತಿ ತುಂಬುವ ಕೆಲಸ ಮಾಡಬೇಕು. ದೇಶದಾದ್ಯಂತ ಶೇ.46ರಷ್ಟು ಬಿತ್ತನೆ ವಿಫಲವಾಗಿದ್ದು, ರಾಜ್ಯದಲ್ಲಿ ಬರಗಾಲದಿಂದ ರೈತರ ಬೆಳೆಗಳು ಒಣಗುತ್ತಿದ್ದರೂ ಜಲಾಶಯಗಳಿಂದ ನೀರು ಹರಿಸುವಲ್ಲಿ ಸರ್ಕಾರ ಎಡವಿದೆ. ಪ್ರಧಾನಮಂತ್ರಿ ಫಸಲ್ ಭೀಮಾ ಯೋಜನೆಯಡಿ ರೈತರಿಗೆ ಬೆಳೆ ವಿಮೆ ಒದಗಿಸುವಲ್ಲಿ ವಿಮಾ ಕಂಪನಿಗಳು ಮತ್ತು ರಾಜ್ಯ ಸರ್ಕಾರ ಸಂಪೂರ್ಣ ವಿಫಲವಾಗಿವೆ ಎಂದು ಸಚಿವರು ಹೇಳಿದರು.

ನಂದಿನಿ ಉತ್ಪನ್ನಗಳ ಬೆಲೆ ಏರಿಕೆ ಹಾಗೂ ಹೈನುಗಾರಿಕೆ ಸಂಕಷ್ಟ

ರಾಜ್ಯ ಸರ್ಕಾರ ನಂದಿನಿ ಹಾಲಿನ ದರ, ತುಪ್ಪ, ಬೆಣ್ಣೆ, ಚೀಸ್, ಪನ್ನೀರ್ ಬೆಲೆಯನ್ನು ಏರಿಕೆ ಮಾಡಿದ್ದು, ಇದರಿಂದ ಗ್ರಾಹಕರು ನಂದಿನಿ ಬಿಟ್ಟು ಖಾಸಗಿಯವರ ಬಳಿ ಹಾಲು ಖರೀದಿಸುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಇನ್ನೊಂದೆಡೆ ಮಳೆಯಿಲ್ಲದೆ ಜೋಳದ ಕಡ್ಡಿ ಬೆಲೆ 3800-4000 ರೂ. ಕ್ಕೆ ಏರಿಕೆಯಾಗಿದ್ದು, ಸರ್ಕಾರ ಹೆಚ್ಚಿಸಿದ 8 ರೂ. ರೈತರ ಪಶು ಆಹಾರದ ವೆಚ್ಚವನ್ನು ಸರಿದೂಗಿಸಲು ಸಾಧ್ಯವಾಗುತ್ತಿಲ್ಲ ಎಂದು ಅವರು ಹೇಳಿದರು.

ಅನ್ನಭಾಗ್ಯದ ಅಕ್ಕಿ ಕೇಂದ್ರದ್ದು, ಗ್ಯಾರಂಟಿ ಯೋಜನೆಗಳ ವೈಫಲ್ಯ:

ಮಾರುಕಟ್ಟೆಯಲ್ಲಿ ಅಕ್ಕಿ ಬೆಲೆ 100 ರೂ. ದಾಟಿದ್ದು, ಕೇಂದ್ರ ಸರ್ಕಾರ ಹಾಗೂ ಪ್ರಧಾನಿ ನರೇಂದ್ರ ಮೋದಿ ಅವರು ನೀಡುತ್ತಿರುವ ಪುಕ್ಕಟೆ ಅಕ್ಕಿಯಿಂದಾಗಿ ರಾಜ್ಯ ಸರ್ಕಾರ ಉಸಿರಾಡುತ್ತಿದೆ. 10 ಕೆಜಿ ಅಕ್ಕಿ ಕೊಡುತ್ತೇವೆ ಎಂದು ಭರವಸೆ ನೀಡಿ, ಇದೀಗ ಕೇಂದ್ರ ಸರ್ಕಾರ ನೀಡುತ್ತಿರುವ 5 ಕೆಜಿ ಅಕ್ಕಿಯನ್ನೇ ತಾವು ನೀಡುತ್ತಿರುವುದಾಗಿ ಸರ್ಕಾರ ಬಿಂಬಿಸಿಕೊಳ್ಳುತ್ತಿದೆ. ಗೃಹಲಕ್ಷ್ಮಿ ಯೋಜನೆಯ ಹಣವನ್ನು ಫಲಾನುಭವಿಗಳಿಗೆ ನೀಡದೆ 5000 ರೂ. ಕೋಟಿಗಳನ್ನು ಬೇರೆಡೆ ಡೈವರ್ಟ್ ಮಾಡಲಾಗಿದೆ ಎಂದು ಸಚಿವರು ದೂರಿದರು. ಮುಖ್ಯಮಂತ್ರಿಗಳು ಬಡ ಕೂಲಿಕಾರ್ಮಿಕ ಮಹಿಳೆಯರ ಬಳಿ ಹೋಗುವ ಬದಲು ಕೃಷ್ಣಾ ಕಚೇರಿಯಲ್ಲಿ ಫೋಟೋಶೂಟ್ ಮಾಡಿಸಿಕೊಳ್ಳುತ್ತಿದ್ದಾರೆ. ಇದರಿಂದ ಯಾವುದೇ ಉಪಯೋಗ ಆಗುವುದಿಲ್ಲ ಎಂದು ಸಚಿವರು ಹರಿಹಾಯ್ದಿದ್ದಾರೆ.

H D Kumaraswamy: ಸ್ಟಿಂಗ್ ಆಪರೇಷನ್ ವಿಚಾರದಲ್ಲಿ ಕೇಂದ್ರ ಸಚಿವ ಕುಮಾರಸ್ವಾಮಿಯನ್ನು ಸಿಲುಕಿಸುವ ಯತ್ನ ಸಫಲವಾಗದು: ಮುಕ್ತ ಮುನಿಯಪ್ಪ

ಕೆಎಸ್ ಆರ್ ಟಿಸಿ, ಬಿಎಂಟಿಸಿ ದರ ಏರಿಕೆ ಜನರಿಗೆ ಹೊರೆ:

ಕಳೆದ ವರ್ಷ ಶಕ್ತಿ ಯೋಜನೆ ತಂದಾಗ ನಿರ್ವಹಣೆ ನೆಪವೊಡ್ಡಿ ಸಾರಿಗೆ ದರವನ್ನು ಶೇ.33ರಷ್ಟು ಏರಿಕೆ ಮಾಡಿದ್ದ ಸರ್ಕಾರ, ಈಗ ಡೀಸೆಲ್ ದರ ಏರಿಕೆಯಾಗಿದೆ ಎಂಬ ಕುಂಟುನೆಪ ಹೇಳಿ ಮತ್ತೆ ಶೇ.33ರಿಂದ 44ರಷ್ಟು ದರ ಹೆಚ್ಚಳ ಮಾಡಿದೆ. ಸಾರಿಗೆ ನಿಗಮಗಳು 10,000 ಕೋಟಿ ಸಾಲದ ಸುಳಿಯಲ್ಲಿದ್ದು, ಇದರ ಹೊರೆಯನ್ನು ಪ್ರತಿದಿನ ಪ್ರಯಾಣಿಸುವ ರೈತರು, ಶಾಲಾ ಮಕ್ಕಳು, ಕಾರ್ಮಿಕರು ಹಾಗೂ ಗಾರ್ಮೆಂಟ್ಸ್ ನೌಕರರ ಮೇಲೆ ಹೇರಲಾಗುತ್ತಿದೆ. ಕಂದಾಯ ಹಾಗೂ ಅಬಕಾರಿ ಇಲಾಖೆಯಲ್ಲಿ 40,000 ಕೋಟಿ ತೆರಿಗೆ ಸಂಗ್ರಹದ ಗುರಿ ನೀಡಿ ಜನರ ರಕ್ತ ಹೀರಲಾಗುತ್ತಿದೆ ಎಂದು ಕೇಂದ್ರ ಸಚಿವರು ಆರೋಪಿಸಿದರು.

ಜೆಡಿಎಸ್ ಶಾಸಕಾಂಗ ಪಕ್ಷದ ನಾಯಕರಾದ ಸಿ.ಬಿ. ಸುರೇಶ್ ಬಾಬು, ಮಾಜಿ ಸಚಿವ ಸಾ.ರಾ. ಮಹೇಶ್, ವಿಧಾನ ಪರಿಷತ್ ಸದಸ್ಯ ಎಸ್.ಎಲ್. ಭೋಜೆಗೌಡ, ಶಾಸಕ ಸ್ವರೂಪ ಪ್ರಕಾಶ್ ಸೇರಿದಂತೆ ಜೆಡಿಎಸ್ ಪಕ್ಷದ ಹಲವರು ಹಿರಿಯ ಮುಖಂಡರು ಹಾಜರಿದ್ದರು.

]]>

ಪೆಟ್ರೋಲ್‌ನಲ್ಲಿ ಎಥೆನಾಲ್ ಮಿಶ್ರಣ; ರಾಜ್ಯದ 67 ಕಡೆ ಪೆಟ್ರೋಲ್ ಮಾದರಿ ಸಂಗ್ರಹಿಸಿ ಪರಿಶೀಲನೆ ಎಂದ ಸಿಎಂ ಡಿ ಕೆ ಶಿವಕುಮಾರ್

Sun, 08 Nov 2026 09:08:17 +0000

ಬೆಂಗಳೂರು: ವಾಹನ ಇಂಧನಗಳಲ್ಲಿ ಎಥೆನಾಲ್ ಮಿಶ್ರಣ (E20) ಪ್ರಮಾಣ ಹೆಚ್ಚಳದಿಂದ ವಾಹನಗಳ ಎಂಜಿನ್ ಕಾರ್ಯನಿರ್ವಹಣೆಯಲ್ಲಿ ಸಮಸ್ಯೆ ಉಂಟಾಗುತ್ತಿದೆ ಎಂಬ ದೂರುಗಳು ಬಂದಿರುವ ಹಿನ್ನೆಲೆಯಲ್ಲಿ ರಾಜ್ಯದ 67 ಕಡೆ ಪೆಟ್ರೋಲ್ ಮಾದರಿಗಳನ್ನು ಸಂಗ್ರಹಿಸಿ ಪರಿಶೀಲನೆ ನಡೆಸಲಾಗಿದೆ. ಈ ಕುರಿತು ಸೋಮವಾರ ಸಂಬಂಧಪಟ್ಟ ಸಚಿವರು ಅಧಿಕೃತವಾಗಿ ಪತ್ರಿಕಾಗೋಷ್ಠಿ ನಡೆಸಿ ಪರಿಶೀಲನಾ ವರದಿ ಹಾಗೂ ಮುಂದಿನ ಕ್ರಮಗಳ ಬಗ್ಗೆ ಮಾಹಿತಿ ನೀಡಲಿದ್ದಾರೆ" ಎಂದು ಸಿಎಂ ಡಿ ಕೆ ಶಿವಕುಮಾರ್ (CM D.K. Shivakumar) ಅವರು ತಿಳಿಸಿದರು.

ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, "ಪೆಟ್ರೋಲ್ ನಲ್ಲಿ ಶೇ.31.5ರಷ್ಟು ಎಥೆನಾಲ್ ಮಿಶ್ರಣ ಮಾಡುತ್ತಿರುವ ಬಗ್ಗೆ ಕೇಳಿಬಂದಿರುವ ದೂರುಗಳನ್ನು ಸರ್ಕಾರ ಗಂಭೀರವಾಗಿ ಪರಿಗಣಿಸಿದೆ. ಈ ಸಂಬಂಧ ಸಚಿವರಿಗೆ ಅಗತ್ಯ ಸೂಚನೆ ನೀಡಿದ್ದು, ಕೇಂದ್ರ ಸರ್ಕಾರಕ್ಕೂ ಮಾಹಿತಿ ರವಾನಿಸಲಾಗಿದೆ. ಸಾವಿರಾರು ವಾಹನ ಸವಾರರು ವಾಹನಗಳ ಮೈಲೇಜ್ ಕಡಿಮೆಯಾಗುವುದು, ನಿರೀಕ್ಷಿತ ದೂರ ಕ್ರಮಿಸದಿರುವುದು ಹಾಗೂ ಚಲಿಸುತ್ತಿರುವಾಗಲೇ ಎಂಜಿನ್ ಸ್ಥಗಿತಗೊಳ್ಳುವುದು ಸೇರಿದಂತೆ ಹಲವು ಸಮಸ್ಯೆಗಳ ಬಗ್ಗೆ ದೂರು ನೀಡಿದ್ದಾರೆ" ಎಂದರು.

"ಪೆಟ್ರೋಲ್ ಬಂಕ್ ಗಳಲ್ಲಿ ಮಾತ್ರವಲ್ಲದೆ, ಎಥೆನಾಲ್ ಮಿಶ್ರಣ ಮತ್ತು ವಿತರಣೆಯಾಗುವ ಹಂತದಲ್ಲೂ ಪರಿಶೀಲನೆ ನಡೆಸಲಾಗಿದೆ. ಎಲ್ಲಿ, ಹೇಗೆ ಮಿಶ್ರಣ ಮಾಡಲಾಗುತ್ತಿದೆ ಎಂಬುದಕ್ಕೆ ಸಂಬಂಧಿಸಿದ ದಾಖಲೆಗಳನ್ನೂ ಸಂಗ್ರಹಿಸಲಾಗಿದೆ. ಸಚಿವರು ವಿವರವಾದ ವರದಿ ಬಿಡುಗಡೆ ಮಾಡಲಿದ್ದಾರೆ" ಎಂದು ಹೇಳಿದರು. "ಕೇಂದ್ರ ಸರ್ಕಾರ ಈ ವಿಚಾರದಿಂದ ನುಣುಚಿಕೊಳ್ಳಲು ಸಾಧ್ಯವಿಲ್ಲ. ವಾಹನಗಳ ಕಾರ್ಯಕ್ಷಮತೆ, ಇಂಧನದ ಗುಣಮಟ್ಟ ಹಾಗೂ ಜನರ ಸುರಕ್ಷತೆ ಮುಖ್ಯ. ಕಡಿಮೆ ಬೆಲೆಗೆ ಎಥೆನಾಲ್ ದೊರೆಯುತ್ತದೆ ಎಂಬ ಕಾರಣಕ್ಕೆ ಅದರಿಂದ ಲಾಭ ಪಡೆಯುವ ಉದ್ದೇಶದಿಂದ ಮಿಶ್ರಣದ ಪ್ರಮಾಣ ಹೆಚ್ಚಿಸುವುದು ಸರಿಯಲ್ಲ.

ಜನರಿಗೆ ತೊಂದರೆ ಉಂಟುಮಾಡುವುದು ಒಳ್ಳೇದಲ್ಲ. ಇಡೀ ದೇಶದ ವಾಹನ ಸವಾರರಲ್ಲಿ ಆತಂಕ ಮೂಡಿಸಿರುವ ಈ ವಿಚಾರವನ್ನು ಸರ್ಕಾರ ಗಂಭೀರವಾಗಿ ಪರಿಗಣಿಸಿದೆ. ಇಂತಹ ಅಪಾಯಕಾರಿ ಪರಿಸ್ಥಿತಿಯನ್ನು ನಾವು ಖಂಡಿಸುತ್ತೇವೆ" ಎಂದು ತಿಳಿಸಿದರು. ಬಿಜೆಪಿ, ಜೆಡಿಎಸ್ ನಾಯಕರು ಹಾಗೂ ಪ್ರತಿಪಕ್ಷ ನಾಯಕ ಆರ್.ಅಶೋಕ್ ಈ ಬಗ್ಗೆ ಏಕೆ ಮಾತನಾಡುತ್ತಿಲ್ಲ? ಜನರ ಹಿತಾಸಕ್ತಿಗೆ ಸಂಬಂಧಿಸಿದ ವಿಚಾರದಲ್ಲಿ ಎಲ್ಲರೂ ಧ್ವನಿ ಎತ್ತಬೇಕು" ಎಂದು ಹೇಳಿದರು.

E20 ಪೆಟ್ರೋಲ್ ಬಳಕೆಗೆ ಎನ್‌ಡಿಎ ಬೆಂಬಲಿಗರಲ್ಲೂ ಹಿಂದೇಟು: ಸಿ-ವೋಟರ್ ಸಮೀಕ್ಷೆಯಲ್ಲಿ ಬಹಿರಂಗ

ದೀಪಾವಳಿಗೆ ಶುಭ ಕೋರಿದ ಸಿಎಂ, "ರಾಜ್ಯದ ಜನತೆಗೆ ದೀಪಾವಳಿ ಹಬ್ಬದ ಶುಭಾಶಯ ಕೋರುತ್ತೇನೆ. ಕರ್ನಾಟಕದ ಎಲ್ಲ ಜನರ ಮನೆಗಳಲ್ಲೂ ಬೆಳಕು ತುಂಬಲಿ" ಎಂದು ಹಾರೈಸಿದರು. "ಭಾನುವಾರ ಪವಿತ್ರ ದಿನವಾಗಿದ್ದು, ತಾಯಿ ಹಾಸನಾಂಬೆಯ ದರ್ಶನಕ್ಕೆ ತೆರಳುತ್ತಿದ್ದೇನೆ. ರಾಜ್ಯವು ಬರಗಾಲದ ಸಂಕಷ್ಟ ಎದುರಿಸುತ್ತಿದೆ. ಆಗಾಗ ಸ್ವಲ್ಪ ಮಳೆಯಾಗುತ್ತಿದ್ದರೂ ರೈತರಿಗೆ ನಿರೀಕ್ಷಿತ ಸಮಾಧಾನ ಸಿಕ್ಕಿಲ್ಲ. ಈ ಕಷ್ಟಗಳಿಂದ ಹೊರಬರುವ ಶಕ್ತಿಯನ್ನು ಭಗವಂತ ಎಲ್ಲರಿಗೂ ನೀಡಲಿ ಎಂದು ಪ್ರಾರ್ಥಿಸುತ್ತೇನೆ. ಪ್ರತಿಯೊಬ್ಬರ ಬದುಕಿನಲ್ಲೂ ನೆಮ್ಮದಿ ಮತ್ತು ಬೆಳಕು ಸದಾ ನೆಲೆಸಿರಲಿ" ಎಂದು ಹಾರೈಸಿದರು.

]]>

ದೀಪಾವಳಿಗೆ ಪತ್ನಿಗೆ ಸೀರೆ ತರಲು ಹೋದವ ಹೆಣವಾಗಿ ಬಂದ: ಡ್ರೈವಿಂಗ್‌ ಕಲಿಯುತ್ತಿದ್ದ ಮಹಿಳೆಯ ಮಹೀಂದ್ರ ಥಾರ್ ಡಿಕ್ಕಿಯಾಗಿ ವ್ಯಕ್ತಿ ಸಾವು

Sun, 08 Nov 2026 07:57:36 +0000

ಲಖನೌ: ಉತ್ತರ ಪ್ರದೇಶದ (Uttara Pradesh) ಕಾನ್ಪುರದಲ್ಲಿ ಚಾಲನೆ ಕಲಿಯುತ್ತಿದ್ದ ಮಹಿಳೆಯೊಬ್ಬರ ಅತಿವೇಗದ ಮಹೀಂದ್ರಾ ಥಾರ್ ಕಾರು ಡಿಕ್ಕಿ ಹೊಡೆದ ಪರಿಣಾಮ 55 ವರ್ಷದ ಸ್ಕೂಟರ್ ಸವಾರರೊಬ್ಬರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ ಎಂದು ತಿಳಿದು ಬಂದಿದೆ. ಮೃತರನ್ನು (Road Accident) ಸಂತೋಷ್ ಸಿಂಗ್ ಚೌಹಾಣ್ ಎಂದು ಗುರುತಿಸಲಾಗಿದೆ. ಇವರು ತಮ್ಮ ಪತ್ನಿಗಾಗಿ ಸೀರೆ ಖರೀದಿಸಿ, ತಮ್ಮ ಸ್ಕೂಟರ್‌ನಲ್ಲಿ ಮನೆಗೆ ಮರಳುತ್ತಿದ್ದರು. ಅವರ ಮನೆಗೆ ಕೇವಲ 500 ಮೀಟರ್ ಬಾಕಿ ಇರುವಾಗ ಈ ದುರ್ಘಟನೆ ಸಂಭವಿಸಿದೆ.

ರಾತ್ರಿ 7:30ರ ಸುಮಾರಿಗೆ ಮನೆಯಿಂದ ಹೊರಟಿದ್ದ ಸಂತೋಷ್, "ಈಗಲೇ ಬರುತ್ತೇನೆ" ಎಂದು ಕುಟುಂಬಸ್ಥರಿಗೆ ಹೇಳಿ ಹೋಗಿದ್ದರು, ಆದರೆ ಕೆಲವೇ ನಿಮಿಷಗಳಲ್ಲಿ ಅವರ ಸಾವಿನ ಸುದ್ದಿ ಬಂದಿದೆ. ಪ್ರತ್ಯಕ್ಷದರ್ಶಿಗಳ ಪ್ರಕಾರ, ಅಪಘಾತದ ಸಮಯದಲ್ಲಿ ಮಹೀಂದ್ರಾ ಥಾರ್ ಕಾರಿನಲ್ಲಿ ಇಬ್ಬರು ಮಹಿಳೆಯರು ಮತ್ತು ಒಬ್ಬ ಪುರುಷನಿದ್ದರು. ಅವರಲ್ಲಿ ಚಾಲನೆ ಕಲಿಯುತ್ತಿದ್ದ ಮಹಿಳೆಯೊಬ್ಬರು ಕಾರನ್ನು ಚಲಾಯಿಸುತ್ತಿದ್ದರು ಎನ್ನಲಾಗಿದೆ.

ವೇಗವಾಗಿ ಬಂದ ಕಾರು ಸಂತೋಷ್ ಅವರ ಸ್ಕೂಟರ್‌ಗೆ ಬಲವಾಗಿ ಡಿಕ್ಕಿ ಹೊಡೆದಿದೆ. ಡಿಕ್ಕಿಯ ರಭಸಕ್ಕೆ ಕಾರು ಸಂಪೂರ್ಣವಾಗಿ ನಿಯಂತ್ರಣ ತಪ್ಪಿ, ಹತ್ತಿರದಲ್ಲಿದ್ದ ಪ್ರೊಫೆಸರ್ ಕೈಲಾಶ್ ಚೌಹಾಣ್ ಎಂಬುವವರ ಮನೆಯ ಕಾಂಪೌಂಡ್ ಗೋಡೆಯನ್ನು ಪುಡಿಮಾಡಿಕೊಂಡು, ಪಕ್ಕದ ಮತ್ತೊಂದು ಆಸ್ತಿಯ ಗೋಡೆಗೂ ಡಿಕ್ಕಿ ಹೊಡೆದು ತೋಟದಲ್ಲಿ ಹೋಗಿ ನಿಂತಿದೆ. ಅಪಘಾತದ ಸದ್ದು ಕೇಳಿ ಪ್ರೊಫೆಸರ್ ಕೈಲಾಶ್ ಅವರು ತಕ್ಷಣ ಮನೆಯಿಂದ ಹೊರಗೆ ಓಡಿ ಬಂದಿದ್ದಾರೆ. ಅಪಘಾತ ನಡೆದ ತಕ್ಷಣ, ಕಾರಿನಲ್ಲಿದ್ದ ಮೂವರು ಆರೋಪಿಗಳು ಹಾನಿಗೊಳಗಾದ ಥಾರ್ ಕಾರನ್ನು ಅಲ್ಲಿಯೇ ಬಿಟ್ಟು, ಸ್ಥಳಕ್ಕೆ ಬಂದ ಮತ್ತೊಂದು ಕಾರಿನಲ್ಲಿ ಹತ್ತಿ ಪರಾರಿಯಾಗಿದ್ದಾರೆ ಎಂದು ತಿಳಿದುಬಂದಿದೆ.

ಮಧುಗಿರಿಯ ಎನ್‌ಎಚ್‌-69ರ ಅಪಘಾತ ವಲಯಕ್ಕೆ ಮುಕ್ತಿ; 29.94 ಕೋಟಿ ರೂ. ವೆಚ್ಚದಲ್ಲಿ ಚತುಷ್ಪಥ ರಸ್ತೆ ಅಭಿವೃದ್ಧಿಗೆ ಕೇಂದ್ರದ ಅನುಮೋದನೆ

ಕಾರಿನ ನಂಬರ್ ಪ್ಲೇಟ್ ಆಧರಿಸಿ ಪೊಲೀಸರು ತನಿಖೆ ನಡೆಸಿದ್ದು, ಈ ವಾಹನವು ಪಂಕ ಬಹದ್ದೂರ್ ನಗರದ ಕೃಷ್ಣ ಕುಮಾರ್ ಎಂಬುವವರ ಹೆಸರಿನಲ್ಲಿ ನೋಂದಣಿಯಾಗಿದೆ ಎಂದು ತಿಳಿದುಬಂದಿದೆ. ಸದ್ಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ಆರೋಪಿಗಳು ತಪ್ಪಿಸಿಕೊಳ್ಳಲು ಬಳಸಿದ ಕಾರಿನ ಮಾರ್ಗ ಮತ್ತು ಅವರ ಗುರುತನ್ನು ಪತ್ತೆಹಚ್ಚಲು ಸುತ್ತಮುತ್ತಲಿನ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸುತ್ತಿದ್ದಾರೆ.

]]>

Gold Price Today on 8th 2026: ಚಿನ್ನದ ದರದಲ್ಲಿಂದು ಯಥಾಸ್ಥಿತಿ; ಬೆಲೆ ಚೆಕ್‌ ಮಾಡಿ

Sun, 08 Nov 2026 06:51:25 +0000

ಬೆಂಗಳೂರು: ಚಿನ್ನದ ದರದಲ್ಲಿಂದು ಯಥಾಸ್ಥಿತಿ ಇದೆ. (Gold Price Today on 8th) ಬೆಂಗಳೂರಿನಲ್ಲಿ 22 ಕ್ಯಾರಟ್‌ನ 1 ಗ್ರಾಂ ಚಿನ್ನದ ದರ 13,160 ರೂ. ಆಗಿದ್ದರೆ, 24 ಕ್ಯಾರಟ್‌ನ 1 ಗ್ರಾಂ ಚಿನ್ನದ ದರ 14357 ರೂ. ಆಗಿದೆ. 22 ಕ್ಯಾರಟ್‌ 8 ಗ್ರಾಂಗೆ 1,05,280 ರೂ ಹಾಗೂ 10 ಗ್ರಾಂಗೆ 1,31,600 ರೂ. ಇದ್ದರೆ, 100 ಗ್ರಾಂಗೆ ನೀವು 13,16,000 ರೂ. ನೀಡಬೇಕು. 24 ಕ್ಯಾರಟ್‌ 8 ಗ್ರಾಂಗೆ 1,14,856 ರೂ. ಇದ್ದರೆ, 10 ಗ್ರಾಂಗೆ ಚಿನ್ನಕ್ಕೆ 1,43,570 ರೂ. ಮತ್ತು 100 ಗ್ರಾಂ ಚಿನ್ನಕ್ಕೆ ನೀವು 14,35,700 ರೂ. ಪಾವತಿ ಮಾಡಬೇಕಾಗುತ್ತದೆ.

ವಿವಿಧ ನಗರಗಳಲ್ಲಿನ ಚಿನ್ನದ ಬೆಲೆ

ನಗರ	22 ಕ್ಯಾರಟ್‌ (1 ಗ್ರಾಂ)	24 ಕ್ಯಾರಟ್‌ (1 ಗ್ರಾಂ)
ಚೆನ್ನೈ	13,160 ರೂ.	14357 ರೂ.
ಮುಂಬೈ	13,160 ರೂ.	14357 ರೂ.
ದೆಹಲಿ	13,160 ರೂ.	14357 ರೂ.
ಕೋಲ್ಕತಾ	13,160 ರೂ.	14357 ರೂ.
ಹೈದರಾಬಾದ್‌	13,160 ರೂ.	14357 ರೂ.

ಇತ್ತ ಬೆಳ್ಳಿ ದರದಲ್ಲಿಯೂ ಯಥಾಸ್ಥಿತಿ ಕಂಡು ಬಂದಿದೆ. ಬೆಂಗಳೂರಿನಲ್ಲಿ 1 ಗ್ರಾಂ ಬೆಳ್ಳಿಗೆ 205 ರೂಪಾಯಿ ಇದೆ. 10 ಗ್ರಾಂಗೆ 2,050 ರೂಪಾಯಿ ಮತ್ತು 1 ಕೆಜಿಗೆ 2,05,000 ರೂಪಾಯಿ ಇದೆ.

]]>

ಈ ಬಾರಿ ಬಸ್ತಾರ್‌ನಲ್ಲಿ ಯೋಧರೊಂದಿಗೆ ದೀಪಾವಳಿ ಆಚರಿಸಲಿರುವ ಪ್ರಧಾನಿ ಮೋದಿ: ಸಿಆರ್‌ಪಿಎಫ್ ಸಾಧನೆಗೆ ಶ್ಲಾಘನೆ

Sun, 08 Nov 2026 06:31:49 +0000

ರಾಯ್ಪುರ್‌: ಪ್ರಧಾನಮಂತ್ರಿ ನರೇಂದ್ರ ಮೋದಿ (PM Modi) ಅವರು ಈ ಬಾರಿಯ ದೀಪಾವಳಿಯನ್ನು ಛತ್ತೀಸ್‌ಗಢದ ಬಸ್ತಾರ್ ವಲಯದಲ್ಲಿ ನಕ್ಸಲ್ (Diwali With Security Forces) ವಿರೋಧಿ ಕಾರ್ಯಾಚರಣೆಯಲ್ಲಿ ತೊಡಗಿರುವ ಭದ್ರತಾ ಸಿಬ್ಬಂದಿಯೊಂದಿಗೆ ಆಚರಿಸಲು ತೆರಳುತ್ತಿದ್ದಾರೆ. ಒಂದು ಕಾಲದಲ್ಲಿ ನಕ್ಸಲೈಟ್ ಪೀಡಿತ ಪ್ರದೇಶವಾಗಿದ್ದ ಬಸ್ತಾರ್, ಇಂದು ಶಾಂತಿ ಮತ್ತು ಅಭಿವೃದ್ಧಿಯತ್ತ ಮುಖ ಮಾಡಿರುವುದನ್ನು ಈ ಭೇಟಿ ಬಿಂಬಿಸುತ್ತದೆ.

ಈ ಕುರಿತು ಎಕ್ಸ್ (ಟ್ವಿಟರ್) ಖಾತೆಯಲ್ಲಿ ಬರೆದುಕೊಂಡಿರುವ ಪ್ರಧಾನಿ ಮೋದಿ, "ನಮ್ಮ ವೀರ ಭದ್ರತಾ ಪಡೆಗಳೊಂದಿಗೆ ದೀಪಾವಳಿ ಆಚರಿಸಲು ಬಸ್ತಾರ್‌ಗೆ ತೆರಳುತ್ತಿದ್ದೇನೆ. ಇದು ಒಂದು ಕಾಲದಲ್ಲಿ ನಕ್ಸಲಿಸಂನ ಪ್ರಭಾವಕ್ಕೆ ಒಳಗಾಗಿದ್ದ ಪ್ರದೇಶವಾಗಿದ್ದು, ಈಗ ಇಲ್ಲಿ ಅಭಿವೃದ್ಧಿ ನಡೆಯುತ್ತಿದೆ. ದೇಶಕ್ಕಾಗಿ ಪ್ರಾಣತ್ಯಾಗ, ನಿಸ್ವಾರ್ಥ ಸೇವೆ ಮತ್ತು ಅಚಲ ಭಕ್ತಿಯನ್ನು ತೋರುತ್ತಿರುವ ನಮ್ಮ ವೀರ ಭದ್ರತಾ ಸಿಬ್ಬಂದಿಗೆ ಸಲಾಂ ಮಾಡಲು ನಾನು ಅಲ್ಲಿಗೆ ಹೋಗುತ್ತಿದ್ದೇನೆ" ಎಂದು ತಿಳಿಸಿದ್ದಾರೆ.

Heading to Bastar to celebrate Diwali with our brave security forces. This is an area where Naxalism once held sway and now, development is flourishing. I am going to salute our brave security personnel for their sacrifices, selfless service and unwavering devotion to the nation. दीपावली के पावन अवसर पर बस्तर जा रहा हूं। कल तक जहां नक्सलियों का कहर था वहां आज विकास की बहार है। वीर जवानों, उनके बलिदान, त्याग और तपस्या को नमन करने जा रहा हूं।
— Narendra Modi (@narendramodi) November 8, 2026

ಕಳೆದ 12 ತಿಂಗಳುಗಳಿಂದ ಯಾವುದೇ ಕಾರ್ಯಾಚರಣೆಯ ಸಾವು-ನೋವುಗಳನ್ನು ಹೊಂದಿರದ ಕೇಂದ್ರ ಮೀಸಲು ಪೊಲೀಸ್ ಪಡೆ ಸಾಧನೆಯನ್ನು ಪ್ರಧಾನಿ ಮೋದಿ ಶ್ಲಾಘಿಸಿದ್ದಾರೆ. ಇದಕ್ಕೆ ದೊಡ್ಡ ಸಂದೇಶ ಸಾರುವ ಶೂನ್ಯ ಎಂದು ಅವರು ಬಣ್ಣಿಸಿದ್ದಾರೆ. ಅತ್ಯಾಧುನಿಕ ಉಪಕರಣಗಳು, ಉತ್ತಮ ತರಬೇತಿ, ಕಾರ್ಯತಂತ್ರದ ಯೋಜನೆ ಮತ್ತು ಗಾಯಗೊಂಡ ಸಿಬ್ಬಂದಿಯನ್ನು ಶೀಘ್ರವಾಗಿ ಆಸ್ಪತ್ರೆಗೆ ರವಾನಿಸುವ ವೈದ್ಯಕೀಯ ವ್ಯವಸ್ಥೆಗಳು ಈ ಸಾಧನೆಗೆ ಕಾರಣ ಎಂದು ಸಿಆರ್‌ಪಿಎಫ್ ಮಹಾನಿರ್ದೇಶಕ ಜಿ.ಪಿ. ಸಿಂಗ್ ತಿಳಿಸಿದ್ದಾರೆ.

Deepavali 2026: ಬೆಳಕಿನ ಹಬ್ಬ ದೀಪಾವಳಿ ತರದಿರಲಿ ನಿಮ್ಮ ಬಾಳಿಗೆ ಅಂಧಕಾರ!

ಒಂದು ಕಾಲದಲ್ಲಿ ನಕ್ಸಲಿಸಂನ ಭದ್ರಕೋಟೆಯಾಗಿದ್ದ ಬಸ್ತಾರ್ ವಲಯವು ಇಂದು ಶಾಂತಿ ಮತ್ತು ಅಭಿವೃದ್ಧಿಯತ್ತ ವೇಗವಾಗಿ ಹೆಜ್ಜೆ ಇಡುತ್ತಿದೆ. ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳ ಜಂಟಿ ಪ್ರಯತ್ನಗಳು, ಭದ್ರತಾ ಪಡೆಗಳ ನಿರಂತರ ಕಾರ್ಯಾಚರಣೆ ಹಾಗೂ ಅಭಿವೃದ್ಧಿ ಯೋಜನೆಗಳು ಈ ಬದಲಾವಣೆಗೆ ಮುಖ್ಯ ಕಾರಣವಾಗಿವೆ. ಸರ್ಕಾರದ ನಕ್ಸಲ್ ವಿರೋಧಿ ಕಟ್ಟುನಿಟ್ಟಿನ ಕ್ರಮಗಳು ಹಾಗೂ ಶರಣಾದವರಿಗೆ ಮುಖ್ಯವಾಹಿನಿಗೆ ಬರಲು ನೀಡುತ್ತಿರುವ ಪುನರ್ವಸತಿ ಯೋಜನೆಗಳಿಂದಾಗಿ ಬಸ್ತಾರ್‌ನಲ್ಲಿ ನಕ್ಸಲಿಸಂ ಹಿಮ್ಮೆಟ್ಟುತ್ತಿದೆ. ಪರಿಣಾಮವಾಗಿ ಈ ಭಾಗದಲ್ಲಿ ಶಿಕ್ಷಣ, ಆರೋಗ್ಯ, ರಸ್ತೆ ಸಂಪರ್ಕ, ವಿದ್ಯುತ್ ಮತ್ತು ಪ್ರವಾಸೋದ್ಯಮ ಕ್ಷೇತ್ರಗಳು ವೇಗವಾಗಿ ಅಭಿವೃದ್ಧಿ ಹೊಂದುತ್ತಿವೆ.

]]>

100ನೇ ವಸಂತಕ್ಕೆ ಎಲ್.ಕೆ. ಅಡ್ವಾಣಿ ; ಮೋದಿ ವಿಶೇಷ ಲೇಖನದ ಮೂಲಕ ಶುಭ ಕೋರಿದ ಮೋದಿ

Sun, 08 Nov 2026 05:36:53 +0000

ನವದೆಹಲಿ: ಭಾರತೀಯ ಜನತಾ ಪಕ್ಷದ (BJP) ಹಿರಿಯ ಧುರಿತ ಹಾಗೂ ದೇಶದ ಮಾಜಿ ಉಪಪ್ರಧಾನಿ ಲಾಲ್ ಕೃಷ್ಣ ಅಡ್ವಾಣಿ ಅವರು (L.K Advani) ಭಾನುವಾರ (ನವೆಂಬರ್ 8) 100 ನೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ. ಈ ವಿಶೇಷ ಸಂದರ್ಭದಲ್ಲಿ ಪ್ರಧಾನಿ ನರೇಂದ್ರ ಮೋದಿ (Narendra Modi) ಅವರು ವಿಶೇಷ ಲೇಖನವೊಂದನ್ನು ಬರೆಯುವ ಮೂಲಕ ಅಡ್ವಾಣಿ ಅವರ ರಾಜಕೀಯ ಜೀವನ, ಪಕ್ಷದ ಬೆಳವಣಿಗೆಗೆ ನೀಡಿದ ಕೊಡುಗೆ ಹಾಗೂ ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಅವರೊಂದಿಗಿನ ಅವರ ಒಡನಾಟವನ್ನು ಸ್ಮರಿಸಿದ್ದಾರೆ.

1947 ರ ದೇಶ ವಿಭಜನೆಯ ಸಂದರ್ಭದಲ್ಲಿ ಕರಾಚಿಯಿಂದ ಭಾರತಕ್ಕೆ ಬಂದು ಶೂನ್ಯದಿಂದ ಜೀವನ ಆರಂಭಿಸಿದ ಅಡ್ವಾಣಿ ಅವರ ದೃಢ ಸಂಕಲ್ಪವೇ ಅವರ ರಾಜಕೀಯ ಯಶಸ್ಸಿಗೆ ಕಾರಣ ಎಂದು ಪ್ರಧಾನಿ ಹೇಳಿದ್ದಾರೆ. ಜನಸಂಘ ಹಾಗೂ ಬಿಜೆಪಿಯನ್ನು ದೇಶದ ಪ್ರಮುಖ ರಾಜಕೀಯ ಶಕ್ತಿಯಾಗಿ ಬೆಳೆಸುವಲ್ಲಿ ಮತ್ತು 'ರಾಷ್ಟ್ರವೇ ಮೊದಲು' ಎಂಬ ತತ್ವದಡಿ ಪಕ್ಷದ ಬುನಾದಿ ಹಾಕುವಲ್ಲಿ ಅವರ ಪಾತ್ರ ದೊಡ್ಡದಿದೆ. 1996 ರಲ್ಲಿ ಬಿಜೆಪಿ ಮೊದಲ ಬಾರಿಗೆ ಸಂಸತ್ತಿನಲ್ಲಿ ಅತಿ ದೊಡ್ಡ ಪಕ್ಷವಾಗಿ ಹೊರಹೊಮ್ಮಲು ಅಡ್ವಾಣಿ ಅವರ ನಾಯಕತ್ವವೇ ಕಾರಣವಾಗಿತ್ತು.

1991 ರ ಲೋಕಸಭಾ ಚುನಾವಣೆಯ ಸಂದರ್ಭದಲ್ಲಿ ಗುಜರಾತ್‌ನ ಗಾಂಧಿನಗರ ಕ್ಷೇತ್ರದಿಂದ ಅಡ್ವಾಣಿ ಅವರು ಸ್ಪರ್ಧಿಸಿದ್ದಾಗ, ತಾವು ಅವರ ಚುನಾವಣಾ ಏಜೆಂಟ್ ಆಗಿ ನಾಮಪತ್ರ ಸಲ್ಲಿಕೆ ಹಾಗೂ ಪ್ರಚಾರ ಕಾರ್ಯಗಳಲ್ಲಿ ಸಕ್ರಿಯವಾಗಿ ಭಾಗವಹಿಸಿದ್ದನ್ನು ಪ್ರಧಾನಿ ಮೋದಿ ನೆನಪಿಸಿಕೊಂಡಿದ್ದಾರೆ. ದೇಶದ ಭದ್ರತಾ ವ್ಯವಸ್ಥೆಯನ್ನು ಬಲಪಡಿಸುವಲ್ಲಿ ಗೃಹ ಸಚಿವರಾಗಿ ಮತ್ತು ಉಪಪ್ರಧಾನಿಯಾಗಿ ಅಡ್ವಾಣಿ ಅವರು ತೆಗೆದುಕೊಂಡ ನಿರ್ಧಾರಗಳು ಹಾಗೂ ದೇಶಾದ್ಯಂತ ಸಂಚಲನ ಮೂಡಿಸಿದ್ದ ಸೋಮನಾಥ-ಅಯೋಧ್ಯೆ ರಥಯಾತ್ರೆಯಲ್ಲಿ ಅವರ ದೈಹಿಕ ಶಕ್ತಿ ಮತ್ತು ಬದ್ಧತೆಯನ್ನು ಮೋದಿ ಲೇಖನದಲ್ಲಿ ಮೋದಿ ಬರೆದುಕೊಂಡಿದ್ದಾರೆ.

ಅಡ್ವಾಣಿ ಅವರ ಜನ್ಮದಿನದ ಅಂಗವಾಗಿ ನವದೆಹಲಿಯಲ್ಲಿರುವ ಬಿಜೆಪಿ ಕೇಂದ್ರ ಕಚೇರಿಯಲ್ಲಿ ವಿಶೇಷ ಪೂಜೆ ಮತ್ತು ಹವನವನ್ನು ಹಮ್ಮಿಕೊಳ್ಳಲಾಗಿದೆ. ಈ ಸಮಾರಂಭದಲ್ಲಿ ಅವರ ಜೀವನ ಮತ್ತು ರಾಜಕೀಯ ಪಯಣವನ್ನು ಒಳಗೊಂಡ 20 ನಿಮಿಷಗಳ ವಿಶೇಷ ಸಾಕ್ಷ್ಯಚಿತ್ರವನ್ನು ಪ್ರದರ್ಶಿಸಲಾಗುತ್ತಿದ್ದು, ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ನಿತಿನ್ ನಬಿನ್, ಕೇಂದ್ರ ಸಚಿವ ಪಿಯೂಷ್ ಗೋಯಲ್ ಹಾಗೂ ಅಡ್ವಾಣಿ ಅವರ ಪುತ್ರಿ ಪ್ರತಿಭಾ ಅಡ್ವಾಣಿ ಭಾಗವಹಿಸಲಿದ್ದಾರೆ.

]]>

Arvind Limbavali Interview: ಅಭಿವೃದ್ಧಿ ಯೋಜನೆಗೆ ಸರಕಾರದ ಬಳಿ ಹಣವಿಲ್ಲ

Sun, 08 Nov 2026 05:24:52 +0000

ಸಂದರ್ಶನ: ರಂಜಿತ್ ಎಚ್.ಅಶ್ವತ್ಥ

ಅನುಮೋದಿತ ಯೋಜನೆಗೂ ಅನುದಾನ ಕೊಡದಷ್ಟು ರಾಜ್ಯ ಸರಕಾರ ದಿವಾಳಿ

ಸರಕಾರ ಪರಿಹಾರ ನೀಡದ ಕಟ್ಟಡಗಳಿಗೆ ಸಿಎಸ್‌ಆರ್ ಅನುದಾನದಲ್ಲಿ ಪರಿಹಾರ

ಕಾಮಗಾರಿಗಳನ್ನು ಮುಗಿಸಿ ಎಂದು ಹೇಳಿ ಹೋಗುತ್ತಾರೆ ಹೊರತು, ಆ ಕಾಮಗಾರಿ ಪೂರ್ಣಗೊಳಿಸಲು ಬೇಕಿರುವಷ್ಟು ಅನುದಾನ ನೀಡುವುದಿಲ್ಲ. ಹಿಂದಿನ ಸರಕಾರದ ಅವಧಿಯಲ್ಲಿ ಅನುಮೋದನೆಗೊಂಡಿರುವ ಯೋಜನೆಗೂ ಅನುದಾನ ನೀಡಲು ಸಾಧ್ಯ ವಾಗದಷ್ಟು ದಿವಾಳಿತನ ಈ ಸರಕಾರಕ್ಕಿದೆ ಎಂದು ಮಾಜಿ ಸಚಿವ ಅರವಿಂದ ಲಿಂಬಾವಳಿ ಟೀಕಿಸಿದ್ದಾರೆ.

ಬೆಂಗಳೂರಿನ ಪ್ರಮುಖ ಐಟಿ ಹಬ್ ಅನ್ನು ಸಂಪರ್ಕಿಸುವ ವರ್ತೂರು- ಗುಂಜೂರು ರಸ್ತೆ ಕಾಮಗಾರಿ ವಿಷಯದಲ್ಲಿ ಸರಕಾರದ ವಿಳಂಬ ಧೋರಣೆಯನ್ನು ಟೀಕಿಸಿರುವ ಅವರು, ಇದೀಗ ಅಧಿಕೃತ ಗುತ್ತಿಗೆದಾರರ ಬದಲಿಗೆ ‘ಗುಡ್‌ವಿಲ್’ನಲ್ಲಿ ಇತರೆ ಗುತ್ತಿಗೆದಾರರಿಂದ ಕಾಮಗಾರಿಗೆ ವೇಗ ನೀಡುವ ಪ್ರಯತ್ನ ನಡೆಸಿದ್ದಾರೆ. ವರ್ತೂರು-ಗುಂಜೂರು ರಸ್ತೆಯ ಪ್ರಾಮುಖ್ಯತೆ, ಇತಿಹಾಸ, ಅನುದಾನ ಸೇರಿದಂತೆ ಹಲವು ವಿಷಯಗಳ ಬಗ್ಗೆ ‘ವಿಶ್ವವಾಣಿ’ಗೆ ನೀಡಿರುವ ವಿಶೇಷ ಸಂದರ್ಶನದಲ್ಲಿ ಮಾತನಾಡಿದ್ದಾರೆ. ಸಂದರ್ಶನದ ಪೂರ್ಣ ಪಾಠ ಇಲ್ಲಿದೆ.

ವರ್ತೂರು-ಗುಂಜೂರು ರಸ್ತೆ ಅಭಿವೃದ್ಧಿಯ ಯೋಚನೆ ಬಂದಿದ್ದೇಗೆ?

2009ರಲ್ಲಿ ನಾನು ಸಚಿವನಾಗಿದ್ದ ಸಮಯದಲ್ಲಿ ಏರ್‌ಪೋರ್ಟ್ ರಸ್ತೆ ಸಂಪರ್ಕಕ್ಕೆ ಪ್ರಸ್ತಾವನೆ ನೀಡಿದ್ದೆ. ಈ ಭಾಗದಿಂದ ಕಾಡುಗೋಡಿ, ಬೂದುಗೆರೆ ಕ್ರಾಸ್ ಹಾಗೂ ಮಂಡೂರು ಮಾರ್ಗವಾಗಿ ವಿಮಾನ ನಿಲ್ದಾಣಕ್ಕೆ ಹೋಗಲು ಅನುಕೂಲವಾಗುವ ರಸ್ತೆ ಇದಾಗಿದೆ. ಐಟಿಪಿಎಲ್ ಇರುವುದರಿಂದ ಈ ಭಾಗದ ಜನರಿಗೂ ಅನುಕೂಲವಾಗು ತ್ತದೆ ಎಂಬ ಉದ್ದೇಶವಿತ್ತು. ಈ ಪ್ರಸ್ತಾ ವನೆಗೆ ಹಿಂದಿನ ಸರಕಾರದಲ್ಲಿ ಅನುಮೋದನೆ ದೊರೆಯಿತು. ಆರಂಭದಲ್ಲಿ 60 ಅಡಿ ರಸ್ತೆ ನಿರ್ಮಾಣಕ್ಕೆ ಯೋಜನೆ ರೂಪಿಸಲಾಗಿತ್ತು. ಆದರೆ, ಸ್ಥಳೀಯರು ರಥೋತ್ಸವದ ಸಂದರ್ಭದಲ್ಲಿ ರಥ ತಿರುಗಿಸಲು ಸಮಸ್ಯೆ ಯಾಗುತ್ತದೆ ಹಾಗೂ 60 ಅಡಿ ರಸ್ತೆ ಸಾಕಾಗುವುದಿಲ್ಲ ಎಂದು ಮನವಿ ಮಾಡಿದರು. ಹೀಗಾಗಿ ಯೋಜನೆಯನ್ನು ಪರಿಷ್ಕರಿಸಿ 100 ಅಡಿ ರಸ್ತೆ ಮತ್ತು 60 ಅಡಿ ಫ್ಲೈಓವರ್ ನಿರ್ಮಾಣಕ್ಕೆ ಅನುಮೋದನೆ ಪಡೆಯಲಾಯಿತು.

ಇದನ್ನೂ ಓದಿ: Ranjith H Ashwath Column: ಮೇಲ್ಮನೆಯ ಫಲಿತಾಂಶದ ಲಾಭ-ನಷ್ಟ !

ವರ್ತೂರು-ಗುಂಜೂರು ರಸ್ತೆ ಕಾಮಗಾರಿ ಯಾವಾಗ ಮುಗಿಯುವ ನಿರೀಕ್ಷೆಯಿದೆ?

ನಾನು ಈ ಕಾಮಗಾರಿಯ ಹಿಂದೆ ಬಿದ್ದಿದ್ದೇನೆ. ಕೆಎಡಿಸಿಎಲ್‌ನಿಂದ ಸಹಕಾರ ಸಿಗುತ್ತಿಲ್ಲ. ಪ್ರವೇಶದ ಬಳಿ ಎರಡು ಆಸ್ತಿ ಗಳ ಸಮಸ್ಯೆಯಿದೆ. ಹೊಸ ಸೇತುವೆ ನಿರ್ಮಾಣವಾಗಿದ್ದರೂ ಸಂಪರ್ಕ ರಸ್ತೆ ಯಿಲ್ಲದೆ ಸಂಚಾರಕ್ಕೆ ತೊಂದರೆಯಾಗುತ್ತಿದೆ. ಹಳೆಯ ಸೇತುವೆಯನ್ನು ತಾತ್ಕಾಲಿಕವಾಗಿ ಕಾರು ಮತ್ತು ದ್ವಿಚಕ್ರ ವಾಹನಗಳ ಸಂಚಾರಕ್ಕೆ ತೆರೆದಿದ್ದೇವೆ. ಸರಕಾರದ ಸಚಿವರು ಬಂದು ಪರಿಶೀಲನೆ ನಡೆಸಿ ಮೋಟಾರ್ ವಾಹನಗಳ ಸಂಚಾರಕ್ಕೆ ಅನುಕೂಲ ಮಾಡಿಕೊಡಿ ಎಂದು ಹೇಳಿ ಹೋಗಿದ್ದಾರೆ. ಆದರೆ, ಗುತ್ತಿಗೆದಾರರ ಸಮಸ್ಯೆ ಬಗೆಹರಿಸಲು ಸರಕಾರ ಸಿದ್ಧವಿಲ್ಲ. ಹೀಗಾಗಿ ಬೇರೆ ಗುತ್ತಿಗೆದಾರರನ್ನು ಕರೆತಂದು ಕೆಲಸ ಮಾಡಿಸುವ ಪರಿಸ್ಥಿತಿ ಬಂದಿದೆ.

ಕಾಮಗಾರಿ ವಿಳಂಬಕ್ಕೆ ಕಾರಣವೇನು?

33 ಆಸ್ತಿಗಳಿಗೆ ಪರಿಹಾರ ನೀಡುವುದು ಬಾಕಿಯಿದೆ. ಭೂಮಾಲೀಕರು ಟಿಡಿಆರ್ ಬೇಡ, ಪರಿಹಾರ ನೀಡಿದರೆ ಒಪ್ಪಿಕೊಳ್ಳುತ್ತೇವೆ ಎಂದು ತಿಳಿಸಿದ್ದರು. ಹಲವು ಸಭೆಗಳನ್ನು ನಡೆಸಿ ಅವರನ್ನು ಒಪ್ಪಿಸಿದ್ದೇನೆ. ಗುತ್ತಿಗೆದಾರರು ಕಾಮ ಗಾರಿ ವಿಳಂಬವಾಗಿರುವುದರಿಂದ ಇಂದಿನ ಎಸ್‌ಆರ್ ದರಕ್ಕೆ ಗುತ್ತಿಗೆ ನೀಡುವಂತೆ ಒತ್ತಡ ಹೇರುತ್ತಿದ್ದಾರೆ. ಆದರೆ, ಸರಕಾರ ಈ ಬಗ್ಗೆ ತೀರ್ಮಾನ ಕೈಗೊಳ್ಳುತ್ತಿಲ್ಲ. ಹೀಗಾಗಿ ಕಾಮಗಾರಿ ಸ್ಥಗಿತಗೊಂಡಿತ್ತು. ಕೊನೆಗೆ ಬೇರೆ ಇಬ್ಬರು ಗುತ್ತಿಗೆದಾರರನ್ನು ಕರೆತಂದು, ಪಾವತಿ ಬಗ್ಗೆ ಚಿಂತಿಸಬೇಡಿ, ಮೊದಲು ಕೆಲಸ ಆರಂಭಿಸಿ ಎಂದು ಮನವಿ ಮಾಡಿದ್ದೇನೆ. ಅವರು ಸಹಕಾರ ನೀಡುತ್ತಿzರೆ. ಈಗ ಕಾಮಗಾರಿ ಹೇಗೆ ಸಾಗುತ್ತಿದೆ? ಈಗ ನೀವೇ ನೋಡುತ್ತಿದ್ದೀರಿ. ಹಿಂದೆ ಶಾಲಾ ಬಸ್‌ಗಳು ಮೂರು-ನಾಲ್ಕು ಗಂಟೆಗಳ ಕಾಲ ಸಂಚಾರ ದಟ್ಟಣೆಯಲ್ಲಿ ನಿಲ್ಲುತ್ತಿದ್ದವು. ಈಗ ಆ ಪರಿಸ್ಥಿತಿ ಇಲ್ಲ. ವಾಹನಗಳ ಸಂಚಾರ ಸುಗಮವಾಗಿದೆ. ಇನ್ನೂ ಎರಡು-ಮೂರು ಕಡೆ ಬಾಟಲ್ ನೆಕ್ ಸಮಸ್ಯೆಯಿದೆ. ಹೊಸ ಸೇತುವೆಯ ಸಂಪರ್ಕ ರಸ್ತೆಗೆ ಸಂಬಂಧಿಸಿದಂತೆ ಎರಡು ಆಸ್ತಿಗಳ ಸಮಸ್ಯೆ ಬಾಕಿಯಿದೆ. ಅದನ್ನು ಇತ್ಯರ್ಥಪಡಿಸಿದರೆ ಸಂಚಾರ ಮತ್ತಷ್ಟು ಸುಗಮವಾಗಲಿದೆ.

ಈ ರಸ್ತೆಯಿಂದ ಸಂಚಾರ ದಟ್ಟಣೆ ಎಷ್ಟು ಕಡಿಮೆಯಾಗಬಹುದು?

100 ಅಡಿ ರಸ್ತೆ ಹಾಗೂ 60 ಅಡಿ ಫ್ಲೈ-ಓವರ್ ನಿರ್ಮಾಣದಿಂದ ಒಟ್ಟು 160 ಅಡಿ ಸಂಚಾರ ವ್ಯವಸ್ಥೆ ಸಿಗಲಿದೆ. ಈ ಭಾಗದಲ್ಲಿ ಹಲವು ಶಾಲೆಗಳಿವೆ. ಅಂತಾರಾಷ್ಟ್ರೀಯ ಶಾಲೆಗಳೂ ಇವೆ. ಶಾಲೆಗಳಿಗೆ ಹೋಗುವವರು ಮತ್ತು ಐಟಿ-ಬಿಟಿ ಉದ್ಯೋಗಿಗಳಿಗೆ ಸಂಚಾರ ದಟ್ಟಣೆ ಕಡಿಮೆಯಾಗಲಿದೆ. ಅನೇಕ ವಸತಿ ಯೋಜನೆಗಳು ಬಂದಿರುವುದರಿಂದ ಜನಸಂಖ್ಯೆ ಹೆಚ್ಚಾಗಿದೆ. ವಾಹನಗಳ ಸಂಖ್ಯೆಯೂ ಹೆಚ್ಚುತ್ತಿದೆ. ಹೀಗಾಗಿ ರಸ್ತೆಗಳು ಬೇಕೇ ಬೇಕು. ಇನ್ನೊಂದು ಐದು ವರ್ಷಗಳ ನಂತರ ಈ ರಸ್ತೆಯೂ ಸಾಕಾಗದ ಪರಿಸ್ಥಿತಿ ಬರಬಹುದು.

ಕೆಲ ಕಟ್ಟಡಗಳಿಗೆ ಪರಿಹಾರ ಸಿಕ್ಕಿಲ್ಲ: ಅವು ಗಳಿಗೆ ಪರ್ಯಾಯ ಮಾರ್ಗವೇನು?

ದೇವಸ್ಥಾನಗಳು, ಮಸೀದಿಗಳು, ಶಾಲೆಗಳು ಮತ್ತು ಮಾರುಕಟ್ಟೆ ಕಟ್ಟಡಗಳಿಗೆ ಸರಕಾರ ಹಣ ನೀಡ ಬೇಕಿತ್ತು. ಹಳೆಯ ದೇವಸ್ಥಾನಗಳನ್ನು ಪುನರ್‌ನಿರ್ಮಾಣ ಮಾಡಬೇಕಿದೆ. ಆವುಗಳಿಗೆ ಪರಿಹಾರ ಕೊಡಲು ಸರಕಾರದ ಬಳಿ ಹಣ ನೀಡಲಾಗದ ಸ್ಥಿತಿಯಿದೆ. ಆದ್ದರಿಂದ ಸರಕಾರವನ್ನು ನಂಬಿಕೊಂಡರೆ ಆಗುವುದಿಲ್ಲ ಎಂದು ಸಿಎಸ್‌ಆರ್ ನಿಧಿ ಮೂಲಕ ಹಣ ತಂದು ಕೆಲಸ ಮಾಡುತ್ತಿದ್ದೇವೆ.

ಎರಡು ಆಂಜನೇಯ ದೇವಸ್ಥಾನಗಳು, ಯಲ್ಲಮ್ಮ ದೇವಸ್ಥಾನ, ಹೊರತೂರು ಮಸೀದಿ, ಗುಂಜೂರಿನ ಶ್ರೀರಾಮ ದೇವಸ್ಥಾನ, ದ್ರೌಪದಮ್ಮನ ಕಮಾನು, ಉರ್ದು ಶಾಲೆ, ಪ್ರಾಥಮಿಕ ಮತ್ತು ಪ್ರೌಢಶಾಲೆಗಳ ಕೊಠಡಿಗಳು ಹಾಗೂ ಮಾರುಕಟ್ಟೆ ಕಟ್ಟಡಗಳನ್ನು ನಿರ್ಮಿಸಲಾಗುತ್ತಿದೆ. ಇದಕ್ಕಾಗಿ ಅಂದಾಜು 15 ಕೋಟಿ ರು. ಬೇಕಾಗುತ್ತದೆ. ಈ ಹಣವನ್ನು ಸರಕಾರವೇ ನೀಡಬೇಕಾಗಿತ್ತು. ಆದರೆ ನೀಡಿಲ್ಲ. ಒಂದು ಕಡೆ ಬಸ್, ಹಾಲು ಸೇರಿದಂತೆ ಎಲ್ಲದರ ದರಗಳನ್ನು ಹೆಚ್ಚಿಸುತ್ತಾರೆ. ಇನ್ನೊಂದು ಕಡೆ ಹಣದ ಕೊರತೆಯಿಲ್ಲ ಎನ್ನುತ್ತಾರೆ. ಹೊಸ ಯೋಜನೆಗಳು ಹೋಗಲಿ, ಈಗಾಗಲೇ ಅನುಮೋದನೆ ಗೊಂಡಿರುವ ಯೋಜನೆಗಳಿಗೂ ಹಣ ಕೊಡದಂತ ಕೆಟ್ಟ ಪರಿಸ್ಥಿತಿಗೆ ಬಂದಿದೆ. ಅಷ್ಟರ ಮಟ್ಟಿಗೆ ಈ ಸರಕಾರ ದಿವಾಳಿಯಾಗಿದೆ.

ಕಾಂಗ್ರೆಸ್ ಸರಕಾರ ಬಂದ ಬಳಿಕವೇ ಯೋಜನೆಗೆ ವೇಗ ಸಿಕ್ಕಿದೆ ಎನ್ನುವ ಮಾತಿದೆಯಲ್ಲ?

ನಾನು ಶಾಸಕನಾಗಿದ್ದಾಗಲೇ ಭೂ ಸ್ವಾಧೀನ ಮತ್ತು ಕಟ್ಟಡಗಳ ತೆರವು ವಿಚಾರವಾಗಿ ಮೂರು-ನಾಲ್ಕು ಸಭೆ ಗಳನ್ನು ಮಾಡಿದ್ದೇನೆ. ಈಗಿನ ಸರಕಾರ ಮಾಡಬೇಕಾಗಿರುವುದು ಹಣ ಬಿಡುಗಡೆ ಮಾಡುವುದು ಮಾತ್ರ. ಗುತ್ತಿಗೆದಾರರು ಎಸ್‌ಆರ್ ದರ ಕೇಳುತ್ತಿದ್ದಾರೆ. ಸರಕಾರ ಅದಕ್ಕೆ ತೀರ್ಮಾನ ಮಾಡುತ್ತಿಲ್ಲ. ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಅವರು, ಬೆಂಗಳೂರು ಅಭಿವೃದ್ಧಿ ಸಚಿವ ಕೃಷ್ಣಬೈರೇಗೌಡ ಅವರು ಭೇಟಿ ನೀಡಿ, ಸಂಚಾರಕ್ಕೆ ವ್ಯವಸ್ಥೆ ಮಾಡಿ ಎಂದು ಹೇಳಿ ಹೋಗುತ್ತಾರೆ. ಆದರೆ ಯೋಜನೆ ಮಾಡಲು ಅನುದಾನ ಕೊಡುವುದಿಲ್ಲ. ಅನುದಾನ ನೀಡುವ ಬಗ್ಗೆ ಸಚಿವ ಸಂಪುಟಕ್ಕೆ ತರುತ್ತಿಲ್ಲ. ಕಾಂಗ್ರೆಸ್ ಸರಕಾರ ಬಂದ ಬಳಿಕ ವೇಗ ಸಿಕ್ಕಿದೆ ಎನ್ನುವವರು ನನ್ನ ಮುಂದೆ ನಿಂತು ಹೇಳಲಿ.

ಅನುದಾನ ಬಿಡುಗಡೆಯಾಗದಿರಲು ಕಾರಣವೇನು?

ಈಗಾಗಲೇ ಹಿಂದಿನ ಸರಕಾರದಲ್ಲಿ ಅನು ಮೋದನೆಯಾಗಿರುವ ಯೋಜ ನೆಗೆ ಅನುದಾನ ನೀಡದೇ ಇರಲು ಅನುದಾನ ಕೊರತೆ ಕಾರಣವಿರ ಬಹುದು. ಇಲ್ಲವೇ ಕಮಿಷನ್ ಸಿಗುತ್ತಿಲ್ಲ ಎನ್ನುವ ಕಾರಣಕ್ಕೆ ಅನುದಾನ ನೀಡಲು ಕಾಯುತ್ತಿದ್ದಾರೋ ಗೊತ್ತಿಲ್ಲ. ಅನೇಕ ಯೋಜನೆಗಳು ಬಾಕಿ ಉಳಿದಿವೆ. ಒಂದು ಕಡೆ ಹಣಯಿದ್ದರೂ ಬಿಡುಗಡೆ ಮಾಡುತ್ತಿಲ್ಲ. ಮತ್ತೊಂದೆಡೆ ರಾಜ್ಯ ಸರಕಾರದ ಯೋಜನೆಗಳಿಗೆ ಹಣವೇ ಇಲ್ಲದ ಪರಿಸ್ಥಿತಿ ಇದೆ.

ಮುಂದಿನ ಯೋಜನೆಗಳೇನು?

ಮಹದೇವಪುರ ಭಾಗದಲ್ಲಿ ರಸ್ತೆಗಳು ಬಹಳ ಮುಖ್ಯ. ಸಿಡಿಪಿ ರಸ್ತೆಗಳು ನಿರ್ಮಾಣವಾಗಬೇಕು. 150 ಅಡಿ ರಸ್ತೆಯ ಶೇ.70ರಷ್ಟು ಕೆಲಸ ಮಾಡಿದ್ದೆ. ಆದರೆ, ಕೆಲವು ಸಮಸ್ಯೆಗಳನ್ನು ಈ ಸರಕಾರ ಇತ್ಯರ್ಥ ಪಡಿಸುತ್ತಿಲ್ಲ. ರಸ್ತೆಗಳು ನಿರ್ಮಾಣವಾದರೆ ಜಮೀನುಗಳ ಬೆಲೆ ಹೆಚ್ಚಾಗುತ್ತದೆ. ಹೀಗಾಗಿ ಅನುದಾನ ನೀಡುತ್ತಿಲ್ಲ ಎಂಬ ಅನುಮಾನವಿದೆ. ರಸ್ತೆ ಅಭಿವೃದ್ಧಿಯ ಜತೆಗೆ ರಾಜಕಾಲುವೆಗಳ ಸಂಪರ್ಕವೂ ಬಹಳ ಮುಖ್ಯವಾಗಿದೆ.

ರಾಜಕಾಲುವೆ ಅಭಿವ ದ್ಧಿ ಏಕೆ ಮುಖ್ಯ?

ವಿಧಾನಸೌಧಕ್ಕೆ ಹೋಲಿಸಿದರೆ ಮಹದೇವಪುರ ಭಾಗ ಸುಮಾರು 80 ಅಡಿ ಕೆಳಗಿದೆ. ಇಡೀ ಬೆಂಗಳೂರಿನಲ್ಲಿ ಮಳೆ ಬಿದ್ದರೆ ನೀರೆಲ್ಲವೂ ಈ ಭಾಗಕ್ಕೆ ಹರಿದು ಬರುತ್ತದೆ. ರಾಜಕಾಲುವೆ ಗಳನ್ನು ನಿರ್ಮಿಸದಿದ್ದರೆ ನೀರು ಹರಿದುಹೋಗಲು ಸಾಧ್ಯವಿಲ್ಲ. ಪ್ರವಾಹ ಉಂಟಾಗುತ್ತದೆ. ಹಿಂದೆ ಸಿದ್ದರಾಮಯ್ಯನವರು ಇಲ್ಲಿ ಪ್ರವಾಹ ಉಂಟಾದಾಗ ಬಂದು ಕಣ್ಣಾರೆ ನೋಡಿದ್ದಾರೆ. ವಿಶ್ವಬ್ಯಾಂಕ್ ಯೋಜನೆಯಡಿ ಹಣ ಬಂದಿದ್ದರೂ ಕಾಮಗಾರಿ ನಿಧಾನವಾಗಿ ನಡೆಯುತ್ತಿದೆ. ಹಿಂದಿನ ಸರಕಾರದ ಅವಧಿಯಲ್ಲಿ ಪ್ರಕ್ರಿಯೆ ಪೂರ್ಣಗೊಂಡಿದ್ದ ಯೋಜನೆಗೆ ಈಗ ಹಣ ಬಿಡುಗಡೆ ಮಾಡಲು ಹಿಂದೇಟು ಹಾಕುತ್ತಿದ್ದಾರೆ.

ಈ ಸರಕಾರದಲ್ಲಿ ಹಣವಿಲ್ಲದೇ ದಿವಾಳಿ ಯಾಗಿದೆ. ಅಭಿವೃದ್ಧಿ ಕಾರ್ಯದ ಬಗ್ಗೆ ಆಲೋಚಿಸುವ ಬದಲು ಬೇರೆಲ್ಲ ವಿಷಯಗಳನ್ನು ಚರ್ಚಿಸುತ್ತಿದ್ದಾರೆ. ಕಾಮಗಾರಿ ಆರಂಭಿಸಿ ಎಂದು ಬಂದು ಹೇಳಿ ಹೋಗುವ ಬದಲು, ಈಗಾಗಲೇ ಅನುಮೋದನೆಗೊಂಡಿರುವ ಕಾಮಗಾರಿಗೆ ಅನುದಾನ ನೀಡಲಿ. ಗುತ್ತಿಗೆದಾರರು ಕೇಳುತ್ತಿರುವ ಎಸ್ ಆರ್ ದರ ಏರಿಕೆಗೆ ಸಂಬಂಧಿಸಿದಂತೆ ಯಾವುದಾದರೂ ಒಂದು ಸ್ಪಷ್ಟ ತೀರ್ಮಾನಕ್ಕೆ ಸರಕಾರ ಬರಲಿ.
-ಅರವಿಂದ ಲಿಂಬಾವಳಿ, ಮಾಜಿ ಸಚಿವ

]]>

Hari Paraak Column: ಏಕಲವ್ಯ ದ್ರೋಣಾಚಾರ್ಯರಿಗೆ ಕೊಟ್ಟ ಗುರುದಕ್ಷಿಣೆ

Sun, 08 Nov 2026 05:03:14 +0000

ತುಂಟರಗಾಳಿ

ಸಿನಿಗನ್ನಡ

ರಾಮಾಯಣ ಸಿನಿಮಾ ಬಿಡುಗಡೆ ಆಗಿದೆ. ಈ ಚಿತ್ರದ ಪೋಸ್ಟರ್ ಗಳಲ್ಲಿ ರಾವಣನ ಪಾತ್ರ ಮಾಡಿದ ಯಶ್ ಅವರೇ ರಾರಾಜಿಸ್ತಾ ಇದ್ದಾರೆ. ಅದನ್ನು ನೋಡಿದ ಜನ ಅರೇ ಇದೇನು ರಾಮಾಯಣನಾ ಇಲ್ಲ ರಾವಣಾಯಣನಾ ಅಂತ ಆಶ್ಚರ್ಯ ವ್ಯಕ್ತಪಡಿಸುತ್ತಾ ಇದ್ದಾರೆ. ಆದರೆ ಇದು ಪಕ್ಕಾ ಮಾರ್ಕೆಟ್ ಪ್ರಶ್ನೆ ಅನ್ನೋದು ಸತ್ಯ. ಸದ್ಯಕ್ಕೆ ಯಶ್‌ಗೆ ಮಾರ್ಕೆಟ್ ವ್ಯಾಲ್ಯೂ ಇದೆ. ಹಾಗಾಗಿ ಯಶ್ ಅವರಿಗೆ ರಾಜಾತಿಥ್ಯ. ಅಲ್ಲದೆ ಈ ಪೋಸ್ಟರ್‌ಗಳು ಕರ್ನಾಟಕದಲ್ಲಿ ಹೆಚ್ಚೆಂದರೆ ಸೌತ್ ಇಂಡಿಯಾ ದಲ್ಲಿ ಇರುತ್ವೆ. ಮುಂಬೈ ಮತ್ತು ಬಾಲಿವುಡ್ ಪ್ರಧಾನ ಜಾಗಗಳ ಪೋಸ್ಟರ್‌ಗಳಲ್ಲಿ ರಾಮನ ಪಾತ್ರ ಮಾಡಿದ ರಣಬೀರ್ ಕಪೂರ್ ಅವರೇ ಇರ್ತಾರೆ ಅನ್ನೋದು ಕೂಡಾ ಸತ್ಯ. ಇದನ್ನು ಬಿಟ್ಟಾಕಿ ಸಿನಿಮಾ ನೋಡಿದ ಪ್ರೇಕ್ಷಕರ ಬಗ್ಗೆ ಮಾತಾಡೋದಾದ್ರೆ, ಕೆಲವರು ಮಾಮೂಲಿ ಸಿನಿಮಾ, ಟ್ವಿಸ್ಟೇ ಇಲ್ಲ ಅಂತ ಮಾತಾಡಿರೋ ಪೆದ್ದುಮಣಿಗಳೂ ಇದ್ದಾರೆ. ಇವರಿಗೆ ನೂರಾರು ಬಾರಿ ಕೇಳಿರುವ ರಾಮಾಯಣ ಕಥೆಯಲ್ಲಿ ಇನ್ಯಾವ ಹೊಸ ಟ್ವಿಸ್ಟ್ ಸೇರಿಸಬೇಕಿತ್ತೋ ಗೊತ್ತಿಲ್ಲ. ಇದು ಬಿಟ್ಟರೆ ಕೆಲವರು ಕಣ್ಣಿನ ಸಮಸ್ಯೆ ಇರುವವರು ಸೀತೆಯ ಪಾತ್ರದಲ್ಲಿ ಸಾಯಿ ಪಲ್ಲವಿ ಸರಿ ಇಲ್ಲ, ನೋಡೋಕಾಗಲ್ಲ ಅಂತ ಬಾಯಿ ಹರಿಬಿಟ್ಟಿದ್ದಾರೆ.

ಇನ್ನು ಕೆಲವರು ರಕುಲ್ ಪ್ರೀತ್ ಅವರಂಥ ಶೂರ್ಪನಖಿಯನ್ನ ರಾಮ ಯಾಕೆ ರಿಜೆಕ್ಟ್ ಮಾಡಿದ ಅಂತ ಕೇಳಿದ್ರೆ, ಒಂದಷ್ಟು ಜನ ಕಾಜಲ್ ಅಗರ್ವಾಲ್ ಅವರಂಥ ಮಂಡೋದರಿ ಇದ್ರೂ ಸೀತೆಯ ಮೇಲೆ ಕಣ್ಣಾಕಿದ ರಾವಣನ ಬಗ್ಗೆ ಪ್ರಶ್ನೆ ಎತ್ತುತ್ತಿದ್ದಾರೆ. ಇದನ್ನಂತೂ ಚಿತ್ರತಂಡದ ಕಾಸ್ಟಿಂಗ್ ಮಿಸ್ಟೇಕ್ ಅಂದ್ರೆ ತಪ್ಪಿಲ್ಲ ಬಿಡಿ.

ಇದನ್ನೂ ಓದಿ: H‌ari Paraak Column: ಸ್ಟಿಂಗ್‌ ಆಪರೇಷನ್ V/s ಪವರ್‌ ಪಾಲಿಟಿಕ್ಸ್

ಲೂಸ್‌ ಟಾಕ್-ನರೇಂದ್ರ ಮೋದಿ

ಏನ್ ಸಾರ್ ರಾಹುಲ್ ಗಾಂಧಿ ಡಿಬೇಟ್‌ಗೆ ಕರೆದ್ರೆ ಯಾಕೆ ಹೋಗ್ತಾ ಇಲ್ಲ?

- ಅಯ್ಯೋ ನಾನ್ ಸ್ಕೂಲಿಗೇ ಹೋಗಿಲ್ಲ, ಹಂಗಾಗಿ ಡಿಬೇಟ್ ಕಾಂಪಿಟೇಷನ್‌ನಲ್ಲಿ ಭಾಗವಹಿಸಿ ಅಭ್ಯಾಸ ಇಲ್ಲ

ಆದ್ರೂ ಪಾಪ ಅವ್ರು ಅಷ್ಟೊಂದ್ ಬಲವಂತ ಮಾಡ್ತಾ ಇದ್ದಾರೆ ಹೋಗೋದಲ್ವಾ?

- ರೀ, ಮೀಡಿಯಾದವ್ರು ಅಷ್ಟು ವರ್ಷದಿಂದ ಪ್ರೆಸ್ ಮೀಟ್‌ಗೆ ಕರೀತಾ ಇದ್ದಾರೆ. ಅಲ್ಲಿಗೇ ಹೋಗಿಲ್ಲ ನಾನು. ರಾಹುಲ್ ಗಾಂಧಿ ಕರೆದ್ರೆ ಹೋಗಿಬಿಡ್ತೀನಾ?

ರಾಹುಲ್ ಗಾಂಧಿ ಏನ್ ಪ್ರಶ್ನೆ ಕೇಳಬಹುದು ನಿಮ್ಮನ್ನ?

- ಅವ್ರು ಮೀಡಿಯಾದವ್ರ ಥರನೇ ಕಣ್ರೀ, ಬರೀ ಮೀಡಿಯಾಕರ್ ಪ್ರಶ್ನೆಗಳನ್ನೇ ಕೇಳ್ತಾರೆ.

ಸರಿ, ರಾಹುಲ್ ಅವ್ರ ಪ್ರಶ್ನೆಗಳಿಗೆ ನಿಮ್ಮತ್ರ ಉತ್ರ ಇದೆಯಾ?

- ಮಾವಿನ ಹಣ್ಣನ್ನ ಹೆಂಗೆ ತಿಂತೀರಾ ಅಂತ ಅಕ್ಷಯ್ ಕುಮಾರ್ ಥರ ಪ್ರಶ್ನೆ ಕೇಳಿದ್ರೆ, ಖಂಡಿತಾ ಇದೆ.

ಹೋಗ್ಲಿ, ನಿಜ ಹೇಳಿ, ರಾಹುಲ್ ಗಾಂಧಿ ಅವರನ್ನ ಕಂಡ್ರೆ ನಿಮಗೆ ಭಯನಾ?

- ಅಯ್ಯೋ, ಭಯ ಎಂಥದ್ದು. ಅವ್ರ ಅಮ್ಮ ಕ್ರಿಶ್ಟಿಯನ್ ಹಂಗಾಗಿ ಬಹಿರಂಗವಾಗಿ ಚರ್ಚೆಗೆ ಬನ್ನಿ ಅಂತ ಕರೆದ್ರೋ ಅಥವಾ ಬಹಿರಂಗವಾಗಿ ಚರ್ಚಿಗೆ ಬನ್ನಿ ಅಂತ ಕರೆದ್ರೋ ಅಂತ ಗೊಂದಲ ಆಯ್ತು. ಅದಕ್ಕೇ ಬರಲ್ಲ ಅಂದಿದ್ದೀನಿ ಅಷ್ಟೇ.

(ಕಾಲ್ಪನಿಕ ಸಂದರ್ಶನ)

ನೆಟ್‌ ಪಿಕ್ಸ್

ರಾಮು, ಸೋಮು, ಖೇಮು ಸಿಬಿಐ ಇಂಟವ್ಯೂಗೆ ಹೋಗಿದ್ದರು. ಅಲ್ಲಿ ಯಾವ ರೀತಿಯ ಪ್ರಶ್ನೆಗಳನ್ನು ಕೇಳಬಹುದು ಎಂಬ ಕುತೂಹಲದ ಮೂವರೂ ಹೊರಗೆ ಕೂತಿದ್ದರು. ಸ್ವಲ್ಪ ಹೊತ್ತಿನ ರಾಮು ಸರದಿ ಬಂತು. ಒಳಗೆ ಹೋದ ರಾಮುಗೆ ಕಂಪ್ಯೂಟರ್‌ನಲ್ಲಿ ಒಬ್ಬ ಶಂಕಿತ ಉಗ್ರಗಾಮಿಯ ಫೋಟೋ ತೋರಿಸಿದ ಸಂದರ್ಶಕರು ಈ ಫೋಟೋದಿಂದ ನಿಮಗೆ ಏನಾದರೂ ಕ್ಲೂ ಸಿಗುತ್ತಾ? ಅಂತ ಕೇಳಿದ್ರು. ರಾಮು ಒಂದರೆಕ್ಷಣ ಯೋಚಿಸಿ, ಇವನಿಗೆ ಬಲಗಾಲೇ ಇಲ್ಲ ಅಂದ, ಸಂದರ್ಶಕರು ಯಾಕೆ? ಅಂತ ಕೇಳಿದಾಗ ರಾಮು ಹೇಳಿದ, ನೋಡಿ ಫೋಟೋದಲ್ಲಿ ಅವನ ಎಡಗಾಲು ಮಾತ್ರ ಕಾಣುತ್ತಿದೆ. ಬಲಗಾಲು ಕಾಣುತ್ತಿಲ್ಲ ಅಂದ. ಸಿಟ್ಟಿಗೆದ್ದ ಸಂದರ್ಶಕರು, ಅಯ್ಯೋ ನಿನ್ನ, ಅವನು ಎಡಕ್ಕೆ ತಿರುಗಿ ನಿಂತಿದಾನೆ ಅದಕ್ಕೆ ಬಲಗಾಲು ಕಾಣ್ತಾ ಇಲ್ಲ ಅಷ್ಟೆ, ನಡಿ ಮನೆಗೆ ಅಂತ ಕಳಿಸಿದರು. ನಂತರ ಸೋಮು ಸರದಿ ಬಂತು.

ಅವನಿಗೂ ಅದೇ ಫೋಟೋ ಅದೇ ಪ್ರಶ್ನೆ. ಎಷ್ಟೇ ಆದರೂ ಸ್ನೇಹಿತರಲ್ಲವೇ. ಹಾಗಾಗಿ ಸೋಮು ಉತ್ತರ ಕೂಡ ಅದೇ ಆಗಿತ್ತು. ಮತ್ತು ಸಂದರ್ಶಕರಿಂದ ಅದೇ ಬೈಗುಳ ಸಿಕ್ಕಿತು. ಕೊನೆಯದಾಗಿ ಖೇಮುವನ್ನು ಕರೆಸಿದರು. ಅವನಿಗೂ ಅದೇ ಫೋಟೋ, ಅದೇ ಪ್ರಶ್ನೆ. ಖೇಮು ಒಂದರೆಕ್ಷಣ ಯೋಚಿಸಿ ಈತ ಮರದ ಕಾಲು ಹಾಕ್ಕೊತಾನೆ ಅಂದ. ಸಂದರ್ಶಕರಿಗೆ ಅಚ್ಚರಿ, ಇದು ಒಂದ್ ನಿಮಿಷ ಅಂತ ಆ ಉಗ್ರಗಾಮಿಯ ಪ್ರೊಫೈಲ್ ಚೆಕ್ ಮಾಡಿ ನೋಡಿದರು.

ಖೇಮು ಹೇಳಿದ್ದು ಸರಿ ಇತ್ತು. ಸಂದರ್ಶಕರು ಫುಲ್ ಇಂಪ್ರೆಸ್ ಆಗಿ, ಅದು ಹೇಗೆ ನಿಮಗೆ ಅವನು ಮರದ ಕಾಲು ಹಾಕ್ಕೊತಾನೆ ಅಂತ ಗೊತ್ತಾಯ್ತು? ಅಂತ ಕೇಳಿದ್ರು. ಅದಕ್ಕೆ ಖೇಮು ತಣ್ಣಗೆ ಹೇಳಿದೆ, ಆ ಫೋಟೋ ನೋಡಿ, ಅವನಿಗೆ ಬಲಗಾಲೇ ಇಲ್ಲ, ಆದ್ರೂ ಅವನು ಎಲ್ಲಾ ಕಡೆ ಓಡಾಡಿಕೊಂಡು ಉಗ್ರಗಾಮಿ ಕೆಲಸ ಮಾಡ್ತಾನೆ ಅಂದ್ರೆ ಅವನು ಮರದ ಕಾಲು ಹಾಕ್ಕೋತಿರ್ಬೇಕು ಅಂತ ಗೆಸ್ ಮಾಡಿದೆ.

ಲೈನ್‌ ಮ್ಯಾನ್

ಫುಡ್ ಫಾರ್ ಥಾಟ್

- ಅಪರಿಚಿತ ಜಾಗದಲ್ಲಿ ಊಟಕ್ಕೆ ಹೋದಾಗ ಊಟ ಮುಗಿದ ಮೇಲೆ ಯಾರನ್ನೂ hand wash ಎಲ್ಲಿದೆ ಅಂತ ಕೇಳಬಾರದು. ಯಾಕಂದ್ರೆ ನೀವು ಊಟಕ್ಕೆ ಮುಂಚೆ ಕೈ ತೊಳೆದಿಲ್ಲ ಅನ್ನೋದು ಅವರಿಗೆ ಗೊತ್ತಾಗುತ್ತೆ.

ನರೇಂದ್ರ ಮೋದಿ ಅವರನ್ನ ಭೇಟಿ ಮಾಡಿದ ಸೂರ್ಯಕುಮಾರ್ ಯಾದವ್

- ಕ್ರಿಕೆಟ್ ಕೆರಿಯರ್ ಅಂತೂ ಮುಗೀತು. ಅದಕ್ಕೆ ಬಿಜೆಪಿ ಸೇರೋ ಪ್ಲ್ಯಾನ್ ಇರಬಹುದು. ಅಷ್ಟಕ್ಕೂ ಸೂರ್ಯ ಬರದೆ ಕಮಲವೆಂದು ಅರಳದು ಅಲ್ವಾ...

ಅಸಿಡಿಟಿ ಬರಬಾರದು ಅಂದ್ರೆ ಏನ್ ಮಾಡಬೇಕು?

- ‘ತೇಗ’ದ ಮರವನ್ನು ಒಲೆಗೆ ಇಟ್ಟು ಅಡುಗೆ ಮಾಡಬೇಕು

ಆಪತ್ ಬಂದು ಚಾಪೆ ಸುತ್ಕೊಂಡೋಗ ಅನ್ನೋದನ್ನು ಇಂಗ್ಲಿಷ್‌ನಲ್ಲಿ ಹೆಂಗೆ ಹೇಳೋದು

- ಮ್ಯಾಟ್ ಫಿನಿಷ್

ಕೂದಲಿಗೆ ಒಳ್ಳೆ ಟ್ರೀಟ್ ಮೆಂಟ್ ಕೊಡುವವಳು

- ಹೇರ್ ಹೋಸ್ಟೆಸ್

ಏಕಲವ್ಯ ದ್ರೋಣಾಚಾರ್ಯರಿಗೆ ಕೊಟ್ಟ ಗುರುದಕ್ಷಿಣೆ

- ‘ಫಿಂಗರ್ ಟಿಪ್ಸ್’

ಸೊಳ್ಳೆ ಪರದೆ ಡಿಸ್ಕೌಂಟ್ ಕೊಡುವಾಗ ಇರಬೇಕಾದ ಎಚ್ಚರ

-50% ಕಡಿತ ಅಂತ ಹಾಕಬಾರದು.

ಮೆನಿಕ್ಯೂರ್ ಪೆಡಿಕ್ಯೂರ್ ಮಾಡಿಸಲ್ಲ ಅನ್ನೋದನ್ನು ಹೇಳೋದು ಹೇಗೆ

- ಹಲ್ಲಲ್ಲಿ ಹೋಗೋ ಉಗುರಿಗೆ ಅಷ್ಟೊಂದು ದುಡ್ಡು ಯಾಕೆ ಕೊಡಲಿ?.

ಮನೆ ಕಟ್ಟಿಸುವವರ ಕಷ್ಟ

- ‘ವಿಲ್ಲ ವಿಲ್ಲ’ ಒದ್ದಾಟ

ಜೀವನದ ಫಿಲಾಸಫಿ

- ಉಳ್ಳವರಿಗೆ ಬೇಕಿದ್ದೆಲ್ಲ ತಕ್ಷಣ ಕಣ್ಮುಂದೆ ಬರುತ್ತೆ, ಇಲ್ಲದವರಿಗೆ ದಿನಾ ರಾತ್ರಿ ಕನಸಲ್ಲಿ ಬರುತ್ತೆ

]]>

Kannada New Movie: ಪುನರ್ಜನ್ಮದ ಕಥೆ; 'ತರಂಗಾಂತರಂಗ' ಚಿತ್ರದ ಹಾಡು ಬಿಡುಗಡೆ

Sun, 08 Nov 2026 05:02:08 +0000

ಕರ್ನಾಟಕದ ಕಡಲ ತೀರದ ಅನೇಕ ಪ್ರತಿಭೆಗಳು ಪ್ರತಿ ವರ್ಷ ಕನ್ನಡ ಚಿತ್ರರಂಗಕ್ಕೆ ನಟರಾಗಿ, ನಿರ್ದೇಶಕರಾಗಿ, ನಿರ್ಮಾಪಕರಾಗಿ, ತಂತ್ರಜ್ಞರಾಗಿ ಪರಿಚಯವಾಗುತ್ತಲೇ ಇರುತ್ತಾರೆ. ಈಗ ಈ ಸಾಲಿಗೆ ಸೇರ್ಪಡೆಯಾಗುತ್ತಿರುವ ಹೊಸ ಹೆಸರು ಶ್ರೀಷ ಅವರದ್ದು.ಉಡುಪಿಯ ಬೈಂದೂರು ಮೂಲದ ಯುವ ಪ್ರತಿಭೆ ಶ್ರೀಷ ಇದೀಗ 'ತರಂಗಾಂತರಂಗ' (Tarangantaranga) ಚಿತ್ರದ ಮೂಲಕ ನಾಯಕ ನಟನಾಗಿ ಮತ್ತು ನಿರ್ದೇಶಕನಾಗಿ ಕನ್ನಡ ಚಿತ್ರರಂಗಕ್ಕೆ (Kannada New Movie) ಪರಿಚಯವಾಗುತ್ತಿದ್ದಾರೆ.

ಗ್ರಾಫಿಕ್ಸ್ ಡಿಸೈನರ್ ಆಗಿ ಮತ್ತು ಇವೆಂಟ್ ಮ್ಯಾನೇಜರ್ ಆಗಿ ಕೆಲಸ ಮಾಡಿದ ಅನುಭವ ಇರುವ ಶ್ರೀಷ, 'ತರಂಗಾಂತರಂಗ' ಎಂಬ ಚಿತ್ರದಲ್ಲಿ ನಾಯಕ ನಟನಾಗಿ ಅಭಿನಯಿಸಿ ಜೊತೆಗೆ ಈ ಚಿತ್ರಕ್ಕೆ ನಿರ್ದೇಶನವನ್ನೂ ಮಾಡಿದ್ದಾರೆ. ಈಗಾಗಲೇ 'ತರಂಗಾಂತರಂಗ' ಚಿತ್ರದ ಬಹುತೇಕ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳು ಪೂರ್ಣವಾಗಿದ್ದು, ಕೆಲ ದಿನಗಳ ಹಿಂದಷ್ಟೇ ಚಿತ್ರದ ಟೀಸರ್ ಬಿಡುಗಡೆ ಆಗಿದ್ದು, ಇದೀಗ ಈ ಚಿತ್ರದ ಆಡಿಯೋ ಕೂಡ ಬಿಡುಗಡೆ ಆಗಿದೆ.

ಇದನ್ನೂ ಓದಿ; Bigg Boss Kannada 13: ಮತ್ತೆ ಬಿಗ್‌ ಬಾಸ್‌ ಮನೆಗೆ ಎಂಟ್ರಿ ಕೊಟ್ಟ ಮಹಾಕವಿ ಮಂಜ!

ಪುನರ್ಜನ್ಮದ ಕಥೆ

ಚಿತ್ರದ ಆಡಿಯೋ ಬಿಡುಗಡೆ ವೇಳೆ ಮಾತನಾಡಿದ 'ತರಂಗಾಂತರಂಗ' ಚಿತ್ರದ ನಾಯಕ ನಟ ಮತ್ತು ನಿರ್ದೇಶಕ ಶ್ರೀಷ, 'ಇದೊಂದು ಪುನರ್ಜನ್ಮದ ಕಥೆ ಹೊಂದಿರುವ ಚಿತ್ರ. ನಾವು ದೇವರಿಗೆ ಕಟ್ಟಿಕೊಂಡ ಹರಕೆ ಅಥವಾ ಸೇವೆಗಳನ್ನು ತೀರಿಸಲು ವಿಫಲವಾದರೆ, ಅದರಿಂದ ಏನು ಆಗಬಹುದು ಎಂಬ ಕಥೆಯ ಎಳೆಯನ್ನು ಇಟ್ಟುಕೊಂಡು ಈ ಸಿನಿಮಾ ಮಾಡಿದ್ದೇವೆ. ಹಿಸ್ಟರಿ, ಸಸ್ಪೆನ್ಸ್, ಥ್ರಿಲ್ಲರ್ ಶೈಲಿಯಲ್ಲಿ ಈ ಸಿನಿಮಾ ಮೂಡಿ ಬಂದಿದೆ. ಈ ಸಿನಿಮಾವನ್ನು ನಿರ್ದೇಶನ ಮಾಡಿ, ತೆರೆ ಮೇಲೆ ಒಂದು ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದೇನೆ. ನೋಡುಗರಿಗೆ ಈ ಸಿನಿಮಾ ಹೊಸ ಅನುಭವ ಕೊಡಲಿದೆ' ಎಂದು ಭರವಸೆಯ ಮಾತುಗಳನ್ನಾಡಿದರು.

'ತರಂಗಾಂತರಂಗ' ಚಿತ್ರದಲ್ಲಿ ನಟ ಪ್ರಮೋದ್ ಶೆಟ್ಟಿ ಕೂಡ ಒಂದು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. 'ತರಂಗಾಂತರಂಗ' ಚಿತ್ರದಲ್ಲಿ ನಾಯಕ ನಟ ಶ್ರೀಷ ಅವರಿಗೆ ಚೆರಿಕಾ ಮೂರ್ತಿ ಮತ್ತು ಯಶಸ್ವಿನಿ ಸ್ವಾಮಿ ನಾಯಕಿಯರಾಗಿ ಅಭಿನಯಿಸಿದ್ದಾರೆ. ಉಳಿದಂತೆ ಹಿರಿಯ ನಟರಾದ ರಮೇಶ್ ಪಂಡಿತ್, ಪ್ರಭಾಕರ ಕುಂದರ್, ಲಿಖಿತಾ ಶೆಟ್ಟಿ, ಮುರಳಿ ಮತ್ತಿತರರು ಇತರ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

'ತರಂಗಾಂತರಂಗ' ಚಿತ್ರದ ಟೀಸರ್ ಬಿಡುಗಡೆ ಸಮಾರಂಭದಲ್ಲಿ ಭಾಗವಹಿಸಿ ಮಾತನಾಡಿದ ಪ್ರಮುಖ ಕಲಾವಿದರು, 'ಯುವ ನಟ, ನಿರ್ದೇಶಕ ಶ್ರೀಷ ಮತ್ತು ಅವರ ತಂಡ ಸೇರಿಕೊಂಡು ಒಂದು ಒಳ್ಳೆಯ ಸಿನಿಮಾ ಮಾಡಿದ್ದಾರೆ. ನಾನು ಈ ಚಿತ್ರತಂಡದ ಭಾಗವಾಗಿರುವುದಕ್ಕೆ ಖುಷಿಯಿದೆ. ಚಿತ್ರತಂಡದ ಜೊತೆ ಕೆಲಸ ಮಾಡಿದ್ದು ಒಂದು ಒಳ್ಳೆಯ ಅನುಭವ' ಎಂದರು.

ಈ ಸಂದರ್ಭದಲ್ಲಿ 'ತರಂಗಾಂತರಂಗ' ಚಿತ್ರದ ಕಲಾವಿದರು ಹಾಗೂ ತಂತ್ರಜ್ಞರು ಹಾಜರಿದ್ದು, ತಮ್ಮ ಅನಿಸಿಕೆ, ಅಭಿಪ್ರಾಯಗಳನ್ನು ಹಂಚಿಕೊಂಡರು. ಕನ್ನಡ ಚಿತ್ರರಂಗದಲ್ಲಿ ತಮ್ಮದೇ ಛಾಪು ಮೂಡಿಸಿ ಮರೆಯಾದ ನಟರಾದ ದಿವಂಗತ ದಿನೇಶ್ ಮಂಗಳೂರು ಮತ್ತು ದಿವಂಗತ ರಾಕೇಶ್ ಪೂಜಾರಿ ಕೂಡ ಕೊನೆಯದಾಗಿ ಈ ಚಿತ್ರಕ್ಕೆ ಬಣ್ಣ ಹಚ್ಚಿದ್ದು ವಿಶೇಷ.

ಸದ್ಯ ಆಡಿಯೋ ಬಿಡುಗಡೆ ಮಾಡಿ, 'ತರಂಗಾಂತರಂಗ' ಚಿತ್ರದ ಪ್ರಚಾರ ಕಾರ್ಯಗಳಿಗೆ ಚಾಲನೆ ನೀಡಿರುವ ಚಿತ್ರತಂಡ, ಶೀಘ್ರದಲ್ಲೇ ಚಿತ್ರವನ್ನು ಪ್ರೇಕ್ಷಕರ ಮುಂದೆ ತರುವ ಯೋಚನೆ ಹಾಕಿಕೊಂಡಿದೆ.

]]>

ಬೆಂಗಳೂರು ಟು ಲಕ್ನೋ ಇಂಡಿಗೋ ವಿಮಾನದಲ್ಲಿ ಹೈಜಾಕ್ ಬೆದರಿಕೆ: ತುರ್ತು ಲ್ಯಾಂಡಿಂಗ್

Sun, 08 Nov 2026 04:27:24 +0000

ಬೆಂಗಳೂರು: ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ (Bengaluru Airport) ಲಕ್ನೋಗೆ ಹೊರಟಿದ್ದ ಇಂಡಿಗೋ ವಿಮಾನದಲ್ಲಿ ಅಪಹರಣದ (Hijack) ಬೆದರಿಕೆ ಪತ್ರ ಪತ್ತೆಯಾದ ಹಿನ್ನೆಲೆಯಲ್ಲಿ ವಿಮಾನವನ್ನು ತುರ್ತಾಗಿ ಬೆಂಗಳೂರಿಗೇ ವಾಪಸ್ ತಂದು ಸುರಕ್ಷಿತವಾಗಿ ಲ್ಯಾಂಡ್ ಮಾಡಲಾಗಿದೆ. ಶನಿವಾರ ಸಂಜೆ ನಡೆದ ಈ ಘಟನೆ ಪ್ರಯಾಣಿಕರಲ್ಲಿ ತೀವ್ರ ಆತಂಕ ಸೃಷ್ಟಿಸಿತ್ತು. ತನಿಖೆಯ ನಂತರ ಇದೊಂದು ಹುಸಿ ಬೆದರಿಕೆ (Hoax) ಎಂದು ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.

178 ಪ್ರಯಾಣಿಕರಿದ್ದ ಇಂಡಿಗೋ ವಿಮಾನ (6E 451) ಸಂಜೆ 5:50 ಕ್ಕೆ ಬೆಂಗಳೂರಿನಿಂದ ಟೇಕ್ ಆಫ್ ಆಗಿತ್ತು. ಹಾರಾಟ ಆರಂಭವಾದ 30 ನಿಮಿಷಗಳ ನಂತರ ಶೌಚಾಲಯದಲ್ಲಿ ಕೈಬರಹದ ಚೀಟಿಯೊಂದು ಪತ್ತೆಯಾಯಿತು. ಅದರಲ್ಲಿ "ಈ ವಿಮಾನವು ಸರಿಯಾಗಿ ಸಂಜೆ 6:30 ಕ್ಕೆ ಅಪಹರಣಕ್ಕೊಳಗಾಗಲಿದೆ, ನಿರ್ಲಕ್ಷಿಸಿದರೆ ತಕ್ಕ ಪರಿಣಾಮ ಎದುರಿಸಬೇಕಾಗುತ್ತದೆ" ಎಂದು ಬರೆಯಲಾಗಿತ್ತು.

ಪ್ರಯಾಣಿಕರು ತಕ್ಷಣವೇ ಈ ಪತ್ರವನ್ನು ವಿಮಾನದ ಸಿಬ್ಬಂದಿಗೆ ತಲುಪಿಸಿದರು. ವಿಷಯ ತಿಳಿಯುತ್ತಿದ್ದಂತೆ ಪೈಲಟ್ ತಕ್ಷಣವೇ ಏರ್ ಟ್ರಾಫಿಕ್ ಕಂಟ್ರೋಲ್ ಸಂಪರ್ಕಿಸಿ, ತುರ್ತು ಲ್ಯಾಂಡಿಂಗ್‌ಗೆ ಅನುಮತಿ ಪಡೆದರು. ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ಗರಿಷ್ಠ ಭದ್ರತಾ ಮುನ್ನೆಚ್ಚರಿಕೆ ವಹಿಸಿ ವಿಮಾನವನ್ನು ಸುರಕ್ಷಿತವಾಗಿ ಕೆಳಗಿಳಿಸಲಾಯಿತು. ವಿಮಾನ ಲ್ಯಾಂಡ್ ಆಗುತ್ತಿದ್ದಂತೆ ಪ್ರಯಾಣಿಕರನ್ನು ಸುರಕ್ಷಿತವಾಗಿ ಕೆಳಗಿಳಿಸಿ, ಪ್ರತ್ಯೇಕ ಜಾಗಕ್ಕೆ ಕರೆದೊಯ್ಯಲಾಯಿತು. ಬಾಂಬ್ ಪತ್ತೆ ಮತ್ತು ನಿಷ್ಕ್ರಿಯ ದಳ ಹಾಗೂ ಶ್ವಾನ ದಳದ ಸಿಬ್ಬಂದಿ ಸುಮಾರು ಒಂದೂವರೆ ಗಂಟೆಗಳ ಕಾಲ ಇಡೀ ವಿಮಾನವನ್ನು ಜಾಲಾಡಿದರು. ಯಾವುದೇ ಅಪಾಯಕಾರಿ ವಸ್ತುಗಳು ಪತ್ತೆಯಾಗಿಲ್ಲ.

ಭದ್ರತಾ ತಪಾಸಣೆ ಪೂರ್ಣಗೊಂಡ ನಂತರ ವಿಮಾನವು ಲಕ್ನೋಗೆ ಪ್ರಯಾಣ ಬೆಳೆಸಿತು. ಈ ಬೆದರಿಕೆ ಪತ್ರವನ್ನು ಶೌಚಾಲಯದಲ್ಲಿ ಇಟ್ಟ ಕಿಡಿಗೇಡಿ ಯಾರು ಎಂಬುದನ್ನು ಪತ್ತೆಹಚ್ಚಲು ವಿಮಾನ ನಿಲ್ದಾಣದ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.

]]>

Bigg Boss Kannada 13: ‘ಬಿಗ್‌ ಬಾಸ್‌’ ಗಾನವಿ ಗೌಡ ಫ್ಯಾಮಿಲಿ ವಿಚಾರ ರಿವೀಲ್‌ ಮಾಡಿದ ಕಿಚ್ಚ!

Sun, 08 Nov 2026 04:06:06 +0000

ಬಿಗ್‌ ಬಾಸ್‌ ಮನೆಯಲ್ಲಿ ಗಾನವಿ ಗೌಡ (Ganvi Gowda) ಅವರು ಹೇಳಿದ ಕೆಲ ಮಾತುಗಳು ಗೊಂದಲ ಸೃಷ್ಟಿ ಮಾಡಿತ್ತು. ಬಿಗ್‌ ಬಾಸ್ ಮನೆ ಪ್ರವೇಶ ಮಾಡುವ ಸಂದರ್ಭದಲ್ಲಿ ನಮ್ಮದು ತುಂಬು ಕುಟುಂಬ, ಮನೆಯಲ್ಲಿ 18 ಜನ ಇದ್ದೀವಿ. ನನಗೆ ಇಬ್ಬರೂ ಸಹೋದರಿಯರು, ಅಪ್ಪ-ಅಮ್ಮ ಬೇರೆಯಾಗಿದ್ದಾರೆ ಎಂದು ಹೇಳಿದ್ದರು. ಪತ್ರವನ್ನು ಪಡೆಯಲು ಆಸಿಯಾ ಮತ್ತು ಗಾನವಿ ಅವರು ಮನೆ ಮಂದಿಯ ಮನ ಒಲಿಸಬೇಕಿತ್ತು. ಗಾನವಿ ಅವರು ಕಣ್ಣೀರು ಹಾಕುತ್ತಾ, ‘ನನ್ನ ತಾಯಿ ಸಿಂಗಲ್ ಮದರ್, ಅವರನ್ನು ನೋಡಿಕೊಳ್ಳಲು ಯಾರೂ ಇಲ್ಲ’ ಎಂದೆಲ್ಲ ಹೇಳಿ ಎಲ್ಲರ ಮುಂಚೆ ಅತ್ತು ಬಿಟ್ಟರು. ಆದರೆ ನಿನ್ನೆ ವೀಕೆಂಡ್ ಎಪಿಸೋಡಿನಲ್ಲಿ ಸುದೀಪ್ (Sudeep) ಅವರು ಗಾನವಿಯ ನಿಜ ಬಣ್ಣ ಬಯಲು ಮಾಡಿದರು.

ಆಸಿಯಾ ಅವರಿಗೆ ಒಂದುವರೆ ನಿಮಿಷ ಸಮಯ ಸಿಗುತ್ತೆ. “ಸತತ 4 ವಾರಗಳಿಂದ ಕುಗ್ಗಿದ್ದ ಆಸಿಯಾ ಕಣ್ಣೀರನ್ನು ತಡೆದುಕೊಂಡು, ಇಷ್ಟು ವರ್ಷದಲ್ಲಿ ನಾನು ಯಾವತ್ತೂ ಅಪ್ಪ-ಅಮ್ಮನ ಒಂದು ದಿನವೂ ಬಿಟ್ಟಿರಲಿಲ್ಲ, ನನಗೆ ಈ ಪತ್ರ ಸ್ಥೈರ್ಯ ತುಂಬುತ್ತೆ. ನನಗೆ ಒಂದು ಚೈತನ್ಯ ಕೊಡುತ್ತೆ” ಎನ್ನುತ್ತಾರೆ.ಮತ ಹಾಕಲು ಹೋದ ಸ್ಪರ್ಧಿಗಳಿಗೆ ತಾಂಡವ್‌ ರಾಮ್‌ ಅವರು ಕಣ್ಣು ಸನ್ನೆ ಮಾಡಿ, ಗಾನವಿ ಅವರಿಗೆ ಮತ ಹಾಕಿ ಎಂದು ಹೇಳುತ್ತಾರೆ. ಈ ಬಗ್ಗೆ ಸ್ವತಃ ಅವರೇ ಈ ಪ್ರಕ್ರಿಯೆ ಮುಕ್ತಾಯದ ಬಳಿಕ ಗಾನವಿ ಅವರ ಬಳಿ ಹೋಗಿ ಹೇಳಿಕೊಂಡಿದ್ದರು.

View this post on Instagram

A post shared by Colors Kannada Official (@colorskannadaofficial)

‘ಬಿಗ್‌ ಬಾಸ್‌’ ಗಾನವಿ ಗೌಡ ಫ್ಯಾಮಿಲಿ ವಿಚಾರ ಬಹಿರಂಗ

ಗಾನವಿ ಅತ್ತಿದ್ದನ್ನು ನೋಡಿ ಬಹಳ ಭಾವುಕ

ಟಾಸ್ಕ್ ವೇಳೆ ಗಾನವಿ ಅತ್ತಿದ್ದನ್ನು ನೋಡಿ ಬಹಳ ಭಾವುಕರಾಗಿಬಿಟ್ಟಿದ್ದರು. ಖುದ್ದು ತಾವು ವೋಟ್ ಹಾಕುವ ಜೊತೆಗೆ ಬೇರೆ ಕೆಲವರಿಂದಲೂ ಗಾನವಿಗೆ ವೋಟ್ ಹಾಕಿಸಿದ್ದರು. ಆದರೆ ಸುದೀಪ್ ತೋರಿಸಿದ ವಿಡಿಯೋ ನೋಡಿ ತಾಂಡವ್ಗೆ ಶಾಕ್ ಆಗಿ ಬಿಟ್ಟಿತು.ಅದಾದ ಮೇಲೆ ಗಾನವಿ ಹೇಳಿದಂತೆ. ‘ಮಂಗಳೂರಿನಲ್ಲಿ ನಮ್ಮ ಕುಟುಂಬ ಇರುತ್ತದೆ. ಮೊದಲು ನಾವೆಲ್ಲ ಒಟ್ಟಿಗೆ ಇದ್ದೆವು ಈಗ ಇಲ್ಲ. ಅಮ್ಮ ಪೊಲೀಸ್ ಇಲಾಖೆಯಲ್ಲಿದ್ದಾರೆ. ಅವರಿಗೆ ನೈಟ್ ಶಿಫ್ಟ್ ಎಲ್ಲ ಇರುತ್ತದೆ. ಅವರೊಟ್ಟಿಗೆ ಮಕ್ಕಳಾದ ನಾವುಗಳು ಇರುವುದಿಲ್ಲ. ಹಾಗಾಗಿ ಹಾಗೆ ಹೇಳಿದೆ’ ಎಂದರು ಗಾನವಿ.

ಕಿಚ್ಚ ಸುದೀಪ್‌ ಅವರು, ಗೊಂದಲ ಸೃಷ್ಟಿಯಾಗಿದೆ. ನಾವು ನಿಮಗೆ ಅವಮಾನ ಮಾಡಬೇಕು ಎಂದು ಈ ವಿಡಿಯೋ ತೋರಿಸಿ ಹೇಳುತ್ತಿಲ್ಲ. ನಿಮ್ಮ ಕುಟುಂಬದ ಬಗ್ಗೆ ಮಾತನಾಡುತ್ತಿಲ್ಲ.

ಇದನ್ನೂ ಓದಿ: Kannada web Series: ‘ಕಾರ್ಪೊರೇಟ್ ಲವ್ ಸ್ಟೋರಿ’; ಪನ್ನಗ ಭರಣ ನಿರ್ದೇಶನದ ಹೊಸ ವೆಬ್ ಸರಣಿ ಒಟಿಟಿಗೆ ಎಂಟ್ರಿ

ಈಗ ಒಂದು ವೇಳೆ ನಾವು ಈ ವಿಡಿಯೋ ತೋರಿಸದಿದ್ದರೇ, ನಿಮಗೆ ಮಾತನಾಡಲು ಅವಕಾಶ ಕೊಡದಿದ್ದರೇ ಮೀಮ್ಸ್‌ಗಳಲ್ಲಿ ಓಡುತ್ತಿರುವುದು ಸತ್ಯ ಎಂದು ಪ್ರೂವ್‌ ಆಗುತ್ತಿತ್ತು ಎಂದರು.

]]>

Srivathsa Joshi Column: ಬ್ಯಾಂಕ್‌ ಸೇವೆಯಿಂದ ನಿವೃತ್ತಿಯ ಬಳಿಕ ಅಕ್ಷರಕೃಷಿಯ ಪ್ರವೃತ್ತಿ

Sun, 08 Nov 2026 03:48:41 +0000

ತಿಳಿರುತೋರಣ

ಅನಂತ ತಾಮ್ಹನಕರ್ ಅಂದರೆ ಯಾರು? ಅಂತ ಕೇಳಿದರೆ ಬೇರೆಬೇರೆಯವರು ಬೇರೆ ಬೇರೆ ರೀತಿ ಉತ್ತರಿಸಿಯಾರು. ದಕ್ಷಿಣಕನ್ನಡ ಜಿಲ್ಲೆಯ ಬೆಳ್ತಂಗಡಿ ತಾಲೂಕಿನ ಮುಂಡಾಜೆ ಗ್ರಾಮಸ್ಥರು “ಈತ ನಮ್ಮೂರಿನ ಅನಂತು, ಬಹುಮುಖ ಪ್ರತಿಭೆ!" ಎಂದಾರು. ಉಜಿರೆ ಧ.ಮಂ ಕಾಲೇಜಿನ ಹಳೇ ವಿದ್ಯಾರ್ಥಿಗಳು “ನಮ್ಮ ಕಾಲೇಜಿನಲ್ಲಿ ಬಿಎಸ್ಸಿ ಓದಿದವನು, ವಿದ್ಯಾರ್ಥಿಸಂಘದ ನಾಯಕ ಆಗಿದ್ದವನು" ಅಂತೆಲ್ಲ ನೆನಪಿಸಿಕೊಂಡಾರು.

ಸಿಂಡಿಕೇಟ್ ಬ್ಯಾಂಕ್‌ನಲ್ಲಿ ಸಹೋದ್ಯೋಗಿಗಳಾಗಿದ್ದವರು ಅಥವಾ ಬ್ಯಾಂಕ್‌ನ ವಿವಿಧ ಶಾಖೆಗಳ ಕೆಲ ಗ್ರಾಹಕರೂ ಇವರ ಸೇವಾವೈಶಿಷ್ಟ್ಯಗಳನ್ನು ಸ್ಮರಿಸಿ ಕೊಂಡಾಡಿಯಾರು. ನೋಟು-ನಾಣ್ಯಗಳ ಅಮೋಘ ಸಂಗ್ರಹವನ್ನು ವೀಕ್ಷಿಸಿದವರು ಅದೇ ಇವರ ಪೂರ್ಣಕಾಲಿಕ ವೃತ್ತಿ ಎಂದು ಹೇಳಿಯಾರು. ಅಥವಾ ಸಾವಿರಾರು ಖಾಲಿ ಬೆಂಕಿಪೊಟ್ಟಣಗಳ ಸಂಗ್ರಹವನ್ನಷ್ಟೇ ನೋಡಿದವರು ಅದರಿಂದಲೇ ಇವರನ್ನು ಗುರುತಿಸಿಯಾರು. ಮೈಸಾಬೂನುಗಳ ವಿಧವಿಧ ಕವರ್‌ಗಳ ಸಂಗ್ರಹವನ್ನು ನೋಡಿ ದವರು ಅದರ ಬಗ್ಗೆ ಹೇಳಿಯಾರು.

ಅಂಚೆ ಚೀಟಿಗಳ ಸಂಗ್ರಹಕ್ಕೆ ಮಾರುಹೋದವರು ಆ ಬಗ್ಗೆ ಬೆರಗು ವ್ಯಕ್ತಪಡಿಸಿಯಾರು. ಒಂದೇ ಒಂದು ಹನಿ ಮದ್ಯ ಮುಟ್ಟದೆಯೇ (ಕುಡಿಯದೆಯೇ) ಮದ್ಯದ ಖಾಲಿ ಸೀಸೆಗಳನ್ನೂ ಇವರು ಸಂಗ್ರಹಿಸುತ್ತಾರೆಂದು ಗೊತ್ತಿದ್ದವರು ಅದನ್ನು ಪ್ರಸ್ತಾಪಿಸಿ ಯಾರು. ವಾಟ್ಸಾಪ್‌ನಲ್ಲಿ ಹವ್ಯಾಸಿ ಮುಕ್ತಕ ರಚನೆಕಾರರ ಬಳಗದವರು ಇವರ ಮಾರ್ಗದರ್ಶನ ಪ್ರೋತ್ಸಾಹಗಳನ್ನು ಸ್ಮರಿಸಿಯಾರು.

ಇದನ್ನೂ ಓದಿ: Srivathsa Joshi Column: ಕಬ್ಬಿಗರೆಂದರೆ ಕಾವ್ಯ ಬರೆವವರೇ ? ಕಬ್ಬು ಬೆಳೆವವರೇ ?

ತಮ್ಮ ತಮ್ಮ ಪುಸ್ತಕಗಳಿಗೆ ಇವರಿಂದ ಡಿಟಿಪಿ/ಪುಟವಿನ್ಯಾಸ ಮಾಡಿಸಿಕೊಂಡವರು ಇವರ ಆ ಕೌಶಲ ವನ್ನೂ ನೆನೆದಾರು. ಪರಂತು ಉತ್ತರಕನ್ನಡ ಜಿಲ್ಲೆಯ ಸೋಂದಾ ನಿವಾಸಿಗಳು ಮಾತ್ರ- ಮಿಥಿಲೆಯ ಪ್ರಜೆಗಳು ಶ್ರೀರಾಮಚಂದ್ರನನ್ನು ನಮ್ಮ ಸೀತಮ್ಮನ ಗಂಡ ಎಂದು ಗುರುತಿಸಿದಂತೆ- “ಇವರು ನಮ್ಮ ನಿಮ್ಮಿಯ (ನಿರ್ಮಲಳ) ಗಂಡ" ಎಂದೇ ಗುರುತಿಸಿಯಾರು! ಏಕೆಂದರೆ ಇದೆಲ್ಲವೂ ಅನಂತ ತಾಮ್ಹನಕರರ ಅಸ್ಮಿತೆಯೂ ಹೌದು, ಅನನ್ಯತೆಯೂ ಹೌದು.

ಇನ್ನೂ ಒಂದೆರಡು ಅಂಶಗಳನ್ನು ಸೇರಿಸುವುದಾದರೆ- ಇವರು ಇದುವರೆಗೆ ಒಂಬತ್ತು ಮೌಲ್ಯಯುತ ಕನ್ನಡ ಪುಸ್ತಕಗಳನ್ನು ಬರೆದು ಪ್ರಕಟಿಸಿದವರು; ಅದರಲ್ಲಿ ನಾಲ್ಕು ಪುಸ್ತಕಗಳು ಕಳೆದ ಭಾನುವಾರ ಕನ್ನಡ ರಾಜ್ಯೋತ್ಸವ ದಿನದಂದು ಮೈಸೂರಿನಲ್ಲಿ ಬಿಡುಗಡೆಯಾಗಿ ಸಾರಸ್ವತ ಲೋಕಕ್ಕೆ ಅರ್ಪಣೆಯಾದುವು; ಮತ್ತು ಯೋಗಾಯೋಗವೆಂಬಂತೆ ಆವತ್ತಿನ ಸುಂದರ ಸಮಾರಂಭದಲ್ಲಿ ನಾನೂ ಭಾಗವಹಿಸುವ ಅವಕಾಶ ಒದಗಿಬಂತು!

ಅಂದ ಮೇಲೆ ಅನಂತ ತಾಮ್ಹನಕರರ ಬಗ್ಗೆ, ಅವರ ಪುಸ್ತಕಗಳ ಬಗ್ಗೆ, ಸಂಕ್ಷಿಪ್ತವಾಗಿಯಾದರೂ ಇಂದಿನ ಅಂಕಣದಲ್ಲಿ ಉಲ್ಲೇಖಿಸಲೇಬೇಕು. ಸ್ವಾರಸ್ಯಕರ ಮಾಹಿತಿಯೊಂದಿಷ್ಟನ್ನು ನಿಮ್ಮೆಲ್ಲ ರೊಡನೆ ಹಂಚಿಕೊಳ್ಳಲೇಬೇಕು. ಬಹುಶಃ ನಿಮಗೆಲ್ಲರಿಗೂ ಗೊತ್ತೇ ಇರಬಹುದಾದ, ಮಾನಸಿ ಸುಧೀರ್ ಅವರ ವಿಡಿಯೊಗಳಿಂದಾಗಿ ಸಾಕಷ್ಟು ಪ್ರಚಾರವಾದ, “ಅಪ್ಪನು ಮಾಡಿದ ಚೌತಿಯ ಪ್ರತಿಮೆಗೆ ಆನೆಯ ಸೊಂಡಿಲ ಮೊಗವಿತ್ತು... ಇಲಿಯನ್ನೇರಿದ ಯಾರಿದು ಎನ್ನಲು ಈಶ್ವರಸುತ ನೆಂದನು ಅಪ್ಪ...." ಎಂಬ ಜನಪ್ರಿಯ ಶಿಶುಗೀತೆಯಿಂದಲೇ ಆರಂಭಿಸೋಣ.

ಆ ನೆಪದಿಂದ ಗಣೇಶನನ್ನು ವಂದಿಸಿ ಮುಂದಡಿಯಿಟ್ಟಂತೆಯೂ ಆಗುತ್ತದೆ. ಆ ಕವಿತೆಯನ್ನು ರಚಿಸಿದವರು ಮುಂಡಾಜೆ ರಾಮಚಂದ್ರ ಭಟ್ಟರೆಂಬ ಕವಿ, ಸಾಹಿತಿ. ಮಕ್ಕಳಿಗೆಂದೇ ಕವನಗಳನ್ನು ಬರೆದು ಪುಸ್ತಕಗಳನ್ನು ಪ್ರಕಟಿಸಿದವರು. ಅನಂತ ತಾಮ್ಹನಕರರಿಗೆ ಖಾಸಾ ಚಿಕ್ಕಪ್ಪ. ಅಂದರೆ ಅಕ್ಷರವ್ಯಾಮೋಹ ಅನಂತ ತಾಮ್ಹನಕರರಿಗೆ ವಂಶವಾಹಿನಿಯಲ್ಲಿ ಬಂದದ್ದೇ. ಜೊತೆಗೆ ಅವರ ಕುಟುಂಬದವರೆಲ್ಲರೂ ಸಂಗೀತಾಸಕ್ತರು, ಭಜನೆಯೇ ಮೊದಲಾದ ಲಘುಶಾಸ್ತ್ರೀಯ ಸಂಗೀತ ಪ್ರಕಾರದ ಕಲಾವಿದರು.

ಸಂಗೀತಗಾರರು ಸಾಹಿತಿಗಳಾಗಬೇಕೆಂದೇನಿಲ್ಲ, ಆದರೆ ಸಂಗೀತದ ಅಷ್ಟಿಷ್ಟು ಹಿನ್ನೆಲೆಯಿದ್ದರೆ ಸಾಹಿತಿಗಳಿಗೆ, ಮುಖ್ಯವಾಗಿ ಕವಿಗಳಿಗೆ ಎಷ್ಟು ಉಪಯೋಗವಾಗುತ್ತದೆ ಎಂಬುದಕ್ಕೆ ಅನಂತ ತಾಮ್ಹನಕರರೇ ಸಾಕ್ಷಿ. ಹೇಗೆಂದು ಆಮೇಲೆ ವಿವರಿಸುತ್ತೇನೆ. “ಬ್ಯಾಂಕ್‌ನಲ್ಲಿ ಸೇವೆ ಸಲ್ಲಿಸುತ್ತಿದ್ದಾಗ ದಿನಗಳು ಕಳೆದುಹೋದದ್ದೇ ಗೊತ್ತಾಗುತ್ತಿರಲಿಲ್ಲ.

37 ವರ್ಷಗಳ ಸುದೀರ್ಘ ಸೇವೆಯಿಂದ ನಿವೃತ್ತಿ ಹೊಂದಿದ ನಂತರ ಸಮಯದ ಸದುಪಯೋಗ ಮಾಡುವುದು ಹೇಗೆ ಎಂಬ ಆಲೋಚನೆ ಬಂದಾಗ ನನಗೆ ಹೊಳೆದದ್ದು ಸಾಹಿತ್ಯ. ಸಾಹಿತ್ಯ ಸಂಗೀತ ಇತ್ಯಾದಿ ಹವ್ಯಾಸಗಳಿದ್ದರೆ ಆ ವ್ಯಕ್ತಿಗೆ ವೈದ್ಯರ ಅಗತ್ಯ ಅತಿ ಕಡಿಮೆ ಎಂಬುದು ನನ್ನ ಅಭಿಪ್ರಾಯ.

ಸಾಹಿತ್ಯ ಒಂದು ಔಷಧ. ಮನಸ್ಸಿನ ಯಾವುದೇ ಚಿಂತೆಯನ್ನು ದೂರೀಕರಿಸುವ ಶಕ್ತಿ ಅದಕ್ಕಿದೆ ಎಂಬುದು ನನ್ನ ಪ್ರಬಲ ನಂಬಿಕೆ ಹಾಗೂ ನನ್ನದೇ ಅನುಭವ ಕೂಡ. ಮೊದಲಿನಿಂದಲೂ ಕೈಗೆ ಸಿಕ್ಕಿದ್ದನ್ನು ಓದುತ್ತಿದ್ದ ನನಗೆ ವಾಟ್ಸಾಪ್ ಗುಂಪುಗಳಲ್ಲಿ ಬರುತ್ತಿದ್ದ ಕವನಗಳು, ಲೇಖನಗಳು, ಮುಕ್ತಕಗಳು ಹರಟೆ ಇತ್ಯಾದಿಗಳನ್ನು ಓದುತ್ತಿದ್ದಾಗ ನಾನೂ ಬರೆಯಬೇಕೆಂಬ ಉಮೇದು ಬಂತು.

ಮೊದಮೊದಲು ಪದಬಂಧಗಳನ್ನು ತಯಾರಿಸುತ್ತಿದ್ದ ನಾನು ಪದಗಳೊಡನೆ ಆಟವಾಡುತ್ತಿದ್ದ ಕಾರಣ ಮೆಲ್ಲನೆ ಕವನಗಳನ್ನು ಬರೆಯಲು ಆರಂಭಿಸಿದೆ. ಈಗ ನಾನು ಅತ್ಯಂತ ಸುಖೀ ಮನುಷ್ಯ" ಎನ್ನುತ್ತಾರೆ ಅನಂತ ತಾಮ್ಹನಕರ್.

ಹಾಗೆ ಬರೆಯತೊಡಗಿದ ಅವರು ‘ಹೊತ್ತು ಕಳೆಯಲು ಬರೆದ ಹತ್ತು ಸಾಲುಗಳು ಎಂಬ ಕವನ ಸಂಕಲನ, ‘ಸದ್ದು ಮಾಡುವ ಶಬ್ದಗಳು’ ಮತ್ತು ‘ಅಕ್ಷರಗಳೊಡನೆ ಅಕ್ಕರೆಯ ಸರಸ’ ಎಂಬ ಪದಬಂಧ ಆಧಾರಿತ ಪುಸ್ತಕಗಳನ್ನೂ ಪ್ರಕಟಿಸಿದರು. ಅವೇನೂ ಬಿಸಿಬಿಸಿ ದೋಸೆಯಂತೆ ಖರ್ಚಾದವು ಎಂದಲ್ಲ; ಆದರೆ ತಾನೂ ಬರೆಯಬಲ್ಲೆ, ನಾಲ್ಕು ಜನರ ಮೆಚ್ಚುಗೆಯನ್ನು ಗಳಿಸಬಲ್ಲೆ ಎಂಬ ಆತ್ಮವಿಶ್ವಾಸ ಅವರಲ್ಲಿ ಮೂಡಿದ್ದಂತೂ ಸತ್ಯ. ಆಮೇಲಿನದು ‘ಮುಕ್ತಕ ಮಂಜರಿ’ ಎಂಬ ಶೀರ್ಷಿಕೆಯ ಪುಸ್ತಕ.

ಅದು ಮುಕ್ತಕಗಳ ಸಂಕಲನ. ಮುಕ್ತಕವೆಂದರೆ ಡಿವಿಜಿಯವರ ಮಂಕುತಿಮ್ಮನ ಕಗ್ಗ ಶೈಲಿಯ ಚೌಪದಿ. ನಾಲ್ಕನೆಯ ಸಾಲು ಅಂಕಿತದೊಂದಿಗೆ ಕೊನೆಗೊಳ್ಳಬೇಕು. ತನ್ನ ತಾಯಿಯ ಹೆಸರು ಗೌರಿ ಎಂದು ಇದ್ದುದರಿಂದ ‘ಗೌರಿತನಯ’ ಎಂಬ ಅಂಕಿತವಿರುತ್ತದೆ ಅನಂತ ತಾಮ್ಹನಕರರ ಮುಕ್ತಕ ಗಳಲ್ಲಿ. ನವ್ಯ ಭವ್ಯ ಶೈಲಿ ಎನ್ನುತ್ತ ಗದ್ಯವನ್ನೇ ಉದ್ದುದ್ದಕ್ಕೆ ಸಾಲುಗಳಲ್ಲಿ ಬರೆದು ಅದನ್ನು ಪದ್ಯ ಎನ್ನುವುದು ಅನಂತ ತಾಮ್ಹನಕರರಿಗೆ ಸ್ವಲ್ಪವೂ ಇಷ್ಟವಿಲ್ಲ.

ಎಮ್ಮೆ ಉಚ್ಚೆ ಹೊಯ್ದಂತೆ ರೀತಿಯ ಅಂತಹ ಕವನಗಳನ್ನು ಅವರು ಬರೆಯುವುದೂ ಇಲ್ಲ. ಹಾಗಂತ ಷಟ್ಪದಿ, ಕಂದಪದ್ಯ, ಸೀಸಪದ್ಯ, ಮಂದಾಕ್ರಾಂತಾ, ಮತ್ತೇಭವಿಕ್ರೀಡಿತ, ದ್ವಿತೀಯಾಕ್ಷರ ಪ್ರಾಸ ಎನ್ನುತ್ತ ಗುರು-ಲಘು ಮಾತ್ರೆಗಳನ್ನು ಎಣಿಸಿ ಶಬ್ದಗಳನ್ನು ಲೆಕ್ಕಾಚಾರದಿಂದ ಜೋಡಿಸು ವುದೂ ಅಲ್ಲ.

ಒಟ್ಟಿನಲ್ಲಿ ಅತ್ತ ಮುಕ್ತಛಂದವೂ ಅಲ್ಲದ, ಇತ್ತ ಛಂದಸ್ಸಿನ ಕಟ್ಟುನಿಟ್ಟಿನ ಬಿಗಿಯೂ ಇಲ್ಲದ ನಡುಪಂಥೀಯ ಶೈಲಿ ಅನಂತ ತಾಮ್ಹನಕರರದು. ಅದು ಅವರ ಕವನಗಳಿಗೊಂದು ವಿಶೇಷ ಮೆರುಗನ್ನೂ, ಎಲ್ಲಕ್ಕಿಂತ ಮುಖ್ಯವಾಗಿ ಸರಳ-ಸುಲಭ ಗೇಯತೆಯನ್ನೂ ಅತಿಸಹಜವೆಂಬಂತೆ ತಂದುಕೊಡುತ್ತದೆ. ಒಂದು ರೀತಿಯಲ್ಲಿ ಕೆ.ಎಸ್.ನರಸಿಂಹ ಸ್ವಾಮಿಯವರ ಕವನಗಳ ಹಾಗೆ. ಜುಳುಜುಳು ಸದ್ದು ಮಾಡಿ ಹರಿಯುವ ತೊರೆಯಂತೆ ಕಿವಿಗಿಂಪು, ಮನಕೆ ತಂಪು. ಯಾವುದೇ ಕವನವನ್ನು ಆಯ್ದು ಓದತೊಡಗುತ್ತಿದ್ದಂತೆ ಇದು ಕವನವಲ್ಲ ಪದ್ಯ ಎಂಬ ಭಾವನೆ ಓದುಗನಲ್ಲಿ ತತ್‌ಕ್ಷಣಕ್ಕೆ ಮೂಡುತ್ತದೆ. ಅದರಿಂದ ಓದು ಸಲೀಸಾಗುತ್ತದೆ.

ಅಷ್ಟೇಅಲ್ಲ, ಓದಿದ್ದು ಮನಸ್ಸಿನಲ್ಲಿ ನೆನಪುಳಿವ ಸಾಧ್ಯತೆಯೂ ಹೆಚ್ಚುತ್ತದೆ. ಆ ಕಾರಣದಿಂದಲೇ ಇರಬಹುದು, ಅನಂತ ತಾಮ್ಹನಕರರ ಸರಳಸುಂದರ ಕವನಗಳು ವಾಟ್ಸಾಪ್‌ನಲ್ಲಿ ಆಗೊಮ್ಮೆ ಈಗೊಮ್ಮೆ ಓದಲಿಕ್ಕೆ ಸಿಕ್ಕಿದಂಥವು ನನಗೂ ಮೆಚ್ಚುಗೆಯಾದವು. ಸಂಸ್ಕೃತ ಭಾಷೆಯ ಕಲಿಕೆ ಅಥವಾ ಒಡನಾಟ ಅಷ್ಟೇನೂ ಇಲ್ಲದೆಯೂ ಅವರ ಶಬ್ದಭಂಡಾರ ಶ್ರೀಮಂತವಾಗಿದೆ, ವಿಷಯಗಳ ಹರಹೂ ಬಲುವಿಸ್ತಾರವಾಗಿದೆ, ರವಿ ಕಾಣದ್ದನ್ನು ತಾನು ಕಾಣುವ ಸಾಮರ್ಥ್ಯವನ್ನೂ ಇವರು ಭರಪೂರವಾಗಿಯೇ ಹೊಂದಿದ್ದಾರೆ ಎಂದು ನನಗೆ ಮನವರಿಕೆಯಾಯಿತು.

ಒಮ್ಮೆ ಹೀಗೇ ವಾಟ್ಸಾಪ್‌ನಲ್ಲಿ ಅದೂ ಇದೂ ಹರಟುತ್ತಿದ್ದಾಗ, ಲಿಮರಿಕ್ ಎಂಬ ಪಾಶ್ಚಾತ್ಯ ಪದ್ಯಪ್ರಕಾರದ ಬಗ್ಗೆ ನಾನೇ ಅವರಿಗೆ ತಿಳಿಸಿದೆ. ಆಗಷ್ಟೇ ಡುಂಡಿರಾಜ್ ಮತ್ತು ಅಣಕು ರಾಮನಾಥ್ ಜೋಡಿಯ ‘ಡುಂಡಿರಾಮ್ಸ್ ಲಿಮರಿಕ್ಸ್’ ಪುಸ್ತಕವನ್ನು ಓದಿದ್ದೆನಾದ್ದರಿಂದ, ಅದರ ಬಗ್ಗೆಯೇ ಒಮ್ಮೆ ತಿಳಿರುತೋರಣ ಅಂಕಣದಲ್ಲೂ ಬರೆದಿದ್ದೆನಾದ್ದರಿಂದ, ನಾನೇನೂ ಕವಿ ಅಲ್ಲದಿದ್ದರೂ ಲಿಮರಿಕ್ಸ್ ಆಸ್ವಾದನೆಯ ಹುಚ್ಚು ನನ್ನನ್ನಾವರಿಸಿತ್ತು. ಅದನ್ನು ಅನಂತ ತಾಮ್ಹನಕರರಿಗೂ ಹಬ್ಬಿಸಿದ್ದೆ ಅಷ್ಟೇ. ಅವರಿಗೆ ಅದೇನು ಆವೇಶ ಬಂತೋ ಒಂದಾದ ಮೇಲೊಂದರಂತೆ ಲಿಮರಿಕ್ಸ್ ಬರೆದು ಬರೆದು ನನ್ನತ್ತ ಒಗೆದರು.

ನೋಡನೋಡುತ್ತಿದ್ದಂತೆ ಸಂಖ್ಯೆ ನೂರು ದಾಟಿತು. “ಇವುಗಳದೇ ಒಂದು ಸಂಕಲನ ಮಾಡಿ ಪ್ರಕಟಿಸಿ. ಡುಂಡಿರಾಜರಿಂದಲೇ ಮುನ್ನುಡಿ ಬರೆಸಿ ಕೊಡುವ ಜವಾಬ್ದಾರಿ ನನ್ನದು" ಎಂದೆ. ಹಾಗೆ ತಯಾರಾದದ್ದೇ ‘ಕಿಕ್ಕು ಲಿಮರಿಕ್ಕು’ ಪುಸ್ತಕ. ಮೊನ್ನೆ ಬಿಡುಗಡೆಯಾದ ನಾಲ್ಕು ಪುಸ್ತಕಗಳಲ್ಲೊಂದು.

“ಲಿಮರಿಕ್ ಎಂಬುದು ಪಂಚಪದಿ| ಪದಗಳು ತೇಲುತ ಹರಿವ ನದಿ| ಕೇವಲ ಪ್ರಾಸ| ಇಲ್ಲವು ತ್ರಾಸ| ಜ್ಞಾನವ ಬೆಳೆಸಲು ಊದು ತಿದಿ" ಇದು ಆ ಪುಸ್ತಕದಿಂದಲೇ ಒಂದು ಸ್ಯಾಂಪಲ್. ಪಕ್ಕಾ ಲಿಮರಿಕ್ ಛಾಪು. 1, 2, ಮತ್ತು 5ನೇ ಸಾಲುಗಳದೊಂದು ಪ್ರಾಸ, ಅವುಗಳಿಗಿಂತ ಗಿಡ್ಡವಾದ 3, 4ನೇ ಸಾಲುಗಳದು ಬೇರೆ ಪ್ರಾಸ.

ಇನ್ನೊಂದು ಉದಾಹರಣೆ- “ರವೆಯನು ಹುರಿದೆನು ಮಾಡಲು ಉಂಡೆ| ಸಕ್ಕರೆ ತುಪ್ಪದಿ ತುಂಬಿದೆ ಹಂಡೆ| ಪಾಕವು ಬಿಸಿಬಿಸಿ| ಸಟ್ಟುಗ ತಿರುಗಿಸಿ| ಕಟ್ಟಲು ಹೊರಟರೆ ಕಲ್ಲಿನ ಬಂಡೆ!" ಈ ನಡುವೆ ತಾನು ಪದ್ಯಕ್ಕಷ್ಟೇ ಅಲ್ಲ ಗದ್ಯಕ್ಕೂ ಸೈ ಎಂದು ಅನಂತ ತಾಮ್ಹನಕರರು ಸಾಬೀತುಪಡಿಸಿದ್ದರು, ‘ಒಂದು ಬ್ಯಾಂಕ್ ಸ್ಪೆಷಲ್ ಊಟ’ ಹೆಸರಿನ ಪುಸ್ತಕ ಬರೆದು ಪ್ರಕಟಿಸುವುದರ ಮೂಲಕ. ಸಿಂಡಿಕೇಟ್ ಬ್ಯಾಂಕ್ ಉದ್ಯೋಗಿಯಾಗಿ ಅವರು ಸೇವೆ ಸಲ್ಲಿಸಿದ್ದು ಹೆಚ್ಚಾಗಿ ಉತ್ತರ ಕರ್ನಾಟಕದ ಹಳ್ಳಿ ಪಟ್ಟಣಗಳಲ್ಲಿ.

ನೀರಿಲ್ಲದ ಊರುಗಳಲ್ಲಿ. ಮೇಲ್ನೋಟಕ್ಕೆ ಒರಟರೆನಿಸಿದರೂ ಮುಗ್ಧತೆ ಮೈವೆತ್ತಂತಿರುವ ಮತ್ತು ಹೃದಯ ದಲ್ಲಿ ಶ್ರೀಮಂತಿಕೆ ತುಂಬಿತುಳುಕುವ ಬಡಜನರ ಒಡನಾಟದಲ್ಲಿ. ಅಂತಹ ವೃತ್ತಿಜೀವನದ ಕೆಲವು ಸ್ವಾರಸ್ಯಕರ, ಕೆಲವು ದುಃಖಕರ, ಒಟ್ಟಿನಲ್ಲಿ ನವರಸಗಳ ಅನುಭವಕಥನಗಳ ಸಂಕಲನವೇ ‘ಒಂದು ಬ್ಯಾಂಕ್ ಸ್ಪೆಷಲ್’ ಊಟ ಪುಸ್ತಕ.

ಒಬ್ಬ ಬ್ಯಾಂಕ್ ಉದ್ಯೋಗಿಯ ಡೈರಿ ರೀತಿಯದು. ಬ್ಯಾಂಕಿಂಗ್ ಲೋಕದ ಒಳಚಿತ್ರಣಗಳ ಪರಿಚಯ ನೀಡುವಂಥದೂ ಹೌದು. ಅದಕ್ಕಿಂತಲೂ ಹೆಚ್ಚಾಗಿ, ಪುಸ್ತಕದ ಬೆನ್ನುಡಿಯಲ್ಲಿ ಬರೆದಿರುವಂತೆ- ಮನಸು ಮಾಡಿದರೆ ಬ್ಯಾಂಕ್ ಸಿಬ್ಬಂದಿಯೋರ್ವ ಎಷ್ಟು ಜನಾನುರಾಗಿ ಆಗಿರಬಹುದು ಎಂದು ತೋರಿಸಿಕೊಡುವ ಪುಸ್ತಕ. ವೈಯುಕ್ತಿಕವಾಗಿ ನನಗೆ ಕವನ ಸಂಕಲನಗಳಿಗಿಂತ ಆ ರೀತಿಯ ಸ್ವಾನುಭವ ಕಥನಗಳನ್ನು ಓದುವ ಖಯಾಲಿ ಹೆಚ್ಚು. ಹಾಗೆ ನಾನು ಓದಿ ಬಹಳವಾಗಿ ಮೆಚ್ಚಿ ಕೊಂಡಿರುವ ಪುಸ್ತಕವದು.

ಕಳೆದ ವಾರ ಬಿಡುಗಡೆಯಾದ ಉಳಿದ ಮೂರು ಪುಸ್ತಕಗಳನ್ನೂ ಮೌಲ್ಯಯುತ ಎಂದು ಹೇಳಲಿಕ್ಕೆ ಕಾರಣವಿದೆ. ‘ಅಕ್ಷರಮಾಲೆ’ ಶೀರ್ಷಿಕೆಯ ಪುಸ್ತಕ, ಕನ್ನಡದ ಮೊತ್ತಮೊದಲ ಗುಣಿತಾಕ್ಷರ ಕವನ ಮಾಲಿಕೆ ಎನ್ನಲಿಕ್ಕಡ್ಡಿಯಿಲ್ಲ. ಇದರ ಪ್ರತಿಯೊಂದು ಕವನವೂ ಒಂದೋ ಸ್ವರಾಕ್ಷರಗಳ ಆರೋಹಣಮಾಲೆ- “ಅಮ್ಮನು ಕಣ್ಣಿಗೆ ಕಾಣುವ ದೇವರು| ಆಲಸಿ ಎಂದೂ ಅನಿಸಿಲ್ಲ| ಇಷ್ಟವೊ ಕಷ್ಟವೊ ಅವಳಿಗೆ ಅನಿಸದು| ಈಶನ ಪೂಜೆಯ ಬಿಡಲಿಲ್ಲ..." ಇಲ್ಲವೇ ವ್ಯಂಜನದ ಕಾಗುಣಿತಕ್ರಮ- “ಸಕ್ಕರೆಗಿಂತಲು ಸಿಹಿ ಮಾತಾಡುವೆ| ಸಾತ್ವಿಕ ಗುಣವು ನಿನದಮ್ಮ| ಸಿರಿತನ ತುಂಬಿದೆ ನಿನ್ನಯ ಮನದಲಿ| ಸೀತಾ ಮಾತೆಯೇ ನೀನಮ್ಮ..." ರೀತಿಯಲ್ಲಿ ಇದೆ. ಮತ್ತೆ ಕೆಲವು ಜಡೆ ಹೆಣೆದಂತೆ ಒಂದೇ ಕವನದಲ್ಲಿ ಎರಡೆರಡು ವ್ಯಂಜನ-ಕಾಗುಣಿತಗಳ ಜುಗಲ್‌ಬಂದಿ: “ಜಗವನು ಬೆಳಗುವ ಕಿರಣವು ಬೀಳದು| ಕತ್ತಲು ತುಂಬಿದೆ ಕಾಡೊಳಗೆ| ಜಾಜಿಯು ಬಿರಿಯುತ ಪರಿಮಳ ಹರಡಿದೆ| ಕಾವಲು ಇಲ್ಲದ ವನದೊಳಗೆ| ಜಿಗಿಯುವ ಜಿಂಕೆಯ ವಿಹಾರದಂದವ| ಕಿರುಕುಳ ಕೊಡದೆಯೆ ನೋಡೋಣ| ಜೀಕುತ ಕುಣಿಯುವ ವಾನರ ವೃಂದಕೆ| ಕೀಟಲೆ ಮಾಡದೆ ನಲಿಯೋಣ..." ಮಕ್ಕಳಿಗಷ್ಟೇ ಏನು ಹಿರಿಯರಿಗೂ ಕನ್ನಡ ವರ್ಣಮಾಲೆಯ ಮೇಲೆ, ಅದರ ಕ್ರಮಬದ್ಧತೆಯ ಮೇಲೆ ಪ್ರೀತಿ ಉಕ್ಕದಿರುತ್ತದೆಯೇ ಇಂಥವನ್ನು ಮೆಲ್ಲುವಾಗ? ಇನ್ನೊಂದು ಪುಸ್ತಕ ‘ಹುಣ್ಣಿಮೆಯ ಚಂದಿರನ ಕಂಡೆ ಮೊಗದೊಳಗೆ’.

ಇದು ಕೂಡ ಮಕ್ಕಳಿಗೆಂದೇ ಬರೆದ ಕವನಗಳ ಸಂಕಲನ. ದೊಡ್ಡವರಿಗೂ ಇಷ್ಟ ಆಗುವಂಥದೇ. ಮತ್ತದೇ ಕಾರಣ- ಈ ಎಲ್ಲ ಕವನಗಳನ್ನು ಬರೀ ಓದುವುದಲ್ಲ, ಗುನುಗುನಿಸಬಹುದು, ಸಲೀಸಾಗಿ ಹಾಡಬಹುದು. ಬೇಕಿದ್ದರೆ ಅದು ಮಸಾಲೆದೋಸೆಯ ಬಗೆಗೇ ಇರಲಿ- “ಉದ್ದಿನ ಜತೆಯಲಿ ನೆನೆಸಿದ ಅಕ್ಕಿಯ| ಸಂಜೆಯ ಹೊತ್ತಲಿ ರುಬ್ಬಿ ಇಡು| ಮರುದಿನ ಬೆಳಗಿನ ಸಮಯದಿ ಹಿಟ್ಟಿಗೆ| ಉಪ್ಪನು ಬೆರೆಸುತ ಕಲಸಿಬಿಡು|| ತುರಿದಿಹ ತೆಂಗಿನಕಾಯಿಯ ಜತೆಯಲಿ| ಹುಣಸೆಯ ಹಣ್ಣನು ಹಾಕಿಬಿಡು| ಖಾರಕೆ ಹಸಿ ಒಣ ಮೆಣಸನು ಸೇರಿಸು| ಶುಂಠಿಯ ಚೂರನು ಮರೆಯದಿರು..." ರೀತಿಯಲ್ಲಿ, ಅಥವಾ ನೀತಿಬೋಧೆಯೇ ಇರಲಿ- “ಅಗುಳನು ಕಂಡರೆ ಬಳಗವ ಕರೆಯುವ ಕಾಗೆಯ ಗುಣವನು ನೋಡಿ ಕಲಿ| ತಿಪ್ಪೆಯ ಕೆದಕಲು ಮರಿಗಳ ಕರೆಯುವ ಕೋಳಿಯ ಭಾವದ ತಿರುಳ ತಿಳಿ|| ಸರತಿಯ ಸಾಲಲಿ ಮುಂದಕೆ ಸಾಗುವ ಇರುವೆಯ ಶಿಸ್ತನು ನೀನು ಕಲಿ| ಜೇನಿನ ಹನಿಗಳ ಸಂಗ್ರಹ ಮಾಡುವ ದುಡಿಮೆಯ ಬೆಲೆಯನು ನೀನು ತಿಳಿ..." ರೀತಿಯಲ್ಲಿ. ಮಕ್ಕಳ ಪದ್ಯ ಎಂದರೆ ಹೇಗಿರಬೇಕು ಎನ್ನುವುದಕ್ಕೆ ಮಾದರಿ. ಈ ಸಂಕಲನದ ಕೆಲವು ಪದ್ಯಗಳಿಗಂತೂ ಪಠ್ಯಪುಸ್ತಕಗಳಲ್ಲಿ ಸೇರುವ ಸಂಪೂರ್ಣ ಅರ್ಹತೆ ಮತ್ತು ಯೋಗ್ಯತೆಗಳಿವೆ.

ದೊಡ್ಡವರಿಗೆಂದು ಬರೆದ ‘ಗೋಡೆ ಮೇಲಿನ ಹಲ್ಲಿ ಲೊಚಗುಟ್ಟಿತು’ ಸಂಕಲನದ ಕವನಗಳೂ ಅಷ್ಟೇ: ಅಭಿಜಾತ ಲಯ ಮತ್ತು ಗೇಯತೆಗಳಿಂದಾಗಿ ರೆಡಿ-ಟು-ಸಿಂಗ್ ರೀತಿಯವು. ಸುಗಮಸಂಗೀತಕಾರರ ಕೈಗೇನಾದರೂ ಸಿಕ್ಕಿದರೆ ತತ್‌ಕ್ಷಣವೇ ಸುಶ್ರಾವ್ಯವಾಗಿ ಹಾಡಿ ಇನ್ನಷ್ಟು ಭಾವಪೂರ್ಣ ಆಗಬಲ್ಲಂಥವು.

“ನನ್ನ ಒಲವಿನ ಮಡದಿ ತವರಿಂಗೆ ಹೋಗಿರಲು| ನಾವೀನ್ಯವು ಇಲ್ಲ ಎನ್ನ ದಿನಗಳಲಿ| ನಿತ್ಯ ನೇಮಗಳೆಲ್ಲ ಹಳಿತಪ್ಪಿ ಹೋಗಿಹವು| ನೀಟುತನವೂ ಇಲ್ಲ ಎನ್ನ ಕೆಲಸಗಳಲಿ|| ನುಡಿಜಾಣ ನಿರಬಹುದು ಬಾಣಸಿಗ ನಾನಲ್ಲ| ನೂಕುತಿಹೆ ದಿನಗಳನು ಬಲು ಕಷ್ಟದಲ್ಲಿ| ನೆಲವನೊರಸುವ ಕೆಲಸ ಬೆನ್ನು ನೋವಿಹುದೆನಗೆ| ನೇರಾಣಿ ಇರದಿರಲು ತಿಂಡಿ ಸಿಗದಿಲ್ಲಿ..." ಮುಂತಾದವನ್ನು ಓದುವಾಗ ಮಲ್ಲಿಗೆಕವಿಯ ದಾಂಪತ್ಯಗೀತೆಗಳು ನೆನಪಾಗದಿರುವುದಿಲ್ಲ.

ಸೂಕ್ಷ್ಮವಾಗಿ ಗಮನಿಸಿದರೆ ಅದರಲ್ಲೂ ಈ ಕವನದಲ್ಲೂ ನ ವ್ಯಂಜನದ ಕಾಗುಣಿತ! ಇನ್ನೊಂದು ‘ಸ್ಮಾರ್ಟ್ -ನಾಷ್ಟಕಮ್’ ಎಂಬ ಶೀರ್ಷಿಕೆಯ ಕವನ. ಕಾಲಭೈರವಾಷ್ಟಕಮ್ ಧಾಟಿಯಲ್ಲೇ ಹಾಡಲಿಕ್ಕಾಗುತ್ತದೆ, ಸ್ಮಾರ್ಟ್ʼಫೋನ್ ಹೇಗೆ ಈಗ ಎಲ್ಲರ ಜೀವನವನ್ನು ನಿಯಂತ್ರಿಸಬಲ್ಲ ಕಾಲಭೈರವನೇ ಆಗಿದೆ ಎಂದು ಕೊಂಚ ಹೆದರಿಕೆಯೂ ಆಗುತ್ತದೆ. ಈ ಸಂಕಲನದ ಕೆಲವು ಕವನಗಳು ಓದುಗರ ಮನಸ್ಸಿಗೆ ಕಚಗುಳಿಯಿಟ್ಟರೆ ಇನ್ನು ಕೆಲವು ಮನ ಕಲಕುತ್ತವೆ, ಈಗಿನ ಜೀವನಶೈಲಿಯ ಕಹಿಸತ್ಯಗಳೇ ಚಿತ್ರಿತವಾಗಿರುವುದರಿಂದ ಓದಿ ಮುಗಿಸಿದಾಗ ವಿಷಾದ ಮಡುಗಟ್ಟು ತ್ತದೆ.

ಅನಂತ ತಾಮ್ಹನಕರರ ಅಕ್ಷರಕೃಷಿಗೆ ನೀರೆರೆದು ಪೋಷಿಸುತ್ತಿರುವ, ಅವರ ಇದುವರೆಗಿನ ಕೃತಿಗಳೆಲ್ಲದರ ಪ್ರಕಾಶಕರೂ ಆಗಿರುವ ಮೈಸೂರಿನ ಅಪ್ಪಟ ಕನ್ನಡಿಗ ಸಂಸ್ಕೃತಿ ಸುಬ್ರಹ್ಮಣ್ಯ ಅವರ ಹೆಸರನ್ನೂ ಇಲ್ಲಿ ಉಲ್ಲೇಖಿಸಲೇಬೇಕು. ಮೊನ್ನೆ ಅಷ್ಟು ಚಂದದ ಆತ್ಮೀಯವೆನಿಸುವ ಸಮಾರಂಭದ ಆಯೋಜನೆ ಅವರದೇ. ಕೃಷ್ಣರಾಜ ಕ್ಷೇತ್ರದ ಶಾಸಕ ಟಿ.ಎಸ್.ಶ್ರೀವತ್ಸ ಮತ್ತು ಮೈಸೂರಿನ ವಿಜಯವಿಠಲ ವಿದ್ಯಾಸಂಸ್ಥೆಯ ಅಧ್ಯಕ್ಷ ಆರ್.ವಾಸುದೇವ ಭಟ್ ಅವರ ಉಪಸ್ಥಿತಿ, ಅನಂತ ತಾಮ್ಹನಕರರ ಮಗಳು ಅಕ್ಷತಾಳಿಂದ ನಿರೂಪಣೆ, ಮೊಮ್ಮಗಳು ಶಾರ್ವರಿಯಿಂದ ಪ್ರಾರ್ಥನೆ, ಸಮಾರಂಭ ಮುಗಿದಮೇಲೆ ಬಿಸಿಬೇಳೆ ಭಾತ್-ಮೊಸರನ್ನ-ಆಂಬೊಡೆ-ಮೈಸೂರುಪಾಕ್ ಸಹಿತ ಸವಿರುಚಿಯ ಊಟ... ಎಲ್ಲವೂ ಸೊಗಸು ಸ್ವಾದಿಷ್ಟ.

ನನಗಂತೂ ಈ ಬಾರಿಯ ಕನ್ನಡ ರಾಜ್ಯೋತ್ಸವವನ್ನು ಸಾಂಸ್ಕೃತಿಕ ರಾಜಧಾನಿ ಮೈಸೂರಿನಲ್ಲಿ ಇಂಥದೊಂದು ಸಮಾರಂಭದಲ್ಲಿ ಸದಭಿರುಚಿಯ ಸಜ್ಜನರೊಡನೆ ಕಲೆತು ಆಚರಿಸಿದ ಖುಷಿ. ಅನಂತ ತಾಮ್ಹನಕರರಂಥ ಸತ್ತ್ವಯುತ ಕವಿಯಿಂದ ಇನ್ನಷ್ಟು ಸತ್ತ್ವಯುತ ಕೃತಿಗಳು ಬರಬೇಕಾದರೆ ಅವರಿಗೆ ಸಲ್ಲಬೇಕಾದ ಪ್ರೋತ್ಸಾಹ ಉತ್ತೇಜನಗಳು ಸಿಗಬೇಕು. ಅವರ ಪುಸ್ತಕಗಳನ್ನು ಕೊಂಡು ಓದಬೇಕು. ಓದಿದ ಮೇಲೆ ಪ್ರಾಮಾಣಿಕ ಅನಿಸಿಕೆಯನ್ನೂ ತಿಳಿಸಬೇಕು. ಅಷ್ಟನ್ನು ಮಾಡುವ ಆಸಕ್ತಿ ಉತ್ಸಾಹ ನಿಮ್ಮಲ್ಲಿದೆ ಯೆಂದು ನನಗೆ ಗೊತ್ತು. ಅನಂತ ತಾಮ್ಹನಕರರ ಸಂಪರ್ಕವಿವರ ನಿಮಗೆ ಗೊತ್ತಿರಲಿಕ್ಕಿಲ್ಲ ಅಷ್ಟೇ. ಅವರ ಪುಸ್ತಕಗಳನ್ನು ತರಿಸಿ ಓದಿ ಸವಿಯುತ್ತೀರಾದರೆ ಅದನ್ನೂ ತಿಳಿಸುತ್ತೇನೆ: 94488 99321.

]]>

Kannada web Series: ‘ಕಾರ್ಪೊರೇಟ್ ಲವ್ ಸ್ಟೋರಿ’; ಪನ್ನಗ ಭರಣ ನಿರ್ದೇಶನದ ಹೊಸ ವೆಬ್ ಸರಣಿ ಒಟಿಟಿಗೆ ಎಂಟ್ರಿ

Sun, 08 Nov 2026 03:31:33 +0000

ಇಂದಿನ ಯುವಜನತೆಯ ಪ್ರೀತಿ, ವೃತ್ತಿಜೀವನದ ಮಹತ್ವಾಕಾಂಕ್ಷೆ ಹಾಗೂ ಆಧುನಿಕ ಸಂಬಂಧಗಳ ಜಟಿಲತೆಗಳನ್ನು ಒಳಗೊಂಡ ವಿಶಿಷ್ಟ ಕಥಾಹಂದರದ ‘ಕಾರ್ಪೊರೇಟ್ ಲವ್ ಸ್ಟೋರಿ’ ( Corporate Love Story ) ಎಂಬ ನೂತನ ವೆಬ್ ಸರಣಿಯನ್ನು ಕನ್ನಡ Zee5 ಅಧಿಕೃತವಾಗಿ ಘೋಷಿಸಿದೆ. ಬೆಂಗಳೂರಿನ ವೇಗದ ಸ್ಟಾರ್ಟಪ್ ಪರಿಸರದ ಹಿನ್ನೆಲೆಯಲ್ಲಿ ಮೂಡಿಬಂದಿರುವ ಈ ಸರಣಿಗೆ ಖ್ಯಾತ ನಿರ್ದೇಶಕ ಪನ್ನಗ ಭರಣ (Pannaga Bharana) ಆಕ್ಷನ್ ಕಟ್ ಹೇಳಿದ್ದು, ‘ಫಿಲ್ಮಿ ಫೆಲೋ ಸ್ಟುಡಿಯೋಜ್’ ಸಂಸ್ಥೆ ನಿರ್ಮಾಣ ಮಾಡಿದೆ.

ಕಚೇರಿಯ ಕಟ್ಟುಪಾಡುಗಳು, ಮಹತ್ವಾಕಾಂಕ್ಷೆಗಳು ಹಾಗೂ ವೈಯಕ್ತಿಕ ನಿರೀಕ್ಷೆಗಳ ನಡುವೆ ಪರೀಕ್ಷೆಗೆ ಒಳಗಾಗುವ ಇಬ್ಬರು ಸಹೋದ್ಯೋಗಿಗಳ ಪ್ರೇಮಕಥೆಯನ್ನು ಈ ಸರಣಿ ಒಳಗೊಂಡಿದೆ. ಸಿತಾರಾ ದಾಸ್ ಹಾಗೂ ಪ್ರಣವ್ ಶ್ರೀಧರ್ ಪ್ರಮುಖ ಜೋಡಿಯಾಗಿ ನಟಿಸಿದ್ದು, ಹಿರಿಯ ನಟಿ ಪ್ರಿಯಾಂಕಾ ಉಪೇಂದ್ರ ಪ್ರಮುಖ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ.

ಸ್ಟಾರ್ಟಪ್ ಕಂಪನಿಯಲ್ಲಿ ಆರಂಭವಾಗುವ ಪ್ರೇಮಕಥೆ

ಸಂಕಷ್ಟದಲ್ಲಿರುವ ಬೆಂಗಳೂರಿನ ‘ಯುನಿಕ್ವಸ್ ಟೆಕ್’ ಎಂಬ ಸ್ಟಾರ್ಟಪ್ ಕಂಪನಿಯ ಸುತ್ತ ಕಥೆ ಸಾಗುತ್ತದೆ. ಡೇಟಿಂಗ್ ಆ್ಯಪ್ ಒಂದನ್ನು ಬಿಡುಗಡೆ ಮಾಡಲು ಸಜ್ಜಾಗಿರುವ ಈ ಕಂಪನಿಗೆ ನಿತ್ಯಾ ಎಂಬ ಮಹತ್ವಾಕಾಂಕ್ಷಿ ಯುವ ಡಿಸೈನರ್ ಸೇರ್ಪಡೆಯಾಗುತ್ತಾಳೆ. ಅಲ್ಲಿ ಆಕೆಗೆ ಶಿಸ್ತುಬದ್ಧ, ಜವಾಬ್ದಾರಿಯುತ ಹಾಗೂ ತನ್ನ ಭಾವನೆಗಳನ್ನು ಹೊರಹಾಕಲು ಹಿಂಜರಿಯುವ ಪ್ರಾಡಕ್ಟ್ ಹೆಡ್ ಅರ್ಜುನ್ ಪರಿಚಯವಾಗುತ್ತಾನೆ.

ಕಂಪನಿಯನ್ನು ಅನಿಶ್ಚಿತ ಭವಿಷ್ಯದಿಂದ ಪಾರುಮಾಡುವುದೇ ಅರ್ಜುನ್‌ನ ಮುಖ್ಯ ಗುರಿಯಾಗಿರುತ್ತದೆ. ಇಬ್ಬರ ಸ್ವಭಾವಗಳು ಸಂಪೂರ್ಣ ಭಿನ್ನವಾಗಿದ್ದರೂ, ಕೆಲಸದ ನಡುವೆ ಅವರಲ್ಲಿ ಸ್ನೇಹ ಚಿಗುರಿ ಕ್ರಮೇಣ ಪ್ರೇಮವಾಗಿ ಬದಲಾಗುತ್ತದೆ. ಆದರೆ ಕಚೇರಿಯ ಒತ್ತಡ, ವೃತ್ತಿಜೀವನದ ಸವಾಲುಗಳು ಮತ್ತು ವೈಯಕ್ತಿಕ ಜವಾಬ್ದಾರಿಗಳ ನಡುವೆ ಈ ಜೋಡಿಯ ಸಂಬಂಧ ಹಲವು ಅನಿರೀಕ್ಷಿತ ಪರೀಕ್ಷೆಗಳನ್ನು ಎದುರಿಸಬೇಕಾಗುತ್ತದೆ.

View this post on Instagram

A post shared by Zee 5 Kannada (@zee5kannada)

ಇಂದಿನ ಯುವ ವೃತ್ತಿಪರರ ಬದುಕಿನ ನೈಜ ಪ್ರತಿಬಿಂಬ

‘ಕಾರ್ಪೊರೇಟ್ ಲವ್ ಸ್ಟೋರಿ’ ಕೇವಲ ಸಾಂಪ್ರದಾಯಿಕ ಪ್ರೇಮಕಥೆಯಾಗಿರದೆ, ಇಂದಿನ ಕಾರ್ಪೊರೇಟ್ ಜಗತ್ತು ಮತ್ತು ಸ್ಟಾರ್ಟಪ್ ಬದುಕಿನ ವಾಸ್ತವಗಳನ್ನು ಸಹಜವಾಗಿ ತೆರೆದಿಡುವ ಪ್ರಯತ್ನವಾಗಿದೆ. ವೃತ್ತಿಜೀವನದ ಆಕಾಂಕ್ಷೆ, ಕುಟುಂಬದ ನಿರೀಕ್ಷೆ ಹಾಗೂ ವೈಯಕ್ತಿಕ ಆಯ್ಕೆಗಳು ಮುಖಾಮುಖಿಯಾದಾಗ ಎದುರಾಗುವ ಸನ್ನಿವೇಶಗಳನ್ನು ಕಥೆಯಲ್ಲಿ ನೈಜವಾಗಿ ಕಟ್ಟಿಕೊಡಲಾಗಿದೆ.

ನಿತ್ಯಾ ಮತ್ತು ಅರ್ಜುನ್ ಅವರ ಪಯಣದ ಮೂಲಕ ಯಾವುದೇ ಸಂಬಂಧ ಗಟ್ಟಿಯಾಗಿರಲು ಪರಸ್ಪರ ಅರ್ಥಮಾಡಿಕೊಳ್ಳುವಿಕೆ, ನಂಬಿಕೆ ಮತ್ತು ಒಟ್ಟಿಗೆ ಬೆಳೆಯುವ ಮನಸ್ಥಿತಿ ಎಷ್ಟು ಮುಖ್ಯ ಎಂಬುದನ್ನು ತೋರಿಸಲಾಗಿದೆ. ಕಚೇರಿಯ ಗೆಳೆಯರ ಒಡನಾಟ, ಹೊಸ ಆರಂಭಗಳ ಉತ್ಸಾಹ ಹಾಗೂ ಕಠಿಣ ನಿರ್ಧಾರಗಳ ನಡುವೆ ಜೀವನ ಕಂಡುಕೊಳ್ಳುವ ಇಂದಿನ ಯುವ ವೃತ್ತಿಪರರ ಅನುಭವಗಳಿಗೆ ಈ ಸರಣಿ ಕನ್ನಡಿ ಹಿಡಿಯಲಿದೆ.

ಕನ್ನಡದ ಮೊದಲ ದೀರ್ಘ ಸ್ವರೂಪದ ಪ್ರೇಮಕಥಾ ಸರಣಿ

ಈ ಯೋಜನೆಯ ಕುರಿತು ಮಾತನಾಡಿದ ಝೀ ಕನ್ನಡ ಮತ್ತು ಝೀ ಪವರ್ ಮುಖ್ಯ ವಾಹಿನಿ ಅಧಿಕಾರಿ ಹಾಗೂ Zee5 ಕನ್ನಡದ ಬಿಸಿನೆಸ್ ಹೆಡ್ ದೀಪಕ್ ಶ್ರೀರಾಮುಲು, “ಕನ್ನಡ Zee5ನಲ್ಲಿ ಪ್ರೇಕ್ಷಕರ ನೈಜ ಅನುಭವಗಳು ಮತ್ತು ಆಕಾಂಕ್ಷೆಗಳಿಗೆ ಹತ್ತಿರವಾದ ಕಥೆಗಳನ್ನು ಹೇಳಲು ನಾವು ಸದಾ ಬದ್ಧರಾಗಿದ್ದೇವೆ. ನಮ್ಮ ಒರಿಜಿನಲ್ಸ್ ಸಾಲಿನಲ್ಲಿ ‘ಕಾರ್ಪೊರೇಟ್ ಲವ್ ಸ್ಟೋರಿ’ ವಿಶೇಷ ಸ್ಥಾನ ಪಡೆದಿದ್ದು, ಇದು ಕನ್ನಡದ ಮೊದಲ ದೀರ್ಘ ಸ್ವರೂಪದ ಪ್ರೇಮಕಥಾ ಸರಣಿಯಾಗಿದೆ. ಆಪ್ತವೆನಿಸುವ ಪಾತ್ರಗಳು ಮತ್ತು ಆಕರ್ಷಕ ನಿರೂಪಣೆಯ ಮೂಲಕ ಇಂದಿನ ವೇಗದ ಜಗತ್ತಿನಲ್ಲಿ ಪ್ರೀತಿ ಹಾಗೂ ವೃತ್ತಿಪರ ಯಶಸ್ಸನ್ನು ಸರಿದೂಗಿಸುವ ಸಂಕೀರ್ಣತೆಯನ್ನು ಇದು ಪರಿಣಾಮಕಾರಿಯಾಗಿ ಕಟ್ಟಿಕೊಡಲಿದೆ” ಎಂದು ವಿಶ್ವಾಸ ವ್ಯಕ್ತಪಡಿಸಿದರು.

ನಿರ್ದೇಶಕ ಪನ್ನಗ ಭರಣ ಮಾತನಾಡಿ, “ನಾವು ದಿನದ ಬಹುಪಾಲು ಸಮಯವನ್ನು ಕಳೆಯುವ ಕೆಲಸದ ಸ್ಥಳವೇ ಸ್ನೇಹ, ಪ್ರೀತಿ ಮತ್ತು ಸವಾಲುಗಳ ತಾಣವಾಗಿರುತ್ತದೆ. ವಿಭಿನ್ನ ವ್ಯಕ್ತಿತ್ವ ಹೊಂದಿರುವ ಇಬ್ಬರು ತಮ್ಮತನವನ್ನು ಕಳೆದುಕೊಳ್ಳದೆ ಪ್ರೀತಿಯ ಹಾದಿಯಲ್ಲಿ ಹೇಗೆ ಮುನ್ನಡೆಯುತ್ತಾರೆ ಎಂಬುದನ್ನು ನಿತ್ಯಾ ಮತ್ತು ಅರ್ಜುನ್ ಪಾತ್ರಗಳ ಮೂಲಕ ಕಟ್ಟಿಕೊಟ್ಟಿದ್ದೇವೆ” ಎಂದರು.

ನಿತ್ಯಾ ಪಾತ್ರಧಾರಿ ಸಿತಾರಾ ದಾಸ್ ಮಾತನಾಡಿ, “ವೃತ್ತಿಜೀವನ ಮತ್ತು ಭಾವನೆಗಳನ್ನು ನಿಭಾಯಿಸುತ್ತಾ ತನ್ನತನ ಉಳಿಸಿಕೊಳ್ಳುವ ಮಹತ್ವಾಕಾಂಕ್ಷಿ ಯುವತಿಯ ಪಾತ್ರ ಇದಾಗಿದೆ. ಇಂದಿನ ಯುವಜನತೆ ಈ ಪಾತ್ರದೊಂದಿಗೆ ಸುಲಭವಾಗಿ ಕನೆಕ್ಟ್ ಆಗಲಿದ್ದಾರೆ” ಎಂದು ಅಭಿಪ್ರಾಯಪಟ್ಟರು.

ಅರ್ಜುನ್ ಪಾತ್ರಧಾರಿ ಪ್ರಣವ್ ಶ್ರೀಧರ್, “ಕೆಲಸಕ್ಕೆ ಹೆಚ್ಚು ಒತ್ತು ನೀಡಿ ಭಾವನೆಗಳನ್ನು ಅದುಮಿಟ್ಟುಕೊಳ್ಳುವ ಅರ್ಜುನ್‌ನ ಸಂಘರ್ಷ ಹಾಗೂ ಆತನ ಬದಲಾಗುವ ಒಡನಾಟವನ್ನು ತೆರೆಮೇಲೆ ತರುವುದು ಅದ್ಭುತ ಅನುಭವವಾಗಿತ್ತು” ಎಂದು ಹಂಚಿಕೊಂಡರು.

ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ನಟಿ ಪ್ರಿಯಾಂಕಾ ಉಪೇಂದ್ರ ಮಾತನಾಡಿ, “ಕೆಲಸದ ಸ್ಥಳದಲ್ಲಿ ವೈಯಕ್ತಿಕ ಹಾಗೂ ವೃತ್ತಿಪರ ನಿರ್ಧಾರಗಳು ಪರಸ್ಪರ ಹೇಗೆ ಪ್ರಭಾವ ಬೀರುತ್ತವೆ ಎಂಬುದನ್ನು ದೈನಂದಿನ ಜೀವನದ ದೃಷ್ಟಿಕೋನದಿಂದ ತೋರಿಸಿರುವ ರೀತಿ ನನಗೆ ತುಂಬಾ ಇಷ್ಟವಾಯಿತು” ಎಂದರು.

ಕೊರಿಯನ್ ಡ್ರಾಮಾಗಳನ್ನು ಇಷ್ಟಪಡುವ ಪ್ರೇಕ್ಷಕರಿಗೂ ಈ ಕನ್ನಡ ವೆಬ್ ಸರಣಿ ಉತ್ತಮ ಮನರಂಜನೆ ನೀಡುವ ನಿರೀಕ್ಷೆಯಿದೆ.

Zee5 ಸಂಸ್ಥೆಯ ಹಿನ್ನೆಲೆ

ಭಾರತದ ಅತಿದೊಡ್ಡ ಸ್ವದೇಶಿ ವಿಡಿಯೋ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್ ಆಗಿರುವ Zee5 ಪ್ರಸ್ತುತ 190ಕ್ಕೂ ಹೆಚ್ಚು ದೇಶಗಳಲ್ಲಿ ದಕ್ಷಿಣ ಏಷ್ಯಾದ ಕಂಟೆಂಟ್‌ಗಳನ್ನು ತಲುಪಿಸುತ್ತಿದೆ. ಜೀ ಎಂಟರ್‌ಟೈನ್‌ಮೆಂಟ್ ಎಂಟರ್‌ಪ್ರೈಸಸ್ ಲಿಮಿಟೆಡ್‌ನ ಭಾಗವಾಗಿರುವ ಈ ಸಂಸ್ಥೆ ಪ್ರಾದೇಶಿಕ ಭಾಷೆಗಳಿಗೆ ಮೊದಲ ಆದ್ಯತೆ ನೀಡುತ್ತಾ ಕನ್ನಡ, ಹಿಂದಿ, ತಮಿಳು, ತೆಲುಗು, ಬಂಗಾಳಿ, ಮಲಯಾಳಂ ಮತ್ತು ಮರಾಠಿ ಭಾಷೆಗಳಲ್ಲಿ ಸ್ಥಳೀಯ ಮನರಂಜನೆಯನ್ನು ಒದಗಿಸುತ್ತಿದೆ.

ಸಿನಿಮಾ, ವೆಬ್ ಸರಣಿಗಳು ಹಾಗೂ ಎಐ ಆಧಾರಿತ ಕಂಟೆಂಟ್‌ಗಳ ಜೊತೆಗೆ ಫೀಫಾ ವಿಶ್ವಕಪ್ 2026 ಮತ್ತು 2030, ಬುಂಡೆಸ್‌ಲಿಗಾ, ಸೀರಿ ಎ ಮುಂತಾದ ಅಂತಾರಾಷ್ಟ್ರೀಯ ಲೈವ್ ಕ್ರೀಡಾಕೂಟಗಳ ಪ್ರಸಾರ ತಾಣವಾಗಿಯೂ Zee5 ಗುರುತಿಸಿಕೊಂಡಿದೆ.

ಇದನ್ನೂ ಓದಿ: Bigg Boss Kannada 13: ಮತ್ತೆ ಬಿಗ್‌ ಬಾಸ್‌ ಮನೆಗೆ ಎಂಟ್ರಿ ಕೊಟ್ಟ ಮಹಾಕವಿ ಮಂಜ!

ಒಟ್ಟಿನಲ್ಲಿ, ಪ್ರೀತಿ, ವೃತ್ತಿಜೀವನ, ಸ್ಟಾರ್ಟಪ್ ಸಂಸ್ಕೃತಿ ಮತ್ತು ಆಧುನಿಕ ಸಂಬಂಧಗಳ ವಿಭಿನ್ನ ಆಯಾಮಗಳನ್ನು ಒಳಗೊಂಡಿರುವ ‘ಕಾರ್ಪೊರೇಟ್ ಲವ್ ಸ್ಟೋರಿ’ ವೆಬ್ ಸರಣಿ ಸದ್ಯ ಪ್ರೇಕ್ಷಕರಲ್ಲಿ ನಿರೀಕ್ಷೆ ಮೂಡಿಸಿದೆ. ಈ ಸರಣಿಯು ಶೀಘ್ರದಲ್ಲೇ ಕನ್ನಡ Zee5 ವೇದಿಕೆಯಲ್ಲಿ ಪ್ರಸಾರವಾಗಲಿದೆ.

]]>

Bigg Boss Kannada 13: ಮತ್ತೆ ಬಿಗ್‌ ಬಾಸ್‌ ಮನೆಗೆ ಎಂಟ್ರಿ ಕೊಟ್ಟ ಮಹಾಕವಿ ಮಂಜ!

Sun, 08 Nov 2026 03:14:16 +0000

'ಬಿಗ್ ಬಾಸ್' (Bigg Bosss Kannada 13) ಮನೆಗೆ ಇನ್ನೊಂದು ಕಡೆ ಎಲಿಮಿನೇಷನ್ ಯಾರು ಆಗ್ತಾರೆ ಅನ್ನೋದು ವೀಕ್ಷಕರಿಗೆ ಕುತೂಹಲವಿದೆ. ಆದರೆ ಇಲ್ಲೊಂದು ಟ್ವಿಸ್ಟ್ ಕೊಟ್ಟಿದ್ದಾರೆ ಬಿಗ್‌ ಬಾಸ್‌. ಮುಂದಿನ ದಿನಗಳಲ್ಲಿ ಡಬಲ್ ಎಲಿಮಿನೇಷನ್ ನಡೆಯುವ ಸಾಧ್ಯತೆಯಿದೆ. ಇದಲ್ಲದೆ 'ದೊಡನೆ'ಗ ಒಬ್ಬ ವಿಶೇಷ ವ್ಯಕ್ತಿ ಬಂದಿದ್ದಾರೆ. ಅದುವೇ ಮಾಡರ್ನ್‌ ಮಹಾಕವಿ ಮಂಜ ಎಂಟ್ರಿ ಕೊಟ್ಟಿದ್ದಾರೆ.

'ಅಗ್ನಿ ಪರೀಕ್ಷೆ'ಯಿಂದ ಆಯ್ಕೆ ಆಗಿ 'ಬಿಗ್ ಬಾಸ್' ಮನಗೆ ಬಂದಿದ್ದ ಮಂಜ, ಮನೆಯಲ್ಲಿ ಸಖತ್ ಸೌಂಡ್ ಮಾಡಿದ್ದರು. ತನ್ನ ಆಟ - ಮಾತಿನಿಂದ ವೀಕ್ಷಕರ ಮನಗೆದ್ದಿದ್ದರು. ಅವರಿಗೆ ಮಾತೇ ಮುಳುವಾಗಿತ್ತು. ಸ್ಪರ್ಧಿಗಳನ್ನು ಟೀಕಿಸುವ ಭರದಲ್ಲಿ ಅವರ ಬಗ್ಗೆ ವೈಯಕ್ತಿಕವಾಗಿ ನಿಂದನೀಯ ಮಾತುಗಳನ್ನಾಡಿದ್ದರು. ಹೀಗಾಗಿ ಅವರನ್ನು ಮನೆಯಿಂದ ಆಚೆ ಕರೆಸಲಾಗಿತ್ತು. ಆದರೀಗ ಮಂಜ ಮತ್ತೆ ಬಿಗ್ ಬಾಸ್'ಗೆ ಬಂದಿದ್ದಾರೆ. ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಕೆಲ ದಿನಗಳ ಕಾಲ ಅತಿಥಿಯಾಗಿ 'ಬಿಗ್ ಬಾಸ್' ಮನೆಗೆ ಮಂಜ ಬಂದಿದ್ದಾರೆ ಎನ್ನಲಾಗಿದೆ.

View this post on Instagram

A post shared by Colors Kannada Official (@colorskannadaofficial)

]]>

International Day of Radiology 2026: ಇಂದು ಅಂತಾರಾಷ್ಟ್ರೀಯ ರೇಡಿಯಾಲಜಿ ದಿನ; ಇತಿಹಾಸ, ಮಹತ್ವ ತಿಳಿಯಿರಿ

Sun, 08 Nov 2026 02:30:00 +0000

ಡಾ. ಮುರಲೀ ಮೋಹನ ಚೂಂತಾರು

ಪ್ರತೀ ವರ್ಷ ನವೆಂಬರ್ 8 ರಂದು ವಿಶ್ವದಾದ್ಯಂತ 'ಅಂತಾರಾಷ್ಟ್ರೀಯ ರೇಡಿಯಾಲಜಿ ದಿನ' (International Day of Radiology 2026) ಎಂದು ಆಚರಿಸಿ ವಿಕರಣ ಶಾಸ್ತ್ರದಿಂದ ವೈದ್ಯಕೀಯ ರಂಗಕ್ಕೆ ಉಂಟಾಗಿರುವ ಅನುಕೂಲಗಳನ್ನು ಸ್ಮರಿಸಲಾಗುತ್ತದೆ. 2012ರ ನವೆಂಬರ್ 8 ರಂದು ಈ ಆಚರಣೆಯನ್ನು ಆರಂಭಿಸಲಾಯಿತು. 1895ನೇ ನವೆಂಬರ್ 8ರಂದು ವಿಲ್ಹೆಲ್ಮ್ ಕಾನ್ರಾಡ್ ರಾಂಟ್ಜೆನ್ ಎಂಬ ವಿಜ್ಞಾನಿ ಕ್ಷ-ಕಿರಣಗಳನ್ನು ಪತ್ತೆ ಹಚ್ಚಿದನು. ಕ್ಯಾಥೋಡ್ ಕಿರಣಗಳ ಬಗ್ಗೆ ಸಂಶೋಧನೆ ನಡೆಸುವಾಗ ಆಕಸ್ಮಿಕವಾಗಿ ಕ್ಷ-ಕಿರಣಗಳನ್ನು ಆತ ಪತ್ತೆ ಹಚ್ಚಿದ್ದ ಈ ಸಂಶೋಧನೆ ಮುಂದೆ ವೈದ್ಯಕೀಯ ಕ್ಷೇತ್ರದಲ್ಲಿ ಬಹಳಷ್ಟು ಕ್ರಾಂತಿಕಾರಿ ಬೆಳವಣಿಗೆಗೆ ನಾಂದಿ ಹಾಡಿತು.

ಇವತ್ತಿನ ಆಧುನಿಕ ವೈದ್ಯಕೀಯ ಜಗತ್ತಿನಲ್ಲಿ ಚಿಕಿತ್ಸೆಗಳ ನಿರ್ಧಾರ ಮಾಡುವಾಗ ಮತ್ತು ರೋಗ ಪತ್ತೆ ಹಚ್ಚುವಲ್ಲಿ ಈ ಕ್ಷ-ಕಿರಣಗಳು ಮಹತ್ತರವಾದ ಪಾತ್ರ ವಹಿಸುತ್ತಿದೆ. ಅದು ಸಾಮಾನ್ಯ ಎಕ್ಸ್‌ರೇ ಇರಬಹುದು ಅಥವಾ ಅದರ ಮುಂದುವರಿದ ಆವಿಷ್ಕಾರದಿಂದ ಹುಟ್ಟಿಕೊಂಡ ಸಿಟಿಸ್ಕ್ಯಾನ್, ಎಂ.ಆರ್.ಐ ಸ್ಕ್ಯಾನ್‍ಗಳು ಆಗಿರಬಹುದು. ಅಥವಾ ಪೆಟ್‍ಸ್ಕ್ಯಾನ್ ಆಗಿರಬಹುದು. ಇವೆಲ್ಲವೂ ಇಂದಿನ ವೈದ್ಯಕೀಯ ಸೇವೆಯಲ್ಲಿ ಅವಿಭಾಜ್ಯ ಅಂಗಗಳಾಗಿ ಬೆಳೆದುನಿಂತಿದೆ. ಪ್ರತೀ ವರ್ಷ ಒಂದೊಂದು ಧ್ಯೇಯವಾಕ್ಯವನ್ನು (Theme) ಇಟ್ಟುಕೊಂಡು ಈ ಆಚರಣೆ ಮಾಡಲಾಗುತ್ತಿದೆ. ಈ ವರ್ಷದ ಧ್ಯೇಯವಾಕ್ಯ "ರೋಗಿಯ ಸುರಕ್ಷತೆಯನ್ನು ಕಾಪಾಡುವುದು" (Upholding Patient Safety) ಆಗಿದೆ.

ಆರಂಭದ ದಿನಗಳಲ್ಲಿ ಕ್ಷ-ಕಿರಣ ಅಥವಾ ಎಕ್ಸರೇಗಳನ್ನು ಬರೀ ಎಲುಬು ತುಂಡಾದಾಗ ಅಥವಾ ಎಲುಬಿಗೆ ಸಂಬಂಧಿಸಿದ ರೋಗಗಳನ್ನು ಪತ್ತೆ ಹಚ್ಚಲು ಬಳಸುತ್ತಿದ್ದರು. ಆದರೆ ವಿಜ್ಞಾನ ಮತ್ತು ತಂತ್ರಜ್ಞಾನಗಳಲ್ಲಿ ಆದ ಅದ್ಭುತವಾದ ಆವಿಷ್ಕಾರಗಳಿಂದಾಗಿ ಈಗ ನರಗಳು, ರಕ್ತನಾಳಗಳು, ಸ್ನಾಯುಗಳು, ಮೆದುಳು, ಹೃದಯ, ಕಿಡ್ನಿ, ಲಿವರ್, ಹೀಗೆ ಎಲ್ಲಾ ಅಂಗಗಳ ಪರಿಪೂರ್ಣ ರಚನೆ, ರಚನೆಯಲ್ಲಿನ ವ್ಯತ್ಯಾಸ, ರೋಗದ ಸ್ಥಿತಿ ಮತ್ತು ಅವುಗಳ ಕಾರ್ಯವೈಖರಿ ಬಗ್ಗೆ ಪರಿಪೂರ್ಣ ಮಾಹಿತಿಯನ್ನು ಪಡೆಯಲು ಸಾಧ್ಯವಿದೆ. ವೈದ್ಯಕೀಯ ಶಾಸ್ತ್ರದಲ್ಲಿ ಈ ವಿಕಿರಣ ಶಾಸ್ತ್ರವನ್ನು “ಮೂರನೇ ಕಣ್ಣು” ಎಂದು ಕರೆಯಲಾಗುತ್ತದೆ. ಬರಿಗಣ್ಣಿಗೆ ಕಾಣದಿದ್ದರೂ ದೇಹದ ಯಾವುದೇ ಭಾಗದಲ್ಲಿ ತೊಂದರೆ ಇದ್ದರೂ ಅದನ್ನು ಸ್ಕ್ಯಾನ್ ಪರೀಕ್ಷೆ ಮುಖಾಂತರ ಪತ್ತೆ ಹಚ್ಚಲು ಈ ವಿಕರಣ ಶಾಸ್ತ್ರದ ಇಮೇಜಿಂಗ್‍ನಿಂದ ಸಾದ್ಯವಾಗಿದೆ. ಬ್ರಹ್ಮ ಬರೆದ ಹಣಬರೆಹ ಬದಲಿಸಲು ಸಾಧ್ಯವಿಲ್ಲದಿದ್ದರೂ, ಬ್ರಹ್ಮ ಸ್ಥಾಪಿಸಿದ ಅಂಗಾಂಗಗಳ ಬಗ್ಗೆ ಪರಿಪೂರ್ಣ ಮಾಹಿತಿ ಪಡೆಯಲು ಇವತ್ತು ವಿಕಿರಣ ಶಾಸ್ತ್ರ ವೈದ್ಯರಿಗೆ ಹೊಸ ಹೊಸ ಇಮೇಜಿಂಗ್ ಕ್ರಮಗಳಿಂದಾಗಿ ಸಾಧ್ಯವಾಗಿದೆ.

ನಮ್ಮ ದೇಹದ ಮೂಳೆಗಳು ಬಹಳ ಶಕ್ತಿಶಾಲಿಯಾದ ಅಂಗವಾಗಿದೆ. ದೇಹದ ಚಲನೆಗೆ ಬೇಕಾದ ಭದ್ರತೆಯನ್ನು ನೀಡುವುದು ಈ ಎಲುಬುಗಳೇ ಆಗಿರುತ್ತದೆ. ಈ ಎಲುಬುಗಳು ಸಾಮಾನ್ಯವಾಗಿ ಕ್ಯಾಲ್ಸಿಯಂ, ಪ್ರೋಟೀನ್ ಮತ್ತು ಕೊಲ್ಯಾಜನ್ ಮುಂತಾದವುಗಳಿಂದ ಮಾಡಲ್ಪಟ್ಟಿದೆ. ಸಣ್ಣ ಮಕ್ಕಳಲ್ಲಿ ಎಲುಬು ಬಹಳ ಮೃದುವಾಗಿರುತ್ತದೆ ಮತ್ತು ಕೊಲ್ಯಾಜನ್ ಅಂಶ ಜಾಸ್ತಿ ಇರುತ್ತದೆ. ಮತ್ತು ಬಹಳ ಬೇಗ ಮುರಿಯುದಿಲ್ಲ. ಎಲುಬು ಬೆಂಡಾಗುತ್ತದೆಯೇ (ಬಾಗುವುದು) ಹೊರತು ತುಂಡಾಗುವ ಸಾಧ್ಯತೆ ಕಡಮೆ ಇರುತ್ತದೆ. ವಯಸ್ಸಾದಂತೆಲ್ಲಾ ಎಲುಬಿನ ಸಾಂದ್ರತೆ ಹೆಚ್ಚುತ್ತಲೇ ಹೋಗುತ್ತದೆ. ಸುಮಾರು 30ರಿಂದ 35 ವರ್ಷದ ಹೊತ್ತಿಗೆ ಎಲುಬಿನ ಸಾಂದ್ರತೆ ಒಂದು ಮಿತಿಯನ್ನು ತಲುಪಿ, ಗರಿಷ್ಠ ಸಾಂದ್ರತೆ ಹೊಂದುತ್ತದೆ. ದೇಹದಲ್ಲಿನ ರಸದೂತಗಳು ಪ್ರಮುಖವಾಗಿ ಈ ಎಲುಬಿನ ಸಾಂದ್ರತೆಯನ್ನು ನಿಯಂತ್ರಿಸುತ್ತದೆ. ಇದರ ಜೊತೆಗೆ ನಾವು ತಿನ್ನುವ ಆಹಾರ, ನಮ್ಮ ಆಹಾರದಲ್ಲಿನ ಕ್ಯಾಲ್ಸಿಯಂ ಪ್ರಮಾಣ, ನಮ್ಮ ಜೀವನಶೈಲಿ, ನಾವು ಸೇವಿಸುವ ಔಷಧಿ ಇವೆಲ್ಲವೂ ಎಲುಬಿನ ಸಾಂದ್ರತೆ ಮೇಲೆ ನೇರ ಪರಿಣಾಮ ಉಂಟು ಮಾಡುತ್ತದೆ. ಇದರ ಜೊತೆಗೆ ಅನುವಂಶೀಯ ಕಾರಣಗಳು, ದೈಹಿಕ ವ್ಯಾಯಾಮದ ಕೊರತೆ, ವಿಟಮಿನ್ ಡಿ ಕೊರತೆ, ಧೂಮಪಾನ, ಮದ್ಯಪಾನ, ಅತಿಯಾದ ಸ್ಟೆರಾಯ್ಡ್‌ ಸೇವನೆ, ಮಹಿಳೆಯರಲ್ಲಿ ಋುತು ಚಕ್ರ ಹತೋಟಿಯಲ್ಲಿಡುವ ಔಷಧಿಗಳ ಅತಿಯಾದ ಸೇವನೆ, ಗರ್ಭ ನಿರೋಧಕ ಔಷಧಿಗಳ ಅನಗತ್ಯ ಸೇವನೆ ಇವೆಲ್ಲವೂ ದೇಹದಲ್ಲಿ ಎಲುಬಿನ ಸಾಂದ್ರತೆಯನ್ನು ಕಡಮೆ ಮಾಡಿ ಎಲುಬನ್ನು ಹೆಚ್ಚು ಟೊಳ್ಳು ಮಾಡಿ ಟೊಳ್ಳು ಮೂಳೆ ರೋಗಕ್ಕೆ ನಾಂದಿ ಹಾಡುತ್ತದೆ. 40 ವರ್ಷದ ಬಳಿಕ ಎಲುಬಿನ ಸಾಂದ್ರತೆ ಕುಸಿಯುತ್ತಲೇ ಬರುತ್ತದೆ. ಪುರುಷರಲ್ಲಿ ವರ್ಷಕ್ಕೆ 0.5 ಶೇಕಡಾದಷ್ಟು ಕುಸಿಯುತ್ತದೆ ಮತ್ತು ಮಹಿಳೆಯರಲ್ಲಿ ಋುತುಬಂಧದ ಬಳಿಕ ವರ್ಷಕ್ಕೆ 5 ಶೇಕಡಾದಷ್ಟು ಎಲುಬಿನ ಸಾಂದ್ರತೆ ಕುಸಿಯುತ್ತದೆ. ಋುತು ಬಂಧದ ಬಳಿಕ 50 ವರ್ಷದ ದಾಟಿದ ಪ್ರತಿ ಮೂವರಲ್ಲಿ ಒಬ್ಬ ಮಹಿಳೆ ಈ ಟೊಳ್ಳು ಮೂಳೆ ರೋಗಕ್ಕೆ ತುತ್ತಾಗುತ್ತಾರೆ ಎಂದು ವಿಶ್ವ ಸಂಸ್ಥೆಯ ವರದಿಯಲ್ಲಿ ತಿಳಿಸಿದೆ.

ಏನಿದು ಡೆಕ್ಸಾ ಸ್ಕ್ಯಾನಿಂಗ್?

ಎಲುಬಿನ ಸಾಂದ್ರತೆಯನ್ನು ಪತ್ತೆ ಹಚ್ಚುವ ಪ್ರಕ್ರಿಯೆಗೆ ಡೆಕ್ಸಾ ಸ್ಕ್ಯಾನಿಂಗ್ ಎನ್ನುತ್ತಾರೆ. ಆಂಗ್ಲಭಾಷೆಯಲ್ಲಿ DEXA (Dual Energy X-ray Absorptimetry ) ಸ್ಕ್ಯಾನಿಂಗ್ ಎಮದು ಕರೆಯುತ್ತಾರೆ. ಇದೊಂದು ಬಹಳ ಸುಲಭವಾದ ಮತ್ತು ನಿಖರವಾದ ಪರೀಕ್ಷೆಯಾಗಿದ್ದು, ಇದರ ಮುಖಾಂತರ ಎಲುಬಿನ ಸಾಂದ್ರತೆಯನ್ನು ಪತ್ತೆ ಹಚ್ಚುತ್ತಾರೆ. ಕೇವಲ 10ರಿಂದ 15 ನಿಮಿಷಗಳಲ್ಲಿ ಈ ಪರೀಕ್ಷೆ ಮುಗಿದು ಹೋಗುತ್ತದೆ. ನೋವಿಲ್ಲದ ಪರೀಕ್ಷೆ ಇದಾಗಿದ್ದು ಕ್ಷ-ಕಿರಣಕ್ಕೆ ಬಳಸುವ ರೇಡಿಯೇಷನ್ ಡೋಸ್ ಕೂಡ ಬಹಳ ಕನಿಷ್ಠ ಪ್ರಮಾಣದಲ್ಲಿರುತ್ತದೆ. ಯಾವ ವ್ಯಕ್ತಿ ಮೂಳೆ ಮುರಿತಕ್ಕೆ ತುತ್ತಾಗುವ ಸಾಧ್ಯತೆ ಇದೆ, ಎಂಬುದನ್ನು ಬಹಳ ನಿಖರವಾಗಿ ಪತ್ತೆ ಹಚ್ಚಲಾಗುತ್ತದೆ.

ಯಾರು ಈ ಪರೀಕ್ಷೆ ಮಾಡಿಸಬೇಕು?

ಪ್ರತಿಯೊಬ್ಬ ಪುರುಷ ಮತ್ತು ಮಹಿಳೆ 35ರ ವಯಸ್ಸಿನಲ್ಲಿ ಒಮ್ಮೆ ಡೆಕ್ಸಾ ಸ್ಕ್ಯಾನಿಂಗ್ ಮಾಡಿಸಬೇಕು. ಆ ಮೂಲಕ ಎಲುಬಿನ ಸಾಂದ್ರತೆ ತಿಳಿದಲ್ಲಿ, ಮುಂದೆ ಉಂಟಾಗುವ ಮೂಳೆ ಸವೆತದ ಪ್ರಮಾಣವನ್ನು ಈ ಸ್ಕ್ಯಾನ್‍ಗೆ ಹೋಲಿಸಿ ತಾಳೆ ಹಾಕಲು ಅನುಕೂಲವಾಗುತ್ತದೆ.
ಮಹಿಳೆಯರು ಋುತುಬಂಧದ ಬಳಿಕ, 50 ವರ್ಷದ ಬಳಿಕ ಪ್ರತಿ 2 ವರ್ಷದಲ್ಲಿ ಒಮ್ಮೆ ಈ ಸ್ಕ್ಯಾನ್ ಮಾಡಿಸುವುದು ಉತ್ತಮ.
ಅತಿಯಾದ ಮದ್ಯಪಾನಿಗಳು ಮತ್ತು ಧೂಮಪಾನಿಗಳು 50 ವರ್ಷವಾದ ಬಳಿಕ ಕಡ್ಡಾಯವಾಗಿ ಮಾಡಿಸಬೇಕು.
ಕುಟುಂಬದಲ್ಲಿ ತಂದೆ ತಾಯಂದಿರು ಟೊಳ್ಳು ಮೂಳೆ ರೋಗದಿಂದ ಬಳಲಿದ್ದಲ್ಲಿ, ಮಕ್ಕಳಿಗೂ ಬರುವ ಸಾಧ್ಯತೆ ಹೆಚ್ಚಾಗಿರುವುದರಿಂದ 50 ವಯಸ್ಸಿನ ಬಳಿಕ ಎಲ್ಲರೂ ಮಾಡಿಸಬಹುದು.
ಅತಿಯಾದ ಸ್ಥಿರಾಯ್ಡು ಸೇವನೆ, ದೀರ್ಘಾಕಾಲಿಕ ನೋವು ನಿವಾರಕ ಔಷಧಿ ಸೇವನೆ ಸ್ಥಿರಾಯ್ಡು ಸೇವನೆ ಮತ್ತು ಗರ್ಭ ನಿರೋಧಕ ಔಷಧಿ ಬಳಸುವವರು ಕಡ್ಡಾಯವಾಗಿ ಈ ಡೆಕ್ಸಾ ಸ್ಕ್ಯಾನ್ ಮಾಡಿಸಬೇಕು.
ಮಹಿಳೆಯರಲ್ಲಿ 45ರ ಮೊದಲು ಋುತುಬಂಧವಾಗಿದ್ದಲ್ಲಿ ಮತ್ತು 45 ವರ್ಷದ ಮೊದಲು ಗರ್ಭಕೋಶ ತೆಗೆಸಿಕೊಂಡಿದ್ದಲ್ಲಿ ಡೆಕ್ಸಾ ಸ್ಕ್ಯಾನ್ ಮಾಡಿಸಬೇಕು. ಇಂತಹಾ ಮಹಿಳೆಯರಲ್ಲಿ ರಸದೂತಗಳ ವೈಫರೀತ್ಯ ಅತಿಯಾಗಿರುತ್ತದೆ.

ಹೇಗೆ ಮಾಡುತ್ತಾರೆ:

ರೋಗಿಯ ಎತ್ತರ, ತೂಕ ಮತ್ತು ವಯಸ್ಸನ್ನು ಗುರುತಿಸಿಗೊಂಡು ವ್ಯಕ್ತಿಯ ಸ್ಕಾನ್ ಮಾಡಲಾಗುತ್ತದೆ. ಈ ಇತರ ಅಖಿ ಸ್ಕ್ಯಾನ್‍ಗಳಂತೆ ಈ ಸ್ಕ್ಯಾನ್ ಮಾಡುವಾಗ ದೇಹದ ಬಟ್ಟೆ ತೆಗೆಯುದಿಲ್ಲ. ಕುತ್ತಿಗೆ ಮತ್ತು ಬೆನ್ನಿನ ಭಾಗದ ಎಲುಬು ಹಾಗೂ ಸೊಂಟದ ಎಲುಬಿನ ಸಾಂದ್ರತೆಯನ್ನು ನಿಖರವಾಗಿ ಅಳೆಯುತ್ತದೆ. ಗರ್ಭಿಣಿಯರಲ್ಲಿ ಈ ಡೆಕ್ಸಾ ಸ್ಕ್ಯಾನ್ ಮಾಡುವುದಿಲ್ಲ. ಅದೇ ರೀತಿ ಹಿಂದೆ ಎಲುಬಿನ ಮುರಿತವಾಗಿ ಎಲುಬಿನಲ್ಲಿ ಲೋಹದ ಸ್ಕ್ರೂ ಮತ್ತು ಪ್ಲೇಟ್ ಇದ್ದಲ್ಲಿ ಈ ಸ್ಕ್ಯಾನ್ ಫಲಿತಾಂಶ ಸರಿಯಾಗಿ ಬರುವುದಿಲ್ಲ. ಎಲುಬಿನ ಸಾಂದ್ರತೆಯನ್ನು ಖಿ-ಸ್ಟೋರ್‍ನಲ್ಲಿ ಮಾಪನ ಮಾಡುತ್ತಾರೆ. ಮೈನಸ್ ಒಂದಕ್ಕಿಂತ ಜಾಸ್ತಿ ಇದ್ದಲ್ಲಿ ಉತ್ತಮ. ಎಲುಬಿನ ಸಾಂದ್ರತೆ ಮೈನಸ್ ಒಂದರಿಂದ ಮೈನಸ್ 2.5 ಇದ್ದಲ್ಲಿ ಎಲುಬಿನ ಸಾಂದ್ರತೆ ಕಡಮೆ ಎಂದು ತೀರ್ಮಾನಿಸುತ್ತಾರೆ. ಮೈನಸ್ 2.5ಕ್ಕಿಂತಲೂ ಕಡಮೆ ನಿಮ್ಮ ಖಿ ಸ್ಟೋರ್ ಇದ್ದಲ್ಲಿ ನೀವು ಮೂಳೆರಂದ್ರತೆ ರೋಗದಿಂದ ಬಳುತ್ತಿದ್ದೀರಿ ಎಂದು ತಿರ್ಮಾನಿಸಲಾಗುತ್ತದೆ.

ಅಸ್ಥಿರಂದ್ರತೆ, ಮೂಳೆರಂದ್ರತೆ, ನಿಶ್ವಬ್ಧರೋಗ, ಟೊಳ್ಳು ಮೂಳೆ ರೋಗ ಎಂದು ಹಲವಾರು ಹೆಸರುಗಳಿಂದ ಕರೆಯಲ್ಪಡುತ್ತವೆ. ಈ ರೋಗವನ್ನು ಆಂಗ್ಲಭಾಷೆಯಲ್ಲಿ ಆಸ್ಟಿಯೋ ಪೋರೋಸಿಸ್‍ನ್ ಎಂದೂ ಕರೆಯುತ್ತಾರೆ. ಮಹಿಳೆಯರಲ್ಲಿ ಎಲುಬಿನ ಸಾಂದ್ರತೆ ಪುರುಷರಿಗಿಂತ ಕಡಮೆ ಇರುತ್ತದೆ. ಮಹಿಳೆಯರಲ್ಲಿ ಈಸ್ಟ್ರೊಜನ್ ರಸದೂತವು ಮೂಳೆಯ ಸಾಂದ್ರತೆಯನ್ನು ಗರಿಷ್ಠ ಮಟ್ಟದಲ್ಲಿ ಇಡಲು ಸಹಕರಿಸುತ್ತದೆ. ಆದರೆ ಋುತುಬಂಧದ ಬಳಿಕ, ಈ ಈಸ್ಟ್ರೊಜನ್ ರಸದೂತದ ಪ್ರಮಾಣ ವೇಗವಾಗಿ ಕುಸಿಯುತ್ತದೆ ಮತ್ತು ಈ ಕಾರಣದಿಂದಲೇ ಮೂಳೆಯ ಸಾಂದ್ರತೆಯೂ ವೇಗವಾಗಿ ಕುಸಿಯುತ್ತದೆ. ಈ ಕಾರಣದಿಂದಲೇ ಮಹಿಳೆಯರು ಪುರುಷರಿಗಿಂತ ಜಾಸ್ತಿ ವೇಗವಾಗಿ ಟೊಳ್ಳು ಮೂಳೆ ರೋಗಕ್ಕೆ ತುತ್ತಾಗುತ್ತಾರೆ. ಋುತುಬಂಧದ ಬಳಿಕ ಎಲ್ಲಾ ಮಹಿಳೆಯರೂ ಕಡ್ಡಾಯವಾಗಿ ಈ ಡೆಕ್ಸಾ ಸ್ಕ್ಯಾನ್ ಮಾಡಿಸತಕ್ಕದ್ದು. ಈ ಮೂಳೆರಂದ್ರತೆ ರೋಗ ಒಂದು ನಿಶ್ಯಬ್ಧವಾದ ವ್ಯಾದಿಯಾಗಿದ್ದು, ಯಾವುದೇ ರೋಗ ಲಕ್ಷಣಗಳು ಕಾಣಿಸಿಕೊಳ್ಳದೆ ತನ್ನಿಂತಾನೇ ಮೂಳೆಗಳು ಮುರಿತಕ್ಕೊಳಗಾಗುತ್ತದೆ. ಬೆನ್ನಮೂಳೆ ಮುಂಗೈ ಮೂಳೆ ಸೊಂಟದ ಮೂಳೆಗಳು ಹೆಚ್ಚಾಗಿ ಮುರಿತಕ್ಕೆ ಒಳಗಾಗುತ್ತದೆ. ಸಾಕಷ್ಟು ಮುಂಜಾಗರೂಕತೆ ವಹಿಸಿ ಸೂಕ್ತವಾದ ಆಹಾರ, ನಿರಂತರ ದೈಹಿಕ ವ್ಯಾಯಾಮ, ಸಾಕಷ್ಟು ಕ್ಯಾಲ್ಸಿಯಂ ಮತ್ತು ವಿಟಮಿನ್ ಡಿ ಸೇವಿಸಿ, ಧೂಮಪಾನ ಮತ್ತು ಮದ್ಯಪಾನ ರಹಿತ ಜೀವನ ಶೈಲಿ ಅಳವಡಿಸಿಕೊಂಡಲ್ಲಿ ಈ ಟೊಳ್ಳು ಮೂಳೆ ರೋಗವನ್ನು ಆರಂಭದಲ್ಲಿಯೇ ನಿವಾಳಿಸಿ ಹಾಕಬಹುದು ಮತ್ತು ಅದರಲ್ಲಿಯೇ ಮನುಕುಲದ ಒಳಿತು ಅಡಗಿದೆ.

ದಂತ ಕ್ಷ- ಕಿರಣ

ದಂತ ಕ್ಷ-ಕಿರಣ ಎನ್ನುವುದು ಹಲ್ಲಿಗೆ ಸಂಬಂಧಿಸಿದ ರೋಗಗಳನ್ನು ಪತ್ತೆ ಹಚ್ಚುವ ಒಂದು ಪರೀಕ್ಷೆಯಾಗಿದ್ದು, ಹಲವಾರು ಸಂದರ್ಭಗಳಲ್ಲಿ ದಂತ ವೈದ್ಯರ ಬರಿಗಣ್ಣಿಗೆ ಕಾಣದ ರೋಗಗಳನ್ನು ಮತ್ತು ಹಲ್ಲಿನ ಸಂಕೀರ್ಣತೆಯನ್ನು ಪತ್ತೆ ಹಚ್ಚಲು ಬಳಸಲಾಗುತ್ತದೆ. ಇದೊಂದು ಅತ್ಯಂತ ಸುಲಭವಾಗಿ ಮಾಡಬಹುದಾದ ಪರೀಕ್ಷೆಯಾಗಿದ್ದು ಹತ್ತು ನಿಮಿಷಗಳಲ್ಲಿ ಹಲ್ಲಿಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಪತ್ತೆ ಹಚ್ಚಲು ಸಹಕಾರಿಯಾಗಿದೆ. ಆಂಗ್ಲ ಭಾಷೆಯಲ್ಲಿ ಡೆಂಟಲ್ ಎಕ್ಸರೇ ಎನ್ನಲಾಗುತ್ತದೆ. ದಂತ ಸಂಬಂಧಿ ಎಕ್ಸ್‍ರೇಗಳನ್ನು ಬಾಯಿ ಒಳಗೆ ತೆಗೆಯುವ ಏಕ್ಸ್‍ರೇ ಮತ್ತು ಬಾಯಿ ಹೊರಭಾಗದಲ್ಲಿ ತೆಗೆಯುವ ಏಕ್ಸ್‍ರೇ ಎಂದು ಎರಡು ವಿಭಾಗಗಳಲ್ಲಿ ವಿಂಗಡಿಸಲಾಗಿದೆ. ಬಾಯಿಯ ಒಳಭಾಗದಲ್ಲಿ ಕ್ಷ-ಕಿರಣದ ಫಿಲ್ಮ್‍ನ್ನು ಇಟ್ಟಲ್ಲಿ ಅಂತಹಾ ದಂತ ಕ್ಷ-ಕಿರಣವನ್ನು ಬಾಯಿಯ ಒಳಭಾಗದ ದಂತ ಕ್ಷ-ಕಿರಣ ಎನ್ನಲಾಗುತ್ತದೆ. ಅಂತೆಯೇ ಬಾಯಿ ಹೊರಭಾಗದಲ್ಲಿ ಕ್ಷ-ಕಿರಣ ಫಿಲ್ಮ್‍ನ್ನು ಇಟ್ಟಾಗ ಅದನ್ನು ಬಾಯಿಯ ಹೊರಭಾಗದ ದಂತ ಕ್ಷಕಿರಣ ಎನ್ನಲಾಗುತ್ತದೆ. ಜನರಿಗೆ ದಂತ ಕ್ಷ-ಕಿರಣದಿಂದ ಹೊರಸೂಸುವ ವಿಕಿರಣ ಕ್ಯಾನ್ಸರ್‍ಗೆ ಕಾರಣವಾಗುತ್ತದೆ ಎಂಬ ತಪ್ಪುಕಲ್ಪನೆ ಇದೆ. ದಂತ ಕ್ಷ-ಕಿರಣದ ಪರೀಕ್ಷೆಯ ಸಮಯದಲ್ಲಿ ಹೊರಸೂಸುವ ವಿಕಿರಣ ಅತೀ ಕಡಿಮೆ ಪ್ರಮಾಣದಲ್ಲಿ ಇರುತ್ತದೆ. ಇದರಿಂದ ರೋಗಿಗೆ ಯಾವುದೇ ರೀತಿಯ ತೊಂದರೆ ಉಂಟಾಗುವುದಿಲ್ಲ. ಈ ಕಾರಣದಿಂದ ರೋಗಿಗಳು ಯಾವುದೇ ಭಯ ಅಥವಾ ಸಂಶಯಗಳಿಲ್ಲದೆ ದಂತ ವೈದ್ಯರು ಸೂಚಿಸಿದಲ್ಲಿ ದಂತ ಕ್ಷಕಿರಣ ಪರೀಕ್ಷೆ ನಿರ್ಭೀತಿಯಿಂದ ಮಾಡಿಸಿಕೊಳ್ಳಬಹುದು.

ಎಲ್ಲಿ ದಂತ ಕ್ಷ ಕಿರಣ ಬಳಸುತ್ತಾರೆ?

1) ಹಲ್ಲಿಗೆ ದಂತ ಕ್ಷಯ ಉಂಟಾದಾಗ ಅದರ ತೀವ್ರತೆಯನ್ನು ತಿಳಿಯಲು ದಂತ ಕ್ಷ-ಕಿರಣ ಬಳಸುತ್ತಾರೆ. ಹಲ್ಲಿನ ಬದಿಗಳಲ್ಲಿ ಎರಡು ಹಲ್ಲುಗಳ ಸಂದಿಗಳಲ್ಲಿ ದಂತ ಕ್ಷಯ ಉಂಟಾದಾಗ ದಂತ ವೈದ್ಯರ ಬರಿಗಣ್ಣಿಗೆ ಗೋಚರಿಸದೇ ಇರಬಹುದು. ಅಂತಹಾ ಸಂದರ್ಭಗಳಲ್ಲಿ ‘ಬೈಟ್‍ವಿಂಗ್ ಏಕ್ಸ್‍ರೇ’ ಎಂಬ ವಿಧಾನಗಳ ಮುಖಾಂತರ ದಂತ ಕ್ಷಯವನ್ನು ಪತ್ತೆ ಹಚ್ಚಲಾಗುತ್ತದೆ.

2) ಬೇರುನಾಳ ಚಿಕಿತ್ಸೆ ಮಾಡುವಾಗ (ರೂಟ್ ಕೆನಾಲ್ ಥೆರಪಿ) ಹಲ್ಲಿನ ರಚನೆ, ಗಾತ್ರ, ಬೇರುಗಳ ಸಂಖ್ಯೆ ಹಾಗೂ ಉದ್ದ, ಬೇರಿನ ಮೇಲ್ಭಾಗದಲ್ಲಿನ ಮತ್ತು ಸುತ್ತಲಿನ ಎಲುಬಿನ ಸಾಂದ್ರತೆಯನ್ನು ತಿಳಿಯಲು ದಂತ ಕ್ಷಕಿರಣ ಪರೀಕ್ಷೆ ಮಾಡಲಾಗುತ್ತದೆ.

3) ಹಲ್ಲು ಅಲುಗಾಡುತ್ತಿದ್ದಲ್ಲಿ, ಹಲ್ಲಿನ ಸುತ್ತಲಿನ ದಂತಾದಾರ ಎಲುಬಿನ ರಚನೆ, ಗಾತ್ರ, ಸಾಂದ್ರತೆ ಮತ್ತು ಎತ್ತರವನ್ನು ತಿಳಿಯಲು ದಂತ ಕ್ಷ-ಕಿರಣ ಪರೀಕ್ಷೆ ಮಾಡುತ್ತಾರೆ.

4) ಬುದ್ಧಿಶಕ್ತಿ ಹಲ್ಲು ಅಥವಾ ಮೂರನೇ ದವಡೆ ಹಲ್ಲು ಹೊರಬಾರದೆ, ಎಲುಬಿನಲ್ಲಿ ಹುದುಗಿಕೊಂಡಿದ್ದಲ್ಲಿ ಹಲ್ಲಿನ ಗಾತ್ರ, ರಚನೆ, ಬೇರಿನ ಉದ್ದ, ಸಂಖ್ಯೆ ಮತ್ತು ಆಕಾರವನ್ನು ತಿಳಿಯಲು ದಂತ ಕ್ಷಕಿರಣ ಮಾಡಲಾಗುತ್ತದೆ. ಅದೇ ರೀತಿ ಹಲ್ಲಿನ ಬೇರಿಗೂ ಮತ್ತು ದವಡೆಯ ಒಳಗಿರುವ ದಂತದ ನರಗಳಿಗೂ ಇರುವ ಸಾಮೀಪ್ಯ ಮತ್ತು ಸಂಬಂಧವನ್ನು ತಿಳಿಯಲು ದಂತ ಕ್ಷ-ಕಿರಣ ಸಹಾಯ ಮಾಡುತ್ತದೆ. ಇಲ್ಲವಾದಲ್ಲಿ ಹಲ್ಲು ಕೀಳುವ ಸಮಯದಲ್ಲಿ ದಂತದ ನರಗಳಿಗೆ ಹಾನಿಯಾಗಿ ಮುಂದೆ ಬಹಳ ತೊಂದರೆ ಉಂಟಾಗಬಹುದು.

5) ಹಲ್ಲಿಗೆ ಏಟು ಬಿದ್ದಾಗ, ಹಲ್ಲು ಮುರಿದು ಹೋದಾಗ ಹಲ್ಲಿಗೂ, ಹಲ್ಲಿನ ಬೇರಿಗೂ ಉಂಟಾದ ಏಟಿನ ತೀವ್ರತೆಯನ್ನು ತಿಳಿಯಲು ದಂತ ಕ್ಷಕಿರಣ ಪರೀಕ್ಷೆ ಮಾಡಲಾಗುತ್ತದೆ.

6) ಕೆಲವೊಮ್ಮೆ ನಿಗದಿತ ಸಮಯಕ್ಕೆ ಹಲ್ಲು ಮೂಡದೇ ಇದ್ದಾಗ, ದವಡೆಯಲ್ಲಿ ಹಲ್ಲು ಹುಟ್ಟಿದೆಯೋ ಇಲ್ಲವೋ ಎಂಬುದನ್ನು ಖಾತರಿಗೊಳಿಸಲು ದಂತ ಕ್ಷ-ಕಿರಣ ಅತೀ ಅವಶ್ಯಕ.

7) ಹಲ್ಲು ಕೀಳುವ ಸಂದರ್ಭದಲ್ಲಿ ಸಾಮಾನ್ಯವಾದ ಎಳೆತಕ್ಕೆ ಹಲ್ಲು ಮಿಸುಕಾಡದಿದ್ದಾಗ, ಹಲ್ಲು ಮತ್ತು ಎಲುಬಿನ ನಡುವೆ ಏನಾದರೂ ಜೋಡುವಿಕೆ ಉಂಟಾಗಿದೆಯೋ ಎಂಬುದನ್ನು ಪತ್ತೆ ಹಚ್ಚಲು ದಂತ ಕ್ಷ-ಕಿರಣ ಬಳಸುತ್ತಾರೆ.

8) ಮುಖಕ್ಕೆ ಏಟು ಬಿದ್ದಾಗ ದವಡೆ ಮುರಿತ ಉಂಟಾಗಿದೆಯೋ ಎಂಬುದನ್ನು ಪತ್ತೆ ಹಚ್ಚಲು ಕ್ಷ-ಕಿರಣ ಬಳಸುತ್ತಾರೆ.

9) ಹಲ್ಲು ಕೀಳುವ ಸಂದರ್ಭದಲ್ಲಿ ಹಲ್ಲಿನ ಬೇರು ಮುರಿದಾಗ ಉಳಿದ ಮುರಿದ ಹಲ್ಲಿನ ಭಾಗವನ್ನು ತೆಗೆಯುವ ಮೊದಲು ದಂತ ಕ್ಷ-ಕಿರಣ ಪರೀಕ್ಷೆ ಮಾಡಿದಲ್ಲಿ ಹಲ್ಲು ತೆಗೆಯಲು ಸುಲಭವಾಗುತ್ತದೆ.

10) ದವಡೆ ಒಳಗೆ ಯಾವುದಾದರೂ ಕ್ಯಾನ್ಸರ್ ಅಥವಾ ಇನ್ನಾವುದೇ ರೋಗದ ಕುರುಹು ಕಾಣಿಸಿದಲ್ಲಿ ಅದರ ಬಗ್ಗೆ ಹೆಚ್ಚಿನ ಮಾಹಿತಿ ತಿಳಿಯಲು ಏಕ್ಸ್‍ರೇ ಬಳಸಲಾಗುತ್ತದೆ.

11) ಹಲ್ಲಿನ ಸೋಂಕು ತಗುಲಿ ಮುಖ ಊದಿಕೊಂಡಿದ್ದಲ್ಲಿ ಹಲ್ಲಿನ ಬೇರಿನ ಸುತ್ತ ಕೀವು ತುಂಬಿರುವುದನ್ನು ಪತ್ತೆ ಹಚ್ಚಲು ದಂತ ಕ್ಷ-ಕಿರಣ ಬಳಸುತ್ತಾರೆ.

12) ದಂತ ಇಪ್ಲಾಂಟ್ ಚಿಕಿತ್ಸೆ ಸಮಯದಲ್ಲಿ ಎಲುಬಿನ ರಚನೆ, ಸಾಂದ್ರತೆ ತಿಳಿಯಲು ದಂತ ಕ್ಷ-ಕಿರಣ ಬಳಸುತ್ತಾರೆ.

ಕೊನೆ ಮಾತು:

ದಂತ ಕ್ಷ-ಕಿರಣ ಎನ್ನುವುದು ಅತ್ಯಂತ ಸುರಕ್ಷಿತವಾದ ಪರೀಕ್ಷೆಯಾಗಿದ್ದು, ನಿರ್ಭೀತಿಯಿಂದ ದಂತ ವೈದ್ಯರ ಸಲಹೆಯಂತೆ ಅಗತ್ಯವಿದ್ದಾಗ ಮಾಡಿಸಿಕೊಳ್ಳಬಹುದು. ಗರ್ಭಿಣಿ ಸ್ತ್ರೀಯರಲ್ಲಿ ಲೆಡ್(ಸೀಸ) ಏಪ್ರನ್ ಬಳಸಿ ಭ್ರೂಣದಲ್ಲಿರುವ ಮಗುವಿಗೆ ತೊಂದರೆಯಾಗದಂತೆ ನೋಡಿಕೊಳ್ಳಲಾಗುತ್ತದೆ. ಅದೇ ರೀತಿ ಥೈರಾಯ್ಡ್ ಗ್ರಂಥಿಗೆ ಹಾನಿಯಾಗದಂತೆ ‘ಥೈರಾಯ್ಡ್ ಕಾಲರ್’ ಬಳಸಲಾಗುತ್ತದೆ. ಅತೀ ಕಡಿಮೆ ವಿಕಿರಣ ಸೂಸುವ ಕಾರಣದಿಂದ, ದಂತ ಕ್ಷ-ಕಿರಣದಿಂದಾಗಿ ಕ್ಯಾನ್ಸರ್ ಬರುವ ಸಾಧ್ಯತೆ ಅತ್ಯಂತ ವಿರಳವಾಗಿರುತ್ತದೆ. ದಂತ ಕ್ಷ-ಕಿರಣದ ನೆರವಿನಿಂದಾಗಿ ದಂತ ವೈದ್ಯರಿಗೆ ದಂತ ಚಿಕಿತ್ಸೆ ನೀಡಲು ಮತ್ತು ಚಿಕಿತ್ಸೆಯನ್ನು ನಿರ್ಧರಿಸಲು ಸಹಕಾರಿಯಾಗಿರುವುದಂತೂ ಸತ್ಯವಾದ ಮಾತು. ಬರಿಗಣ್ಣಿಗೆ ಗೋಚರಿಸಿದ ದಂತ ಕ್ಷಯವನ್ನು ಆರಂಭಿಕ ಹಂತದಲ್ಲಿ ಪತ್ತೆ ಹಚ್ಚಲು ಸಾಧ್ಯವಿರುತ್ತದೆ ಮತ್ತು ಮುಂದೆ ಬರುವ ತೊಂದರೆಗಳನ್ನು ತಪ್ಪಿಸಲು ಸಾಧ್ಯವಾಗುತ್ತದೆ.

(ಲೇಖಕರು: ವೈದ್ಯರು, ಸುರಕ್ಷಾ ದಂತ ಚಿಕಿತ್ಸಾಲಯ, ಹೊಸಂಗಡಿ)

]]>

Vinayaka M Bhat Column: ಪ್ರಜಾಪ್ರಭುತ್ವವನ್ನು ಅಣಕಿಸುವ ಪಕ್ಷಕ್ಕೊಂದಷ್ಟು ಪ್ರಶ್ನೆಗಳು

Sun, 08 Nov 2026 02:24:16 +0000

ವಿದ್ಯಮಾನ

ನಿಜವಾಗಿ ನಿದ್ರೆ ಮಾಡುತ್ತಿರುವವರನ್ನು ಎಬ್ಬಿಸುವುದು ಕಷ್ಟದ ಕೆಲಸವಲ್ಲ, ಅದೇ ನಿದ್ರೆ ಬಂದವರ ಹಾಗೆ ನಟಿಸುತ್ತಿರುವವರನ್ನು ಎಬ್ಬಿಸುತ್ತೇನೆ ಅಂದರೆ ಅದು ಮೂರ್ಖತನದ ಕೆಲಸವೇ ಸರಿ. ಮತದಾರರ ಪಟ್ಟಿ ಪರಿಷ್ಕರಣೆಯ ವಿಷಯದಲ್ಲಿ ಆಗುತ್ತಿರುವುದೂ ಇದೇ, ಎಸ್‌ಐಆರ್ ವಿರೋಧಿಸು ವವರಿಗೂ ಗೊತ್ತು ಅಂಥಾದ್ದೇನೂ ಆಗಲಿಲ್ಲ ಅಂತ, ಆದರೂ ಒಂದಷ್ಟು ರಂಪಾಟ ಮಾಡಿದರೆ ಜನ ಅದನ್ನೇ ಸತ್ಯ ಅಂತ ನಂಬಬಹುದು ಎನ್ನುವುದು ಅವರ ಕಲ್ಪನೆ. ಆದರೆ ಕಾಲ ಬಹಳ ಬದಲಾಗಿದೆ, ಸರಿತಪ್ಪುಗಳ ನಡುವೆ -ರಕ್ಕು ಮಾಡುವುದು ಇಂದಿನ ಮಾಹಿತಿಗಳ ಯುಗದಲ್ಲಿ ಯಾರಿಗೂ ಕಷ್ಟದ ಕೆಲಸವೇನಲ್ಲ.

ತಥ್ಯ ಸುಲಭವಾಗಿ ಗೊತ್ತಾಗಿ ಹೋಗುತ್ತದೆ. ನೀಟ್ ಪರೀಕ್ಷೆಯ ಫಲಿತಾಂಶ ಹೊರಬಂದು ಕೆಲವು ದಿನಗಳ ನಂತರ ಕಾಕ್ರೋಚ್ ಜನತಾ ಪಕ್ಷಕ್ಕೆ ಭಯಾನಕ ಸ್ವಪ್ನವಾಗಿ ಎಚ್ಚರವಾಯ್ತು, ಅಲ್ಲಿಯ ವರೆಗೆ ಏನೂ ಆಗಿಲ್ಲದಂತೆ ಇದ್ದ ಕಾಂಗ್ರೆಸ್ ಪಕ್ಷಕ್ಕೆ ನಿದ್ರೆಯಲ್ಲಿದ್ದಾಗ ಯಾರಾದರೂ ಮುಖದ ಮೇಲೆ ನೀರು ಚೆಲ್ಲಿದಾಗ ಆಗುವ ಅನುಭವವಾಗಿ ಹೋರಾಟ ಶುರುವಾಯ್ತು.

ಕೊನೆಗೂ ಶಿಕ್ಷಣ ಮಂತ್ರಿಯೇನೋ ರಾಜೀನಾಮೆ ನೀಡಿದರು, ಆದರೆ ಧರ್ಮೇಂದ್ರ ಪ್ರಧಾನ್ ಅವರ ರಾಜೀನಾಮೆಯ ಯಶಸ್ಸು ಕಾಂಗ್ರೆಸ್ಸಿಗೆ ಸಿಗಲೇ ಇಲ್ಲ, ಅದರ ಶ್ರೇಯಸ್ಸೆಲ್ಲವೂ ಸಿಜೆಪಿಯ ಪಾಲಾಯ್ತು. ಮತ್ತೆ ಕಾಂಗ್ರೆಸ್ಸಿಗೆ ಕೆಲಸವಿಲ್ಲದಂತಾಯ್ತು. 2024ರಲ್ಲಿ ಮಹಾರಾಷ್ಟ್ರದಲ್ಲಿ ಚುನಾವಣೆ ಯಾಗಿತ್ತು, ಆಗ ಅಲ್ಲಿ ಎಸ್‌ಐಆರ್ ಆಗಿರಲಿಲ್ಲ, 2025ರಲ್ಲಿ ಬಿಹಾರದಲ್ಲಿ ಚುನಾವಣೆಯಾಯ್ತು ಅಲ್ಲಿಯೂ ಎಸ್‌ಐಆರ್ ಆಗಿದ್ದು ಆಮೇಲೆಯೇ. ಆಗ ಏನೂ ಸದ್ದುಗದ್ದಲವಿಲ್ಲ, ಎಲ್ಲವೂ ಸರಿಯಾಗಿಯೇ ಇತ್ತು.

ಇದನ್ನೂ ಓದಿ: Vinayaka M Bhat Column: ನ್ಯೂನಾತಿರೇಕಗಳಿಲ್ಲದ ಸರಳ ಸುಲಭ ಮಾನಸ ಪೂಜೆ

ಇಂಡಿಯನ್ ಎಕ್ಸ್‌ಪ್ರೆಸ್‌ನಲ್ಲಿ ವರದಿಯೊಂದು ಪ್ರಕಟವಾಗುತ್ತಿದ್ದಂತೆ ಸಿಜೆಪಿ ಮತ್ತೆ ಎದ್ದು ಕುಂತು ಸಿಇಸಿಯ ರಾಜೀನಾಮೆಗೆ ಗಡುವು ನೀಡಿತು. ಆದರೆ ಈ ಬಾರಿ ಮೊದಲಿನಂತಾಗಲಿಲ್ಲ, ದೆಹಲಿ ಪೋಲೀಸರು ಸಾಕಷ್ಟು ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಂಡಿದ್ದರು, ಬಂಧಿಸಬೇಕಾದವರನ್ನು ಬಂಧಿಸಿ ಮೊದಲೇ ಮೂಗುದಾರ ಹಾಕಲಾಗಿತ್ತು.

‘ಕಾಕ್ರೋಚ್ ಪ್ರೆಶರ್ ಗ್ರೂಪ್’ ಸ್ವಲ್ಪ ಮೆತ್ತಗಾಗಿತ್ತು. ನ್ಯಾಯಾಲಯದಲ್ಲಿ ‘ಪೀಸ್ ಬಾಂಡ್’ ಸಹಿ ಮಾಡಿ ಹೊರಗೆ ಬಂದಿದ್ದವರು ಅಂಡುಸುಟ್ಟ ಬೆಕ್ಕಿನಂತಾಗಿದ್ದರು. ಸಾರ್ವಜನಿಕರೂ ಕಂಡಕಂಡಲ್ಲಿ ಸಿಜೆಪಿಗೆ ಹಿಡಿಶಾಪ ಹಾಕಲು ಮೊದಲ್ಗೊಂಡರು. ಇವೆಲ್ಲ ವಿದ್ಯಮಾನಗಳ ನಡುವೆ, ಕಾಂಗ್ರೆಸ್ ಸುಮ್ಮನೆ ಕೂರಲಾದೀತೆ? ತಂಡ ಕಟ್ಟಿಕೊಂಡು ರಾಷ್ಟ್ರಪತಿಗಳನ್ನು ಭೇಟಿ ಮಾಡಿ ಮತಗಳ ವಾಗುತ್ತಿದೆ ಎಂದು ಗೋಳಿಟ್ಟಿತು. ಮತಗಳವಿಗೆ ನಿಮ್ಮಲ್ಲಿ ಪುರಾವೆ ಏನಾದರೂ ಇದ್ದರೆ ಕೊಡಿ ಎಂದು ರಾಷ್ಟ್ರಪತಿಗಳು ಕೇಳಿರುವುದು ರಾಹುಲ್ ಗಾಂಧಿಗೆ ಅಚ್ಚರಿಯಾಯಿತಂತೆ.

ಮುಂದೆ ಚುನಾವಣಾ ಆಯೋಗದ ಕಛೇರಿ, ನಿರ್ವಾಚನ್ ಭವನಕ್ಕೆ ಒಂದು ಬೃಹತ್ ಮೆರವಣಿಗೆ ಹೊರಟಿತ್ತು, ಏನಾಯಿತೋ ಏನೋ ಗೊತ್ತಿಲ್ಲ, ಆದರೆ ರಾಹುಲ್ ಮಾರ್ಗಮಧ್ಯದಲ್ಲಿ ಸಿಗುವ ಆಕಾಶವಾಣಿ ಭವನದ ಗೇಟಿಗೆ ಕೈಇಟ್ಟು ಸುದ್ದಿಯಾದರು. ನಂತರ ಸುಪ್ರೀಮ್ ಕೊರ್ಟಿನ ಮುಖ್ಯ ನ್ಯಾಯಾಧೀಶರ ಸಮಯ ಕೇಳಿ ಇಂಡಿ ಒಕ್ಕೂಟ ಪತ್ರ ಕಳಿಸಿತು. ನೀವು ಏನು ಹೇಳುವುದಿದ್ದರೂ ಲಿಖಿತ ದೂರಿನ ಮುಖಾಂತರ ಹೇಳಬಹುದು ಎಂದು ಹೇಳಿ ವಾಪಸ್ ಕಳುಹಿಸಿತು.

ಮುಜುಗರ ಅಷ್ಟಕ್ಕೇ ಸೀಮಿತವಾಗಲಿಲ್ಲ, ಸುಪ್ರೀಮ್ ಕೋರ್ಟಿನ ಅಸಾಸುರ ಮಸಾಸುರ ವಕೀಲ ರಾದ ಕಪಿಲ್ ಸಿಬಲ್, ಅಭಿಷೇಕ್ ಮನುಸಿಂಘ್ವಿ ಮುಂತಾದವರು ತಯಾರಿಸಿ ಅಥವಾ ಪರಾಂಬರಿಸಿ ನೀಡಿದ ದೂರಿನಲ್ಲಿ ಅನೇಕ ತಾಂತ್ರಿಕ ದೋಷಗಳಿದ್ದವಂತೆ. ಹಾಗಾಗಿ ಅದನ್ನು ಹಿಂತಿರುಗಿಸಿ, ಕ್ರಮಬದ್ಧವಾಗಿ ದೂರನ್ನು ನೀಡುವಂತೆ ಸೂಚಿಸಲಾಯಿತು. ‌

ಸಂಸತ್ತಿನಲ್ಲಿ ನಡೆಯುವ ಚರ್ಚೆಗಳಲ್ಲಿ ಸರಿಯಾಗಿ ಭಾಗವಹಿಸದೇ ಪಲಾಯನ ಮಾಡುವ ವಿರೋಧ ಪಕ್ಷಗಳು, ಮೊನ್ನೆ ದೆಹಲಿಯ ಮಲ್ಲಿಕಾರ್ಜುನ ಖರ್ಗೆಯವರ ಮನೆಯಂಗಳದಲ್ಲಿ ಕಾಂಗ್ರೆಸ್ ನೇತೃತ್ವದಲ್ಲಿ ವಿನೂತನ ಅಣಕು ಸಂಸತ್ ನಡೆಸಿದವು. ಆ ಅಣಕು ಪ್ರದರ್ಶನದಲ್ಲಿ ಪ್ರಕಾಶ ರಾಜ್, ಮಮತಾ ಬ್ಯಾನರ್ಜಿ, ಕೇಜ್ರಿವಾಲ್ ಇರಲಿಲ್ಲ ಅಂದಮೇಲೆ ಅದು ಅಣಕು ಹೇಗಾಗುತ್ತದೆ ಎನ್ನುವುದು ಮಾತ್ರ ತಿಳಿಯಲಿಲ್ಲ.

ರಾಹುಲ್ ಗಾಂಧಿ ಅಲ್ಲೂ ಪ್ರಧಾನಮಂತ್ರಿಗಳ ಪಾತ್ರ ವಹಿಸಲಾಗಲಿಲ್ಲ ಎನ್ನುವುದು. ಅಲ್ಲಿ ಇನ್ನೂ ಒಂದು ವಿಶೇಷವಿತ್ತು, ಸಂಸದೆ ಪ್ರಿಯಾಂಕಾ ಗಾಂಧಿಯವರಿಗೆ ಈ ಅಣಕು ಸಂಸತ್ತಿನಲ್ಲಿ ತಮ್ಮ ಅಭಿಪ್ರಾಯ ಮಂಡಿಸುವ ಅವಕಾಶವನ್ನೇ ಕೊಡಲಿಲ್ಲ, ಬದಲಿಗೆ ಸಂಸದೆಯಲ್ಲದ ವಿದ್ಯಾರ್ಥಿ ನಾಯಕಿ ನೇಹಾ ಬೋರಾ ಪುಂಖಾನುಪುಂಖವಾಗಿ ಭಾಷಣ ಬಿಗಿದರು. ಮೊನ್ನೆ ರಾಮಲೀಲಾ ಮೈದಾನದ ಐತಿಹಾಸಿಕ ಸಭೆಯಲ್ಲೂ ನೇಹಾ ಬೋರಾಗೆ ಸಿಕ್ಕ ಸ್ಥಾನಮಾನ ಪ್ರಿಯಾಂಕಾಗೆ ಸಿಗಲಿಲ್ಲ. ಹತ್ತಾರು ವರ್ಷಗಳಿಂದ ಪಕ್ಷದಲ್ಲಿ ಮಣ್ಣು ಹೊತ್ತವರಿಗಿಂತ, ನಿನ್ನೆ ಮೊನ್ನೆ ಆಂದೋಲನ ದಲ್ಲಿ ಕಂಡುಬಂದ ಈಕೆಗೆ ಪಕ್ಷದ ವೇದಿಕೆಯಲ್ಲಿ ಪ್ರಾಮುಖ್ಯತೆ ಸಿಗುತ್ತಿದೆ ಎಂದು ಪಕ್ಷದವರೇ ಗೊಣಗುವಂತಾಯ್ತು.

ಕಾಂಗ್ರೆಸ್ ನೇತೃತ್ವದ ಇಂಡಿ ಕೂಟದ ರಾಮಲೀಲಾ ಸಭೆಯಿಂದ ಸಿಜೆಪಿ ದೂರವುಳಿಯಿತು, ಕಾಂಗ್ರೆಸ್‌ನ ಜೊತೆ ಕೈಜೋಡಿಸಿ ತನ್ನ ‘ಐಡೆಂಟಿಟಿ’ ಕಳೆದುಕೊಳ್ಳಲು ಇಷ್ಟಪಡಲಿಲ್ಲ. ಒಂದು ರೀತಿಯಿಂದ ಇದನ್ನು ಸಿಜೆಪಿಯ ಜಾಣನಡೆ ಅಂತಲೇ ವಿಶ್ಲೇಷಿಸಲಾಯಿತು. ಪ್ರಕಾಶ್ ರಾಜ್ ಹೋಗಿದ್ದರಾದರೂ ಆ ಜನ ಸಮುದ್ರದಲ್ಲಿ ಅವರೂ ಒಬ್ಬರಾದರೇ ವಿನಃ ಯಾರೂ ಅವರನ್ನ ವಿಶೇಷ ದೇಕರೇಕ ಮಾಡಿದ ಹಾಗೆ ಕಾಣಲಿಲ್ಲ. ಸಿಜೆಪಿ ಪ್ರೊಟೆಸ್ಟ್ ಇರಲಿ, ಕಾಂಗ್ರೆಸ್ಸಿನ ಪ್ರೊಟೆಸ್ಟ್ ಇರಲಿ, ಕೊನೆಗೆ ಶಾಲಾಮಕ್ಕಳ ಪ್ರೊಟೆಸ್ಟ್ ಇರಲಿ ಯಾರು ಇಲ್ಲದೇ ಇದ್ರೂ, ಪ್ರಕಾಶ್ ರಾಜ್ ಮಾತ್ರ ಅಲ್ಲಿ ಇದ್ದೇ ಇರ್ತಾರೆ, ನಾಳೆ ಬಿಜೆಪಿ ಭಜರಂಗ ದಳದವರ ಆಂದೋಲನಲ್ಲಿಯೂ ಪ್ರಕಾಶ ರಾಜ್ ಕಾಣ್ದೇ ಇದ್ರೆ ಸಾಕು!

ಇಂಥವರ ವಿಷಯದಲ್ಲಿ ಹೆಚ್ಚು ಮಾತನಾಡುವುದಕ್ಕಿಂತ ನಕ್ಕು ಸುಮ್ಮನಾಗಿಬಿಡುವುದೊಳಿತು. ಆದರೆ, ಶತಮಾನದ ಇತಿಹಾಸವಿರುವ ಕಾಂಗ್ರೆಸ್ ಪಕ್ಷಕ್ಕೆ ಏನಾಗಿದೆ ತಿಳಿಯುತ್ತಿಲ್ಲ. ಮೊನ್ನೆ ಬೆಂಗಳೂರಿನ ಫ್ರೀಡಂ ಪಾಕ್ ನಲ್ಲಿ ಎಸ್‌ಐಆರ್ ವಿರೋಧಿಸಿ ನಡೆದ ಪಕ್ಷದ ಹೋರಾಟದ ಸಭೆಯಲ್ಲಿ ಹಾಲಿ ಮುಖ್ಯಮಂತ್ರಿಗಳು, ಮಾಜಿ ಮುಖ್ಯಮಂತ್ರಿಗಳು, ಪಕ್ಷಾಧ್ಯಕ್ಷರು ಹಾಲೀ ಮಾಜಿ ಮಂತ್ರಿಗಳು ಎಲ್ಲ ಇರುವಾಗ, ಪಕ್ಷಕ್ಕೆ ಸಂಬಂಧವೇ ಇರದ ಪ್ರಕಾಶ್ ರಾಜ್‌ಗೆ ಅಗ್ರಪೂಜೆ ನೆರವೇರಿಸಿ ಭಾಷಣ ಮಾಡಿಸಲಾಯಿತು.

ಪಕ್ಷದಲ್ಲಿ ಯಾರೂ ಇರಲಿಲ್ವಾ ಎನ್ನುವ ಪ್ರಶ್ನೆ ಸ್ವಾಭಾವಿಕವಾಗಿ ಕಾರ್ಯಕರ್ತರಲ್ಲಿ ಏಳುತ್ತದೆ ತಾನೆ? ಅವರಾಡಿದ ಮಾತುಗಳಿಗೆ ಪಕ್ಷದ ಸಹಮತವಿದೆಯಾ ಅಂತ ಯಾರಾದರೂ ಕೇಳಬಹು ದಲ್ಲವೇ? ಉತ್ತರಪ್ರದೇಶದ ಹಾಗೂ ಪಂಜಾಬ್ ಚುನಾವಣೆಯ ತಯಾರಿ ಮಾಡಿಕೊಳ್ಳುವ ಬದಲು ಹೀಗೆ ತರ್ಕವಿಲ್ಲದ ಹೋರಾಟದಲ್ಲಿ ತೊಡಗಿರುವ ಕಾಂಗ್ರೆಸ್ ಪಕ್ಷದ ಕೇಂದ್ರ ನಾಯಕತ್ವಕ್ಕೆ, ವಿಶೇಷವಾಗಿ ಪಕ್ಷದ ಅಧಿನಾಯಕ ರಾಹುಲ್ ಗಾಂಧಿಯವರಿಗೆ ನಾವು ಕೇಳಲೇಬೇಕಾದ ಒಂದಷ್ಟು ಪ್ರಶ್ನೆಗಳಿವೆ.

ಎಸ್‌ಐಆರ್ ಪ್ರಕ್ರಿಯೆಯಲ್ಲಿ ಅನ್ಯಾಯವಾಗುತ್ತಿದೆ ಎಂದು ಉಚ್ಚ ನ್ಯಾಯಾಲಯದಲ್ಲಿ ದೂರು ಸಲ್ಲಿಸಿದ ನಂತರ ಅದರ ತೀರ್ಪು ಬರುವ ತನಕ ಕಾಯಬೇಕು ತಾನೆ? ಅದು ಬಿಟ್ಟು, ಒಂದು ದಿನ ರಾಮಲೀಲಾ, ಇನ್ನೊಂದು ದಿನ ಜಂತರ್‌ಮಂತರ್, ಮತ್ತೊಂದು ದಿನ ಆಕಾಶವಾಣಿ ಭವನ ಅಂತ ಆಂದೋಲನ ನಡೆಸಿದರೆ, ನ್ಯಾಯಾಲಯದ ಮೇಲೆ ಒತ್ತಡ ಹೇರುವ ಪ್ರಯತ್ನ ಅಂತ ಪರಿಗಣಿಸ ಲಾಗುವುದಿಲ್ಲವೆ? ಕಾಂಗ್ರೆಸ್ ಪಕ್ಷಕ್ಕೆ ನ್ಯಾಯಾಲಯದ ಕುರಿತು ಗೌರವವಿಲ್ಲ ಅಥವಾ ಭಾರತೀಯ ನ್ಯಾಯವ್ಯವಸ್ಥೆಯ ಮೇಲೆ ನಂಬಿಕೆಯಿಲ್ಲ ಅಂತಾಗುವುದಿಲ್ಲವೆ? ಎಸ್‌ಐಆರ್ ಪ್ರಕ್ರಿಯೆಯಲ್ಲಿ ಮತ ಕಳೆದುಕೊಂಡ 13 ಕೋಟಿ ಜನರಲ್ಲಿ ಎಷ್ಟು ಕೋಟಿ ಜನ ಆಂದೋಲನಕ್ಕೆ ಬೆಂಬಲವಾಗಿ ಕಾಂಗ್ರೆಸ್ ಅಥವಾ ಸಿಜೆಪಿಯ ಪರವಾಗಿ ಪಾಲ್ಗೊಂಡಿದ್ದಾರೆ? ಎಷ್ಟು ಕೋಟಿ ಜನ ಇಲ್ಲಿಯವರೆಗೆ ಆಯೋಗಕ್ಕೆ ದೂರು ಸಲ್ಲಿಸಿದ್ದಾರೆ ಎನ್ನುವ ಲೆಕ್ಕವೇನಾದರೂ ಇದೆಯಾ? ಇಷ್ಟೆಲ್ಲ ಬೀದಿ ರಂಪ ಮಾಡುವ ಬದಲು, ಬೂತ್ ಮಟ್ಟದಲ್ಲಿ ಕಾಂಗ್ರೆಸ್ ಪಕ್ಷದ ಕಾರ್ಯಕರ್ತರು ಮತದಾನದ ಹಕ್ಕು ಕಳೆದುಕೊಂಡ 13 ಕೋಟಿ ಜನರನ್ನು ಮತ್ತೆ ಮತದಾರರ ಪಟ್ಟಿಗೆ ಸೇರಿಸುವಲ್ಲಿ ಮನೆಮನೆಗೆ ಹೋಗಿ ಸಹಾಯ ಮಾಡಿದ್ದರೆ,

ಆಗ ಆ ಹದಿಮೂರು ಕೊಟಿ ಜನ ಖುಷಿಯಿಂದ ಕಾಂಗ್ರೆಸ್ಸಿಗೆ ಮತ ಹಾಕುತ್ತಿದ್ದರಲ್ಲವೇ? ನಿಮ್ಮ ಮಾತಿನ ಪ್ರಕಾರ ಕೇವಲ 3% ಮತದಿಂದ 2024ರಲ್ಲಿ ಕೇಂದ್ರದಲ್ಲಿ ಸರಕಾರ ರಚಿಸುವುದನ್ನು ತಪ್ಪಿಸಿಕೊಂಡಿದ್ದೇವೆ ಅಂತ ಹೇಳುವಾಗ, ಈ ಹದಿನೈದು ಪ್ರತಿಶತ ಮತ ಸಿಕ್ಕಿದರೆ 2029ರ ಚುನಾವಣೆಯನ್ನು ಸುಲಭವಾಗಿ ಗೆಲ್ಲಬಹುದಿತ್ತಲ್ಲವೇ? ಅರಾಜಕತೆಯನ್ನು ಸಮರ್ಥಿಸುವವರು, ಕಾಶ್ಮೀರವನ್ನು ಭಾರತ ಅಕ್ರಮವಾಗಿ ಆಕ್ರಮಿಸಿದೆ ಎನ್ನುವವರು, ಸ್ವತಃ ನಾಲ್ಕು ಮತದಾರರ ಚೀಟಿ ಹೊಂದಿರುವವರು ನಿಮ್ಮ ಚುನಾವಣಾ ಆಯೋಗದ ಶುದ್ಧೀಕರಣದ ಹೋರಾಟವನ್ನು ಮುನ್ನಡೆ ಸುತ್ತಿರುವುದನ್ನು ನೋಡುವಾಗ ನಿಮ್ಮ ಪಕ್ಷದಲ್ಲಿ ಸಮರ್ಥ ನಾಯಕರ ಕೊರತೆಯಿದೆ ಅಂತ ಅನಿಸುತ್ತಿದೆಯಾ? ಜೈಲುವಾಸದಲ್ಲಿರುವ ಉಮರ ಖಾಲೀದ್, ಶಾರ್ಜೀಲ್ ಇಮಾಮ್ ರಾಷ್ಟ್ರ ದ್ರೋಹಿಗಳಾ ಎನ್ನುವುದನ್ನು ನ್ಯಾಯಾಲಯ ತೀರ್ಮಾನಿಸುತ್ತೆ ಎನ್ನುತ್ತೀರಿ.

ಅದೇ ಸಾಂವಿಧಾನಿಕ ಹುದ್ದೆಯಲ್ಲಿರುವ ಮುಖ್ಯ ಚುನಾವಣಾ ಆಯುಕ್ತರು ದೇಶದ್ರೋಹಿಗಳು ಅಂತ ಬೀದಿಯಲ್ಲಿ ನಿಂತು ನಾವೇ ತೀರ್ಮಾನ ಮಾಡುತ್ತೇವೆ ಎನ್ನುತ್ತೀರಿ, ಇದು ಯಾವ ನ್ಯಾಯ? ಅಣಕು ಸಂಸತ್ ಪ್ರದರ್ಶನ ಹಾಗೂ ರಾಮಲೀಲಾ ಮೈದಾನದ ಆಂದೋಲನದಲ್ಲಿ ಸಿಜೆಪಿಯನ್ನು ಏಕೆ ಆಮಂತ್ರಿಸಲಿಲ್ಲ? ಸಿಜೆಪಿ ಪಾಲ್ಗೊಂಡರೆ ಕಾಂಗ್ರೆಸ್ಸೇ ಸಿಜೆಪಿಯ ಬಿ ಟೀಮ್ ಥರಾ ಕಾಣಬಹುದೆಂಬ ಆತಂಕವಾ? ಮೂವರು ಆಯುಕ್ತರೂ ಬಿಜೆಪಿಯ ಅವಧಿಯ ನೇಮಕವಾಗಿದ್ದರೂ, ನೀವು ಕೇವಲ ಜ್ಞಾನೇಶ್ ಕುಮಾರ್ ಅವರ ರಾಜೀನಾಮೆಯನ್ನು ಮಾತ್ರ ಕೇಳುವುದು ಹೇಗೆ ಸರಿ? ಮೂವರ ರಾಜೀನಾಮೆ ಕೇಳಿದ್ದರೆ ಹೆಚ್ಚು ಸಮರ್ಪಕವಾಗುತ್ತಿತ್ತಲ್ಲ? ಹಿಂದೆ ಹತ್ತು ಬಾರಿ ಎಸ್‌ಐಆರ್ ನಡೆದಿರುವುದು ಓಕೆ, ಆದರೆ ಈ ಬಾರಿ ಏಕೆ ಎನ್ನುವುದು ಹಾಸ್ಯಾಸ್ಪದವಲ್ಲವೇ? ಬೀದಿಯಲ್ಲಿ ನಿಂತು ಎಷ್ಟು ನಾಟಕವಾಡಿದರೂ ಚುನಾವಣಾ ಆಯುಕ್ತರು ಮಾತ್ರ ಒಂದೂ ಮಾತನಾಡದೇ, ದೂರನ್ನೂ ನೀಡದೇ ನಿಮ್ಮನ್ನು ಉದಾಸೀನ ಮಾಡಿದರು ಅಂತ ಅನಿಸುತ್ತಿಲ್ವಾ? ಇಷ್ಟೆಲ್ಲ ರಾದ್ಧಾಂತಗಳ ನಂತರವೂ ಸಿಇಸಿ ರಾಜೀನಾಮೆ ಕೊಡದಿದ್ದರೆ, ಮುಂಬರುವ ಚುನಾವಣೆಗಳನ್ನು ಬಹಿಷ್ಕರಿಸುವ ಅಥವಾ ಚುನಾವಣೆಗಳಿಗೆ ಆಂದೋಲನಗಳ ಮೂಲಕ ಅಡ್ಡಿಪಡಿಸುವ ಆಲೋಚನೆಯಿದೆಯಾ? ಸಿಇಸಿಯನ್ನು ಕೆಳಗಿಳಿಸಲು ಮಹಾಭಿಯೋಗವೊಂದನ್ನು ಬಿಟ್ಟರೆ ಅನ್ಯಮಾರ್ಗವಿಲ್ಲ, ಮಹಾಭಿ ಯೋಗವನ್ನು ಮಂಡಿಸಿ ಗೆಲ್ಲುವಷ್ಟು ಸಂಖ್ಯಾಬಲ ನಿಮ್ಮಲ್ಲಿಲ್ಲ ಎನ್ನುವುದು ನಿಮಗೆ ಗೊತ್ತಿರಬೇಕಲ್ವಾ? ಮತಗಳ್ಳತನಕ್ಕೆ ನಮ್ಮ ಬಳಿ ಟನ್‌ಗಟ್ಟಲೆ ಸಾಕ್ಷಿ ಇದೆ ಎನ್ನುವಾಗ ಅವುಗಳನ್ನು ಕೋರ್ಟಿಗೆ ಸಲ್ಲಿಸಲು ಇರುವ ತೊಂದರೆಯಾದರೂ ಏನು? ಕಳೆದ ಕೆಲವು ಸ್ಥಳೀಯ ಚುನಾವಣೆ ಗಳಲ್ಲಿ ಮತಪತ್ರವನ್ನೇ ಬಳಸಿದರೂ ನಿಮ್ಮ ಪಕ್ಷಕ್ಕೆ ದೇಶಾದ್ಯಂತ ಒಂದು ಸ್ಥಾನವನ್ನೂ ಗೆಲ್ಲಲಾಗಲಿಲ್ಲ, ಈಗ ಇವಿಎಮ್ ಬಳಕೆಯೇ ಒಳ್ಳೇದಿತ್ತು ಅನ್ನಿಸ್ತಾ ಇದೆಯಾ? ಇಂಡಿ ಒಕ್ಕೂಟದ ನಾಯಕತ್ವದ ಕೀಲಿಕೈ ನಿಮ್ಮ ಕೈಯ ಇಟ್ಟುಕೊಳ್ಳಲು ಇಷ್ಟೆಲ್ಲ ಹೋರಾಟ ಮಾಡುತ್ತಿದ್ದರೂ, ಮುಂಬರುವ ಉತ್ತರಪ್ರದೇಶ ಚುನಾವಣೆಯಲ್ಲಿ, ನಿಮ್ಮ ಪಕ್ಷದ ಭವಿಷ್ಯ ಸಮಾಜವಾದಿ ಪಕ್ಷದ ದಯಾಭಿಕ್ಷೆಯಲ್ಲಿಯೇ ಅಡಗಿದೆ ಅನಿಸುತ್ತಿದೆಯಾ? (ಮುಂಬರುವ ಉತ್ತರಪ್ರದೇಶ ಚುನಾವಣೆ ಯನ್ನು ಅತ್ಯಂತ ಆಸೆಗಣ್ಣಿಂದ ನೋಡುತ್ತಿರುವ ಕಾಂಗ್ರೆಸ್ಸಿನ ಸಾಧನೆಯನ್ನು ಒಮ್ಮೆ ನೋಡುವು ದಾದರೆ, 1993ರಲ್ಲಿ ಕೇವಲ 28, 1996ರಲ್ಲಿ ಬಿಎಸ್‌ಪಿ ಜೊತೆ ಸೇರಿದ್ದರಿಂದ 33, 2002ರಲ್ಲಿ 25, 2007ರಲ್ಲಿ 22 ಮತ್ತು 2012ರಲ್ಲಿ 28 ಸ್ಥಾನಗಳನ್ನು ಗೆದ್ದುಕೊಂಡಿತ್ತು.

2017ರ ವಿಧಾನಸಭಾ ಚುನಾವಣೆಯಲ್ಲಿ ಸಮಾಜವಾದಿ ಪಕ್ಷದೊಂದಿಗೆ ಮೈತ್ರಿಕೂಟದಲ್ಲಿ 102 ಸ್ಥಾನಗಳಲ್ಲಿ ಸ್ಪರ್ಧಿಸಿದ್ದ ಕಾಂಗ್ರೆಸ್ 7 ಸ್ಥಾನಗಳಿಗೆ ಕುಸಿದಿತ್ತು. 2022ರಲ್ಲಿ ಕಾಂಗ್ರೆಸ್ ಏಕಾಂಗಿಯಾಗಿ ಸ್ಪರ್ಧಿಸಿ ಕೇವಲ 2 ಸ್ಥಾನಗಳಿಗೆ ಇಳಿಯಿತು. 2024ರಲ್ಲಿ ತಾನು ಸ್ಪರ್ಧಿಸಿದ್ದ 17 ಲೋಕಸಭಾ ಕ್ಷೇತ್ರದಲ್ಲಿ ಕಾಂಗ್ರೆಸ್ 6 ಸ್ಥಾನಗಳನ್ನು ಮಾತ್ರ ಗಳಿಸಲು ಸಾಧ್ಯವಾಗಿತ್ತು.

ಸಮಾಜವಾದಿ ಪಕ್ಷವನ್ನೂ ಸೇರಿ ಯಾರಿಗೂ ಅಲ್ಲಿ ಕಾಂಗ್ರೆಸ್ಸಿನ ಗೆಳೆತನ ಬೇಕಾಗಿಲ್ಲ. ಹಾಗಾಗಿ ಈ ಬಾರಿ ದೋಸ್ತಿ ಸುಲಭವಲ್ಲ ಎನ್ನುವ ವಾಸ್ತವದ ಅರಿವಿದೆಯಾ? ಉತ್ತರಪ್ರದೇಶ ಚುನಾವಣೆಯಲ್ಲಿ ಅಸಾದುದ್ದೀನ್ ಓವೈಸಿ ಪ್ರತ್ಯೇಕವಾಗಿ ಚುನಾವಣೆಯಲ್ಲಿ ಸ್ಪರ್ಧಿಸುವ ನಿರ್ಧಾರಕ್ಕೆ ಬಂದಿರುವುದು ಏಕೆ ಎನ್ನುವುದು ಗೊತ್ತಾ? ಈ ಎಲ್ಲ ವಿದ್ಯಮಾನಗಳನ್ನು ನೋಡುವಾಗ, ನೀವೆಲ್ಲ ಸೇರಿ ಉತ್ತರ ಪ್ರದೇಶದ ಚುನಾವಣೆಯನ್ನು ಕಾಣಿಕೆಯಾಗಿ ಯೋಗಿಜಿಯ ಜೋಳಿಗೆಗೆ ಹಾಕಿದಿರಿ ಅಂತ ಅನಿಸುತ್ತಿಲ್ವಾ? ‘ಮೋದಿಕಾ ಬಾಪ್ ಬೀ ಜಾಯೇಗಾ’ ಎನ್ನುವ ನಿಮ್ಮ ಪಕ್ಷದ ಅಧ್ಯಕ್ಷರ ಅಪವಕ್ತವ್ಯದ ನಂತರ, ‘ಮೋದಿ ಕಹಿ ನಹಿ ಜಾಯೇಗಾ’ ಆಂದೋಲನ ಶುರುವಾಯಿತಲ್ಲ, ಆ ಆಂದೋಲನದಲ್ಲಿ ನೀವು ನಂಬಿಕೊಂಡು ಬಂದಿರುವ ಸಮುದಾಯದ ಅನೇಕ ನಾಯಕರು ಮೋದಿಯ ಪರವಾಗಿ ಯೂ, ನಿಮ್ಮ ಪಕ್ಷದ ವಿರುದ್ಧವಾಗಿಯೂ ಬಹಿರಂಗವಾಗಿ ಮಾತನಾಡುತ್ತಿರುವುದನ್ನು ನೀವು ಗಮನಿಸಿದ್ದೀರಾ? 76 ವಸಂತಗಳ ಸಾರ್ಥಕ ಪೂರ್ಣಾಯುಷ್ಯ, ಇಪ್ಪತ್ತೈದು ವರ್ಷಗಳ ಯಶಸ್ವೀ ಅಧಿಕಾರ ರಾಜಕಾರಣ, 15 ವರ್ಷಗಳ ದಾಖಲೆಯ ಪ್ರಧಾನಮಂತ್ರಿ ಸ್ಥಾನ, 36 ದೇಶಗಳ ಸರ್ವೋ ನ್ನತ ನಾಗರಿಕ ಪ್ರಶಸ್ತಿ, ಜಗತ್ತಿನಾದ್ಯಂತ ಇರುವ ಭಾರತೀಯ ಜನಮಾನಸದಲ್ಲಿ ಶಾಶ್ವತ ಸ್ಥಾನ. ಅಗಾಧ ನೈತಿಕ ಸ್ಥೈರ್ಯ ಹಾಗೂ ಸದೃಢ ಆರೋಗ್ಯ, ಸಾಕು ಎನ್ನುವ ಸನ್ಯಸ್ತ ಮನಸ್ಥಿತಿ, ಹೀಗೆ ಎಲ್ಲವನ್ನೂ ಗಳಿಸಿರುವ ಪ್ರಧಾನಿ ನರೇಂದ್ರ ಮೋದಿಯವರು, ಈ ಅವಧಿಯಲ್ಲಿಯೇ ಅಥವಾ ಮುಂದಿನ ಚುನಾವಣೆಯಲ್ಲಿ ಸ್ಪರ್ಧಿಸದೇ ವಿಶ್ರಾಂತಿಯತ್ತ ಮುಖಮಾಡುತ್ತಿದ್ದರೇನೋ!

ಯಾರಿಂದಲೂ ಹೇಳಿಸಿಕೊಳ್ಳದೇ ತಾನಾಗಿಯೇ ಸಂತೃಪ್ತಿಯಿಂದ ನಿವೃತ್ತಿಯಾಗುತ್ತಿದ್ದರೋ ಏನೋ! ಆದರೆ, ‘ಮೋದಿಕಾ ಬಾಪ್ ಬೀ ಜಾಯೇಗಾ’ ಎನ್ನುವ ಒಂದು ಮಾತು ಮತ್ತು ಅದರ ವಿರುದ್ಧವಾಗಿ ದೇಶಾದ್ಯಂತ ಎದ್ದ ಮೋದಿ ಪರ ಧ್ವನಿ, ಮೋದಿಯವರ ಮನಸ್ಸಿನ ಕವಾಟವನ್ನು ತಟ್ಟಿದ ಹಾಗೆ ಕಾಣುತ್ತಿದೆ, ಕೊನೆಯುಸಿರಿರುವವರೆಗೆ ಸಾರ್ವಜನಿಕ ಜೀವನದಲ್ಲಿದ್ದು ಜನಸೇವೆ ಮಾಡುತ್ತೇನೆ ಎಂದಿದ್ದಾರೆ

ಮೋದಿ. ಈ ರೀತಿ ಸಲ್ಲದ ಮಾತುಗಳನ್ನಾಡಿ, ನಿಮ್ಮ ತಲೆಯಮೇಲೆ ನೀವೇ ಚಪ್ಪಡಿಕಲ್ಲು ಎಳೆದು ಕೊಂಡೆವು ಅಂತ ಅನಿಸುವುದಿಲ್ವಾ? ಕೇಳಲಿಕ್ಕೆ ಜನರ ಮನಸ್ಸಿನಲ್ಲಿ ಉತ್ತರಿಸಲಾಗದ ಇಂಥಾ ನೂರಾರು ಪ್ರಶ್ನೆಗಳಿವೆ. ಕಳೆದುಕೊಳ್ಳಲು ಇನ್ನೇನೂ ಉಳಿದಿಲ್ಲ ಅಂತ ಭಾವಿಸಿ, ಯದ್ವಾತದ್ವಾ ನಡೆದುಕೊಳ್ಳುತ್ತಾ ನಾವು ಮಾಡಿದ್ದೇ ಸರಿ ಎನ್ನುವವರಿಂದ ಉತ್ತರವನ್ನು ನಿರೀಕ್ಷೆ ಮಾಡುವುದೇ ಸರಿಯಲ್ಲವೇನೋ !

]]>

Vishweshwar Bhat Column: ಶುದ್ಧ ಕನ್ನಡದ ಬಳಕೆ: ಕೀಳರಿಮೆಯೋ ? ಸ್ವಾಭಿಮಾನವೋ ?

Sun, 08 Nov 2026 02:02:08 +0000

ಇದೇ ಅಂತರಂಗ ಸುದ್ದಿ

ಕಳೆದ ವಾರ ನಾನು ಇದೇ ಅಂಕಣದಲ್ಲಿ, ‘ಕನ್ನಡವನ್ನು ಬೆಳೆಸುವುದೆಂದರೆ, ನಿತ್ಯವೂ ಕನ್ನಡವನ್ನು ಬಳಸುವುದು’ ಎಂದು ಬರೆದಿದ್ದಕ್ಕೆ ಶಿವಮೊಗ್ಗದ ಸುರೇಶ ಅರಸು ಅವರು,‘ನಮಗೆ ಸಂವಹನ ಮುಖ್ಯ, ಭಾಷೆ ಅಲ್ಲ. ನಾವು ಕನ್ನಡದಲ್ಲಿ ಮಧ್ಯೆ ಮಧ್ಯೆ ಇಂಗ್ಲಿಷ್ ಬಳಸುವುದು ತಪ್ಪಲ್ಲ, ಆದರೆ ಎದುರಿನವರಿಗೆ ಅರ್ಥವಾದರೆ ಸಾಕು’ ಎಂದು ವಾದಿಸಿದ್ದಾರೆ.

ಇದು ಮೇಲ್ನೋಟಕ್ಕೆ ಪ್ರಾಯೋಗಿಕ ಎಂದು ಅನಿಸಿದರೂ, ದೀರ್ಘಾವಧಿಯಲ್ಲಿ ಅದು ಭಾಷೆಯ ಅಸ್ತಿತ್ವಕ್ಕೆ ಮಾರಕವಾದ ಅಪಾಯಕಾರಿ ಚಿಂತನೆ ಎನ್ನಬಹುದು. ಭಾಷೆಯೆಂಬುದು ಕೇವಲ ದಿನನಿತ್ಯದ ಅಗತ್ಯ ಗಳನ್ನು ಪೂರೈಸುವ ಅಥವಾ ಮಾಹಿತಿ ವಿನಿಮಯ ಮಾಡುವ ಸಾಧನ ಮಾತ್ರವಲ್ಲ. ಅದು ಒಂದು ಜನಾಂಗದ ಸಂಸ್ಕೃತಿ, ಇತಿಹಾಸ, ತತ್ವಜ್ಞಾನ ಮತ್ತು ಅಸ್ಮಿತೆಯ ವಾಹಕ.

ಸಂವಹನದ ಸರಳತೆಯ ಹೆಸರಿನಲ್ಲಿ ಮಾತೃಭಾಷೆಯನ್ನು ಕಡೆಗಣಿಸುವುದು, ನದಿಯ ನೀರು ಕುಡಿಯಲು ಬಂದರೆ ಸಾಕು ಎಂದು ಇಡೀ ನದಿಯ ಮೂಲ ಮತ್ತು ಮಹತ್ವವನ್ನೇ ಕಲುಷಿತಗೊಳಿಸಿ ದಂತೆ. ಪ್ರತಿಯೊಂದು ಭಾಷೆಗೂ ತನ್ನದೇ ಆದ ವಿಶಿಷ್ಟ ನುಡಿಗಟ್ಟು, ಭಾವಾರ್ಥ ಮತ್ತು ಸೂಕ್ಷ್ಮ ಸಂವೇದನೆ ಗಳಿರುತ್ತವೆ. ಕನ್ನಡದಲ್ಲಿ ವ್ಯಕ್ತಪಡಿಸಬಹುದಾದ ಆತ್ಮೀಯತೆ, ಭಕ್ತಿ, ಕರುಣೆ ಅಥವಾ ಕೋಪದ ಛಾಯೆಗಳನ್ನು ಬೇರೆ ಭಾಷೆಗಳ ಪದಗಳು ತರಲಾರವು.

ಇದನ್ನೂ ಓದಿ: Vishweshwar Bhat Column: ‘ಪ್ರೆಸ್ ಎಂಬಾರ್ಗೋ’ ಎಂದರೇನು ?

ಕನ್ನಡದ ಮಾತುಗಳ ಮಧ್ಯೆ ಇಂಗ್ಲಿಷ್ ತುರುಕುವುದರಿಂದ ನಮ್ಮದೇ ಭಾಷೆಯ ಶ್ರೀಮಂತ ಶಬ್ದಭಂಡಾರ ಹಿನ್ನೆಲೆಗೆ ಸರಿಯುತ್ತದೆ. ಹೀಗೆ ಮಾಡುತ್ತಾ ಹೋದಂತೆ, ಹೊಸ ಪೀಳಿಗೆಗೆ ಕನ್ನಡದ ಸಮರ್ಥವಾಗಿ ಆಲೋಚಿಸುವ ಮತ್ತು ಭಾವನೆಗಳನ್ನು ಅಭಿವ್ಯಕ್ತಿಸುವ ಸಾಮರ್ಥ್ಯ ಕುಂಠಿತವಾಗಿ, ಅವರು ಭಾಷಿಕವಾಗಿ ಪರಾವಲಂಬಿಗಳಾಗುತ್ತಾರೆ.

ಸುಲಭ ಸಂವಹನದ ನೆಪದಲ್ಲಿ ಪದೇಪದೆ ಪರಭಾಷೆಯ ಪದಗಳನ್ನು ಬಳಸುವುದು ವ್ಯಕ್ತಿಯ ಸೋಮಾರಿತನ ಮತ್ತು ಭಾಷಿಕ ಬಡತನದ ಲಕ್ಷಣವೇ ಹೊರತು ಜಾಣ್ಮೆಯಲ್ಲ. ಕನ್ನಡದಲ್ಲಿ ಅತ್ಯಂತ ಸರಳ ಮತ್ತು ಸುಲಭವಾಗಿ ಲಭ್ಯವಿರುವ ಪದಗಳಿಗೂ ಇಂಗ್ಲಿಷ್ ಬಳಸುವ ಅಭ್ಯಾಸ ಬೆಳೆದರೆ, ಮಾತೃಭಾಷೆಯ ಶಬ್ದಗಳು ಕ್ರಮೇಣ ವಿಸ್ಮೃತಿಗೆ ಜಾರುತ್ತವೆ. ಒಂದು ಭಾಷೆಯ ಪದಗಳು ಬಳಕೆಯಿಂದ ದೂರವಾದಂತೆ ಆ ಭಾಷೆಯ ಸೃಜನಶೀಲತೆ ಮತ್ತು ಜೀವಂತಿಕೆ ನಶಿಸುತ್ತದೆ.

‘ಅರ್ಥವಾದರೆ ಸಾಕು’ ಎಂಬ ವಾದವು ಭಾಷೆಯ ಬೆಳವಣಿಗೆಯನ್ನು ನಿಲ್ಲಿಸಿ, ಅದನ್ನು ಕೇವಲ ಸಂಕೇತಗಳ ಒಂದು ದುರ್ಬಲ ಮಾಧ್ಯಮವನ್ನಾಗಿ ಪರಿವರ್ತಿಸುತ್ತದೆ. ಯಾವುದೇ ಭಾಷೆಯು ಆಧುನಿಕ ಜ್ಞಾನಕ್ಷೇತ್ರದಲ್ಲಿ, ವಿಜ್ಞಾನದಲ್ಲಿ, ತಂತ್ರಜ್ಞಾನದಲ್ಲಿ ಮತ್ತು ಆಡಳಿತದಲ್ಲಿ ಉಳಿದು ಬೆಳೆಯಬೇಕಾದರೆ ಅದು ನಿರಂತರ ಬಳಕೆಯಲ್ಲಿರಬೇಕು.

‘ಸಂವಹನ ಸಾಕು’ ಎಂದು ಇಂಗ್ಲಿಷ್‌ನ ಮೊರೆ ಹೋದರೆ, ಹೊಸ ಪರಿಕಲ್ಪನೆಗಳಿಗೆ ಕನ್ನಡದ ಹೊಸ ಪದಗಳನ್ನು ಕಟ್ಟುವ, ಬೆಳೆಸುವ ಅಗತ್ಯವೇ ನಮಗೆ ಕಾಣಿಸುವುದಿಲ್ಲ. ಇದರಿಂದ ಕನ್ನಡವು ಮನೆಯ ಮಾತಿಗಷ್ಟೇ ಸೀಮಿತವಾಗಿ, ಸಾರ್ವಜನಿಕ ಮತ್ತು ಬೌದ್ಧಿಕ ಕ್ಷೇತ್ರಗಳಲ್ಲಿ ದ್ವಿತೀಯ ದರ್ಜೆಯ ಭಾಷೆ ಯಾಗಿ ಉಳಿಯುವ ಅಪಾಯ ತೀವ್ರಗೊಳ್ಳುತ್ತದೆ.

ಜಪಾನ್, ಜರ್ಮನಿ ಅಥವಾ ಚೀನಾದಂಥ ಮುಂದುವರಿದ ರಾಷ್ಟ್ರಗಳು ಜ್ಞಾನ ಪ್ರಸಾರಕ್ಕೆ ತಮ್ಮದೇ ಭಾಷೆಯನ್ನು ನೆಚ್ಚಿಕೊಂಡಿವೆಯೇ ಹೊರತು ಕೃತಕ ಮಿಶ್ರಣವನ್ನಲ್ಲ. ಭಾಷೆಯು ಸಮಾಜದ ಸ್ವಾಭಿಮಾನದ ಸಂಕೇತ. ಭಾಷೆಯು ಸತ್ತರೆ ಕೇವಲ ಲಿಪಿಯಷ್ಟೇ ಸಾಯುವುದಿಲ್ಲ, ಅದರ ಜತೆ ಸಾವಿರಾರು ವರ್ಷಗಳ ಸಾಹಿತ್ಯ, ಮೌಲ್ಯಗಳು ಮತ್ತು ಒಂದು ಇಡೀ ಜನಾಂಗದ ಸಾಂಸ್ಕೃತಿಕ ಬೇರುಗಳೇ ಕಳಚಿ ಬೀಳುತ್ತವೆ.

ಆದ್ದರಿಂದ, ನಿರರ್ಗಳ ಮತ್ತು ಶುದ್ಧ ಕನ್ನಡದ ಬಳಕೆ ಕೇವಲ ಹಠಮಾರಿತನವಲ್ಲ, ಅದು ನಮ್ಮ ಭವಿಷ್ಯದ ಪೀಳಿಗೆಗೆ ಭಾಷಾ ಪರಂಪರೆಯನ್ನು ಉಳಿಸಿಕೊಡುವ ಜವಾಬ್ದಾರಿ. ಸಂವಹನ ಮುಖ್ಯವೇ ಹೌದು, ಆದರೆ ಆ ಸಂವಹನವು ನಮ್ಮದೇ ಭಾಷೆಯ ಘನತೆ ಮತ್ತು ಶ್ರೀಮಂತಿಕೆಯನ್ನು ಬಲಿ ಕೊಟ್ಟು ನಡೆಯಬಾರದು.

ಭಾಷೆಯ ಕಲಬೆರಕೆಯು ಕೇವಲ ದೈನಂದಿನ ಮಾತಿಗಷ್ಟೇ ಸೀಮಿತವಾಗಿ ಉಳಿಯುವುದಿಲ್ಲ, ಅದು ಕ್ರಮೇಣ ಮಾಧ್ಯಮ, ಸಾಹಿತ್ಯ ಮತ್ತು ಶೈಕ್ಷಣಿಕ ವಲಯಗಳಿಗೂ ವ್ಯಾಪಿಸುತ್ತದೆ. ಟಿವಿ ವಾಹಿನಿಗಳು, ರೇಡಿಯೋ ಜಾಕಿಗಳು ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ‘ಕಂಗ್ಲಿಷ್’ ಬಳಕೆಯೇ ಒಂದು ಸಹಜ ಶೈಲಿ ಎಂಬಂತೆ ಬಿಂಬಿತವಾಗುತ್ತಿದೆ. ಇದರಿಂದಾಗಿ ಬೆಳೆಯುವ ಮಕ್ಕಳಿಗೆ ಶುದ್ಧ, ಸುಲಲಿತ ಕನ್ನಡ ವನ್ನು ಕೇಳುವ ಮತ್ತು ಕಲಿಯುವ ಅವಕಾಶವೇ ಇಲ್ಲದಂತಾಗುತ್ತದೆ. ಕೇಳುವ ಪರಿಸರವೇ ಕಲುಷಿತ ಗೊಂಡಾಗ, ಭವಿಷ್ಯದ ತಲೆಮಾರು ತನ್ನದೇ ತಾಯ್ನುಡಿಯಲ್ಲಿ ಸ್ಪಷ್ಟವಾಗಿ ಒಂದು ವಾಕ್ಯವನ್ನೂ ರಚಿಸಲಾಗದ ದಯನೀಯ ಭಾಷಿಕ ದಿವಾಳಿತನಕ್ಕೆ ತುತ್ತಾಗುತ್ತದೆ.

ಇಂಗ್ಲಿಷ್ ಬೆರೆಸಿದರೆ ಮಾತ್ರ ಆಧುನಿಕತೆ ಅಥವಾ ‘ಪ್ರತಿಷ್ಠೆ’ ಎಂಬ ವಸಾಹತುಶಾಹಿ ಮನಸ್ಥಿತಿಯೂ ಈ ವಾದದ ಬೆನ್ನಿಗಿದೆ. ತಮ್ಮದೇ ಭಾಷೆಯ ಪದಗಳನ್ನು ಬಳಸಲು ಹಿಂಜರಿಯುವುದು ಅಥವಾ ಕೀಳರಿಮೆ ಅನುಭವಿಸುವುದು ಮಾನಸಿಕ ಗುಲಾಮಗಿರಿಯ ಸಂಕೇತ. ಜಗತ್ತಿನ ಯಾವುದೇ ಪ್ರಬುದ್ಧ ಭಾಷಿಕ ಸಮುದಾಯವು ತನ್ನ ಭಾಷೆಯ ಸ್ಥಾನವನ್ನು ಮತ್ತೊಂದಕ್ಕೆ ಬಿಟ್ಟುಕೊಟ್ಟು ‘ಅರ್ಥವಾದರೆ ಸಾಕು’ ಎಂದು ರಾಜಿ ಮಾಡಿಕೊಳ್ಳುವುದಿಲ್ಲ. ಪ್ರತಿಯೊಂದು ನವೀನ ಆಲೋಚನೆಯನ್ನು ಮಾತೃಭಾಷೆಯ ಕಟ್ಟಿಕೊಡುವ ತಾಕತ್ತು ಕನ್ನಡಕ್ಕಿದೆ. ಆದರೆ ಅದನ್ನು ಬಳಸುವ ಇಚ್ಛಾಶಕ್ತಿಯ ಕೊರತೆಯನ್ನು ಮುಚ್ಚಿಹಾಕಲು ಸಂವಹನದ ನೆಪವನ್ನೊಡ್ಡುವುದು ಶುದ್ಧ ಆತ್ಮವಂಚನೆ.

ಸಂವಹನ ಎನ್ನುವುದು ಕೇವಲ ಶಬ್ದಗಳ ಜೋಡಣೆಯಲ್ಲ, ಅದು ವ್ಯಕ್ತಿತ್ವ ಮತ್ತು ಸಂಸ್ಕೃತಿಯ ಪ್ರತಿಫಲನ. ಭಾಷೆಯನ್ನು ಕೇವಲ ಕ್ಷಣಿಕ ಅಗತ್ಯಕ್ಕಾಗಿ ಬಳಸುವ ವಸ್ತುವನ್ನಾಗಿ ನೋಡದೇ, ಅದಕ್ಕಿರುವ ಜೀವಂತಿಕೆಯನ್ನು ಗೌರವಿಸಬೇಕಿದೆ. ಪರಭಾಷಾ ಜ್ಞಾನ ಅಗತ್ಯವಿದ್ದಾಗ ಇಂಗ್ಲಿಷನ್ನು ಪ್ರತ್ಯೇಕವಾಗಿ, ಸಮರ್ಥವಾಗಿ ಕಲಿಯೋಣ; ಆದರೆ ಕನ್ನಡ ಮಾತನಾಡುವಾಗ ಅದಕ್ಕೆ ಅನ್ಯಭಾಷೆ ಯ ಊರುಗೋಲು ಕೊಡಬೇಕಾದ ಅಗತ್ಯವಿಲ್ಲ.

ನಮ್ಮ ಭಾಷೆಯ ಸತ್ವ, ಸೌಂದರ್ಯ ಮತ್ತು ತನ್ನತನವನ್ನು ಉಳಿಸಿಕೊಳ್ಳುವುದು ನಮ್ಮ ಅಸ್ಮಿತೆಯ ರಕ್ಷಣೆಯ ಪ್ರಶ್ನೆಯೇ ಹೊರತು ಕೇವಲ ಸಂವಹನದ ಆಯ್ಕೆಯಲ್ಲ.

ಇಂಗ್ಲಿಷ್ ಉಪಕರಣವಾಗಿರಲಿ

ಯಾರಾದರೂ ಸಂಕಷ್ಟದಲ್ಲಿದ್ದಾಗ, ‘ನಾನು ನಿನಗೆ ನೆರವಾಗುತ್ತೇನೆ’ ಎನ್ನುವ ಮಾತಿನಂದು ಕೈಹಿಡಿದು ಮೇಲೆತ್ತುವ ಬೆಚ್ಚಗಿನ ಆಪ್ತತೆಯಿದೆ. ಆದರೆ ನಾವು ಧಾವಂತದಲ್ಲಿ ‘ಐ ವಿಲ್ ಹೆಲ್ಪ್ ಯು’ ಎಂದು ಬಿಡುತ್ತೇವೆ.

‘ನೆರವು’ ಎನ್ನುವಾಗ ಕಣ್ಣುಗಳಲ್ಲಿ ಮೂಡುವ ಕಳಕಳಿ, ‘ಹೆಲ್ಪ್’ ಎನ್ನುವ ರೆಡಿಮೇಡ್ ಶಬ್ದದಲ್ಲಿ ಇರುವುದಿಲ್ಲ. ಅದು ಕೇವಲ ಒಂದು ಔಪಚಾರಿಕ ವಹಿವಾಟಿನಂತೆ, ಟ್ರಾಫಿಕ್ ಸಿಗ್ನಲ್ ದಾಟಿದಂತೆ ಮುಗಿದು ಹೋಗುತ್ತದೆ. ನಮ್ಮ ಭಾಷೆಯ ಪದಗಳಲ್ಲಿದ್ದ ಈ ತಾಯ್ತನದ ನೆರಳನ್ನು ನಾವೇ ಕಡಿದು ಹಾಕಿ, ಕಾಂಕ್ರೀಟ್ ಗೋಡೆಗಳ ನಡುವೆ ನಿಂತು ನೆರಳಿಗಾಗಿ ಪರದಾಡುತ್ತಿದ್ದೇವೆ ಎನಿಸುತ್ತದೆ.

ಮನೆಯಲ್ಲಿ ಅಮ್ಮ ಕಾಫಿ ತಂದುಕೊಟ್ಟಾಗ, ‘ಸ್ವಲ್ಪ ಸಕ್ಕರೆ ಕಮ್ಮಿಯಿದೆ’ ಎಂದು ಹೇಳುವುದಕ್ಕೂ, ‘ಶುಗರ್ ಲೆಸ್ ಆಗಿದೆ’ ಎನ್ನುವುದಕ್ಕೂ ಇರುವ ಅಂತರ ಅಷ್ಟಿಷ್ಟಲ್ಲ. ‘ಸಕ್ಕರೆ’ ಎನ್ನುವಾಗ ಅದರಲ್ಲಿ ಹಳ್ಳಿಯ ಕಬ್ಬಿನ ಗzಯ, ಬೆಲ್ಲದ ಕೊಪ್ಪರಿಗೆಯ ಸಿಹಿಯ ನೆನಪಿದೆ. ‘ಶುಗರ್’ ಎಂದ ತಕ್ಷಣ ಅದು ವೈದ್ಯರ ಚೀಟಿಯ ಮೇಲಿನ ಕಾಯಿಲೆಯ ಹೆಸರಿನಂತೆ ಕಿವಿಗೆ ರಾಚುತ್ತದೆ.

ನಮಗೆ ಅರಿವಿಲ್ಲದಂತೆಯೇ ನಮ್ಮ ನಿತ್ಯದ ಆಹಾರ, ನೀರು, ಗಾಳಿಯನ್ನೆಲ್ಲ ಇಂಥ ರೋಗಗ್ರಸ್ತ ಶಬ್ದಗಳೇ ಆವರಿಸಿಕೊಳ್ಳುತ್ತಿವೆ. ಸಿಹಿಯಾದ ಅನುಭವಗಳಿಗೂ ಕಹಿಯಾದ, ಒಣ ಪದಗಳ ಲೇಪನ ಹಚ್ಚುವ ವಿಚಿತ್ರ ಚಾಳಿ ನಮ್ಮದಾಗಿದೆ. ಒಮ್ಮೆ ನಗರದ ಕೆಫೆಯೊಂದರಲ್ಲಿ ಪಕ್ಕದ ಟೇಬಲ್‌ನಲ್ಲಿದ್ದ ಯುವ ಜೋಡಿ ಅಪ್ಪಟ ಕನ್ನಡಿಗರೇ.

‘ವಾಟ್ ಎ ಬ್ಯೂಟಿಫುಲ್ ಮೊಮೆಂಟ್, ಇಟ್ಸ್ ಸೋ ರೊಮ್ಯಾಂಟಿಕ್’ ಎಂದು ಹೇಳಿದರೆನ್ನಿ. ಆ ಕ್ಷಣದ ಸೊಬಗನ್ನು ಹೇಳಲು ‘ಸೊಗಸು’, ‘ಹಿತ’, ‘ಮನೋಹರ’ ಎಂಬ ಎಷ್ಟೋ ರಸವತ್ತಾದ ಪದಗಳು ನಮ್ಮಲ್ಲಿದ್ದವು. ಆ ಪದಗಳನ್ನು ಬಳಸಿದರೆ ಆ ಪ್ರೇಮಕ್ಕೆ ಸಿಗುತ್ತಿದ್ದ ನೈಜ ಕಾವ್ಯಮಯ ಸ್ಪರ್ಶ, ಈ ಸಿದ್ಧ ಇಂಗ್ಲಿಷ್ ಮಾತುಗಳಲ್ಲಿ ಕರಗಿ ನೀರಾಗಿತ್ತು.

ಪ್ರೀತಿಯಂಥ ಗಾಢ ಅನುಭವವನ್ನೂ ನಾವು ನಕಲಿ ಆಭರಣಗಳಂತೆ ಪ್ರದರ್ಶನಕ್ಕಿಡುತ್ತಿದ್ದೇವೆ. ನಮ್ಮೂರಿನ ಜಾತ್ರೆಗಳಲ್ಲಿ ಅಥವಾ ಹಳೆಯ ನಾಟಕಗಳಲ್ಲಿ ಕಲಾವಿದರು ಆಡುತ್ತಿದ್ದ ಆ ಗಡುಸಾದ, ಗಂಭೀರವಾದ ಕನ್ನಡವನ್ನು ನೆನೆಸಿಕೊಂಡರೆ ಈಗಲೂ ಮೈ ರೋಮಾಂಚನಗೊಳ್ಳುತ್ತದೆ. ರಂಗಸ್ಥಳದ ಮೇಲಿಂದ ತೇಲಿಬರುತ್ತಿದ್ದ ಆ ಮಾತುಗಳು ಜನರ ಎದೆಯಾಳಕ್ಕೆ ನಾಟುತ್ತಿದ್ದವು. ಆದರೆ ಈಗಿನ ನಾಟಕಗಳ ಅಥವಾ ಕಿರುತೆರೆಯ ಸಂಭಾಷಣೆಗಳ ಪಾತ್ರಗಳು ಕನ್ನಡಕ್ಕಿಂತ ಹೆಚ್ಚಾಗಿ ಇಂಗ್ಲಿಷಿನ ಕಿರುಚಾಡುತ್ತವೆ.

‘ವೈ ಆರ್ ಯು ಡೂಯಿಂಗ್ ದಿಸ್? ಸ್ಟಾಪ್ ಇಟ್’ ಎಂದು ರೇಗಾಡಿದರೆ ಮಾತ್ರ ಕೋಪ ವ್ಯಕ್ತವಾ ಗುತ್ತದೆ ಎಂಬ ತಪ್ಪು ಕಲ್ಪನೆ ನಮ್ಮೊಳಗೆ ಗಟ್ಟಿಯಾಗಿ ಬಿಟ್ಟಿದೆ. ನಮ್ಮ ಸಿಟ್ಟು, ಸೆಡವು, ಪ್ರೀತಿ, ವಾತ್ಸಲ್ಯ-ಯಾವ ಭಾವನೆಗಳಿಗೂ ಈಗ ಕನ್ನಡ ಸಾಲುತ್ತಿಲ್ಲವೇನೋ ಎಂಬಂತೆ ವರ್ತಿಸುತ್ತಿದ್ದೇವೆ. ಮಕ್ಕಳ ಶಾಲೆಯ ಡೈರಿಗಳನ್ನು ತೆರೆದು ನೋಡಿದರೆ, ಪೋಷಕರ ಸಹಿಗಾಗಿ ಬರುವ ಟಿಪ್ಪಣಿ ಗಳೆಲ್ಲವೂ ಇಂಗ್ಲಿಷಿನ ಇರುತ್ತವೆ.

‘ಮಗು ತುಂಬಾ ತುಂಟಾಟ ಮಾಡುತ್ತಿದೆ, ಗಮನಹರಿಸಿ’ ಎಂದು ಬರೆಯುವ ಬದಲು, ‘ಯುವರ್ ಚೈಲ್ಡ್ ಈಸ್ ವೆರಿ ನಾಟಿ, ಪ್ಲೀಸ್ ಟೇಕ್ ಕೇರ್’ ಎಂದು ಬರೆದಿರುತ್ತಾರೆ. ಮನೆಯಲ್ಲೂ ಅಪ್ಪ-ಅಮ್ಮ ಅದೇ ಭಾಷೆಯ ಮಗುವಿಗೆ ತಾಕೀತು ಮಾಡುತ್ತಾರೆ. ಆ ಮುಗ್ಧ ಕಂದಮ್ಮನಿಗೆ ‘ತುಂಟಾಟ’ದ ಹಿಂದಿರುವ ಮುದ್ದುತನ ತಿಳಿಯುವುದೇ ಇಲ್ಲ, ಕೇವಲ ‘ನಾಟಿ’ ಎಂಬ ಅಪರಾಧ ಪ್ರಜ್ಞೆ ಮಾತ್ರ ತಲೆಗೆ ಹತ್ತುತ್ತದೆ.

ನಾವಾಡುವ ಮಾತು ಕೇವಲ ಸಂವಹನವಲ್ಲ, ಅದು ಮಗುವಿನ ಮನಸ್ಸಿನ ಆಕಾರವನ್ನೇ ರೂಪಿಸುವ ಮಣ್ಣು ಎಂಬ ಸತ್ಯ ನಮಗೆ ಮರೆತೇ ಹೋಗಿದೆ. ಬಸ್ ನಿಲ್ದಾಣದ ಕಲ್ಲುಬೆಂಚಿನ ಮೇಲೆ ಕುಳಿತು ಕಾಯುವ ಆ ಕ್ಷಣಗಳನ್ನು ಧ್ಯಾನಿಸಿ. ಪಕ್ಕದ ಕುಳಿತ ಅಪರಿಚಿತರೊಬ್ಬರು, ‘ಗಾಡಿ ಬರಲು ಇನ್ನೂ ತಡವಾಗುತ್ತದೆ ಯೇನೋ?’ ಎಂದು ಕೇಳಿದಾಗ ಅಲ್ಲಿ ಇಬ್ಬರ ನಡುವೆ ಒಂದು ಅದೃಶ್ಯ ಸೇತುವೆ ನಿರ್ಮಾಣವಾಗುತ್ತದೆ. ಅದೇ ಮನುಷ್ಯ ‘ಬಸ್ ಲೇಟ್ ಆಗುತ್ತಾ?’ ಎಂದು ಸಿನಿಕತನದಿಂದ ಕೇಳಿದರೆ ಆ ಸೇತುವೆ ಮೊದಲೇ ಮುರಿದು ಬಿದ್ದಿರುತ್ತದೆ.

ನಮ್ಮ ಪರಸ್ಪರ ಬೆಸುಗೆಗೆ ಬೇಕಾಗಿದ್ದ ಆ ಮಾನವೀಯ ತಂತುಗಳನ್ನು ನಾವೇ ನಮ್ಮ ಕೈಯಾರೆ ಕತ್ತರಿಸಿ ಕೊಳ್ಳುತ್ತಿದ್ದೇವೆ. ಭಾಷೆಯೆಂದರೆ ಕೇವಲ ಮಾಹಿತಿಯ ವಿನಿಮಯವಲ್ಲ, ಅದು ಎರಡು ಜೀವಗಳ ನಡುವಿನ ಹಾರ್ದಿಕ ಸ್ಪಂದನ ಎಂಬ ಅರಿವು ನಮಗೆ ಇಲ್ಲದಂತಾಗಿದೆಯಾ? ಗೊತ್ತಾಗುತ್ತಿಲ್ಲ. ಈಗಲಾದರೂ ನಾವು ಈ ನಿದ್ದೆಯಿಂದ ಎಚ್ಚರಗೊಳ್ಳಬೇಕಿದೆ.

ಇಂಗ್ಲಿಷನ್ನು ಬದುಕಿನ ಒಂದು ಉಪಕರಣವಾಗಿ ಬಳಸೋಣ, ತಪ್ಪೇನಿಲ್ಲ. ಆದರೆ ಅದನ್ನೇ ನಮ್ಮ ಉಸಿರಾಗಿಸಿಕೊಳ್ಳುವುದು ಬೇಡ. ನಮ್ಮ ಮಾತುಗಳಲ್ಲಿ, ನಮ್ಮ ಮನೆಯ ಹರಟೆಗಳಲ್ಲಿ, ಗೆಳೆಯರ ಒಡನಾಟದಲ್ಲಿ ಮತ್ತೆ ನಮ್ಮದೇ ನೆಲದ ಆಪ್ತ ಪದಗಳು ಜೀವತಳೆಯಲಿ. ‘ಆತ್ಮವಿಶ್ವಾಸ’, ‘ನೆಮ್ಮದಿ’, ‘ಅಕ್ಕರೆ’ ಎಂಬ ಹಳೆಯ ಮರದ ನೆರಳಿನ ನಾವೆಲ್ಲರೂ ಮತ್ತೆ ಕೂತು ದಣಿವಾರಿಸಿಕೊಳ್ಳಬೇಕಿದೆ.

ನಮ್ಮ ನಾಲಗೆಯ ಮೇಲಿನ ಆ ಇಂಗ್ಲಿಷಿನ ಧೂಳನ್ನು ಝಾಡಿಸಿ, ನಮ್ಮ ಅಮ್ಮ ಕಲಿಸಿದ ಕನ್ನಡದ ತಣ್ಣೀರಿನಿಂದ ಮುಖ ತೊಳೆದುಕೊಂಡರೆ, ಬದುಕಿನ ನಡಿಗೆ ಮತ್ತೆ ಮುದವಾಗಿ, ಹೊಸ ಲಯ ದೊಂದಿಗೆ ತಾನೇತಾನಾಗಿ ಮುಂದುವರಿಯುತ್ತದೆ. ಏನಂತೀರಿ?

‘ಲಂಚ್ ವಿತ್ ದಿ ಎಫ್‌ʼಟಿ’

ನಾನು ಕಳೆದ ಎರಡು ದಶಕಗಳಿಂದ ಲಂಡನ್ ಮೂಲದ ’FT’ ಎಂದೇ ಜನಪ್ರಿಯವಾದ ಪ್ರತಿಷ್ಠಿತ ‘ಫೈನಾನ್ಷಿಯಲ್ ಟೈಮ್ಸ್’ ಪತ್ರಿಕೆಯನ್ನು ಓದುತ್ತಿದ್ದೇನೆ. ಮಧ್ಯೆ ಸುಮಾರು ಆರು ತಿಂಗಳು ಬಿಟ್ಟಿದ್ದೆ. ಕಾರಣ ಇಷ್ಟೇ-ದರ ವಿಪರೀತ ಎಂದು. ಈ ಪತ್ರಿಕೆಯ ವಾರ್ಷಿಕ ಚಂದಾ (310 ಸಂಚಿಕೆಗಳಿಗೆ) 65 ಸಾವಿರ ರುಪಾಯಿ. ಅಂದರೆ ತಿಂಗಳಿಗೆ 5400 ರುಪಾಯಿ. ಮ್ಯಾಗಜಿನ್ ಸಹಿತ ಬರೀ ವೀಕೆಂಡ್ ಸಂಚಿಕೆಗೆ (52 ಸಂಚಿಕೆ) ಹತ್ತು ಸಾವಿರ ರುಪಾಯಿ. ಆರು ತಿಂಗಳ ನಂತರ ಏನೋ ಕಳೆದುಕೊಂಡ ಭಾವ ಕಾಡಲಾರಂಭಿಸಿದ್ದರಿಂದ ಪುನಃ ಈ ಪತ್ರಿಕೆಯ ಚುಂಗು ಹಿಡಿದೆ. ಅಷ್ಟು ಹಣ ತೆತ್ತರೂ, ದಂಡವಲ್ಲ. ಈಗಂತೂ ಆನ್‌ಲೈನ್ ಎಡಿಷನ್ ತಿಂಗಳಿಗೆ ಮೂರು ಸಾವಿರದಲ್ಲಿ ಲಭ್ಯ. ಆದರೂ ಬೇರೆ ಪತ್ರಿಕೆಗಳಿಗೆ ಹೋಲಿಸಿದರೆ, ಇದು ತುಸು ತುಟ್ಟಿ. ಆದರೆ ಒಮ್ಮೆ ‘ಎಫ್‌ʼಟಿ’ ಚಟ ಹಿಡಿದರೆ ಬಿಡಿಸಿ ಕೊಳ್ಳುವುದು ಕಷ್ಟ.

ಈ ಪತ್ರಿಕೆಯ ವೀಕೆಂಡ್ ಸಂಚಿಕೆಯಲ್ಲಿ Lunch with the FT ಎಂಬ ಒಂದು ಅಂಕಣವಿದೆ. ಪತ್ರಿಕೋದ್ಯಮ ಜಗತ್ತಿನಲ್ಲಿ ಸಂದರ್ಶನಗಳೆಂದರೆ ಸಾಮಾನ್ಯವಾಗಿ ಧಾವಂತದ ಪ್ರಶ್ನೋತ್ತರಗಳು, ಅಧಿಕೃತ ಹೇಳಿಕೆಗಳು ಮತ್ತು ಸಿದ್ಧಪಡಿಸಿದ ಚೌಕಟ್ಟುಗಳು ಮಾತ್ರ ಎಂಬ ಭಾವನೆಯಿದೆ. ಆದರೆ ಕಳೆದ ಇಪ್ಪತ್ತೈದಕ್ಕೂ ಹೆಚ್ಚು ವರ್ಷಗಳಿಂದ ಎಫ್‌ʼಟಿಯಲ್ಲಿ ಪ್ರಕಟವಾಗುತ್ತಿರುವ ಈ ಅಂಕಣವು ಈ ಸಿದ್ಧ ಮಾದರಿಯನ್ನು ಬದಲಾಯಿಸಿ ಜಾಗತಿಕ ಓದುಗರ ಮನಗೆದ್ದಿದೆ.

ಕೇವಲ ವ್ಯಾಪಾರ-ವಹಿವಾಟಿನ ಅಂಕಿ-ಅಂಶಗಳಿಗೆ ಸೀಮಿತವಾಗದೇ, ಮನುಷ್ಯನ ಅಂತರಂಗ ವನ್ನು ಅರಿಯುವ ಈ ವಿಶೇಷ ಸರಣಿಯು ವಿಶ್ವಾದ್ಯಂತ ಅಗಾಧ ಕುತೂಹಲವನ್ನು ಹುಟ್ಟುಹಾಕಿದೆ. ಈ ಅಂಕಣಕ್ಕಾಗಿ ಅತಿಥಿಗಳನ್ನು ಹೇಗೆ ಆರಿಸುತ್ತಾರೆ ಮತ್ತು ಇದರ ಯಶಸ್ಸಿನ ಹಿಂದಿರುವ ಆ ಸೂತ್ರವೇನು ಎಂಬ ಪ್ರಶ್ನೆ ಓದುಗರಲ್ಲಿ ಸದಾ ಇರುತ್ತದೆ.

ಊಟದ ಮೇಜಿನ ಬಳಿ ನಡೆಯುವ ಸಂಭಾಷಣೆಯೊಂದು ಜಾಗತಿಕ ಮಟ್ಟದ ಚಿಂತನೆಗಳಿಗೆ ಕನ್ನಡಿ ಹಿಡಿಯಬಲ್ಲದು ಎಂಬುದನ್ನು ಈ ಅಂಕಣವು ದಶಕಗಳಿಂದ ಸಾಬೀತುಪಡಿಸುತ್ತಾ ಬಂದಿದೆ. ಈ ಅಂಕಣಕ್ಕೊಂದು ಕಟ್ಟುನಿಟ್ಟಾದ ನಿಯಮಾವಳಿಯಿದೆ. ಇಲ್ಲಿ ಆಯ್ಕೆಯಾಗುವ ಅತಿಥಿಗಳು ಜಾಗತಿಕ ಓದುಗರನ್ನು ಆಕರ್ಷಿಸುವ ವಿಶಿಷ್ಟ ವ್ಯಕ್ತಿತ್ವವುಳ್ಳವರಾಗಿರಬೇಕು. ಅವರ ಬದುಕು, ಸಾಧನೆ ಅಥವಾ ಆಲೋಚನೆಗಳು ಜಗತ್ತಿನ ಯಾವುದೋ ಒಂದು ಮೂಲೆಯ ಓದುಗನಿಗೂ ಪ್ರಸ್ತುತ ವೆನಿಸಬೇಕು.

ಇದರೊಂದಿಗೆ ಅತ್ಯುನ್ನತ ಗುಣಮಟ್ಟದ ಬರವಣಿಗೆ ಹಾಗೂ ರುಚಿಕರವಾದ ಭೋಜನ ಈ ಅಂಕಣದ ಜೀವಾಳ. ಸಾಮಾನ್ಯವಾಗಿ ಜಗತ್ತಿನ ಹೆಸರಾಂತ ರೆಸ್ಟೋರೆಂಟ್‌ಗಳ ಭರ್ಜರಿ ಭೋಜನವೇ ಇಲ್ಲಿನ ಕೇಂದ್ರಬಿಂದುವಾದರೂ, ಕೆಲವೊಮ್ಮೆ ವ್ಯಕ್ತಿಯ ಸ್ವಭಾವಕ್ಕೆ ತಕ್ಕಂತೆ ಬರ್ಗರ್ ಮತ್ತು ಬಿಯರ್‌ಗಳಂಥ ತೀರಾ ಸರಳ ಊಟಗಳೂ ಇಲ್ಲಿ ಜಾಗ ಪಡೆದಿವೆ.

ಕೇವಲ ಹಣ ಅಥವಾ ಅಧಿಕಾರವಷ್ಟೇ ಇಲ್ಲಿ ಮುಖ್ಯವಲ್ಲ. ಆ ವ್ಯಕ್ತಿಯ ಒಳಮನಸ್ಸಿನಲ್ಲಿರುವ ಕಥೆ ಮತ್ತು ಅವರ ಮಾತುಗಳಲ್ಲಿರುವ ಜೀವಂತಿಕೆ ಈ ಅಂಕಣಕ್ಕೆ ಪ್ರವೇಶ ಪಡೆಯುವ ಮುಖ್ಯ ಅರ್ಹತೆಯಾಗಿದೆ. ಸಾಮಾನ್ಯ ಸಂದರ್ಶನಗಳಿಗೂ ‘Lunch with the FT’ಗೂ ಇರುವ ಅತಿ ದೊಡ್ಡ ವ್ಯತ್ಯಾಸವೆಂದರೆ, ಇಲ್ಲಿ ಊಟದ ಸಂಗಾತಿಯಷ್ಟೇ ಆ ಇಡೀ ಭೋಜನದ ಅನುಭವವೂ ಮುಖ್ಯ ವಾಗಿರುತ್ತದೆ.

ಇದು ಕೇವಲ ಪ್ರಶ್ನೆ-ಉತ್ತರಗಳಿಗಷ್ಟೇ ಸೀಮಿತವಲ್ಲ. ಬದಲಿಗೆ ಆಪ್ತ, ಆಹ್ಲಾದಕರ ಹಾಗೂ ಅಷ್ಟೇ ಗಂಭೀರ ಸಂಭಾಷಣೆ. ರುಚಿಯಾದ ತಿನಿಸುಗಳು ಮೇಜಿನ ಮೇಲೆ ಬರುತ್ತಿದ್ದಂತೆ, ವ್ಯಕ್ತಿಯ ಮುಖವಾಡಗಳು ಬದಲಾಗುತ್ತವೆ. ಎದುರಿಗಿರುವ ವ್ಯಕ್ತಿ ಊಟವನ್ನು ಹೇಗೆ ಆನಂದಿಸುತ್ತಾನೆ, ಮಾಣಿಗಳನ್ನು ಹೇಗೆ ನಡೆಸಿಕೊಳ್ಳುತ್ತಾನೆ ಮತ್ತು ಆಹಾರದ ಜತೆಗೆ ತನ್ನ ಬದುಕನ್ನು ಹೇಗೆ ಮೆಲುಕು ಹಾಕುತ್ತಾನೆ ಎಂಬ ಸಣ್ಣ ಸಣ್ಣ ಸೂಕ್ಷ್ಮ ಅಂಶಗಳನ್ನು ಇಲ್ಲಿ ನಿಖರವಾಗಿ ಹಿಡಿದಿಡಲಾಗುತ್ತದೆ. ಗಂಭೀರವಾದ ರಾಜಕೀಯ ಅಥವಾ ಆರ್ಥಿಕ ವಿಷಯಗಳು ಕೂಡ ಊಟದ ಸವಿಯ ನಡುವೆ ಸರಾಗವಾಗಿ ಹರಿದುಬರುವುದು ಈ ಅಂಕಣದ ಮೋಡಿ. ಈ ಹೊಸ ಆವೃತ್ತಿಯಲ್ಲಿ ಸೇರ್ಪಡೆ ಯಾಗಿರುವ ಅತಿಥಿಗಳ ವೈವಿಧ್ಯವು ಈ ಅಂಕಣದ ಶಕ್ತಿಯನ್ನು ಎತ್ತಿಹಿಡಿಯುತ್ತದೆ.

ಒಂದು ಕಡೆ ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿಗಳಲ್ಲಿ ಒಬ್ಬರಾದ ಐಷಾರಾಮಿ ಬ್ರಾಂಡ್‌ಗಳ ದೊರೆ ಬರ್ನಾರ್ಡ್ ಆರ್ನಾಲ್ಟ್ ಅವರಿದ್ದರೆ, ಇನ್ನೊಂದು ಕಡೆ ಅಫ್ಘಾನಿಸ್ತಾನದ ಸಂಕಷ್ಟಗಳನ್ನು ಎದುರಿಸಿ ಗಡಿಪಾರಾದ ಧೀರ ಮಹಿಳಾ ಮೇಯರ್ ಜರೀಫಾ ಗಫಾರಿ ಇದ್ದಾರೆ. ಇಬ್ಬರ ಲೋಕವೂ ತೀರಾ ಭಿನ್ನ.

ಒಬ್ಬರದ್ದು ಅಗಾಧ ಸಂಪತ್ತಿನ ಸಾಮ್ರಾಜ್ಯವಾದರೆ, ಮತ್ತೊಬ್ಬರದ್ದು ಕಠಿಣ ಬದುಕಿನ ಹೋರಾಟ. ಆದರೆ ಇಬ್ಬರನ್ನೂ ಒಂದೇ ವೇದಿಕೆಯಲ್ಲಿ ಸಮಾನ ಗೌರವದಿಂದ ತಂದು ಕೂರಿಸುವುದು ಈ ಅಂಕಣದ ಮಾನವೀಯ ದೃಷ್ಟಿಕೋನಕ್ಕೆ ಸಾಕ್ಷಿ. ವಿಭಿನ್ನ ಹಿನ್ನೆಲೆಯ ವ್ಯಕ್ತಿಗಳ ಬದುಕಿನ ತತ್ವಗಳು ಊಟದ ಮೇಜಿನ ಮೇಲೆ ತೆರೆದುಕೊಳ್ಳುವ ರೀತಿ ಓದುಗರಿಗೆ ಅದ್ಭುತ ಲೋಕದರ್ಶನ ಮಾಡಿಸುತ್ತದೆ.

ಪತ್ರಕರ್ತರು ತಮ್ಮ ವೃತ್ತಿಜೀವನದಲ್ಲಿ ಕಂಡ ಅತ್ಯಂತ ಸ್ಮರಣೀಯ ಕ್ಷಣಗಳಲ್ಲಿ ಎಲೋನ್ ಮಸ್ಕ್ ಜತೆಗಿನ ಭೋಜನದ ಪ್ರಸಂಗವು ಎಂದಿಗೂ ಮರೆಯಲಾಗದಂಥದ್ದು. ಆಸ್ಟಿನ್ ನಗರದಲ್ಲಿ ಮಸ್ಕ್ ಅವರ ನೆಚ್ಚಿನ ಟೆಸ್ಲಾ ಕಾರಿನ ಪ್ರಯಾಣಿಸಿ, ಮೆಕ್ಸಿಕನ್ ರೆಸ್ಟೋರೆಂಟ್‌ಗೆ ತಲುಪಿದ ಆ ಕ್ಷಣಗಳು ಯಾವುದೇ ರೋಮಾಂಚಕ ಕಾದಂಬರಿಯ ದೃಶ್ಯದಂತಿವೆ. ಅಲ್ಲಿ ಮಂದ ಉರಿಯಲ್ಲಿ ಬೇಯಿಸಿದ ಕುರಿಮಾಂಸ ಮತ್ತು ಖಾರವಾದ ಮೆಣಸಿನಕಾಯಿ ಖಾದ್ಯಗಳನ್ನು ಸವಿಯುತ್ತಾ ಸಂಭಾಷಣೆ ಸಾಗುತ್ತದೆ. ‌

ಟ್ವಿಟರ್‌ನಲ್ಲಿ ತಾನೇಕೆ ತಮಾಷೆಯ ವರ್ತನೆ ತೋರುತ್ತೇನೆ ಮತ್ತು ಮಂಗಳ ಗ್ರಹವನ್ನು ವಸಾಹತ ನ್ನಾ ಗಿಸುವ ಕನಸಿನ ಹಿಂದಿನ ನೈಜ ಧ್ಯೇಯವೇನು ಎಂಬುದನ್ನು ಮಸ್ಕ್ ಯಾವುದೇ ಹಿಂಜರಿಕೆ ಯಿಲ್ಲದೇ ಹಂಚಿಕೊಳ್ಳುತ್ತಾರೆ. ಆಹಾರದ ನೈಸರ್ಗಿಕ ವಾತಾವರಣವು ವಿಶ್ವದ ಅತ್ಯಂತ ಪ್ರಭಾವಿ ವ್ಯಕ್ತಿಯ ಅಂತರಂಗದ ಹುಚ್ಚು ಕನಸುಗಳನ್ನು ಅನಾವರಣಗೊಳಿಸಿದ್ದು ಅಪರೂಪದ ಸಾಧನೆ. ಇದೇ ಅಂಕಣದಲ್ಲಿ ಊಟದ ತಟ್ಟೆಯು ಮನುಷ್ಯನ ವ್ಯಕ್ತಿತ್ವವನ್ನು ಬಿಂಬಿಸುವ ಕನ್ನಡಿಯಂತೆ ಕೆಲಸ ಮಾಡುತ್ತದೆ ಎಂಬುದು ಈ ಸರಣಿಯ ಅತ್ಯಂತ ಆಕರ್ಷಕ ಆಯಾಮ.

ಒಬ್ಬ ವ್ಯಕ್ತಿ ಮೆನುವನ್ನು ಹೇಗೆ ಓದುತ್ತಾನೆ, ತನಗೆ ಅಪರಿಚಿತವಾದ ರುಚಿಗಳನ್ನು ಹೇಗೆ ಸ್ವೀಕರಿಸು ತ್ತಾನೆ ಮತ್ತು ತಟ್ಟೆಯಲ್ಲಿರುವ ಆಹಾರವನ್ನು ಎಷ್ಟು ತಾಳ್ಮೆಯಿಂದ ಸವಿಯುತ್ತಾನೆ ಎಂಬುದು ಆತನ ನಾಯಕತ್ವ ಗುಣಗಳನ್ನು ಪರೋಕ್ಷವಾಗಿ ಸಾರುತ್ತದೆ. ಕೆಲವರು ಅಪರೂಪದ ವೈನ್ ಹಾಗೂ ಸೂಕ್ಷ್ಮ ಖಾದ್ಯಗಳನ್ನು ಅಳೆದು ಸುರಿದು ಆಯ್ಕೆ ಮಾಡಿದರೆ, ಇನ್ನು ಕೆಲವರು ತೀರಾ ಮುಕ್ತವಾಗಿ ಕೈಯಾರೆ ತಿನ್ನುತ್ತಾರೆ. ತಟ್ಟೆಯಲ್ಲಿನ ಪ್ರತಿಯೊಂದು ತುತ್ತೂ ಅವರ ಬಾಲ್ಯದ ನೆನಪುಗಳನ್ನು ಅಥವಾ ಬದುಕಿನ ಆದ್ಯತೆಗಳನ್ನು ಕೆದಕುತ್ತವೆ. ಈ ಕಾರಣಕ್ಕಾಗಿಯೇ ಓದುಗರಿಗೆ ಇಲ್ಲಿನ ಪ್ರತಿ ಸಂಭಾಷಣೆಯೂ ಕೇವಲ ಸುದ್ದಿಯಾಗದೇ, ಆಪ್ತ ಸ್ನೇಹಿತನ ಜತೆಗಿನ ಅನುಭವದಂತೆ ಭಾಸವಾಗುತ್ತದೆ.

ಈಗ ‘ಫೈನಾನ್ಷಿಯಲ್ ಟೈಮ್ಸ್’ ತನ್ನ 135ನೇ ವಾರ್ಷಿಕೋತ್ಸವವನ್ನು ಆಚರಿಸಿಕೊಳ್ಳುತ್ತಿದ್ದು, ಈ ಸಂದರ್ಭದಲ್ಲಿ "Lunch with the FT' ಯ ಹೊಸ ಸಂಪುಟವನ್ನು ಹೊರತರುತ್ತಿದೆ. ಕಳೆದ ಶತಮಾನ ದಲ್ಲಿ ಮುದ್ರಣ ಮಾಧ್ಯಮವಾಗಿ ಆರಂಭವಾದ ಈ ಪತ್ರಿಕೆ, ಇಂದು ಜಾಗತಿಕ ಡಿಜಿಟಲ್ ಸುದ್ದಿ ಸಂಸ್ಥೆಯಾಗಿ ಯಶಸ್ವಿ ರೂಪಾಂತರ ಕಂಡಿದೆ. ವಿಶ್ವಾದ್ಯಂತ 13 ಲಕ್ಷಕ್ಕಿಂತ ಅಧಿಕ ಚಂದಾದಾರ ರನ್ನು ಹೊಂದುವ ಮೂಲಕ ಡಿಜಿಟಲ್ ಯುಗದಲ್ಲೂ ತನ್ನ ಪಾರಮ್ಯವನ್ನು ಮೆರೆದಿದೆ.

ಮಾಧ್ಯಮ ಲೋಕವು ಕ್ಷಣಕ್ಷಣಕ್ಕೂ ಬದಲಾಗುತ್ತಿರುವ ಈ ಹೊತ್ತಿನಲ್ಲಿ, ಪತ್ರಿಕೆಯು ತನ್ನ ಗುಣಮಟ್ಟ ಮತ್ತು ವಿಶ್ವಾಸಾರ್ಹತೆಯನ್ನು ಉಳಿಸಿಕೊಂಡು ಈ ಮಟ್ಟದ ಯಶಸ್ಸು ಕಂಡಿರುವುದು ಒಂದು ಮಹತ್ತರ ಮೈಲಿಗಲ್ಲು. ಜಗತ್ತು ಕೃತಕ ಬುದ್ಧಿಮತ್ತೆ ಮತ್ತು ಡಿಜಿಟಲ್ ಸಂವಹನದ ಅತಿವೇಗದ ಕಡೆಗೆ ಧಾವಿಸುತ್ತಿದ್ದರೂ, ಮಾನವೀಯ ಸ್ಪರ್ಶಕ್ಕೆ ಪರ್ಯಾಯವಿಲ್ಲ ಎಂಬುದನ್ನು ಈ ಅಂಕಣ ಸಾಬೀತುಪಡಿಸಿದೆ.

ಇಬ್ಬರು ವ್ಯಕ್ತಿಗಳು ಮುಖಾಮುಖಿ ಕುಳಿತು, ಪರಸ್ಪರರ ಕಣ್ಣಲ್ಲಿ ಕಣ್ಣಿಟ್ಟು, ಊಟ ಸವಿಯುತ್ತಾ ಹಂಚಿ ಕೊಳ್ಳುವ ಭಾವನೆಗಳನ್ನು ಯಾವುದೇ ತಂತ್ರಜ್ಞಾನವೂ ಸೃಷ್ಟಿಸಲಾಗದು. ಮಾಹಿತಿ ತಂತ್ರಜ್ಞಾನ, ಚಾರ್ಟ್‌ಗಳು ಮತ್ತು ಗ್ರಾಫಿಕ್ಸ್‌ಗಳು ಮಿದುಳಿಗೆ ಆಹಾರ ನೀಡಿದರೆ, "Lunch with the FT' ಮನಸ್ಸಿಗೆ ಹಿತವಾದ ಔತಣವನ್ನು ನೀಡುತ್ತದೆ.

ಪತ್ರಿಕೋದ್ಯಮದ ಮೂಲ ಸತ್ವವಾದ ಮುಕ್ತ ಸಂಭಾಷಣೆ ಮತ್ತು ಸತ್ಯದ ಹುಡುಕಾಟಕ್ಕೆ ಈ ಅಂಕಣಕ್ಕಿಂತ ರುಚಿಕರವಾದ ಮತ್ತು ತೃಪ್ತಿದಾಯಕವಾದ ಮಾಧ್ಯಮ ಬೇರೊಂದಿಲ್ಲ. ಪತ್ರಿಕೆಯ ಪುಟಗಳಲ್ಲಿ ಅಂಕಣ ವಾಗಿ ಓದುಗರನ್ನು ರಂಜಿಸುತ್ತಿದ್ದ Lunch with the FT ಈಗ ಪುಸ್ತಕ ರೂಪದಲ್ಲೂ ಹೊರಬಂದು ಜಾಗತಿಕ ಸಾಹಿತ್ಯಾಸಕ್ತರ ಅಪಾರ ಮೆಚ್ಚುಗೆಗೆ ಪಾತ್ರವಾಗಿದೆ.

ದಶಕಗಳ ಕಾಲ ಜಗತ್ತಿನ ಮುಂಚೂಣಿ ಉದ್ಯಮಿಗಳು, ವಿಶ್ವ ನಾಯಕರು, ವಿಜ್ಞಾನಿಗಳು, ಸಾಹಿತಿಗಳು ಹಾಗೂ ಗೂಢಚಾರರೊಂದಿಗೆ ಊಟದ ಮೇಜಿನಲ್ಲಿ ನಡೆದ ನೈಜ, ಮುಕ್ತ ಹಾಗೂ ಆಪ್ತ ಸಂಭಾಷಣೆ ಗಳನ್ನು ಈ ಕೃತಿಯಲ್ಲಿ ಒಟ್ಟಾಗಿ ಸಂಗ್ರಹಿಸಲಾಗಿದೆ. ದಿನಪತ್ರಿಕೆಯ ಧಾವಂತದಲ್ಲಿ ಓದಿ ಮರೆತು ಹೋಗಬಹುದಾಗಿದ್ದ ಅಪರೂಪದ ಕ್ಷಣಗಳು ಪುಸ್ತಕದ ಅಚ್ಚುಕಟ್ಟಾದ ಪುಟಗಳಲ್ಲಿ ಶಾಶ್ವತ ದಾಖಲೆಯಾಗಿ ಉಳಿದುಕೊಂಡಿವೆ.

ಆಹಾರದ ನವಿರಾದ ಅಭಿರುಚಿಯ ಜತೆಗೆ ಮಾನವೀಯ ಸಂಬಂಧಗಳು ಮತ್ತು ಜಾಗತಿಕ ವಿದ್ಯಮಾನಗಳ ಒಳನೋಟಗಳನ್ನು ತೆರೆದಿಡುವ ಈ ಪುಸ್ತಕ, ಪತ್ರಿಕೋದ್ಯಮದ ಸಂದರ್ಶನ ಪ್ರಕಾರಕ್ಕೊಂದು ಉದಾತ್ತ ಮಾದರಿ. ಪುಸ್ತಕ ಪ್ರಿಯರ ಸಂಗ್ರಹಕ್ಕೆ ಅತ್ಯಂತ ಮೌಲ್ಯಯುತವಾದ ಈ ಕೃತಿಯು, ಕೇವಲ ಗಣ್ಯರ ಸಾಧನೆಗಳನ್ನು ಹೊಗಳುವುದಕ್ಕಷ್ಟೇ ಸೀಮಿತವಾಗದೆ, ಅವರ ಸಣ್ಣಸಣ್ಣ ದೌರ್ಬಲ್ಯಗಳು, ವೈಯಕ್ತಿಕ ಇಷ್ಟ-ಕಷ್ಟಗಳು ಹಾಗೂ ವಿಲಕ್ಷಣ ಆಲೋಚನೆಗಳನ್ನು ನಿಷ್ಪಕ್ಷಪಾತ ವಾಗಿ ಹಿಡಿದಿಡುತ್ತದೆ.

ಊಟದ ಬಿಲ್ ಯಾರು ಪಾವತಿಸಿದರು ಎಂಬ ಸಣ್ಣ ವಿವರದಿಂದ ಹಿಡಿದು, ಅವರು ಆರಿಸಿದ ತಿನಿಸುಗಳ ವೈಶಿಷ್ಟ್ಯಗಳವರೆಗೆ ಪ್ರತಿಯೊಂದೂ ರಸವತ್ತಾಗಿ ಮೂಡಿಬಂದಿರುವುದರಿಂದ ಇದು ಕೇವಲ ಸಂದರ್ಶನಗಳ ಸಂಕಲನವಾಗಿರದೇ, ಅತ್ಯುತ್ತಮ ಪ್ರಬಂಧಗಳ ಹಾಗೂ ಜೀವನಚಿತ್ರಗಳ ಸಂಗ್ರಹದಂತೆ ಭಾಸವಾಗುತ್ತದೆ.

ಆಕರ್ಷಕ ವಿನ್ಯಾಸ ಮತ್ತು ಸಾಹಿತ್ಯಿಕ ಮೌಲ್ಯದಿಂದಾಗಿ ಓದುಗರ ಕೈಯಲ್ಲಿ ಒಂದು ಉತ್ತಮ ಪುಸ್ತಕವನ್ನು ಹಿಡಿದು ಓದುವ ತೃಪ್ತಿಯನ್ನು ನೀಡುವ ಈ ಕೃತಿ, ಜಾಗತಿಕ ವಿದ್ಯಮಾನಗಳನ್ನು ಆಪ್ತ ಶೈಲಿಯಲ್ಲಿ ಅರಿಯಬಯಸುವ ಪ್ರತಿಯೊಬ್ಬರಿಗೂ ಕಡ್ಡಾಯವಾಗಿ ಓದಬೇಕಾದ ಪುಸ್ತಕವಾಗಿದೆ.

]]>

Vishwavani Impact: ನಾಲ್ಕು ದಶಕಗಳ ಸಾಹಿತ್ಯ, ಹೋರಾಟದ ಪಯಣಕ್ಕೆ ತವರಿನ ಗೌರವ: ಗೊಲ್ಲಹಳ್ಳಿ ಶಿವಪ್ರಸಾದ್‌ಗೆ ಜಿಲ್ಲಾ ಸಾಹಿತ್ಯ ಸಮ್ಮೇಳನದ ಸಾರಥ್ಯ |

Sun, 08 Nov 2026 01:30:03 +0000

ಅ.26ರಂದು ಪ್ರಕಟಿಸಿದ್ದ ವಿಶೇಷ ವರದಿಗೆ ಫಲಶ್ರುತಿ

ಮುನಿರಾಜು ಎಂ ಅರಿಕೆರೆ

ಚಿಂತಾಮಣಿ: ನಾಲ್ಕು ದಶಕಗಳಿಗೂ ಹೆಚ್ಚು ಕಾಲ ಸಾಹಿತ್ಯ, ಜನಪದ, ಸಾಂಸ್ಕೃತಿಕ ಹಾಗೂ ಸಾಮಾಜಿಕ ಹೋರಾಟಗಳ ಮೂಲಕ ನಾಡಿನ ಗಮನ ಸೆಳೆದಿರುವ ಹಿರಿಯ ಸಾಹಿತಿ, ಜನಪದ ಕಲಾವಿದ ಗೊಲ್ಲಹಳ್ಳಿ ಶಿವಪ್ರಸಾದ್(Gollahalli Shivaprasad) ಅವರಿಗೆ ಕೊನೆಗೂ ತವರಿನ ಗೌರವ ಸಂದಿದೆ.

ಚಿಂತಾಮಣಿಯಲ್ಲಿ ನ.19 ಮತ್ತು 20ರಂದು ನಡೆಯಲಿರುವ 11ನೇ ಜಿಲ್ಲಾ ಕನ್ನಡ ಸಾಹಿತ್ಯ ಸಮ್ಮೇಳನ(Kannada Sahitya Sammelana)ದ ಸರ್ವಾಧ್ಯಕ್ಷರಾಗಿ ಅವರನ್ನು ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತಿನ ಕಾರ್ಯಕಾರಿ ಸಮಿತಿ ಶುಕ್ರವಾರ ನಡೆದ ಸಭೆಯಲ್ಲಿ ಸರ್ವಾನುಮತದಿಂದ ಆಯ್ಕೆ ಮಾಡಿದೆ.

ಗೊಲ್ಲಹಳ್ಳಿ ಶಿವಪ್ರಸಾದ್ ಅವರನ್ನು ಸಮ್ಮೇಳನದ ಸರ್ವಾಧ್ಯಕ್ಷರನ್ನಾಗಿ ಆಯ್ಕೆ ಮಾಡಬೇಕೆಂದು ಆಗ್ರಹಿಸಿ ಅಕ್ಟೋಬರ್ 26ರಂದು ವಿಶ್ವವಾಣಿ ಪತ್ರಿಕೆಯಲ್ಲಿ ‘ಶಿವಪ್ರಸಾದ್‌ಗೆ ಸಮ್ಮೇಳನದ ಸಾರಥ್ಯ ಒಲಿಯುವುದೇ?’ ಎಂಬ ಶೀರ್ಷಿಕೆಯಡಿ ವಿಶೇಷ ವರದಿ ಪ್ರಕಟಿಸಲಾಗಿತ್ತು.

ಇದನ್ನೂ ಓದಿ: Chikkaballapur News: ನ.12ರಂದು ರೈತರ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಬೃಹತ್ ಪ್ರತಿಭಟನೆ

ನಾಲ್ಕು ದಶಕಗಳ ಸಾಹಿತ್ಯ, ಜಾನಪದ ಮತ್ತು ಹೋರಾಟದ ಪಯಣಕ್ಕೆ ತವರಿನ ಗೌರವ ಸಲ್ಲಿಸ ಬೇಕೆಂಬ ಸಾಹಿತ್ಯಾಸಕ್ತರ ಅಭಿಪ್ರಾಯ ಹಾಗೂ ಅವರ ಸಾಧನೆಗಳನ್ನು ವರದಿ ಮೂಲಕ ಗಮನಕ್ಕೆ ತರಲಾಗಿತ್ತು. ಇದೀಗ ಅವರ ಆಯ್ಕೆಯೊಂದಿಗೆ ಆ ಮನವಿಗೆ ಸಕಾರಾತ್ಮಕ ಫಲ ದೊರೆತಂತಾಗಿದೆ.

ಕವಿಯಾಗಿ, ಹಾಡುಗಾರನಾಗಿ, ವಾಗ್ಮಿಯಾಗಿ ಹಾಗೂ ಜನಪರ ಹೋರಾಟಗಳ ಸಂಗಾತಿಯಾಗಿ ಗುರುತಿಸಿಕೊಂಡಿರುವ ಶಿವಪ್ರಸಾದ್ ಅವರು ನೆಲಮೂಲ ಸಂಸ್ಕೃತಿ, ಸಾಮಾಜಿಕ ನ್ಯಾಯ, ಪರಿಸರ, ಕನ್ನಡಪರ ಚಳವಳಿ ಮತ್ತು ಜನಸಾಮಾನ್ಯರ ಬದುಕಿನ ಪ್ರಶ್ನೆಗಳನ್ನು ತಮ್ಮ ಸಾಹಿತ್ಯದ ಮೂಲಕ ಪರಿಣಾಮಕಾರಿಯಾಗಿ ಅಭಿವ್ಯಕ್ತಿಸಿದ್ದಾರೆ.

ಅವರ ‘ಎಲ್ಲಾ ಮಾಯ, ನಾಳೆ ನಾವು ಮಾಯ’ ಹಾಡು ದೇಶದಾದ್ಯಂತ ಜನಪ್ರಿಯತೆ ಗಳಿಸಿದ್ದು, ‘ನೀರಿಗಾಗಿ ನಿಮಿಷ ಮಾತನಾಡುವಿರಾ’ ಗೀತೆ ಶಾಶ್ವತ ನೀರಾವರಿ ಹೋರಾಟದ ಧ್ಯೇಯಗೀತೆಯಾಗಿ ಗುರುತಿಸಿಕೊಂಡಿದೆ.

ಕರ್ನಾಟಕ ಸರ್ಕಾರದ ಚಲನಚಿತ್ರ ಪ್ರಶಸ್ತಿ, ಡಾ. ಬಿ.ಆರ್. ಅಂಬೇಡ್ಕರ್ ಪ್ರಶಸ್ತಿ ಸೇರಿದಂತೆ ಹಲವು ಗೌರವಗಳಿಗೆ ಪಾತ್ರರಾಗಿರುವ ಅವರು ಗೌರವ ಡಾಕ್ಟರೇಟ್ ಕೂಡ ಪಡೆದಿದ್ದಾರೆ. ಕರ್ನಾಟಕ ಜಾನಪದ ಅಕಾಡೆಮಿಯ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿರುವುದಲ್ಲದೆ, ಚಿಂತಾಮಣಿ ತಾಲ್ಲೂಕಿನ ಪ್ರಥಮ ಕನ್ನಡ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷರಾಗಿಯೂ ಕಾರ್ಯನಿರ್ವಹಿಸಿದ್ದಾರೆ.

ಜಿಲ್ಲೆಯ ನೆಲಮೂಲ ಸಂಸ್ಕೃತಿ, ಜನಪರ ಸಾಹಿತ್ಯ ಮತ್ತು ಹೋರಾಟದ ಪರಂಪರೆಗೆ ಈ ಆಯ್ಕೆ ಗೌರವ ಸಲ್ಲಿಸಿದಂತಾಗಿದೆ. ಅಕ್ಟೋಬರ್ 26ರಂದು ವಿಶ್ವವಾಣಿ ಪ್ರಕಟಿಸಿದ್ದ ವಿಶೇಷ ವರದಿಗೆ ಈ ಆಯ್ಕೆಯು ಫಲಶ್ರುತಿಯಾಗಿದ್ದು, ಸಾಹಿತ್ಯಾಸಕ್ತರು ಹಾಗೂ ಸಾಂಸ್ಕೃತಿಕ ವಲಯದಲ್ಲಿ ಸಂತಸ ವ್ಯಕ್ತವಾಗಿದೆ.

]]>

ದೀಪಾವಳಿಯಲ್ಲಿ ಲಕ್ಷ್ಮೀ ಪೂಜೆ ಮಾಡುವುದು ಹೇಗೆ? ಸಮಯ, ಮುಹೂರ್ತ ಯಾವಾಗ?

Sun, 08 Nov 2026 01:30:00 +0000

ಬೆಂಗಳೂರು: ದೀಪಾವಳಿಯ (Diwali 2026) ಪ್ರಮುಖ ಆಚರಣೆಯಾದ ಲಕ್ಷ್ಮೀ ಪೂಜೆಯನ್ನು (Lakshmi Pooje) ಈ ವರ್ಷ ನವೆಂಬರ್ 8ರ ಭಾನುವಾರ ಆಚರಿಸಲಾಗುತ್ತಿದೆ. ಈ ದಿನದಂದು ಧನಲಕ್ಷ್ಮಿಯನ್ನು ಆರಾಧಿಸಲಾಗುತ್ತದೆ. ಶಾಸ್ತ್ರಗಳ ಪ್ರಕಾರ ಪ್ರದೋಷ ಕಾಲದಲ್ಲಿ ಲಕ್ಷ್ಮೀ ಪೂಜೆ ಮಾಡುವುದು ಅತ್ಯಂತ ಶ್ರೇಷ್ಠ ಎಂದು ಹೇಳಾಗುತ್ತದೆ. ಈ ಬಾರಿಯ ದೀಪಾವಳಿ ಲಕ್ಷ್ಮೀ ಪೂಜೆಯ ದಿನದಂದು ಇಡೀ ದಿನ ಸ್ವಾತಿ ನಕ್ಷತ್ರ ಇರಲಿದೆ. ಇದರೊಂದಿಗೆ ಬೆಳಿಗ್ಗೆಯಿಂದಲೇ ಅತ್ಯಂತ ಶ್ರೇಷ್ಠವಾದ ಆಯುಷ್ಮಾನ್ ಯೋಗ ಇರಲಿದ್ದು, ಈ ಶುಭ ಸಮಯದಲ್ಲಿ ದೇವಿಯನ್ನು ಆರಾಧಿಸುವುದರಿಂದ ಕುಟುಂಬದಲ್ಲಿ ಸುಖ, ಸಮೃದ್ಧಿ ಹೆಚ್ಚುವುದಲ್ಲದೆ, ಆರೋಗ್ಯ ಮತ್ತು ಆಯುಸ್ಸು ವೃದ್ಧಿಯಾಗುತ್ತದೆ ಎಂಬ ಬಲವಾದ ನಂಬಿಕೆಯಿದೆ.

ನವೆಂಬರ್‌ 8, ಭಾನುವಾರ ಅಮಾವಾಸ್ಯೆ ತಿಥಿ ಆರಂಭವಾಗುತ್ತದೆ. 2026ರ ನವೆಂಬರ್‌ 8, ಭಾನುವಾರ ಬೆಳಗ್ಗೆ 11:27 ಅಮಾವಾಸ್ಯೆ ತಿಥಿ ಮುಕ್ತಾಯಗೊಳ್ಳಲಿದೆ. ಭಾನುವಾರ ಸಂಜೆ 5:54 7:50. ಲಕ್ಷ್ಮಿ ದೇವಿಯು ಮುಸ್ಸಂಜೆ ಸಮಯದಲ್ಲಿ ತನ್ನ ಸಂಚಾರವನ್ನು ಪ್ರಾರಂಭಿಸುವುದರಿಂದ ಈ ಸಮಯದಲ್ಲಿ ಲಕ್ಷ್ಮಿ ದೇವಿಯ ಪೂಜೆಯನ್ನು ಮಾಡುವುದು ಶುಭವೆಂದು ಪರಿಗಣಿಸಲಾಗುತ್ತದೆ.

ಲಕ್ಷ್ಮೀ ಪೂಜೆ ಮಾಡುವುದು ಹೇಗೆ?

ಮೊದಲು ಪೂಜಾ ಸ್ಥಳವನ್ನು ಸ್ವಚ್ಛಗೊಳಿಸಿ, ರಂಗೋಲಿ ಹಾಕಿ, ಮಾವಿನ ಎಲೆ ಮತ್ತು ಹೂವುಗಳಿಂದ ಅಲಂಕರಿಸಿ. ಒಂದು ಮರದ ಮಣೆ ಇಟ್ಟು, ಅದರ ಮೇಲೆ ಕೆಂಪು ಅಥವಾ ಹಳದಿ ಬಣ್ಣದ ಹೊಸ ಬಟ್ಟೆಯನ್ನು ಹಾಸಿ. ಅದರ ಮೇಲೆ ಸ್ವಲ್ಪ ಅಕ್ಕಿಯನ್ನು ಹರಡಿ. ಬೆಳ್ಳಿ ಅಥವಾ ತಾಮ್ರದ ಬಿಂದಿಗೆಗೆ ನೀರು ತುಂಬಿಸಿ, ಅದರಲ್ಲಿ ಅಡಿಕೆ, ನಾಣ್ಯ, ಅರಿಶಿನ, ಕುಂಕುಮ ಹಾಕಿ. ಕಳಸದ ಬಾಯಿಗೆ ಮಾವಿನ ಎಲೆಗಳನ್ನು ಇಟ್ಟು, ಮೇಲೆ ತೆಂಗಿನಕಾಯಿಯನ್ನು ಇರಿಸಿ. ಕಳಸದ ಪಕ್ಕದಲ್ಲಿ ಲಕ್ಷ್ಮೀ ದೇವಿ ಮತ್ತು ವಿಘ್ನನಿವಾರಕ ಗಣೇಶನ ಮೂರ್ತಿ ಅಥವಾ ಫೋಟೋವನ್ನು ಇರಿಸಿ. ನಂತರ ಅರಿಶಿಣ ಕುಂಕುಮ ಹಚ್ಚಿ ಪೂಜೆ ಮಾಡಿ.

ಪೂಜೆ ಮಾಡುವಾಗ ಈ ಕೆಳಗಿನ ಸ್ತೋತ್ರವನ್ನು ಪಠಿಸಿ

ಶ್ರೀ ಮಹಾಲಕ್ಷ್ಮಿ ಅಷ್ಟಕಂ

ನಮಸ್ತೇಸ್ತು ಮಹಾಮಾಯೇ ಶ್ರೀಪೀಠೇ ಸುರಪೂಜಿತೇ

ಶಂಖಚಕ್ರಗದ ಹಸ್ತೇ ಮಹಾಲಕ್ಷ್ಮಿ ನಮೋಸ್ತು ತೇ

ನಮಸ್ತೇ ಗರುಡಾರೂಢೇ ಕೋಲಾಸುರಭಯಂಕರಿ

ಸರ್ವಪಾಪಹರೇ ದೇವಿ ಮಹಾಲಕ್ಷ್ಮಿ ನಮೋಸ್ತು ತೇ

ಸರ್ವಜ್ಞೇ ಸರ್ವವರದೇ ಸರ್ವದುಷ್ಟಭಯಂಕರಿ

ಸರ್ವದುಃಖಹರೇ ದೇವಿ ಮಹಾಲಕ್ಷ್ಮಿ ನಮೋಸ್ತು ತೇ

ಸಿದ್ಧಿಬುದ್ಧಿಪ್ರದೇ ದೇವಿ ಭುಕ್ತಿಮುಕ್ತಿಪ್ರದಾಯಿನಿ

ಮಂತ್ರಮೂರ್ತೇ ಸದಾ ದೇವಿ ಮಹಾಲಕ್ಷ್ಮಿ ನಮೋಸ್ತು ತೇ

ಆದ್ಯಂತರಹಿತೇ ದೇವಿ ಆದ್ಯಶಕ್ತಿ ಮಹೇಶ್ವರಿ

ಯೋಗಜೇ ಯೋಗಸಂಭೂತೇ ಮಹಾಲಕ್ಷ್ಮಿ ನಮೋಸ್ತು ತೇ

ಸ್ಥೂಲಸೂಕ್ಷ್ಮಮಹಾರೌದ್ರೇ ಮಹಾಶಕ್ತಿ ಮಹೋದರೇ

ಮಹಾಪಾಪಹರೇ ದೇವಿ ಮಹಾಲಕ್ಷ್ಮಿ ನಮೋಸ್ತು ತೇ

ಪದ್ಮಾಸನಸ್ಥಿತೇ ದೇವಿ ಪರಬ್ರಹ್ಮಸ್ವರೂಪಿಣಿ

ಪರಮೇಶಿ ಜಗನ್ಮಾತರ್ ಮಹಾಲಕ್ಷ್ಮಿ ನಮೋಸ್ತು ತೇ

ಶ್ವೇತಾಂಬರಧರೇ ದೇವಿ ನಾನಾಲಂಕಾರಭೂಷಿತೇ

ಜಗತ್ಸ್ಥಿತೇ ಜಗನ್ಮಾತರ್ ಮಹಾಲಕ್ಷ್ಮಿ ನಮೋಸ್ತು ತೇ

]]>

ದಿನ ಭವಿಷ್ಯ ನವೆಂಬರ್ 8, 2026: ಈ ದೀಪಾವಳಿ ವೇಳೆ ನಿಮ್ಮ ಬಾಳಿಗೆ ಬೆಳಕು; ಹಿರಿಯರ ಆಶೀರ್ವಾದಿಂದ ಪ್ರಗತಿ

Sun, 08 Nov 2026 00:30:00 +0000

ಬೆಂಗಳೂರು: ದೀಪಾವಳಿಯ ಈ ಶುಭ ಸಂದರ್ಭದಲ್ಲಿ ಮೇಷ, ವೃಷಭ, ಮಿಥುನ, ಕರ್ಕ, ಸಿಂಹ, ಕನ್ಯಾ, ತುಲಾ, ವೃಶ್ಚಿಕ, ಧನು, ಮಕರ, ಕುಂಭ, ಮೀನ ರಾಶಿಗಳ ಭವಿಷ್ಯ ಹೇಗಿರಲಿದೆ ಎನ್ನುವ ನಿಮ್ಮ ಕುತೂಹಲಕ್ಕ ಇಲ್ಲಿದೆ ಉತ್ತರ.

ಮೇಷ ರಾಶಿ: ಇಂದು ನಿಮ್ಮ ಕೆಲಸಗಳಲ್ಲಿ ಉತ್ಸಾಹ ಹೆಚ್ಚಾಗಲಿದೆ. ಉದ್ಯೋಗದಲ್ಲಿ ಹೊಸ ಜವಾಬ್ದಾರಿ ಸಿಗಬಹುದು. ಆರ್ಥಿಕ ವಿಚಾರದಲ್ಲಿ ಎಚ್ಚರಿಕೆ ಇರಲಿ. ಕುಟುಂಬದವರೊಂದಿಗೆ ಸಂತೋಷದ ಕ್ಷಣಗಳನ್ನು ಕಳೆಯುವಿರಿ. ಮಧ್ಯಾಹ್ನ ಒಬ್ಬ ಪ್ರಮುಖ ವ್ಯಕ್ತಿಯನ್ನು ಭೇಟಿ ಮಾಡ್ತೀರಿ. ಲಕ್ಷ್ಮೀ ಪೂಜೆ ಮಾಡುವಾಗ ನಿಮ್ಮ ಮನಸ್ಸಿನಲ್ಲಿ ಅಂದುಕೊಂಡ ಆಸೆ ನೆರವೇರುತ್ತೆ.

ವೃಷಭ ರಾಶಿ: ಹಣಕಾಸಿನ ವಿಚಾರದಲ್ಲಿ ಶುಭ ಸುದ್ದಿ ಕೇಳುವ ಸಾಧ್ಯತೆ ಇದೆ. ವ್ಯಾಪಾರದಲ್ಲಿ ಲಾಭದ ನಿರೀಕ್ಷೆ. ಅನಗತ್ಯ ಖರ್ಚುಗಳಿಗೆ ಕಡಿವಾಣ ಹಾಕಿ. ಆರೋಗ್ಯದ ಕಡೆ ಗಮನಹರಿಸಿ. ನಿಮ್ಮ ರಾಶಿಗೆ ಚಂದ್ರ ಬಂದಿದ್ದಾನೆ. ನೀವು ಹೇಳಿದ್ದೆಲ್ಲ ನಡೆಯುತ್ತೆ. ನಿಮ್ಮ ಮಾತಿಗೆ ಎಲ್ಲರೂ ಬೆಲೆ ಕೊಡ್ತಾರೆ.

ಮಿಥುನ ರಾಶಿ: ನಿಮ್ಮ ಮಾತು ಇತರರ ಮೇಲೆ ಉತ್ತಮ ಪ್ರಭಾವ ಬೀರಲಿದೆ. ಉದ್ಯೋಗದಲ್ಲಿ ಪ್ರಗತಿ ಕಂಡುಬರಲಿದೆ. ಹೊಸ ಸ್ನೇಹಿತರ ಪರಿಚಯವಾಗಬಹುದು. ಕುಟುಂಬದಲ್ಲಿ ನೆಮ್ಮದಿ ಇರಲಿದೆ. ಹಳೆ ಫ್ರೆಂಡ್ ಕಾಲ್ ಮಾಡುವ ಸಾಧ್ಯತೆ ಇದೆ.

ಕಟಕ ರಾಶಿ: ಇಂದು ಸ್ವಲ್ಪ ತಾಳ್ಮೆಯಿಂದ ವರ್ತಿಸುವುದು ಉತ್ತಮ. ಕೆಲಸದಲ್ಲಿ ಕೆಲವು ಅಡೆತಡೆಗಳು ಎದುರಾಗಬಹುದು. ಹಿರಿಯರ ಸಲಹೆ ಪಡೆಯಿರಿ. ಆರ್ಥಿಕ ಪರಿಸ್ಥಿತಿ ಸುಧಾರಿಸಲಿದೆ.

ಸಿಂಹ ರಾಶಿ: ನಿಮ್ಮ ಆತ್ಮವಿಶ್ವಾಸ ಹೆಚ್ಚಾಗಲಿದೆ. ಉದ್ಯೋಗ ಮತ್ತು ವ್ಯಾಪಾರದಲ್ಲಿ ಉತ್ತಮ ಅವಕಾಶ ಒದಗಿಬರಬಹುದು. ಬಹುದಿನಗಳ ಆಸೆ ಈಡೇರುವ ಸಾಧ್ಯತೆ ಇದೆ. ದಾಂಪತ್ಯ ಜೀವನದಲ್ಲಿ ಸಂತೋಷ ಇರಲಿದೆ. ಆನ್‌ಲೈನ್‌ನಲ್ಲಿ ಒಂದು ಒಳ್ಳೆಯ ಡೀಲ್ ಸಿಗುತ್ತೆ.

ನಗರೀಕರಣದ ನೆರಳಿನಲ್ಲಿ ಕಣ್ಮರೆಯಾಗುತ್ತಿರುವ ‘ಹಂಡೆ ಶೃಂಗಾರ’ ಸಂಪ್ರದಾಯ

ಕನ್ಯಾ ರಾಶಿ: ಹೊಸ ಯೋಜನೆಗಳನ್ನು ಆರಂಭಿಸಲು ಉತ್ತಮ ದಿನ. ಹಣಕಾಸಿನ ವ್ಯವಹಾರದಲ್ಲಿ ಎಚ್ಚರಿಕೆ ಅಗತ್ಯ. ಕೆಲಸದ ಒತ್ತಡ ಹೆಚ್ಚಾಗಬಹುದು. ಆರೋಗ್ಯದ ಬಗ್ಗೆ ನಿರ್ಲಕ್ಷ್ಯ ಬೇಡ.

ತುಲಾ ರಾಶಿ: ಇಂದು ಅದೃಷ್ಟ ನಿಮ್ಮ ಕೈಹಿಡಿಯಲಿದೆ. ಉದ್ಯೋಗದಲ್ಲಿ ಮೇಲಧಿಕಾರಿಗಳ ಮೆಚ್ಚುಗೆ ಗಳಿಸುವಿರಿ. ವ್ಯಾಪಾರದಲ್ಲಿ ಉತ್ತಮ ಬೆಳವಣಿಗೆ ಕಂಡುಬರಲಿದೆ. ಕುಟುಂಬದಲ್ಲಿ ಶುಭ ಸಮಾರಂಭದ ಮಾತುಕತೆ ನಡೆಯಬಹುದು. ಸಂಗಾತಿ ಜತೆ ಸಣ್ಣ ಜಗಳ ಆಗಬಹುದು.

ವೃಶ್ಚಿಕ ರಾಶಿ: ಆರ್ಥಿಕ ವಿಚಾರದಲ್ಲಿ ಎಚ್ಚರಿಕೆಯಿಂದ ನಿರ್ಧಾರ ತೆಗೆದುಕೊಳ್ಳಿ. ಕೆಲಸದಲ್ಲಿ ನಿಮ್ಮ ಪರಿಶ್ರಮಕ್ಕೆ ತಕ್ಕ ಪ್ರತಿಫಲ ದೊರೆಯಲಿದೆ. ಆತುರದ ನಿರ್ಧಾರಗಳಿಂದ ದೂರವಿರಿ. ಸ್ನೇಹಿತರ ಸಹಕಾರ ಸಿಗಲಿದೆ.

ಧನು ರಾಶಿ: ಹೊಸ ಅವಕಾಶಗಳು ನಿಮ್ಮನ್ನು ಹುಡುಕಿಕೊಂಡು ಬರಬಹುದು. ಉದ್ಯೋಗ ಬದಲಾವಣೆಗೆ ಪ್ರಯತ್ನಿಸುತ್ತಿರುವವರಿಗೆ ಶುಭ ಸುದ್ದಿ ಸಿಗಲಿದೆ. ಪ್ರಯಾಣದ ಯೋಗವಿದೆ. ಕುಟುಂಬದಲ್ಲಿ ನೆಮ್ಮದಿ ಇರಲಿದೆ. ಬೆಂಗಳೂರಲ್ಲಿ ಸಂಜೆ ಮಳೆ ಸಾಧ್ಯತೆ. ದ್ವಿಚಕ್ರ ಸವಾರರು ಎಚ್ಚರಿಕೆ ವಹಿಸಿ.

ಮಕರ ರಾಶಿ: ಇಂದು ನಿಮ್ಮ ಕಾರ್ಯಗಳಲ್ಲಿ ಯಶಸ್ಸು ದೊರೆಯಲಿದೆ. ವ್ಯಾಪಾರದಲ್ಲಿ ಲಾಭದಾಯಕ ಬೆಳವಣಿಗೆ ಕಂಡುಬರಲಿದೆ. ಹಣಕಾಸಿನ ಸ್ಥಿತಿ ಉತ್ತಮವಾಗಲಿದೆ. ಹಳೆಯ ಸಮಸ್ಯೆಗಳಿಗೆ ಪರಿಹಾರ ಸಿಗಬಹುದು.

ಕುಂಭ ರಾಶಿ: ಕೆಲಸದಲ್ಲಿ ಹೊಸ ಜವಾಬ್ದಾರಿಗಳು ಎದುರಾಗಬಹುದು. ನಿಮ್ಮ ಪ್ರತಿಭೆಗೆ ಉತ್ತಮ ಮನ್ನಣೆ ದೊರೆಯಲಿದೆ. ಹಣಕಾಸಿನ ವಿಚಾರದಲ್ಲಿ ಯೋಜಿತ ನಿರ್ಧಾರ ಕೈಗೊಳ್ಳಿ. ಆರೋಗ್ಯದ ಕಡೆ ಗಮನ ಕೊಡಿ. ನಿಮ್ಮ ಒಂದು ಐಡಿಯಾ ಇಂದು ಎಲ್ಲರಿಗೂ ಇಷ್ಟ ಆಗುತ್ತೆ.

ಮೀನ ರಾಶಿ: ಇಂದು ಶುಭ ಫಲ ಕಂಡುಬರಲಿದೆ. ಉದ್ಯೋಗದಲ್ಲಿ ಪ್ರಗತಿ. ಕುಟುಂಬದವರ ಬೆಂಬಲ ನಿಮ್ಮ ಆತ್ಮವಿಶ್ವಾಸ ಹೆಚ್ಚಿಸಲಿದೆ. ಆರ್ಥಿಕ ವಿಚಾರದಲ್ಲಿ ಉತ್ತಮ ಬೆಳವಣಿಗೆ ಸಾಧ್ಯತೆ. ಇಂದು ನೀವು ಮಾಡೋ ಸಣ್ಣ ಸಹಾಯಕ್ಕೆ ದೊಡ್ಡ ಹೆಸರು ಬರುತ್ತೆ.

]]>

ಸ್ಥಳೀಯ ಉತ್ಪನ್ನಗಳಿಗೆ ಮಾರುಕಟ್ಟೆ ಕಲ್ಪಿಸುವುದು, ಸ್ವಸಹಾಯ ಸಂಘಗಳ ಮಹಿಳೆಯರಿಗೆ ಪ್ರೋತ್ಸಾಹ ನೀಡುವುದು ಉದ್ದೇಶ: ಡಾ.ವೈ. ನವೀನ್ ಭಟ್

Sat, 07 Nov 2026 18:10:10 +0000

ಚಿಕ್ಕಬಳ್ಳಾಪುರ: ಸ್ಥಳೀಯ ಉತ್ಪಾದಕರನ್ನು ಪ್ರೋತ್ಸಾಹಿಸುವುದರ ಜೊತೆಗೆ ಸಾರ್ವಜನಿಕರಿಗೆ ಕೈಗೆಟುಕುವ ದರದಲ್ಲಿ ಗುಣಮಟ್ಟದ ಹಬ್ಬದ ಸಾಮಗ್ರಿಗಳನ್ನು ಒದಗಿಸುವ ಉದ್ದೇಶದಿಂದ ದೀಪ ಸಂಜೀವಿನಿ ಮಾಸಿಕ ಸಂತೆ(Deepa Sanjeevini Monthly Market) ಯನ್ನು ಆಯೋಜಿಸಲಾಗಿದೆ ಎಂದು ಜಿಲ್ಲಾ ಪಂಚಾಯಿತಿ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಡಾ.ವೈ. ನವೀನ್ ಭಟ್ ತಿಳಿಸಿದರು.

ಜಿಲ್ಲಾ ಪಂಚಾಯಿತಿ, ಕೌಶಲ್ಯಾಭಿವೃದ್ಧಿ, ಉದ್ಯಮಶೀಲತೆ ಮತ್ತು ಜೀವನೋಪಾಯ ಇಲಾಖೆ ಹಾಗೂ ಸಂಜೀವಿನಿ–ಡೇ-ಎನ್‌ಆರ್‌ಎಲ್‌ಎಂ ವತಿಯಿಂದ ಜಿಲ್ಲಾಡಳಿತ ಭವನದ ಮುಂಭಾಗದಲ್ಲಿ ಆಯೋಜಿಸಿದ್ದ ದೀಪ ಸಂಜೀವಿನಿ ಮಾಸಿಕ ಸಂತೆಯನ್ನು ಉದ್ಘಾಟಿಸಿ ಮಾತನಾಡಿದರು.

ಸಂತೆಯ ವಿಶೇಷ ಆಕರ್ಷಣೆಯಾಗಿ ಜಿಲ್ಲಾ ಪಂಚಾಯಿತಿ ವತಿಯಿಂದ 'ದೀಪ ಸಂಜೀವಿನಿ ಕಿಟ್' ಅನ್ನು ಪರಿಚಯಿಸಲಾಗಿದೆ. ಮರುಬಳಕೆ ಮಾಡಬಹುದಾದ ಸಂಜೀವಿನಿ ಲಾಂಛನ ಹೊಂದಿರುವ ಚೀಲದಲ್ಲಿ ಮಣ್ಣಿನ ಹಣತೆಗಳು, ದೀಪದ ಎಣ್ಣೆ, ಸಿಹಿ, ಖಾರ ಸೇರಿದಂತೆ ದೀಪಾವಳಿ ಹಬ್ಬಕ್ಕೆ ಅಗತ್ಯವಾದ ಸಾಮಗ್ರಿಗಳನ್ನು ಒಳಗೊಂಡ ಕಿಟ್ ಅನ್ನು 499ಕ್ಕೆ ಮಾರಾಟ ಮಾಡಲಾಗುತ್ತಿದೆ.

ಗ್ರಾಮೀಣ ಸ್ವಸಹಾಯ ಸಂಘಗಳ ಮಹಿಳೆಯರು ತಯಾರಿಸಿದ ಉತ್ಪನ್ನಗಳಿಗೆ ಸೂಕ್ತ ಮಾರುಕಟ್ಟೆ ಒದಗಿಸುವುದು, ಸ್ಥಳೀಯ ಉತ್ಪಾದಕರನ್ನು ಉತ್ತೇಜಿಸುವುದು ಹಾಗೂ ಸಾರ್ವಜನಿಕರಿಗೆ ಕೈಗೆಟು ಕುವ ದರದಲ್ಲಿ ಗುಣಮಟ್ಟದ ಹಬ್ಬದ ಸಾಮಗ್ರಿಗಳನ್ನು ಒದಗಿಸುವುದು ಈ ಉಪಕ್ರಮದ ಪ್ರಮುಖ ಉದ್ದೇಶವಾಗಿದೆ. ಸ್ಥಳೀಯ ಮಣ್ಣಿನ ಹಣತೆಗಳು ಮತ್ತು ನಂದಿನಿ ಉತ್ಪನ್ನಗಳ ಬಳಕೆಗೆ ಆದ್ಯತೆ ನೀಡುವ ಮೂಲಕ ಸ್ಥಳೀಯ ಉತ್ಪಾದಕರಿಗೂ ಉತ್ತೇಜನ ನೀಡಲಾಗುತ್ತಿದೆ ಎಂದರು.

'2026ರ ದೀಪಾವಳಿ ಹಬ್ಬದ ಶುಭಾಶಯಗಳು' ಎಂಬ ಸಂದೇಶದೊಂದಿಗೆ ಸಿದ್ಧಪಡಿಸಿರುವ ಕಿಟ್‌ನಲ್ಲಿ ಮುದ್ರಿತ ಚೀಲ, 12 ಸಣ್ಣ ಮಣ್ಣಿನ ಹಣತೆಗಳು, 500 ಮಿ.ಲೀ. ದೀಪದ ಎಣ್ಣೆ, ದೀಪದ ಬತ್ತಿ ಮತ್ತು ಬೆಂಕಿಪೊಟ್ಟಣ, 100 ಗ್ರಾಂ ನಂದಿನಿ ಪೇಡಾ, 200 ಗ್ರಾಂ ಮಿಕ್ಸ್ಚರ್ ಹಾಗೂ ವಿವಿಧ ಪಟಾಕಿಗಳನ್ನು ಸೇರಿಸಲಾಗಿದೆ.

ಕಿಟ್ ಖರೀದಿಸಲು ಆಸಕ್ತ ಸಾರ್ವಜನಿಕರು ಸಂಬಂಧಪಟ್ಟ ತಾಲ್ಲೂಕು ಪಂಚಾಯಿತಿಯ ಎನ್‌ಆರ್‌ಎಲ್‌ಎಂ ವಿಭಾಗವನ್ನು ಸಂಪರ್ಕಿಸಬಹುದು ಅಥವಾ ದೀಪ ಸಂಜೀವಿನಿ ಮಾಸಿಕ ಸಂತೆಗೆ ಭೇಟಿ ನೀಡಿ ಖರೀದಿಸಬಹುದು ಎಂದು ತಿಳಿಸಲಾಗಿದೆ.

ಈ ಸಂದರ್ಭದಲ್ಲಿ ಜಿಲ್ಲಾ ಪಂಚಾಯಿತಿ ಸಿಬ್ಬಂದಿ, ಗ್ರಾಮೀಣ ಸ್ವಸಹಾಯ ಸಂಘಗಳ ಸದಸ್ಯರು ಹಾಗೂ ಸಾರ್ವಜನಿಕರು ಉಪಸ್ಥಿತರಿದ್ದರು.

]]>

ಮುಂಡಗೋಡದಲ್ಲಿ ಹೀನ ಕೃತ್ಯ; ಬಾಲಕಿ ಮೇಲೆ ಅತ್ಯಾಚಾರ ಎಸಗಿ ಗರ್ಭಿಣಿ ಮಾಡಿದ 65 ವರ್ಷದ ವೃದ್ಧ

Sat, 07 Nov 2026 18:03:48 +0000

ಕಾರವಾರ: ಅಪ್ರಾಪ್ತ ವಯಸ್ಸಿನ ವಿದ್ಯಾರ್ಥಿನಿಯ ಮೇಲೆ ವೃದ್ಧನೊಬ್ಬ ಲೈಂಗಿಕ ದೌರ್ಜನ್ಯ ಎಸಗಿ ಆಕೆಯನ್ನು ಗರ್ಭಿಣಿಯನ್ನಾಗಿಸಿದ ಪ್ರಕರಣ ಮುಂಡಗೋಡು ತಾಲೂಕಿನಲ್ಲಿ ಬೆಳಕಿಗೆ ಬಂದಿದೆ. ಈ ಸಂಬಂಧ ಮುಂಡಗೋಡ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ.

ತಾಲೂಕಿನ ಇಸ್ಮಾಯಿಲ್ ಹುಲಗೂರ (65) ಬಂಧಿತ ಆರೋಪಿ. ಆರನೇ ತರಗತಿಯ ವಿದ್ಯಾರ್ಥಿನಿ ಸಂತ್ರಸ್ತೆಯಾಗಿದ್ದು, ಆಕೆ ಪರಿಶಿಷ್ಟ ಪಂಗಡಕ್ಕೆ ಸೇರಿದವಳಾಗಿದ್ದಾಳೆ. ಬಾಲಕಿಯನ್ನು ಪುಸಲಾಯಿಸಿ ಚಾಕು ತೋರಿಸಿ ಲೈಗಿಂಕ ದೌರ್ಜನ್ಯ ಎಸಗಿದ್ದಾನೆ. ಮನೆಯವರಿಗೆ ಹೇಳಿದರೆ ಜೀವ ತೆಗೆಯುವುದಾಗಿ ಬೆದರಿಕೆ ಹಾಕಿದ್ದಾನೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.

ಸಂತ್ರಸ್ತೆ ಈಗ ಒಂಬತ್ತು ತಿಂಗಳ ಗರ್ಭಿಣಿಯಾಗಿದ್ದು, ಇನ್ನೊಂದು ವಾರದಲ್ಲಿ ಹೆರಿಗೆಯಾಗುವ ಸಾಧ್ಯತೆ ಇದೆ ಎನ್ನಲಾಗಿದೆ. ಮಗಳು ಗರ್ಭಿಣಿಯಾಗಿರುವ ಸಂಗತಿ ಮನೆಯವರಿಗೆ ತಿಳಿದೇ ಇರಲಿಲ್ಲ. ಬಾಲಕಿ ಹೊಟ್ಟೆನೋವಿನಿಂದ ಬಳಲುತ್ತಿದ್ದಾಗ ವಿಷಯ ಬಹಿರಂಗವಾಗಿದೆ. ವಿಷಯ ತಿಳಿಯುತ್ತಿದ್ದಂತೆ ಪೊಲೀಸರು ಆರೋಪಿಯನ್ನು ವಶಕ್ಕೆ ಪಡೆದು, ಪೋಕ್ಸೊ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

Bengaluru mass murder: ಬೆಂಗಳೂರು ಹತ್ಯಾಕಾಂಡ ಪ್ರಕರಣ; ತಮಿಳುನಾಡಿನ ಸೇಲಂ ಕಾಡಿನಲ್ಲಿ ಇಬ್ಬರ ಶವ ಪತ್ತೆ!

ಘಟನೆ ಬೆಳಕಿಗೆ ಬರುತ್ತಿದ್ದಂತೆ ದಲಿತ ಹಾಗೂ ಹಿಂದೂ ಸಂಘಟನೆಗಳು ತೀವ್ರ ಆಕ್ರೋಶ ವ್ಯಕ್ತಪಡಿಸಿವೆ. ಇಂತಹ ಹೀನಕೃತ್ಯ ಎಸಗಿದ ಆರೋಪಿಗೆ ಮರಣದಂಡನೆ ವಿಧಿಸಬೇಕೆಂದು ಆಗ್ರಹಿಸಿವೆ.

]]>

Gudibande News: 30 ವರ್ಷ ದಾಟಿದರೂ ಮದುವೆಯಾಗದೆ ಉಳಿಯುತ್ತಿರುವ ಯುವಕರು, ಪ್ರಜಾಸೇವಾ ಆಂದೋಲನದಲ್ಲಿ ರೈತ ಮುಖಂಡರ ಅಳಲು

Sat, 07 Nov 2026 17:47:50 +0000

ಗುಡಿಬಂಡೆ: ಕೃಷಿಯನ್ನೇ ನಂಬಿಕೊಂಡು ಬದುಕುತ್ತಿರುವ ಗ್ರಾಮೀಣ ಭಾಗದ ರೈತ ಕುಟುಂಬಗಳ ಯುವಕರಿಗೆ ಮದುವೆ ಸಂಬಂಧಗಳು ದೊರೆಯದಿರುವ ಸಮಸ್ಯೆ ಇದೀಗ ಗಂಭೀರ ಸಾಮಾಜಿಕ ವಿಚಾರವಾಗಿ ಮುನ್ನೆಲೆಗೆ ಬಂದಿದೆ. 30 ವರ್ಷ ದಾಟಿದರೂ ಅನೇಕ ರೈತಾಪಿ ಯುವಕರಿಗೆ ಸೂಕ್ತ ವಧು ಸಿಗದೆ ಮದುವೆಯಾಗದೆ ಉಳಿಯುವಂತಾಗಿದೆ. ಈ ಸಮಸ್ಯೆಯನ್ನು ಸರ್ಕಾರ ಗಂಭೀರವಾಗಿ ಪರಿಗಣಿಸಿ ಪರಿಹಾರ ಕ್ರಮ ಕೈಗೊಳ್ಳಬೇಕು ಎಂದು ರೈತ ಮುಖಂಡರು ಒತ್ತಾಯಿಸಿದ್ದಾರೆ.

ಪಟ್ಟಣದ ತಾಲೂಕು ಕಚೇರಿ ಸಭಾಂಗಣದಲ್ಲಿ ಶನಿವಾರ ನಡೆದ ತಾಲೂಕು ಮಟ್ಟದ ಪ್ರಜಾಸೇವಾ ಆಂದೋಲನದಲ್ಲಿ ರೈತ ಮುಖಂಡ ಚಿಕ್ಕನರಸಿಂಹಪ್ಪ ಈ ವಿಚಾರವನ್ನು ಪ್ರಸ್ತಾಪಿಸಿದರು.

ಇದನ್ನೂ ಓದಿ: Gudibande News: ಸ್ಥಳೀಯ ಚುನಾವಣೆಗಳಿಗೆ ಎನ್‌ಡಿಎ ಸಂಘಟಿತ ಸಿದ್ಧತೆ: ಹರಿನಾಥ್ ರೆಡ್ಡಿ

ಗ್ರಾಮೀಣ ಭಾಗದಲ್ಲಿ ಕೃಷಿಯನ್ನೇ ಅವಲಂಬಿಸಿರುವ ಯುವಕರಿಗೆ 30 ವರ್ಷ ದಾಟಿದರೂ ಮದುವೆ ಸಂಬಂಧಗಳು ಸಿಗುತ್ತಿಲ್ಲ. ಇದರಿಂದ ಯುವಕರು ಮಾತ್ರವಲ್ಲದೆ ಅವರ ತಂದೆ-ತಾಯಂದಿರೂ ಮಾನಸಿಕವಾಗಿ ಸಂಕಷ್ಟ ಅನುಭವಿಸುವಂತಾಗಿದೆ. ಕೃಷಿಕ ಕುಟುಂಬಗಳ ಯುವಕರ ಮದುವೆ ಸಮಸ್ಯೆಯನ್ನು ಸರ್ಕಾರದ ಮಟ್ಟದಲ್ಲಿ ಚರ್ಚಿಸಿ, ಸೂಕ್ತ ಪರಿಹಾರ ಕಂಡುಕೊಳ್ಳಲು ಕ್ರಮ ವಹಿಸಬೇಕು ಎಂದು ತಹಶೀಲ್ದಾರ್ ಸಿಗ್ಬತ್ತುಲ್ಲಾ ಅವರಿಗೆ ಮನವಿ ಸಲ್ಲಿಸಿದರು.

ಆಂದೋಲನಕ್ಕೆ ಚಾಲನೆ ನೀಡಿ ಮಾತನಾಡಿದ ತಹಶೀಲ್ದಾರ್ ಸಿಗ್ಬತ್ತುಲ್ಲಾ, ಸಾರ್ವಜನಿಕರ ಸಮಸ್ಯೆ ಗಳಿಗೆ ತ್ವರಿತವಾಗಿ ಸ್ಪಂದಿಸುವ ಉದ್ದೇಶದಿಂದ ವಿವಿಧ ಇಲಾಖೆಗಳ ಅಧಿಕಾರಿಗಳು ಮತ್ತು ಸಿಬ್ಬಂದಿ ಯನ್ನು ಒಂದೇ ವೇದಿಕೆಯಲ್ಲಿ ಒಗ್ಗೂಡಿಸಲಾಗಿದೆ. ಸಾರ್ವಜನಿಕರು ತಮ್ಮ ಸಮಸ್ಯೆಗಳನ್ನು ನೇರವಾಗಿ ಅಧಿಕಾರಿಗಳ ಗಮನಕ್ಕೆ ತಂದು ಅರ್ಜಿ ಸಲ್ಲಿಸಬಹುದು ಎಂದು ತಿಳಿಸಿದರು.

ಇದೇ ಸಂದರ್ಭದಲ್ಲಿ ಪಡಿತರ ಚೀಟಿಗಳ ಇ-ಕೆವೈಸಿ, ಬಯೋಮೆಟ್ರಿಕ್ ನೋಂದಣಿ ಹಾಗೂ ಸ್ಕ್ಯಾನಿಂಗ್‌ಗೆ ಸಂಬಂಧಿಸಿದ ಸಮಸ್ಯೆಗಳ ಬಗ್ಗೆಯೂ ಸಾರ್ವಜನಿಕರಿಂದ ಅರ್ಜಿಗಳನ್ನು ಸ್ವೀಕರಿಸಿ ಅಗತ್ಯ ಕ್ರಮ ಕೈಗೊಳ್ಳಲಾಯಿತು. ಆಂದೋಲನಕ್ಕೆ ಉತ್ತಮ ಸ್ಪಂದನೆ ವ್ಯಕ್ತವಾಗಿದ್ದು, ವಿವಿಧ ಸಮಸ್ಯೆಗಳಿಗೆ ಸಂಬಂಧಿಸಿದಂತೆ ಹೆಚ್ಚಿನ ಸಂಖ್ಯೆಯಲ್ಲಿ ಅರ್ಜಿಗಳು ಸಲ್ಲಿಕೆಯಾದವು.

07ಜಿಯುಡಿ2: ಗುಡಿಬಂಡೆ ತಾಲೂಕು ಕಚೇರಿಯಲ್ಲಿ ನಡೆದ ಪ್ರಜಾಸೇವಾ ಆಂದೋಲನದಲ್ಲಿ ರೈತ ಮುಖಂಡ ಚಿಕ್ಕನರಸಿಂಹಪ್ಪ ಮನವಿ ಸಲ್ಲಿಸಿದರು.

]]>

ಕೋಕಾ-ಕೋಲಾ ಬೆಂಬಲಿತ ಹಿಂದೂಸ್ತಾನ್ ಕೋಕಾ-ಕೋಲಾ ಸಂಸ್ಥೆಯಿಂದ ಐಪಿಒಗೆ ಸೆಬಿಗೆ ಕರಡು ದಾಖಲೆ ಸಲ್ಲಿಕೆ

Sat, 07 Nov 2026 17:39:54 +0000

ಮುಂಬೈ: ಭಾರತದ ಅತಿದೊಡ್ಡ ಸಾಫ್ಟ್ ಡ್ರಿಂಕ್ಸ್ ಮತ್ತು ಪ್ಯಾಕೇಜ್ಡ್ ಪಾನೀಯ ಕಂಪನಿಗಳಲ್ಲಿ ಒಂದಾದ ಹಿಂದೂಸ್ತಾನ್ ಕೋಕಾ-ಕೋಲಾ ಹೋಲ್ಡಿಂಗ್ಸ್ ಲಿಮಿಟೆಡ್ (HCCH), ತನ್ನ ಉದ್ದೇಶಿತ ಆರಂಭಿಕ ಸಾರ್ವಜನಿಕ ಕೊಡುಗೆ (IPO) ಗಾಗಿ ಭಾರತೀಯ ಷೇರುಪೇಟೆ ನಿಯಂತ್ರಣ ಮಂಡಳಿ (SEBI)ಗೆ ಕರಡು ರೆಡ್ ಹೆರಿಂಗ್ ಪ್ರಾಸ್ಪೆಕ್ಟಸ್ (DRHP) ಸಲ್ಲಿಸಿದೆ.

TKC ವರದಿಯ ಪ್ರಕಾರ, 2026ನೇ ಹಣಕಾಸು ವರ್ಷದಲ್ಲಿ ಆದಾಯದ ಆಧಾರದ ಮೇಲೆ ಭಾರತ ದಲ್ಲಿ ಮಾತ್ರ ಕಾರ್ಯನಿರ್ವಹಿಸುವ ಅತಿದೊಡ್ಡ ನಾನ್-ಆಲ್ಕೊಹಾಲಿಕ್ ರೆಡಿ-ಟು-ಡ್ರಿಂಕ್ (NARTD) ಪಾನೀಯ ಕಂಪನಿಯಾಗಿದೆ.

ಈ ಐಪಿಒ ಸಂಪೂರ್ಣವಾಗಿ ಷೇರು ಮಾರಾಟ ಕೊಡುಗೆ (Offer for Sale) ರೂಪದಲ್ಲಿದ್ದು, ಕಂಪನಿಯ ಪ್ರವರ್ತಕ ಷೇರುದಾರರಾದ ಹಿಂದೂಸ್ತಾನ್ ಕೋಕಾ-ಕೋಲಾ ಓವರ್‌ಸೀಸ್ ಹೋಲ್ಡಿಂಗ್ಸ್ ಪ್ರೈವೇಟ್ ಲಿಮಿಟೆಡ್, ತಲಾ ₹10 ಮುಖಬೆಲೆಯ ಗರಿಷ್ಠ 99.74 ಕೋಟಿ ಈಕ್ವಿಟಿ ಷೇರುಗಳನ್ನು ಮಾರಾಟ ಮಾಡಲಿದೆ. ಕಂಪನಿಯ ಷೇರುಗಳನ್ನು ಬಾಂಬೆ ಸ್ಟಾಕ್ ಎಕ್ಸ್‌ಚೇಂಜ್ (BSE) ಮತ್ತು ನ್ಯಾಷನಲ್ ಸ್ಟಾಕ್ ಎಕ್ಸ್‌ಚೇಂಜ್ (NSE)ನಲ್ಲಿ ಪಟ್ಟಿ ಮಾಡಲು ಉದ್ದೇಶಿಸಲಾಗಿದೆ.

2026ರ ಜೂನ್ 30ಕ್ಕೆ ಅಂತ್ಯಗೊಂಡ ಮೂರು ತಿಂಗಳ ಅವಧಿಯಲ್ಲಿ ಕಂಪನಿಯ ಕಾರ್ಯಾ ಚರಣೆಗಳಿಂದ ಬಂದ ಆದಾಯ ₹4,310.17 ಕೋಟಿ ತಲುಪಿದ್ದು, ಹಿಂದಿನ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಶೇ.20.46ರಷ್ಟು ಬೆಳವಣಿಗೆ ದಾಖಲಿಸಿದೆ. ಒಟ್ಟು ಮಾರಾಟ ಪ್ರಮಾಣ ಶೇ.18.61ರಷ್ಟು ಹೆಚ್ಚಾಗಿದೆ. ಇದೇ ಅವಧಿಯಲ್ಲಿ EBITDA ಮಾರ್ಜಿನ್ ಶೇ.13.76ರಿಂದ ಶೇ.17.20ಕ್ಕೆ ಏರಿಕೆಯಾಗಿದೆ.

ಇದನ್ನೂ ಓದಿ: Meesho IPO: ಸ್ಟಾಕ್‌ ಮಾರ್ಕೆಟ್‌ನಲ್ಲಿ ಬೆಂಗಳೂರಿನ ಮೀಶೊ IPO ಹವಾ

ಕಂಪನಿಯು ಸ್ಪಾರ್ಕ್ಲಿಂಗ್ ಪಾನೀಯಗಳು, ಹೈಡ್ರೇಷನ್ ಮತ್ತು ಜ್ಯೂಸ್ ಸೇರಿದಂತೆ ಸ್ಟಿಲ್ಸ್ ವಿಭಾಗ ಗಳಲ್ಲಿ ವೈವಿಧ್ಯಮಯ ಉತ್ಪನ್ನಗಳನ್ನು ಹೊಂದಿದೆ. 2026ರ ಜೂನ್ 30ರ ವೇಳೆಗೆ 41 ವಿವಿಧ ಪಾನೀಯ ಬ್ರ್ಯಾಂಡ್‌ಗಳು ಹಾಗೂ ಹಲವು ಬೆಲೆ ಮತ್ತು ಪ್ಯಾಕೇಜಿಂಗ್ ಆಯ್ಕೆಗಳನ್ನು ಹೊಂದಿತ್ತು. ಥಮ್ಸ್ ಅಪ್ ಸ್ಪಾರ್ಕ್ಲಿಂಗ್ ಪಾನೀಯ ವಿಭಾಗದಲ್ಲಿ, ಮಜಾ ಜ್ಯೂಸ್ ವಿಭಾಗದಲ್ಲಿ ಹಾಗೂ ಕಿನ್ಲೆ ಪ್ಯಾಕೇಜ್ಡ್ ಕುಡಿಯುವ ನೀರಿನ ವಿಭಾಗದಲ್ಲಿ ಪ್ರಮುಖ ಬ್ರ್ಯಾಂಡ್‌ಗಳಾಗಿವೆ.

ಹಿಂದೂಸ್ತಾನ್ ಕೋಕಾ-ಕೋಲಾ ಬೆವರೇಜಸ್ ಪ್ರೈವೇಟ್ ಲಿಮಿಟೆಡ್ ಮೂಲಕ ಕಾರ್ಯ ನಿರ್ವಹಿ ಸುವ ಕಂಪನಿಯು ಭಾರತದ 10 ರಾಜ್ಯಗಳು ಮತ್ತು 4 ಕೇಂದ್ರಾಡಳಿತ ಪ್ರದೇಶಗಳಲ್ಲಿ ತನ್ನ ವ್ಯಾಪಾರ ಜಾಲವನ್ನು ಹೊಂದಿದೆ. ಈ ಪ್ರದೇಶಗಳ ಒಟ್ಟು ಜನಸಂಖ್ಯೆ ಸುಮಾರು 61.69 ಕೋಟಿಯಾಗಿದೆ. ಕಂಪನಿಯು 2,273 ವಿತರಕರ ಮೂಲಕ ಸುಮಾರು 17 ಲಕ್ಷ ಚಿಲ್ಲರೆ ಮಾರಾಟ ಮಳಿಗೆಗಳಿಗೆ ಉತ್ಪನ್ನಗಳನ್ನು ತಲುಪಿಸುತ್ತಿದೆ.

2026ರ ಜೂನ್ ವೇಳೆಗೆ ಕಂಪನಿಯು 14 ಉತ್ಪಾದನಾ ಘಟಕಗಳು ಮತ್ತು 8 ಸಹಭಾಗಿ ಉತ್ಪಾದನಾ ಘಟಕಗಳನ್ನು ಹೊಂದಿದ್ದು, ಒಟ್ಟು 90 ಬಾಟ್ಲಿಂಗ್ ಲೈನ್‌ಗಳ ಮೂಲಕ ಉತ್ಪಾದನೆ ನಡೆಸುತ್ತಿದೆ.

2025ರ ಜುಲೈನಲ್ಲಿ ಜುಬಿಲೆಂಟ್ ಬೆವರೇಜಸ್ ಕಂಪನಿಯ ಪ್ರವರ್ತಕರಲ್ಲಿ ಒಂದಾಯಿತು. ಪ್ರಸ್ತುತ ದಿ ಕೋಕಾ-ಕೋಲಾ ಕಂಪನಿಯು ಶೇ.60ರಷ್ಟು ಮತ್ತು ಜುಬಿಲೆಂಟ್ ಬೆವರೇಜಸ್ ಲಿಮಿಟೆಡ್ ಶೇ.40ರಷ್ಟು ಷೇರುಗಳನ್ನು ಹೊಂದಿವೆ.

ಅನುಭವಿ ನಿರ್ವಹಣಾ ತಂಡದ ನೇತೃತ್ವದಲ್ಲಿ ಕಂಪನಿಯು ವಿತರಣಾ ಜಾಲ ವಿಸ್ತರಣೆ, ಉತ್ಪನ್ನ ಗಳ ವೈವಿಧ್ಯೀಕರಣ ಮತ್ತು ಮಾರುಕಟ್ಟೆ ಕಾರ್ಯತಂತ್ರಗಳ ಸುಧಾರಣೆಗೆ ಆದ್ಯತೆ ನೀಡುತ್ತಿದೆ. 2026ರಲ್ಲಿ ಟಾಪ್ ಎಂಪ್ಲಾಯರ್ಸ್ ಇನ್‌ಸ್ಟಿಟ್ಯೂಟ್‌ನಿಂದ ಭಾರತದಲ್ಲಿ ಪ್ರಮುಖ ಉದ್ಯೋಗದಾತ ಸಂಸ್ಥೆ ಎಂಬ ಮಾನ್ಯತೆಯನ್ನೂ ಪಡೆದುಕೊಂಡಿದೆ.

ಈ ಐಪಿಒಗೆ ಕೋಟಕ್ ಮಹೀಂದ್ರಾ ಕ್ಯಾಪಿಟಲ್, ಸಿಟಿಗ್ರೂಪ್, ಜೆ.ಪಿ. ಮಾರ್ಗನ್, ಮಾರ್ಗನ್ ಸ್ಟ್ಯಾನ್ಲಿ, ಆಕ್ಸಿಸ್ ಕ್ಯಾಪಿಟಲ್, ಗೋಲ್ಡ್‌ಮನ್ ಸ್ಯಾಕ್ಸ್ ಮತ್ತು ಐಐಎಫ್‌ಎಲ್ ಕ್ಯಾಪಿಟಲ್ ಸರ್ವೀಸಸ್ ಬುಕ್ ರನ್ನಿಂಗ್ ಲೀಡ್ ಮ್ಯಾನೇಜರ್‌ಗಳಾಗಿ ಕಾರ್ಯನಿರ್ವಹಿಸಲಿವೆ. ಕೆಫಿನ್ ಟೆಕ್ನಾಲಜೀಸ್ ರಿಜಿಸ್ಟ್ರಾರ್ ಆಗಿದೆ.

]]>

ಜನರ ಬಳಿಗೇ ಆಡಳಿತ, ಸಮಸ್ಯೆಗಳಿಗೆ ಸ್ಥಳದಲ್ಲೇ ಪರಿಹಾರ: ಸಚಿವ ರುದ್ರಪ್ಪ ಲಮಾಣಿ

Sat, 07 Nov 2026 17:30:41 +0000

ಹಾವೇರಿ, ನ.07: ಸಾರ್ವಜನಿಕರು ತಮ್ಮ ಕುಂದುಕೊರತೆಗಳ ಪರಿಹಾರಕ್ಕಾಗಿ ಸರ್ಕಾರಿ ಕಚೇರಿಗಳಿಗೆ ಅಲೆದಾಡುವುದನ್ನು ತಪ್ಪಿಸಿ, ಸ್ಥಳೀಯವಾಗಿಯೇ ಸಮಸ್ಯೆಗಳಿಗೆ ಪರಿಹಾರ ಕಲ್ಪಿಸುವ ಉದ್ದೇಶದಿಂದ ಸರ್ಕಾರ ಪ್ರಜಾಸೇವಾ ಆಂದೋಲನ ಜಾರಿಗೆ ತಂದಿದೆ. ಅಧಿಕಾರಿಗಳು ಜನರ ಸಮಸ್ಯೆಗಳಿಗೆ ಮಾನವೀಯತೆಯಿಂದ ಸ್ಪಂದಿಸಿ, ತ್ವರಿತ ಪರಿಹಾರ ಒದಗಿಸಬೇಕು ಎಂದು ಸಕ್ಕರೆ ಮತ್ತು ಜವಳಿ ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವ ರುದ್ರಪ್ಪ ಲಮಾಣಿ ಸೂಚಿಸಿದರು. ನಗರದ ಡಾ.ಬಿ.ಆರ್.ಅಂಬೇಡ್ಕರ್ ಭವನದಲ್ಲಿ (Haveri News) ಶನಿವಾರ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯಿತಿ ಹಾಗೂ ತಾಲೂಕು ಆಡಳಿತದ ಸಹಯೋಗದಲ್ಲಿ ಆಯೋಜಿಸಿದ್ದ ತಾಲೂಕು ಮಟ್ಟದ ಪ್ರಜಾಸೇವಾ ಆಂದೋಲನ ಉದ್ಘಾಟಿಸಿ ಅವರು ಮಾತನಾಡಿದರು.

ಜಿಲ್ಲೆಯಲ್ಲಿ ಈಗಾಗಲೇ ಸುಮಾರು 1,500 ಅರ್ಜಿಗಳು ಸ್ವೀಕೃತವಾಗಿದ್ದು, ಈ ಪೈಕಿ 1,200 ಅರ್ಜಿಗಳನ್ನು ವಿಲೇವಾರಿ ಮಾಡಲಾಗಿದೆ. ಬಾಕಿ ಇರುವ 300 ಅರ್ಜಿಗಳನ್ನು ಶೀಘ್ರ ಇತ್ಯರ್ಥಪಡಿಸಬೇಕು. ಯಾವುದೇ ಅರ್ಜಿಯನ್ನು ಕಾರಣವಿಲ್ಲದೆ ಬಾಕಿ ಉಳಿಸಿಕೊಳ್ಳಬಾರದು. ಪರಿಹಾರ ಸಾಧ್ಯವಾಗದಿದ್ದರೆ ಸೂಕ್ತ ಕಾರಣ ತಿಳಿಸಿ, ಸಾರ್ವಜನಿಕರಿಗೆ ಮಾರ್ಗದರ್ಶನ ನೀಡಬೇಕು ಎಂದರು.

ಶಾಸಕ ಹಾಗೂ ಅರಣ್ಯ ಅಭಿವೃದ್ಧಿ ನಿಗಮದ ಅಧ್ಯಕ್ಷ ಬಸವರಾಜ ಶಿವಣ್ಣನವರ ಮಾತನಾಡಿ, ಜನರ ಅಹವಾಲುಗಳನ್ನು ಮಾನವೀಯ ದೃಷ್ಟಿಯಿಂದ ಆಲಿಸಿ, ಸೌಜನ್ಯದಿಂದ ಸ್ಪಂದಿಸುವುದು ಅಧಿಕಾರಿಗಳ ಕರ್ತವ್ಯ. ಸಾಮಾನ್ಯ ಜನರ ಸಮಸ್ಯೆಗಳಿಗೂ ಆದ್ಯತೆ ನೀಡಬೇಕು ಎಂದು ಹೇಳಿದರು.

ಜಿಲ್ಲಾಧಿಕಾರಿ ಡಾ. ವಿಜಯಮಹಾಂತೇಶ ದಾನಮ್ಮನವರ ಮಾತನಾಡಿ, ಪ್ರತಿ ಶನಿವಾರ ಪ್ರಜಾಸೇವಾ ಆಂದೋಲನ ಆಯೋಜಿಸಲಾಗುತ್ತಿದ್ದು, ಬಾಕಿ ಅರ್ಜಿಗಳ ವಿಲೇವಾರಿಗೆ ಪ್ರತಿ ಬುಧವಾರ ಜಿಲ್ಲಾ ಮಟ್ಟದ ಅಧಿಕಾರಿಗಳ ಸಭೆ ನಡೆಸಲಾಗುತ್ತಿದೆ ಎಂದರು.

ಮೂಲಸೌಕರ್ಯ ಸಮಸ್ಯೆಗಳ ಅಹವಾಲು

ಕಾರ್ಯಕ್ರಮದಲ್ಲಿ ಸ್ಮಶಾನಕ್ಕೆ ಜಮೀನು ಮತ್ತು ರಸ್ತೆ, ಕುಡಿಯುವ ನೀರು, ರಸ್ತೆ, ಚರಂಡಿ, ಸಾರಿಗೆ, ವಸತಿ, ಜೆಜೆಎಂ ಕಾಮಗಾರಿ, ಕೂಲಿ ಹಣ ಪಾವತಿ, ಆಸ್ಪತ್ರೆ ಹಾಗೂ ಹಾಸ್ಟೆಲ್ ಸೌಲಭ್ಯ ಸೇರಿದಂತೆ ಹಲವು ಸಮಸ್ಯೆಗಳ ಕುರಿತು ಸಾರ್ವಜನಿಕರು ಮನವಿ ಸಲ್ಲಿಸಿದರು. ಗೃಹಲಕ್ಷ್ಮಿ ಹಣ ಜಮೆ, ಕಾರ್ಮಿಕ ಕಾರ್ಡ್ ರದ್ದು, ಮದುವೆ ಸಹಾಯಧನ ವಿಳಂಬದ ಬಗ್ಗೆಯೂ ದೂರು ನೀಡಿದರು.

ಹಾವೇರಿ ನಗರದ 45 ಬಡಾವಣೆಗಳಿಗೆ ಎನ್‌ಒಸಿ ನೀಡಿದ್ದರೂ ವಿದ್ಯುತ್, ರಸ್ತೆ ಮತ್ತು ಚರಂಡಿ ಸೌಲಭ್ಯಗಳ ಕೊರತೆಯಿದೆ ಎಂಬ ಅಹವಾಲಿಗೆ ಸ್ಪಂದಿಸಿದ ಸಚಿವರು, ನೀರಿನ ಸೌಲಭ್ಯ ಕಲ್ಪಿಸಲು ಸರ್ಕಾರದಿಂದ ₹11.80 ಕೋಟಿ ಮಂಜೂರಾಗಿದ್ದು, ಕೆ.ಯು.ಐ.ಡಿ.ಎಫ್.ಸಿ. ಮೂಲಕ ಅಭಿವೃದ್ಧಿ ಕಾಮಗಾರಿ ಕೈಗೊಳ್ಳಲಾಗುವುದು ಎಂದು ಭರವಸೆ ನೀಡಿದರು. ಸ್ಮಶಾನ ಭೂಮಿ ಹಾಗೂ ಹಕ್ಕುಪತ್ರ, ಬಿ-ಖಾತಾ ಸಮಸ್ಯೆಗಳ ಪರಿಹಾರಕ್ಕೂ ಕ್ರಮ ಕೈಗೊಳ್ಳುವುದಾಗಿ ತಿಳಿಸಿದರು.‌

ಶಿವರಾಜ ಅರಳಿ ಅವರ ʼಕಣ್ಣ ಬಾನಲ್ಲಿ ಬೆಂಕಿಯ ಚಿತ್ರʼ ಕೃತಿಗೆ ಜನ್ನಾ-ಸನದಿ ಸಾಹಿತ್ಯ ಪ್ರಶಸ್ತಿ

ಕಾರ್ಯಕ್ರಮದಲ್ಲಿ ವಿವಿಧ ಇಲಾಖೆಗಳ 15 ಮಳಿಗೆಗಳನ್ನು ಸ್ಥಾಪಿಸಿ ಅರ್ಜಿ ಸ್ವೀಕರಿಸಲಾಯಿತು. ಫಲಾನುಭವಿಗಳಿಗೆ ಜಾಬ್ ಕಾರ್ಡ್ ಹಾಗೂ ಕಾರ್ಮಿಕರಿಗೆ ಸುರಕ್ಷತಾ ಕಿಟ್ ವಿತರಿಸಲಾಯಿತು. ಹಲವು ಜನಪ್ರತಿನಿಧಿಗಳು ಹಾಗೂ ಜಿಲ್ಲಾ ಮಟ್ಟದ ಅಧಿಕಾರಿಗಳು ಉಪಸ್ಥಿತರಿದ್ದರು.

]]>

K M Munegowda: ರಾಷ್ಟ್ರೀಯ ಅಹಿಂದ ಸಂಘಟನೆಯ ರಾಜ್ಯ ಕಾರ್ಯಾಧ್ಯಕ್ಷರಾಗಿ ಕೆ.ಎಂ.ಮುನೆಗೌಡ ನೇಮಕ

Sat, 07 Nov 2026 17:09:06 +0000

ಚಿಕ್ಕಬಳ್ಳಾಪುರ: ಹಿರಿಯ ವಕೀಲ ಕೆ.ಎಂ. ಮುನೆಗೌಡ(K M Munegowda) ಅವರನ್ನು ರಾಷ್ಟ್ರೀಯ ಅಹಿಂದ ಸಂಘಟನೆಯ ರಾಜ್ಯ ಕಾರ್ಯಾಧ್ಯಕ್ಷರನ್ನಾಗಿ ನೇಮಕ ಮಾಡಲಾಗಿದೆ.

ಸಂಘಟನೆಯ ರಾಜ್ಯಾಧ್ಯಕ್ಷ ಮುತ್ತಣ್ಣ ಶಿವಳ್ಳಿ ಅವರು ನೇಮಕಾತಿ ಆದೇಶ ಪತ್ರವನ್ನು ಹಸ್ತಾಂತರಿಸಿ, ಅಹಿಂದ ಸಮುದಾಯಗಳ ಸಾಮಾಜಿಕ, ಆರ್ಥಿಕ ಹಾಗೂ ರಾಜಕೀಯ ಹಕ್ಕುಗಳ ರಕ್ಷಣೆಗಾಗಿ ಸಂಘಟನೆಯ ಆಶಯಗಳಿಗೆ ಅನುಗುಣವಾಗಿ ಕಾರ್ಯನಿರ್ವಹಿಸುವಂತೆ ಸೂಚಿಸಿದ್ದಾರೆ.

ಇತ್ತೀಚೆಗಷ್ಟೇ ಜಿಲ್ಲಾ ಯಾದವ ಕ್ಷೇಮಾಭಿವೃದ್ಧಿ ಸಂಘದ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದ ಮುನೆಗೌಡ ಅವರಿಗೆ ಇದೀಗ ರಾಜ್ಯಮಟ್ಟದ ಮತ್ತೊಂದು ಮಹತ್ವದ ಜವಾಬ್ದಾರಿ ದೊರೆತಿದೆ.

ನೇಮಕಾತಿಗೆ ಪ್ರತಿಕ್ರಿಯಿಸಿದ ಮುನೆಗೌಡ, ಸಂಘಟನೆ ವಹಿಸಿರುವ ಜವಾಬ್ದಾರಿಯನ್ನು ಸಮರ್ಥ ವಾಗಿ ನಿಭಾಯಿಸುವುದರ ಜತೆಗೆ ಎಲ್ಲ ವರ್ಗಗಳ ಜನರ ಹಕ್ಕುಗಳು ಮತ್ತು ಹಿತಾಸಕ್ತಿಗಳ ರಕ್ಷಣೆಗೆ ಪ್ರಾಮಾಣಿಕವಾಗಿ ಶ್ರಮಿಸುವುದಾಗಿ ತಿಳಿಸಿದರು.

]]>

ಉತ್ತರಾಖಂಡ ಕಾಂಗ್ರೆಸ್‌ ನಾಯಕನ ವಿರುದ್ಧ ಲೈಂಗಿಕ ಕಿರುಕುಳ ಆರೋಪ; ಡಿಎನ್‌ಎ ಟೆಸ್ಟ್‌ಗೆ ಮಹಿಳೆ ಆಗ್ರಹ: ಮತ್ತೆ ಸದ್ದು ಮಾಡಿದ ʼಜೆನ್ನಿ ಎಪಿಸೋಡ್‌ʼ

Sat, 07 Nov 2026 16:45:31 +0000

ಡೆಹ್ರಾಡೂನ್‌, ನ. 7: ಉತ್ತರಾಖಂಡ ಕಾಂಗ್ರೆಸ್‌ ಹಿರಿಯ ನಾಯಕ ಹರಕ್‌ ಸಿಂಗ್‌ ರಾವತ್‌ (Harak Singh Rawat) ವಿರುದ್ಧದ ಲೈಂಗಿಕ ದೌರ್ಜನ್ಯ ಆರೋಪ ಮತ್ತೆ ಮುನ್ನೆಲೆಗೆ ಬಂದಿದೆ. ಅಸ್ಸಾಂ ನಿವಾಸಿ ಮಹಿಳೆ ಇಂದಿರಾ ದೇವಿ ಆಲಿಯಾಸ್‌ ಜೆನ್ನಿ ತನ್ನ ಮೇಲೆ ರಾವತ್‌ ಅತ್ಯಾಚಾರ ಎಸಗಿದ್ದಾಗಿ ಪುನರುಚ್ಚರಿಸಿದ್ದು, ಮತ್ತೊಮ್ಮೆ ಡಿಎನ್‌ಎ (DNA) ಟೆಸ್ಟ್‌ ಮಾಡುವಂತೆ ಆಗ್ರಹಿಸಿದ್ದಾರೆ (Jenny Episode). ಮಗುವಿನ ಪಿತೃತ್ವವನ್ನು ಸಾಬೀತುಪಡಿಸಲು ಹಾಗೂ ಮಗನ ತಂದೆ ಯಾರೆನ್ನುವುದು ಖಚಿತಪಡಿಸಿಕೊಂಡು ಕಾನೂನು ಹಕ್ಕನ್ನು ಪಡೆಯಲು ಹೊಸ ಡಿಎನ್‌ಎ ಪರೀಕ್ಷೆ ನಡೆಸಬೇಕೆಂದು ಹೇಳಿದ್ದಾರೆ.

ಎಎನ್‌ಐ ಸುದ್ದಿಸಂಸ್ಥೆಗೆ ನೀಡಿದ ಸಂದರ್ಶನದಲ್ಲಿ ಜೆನ್ನಿ, 2002ರಲ್ಲಿ ತನ್ನ ಮೇಲೆ ಲೈಂಗಿಕ ದೌರ್ಜನ್ಯ ನಡೆದಿದ್ದಾಗಿ ತಿಳಿಸಿದ್ದಾರೆ. 2002ರಲ್ಲಿ 16 ವರ್ಷ ವಯಸ್ಸಿನ ಜೆನ್ನಿ ಅವರನ್ನು ಕಾಂಗ್ರೆಸ್‌ ಕಾರ್ಯಕರ್ತನೊಬ್ಬ ಯಮುನಾ ಕಾಲನಿಯಲ್ಲಿರುವ ರಾವತ್‌ ಅವರ ನಿವಾಸಕ್ಕೆ ಕರೆದುಕೊಂಡು ಹೋಗಿದ್ದ ಎನ್ನಲಾಗಿದೆ. ಅಲ್ಲಿ ಸುಮಾರು ಒಂದೂವರೆಯಿಂದ 2 ತಿಂಗಳು ತಂಗಿದ್ದಾಗಿ ಜೆನ್ನಿ ತಿಳಿಸಿದ್ದಾರೆ.

ಕಾಂಗ್ರೆಸ್‌ ನಾಯಕ ಹರಕ್‌ ಸಿಂಗ್‌ ರಾವತ್‌ ವಿರುದ್ದ ಮಹಿಳೆಯ ಆರೋಪ:

कांग्रेस उत्तराखंड चुनाव प्रबंधन समिति के अध्यक्ष हरक सिंह रावत ने जिस महिला का बलात्कार किया था अब वो सामने आई है, और सबसे चौंकाने वाली बात यह है कि महिला ने उसके बेटे की पहचान को लेकर DNA टेस्ट की मांग की है। सोचिए, एक मां और उसका बेटा इतने वर्षों से इस सवाल का जवाब चाहते हैं। आखिर उनकी सुनवाई कब होगी? यह कोई मामूली राजनीतिक विवाद नहीं, एक महिला और उसके बेटे के न्याय एवं अधिकारों का सवाल है!
— Arun Yadav (@BeingArun28) November 7, 2026

ಜೆನ್ನಿ ಹೇಳಿದ್ದೇನು?

ಹರಕ್‌ ಸಿಂಗ್‌ ರಾವತ್‌ ವಿರುದ್ಧ ನೇರ ಆರೋಪ ಮಾಡಿರುವ ಜೆನ್ನಿ ಅಂದಿನ ಘಟನೆಯನ್ನು ವಿವರಿಸಿದ್ದಾರೆ. ʼʼ2002ನೇ ಇಸವಿ. ಆಗ ನಾನು ಯಮುನಾ ಕಾಲನಿಯ ಎಸ್‌ಟಿಡಿ ಬೂತ್‌ ಒಂದರಲ್ಲಿ ಕೆಲಸ ಮಾಡುತ್ತಿದ್ದೆ. ಬೂತ್‌ನಲ್ಲಿದ್ದ ನನ್ನನ್ನು ಪಕ್ಷದ ಕಾರ್ಯಕರ್ತನೊಬ್ಬ ಹರಕ್‌ ಸಿಂಗ್‌ ರಾವತ್‌ ನಿವಾಸಕ್ಕೆ ಕರೆದೊಯ್ದ. 16 ವರ್ಷದ ನನ್ನನ್ನು ಅಲ್ಲೇ ನೆಲೆಸುವಂತೆ ರಾವತ್‌ ಆದೇಶಿಸಿದ್ದರು. ಹೀಗೆ ಒಂದೂವರೆ ಮತ್ತು 2 ತಿಂಗಳು ಅಲ್ಲೇ ಇದ್ದೆʼʼ ಎಂದು ತಿಳಿಸಿದ್ದಾರೆ.

ನಾಲ್ವರು ಬಾಲಕಿಯರ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ ಸರ್ಕಾರಿ ಶಾಲೆ ಶಿಕ್ಷಕ

ಈ ವೇಳೆ ಗರ್ಭಿಣಿಯಾಗಿದ್ದ ತನ್ನನ್ನು ನಾರಿ ಶಕ್ತಿ ಮಹಿಳಾ ಹಾಸ್ಟೆಲ್‌ಗೆ ವರ್ಗಾಯಿಸಿದ್ದಾಗಿ ಆರೋಪಿಸಿದ್ದಾರೆ. ʼʼಗರ್ಭಿಣಿಯಾಗಿದ್ದ ನನ್ನನ್ನು ಮಾನಸಿಕ ಅಸ್ವಸ್ಥ ಮಹಿಳೆಯರಿದ್ದ ಹಾಸ್ಟೆಲ್‌ಗೆ ವರ್ಗಾಯಿಸಲಾಯಿತು. ನನ್ನನ್ನು ನಿಜವಾಗಿಯೂ ಮಾನಸಿಕ ಅಸ್ವಸ್ಥರ ನಡುವೆ ಇರಿಸಲಾಗಿತ್ತೇ ಅಥವಾ ಇಲ್ಲವೇ ಎಂಬುದನ್ನು ಪರಿಶೀಲಿಸಲು ತನಿಖೆ ನಡೆಸಬಹುದುʼʼ ಎಂದು ಹೇಳಿದ್ದಾರೆ.

ಮಗನ ಹಕ್ಕಿಗಾಗಿ ಹೋರಾಟ

ತನ್ನ ಮೇಲೆ ನಡೆದ ಅತ್ಯಾಚಾರಕ್ಕೆ ಸೂಕ್ತ ಶಿಕ್ಷೆ ಸಿಗಬೇಕು ಎನ್ನುವುದು ಮುಖ್ಯ ಬೇಡಿಕೆ ಎಂದು ಜೆನ್ನಿ ಹೇಳಿದ್ದಾರೆ. ಅಲ್ಲದೆ ಮಗನಿಗೆ ಸಿಗಬೇಕಾದ ಪಿತೃತ್ವದ ಹಕ್ಕಿಗಾಗಿ ಹೋರಾಡುತ್ತಿರುವುದಾಗಿಯೂ ತಿಳಿಸಿದ್ದಾರೆ. ʼʼನನ್ನ ಮೇಲೆ ಅತ್ಯಾಚಾರ ಎಸಗಿದ್ದಕ್ಕೆ ಖಂಡಿತವಾಗಿಯೂ ಶಿಕ್ಷೆಯಾಗಬೇಕು. ಜತೆಗೆ ನನ್ನ ಮಗನಿಗೆ ತನ್ನ ತಂದೆಯ ಹೆಸರು ಗೊತ್ತಾಗಬೇಕು. ಇದುವರೆಗೆ ರಾವತ್‌ ತಮ್ಮ ತಪ್ಪು ಒಪ್ಪಿಕೊಂಡಿಲ್ಲ. ಹೀಗಾಗಿ ನನ್ನ ಮಗನ ಹಕ್ಕಿಗಾಗಿ ಹೋರಾಡುತ್ತಿದ್ದೇನೆʼʼ ಎಂದು ವಿವರಿಸಿದ್ದಾರೆ.

ಏನಿದು ವಿವಾದ?

ʼಜೆನ್ನಿ ಎಪಿಸೋಡ್‌ʼ ಉತ್ತರಾಖಂಡದ ರಾಜಕೀಯದಲ್ಲಿ ಅಲ್ಲೋಲ ಕಲ್ಲೋಲ ಎಬ್ಬಿಸಿದ ದಶಕಗಳ ಹಿಂದಿನ ವಿವಾದ. ಇದು 2003ರಲ್ಲಿ ಮೊದಲು ಬೆಳಕಿಗೆ ಬಂತು. ಆ ವರ್ಷ ಜೂನ್‌ನಲ್ಲಿ ಡೆಹ್ರಾಡೂನ್‌ನ ಸರ್ಕಾರಿ ಆಸ್ಪತ್ರೆಯಲ್ಲಿ ಜೆನ್ನಿ ಮಗುವಿಗೆ ಜನ್ಮ ನೀಡಿದರು. ಬಳಿಕ ಅವರು ಈ ಮಗುವಿನ ತಂದೆ ರಾವತ್‌ ಎನ್ನುವ ಮೂಲಕ ರಾಜಕೀಯದಲ್ಲಿ ಕೋಲಾಹಲವೇ ಸೃಷ್ಟಿಯಾಯ್ತು.

ಬಿಹಾರದಲ್ಲಿ ಮತ್ತೊಂದು ಆಘಾತಕಾರಿ ಘಟನೆ: ದಾರಿಯಲ್ಲಿ ಸಾಗುತ್ತಿದ್ದ ಯುವತಿಗೆ ಲೈಂಗಿಕ ಕಿರುಕುಳ

ಈ ಆರೋಪವನ್ನು ಗಂಭೀರವಾಗಿ ಪರಿಗಣಿಸಿದ ಮುಖ್ಯಮಂತ್ರಿ ಎನ್‌.ಡಿ. ತಿವಾರಿ ಈ ಪ್ರಕರಣವನ್ನು ಸಿಬಿಐ ವಿಚಾರಣೆಗೆ ಒಪ್ಪಿಸಿದರು. ಸಿಬಿಐ ನಡೆಸಿದ ಡಿಎನ್‌ಎ ಟೆಸ್ಟ್‌ನಲ್ಲಿ ಹರಕ್‌ ಸಿಂಗ್‌ ರಾವತ್‌ ಮತ್ತು ಮಗುವಿನ ಡಿಎನ್‌ಎ ಬೇರೆ ಬೇರೆ ಎನ್ನುವುದು ಸಾಬೀತಾಗಿ ಕ್ಲೀನ್‌ ಚಿಟ್‌ ಸಿಕ್ಕಿತು. ಎನ್‌.ಡಿ. ತಿವಾರಿ ನೇತೃತ್ವದ ಕಾಂಗ್ರೆಸ್‌ ಸರ್ಕಾರದಲ್ಲಿ ಹರಕ್‌ ಕಂದಾಯ ಸಚಿವರಾಗಿದ್ದರು. ಸದ್ಯ ರಾವತ್‌ ಪಕ್ಷದಲ್ಲಿ ಸಕ್ರಿಯವಾಗಿದ್ದಾರೆ. ಇದೀಗ ಮತ್ತೆ ಈ ಸುದ್ದಿ ಸದ್ದು ಮಾಡುತ್ತಿದೆ.

ದೇಶದ ಇನ್ನಷ್ಟು ಸುದ್ದಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ.

ʼಪ್ರವಾಸಿ ಪ್ರಪಂಚʼ ವೆಬ್‌ಸೈಟ್‌ಗೆ ಭೇಟಿ ನೀಡಲು ಇಲ್ಲಿ ಕ್ಲಿಕ್‌ ಮಾಡಿ.

]]>

Bengaluru mass murder: ಬೆಂಗಳೂರು ಹತ್ಯಾಕಾಂಡ ಪ್ರಕರಣ; ತಮಿಳುನಾಡಿನ ಸೇಲಂ ಕಾಡಿನಲ್ಲಿ ಇಬ್ಬರ ಶವ ಪತ್ತೆ!

Sat, 07 Nov 2026 16:43:17 +0000

ಬೆಂಗಳೂರು: ಬೆಂಗಳೂರಿನ ರಾಜಾಜಿನಗರದಲ್ಲಿ ನಡೆದಿದ್ದ ಹತ್ಯಾಕಾಂಡಕ್ಕೆ ಸಂಬಂಧಿಸಿದಂತೆ ಮತ್ತಿಬ್ಬರ ಶವಗಳನ್ನು ಪೊಲೀಸರು ಪತ್ತೆ ಹಚ್ಚಿದ್ದಾರೆ. ತಮಿಳುನಾಡಿನ ಸೇಲಂ ಎರಕ್ಕಾಡು ಪ್ರದೇಶದಲ್ಲಿ ಆರೋಪಿ ಇಂದುಶೇಖರ್ ಪತ್ನಿ ಸುನಿತಾ ಮತ್ತು ಅತ್ತೆ ರೂಪವತಿ ಶವಗಳು ದೊರೆತಿವೆ. ಇದರೊಂದಿಗೆ ಏಳು ಮಂದಿ ಪೈಕಿ ಮೂವರು ಮೃತದೇಹಗಳು ಸಿಕ್ಕಂತಾಗಿದೆ.

ಇದಕ್ಕೂ ಮೊದಲು, ಬಾಲಕ ಪುನೀತ್‌ನ ಮೃತದೇಹವು ನಂದಿಬೆಟ್ಟದ ತಪ್ಪಲಿನಲ್ಲಿ ಪತ್ತೆಯಾಗಿತ್ತು. ಇನ್ನುಳಿದ ನಾಲ್ಕು ಮೃತದೇಹಕ್ಕಾಗಿ ಪೊಲೀಸರು ಹುಡುಕಾಟ‌ ನಡೆಸುತ್ತಿದ್ದಾರೆ. ಸದ್ಯ ಪತ್ತೆಯಾಗಿರುವ ಮೃತದೇಹಗಳನ್ನು ಪ್ಲಾಸ್ಟಿಕ್ ಚೀಲಗಳಲ್ಲಿ ಕಟ್ಟಿ, ಕೈ ಕಾಲುಗಳನ್ನು ಮುರಿದು ಸೆಲ್ಲೋಟೇಪ್ ಸುತ್ತಿರುವುದು ಬೆಳಕಿಗೆ ಬಂದಿದೆ. ದುರ್ವಾಸನೆ ಬಾರದಂತೆ ರೋಸ್ ವಾಟರ್ ಸಿಂಪಡಿಸಿರುವುದು ಕೂಡ ಪೊಲೀಸರ ತನಿಖೆಯಿಂದ ತಿಳಿದುಬಂದಿದೆ.

ಆರೋಪಿ ಇಂದುಶೇಖರ್‌ 15 ದಿನಗಳ ಅಂತರದಲ್ಲಿ ಕುಟುಂಬ ಸದಸ್ಯರ ಏಳು ಮಂದಿಯನ್ನು ಕೊಲೆ ಮಾಡಿ ಶವಗಳನ್ನು ನಂದಿಬೆಟ್ಟ, ಸೇಲಂ ಕಾಡು, ಚಾರ್ಮಾಡಿ ಘಾಟ್‌, ಚಾಮುಂಡಿ ಬೆಟ್ಟದ ತಪ್ಪಲಿನ ಕಾಡಿನಲ್ಲಿ ಎಸೆದಿದ್ದ ಎನ್ನಲಾಗಿತ್ತು. ನಂದಿಬೆಟ್ಟದಲ್ಲಿ ಶಂಕರ್‌ ಅವರ ಪುತ್ರ ಏಳು ವರ್ಷದ ಪುನೀತ್‌ ಶವ ಸಿಕ್ಕಿತ್ತು. ಮರಣೋತ್ತರ ಪರೀಕ್ಷೆ ಬಳಿಕ ಕುಟುಂಬಸ್ಥರಿಗೆ ಶವವನ್ನು ಹಸ್ತಾಂತರಿಸಲಾಗಿದ್ದು, ಅಂತ್ಯಸಂಸ್ಕಾರ ಮಾಡಲಾಗಿದೆ.

ಇನ್ನುಳಿದವರ ಮೃತದೇಹಗಳಿಗಾಗಿ ಆರೋಪಿಯ ಮಾಹಿತಿಯಂತೆ ಶೋಧಕಾರ್ಯ ಮುಂದುವರಿಸಿದ್ದ ಪೊಲೀಸರು ತಮಿಳುನಾಡಿನ ಸೇಲಂ ಘಾಟ್‌ ಎರ್ಕಾಡ್‌ ಅರಣ್ಯ ಪ್ರದೇಶಗಳಲ್ಲಿ ಸ್ಥಳೀಯ ಪೊಲೀಸರ ನೆರವಿನಿಂದ ಹುಡುಕಾಟ ನಡೆಸಿದಾಗ ಇನ್ನಿಬ್ಬರ ಶವಗಳು ಪತ್ತೆಯಾಗಿವೆ. ಹತ್ಯಾಕಾಂಡ ಪ್ರಕರಣದ ಗಂಭೀರತೆಯನ್ನು ಅರಿತು ತನಿಖೆ ಹಾಗೂ ಮೃತದೇಹಗಳ ಪತ್ತೆಗಾಗಿ ಆರು ತಂಡಗಳನ್ನು ರಚಿಸಲಾಗಿದೆ. ಈ ತಂಡಗಳು ಈಗಾಗಲೇ ಕಾರ್ಯೋನ್ಮುಖವಾಗಿವೆ.

]]>

ಜೇಬಿಗೆ ಕತ್ತರಿ ಬಿದ್ದರೂ ಹಬ್ಬದ ಖರೀದಿಯಲ್ಲಿ ಜನರ ಉತ್ಸಾಹಕ್ಕೆ ಕಡಿವಾಣವಿಲ್ಲ

Sat, 07 Nov 2026 16:41:52 +0000

ಚಿಕ್ಕಬಳ್ಳಾಪುರ: ಬೆಳಕಿನ ಹಬ್ಬ ದೀಪಾವಳಿಯ ಸಂಭ್ರಮಕ್ಕೆ ಮಾರುಕಟ್ಟೆಯಲ್ಲಿ ಬೆಲೆ ಏರಿಕೆಯ ಬರೆ ಬಿದ್ದಿದೆ.

ಹಬ್ಬದ ಸಿದ್ಧತೆಯಲ್ಲಿ ತೊಡಗಿರುವ ಜನಸಾಮಾನ್ಯರಿಗೆ ಹೂವು, ಹಣ್ಣು, ತರಕಾರಿ, ಪೂಜಾ ಸಾಮಗ್ರಿ ಹಾಗೂ ದಿನಸಿ ಪದಾರ್ಥಗಳ ಬೆಲೆ ಏರಿಕೆ ಆರ್ಥಿಕ ಹೊರೆಯಾಗಿ ಪರಿಣಮಿಸಿದೆ. ಆದರೂ ವರ್ಷಕ್ಕೊಮ್ಮೆ ಬರುವ ಹಬ್ಬವನ್ನು ಸಂಭ್ರಮದಿಂದ ಆಚರಿಸಬೇಕೆಂಬ ಉತ್ಸಾಹದಲ್ಲಿ ಜನರು ಬೆಲೆ ಏರಿಕೆಯ ನಡುವೆಯೇ ಖರೀದಿಗೆ ಮುಗಿಬಿದ್ದಿರುವ ದೃಶ್ಯ ಜಿಲ್ಲಾ ಕೇಂದ್ರದಲ್ಲಿ ಕಂಡುಬಂದಿತು.

ಕಳೆದ ಒಂದು ವಾರದಿಂದ ಹೂವಿನ ಮಾರುಕಟ್ಟೆಯಲ್ಲಿ ಇಳಿಮುಖವಾಗಿದ್ದ ದರಗಳು ಹಬ್ಬದ ಮುನ್ನಾದಿನ ದಿಢೀರ್ ಏರಿಕೆ ಕಂಡವು. ಕೆ.ಜಿ. ಸೇವಂತಿಗೆ, ಗುಲಾಬಿ ತಲಾ 200 ರೂ., 100 ಗ್ರಾಂ ಮಲ್ಲಿಗೆ ಹಾಗೂ ಕನಕಾಂಬರ ತಲಾ 200 ರೂ.ಗೆ ಮಾರಾಟವಾದವು. ಹೂವಿನ ಹಾರಗಳ ಬೆಲೆ 500ರಿಂದ 1,000 ರೂ.ವರೆಗೂ ತಲುಪಿತ್ತು. ವೀಳ್ಯದೆಲೆ ಕಟ್ಟು 100 ರೂ., ಅಡಿಕೆ 100 ಗ್ರಾಂಗೆ 200 ರೂ., ಏಲಕ್ಕಿ ಬಾಳೆ ಕೆ.ಜಿ.ಗೆ 100 ರೂ. ಹಾಗೂ ಪಚ್ಚಬಾಳೆ 50 ರೂ.ಗೆ ಮಾರಾಟವಾಯಿತು.

ಇದನ್ನೂ ಓದಿ; Chikkaballapur News: ನ.12ರಂದು ರೈತರ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಬೃಹತ್ ಪ್ರತಿಭಟನೆ

ಹಬ್ಬದ ಪೂಜೆಗೆ ಅಗತ್ಯವಾದ ಹಣ್ಣುಗಳ ದರವೂ ಗ್ರಾಹಕರಿಗೆ ಬಿಸಿ ಮುಟ್ಟಿಸಿತು. ಸೇಬು ಕೆ.ಜಿ.ಗೆ 280 ರೂ., ಕಿತ್ತಳೆ 100 ರೂ.ಗೆ ಮಾರಾಟವಾಗುತ್ತಿದ್ದರೆ, ಕಜ್ಜಾಯ ತಯಾರಿಕೆಗೆ ಬಳಸುವ ಅಕ್ಕಿ ಕೆ.ಜಿ.ಗೆ 100ರಿಂದ 120 ರೂ. ತಲುಪಿತ್ತು. ಅಡುಗೆ ಎಣ್ಣೆ ಐದು ಲೀಟರ್ ಡಬ್ಬಿಗೆ 1,000ರಿಂದ 1,300 ರೂ.ವರೆಗೆ ದರವಿತ್ತು. ಉತ್ತಮ ಗುಣಮಟ್ಟದ ಈರುಳ್ಳಿ ಕೆ.ಜಿ.ಗೆ 60ರಿಂದ 80 ರೂ.ಗೆ ಮಾರಾಟವಾದರೆ, ಕೊತ್ತಂಬರಿ ಸೊಪ್ಪಿನ ಕಂತೆ 30ರಿಂದ 40 ರೂ. ಇತ್ತು.

ಚಿಕ್ಕಬಳ್ಳಾಪುರ, ಕೋಲಾರ ಮತ್ತು ಬೆಂಗಳೂರು ಗ್ರಾಮಾಂತರ ಭಾಗಗಳಲ್ಲಿ ವಿಶೇಷವಾಗಿ ಆಚರಿಸುವ ನೋಮ ಹಬ್ಬದ ಸಂಪ್ರದಾಯಕ್ಕೂ ಬೆಲೆ ಏರಿಕೆ ಬಿಸಿ ತಟ್ಟಿದೆ.

ನೋಮದಾರ ಒಂದಕ್ಕೆ 10ರಿಂದ 15 ರೂ., ಗೋಟಡಿಕೆ, ಮುಡಿ, ಅರಿಶಿಣದ ಕೊಂಬು ಸೇರಿದಂತೆ ಪೂಜಾ ಸಾಮಗ್ರಿಗಳ ಸೆಟ್‌ಗೆ 150ರಿಂದ 200 ರೂ. ಪಡೆಯಲಾಗುತ್ತಿತ್ತು. ಮಣ್ಣಿನ ಹಣತೆಗಳು 5ರಿಂದ 50 ರೂ.ವರೆಗೆ ಮಾರಾಟವಾದವು.

ಇನ್ನು ಪಟಾಕಿಗಳ ಬೆಲೆಯೂ ದುಬಾರಿಯಾಗಿದ್ದು, ಒಂದು ಬಾಕ್ಸ್‌ಗೆ 500 ರೂ.ನಿಂದ 2000ವರೆಗೆ ದರವಿತ್ತು. ಪರಿಸರಸ್ನೇಹಿ ಪಟಾಕಿ ಬಳಕೆಗೆ ಸರ್ಕಾರ ಸೂಚಿಸಿದ್ದರೂ, ದೊಡ್ಡ ಶಬ್ದದ ಪಟಾಕಿ ಗಳನ್ನು ಖರೀದಿಸಲು ಮಕ್ಕಳು ಹಾಗೂ ಯುವಕರು ಅಂಗಡಿಗಳ ಮುಂದೆ ಸಾಲುಗಟ್ಟಿ ನಿಂತಿದ್ದರು.

ಒಟ್ಟಾರೆ, ಬೆಲೆ ಏರಿಕೆ ಹಬ್ಬದ ಖರ್ಚಿನ ಲೆಕ್ಕವನ್ನು ಹೆಚ್ಚಿಸಿದ್ದರೂ, ಸಂಪ್ರದಾಯ ಮತ್ತು ಸಂಭ್ರಮಕ್ಕೆ ಧಕ್ಕೆ ಬಾರದಂತೆ ಜನತೆ ದೀಪಾವಳಿ ಆಚರಣೆಗೆ ಸಿದ್ಧತೆ ನಡೆಸಿ ಮಾವಿನ ತೋರಣ, ಬಾಳೆಕಂದು ಮತ್ತು ಪೂಜಾ ಸಾಮಗ್ರಿಗಳನ್ನು ಕೊಳ್ಳಲು ಜನತೆ ನಗರದಲ್ಲಿ ದೊಡ್ಡ ಮಟ್ಟದಲ್ಲಿಯೇ ಬಿಡು ಬಿಟ್ಟಿದ್ದರು.

]]>

ಸೆಮಿಕಂಡಕ್ಟರ್ ಸಿಸ್ಟಮ್ಸ್ ಸವಾಲುಗಳಿಗೆ ಪರಿಹಾರ ಕಂಡುಕೊಳ್ಳಲು ಮುಂಚೂಣಿ ಎಂಜಿನಿಯರಿಂಗ್ ಸಂಸ್ಥೆಗಳ ಒಟ್ಟುಗೂಡಿಸಿದ ಲ್ಯಾಮ್ ರಿಸರ್ಚ್ ಚಾಲೆಂಜ್ 2026

Sat, 07 Nov 2026 16:20:02 +0000

ಬೆಂಗಳೂರು: ಕೃತಕ ಬುದ್ಧಿಮತ್ತೆ (ಎಐ) ತಂತ್ರಜ್ಞಾನದ ಯುಗವು ತೀವ್ರಗೊಳ್ಳುತ್ತಿರುವ ಬೆನ್ನಲ್ಲೇ, ಸೆಮಿಕಂಡಕ್ಟರ್ ಉದ್ಯಮಕ್ಕೆ ನುರಿತ ತಜ್ಞರ ಬೇಡಿಕೆಯೂ ಗಣನೀಯವಾಗಿ ಹೆಚ್ಚುತ್ತಿದೆ. ಈ ಹಿನ್ನೆಲೆಯಲ್ಲಿ ವೇಫರ್ ಫ್ಯಾಬ್ರಿಕೇಶನ್ ಸಲಕರಣೆಗಳ ಪ್ರಮುಖ ಜಾಗತಿಕ ಪೂರೈಕೆದಾರ ಸಂಸ್ಥೆ ಯಾದ ಲ್ಯಾಮ್ ರಿಸರ್ಚ್, ತನ್ನ ಪ್ರತಿಷ್ಠಿತ 3ನೇ ಆವೃತ್ತಿಯ ಲ್ಯಾಮ್ ರಿಸರ್ಚ್ ಚಾಲೆಂಜ್ ಸ್ಪರ್ಧೆಯ ವಿಜೇತರನ್ನು ಇಂದು ಅಧಿಕೃತವಾಗಿ ಘೋಷಿಸಿದೆ.

ಈ ಸ್ಪರ್ಧೆಯು ಕಂಪನಿಯ ಅತ್ಯುನ್ನತ ಮತ್ತು ಮುಂದುವರಿದ ಸೆಮಿಕಂಡಕ್ಟರ್ ಸಿಸ್ಟಮ್ಸ್ ಸ್ಪರ್ಧೆಯಾಗಿದೆ. ಅತ್ಯಂತ ಸಂಕೀರ್ಣವಾದ ಸೆಮಿಕಂಡಕ್ಟರ್ ಉತ್ಪಾದನಾ ತಂತ್ರಜ್ಞಾನಗಳನ್ನು ವಿನ್ಯಾಸಗೊಳಿಸಲು, ನಿರ್ಮಿಸಲು ಮತ್ತು ಅತ್ಯುತ್ತಮವಾಗಿಸಲು ಅಗತ್ಯವಿರುವ ಸಿಸ್ಟಮ್ಸ್ ಎಂಜಿನಿಯರಿಂಗ್ ಕೌಶಲ್ಯಗಳ ಹೆಚ್ಚುತ್ತಿರುವ ಪ್ರಾಮುಖ್ಯತೆಯನ್ನು ಈ ಬಾರಿಯ ಸ್ಪರ್ಧೆ ಸಾಬೀತುಪಡಿಸಿದೆ.

ದೇಶದ ಸುಮಾರು 190 ಕಾಲೇಜುಗಳ 3,000ಕ್ಕೂ ಹೆಚ್ಚು ಮಹತ್ವಾಕಾಂಕ್ಷಿ ಯುವ ನಾವೀನ್ಯಕಾರರು ಮತ್ತು ಎಂಜಿನಿಯರ್‌ಗಳು ಈ ವರ್ಷದ ಸವಾಲಿನಲ್ಲಿ ಭಾಗವಹಿಸಿದ್ದರು. ಬೆಂಗಳೂರಿನ ಪಿಇಎಸ್ ವಿಶ್ವವಿದ್ಯಾಲಯದಲ್ಲಿ ನವೆಂಬರ್ 5 ಮತ್ತು 6 ರಂದು ನಡೆದ ಎರಡು ದಿನಗಳ ಭರ್ಜರಿ ಗ್ರ್ಯಾಂಡ್ ಫಿನಾಲೆಯಲ್ಲಿ ಅಂತಿಮ ವಿಜೇತರನ್ನು ಘೋಷಿಸಲಾಯಿತು.

ಇದನ್ನೂ ಓದಿ: Lamborghini case: ಲ್ಯಾಂಬೊರ್ಗಿನಿ ಕಾರಿನಲ್ಲಿಯೇ ಹೋಗಿ ರಸ್ತೆ ಕಸ ಗುಡಿಸಿ ಬನ್ನಿ: ಆರೋಪಿಗೆ ಹೈಕೋರ್ಟ್‌ ಸೂಚನೆ

ಅತ್ಯಾಧುನಿಕ ಸೆಮಿಕಂಡಕ್ಟರ್ ಉತ್ಪಾದನಾ ಪ್ರಕ್ರಿಯೆಯು ಕೇವಲ ಒಂದು ಕ್ಷೇತ್ರಕ್ಕೆ ಸೀಮಿತ ವಾಗಿರದೆ ಹಾರ್ಡ್‌ವೇರ್, ಸಾಫ್ಟ್‌ವೇರ್, ಆಟೊಮೇಷನ್, ಡೇಟಾ ಸೈನ್ಸ್, ಪ್ರಕ್ರಿಯಾ ಎಂಜಿನಿಯ ರಿಂಗ್ (ಪ್ರೊಸೆಸ್ ಎಂಜಿನಿಯರಿಂಗ್) ಮತ್ತು ಸುಧಾರಿತ ನಿಯಂತ್ರಣ ವ್ಯವಸ್ಥೆಗಳ ಸಮಗ್ರ ಪರಿಣತಿಯನ್ನು ಬೇಡುತ್ತದೆ. ಹೀಗಾಗಿ ಸಿಸ್ಟಮ್ಸ್ ಎಂಜಿನಿಯರಿಂಗ್ ಕೌಶಲ್ಯವು ಈ ಉದ್ಯಮದ ಭವಿಷ್ಯದ ಬೆಳವಣಿಗೆಗೆ ಅತ್ಯಂತ ನಿರ್ಣಾಯಕ ಶಕ್ತಿಯಾಗಿದೆ.

ಸೆಮಿಕಂಡಕ್ಟರ್ ಉತ್ಪಾದನೆ ಮತ್ತು ಸುಧಾರಿತ ವೇಫರ್ ಫ್ಯಾಬ್ರಿಕೇಶನ್‌ಗೆ ಸಂಬಂಧಿಸಿದ ಕೌಶಲ್ಯಗಳನ್ನು ರೂಪಿಸುವ ಗುರಿಯೊಂದಿಗೆ ಆಯೋಜಿಸಲಾಗುವ ಲ್ಯಾಮ್ ರಿಸರ್ಚ್ ಚಾಲೆಂಜ್, ಭಾರತದ ಅತಿದೊಡ್ಡ ಉದ್ಯಮ-ನೇತೃತ್ವದ ಸೆಮಿಕಂಡಕ್ಟರ್ ಎಂಜಿನಿಯರಿಂಗ್ ಸ್ಪರ್ಧೆಗಳಲ್ಲಿ ಒಂದಾಗಿದೆ. ಕೇವಲ ವೈಯಕ್ತಿಕ ವಿಭಾಗಗಳ ಮೇಲೆ ಕೇಂದ್ರೀಕರಿಸುವ ಸಾಂಪ್ರದಾಯಿಕ ಎಂಜಿನಿ ಯರಿಂಗ್ ಸ್ಪರ್ಧೆಗಳಿಗಿಂತ ಇದು ಸಂಪೂರ್ಣ ಭಿನ್ನವಾಗಿದ್ದು, ಭಾಗವಹಿಸುವ ವಿದ್ಯಾರ್ಥಿಗಳಲ್ಲಿ ಸಿಸ್ಟಮ್ಸ್-ಮಟ್ಟದ ಚಿಂತನೆಯನ್ನು ಬೆಳೆಸಲು ಮತ್ತು ಬೃಹತ್ ಪ್ರಮಾಣದ ಉತ್ಪಾದನಾ ಕಾರ್ಯಾಚರಣೆಗಳಲ್ಲಿ ಬಹು ತಂತ್ರಜ್ಞಾನಗಳು ಹಾಗೂ ವಿಭಾಗಗಳು ಹೇಗೆ ಪರಸ್ಪರ ಸಂವಹನ ನಡೆಸುತ್ತವೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ಪ್ರೇರೇಪಿಸುತ್ತದೆ.

ಅರ್ಹತಾ ಸುತ್ತುಗಳು ಹಾಗೂ ಹಾರ್ಡ್‌ವೇರ್ ನಿರ್ಮಾಣದ ಹಂತಗಳನ್ನು ಒಳಗೊಂಡಂತೆ ಬರೋಬ್ಬರಿ ಮೂರು ತಿಂಗಳ ಕಾಲ ನಡೆದ ಕಠಿಣ ಬಹು-ಹಂತದ ಪೈಪೋಟಿಯ ಬಳಿಕ ಆಯ್ದ ತಂಡಗಳು ಅಂತಿಮ ಹಂತಕ್ಕೆ ತೇರ್ಗಡೆಯಾದವು.

ಸ್ಪರ್ಧೆಯ ಪ್ರಮುಖ ಮುಖ್ಯಾಂಶಗಳು:

ಪ್ರತಿಯೊಂದು ತಂಡವು ವಿವಿಧ ವಿಭಾಗಗಳ (ಮಲ್ಟಿ-ಡಿಸಿಪ್ಲಿನರಿ) ಹಿನ್ನೆಲೆಯ ನಾಲ್ವರು ವಿದ್ಯಾರ್ಥಿಗಳನ್ನು ಒಳಗೊಂಡಿತ್ತು.

ಅಂತಿಮ ಸುತ್ತಿಗೆ ಕೇವಲ 25 ತಂಡಗಳನ್ನು ಆಯ್ಕೆ ಮಾಡಲಾಯಿತು.

23 ರಾಜ್ಯಗಳು ಮತ್ತು 4 ಕೇಂದ್ರಾಡಳಿತ ಪ್ರದೇಶಗಳ 189 ಕಾಲೇಜುಗಳ ಒಟ್ಟು 803 ತಂಡಗಳ ಪೈಕಿ 10 ಐಐಟಿಗಳು, 2 ಎನ್‌ಐಟಿಗಳು ಹಾಗೂ 2 ಬಿಟ್ಸ್ ಕ್ಯಾಂಪಸ್‌ಗಳು ಸೇರಿದಂತೆ ಒಟ್ಟು 20 ಕಾಲೇಜು ಗಳ ವಿದ್ಯಾರ್ಥಿಗಳು ಅಂತಿಮ ಸ್ಪರ್ಧಿಗಳಾಗಿ ಸ್ಥಾನ ಪಡೆದಿದ್ದರು.

ಅಂತಿಮ ಹಣಾಹಣಿಯ ವೇಳೆ ಸ್ಪರ್ಧಿಗಳು ಸಂಕೀರ್ಣ ತಾಂತ್ರಿಕ ಸವಾಲುಗಳಿಗೆ ನಾವೀನ್ಯ ಪರಿಹಾರಗಳನ್ನು ರೂಪಿಸುವ ಮೂಲಕ ತಮ್ಮ ಸೃಜನಶೀಲತೆ, ಎಂಜಿನಿಯರಿಂಗ್ ಕಾರ್ಯಾಚರಣಾ ದಕ್ಷತೆ ಮತ್ತು ಕಲ್ಪನೆಗಳನ್ನು ವಾಸ್ತವ ಫಲಿತಾಂಶಗಳನ್ನಾಗಿ ಪರಿವರ್ತಿಸುವ ಸಾಮರ್ಥ್ಯವನ್ನು ಸಾಬೀತುಪಡಿಸಿದರು. ನಾವೀನ್ಯತೆ, ತಾಂತ್ರಿಕ ಶ್ರೇಷ್ಠತೆ, ಪರಸ್ಪರ ಸಹಯೋಗ, ಸಮಸ್ಯೆ-ಪರಿಹರಿಸುವ ನೈಪುಣ್ಯತೆ ಮತ್ತು ಒತ್ತಡದ ಸಂದರ್ಭದಲ್ಲಿನ ಕಾರ್ಯಕ್ಷಮತೆಯ ಆಧಾರದ ಮೇಲೆ ಯೋಜನೆ ಗಳನ್ನು ಕೂಲಂಕಷವಾಗಿ ಮೌಲ್ಯಮಾಪನ ಮಾಡಲಾಯಿತು.

ಐಐಟಿ ಗುವಾಹಟಿ ಒಟ್ಟಾರೆ ವಿಜೇತರಾಗಿ ಹೊರಹೊಮ್ಮಿತು. ಐಐಟಿ ರೋಪರ್ (ರನ್ನರ್-ಅಪ್) ಮತ್ತು ಎನ್‌ಐಟಿ ಕ್ಯಾಲಿಕಟ್ (ಎರಡನೇ ರನ್ನರ್-ಅಪ್) ಉಳಿದ ಅಗ್ರ ಸ್ಥಾನಗಳನ್ನು ಪಡೆದು ಕೊಂಡವು.. ವಿಜೇತರು ಒಟ್ಟು 10 ಲಕ್ಷ ರೂಪಾಯಿಗಳ ನಗದು ಬಹುಮಾನವನ್ನು ಹಂಚಿ ಕೊಂಡರು. ಜೊತೆಗೆ, ಈ ಸಮೂಹದಿಂದ ಆಯ್ಕೆಯಾದ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಜಾಗತಿಕ ವೇಫರ್ ಫ್ಯಾಬ್ರಿಕೇಶನ್ ಉಪಕರಣಗಳ ನಾಯಕ ಸಂಸ್ಥೆಯಾದ ಲ್ಯಾಮ್ ರಿಸರ್ಚ್‌ನಲ್ಲಿ ಇಂಟರ್ನ್‌ ಶಿಪ್ ಮಾಡುವ ಅಪರೂಪದ ಅವಕಾಶವನ್ನು ನೀಡಲಾಗಿದೆ.

ಈ ಸಂದರ್ಭದಲ್ಲಿ ಲ್ಯಾಮ್ ರಿಸರ್ಚ್ ಇಂಡಿಯಾದ ಕಾರ್ಪೊರೇಟ್ ಉಪಾಧ್ಯಕ್ಷ ಹಾಗೂ ವ್ಯವಸ್ಥಾಪಕ ನಿರ್ದೇಶಕರಾದ ರಂಗೇಶ್ ರಾಘವನ್ ಅವರು, "ಲ್ಯಾಮ್ ರಿಸರ್ಚ್ ಚಾಲೆಂಜ್ 2026ರ ಎಲ್ಲಾ ಸ್ಪರ್ಧಿಗಳಿಗೂ ಹೃತ್ಪೂರ್ವಕ ಅಭಿನಂದನೆಗಳು. ಸೆಮಿಕಂಡಕ್ಟರ್ ಉತ್ಪಾದನೆಯು ಇಂದಿನ ಜಗತ್ತಿನ ಅತ್ಯಂತ ಸುಧಾರಿತ ಎಂಜಿನಿಯರಿಂಗ್ ಪರಿಸರಗಳಲ್ಲಿ ಒಂದಾಗಿದ್ದು, ಸಿಸ್ಟಮ್ಸ್-ಮಟ್ಟದ ಸಂಕೀರ್ಣ ಸವಾಲುಗಳನ್ನು ನಿವಾರಿಸಬಲ್ಲ ನೈಜ ಪ್ರತಿಭೆಗಳ ಅಗತ್ಯವಿದೆ. ವಿದ್ಯಾರ್ಥಿಗಳಿಗೆ ನಮ್ಮ ಉದ್ಯಮದ ಭವಿಷ್ಯವನ್ನು ರೂಪಿಸುವ ವಾಸ್ತವ ಎಂಜಿನಿಯರಿಂಗ್ ಸವಾಲುಗಳ ನೇರ ಅನುಭವ ನೀಡುತ್ತಲೇ, ಇಂತಹ ಉನ್ನತ ಸಾಮರ್ಥ್ಯಗಳನ್ನು ಬೆಳೆಸಿಕೊಳ್ಳಲು ನೆರವಾಗುವಂತೆ ಈ ಚಾಲೆಂಜ್ ಅನ್ನು ರೂಪಿಸಲಾಗಿದೆ. ಮುಂದಿನ ಪೀಳಿಗೆಯ ನಾವೀನ್ಯಕಾರರನ್ನು ಸದಾ ಪ್ರೇರೇಪಿಸುವ ನಮ್ಮ ಬದ್ಧತೆಯನ್ನು ಇದು ಮತ್ತಷ್ಟು ಎತ್ತಿಹಿಡಿಯುತ್ತದೆ" ಎಂದು ಅವರು ವಿವರಿಸಿದರು.

ಎಐ ಯುಗದಲ್ಲಿ ಸಿಸ್ಟಮ್ಸ್ ಎಂಜಿನಿಯರಿಂಗ್ ಏಕೆ ಮಹತ್ವದ್ದು?

ಉದ್ಯಮಕ್ಕೆ ಅಗತ್ಯವಿರುವ ಪ್ರತಿಭೆಗಳ ಮಾನದಂಡವು ಸಾಂಪ್ರದಾಯಿಕ ಎಂಜಿನಿಯರಿಂಗ್ ವಿಭಾಗಗಳನ್ನು ಮೀರಿ ಬೆಳೆಯುತ್ತಿದೆ. ಆಧುನಿಕ ಸೆಮಿಕಂಡಕ್ಟರ್ ಉತ್ಪಾದನಾ ವಾತಾವರಣಕ್ಕೆ ಕೇವಲ ಪ್ರತ್ಯೇಕ ಬಿಡಿಭಾಗಗಳನ್ನು ಮಾತ್ರ ನೋಡದೆ, ಇಡೀ ವ್ಯವಸ್ಥೆಯನ್ನು (ಸಿಸ್ಟಮ್) ಪೂರ್ಣ ಪ್ರಮಾಣದಲ್ಲಿ ಗ್ರಹಿಸಿ ಕಾರ್ಯಕ್ಷಮತೆಯನ್ನು ಹೆಚ್ಚಿಸಬಲ್ಲ ಎಂಜಿನಿಯರ್‌ಗಳು ಬೇಕಾಗಿದ್ದಾರೆ. ಇದು ಸಂಕೀರ್ಣ ಎಂಜಿನಿಯರಿಂಗ್ ಕ್ಷೇತ್ರಗಳಲ್ಲಿ ತಂತ್ರಜ್ಞಾನಗಳನ್ನು ಒಗ್ಗೂಡಿಸಬಲ್ಲ ಮಾನವ ಶಕ್ತಿಯ ಬೇಡಿಕೆಯನ್ನು ಸೃಷ್ಟಿಸಿದೆ. ಸೆಮಿಕಂಡಕ್ಟರ್ ಉತ್ಪಾದನೆ, ಸುಧಾರಿತ ಪ್ಯಾಕೇಜಿಂಗ್ (ಅಡ್ವಾನ್ಸ್ಡ್ ಪ್ಯಾಕೇಜಿಂಗ್), ಸಲಕರಣೆ ಎಂಜಿನಿಯರಿಂಗ್ ಮತ್ತು ಒಟ್ಟಾರೆ ಎಲೆಕ್ಟ್ರಾನಿಕ್ಸ್ ಪರಿಸರ ವ್ಯವಸ್ಥೆಯಲ್ಲಿ ಭಾರತವು ತನ್ನ ಹೆಜ್ಜೆಯನ್ನು ವಿಸ್ತರಿಸುತ್ತಿರುವ ಸಂದರ್ಭದಲ್ಲಿ, ಭವಿಷ್ಯದ ಈ ಪ್ರತಿಭೆಗಳ ಸರಪಳಿಯನ್ನು ನಿರಂತರವಾಗಿ ಬೆಳೆಸುವುದು ಅತ್ಯಂತ ಅನಿವಾರ್ಯವಾಗಿದೆ.

ಭಾರತದ ಸೆಮಿಕಂಡಕ್ಟರ್ ಮಹತ್ವಾಕಾಂಕ್ಷೆಗೆ ಕಾರ್ಯಪಡೆಯ ಸಬಲೀಕರಣವೇ ಬೆನ್ನೆಲುಬು

ಸೆಮಿಕಂಡಕ್ಟರ್ ಶಿಕ್ಷಣ, ಸುಧಾರಿತ ಉತ್ಪಾದನಾ ತರಬೇತಿ ಮತ್ತು ಪ್ರಾಯೋಗಿಕ ಸಿಸ್ಟಮ್ಸ್ ಎಂಜಿ ನಿಯರಿಂಗ್ ಸೇರಿದಂತೆ ಸಮಗ್ರ ಕೌಶಲ್ಯ ಉಪಕ್ರಮಗಳ ಮೂಲಕ ಲ್ಯಾಮ್ ರಿಸರ್ಚ್ ಸಂಸ್ಥೆಯು ನುರಿತ ಕಾರ್ಯಪಡೆಯ ನಿರ್ಮಾಣಕ್ಕೆ ಗಟ್ಟಿಯಾದ ಬೆಂಬಲ ನೀಡುತ್ತಿದೆ. ಇವುಗಳಲ್ಲಿ ಮುಖ್ಯವಾಗಿ ಇಂಡಿಯಾ ಸೆಮಿಕಂಡಕ್ಟರ್ ಮಿಷನ್ ಮತ್ತು ಭಾರತೀಯ ವಿಜ್ಞಾನ ಸಂಸ್ಥೆ (ಐಐಎಸ್ಸಿ) ಸಹಭಾಗಿತ್ವದಲ್ಲಿ ಭಾರತದಲ್ಲಿ ಜಾರಿಗೆ ತರಲಾಗುತ್ತಿರುವ ಸೆಮಿವರ್ಸ್® ಸೊಲ್ಯೂಷನ್ಸ್ ಸೇರಿದೆ. ಇದು ಮುಂದಿನ ಹತ್ತು ವರ್ಷಗಳಲ್ಲಿ ಬರೋಬ್ಬರಿ 60,000 ಎಂಜಿನಿಯರ್‌ಗಳಿಗೆ ತರಬೇತಿ ನೀಡುವ ಬೃಹತ್ ಗುರಿಯನ್ನು ಹೊಂದಿದೆ. ಇದರ ಜೊತೆಗೆ, ಲ್ಯಾಮ್ ರಿಸರ್ಚ್ ಚಾಲೆಂಜ್ ಹಾಗೂ ಆರಂಭಿಕ ಹಂತದ ಉತ್ಪಾದನಾ ಉದ್ಯೋಗಾವಕಾಶಗಳಿಗಾಗಿ ಉದ್ಯಮ-ಆಧಾರಿತ ತರಬೇತಿ, ಪ್ರಮಾಣಪತ್ರ ಮತ್ತು ಉದ್ಯೋಗ ನಿಯೋಜನೆಗೆ ಬೆಂಬಲ ನೀಡುವ 240 ಗಂಟೆಗಳ ಸುಧಾರಿತ ಉತ್ಪಾದನಾ ಕೌಶಲ್ಯಾಭಿವೃದ್ಧಿ ಕಾರ್ಯಕ್ರಮವೂ ಸೇರಿದೆ. ಒಟ್ಟಾರೆಯಾಗಿ, ಈ ಎಲ್ಲಾ ಉಪಕ್ರಮಗಳು ಭಾರತ ದಲ್ಲಿ ವೇಗವಾಗಿ ಬೆಳೆಯುತ್ತಿರುವ ಸೆಮಿಕಂಡಕ್ಟರ್ ಪರಿಸರ ವ್ಯವಸ್ಥೆಗೆ ಅಗತ್ಯವಿರುವ ಸದೃಢ ಪ್ರತಿಭಾ ಪಡೆಯನ್ನು ಸಜ್ಜುಗೊಳಿಸಲು ಪ್ರಮುಖ ಪಾತ್ರ ವಹಿಸುತ್ತಿವೆ.

]]>

Amruthadhaare Serial: ಒಲವ ʼಅಮೃತಧಾರೆʼಗೆ ರಾಜೇಶ್‌ ನಟರಂಗ ಭಾವುಕ ವಿದಾಯ; ಕೊನೆ ದಿನ ಶೂಟಿಂಗ್ ಮುಗಿಸಿದ ತಂಡ

Sat, 07 Nov 2026 15:30:28 +0000

ಜೀ ಕನ್ನಡದ ಜನಪ್ರಿಯ 'ಅಮೃತಧಾರೆ' ಧಾರಾವಾಹಿಯ ಶೂಟಿಂಗ್‌ (Amruthadhaare serial End) ಮುಕ್ತಾಯಗೊಂಡಿದೆ. ಕೊನೆಯ ದಿನದ ಶೂಟಿಂಗ್‌ ಫೋಟೋ ವೈರಲ್‌ ಆಗಿದೆ. ಅಷ್ಟೇ ಅಲ್ಲ ನಟ ರಾಜೇಶ್‌ ಭಾವುಕರಾಗಿ ಮಾತನಾಡಿದ್ದಾರೆ. ಈ ಧಾರಾವಾಹಿಯ (Gowri Putra) ಜಾಗಕ್ಕೆ ಹೊಸದಾಗಿ 'ಗೌರಿಪುತ್ರ' ಬರಲಿದ್ದಾನೆ.

7 ಗಂಟೆಗೆ ಅಮೃತಧಾರೆ ಸೀರಿಯಲ್

ಶಕುಂತಲಾ ಮತ್ತು ಜೈದೇವ್ ಅಂತ್ಯ ಹಾಗೂ ಭೂಮಿಕಾ-ದೀಪಿಕಾ ರಹಸ್ಯದ ಬಗ್ಗೆ ವೀಕ್ಷಕರಲ್ಲಿ ತೀವ್ರ ಕುತೂಹಲ ಮೂಡಿದೆ. ಕೊನೆ ದಿನದ ಚಿತ್ರೀಕರಣ ವೇಳೆ ಕಲಾವಿದರು ಮತ್ತು ತಂತ್ರಜ್ಞರೆಲ್ಲರೂ ಜೊತೆಯಾಗಿ ಫೋಟೋ ಕ್ಲಿಕ್ಕಿಸಿಕೊಂಡಿದ್ದಾರೆ.ಭೂಮಿಕಾ ಬದುಕಿರೋ ವಿಷಯ ತಿಳಿಯದ ಜೈದೇವ್ ಮತ್ತು ಶಕುಂತಲಾ ಮುಂದಿನ ಪ್ಲಾನ್ ಬಗ್ಗೆ ಚರ್ಚಿಸಲು ತಾಯಿ-ಮಗ ಒಂದೆಡೆ ಸೇರುತ್ತಿದ್ದಾರೆ. ಈ ಸಂದರ್ಭದಲ್ಲಿ ಇಬ್ಬರನ್ನು ಹಿಡಿಯುವ ಯೋಚನೆಯನ್ನು ಗೌತಮ್ ಮತ್ತು ಪಾರ್ಥ್ ಮಾಡಿದ್ದಾರೆ ನಾಲ್ಕು ವರ್ಷಗಳಿಂದ ಸೋಮವಾರದಿಂದ ಶನಿವಾರದವರೆಗೆ ಸಂಜೆ 7 ಗಂಟೆಗೆ ಅಮೃತಧಾರೆ ಸೀರಿಯಲ್ ಪ್ರಸಾರವಾಗುತ್ತಿತ್ತು.

ಇದನ್ನೂ ಓದಿ: Bigg Boss Kannada 13: ಜಗದೀಶ್‌ಗೆ ಕಿಚ್ಚ ಸುದೀಪ್ ಕ್ಲಾಸ್, ನಂಬರ್ 1 ಸ್ಥಾನಕ್ಕಾಗಿ ಮನೆಯವರ ನಡುವೆ ಫೈಟ್!

ಧಾರಾವಾಹಿಯಲ್ಲಿ 'ಗೌತಮ್ ದಿವಾನ್' ಎಂಬ ಪ್ರಮುಖ ಪಾತ್ರದ ಮೂಲಕ ಅಪಾರ ಜನಪ್ರಿಯತೆ ಗಳಿಸಿರುವ ರಾಜೇಶ್, 'ಶುಕ್ರವಾರ ಅಮೃತಧಾರೆ ಧಾರಾವಾಹಿಯ ಕೊನೆಯ ದಿನದ ಚಿತ್ರೀಕರಣ ಪೂರ್ಣಗೊಂಡಿದೆ. ಪ್ರತಿಯೊಂದಕ್ಕೂ ಮುಕ್ತಾಯದ ದಿನಾಂಕ ಇದ್ದೇ ಇರುತ್ತದೆ. ಅಂತೆಯೇ ಅಮೃತಧಾರೆಗೂ ಅಂತ್ಯದ ಸಮಯ ಬಂದಿದೆ. ಇನ್ನು ಕೆಲವೇ ಕಂತುಗಳು ಬಾಕಿ ಉಳಿದಿದ್ದು, ಯಾರೂ ಬೇಸರ ಮಾಡಿಕೊಳ್ಳಬೇಡಿ' ಎಂದಿದ್ದಾರೆ.

View this post on Instagram

A post shared by Rajesh Nataranga (@rajeshnataranga)

ಕಳೆದ ಮೂರೂವರೆ ವರ್ಷಗಳಿಂದ ಗೌತಮ್ ದಿವಾನ್‌ ಪಾತ್ರಕ್ಕೆ ಜೀವತುಂಬಲು ಸಹಕರಿಸಿದ ಎಲ್ಲರಿಗೂ ಧನ್ಯವಾದಗಳು. ಧಾರಾವಾಹಿಯ ಸಮಸ್ತ ತಾಂತ್ರಿಕ ವರ್ಗ, ಕಲಾವಿದರು ಹಾಗೂ ಮುಖ್ಯವಾಗಿ ಭೂಮಿಕಾ ಪಾತ್ರದಲ್ಲಿ ನಟಿಸಿದ ಛಾಯಾ ಸಿಂಗ್ ಅವರಿಗೆ ನನ್ನ ಕೃತಜ್ಞತೆಗಳು. 20 ವರ್ಷಗಳ ನಂತರ ಕಿರುತೆರೆಯಲ್ಲಿ ಇಷ್ಟು ಸುದೀರ್ಘ ಪಯಣ ಮಾಡುತ್ತೇನೆ ಎಂದು ಭಾವಿಸಿರಲಿಲ್ಲ.

ಪ್ರೇಕ್ಷಕರು ನನ್ನನ್ನು ಹೇಗೆ ಸ್ವೀಕರಿಸುತ್ತಾರೋ ಎಂಬ ಸಣ್ಣ ಭಯವಿತ್ತು. ಆದರೆ ಜನ ನೀಡಿದ ಅಪಾರ ಪ್ರೀತಿಗೆ ಕೃತಜ್ಞತೆ ತಿಳಿಸಲು ಮಾತುಗಳೇ ಸಾಲುತ್ತಿಲ್ಲ' ಎಂದು ಹೇಳಿದ್ದಾರೆ.

]]>

Bigg Boss Kannada 13: ಪತ್ರ ಪಡೆಯುವ ವೇಳೆ ಗಾನವಿ ಹೈಡ್ರಾಮ; ಮೊಸಳೆ ಕಣ್ಣೀರಿನ ಕಥೆ ಬಿಚ್ಚಿಟ್ಟ ಕಿಚ್ಚ

Sat, 07 Nov 2026 15:04:52 +0000

ಬಿಗ್‌ ಬಾಸ್‌ ಮನೆಯ ಸ್ಪರ್ಧಿಗಳಿಗೆ (Bigg Boss Kannada 13) ತಮ್ಮ ತಮ್ಮ ಕುಟುಂಬದ ಕಡೆಯಿಂದ ಪತ್ರ ಲಭಿಸಿತ್ತು. ಇದು ಒಂದು ಭಾವುಕತೆ ತುಂಬಿದ್ದ ವಾರವಾಗಿತ್ತು. ಕೆಲವರು ನಿಜವಾಗಿಯೂ ಭಾವುಕರಾದರೆ ಇನ್ನು ಕೆಲವರು ನಕಲಿತನ ಮೆರೆದಿದ್ದಾರೆ. ಗಾನವಿ ಗೌಡ (Ganavi Gowda) ಅವರು ಪತ್ರ ಪಡೆಯಲು ಹಾಕಿದ ಡ್ರಾಮ ಕಣ್ಣೀರ ಬಗ್ಗೆ ಕಿಚ್ಚ (Sudeep) ಮಾತನಾಡಿದ್ದಾರೆ.

ಆಸಿಯಾ ಅವರಿಗೆ ಯಾಕೆ ಲೆಟರ್‌ ಸಿಕ್ಕಿಲ್ಲ? ಎಲ್ಲ ಕಡೆ ಅಳ್ತಾ ಇದ್ದ ಆಸಿಯಾ ಅಳೋ ಕಡೆ ಅಳಲಿಲ್ಲ. ನಾನು ಈ ವಿಚಾರದಲ್ಲಿ ನೀವೇ ಗೆಲ್ತೀರಾ ಅಂದುಕೊಂಡೆ ಆದ್ರೆ ಗಾನವಿ ಗೆಲ್ಲೋದಾ? ಎಂದು ಸುದೀಪ್‌ ಹೇಳಿದರು. ಅಷ್ಟೇ ಅಲ್ಲ ಗಾನವಿ ಟ್ರೋಲ್‌ ಆದ ವಿಡಿಯೋ ಕೂಡ ಪ್ಲೇ ಮಾಡಿಸಿದರು.

“ಹೊಗಳಿಕೆಗೂಸ್ಕರ ತಮ್ಮನ್ನೇ ತಾವು ಡಿಸ್ಟರ್ಬ್‌ ಮಾಡಿಕೊಂಡು, ಮನೆಯವರನ್ನ ಡಿಸ್ಟರ್ಬ್‌ ಮಾಡಿದ್ದಾರೆ” ಎಂದು ಕಿಚ್ಚ ಸುದೀಪ್‌ ಅವರು ಹೇಳಿದ್ದಾರೆ. ಗೊಂದಲ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಯಾಗುತ್ತಿದೆ. ಪತ್ರ ಪಡೆಯಲು ಸ್ಪರ್ಧಿಗಳ ಎದುರು ವೋಟ್ ಕೇಳುವಾಗ ಗಾನವಿ, "ನಮಗೆ ಅಮ್ಮ ಒಬ್ಬರೇ ಇರುವುದು, ಮೂವರು ಹೆಣ್ಣುಮಕ್ಕಳನ್ನು ಅವರೊಬ್ಬರೇ ಕಷ್ಟಪಟ್ಟು ಸಾಕುತ್ತಿದ್ದಾರೆ" ಎಂದು ಭಾವುಕರಾಗಿ ಹೇಳಿದ್ದರು.

ಇದನ್ನೂ ಓದಿ: Bigg Boss Kannada 13: ನೀನು ಲಫಂಗಾ, ಕಚಡಾ, ನಾಯಿ! ಸೌಂದರ್ಯ ಮೇಲೆ ಜಗ್ಗಣ್ಣ ಕೆಂಡಾಮಂಡಲ!

ಆಗ ಈ ಹಿಂದೆ ಬೇರೊಂದು ರಿಯಾಲಿಟಿ ಶೋನಲ್ಲಿ "ನಮ್ಮದು ಜಾಯಿಂಟ್ ಫ್ಯಾಮಿಲಿ, ಅಪ್ಪ-ಅಮ್ಮ ಇದ್ದಾರೆ" ಎಂದಿದ್ದ ಹಳೆಯ ವಿಡಿಯೋ ವೈರಲ್ ಆಗಿ, ಗಾನವಿ 'ಸಿಂಪತಿ ಗಿಟ್ಟಿಸಲು ಸುಳ್ಳು ಹೇಳುತ್ತಿದ್ದಾರೆ' ಎಂದು ನೆಟ್ಟಿಗರು ಹಿಗ್ಗಾಮುಗ್ಗಾ ಟ್ರೋಲ್ ಮಾಡಿದ್ದರು.

View this post on Instagram

A post shared by Colors Kannada Official (@colorskannadaofficial)

ಈ ವಿವಾದ ಇಷ್ಟೊಂದು ದೊಡ್ಡದಾಗಲು ಇನ್ನೊಂದು ಮುಖ್ಯ ಕಾರಣ ಸ್ಪರ್ಧಿ ಆಸಿಯಾ. "ಆಸಿಯಾ ಕೂಡ ಮನೆಯವರಿಂದ ದೂರವಿದ್ದು ಪತ್ರಕ್ಕಾಗಿ ಹಾತೊರೆಯುತ್ತಿದ್ದರು. ಆದರೆ ಗಾನವಿಯ ಈ ಭಾವನಾತ್ಮಕ ಮಾತಿನಿಂದಾಗಿ ಆಸಿಯಾಗೆ ಸಿಗಬೇಕಿದ್ದ ಅವಕಾಶ ಕೈತಪ್ಪಿತು.

ಆಸಿಯಾ ತನ್ನ ಕಷ್ಟವನ್ನು ಎಲ್ಲಿಯೂ ಪ್ರಚಾರ ಮಾಡಿಕೊಳ್ಳದೆ ಗಟ್ಟಿಯಾಗಿ ನಿಂತಿದ್ದರು. ಆದರೆ ಗಾನವಿ ಕಣ್ಣೀರು ಹಾಕಿ ಸಹ-ಸ್ಪರ್ಧಿಗಳ ಕರುಣೆ ಗಿಟ್ಟಿಸಿಕೊಂಡು ಪತ್ರ ಪಡೆದರು, ಇದು ಆಸಿಯಾಗೆ ಮಾಡಿದ ಅನ್ಯಾಯ" ಎಂದು ಆಸಿಯಾ ಪರವಾಗಿ ನೆಟ್ಟಿಗರು ಕಮೆಂಟ್‌ ಮಾಡಿದ್ದರು.

]]>

3 ತಿಂಗಳಿಂದ ಕೋಮಾದಲ್ಲಿ ಪುಟ್ಟ ಮಗು; ಕ್ಲೌಡ್‌ನೈನ್‌ ಆಸ್ಪತ್ರೆ ವಿರುದ್ಧ ತನಿಖೆಗೆ ಆರೋಗ್ಯ ಸಚಿವ ಯು.ಟಿ.ಖಾದರ್‌ ಸೂಚನೆ

Sat, 07 Nov 2026 15:02:26 +0000

ಬೆಂಗಳೂರು: ನಾಗರಬಾವಿ ಕ್ಲೌಡ್‌ನೈನ್‌ ಆಸ್ಪತ್ರೆಯಲ್ಲಿ (Cloud Nine Hospital Case) ವೈದ್ಯರ ಎಡವಟ್ಟಿನಿಂದ ಮೂರು ತಿಂಗಳಿಂದ ತಮ್ಮ ಮಗು ಕೋಮಾದಲ್ಲಿದೆ ಎಂದು ಆರೋಪಿಸಿ ಪೋಷಕರು ಪ್ರತಿಭಟನೆ ನಡೆಸಿ, ನ್ಯಾಯಕ್ಕಾಗಿ ಆಗ್ರಹಿಸಿದ್ದರು. ಇದೀಗ ಆಸ್ಪತ್ರೆ ವಿರುದ್ಧ ತನಿಖೆಗೆ ಆರೋಗ್ಯ ಸಚಿವ ಯು.ಟಿ. ಖಾದರ್ ಸೂಚನೆ ನೀಡಿದ್ದಾರೆ.

ಆಸ್ಪತ್ರೆಗೆ ಆರೋಗ್ಯ ಸಚಿವರು ಶನಿವಾರ ಭೇಟಿ ನೀಡಿ ಮಗುವಿನ ಆರೋಗ್ಯದ ಬಗ್ಗೆ ಮಾಹಿತಿ ಪಡೆದಿದ್ದಾರೆ. ಮಗುವಿನ ಈ ಸ್ಥಿತಿಗೆ ಆಸ್ಪತ್ರೆಯ ಮುಖ್ಯಸ್ಥರೇ ಜವಾಬ್ದಾರಿ ತೆಗೆದುಕೊಳ್ಳಬೇಕು. ಅನಸ್ತೇಶಿಯಾ ಕೊಟ್ಟ ವೈದ್ಯರ ವಿರುದ್ಧವೂ ಕ್ರಮ ಆಗಬೇಕು. ಅಲ್ಲದೇ ಹೆಚ್ಚಿನ ತನಿಖೆ ನಡೆಸಿ ವರದಿ ನೀಡುವಂತೆ ಇಂದಿರಾಗಾಂಧಿ ಹಾಗೂ ನಿಮ್ಹಾನ್ಸ್ ತಜ್ಞ ವೈದ್ಯರ ನೇತೃತ್ವದಲ್ಲಿ ಸಮಿತಿಯನ್ನು ರಚಿಸಲು ಸೂಚನೆ ನೀಡಿದ್ದು, ಪ್ರಕರಣಕ್ಕೆ ಸಂಬಂಧಿಸಿ ಸಂಪೂರ್ಣ ವರದಿ ನೀಡುವಂತೆ ಆದೇಶ ನೀಡಿದ್ದಾರೆ.

ಅನಸ್ತೇಶಿಯಾ ಕೊಟ್ಟಿರುವ ವ್ಯಕ್ತಿ ಡಿಪ್ಲೊಮಾ (ಅನೆಸ್ತಿಯಾಲಜಿ) ಪದವೀಧರನಾಗಿದ್ದಾನೆ. ಮಕ್ಕಳಿಗೆ ಅನಸ್ತೇಶಿಯಾ ನೀಡಲು ಆತ ಸೂಕ್ತ ತರಬೇತಿ ಪಡೆದಿಲ್ಲ. ಹೀಗಾಗಿ ಇದರ ಸಂಪೂರ್ಣ ಜವಾಬ್ದಾರಿ ಆಸ್ಪತ್ರೆ ಮಾಲೀಕ ತೆಗೆದುಕೊಳ್ಳಬೇಕು ಎಂದು ಸಚಿವರು ತಿಳಿಸಿದ್ದಾರೆ.

ಆಸ್ಪತ್ರೆ ವಿರುದ್ಧದ ಆರೋಪ ಏನು?

ಕಿವಿ ಗಾಯದ ಹಿನ್ನೆಲೆಯಲ್ಲಿ ಮಂಡ್ಯ ಜಿಲ್ಲೆಯ ಕಟ್ಟೆ ದೊಡ್ಡಿ ಗ್ರಾಮದ ಸಂಪತ್ ಎಂಬುವವರ ಒಂದು ವರ್ಷದ ಮಗು ಶಯಾನ್‌ನನ್ನು ನಾಗರಬಾವಿ ಕ್ಲೌಡ್‌ನೈನ್‌ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ವೈದ್ಯರ ನಿರ್ಲಕ್ಷ್ಯದಿಂದ ಕಳೆದ ಮೂರು ತಿಂಗಳಿಂದ ಮಗು ಕೋಮಾದಲ್ಲಿರುವಂತಾಗಿದೆ ಎಂಬುವುದು ಪೋಷಕರ ಆರೋಪವಾಗಿದೆ. ಇದೇ ವಿಚಾರವಾಗಿ ಮಗುವಿನ ಪೋಷಕರು ಆಸ್ಪತ್ರೆ ಮುಂದೆ ಇತ್ತೀಚೆಗೆ ಪ್ರತಿಭಟನೆ ನಡೆಸಿದ್ದರು. ಬಳಿಕ ವೈದ್ಯರ ವಿರುದ್ಧ ಸೂಕ್ತ ಕ್ರಮ ತೆಗೆದುಕೊಳ್ಳುವಂತೆ ಕೆಎಂಸಿ ಹಾಗೂ ಜಿಲ್ಲಾ ಆರೋಗ್ಯಾಧಿಕಾರಿಗೆ ದೂರು ನೀಡಿದ್ದರು. ದೂರಿನ ಬೆನ್ನಲ್ಲೇ ಸಿವಿ ರಾಮನ್ ಜನರಲ್ ಆಸ್ಪತ್ರೆಯ ಡಾ.ರಘುನಾಥ್ ನೇತೃತ್ವದ ವೈದ್ಯರ ತಂಡ ಆಸ್ಪತ್ರೆಗೆ ಭೇಟಿ ನೀಡಿತ್ತು. ಭೇಟಿ ವೇಳೆ ಮೇಲ್ನೋಟಕ್ಕೆ ವೈದ್ಯರ ಲೋಪ ಪತ್ತೆಯಾಗಿದೆ ಎನ್ನಲಾಗಿತ್ತು.

Cloudnine Hospital Case: ಅನಸ್ತೇಶಿಯಾ ಕೊಟ್ಟು ನಿರ್ಲಕ್ಷ್ಯ; ಕೋಮಾಗೆ ಜಾರಿದ ಮಗುವಿನ ಜವಾಬ್ದಾರಿ ಕ್ಲೌಡ್ ನೈನ್ ಆಸ್ಪತ್ರೆಯೇ ಹೊರಬೇಕು ಎಂದು ಎಚ್‌ಡಿಕೆ ಆಗ್ರಹ

ಪೋಷಕರು ತಮಗೆ ನ್ಯಾಯ ಒದಗಿಸುವಂತೆ ಆಗ್ರಹಿಸಿ ನಾಗರಬಾವಿ ಕ್ಲೌಡ್ ನೈನ್ ಆಸ್ಪತ್ರೆಯಲ್ಲಿ ಮಗುವಿನ ಸಂಬಂಧಿಕರು ಧರಣಿ ನಡೆಸುತ್ತಿದ್ದಾರೆ. ಜತೆಗೆ ಮಗುವಿಗೆ ಅನಸ್ತೇಶಿಯಾ ಕೊಟ್ಟಿರುವ ಡಿಪ್ಲೋಮಾ ಪದವಿ ಅನಸ್ತ್ಯಾಲಜಿಸ್ಟ್ ಡಾ.ಚರಣ್ ವಿರುದ್ಧ ಶಿಸ್ತುಕ್ರಮ ಆಗಬೇಕು ಎಂದು ಆಗ್ರಹಿಸುತ್ತಿದ್ದಾರೆ. ಪ್ರಸ್ತುತ ಮಗು ಕೋಮಾದಲ್ಲಿದೆ. ಮಗು ಕೋಮಾಗೆ ಜಾರುತ್ತಿದ್ದಂತೆಯೇ ವೈದ್ಯರ ಎಟವಟ್ಟು ಬಹಿರಂಗ ಆಗಿದೆ. ಈ ಹಿನ್ನೆಲೆಯಲ್ಲಿ ಮಗುವಿಗೆ ಉಚಿತವಾಗಿ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ತಿಳಿದುಬಂದಿದೆ.

]]>

30 ಲಕ್ಷ ಹಣತೆ, ಮತ್ತೊಂದು ವಿಶ್ವ ದಾಖಲೆ: ಅಯೋಧ್ಯೆಯಲ್ಲಿ 10ನೇ ವೈಭವದ ದೀಪೋತ್ಸವ; ತೇತ್ರಾಯುಗಕ್ಕೆ ತೆರಳಿದ ಭಕ್ತರು

Sat, 07 Nov 2026 15:00:01 +0000

ಲಖನೌ, ನ. 7: ವಿಶ್ವಾದ್ಯಂತ ದೀಪಾವಳಿ (Deepavali 2026) ಸಂಭ್ರಮ ಮನೆ ಮಾಡಿದೆ. ಉತ್ತರ ಪ್ರದೇಶದ ಅಯೋಧ್ಯೆ ರಾಮ ಮಂದಿರದಲ್ಲಿ ಬೆಳಕಿನ ಹಬ್ಬವನ್ನು ಪ್ರತಿ ವರ್ಷದಂತೆ ಈ ಬಾರಿಯೂ ವಿಶೇಷವಾಗಿ ಆಚರಿಸಲಾಗುತ್ತಿದೆ. ಶನಿವಾರ (ನವೆಂಬರ್‌ 7) 10ನೇ ದೀಪೋತ್ಸವ ನಡೆಸಲಾಗಿದ್ದು, ಬರೋಬ್ಬರಿ 30 ಲಕ್ಷ ಹಣತೆ ಅಯೋಧ್ಯೆಯ ಸರಯೂ ನದಿ ದಂಡೆಯ 56 ಘಾಟ್‌ಗಳಲ್ಲಿ ಬೆಳಗುವ ಮೂಲಕ ತೇತ್ರಾಯುಗದ ರಾಜ ವೈಭವವನ್ನು ನೆನಪಿಸಿದೆ (Ayodhya Deepotsav 2026). ಸಾವಿರಾರು ಸ್ವಯಂಸೇವಕರು, ವಿದ್ಯಾರ್ಥಿಗಳು ಏಕಕಾಲಕ್ಕೆ ಹಣತೆ ಬೆಳಗುವ ಮೂಲಕ ಸ್ವರ್ಗವೇ ಧರೆಗಿಳಿದ ಅನುಭೂತಿ ಮೂಡಿಸಿದರು. ವಿಶೇಷ ಎಂದರೆ ಅತೀ ಹೆಚ್ಚು ಹಣತೆ ಬೆಳಗಿದ ಮತ್ತೊಂದು ವಿಶ್ವ ದಾಖಲೆ ಅಯೋಧ್ಯೆ ದೀಪೋತ್ಸವದ ಪಾಲಾಯ್ತು. ವಿಶೇಷ ಎಂದರೆ ಇದು ಅಯೋಧ್ಯೆಯಲ್ಲಿ ದಾಖಲಾಗುವ 9ನೇ ವಿಶ್ವ ದಾಖಲೆ.

ದೀಪೋತ್ಸವದ ಸಂಭ್ರಮ ಸಂಜೆಯಿಂದಲೇ ಕಂಡುಬಂತು. ಘಾಟ್‌ಗಳಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಆಯೋಜಿಸಲಾಯಿತು. ʼರಾಮಾಯಣʼ ನಾಟಕ ಭಕ್ತಿ ಭಾವದಲ್ಲಿ ಮಿಂದೇಳುವಂತೆ ಮಾಡಿತು. ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌ ಅವರ ನಾಯಕತ್ವದಲ್ಲಿ ನಡೆಯುವ ಈ ದೀಪೋತ್ಸವ ಭಾರತದ ಉದಾತ್ತ ಸಂಸ್ಕೃತಿಯನ್ನು ವಿಶ್ವಕ್ಕೆ ಪರಿಚಯಿಸಿದೆ ಎಂದು ಉತ್ತರ ಪ್ರದೇಶ ಸರ್ಕಾರ ತಿಳಿಸಿದೆ.

ಅಯೋಧ್ಯೆ ದೀಪೋತ್ಸವ:

माननीय उपराष्ट्रपति श्री सी.पी. राधाकृष्णन जी के साथ प्रभु श्री राम की प्राणप्रिय नगरी श्री अयोध्या धाम में माँ सरयू के पावन तट स्थित राम जी की पैड़ी पर आयोजित दिव्य-भव्य 'दीपोत्सव-2026' के अवसर पर... @VPIndia https://t.co/m2HbFmBFw1
— Yogi Adityanath (@myogiadityanath) November 7, 2026

ಜಗದ್ಗುರು ಸ್ವಾಮಿ ಸತೀಶಾಚಾರ್ಯ ಜಿ ಮಹಾರಾಜ್‌ ಅಯೋಧ್ಯೆಗೆ ಆಗಮಿಸಿ ದೀಪೋತ್ಸವದ ಸಿದ್ಧತೆ ಪರಿಶೀಲಿಸಿದರು. ʼʼತೇತ್ರಾಯುಗದಲ್ಲಿ ಪ್ರಭು ಶ್ರೀರಾಮ ಚಂದ್ರನಿಂದ ಅಯೋಧ್ಯೆ ದೀಪದ ಬೆಳಕಿನಲ್ಲಿ ಬೆಳಗಿದಂತೆ ಇಂದು ಯೋಗಿ ಆದಿತ್ಯನಾಥ್‌ ಅವರ ಪ್ರಯತ್ನದಿಂದ ಮತ್ತೊಮ್ಮೆ ಅಂತಹದ್ದೇ ವೈಭವ ಮರುಕಳಿಸಿದೆʼʼ ಎಂದು ಅವರು ಬಣ್ಣಿಸಿದರು.

ʼʼಅಯೋಧ್ಯೆಯಲ್ಲಿ ದೀಪಾವಳಿಗೆ ವಿಶೇಷ ಸ್ಥಾನವಿದೆ. ದೇವತೆಗಳ ಹೆಸರು ಮತ್ತು ಸಂಖ್ಯೆಗೆ ಅನುಗುಣವಾಗಿ ದೀಪಗಳನ್ನು ಬೆಳಗಿಸುವ ಈ ಸಂಪ್ರದಾಯವು ಶ್ರದ್ಧೆ ಮತ್ತು ಆಧ್ಯಾತ್ಮಿಕ ಪ್ರಜ್ಞೆಯನ್ನು ಪ್ರತಿಬಿಂಬಿಸಿದೆ. ಅಯೋಧ್ಯೆಯ ಈ ಭವ್ಯ ನೋಟವು ಭಾರತೀಯ ಸಂಸ್ಕೃತಿ ಮತ್ತು ಸನಾತನ ಪರಂಪರೆಗಳ ಜೀವಂತ ಅಭಿವ್ಯಕ್ತಿ" ಎಂದು ಅವರು ಹೇಳಿದರು. 10ನೇ ಆವೃತ್ತಿಯ ಅಯೋಧ್ಯೆ ದೀಪೋತ್ಸವ ವೇಳೆ 2,100 ಡ್ರೋನ್‌ ಬಳಸಲಾಗಿದ್ದು, ಲೇಸರ್‌ ಶೋ ಕೂಡ ಆಯೋಜಿಸಲಾಯಿತು. 2,500 ಕಲಾವಿದರು ಸಾಂಸ್ಕೃತಿಕ ಕಾರ್ಯಕ್ರಮ ನೀಡಿದರು.

ವಿಶ್ವ ದಾಖಲೆ ಬರೆದ ಅಯೋಧ್ಯೆ ದೀಪೋತ್ಸವ:

#WATCH | Ayodhya, Uttar Pradesh: Lakhs of earthen lamps illuminate Ram Ki Paidi ghat on the 10th Deepotsav of Ayodhya. More than 30 lakh earthen lamps are set to illuminate 56 ghats along the banks of the Saryu River. https://t.co/c5GwUG3SAk
— ANI (@ANI) November 7, 2026

ವಿಶ್ವ ದಾಖಲೆ

ಕಳೆದ ಬಾರಿ 26 ಲಕ್ಷ ಹಣತೆ ಬೆಳಗುವ ಮೂಲಕ ಗಿನ್ನೆಸ್‌ ದಾಖಲೆ ಮಾಡಿದ್ದ ಉತ್ತರ ಪ್ರದೇಶ ಸರ್ಕಾರ ಈ ಬಾರಿ 30 ಲಕ್ಷ ಹಣತೆ ಹಚ್ಚುವ ಮೂಲಕ ಅದನ್ನು ಮೀರಿ ಮತ್ತೊಂದು ಇತಿಹಾಸ ಬರೆದಿದೆ. ಇದಕ್ಕೆ 35,000 ವಿದ್ಯಾರ್ಥಿಗಳು ಸೇರಿ ಹಲವು ಸ್ವಯಂಸೇವಕರು ಕೈಜೋಡಿಸಿದರು.

2,100 ಡ್ರೋನ್‌ಗಳು ಆಗಸದಲ್ಲಿ ರಾಮಾಯಣ ಕಥಾನಕವನ್ನು ಚಿತ್ರಸಿದವು. ಕಳೆದ ವರ್ಷ 1,100 ಡ್ರೋನ್‌ಗಳನ್ನು ಬಳಸಲಾಗಿತ್ತು. ಇನ್ನು ಸರಯೂ ನದಿ ತೀರದಲ್ಲಿ ವೈಭವದ ಆರತಿ ಬೆಳಗಲಾಯಿತು. ಇದರಲ್ಲಿ ಮಹಿಳಾ ಸಶಕ್ತೀಕರಣ, ಸಾಮಾಜಿಕ ಸಾಮರಸ್ಯದ ಸಂದೇಶ ಸಾರಲಾಯಿತು.

ಅಯೋಧ್ಯೆಯಲ್ಲಿ ಬೆಳಗಿದ 26 ಲಕ್ಷ ಹಣತೆಗಳು; ಯೋಗಿ ಸರ್ಕಾರದಿಂದ ಹೊಸ ದಾಖಲೆ

ಇತಿಹಾಸದ ಪುಟ ಸೇರಿದ ದೀಪೋತ್ಸವ

2017ರಲ್ಲಿ ಮೊದಲ ಬಾರಿಗೆ ಅಯೋಧ್ಯೆಯಲ್ಲಿ ದೀಪೋತ್ಸವ ನಡೆಸಲಾಯಿತು. ಆಗ 1.71 ಲಕ್ಷ ಹಣತೆ ಬೆಳಗಿದ್ದವು. 2018ರಲ್ಲಿ 3.01 ಲಕ್ಷ, 2019ರಲ್ಲಿ 4.04 ಲಕ್ಷ, 2020ರಲ್ಲಿ 6.06 ಲಕ್ಷ, 2021ರಲ್ಲಿ 9.41 ಲಕ್ಷ, 2022ರಲ್ಲಿ 15 ಲಕ್ಷ, 2023ರಲ್ಲಿ 22 ಲಕ್ಷ, 2024ರಲ್ಲಿ 25 ಲಕ್ಷ ಮತ್ತು 2025ರಲ್ಲಿ 26.17 ದೀಪಗಳು ರಾಮನಗರಿಯನ್ನು ಹೊಳೆಯುವಂತೆ ಮಾಡಿದವು.

ದೇಶದ ಇನ್ನಷ್ಟು ಸುದ್ದಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ.

ʼಪ್ರವಾಸಿ ಪ್ರಪಂಚʼ ವೆಬ್‌ಸೈಟ್‌ಗೆ ಭೇಟಿ ನೀಡಲು ಇಲ್ಲಿ ಕ್ಲಿಕ್‌ ಮಾಡಿ.

]]>

Cloudnine Hospital Case: ಅನಸ್ತೇಶಿಯಾ ಕೊಟ್ಟು ನಿರ್ಲಕ್ಷ್ಯ; ಕೋಮಾಗೆ ಜಾರಿದ ಮಗುವಿನ ಜವಾಬ್ದಾರಿ ಕ್ಲೌಡ್ ನೈನ್ ಆಸ್ಪತ್ರೆಯೇ ಹೊರಬೇಕು ಎಂದು ಎಚ್‌ಡಿಕೆ ಆಗ್ರಹ

Sat, 07 Nov 2026 14:07:45 +0000

ಬೆಂಗಳೂರು, ಅಕ್ಟೋಬರ್ 7: ನಾಗರಭಾವಿಯ ಕ್ಲೌಡ್ ನೈನ್ ಆಸ್ಪತ್ರೆಯಲ್ಲಿ (Cloudnine Hospital Case) ಒಂದೂವರೆ ವರ್ಷದ ಮಗುವಿಗೆ ಅನಸ್ತೇಶಿಯಾ ಕೊಟ್ಟ ಪರಿಣಾಮ ಆ ಮಗು ತೀವ್ರ ಅನಾರೋಗ್ಯಕ್ಕೆ ಗುರಿಯಾಗಿದ್ದು, ಅದಕ್ಕೆ ಆಸ್ಪತ್ರೆ ಜವಾಬ್ದಾರಿ ವಹಿಸಿಕೊಂಡು ಮಗುವಿಗೆ ಚಿಕಿತ್ಸೆ ನೀಡಬೇಕು ಎಂದು ಕೇಂದ್ರ ಸಚಿವ ಹೆಚ್.ಡಿ. ಕುಮಾರಸ್ವಾಮಿ ಅವರು ಒತ್ತಾಯಿಸಿದರು.

ಮಂಡ್ಯ ಜಿಲ್ಲೆಯ ಕಟ್ಟೆ ದೊಡ್ಡಿ ಗ್ರಾಮದ ಸಂಪತ್ ಎಂಬುವವರ ಮಗು ಶಯಾನ್ ಅನಾರೋಗ್ಯದ ಕಾರಣಕ್ಕೆ ನಾಗರಭಾವಿಯ ಕ್ಲೌಡ್ ನೈನ್ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಮಗುವಿಗೆ ಅಲ್ಲಿ ಅನಸ್ತೇಶಿಯಾ ಕೊಟ್ಟು ಆಸ್ಪತ್ರೆಗೆ ಕೊಡಲಾಗಿದೆ. ಸೂಕ್ತ ಚಿಕಿತ್ಸೆ ನೀಡದೆ ಅವರು ನಿರ್ಲಕ್ಷ್ಯ ತೋರಿ ಅನಸ್ತೇಶಿಯಾ ನೀಡಿದ್ದಾರೆ. ಮೂರೂವರೆ ತಿಂಗಳಿಂದ ಮಗು ಆಸ್ಪತ್ರೆಯಲ್ಲಿಯೇ ಇದೆ. ಆಸ್ಪತ್ರೆಯ ಆಡಳಿತ ಮಂಡಳಿ ಈ ನಿರ್ಲಕ್ಷ್ಯಕ್ಕೆ ಯಾವುದೇ ಜವಾಬ್ದಾರಿ ವಹಿಸಿಕೊಂಡಿಲ್ಲ.

ರಾಜ್ಯದ ಆರೋಗ್ಯ ಸಚಿವರು ಇಂತಹ ಆಸ್ಪತ್ರೆಗಳ ಮೇಲೆ ನಿಗಾ ಇಡಬೇಕು. ಖಾಸಗಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆಗೆ ದುಬಾರಿ ಶುಲ್ಕ ವಸೂಲಿ ಮಾಡಲಾಗುತ್ತಿದೆ. ಇಂತಹ ಆಸ್ಪತ್ರೆಗಳ ಕಡೆ ಸರಕಾರ ಗಮನ ಕೊಟ್ಟು ಕ್ರಮ ವಹಿಸಬೇಕು. ಕ್ಲೌಡ್ ನೈನ್ ಆಸ್ಪತ್ರೆಗೆ ಜವಾಬ್ದಾರಿ ಇಲ್ಲವಾ? ಆಸ್ಪತ್ರೆಯವರು ಸಂಪೂರ್ಣ ಉಚಿತವಾಗಿ ಚಿಕಿತ್ಸೆ ಕೊಡಬೇಕು. ಇಲ್ಲವೇ ಸರ್ಕಾರವಾದರೂ ಈ ಮಗುವಿನ ಚಿಕಿತ್ಸೆಯ ಜವಾಬ್ದಾರಿ ವಹಿಸಿಕೊಳ್ಳಬೇಕು ಎಂದು ಅವರು ಹೇಳಿದರು.

ಆಸ್ಪತ್ರೆಯ ಆಡಳಿತ ಮಂಡಳಿ ತೋರುತ್ತಿರುವ ನಿರ್ಲಕ್ಷ್ಯ ಸಹಿಸಲು ಸಾಧ್ಯವಿಲ್ಲ. ನಿಮ್ಮ ಅಸಡ್ಡೆಯಿಂದ ಮಗುವಿನ ತಂದೆ, ತಾಯಿ ರಸ್ತೆಯಲ್ಲಿ ಮಲಗಿದ್ದಾರೆ. ಕೂಡಲೇ ಸಮಸ್ಯೆ ಸರಿಪಡಿಸಿ. ಇಲ್ಲವಾದರೆ ನಾನೇ ಆಸ್ಪತ್ರೆಗೆ ಬರಬೇಕಾಗುತ್ತದೆ ಎಂದು ಸಚಿವರು ಎಚ್ಚರಿಸಿದರು.

ಆಸ್ಪತ್ರೆ ವಿರುದ್ಧದ ಆರೋಪ ಏನು?

ಕಿವಿ ಗಾಯದ ಹಿನ್ನೆಲೆಯಲ್ಲಿ ಮಂಡ್ಯ ಜಿಲ್ಲೆಯ ಕಟ್ಟೆ ದೊಡ್ಡಿ ಗ್ರಾಮದ ಸಂಪತ್ ಎಂಬುವವರ ಒಂದು ವರ್ಷದ ಮಗು ಶಯಾನ್‌ನನ್ನು ನಾಗರಬಾವಿ ಕ್ಲೌಡ್‌ನೈನ್‌ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ವೈದ್ಯರ ನಿರ್ಲಕ್ಷ್ಯದಿಂದ ಕಳೆದ ಮೂರು ತಿಂಗಳಿಂದ ಕೋಮಾದಲ್ಲಿರುವಂತಾಗಿದೆ ಎಂಬುವುದು ಪೋಷಕರ ಆರೋಪ. ಇದೇ ವಿಚಾರವಾಗಿ ಮಗುವಿನ ಪೋಷಕರು ಆಸ್ಪತ್ರೆ ಮುಂದೆ ಇತ್ತೀಚೆಗೆ ಪ್ರತಿಭಟನೆ ನಡೆಸಿದ್ದರು. ಬಳಿಕ ವೈದ್ಯರ ವಿರುದ್ಧ ಸೂಕ್ತ ಕ್ರಮ ತೆಗೆದುಕೊಳ್ಳುವಂತೆ ಕೆಎಂಸಿ ಹಾಗೂ ಜಿಲ್ಲಾ ಆರೋಗ್ಯಾಧಿಕಾರಿಗೆ ದೂರು ನೀಡಿದ್ದರು. ದೂರಿನ ಬೆನ್ನಲ್ಲೇ ಸಿವಿ ರಾಮನ್ ಜನರಲ್ ಆಸ್ಪತ್ರೆಯ ಡಾ.ರಘುನಾಥ್ ನೇತೃತ್ವದ ವೈದ್ಯರ ತಂಡ ಆಸ್ಪತ್ರೆಗೆ ಭೇಟಿ ನೀಡಿತ್ತು. ಭೇಟಿ ವೇಳೆ ಮೇಲ್ನೋಟಕ್ಕೆ ವೈದ್ಯರ ಲೋಪ ಪತ್ತೆಯಾಗಿದೆ ಎನ್ನಲಾಗಿತ್ತು.

ಪೋಷಕರು ತಮ್ಮ ಮಗುವನ್ನು ಜೀವಂತವಾಗಿ ಕೊಡುವಂತೆ ತಮ್ಮ ಪ್ರತಿಭಟನೆಯನ್ನು ಮುಂದುವರಿಸಿದ್ದಾರೆ. ರಾತ್ರಿ ಹಗಲೆನ್ನದೆ ನಾಗರಬಾವಿ ಕ್ಲೌಡ್ ನೈನ್ ಆಸ್ಪತ್ರೆಯಲ್ಲಿ ಸಂಬಂಧಿಕರು ಧರಣಿ ನಡೆಸುತ್ತಿದ್ದಾರೆ. ಜತೆಗೆ ಮಗುವಿಗೆ ಅನಸ್ತೇಶಿಯಾ ಕೊಟ್ಟಿರುವ ಡಿಪ್ಲೋಮಾ ಪದವಿ ಅನಸ್ತ್ಯಾಲಜಿಸ್ಟ್ ಡಾ.ಚರಣ್ ವಿರುದ್ಧ ಶಿಸ್ತುಕ್ರಮ ಆಗಬೇಕು ಎಂದು ಆಗ್ರಹಿಸುತ್ತಿದ್ದಾರೆ. ಪ್ರಸ್ತುತ ಮಗು ಕೋಮಾದಲ್ಲಿದೆ. ಮಗು ಕೋಮಾಗೆ ಜಾರುತ್ತಿದ್ದಂತೆಯೇ ವೈದ್ಯರ ಎಟವಟ್ಟು ಬಹಿರಂಗ ಆಗಿದೆ. ಈ ಹಿನ್ನೆಲೆಯಲ್ಲಿ ಮಗುವಿಗೆ ಉಚಿತವಾಗಿ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ತಿಳಿದುಬಂದಿದೆ.

]]>

Actor Darshan: ಕೊನೆಗೂ ನಿಟ್ಟುಸಿರು ಬಿಟ್ಟ ನಟ ದರ್ಶನ್; ಆದರೆ ಇರಲಿವೆ ಈ ಷರತ್ತುಗಳು

Sat, 07 Nov 2026 13:56:18 +0000

ರೇಣುಕಾಸ್ವಾಮಿ ಪ್ರಕರಣದಲ್ಲಿ (Renukaswamy case) ಪ್ರಮುಖ ಆರೋಪಿಯಾಗಿರುವ ನಟ ದರ್ಶನ್ ಜೈಲಿನಲ್ಲಿ ಪರದಾಡುತ್ತಿದ್ದಾರೆ. 59ನೇ ಸಿಸಿಹೆಚ್ ನ್ಯಾಯಾಲಯದಲ್ಲಿ ಇಂದು (ನವೆಂಬರ್ 07) ಅರ್ಜಿಯ ಕುರಿತು ಆದೇಶ ಹೊರಡಿಸಿದ್ದು, ದರ್ಶನ್ಗೆ (Darshan) ಜೈಲಿನಲ್ಲೇ ಫಿಸಿಯೋಥೆರಪಿ ಚಿಕಿತ್ಸೆ ಪಡೆಯಲು ಕೆಲ ಷರತ್ತುಗಳ ಅನ್ವಯ ಅವಕಾಶ ಮಾಡಿಕೊಡಲಾಗಿದೆ.

ನ್ಯಾ.ಸುಜಾತ ಮಡಿವಾಳಪ್ಪ ಸಾಂಬ್ರಾಣಿ ಅವರಿದ್ದ ಪೀಠ ವಿಚಾರಣೆ ನಡೆಸಿತು. ಈ ಕುರಿತು ಕೋರ್ಟ್ ಜೈಲು ಅಧಿಕಾರಿಗಳಿಗೆ ಮಹತ್ವದ ಸೂಚನೆ ನೀಡಿದೆ. ನಟ ದರ್ಶನ್ ಬೆನ್ನು ನೋವಿಗೆ ಸೂಕ್ತ ಚಿಕಿತ್ಸೆ ಒದಗಿಸಲು ಸೂಚಿಸಿದೆ. ದರ್ಶನ್ ಅವರು ಫಿಸಿಯೋಥೆರಪಿಗಾಗಿ ಹೊರಗಿನ ಆಸ್ಪತ್ರೆ ಮೂಲಕ ಅಲ್ಲದೆ ಜೈಲಿನಲ್ಲೇ ಫಿಸಿಯೋಥೆರಪಿ ಚಿಕಿತ್ಸೆ ಪಡೆಯಲು ಅನುಮತಿಯನ್ನು ನೀಡಲಾಗಿದೆ.

ಫಿಸಿಯೋಥೆರಪಿ ಹಾಗೂ ಬೆನ್ನು ನೋವಿಗೆ ಸಂಬಂಧಿಸಿದ ಇತರೆ ಚಿಕಿತ್ಸೆಗಳನ್ನು ಸಹ ದರ್ಶನ್ ಅವರು ಜೈಲಿನ ಆವರಣದಲ್ಲಿಯೇ ಪಡೆಯಬಹುದಾಗಿದೆ. ಇದಕ್ಕೆ ಸೂಕ್ತ ವ್ಯವಸ್ಥೆ ಮಾಡುವಂತೆ ನ್ಯಾಯಾಲಯವು ಜೈಲಧಿಕಾರಿಗಳಿಗೆ ಸೂಚನೆ ನೀಡಿದೆ.ದರ್ಶನ್ ಅರ್ಜಿ ಕುರಿತು ವಾದ ಮಂಡನೆಯಲ್ಲಿ ಸ್ಪೆಷಲ್ ಪಬ್ಲಿಕ್ ಪ್ರಾಸಿಕ್ಯೂಟರ್ ಪ್ರಸನ್ನ ಕುಮಾರ್ ವಾದ ಮಂಡಿಸಿದ್ದರು

ನಟ ದರ್ಶನ್‌ಗೆ ನಿಜವಾಗಿಯೂ ಬೆನ್ನು ನೋವಿನ ಸಮಸ್ಯೆ ಇದ್ದರೆ ವೈದ್ಯಕೀಯ ದಾಖಲೆ ನೀಡಲಿ. ಕಳೆದ ಬಾರಿ ಜಾಮೀನು ಪಡೆಯಲು ಬೆನ್ನು ನೋವಿನ ಸಮಸ್ಯೆ ಹೇಳಿದ್ದರು. ದರ್ಶನ್‌ಗೆ ಸರ್ಜರಿ ಅಗತ್ಯವಿದೆ, ಇಲ್ಲದಿದ್ದರೆ ತೀರಾ ಸಮಸ್ಯೆಯಾಗಲಿದೆ ಎಂದು ಹೇಳಿದ್ದರು.

ನಟ ದರ್ಶನ್ ಪರ ವಕೀಲ ಹಷ್ಮತ್ ಪಾಷಾ ಅವರು ನ್ಯಾಯಾಲಯದಲ್ಲಿ ವಾದ ಮಂಡಿಸಿ, ಕಳೆದ 15 ತಿಂಗಳುಗಳಿಂದ ಜೈಲಿನಲ್ಲಿರುವ ದರ್ಶನ್ ನೆಲದ ಮೇಲೆ ಹಾಸಿಗೆ ಹಾಕಿಕೊಂಡು ಮಲಗುತ್ತಿದ್ದಾರೆ. ಜೊತೆಗೆ ಚಳಿಗಾಲದ ಪರಿಣಾಮ ಬೆನ್ನು ನೋವು ಮತ್ತೆ ಕಾಣಿಸಿಕೊಂಡಿದ್ದು, ಅವರಿಗೆ ಸೂಕ್ತ ವೈದ್ಯಕೀಯ ಚಿಕಿತ್ಸೆ ಪಡೆಯಲು ಅವಕಾಶ ಕಲ್ಪಿಸಬೇಕು ಎಂದು ಮನವಿ ಮಾಡಿದ್ದರು.

ಇದನ್ನೂ ಓದಿ: Bigg Boss Kannada 13: ಈ ವಾರದ ಕ್ಯಾಪ್ಟನ್‌ ಯಶಸ್, ಉತ್ತಮ ಪಟ್ಟ ಪಡೆದ ತಾಂಡವ್

ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ ಎಸ್‌ಪಿಪಿ ಈ ಹಿಂದೆಯೂ ಬೆನ್ನು ನೋವಿನ ಕಾರಣ ನೀಡಿ ದರ್ಶನ್ ಜಾಮೀನು ಪಡೆದಿದ್ದರು. ಆದರೆ ಆ ಸಂದರ್ಭದಲ್ಲಿ ಚಿಕಿತ್ಸೆ ಪಡೆಯುವುದಕ್ಕಿಂತ ಕಾರ್ಯಕ್ರಮಗಳು ಹಾಗೂ ಸಿನಿಮಾ ಚಿತ್ರೀಕರಣಗಳಲ್ಲಿ ಭಾಗವಹಿಸಿದ್ದರು ಎಂಬುದನ್ನು ನ್ಯಾಯಾಲಯದ ಗಮನಕ್ಕೆ ತಂದರು. ಈ ಎಲ್ಲ ಅಂಶಗಳನ್ನು ಪರಿಗಣಿಸಿದ ನ್ಯಾಯಾಲಯ, ದರ್ಶನ್ ಅವರಿಗೆ ಜೈಲಿನಲ್ಲಿಯೇ ಅಗತ್ಯ ವೈದ್ಯಕೀಯ ಚಿಕಿತ್ಸೆ ನೀಡುವಂತೆ ಆದೇಶಿಸಿದೆ.

]]>

IND vs NZ: ಏಕದಿನ ಕ್ರಿಕೆಟ್‌ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ಅತಿ ಹೆಚ್ಚು ಸಿಕ್ಸರ್ ಸಿಡಿಸಿದ ರೋಹಿತ್ ಶರ್ಮಾ!

Sat, 07 Nov 2026 13:49:19 +0000

ವೆಲ್ಲಿಂಗ್ಟನ್‌: ಇಲ್ಲಿನ ಹೆನ್ರಿ ಸ್ಟೇಡಿಯಂನಲ್ಲಿ ನವೆಂಬರ್ 7ರಂದು ನಡೆದಿದ್ದ ಭಾರತ ಮತ್ತು ನ್ಯೂಜಿಲೆಂಡ್ (IND vs NZ) ನಡುವಿನ ಎರಡನೇ ಏಕದಿನ ಪಂದ್ಯದಲ್ಲಿ ಟೀಮ್‌ ಇಂಡಿಯಾದ ಆರಂಭಿಕ ಆಟಗಾರ ರೋಹಿತ್ ಶರ್ಮಾ (Rohit Sharma) ಹೊಸ ದಾಖಲೆ ಬರೆದಿದ್ದಾರೆ. ಕೇವಲ 23 ರನ್ ಗಳಿಸಿದರೂ ತಮ್ಮ ಸ್ಫೋಟಕ ಬ್ಯಾಟಿಂಗ್ ಮೂಲಕ ವಿಶೇಷ ಸಾಧನೆ ಮಾಡಿದ್ದಾರೆ.

ಈ ಪಂದ್ಯದಲ್ಲಿ 28 ಎಸೆತಗಳನ್ನು ಎದುರಿಸಿದ ರೋಹಿತ್, 2 ಬೌಂಡರಿ ಹಾಗೂ 2 ಸಿಕ್ಸರ್‌ಗಳ ನೆರವಿನಿಂದ 23 ರನ್ ಗಳಿಸಿದರು. ಈ ಎರಡು ಸಿಕ್ಸರ್‌ಗಳೊಂದಿಗೆ ನ್ಯೂಜಿಲೆಂಡ್ ವಿರುದ್ಧ ಏಕದಿನ ಕ್ರಿಕೆಟ್‌ನಲ್ಲಿ ಅವರ ಒಟ್ಟು ಸಿಕ್ಸರ್‌ಗಳ ಸಂಖ್ಯೆ 51ಕ್ಕೆ ಏರಿಕೆಯಾಯಿತು. ಆ ಮೂಲಕ ಈ ಹಿಂದೆ 50 ಸಿಕ್ಸರ್‌ಗಳನ್ನು ಸಿಡಿಸಿದ್ದ ಪಾಕಿಸ್ತಾನದ ಮಾಜಿ ಆಟಗಾರ ಶಾಹಿದ್ ಅಫ್ರಿದಿ ಅವರ ದಾಖಲೆಯನ್ನು ಹಿಟ್‌ಮ್ಯಾನ್‌ ಮುರಿದಿದ್ದಾರೆ.

ನ್ಯೂಜಿಲೆಂಡ್ ವಿರುದ್ಧ ಇದುವರೆಗೆ 36 ಏಕದಿನ ಪಂದ್ಯಗಳನ್ನಾಡಿರುವ ರೋಹಿತ್, 34 ಇನಿಂಗ್ಸ್‌ಗಳಲ್ಲಿ 51 ಸಿಕ್ಸರ್‌ಗಳನ್ನು ಬಾರಿಸಿದ್ದಾರೆ. ಅಲ್ಲದೆ, ಒಟ್ಟಾರೆ ಏಕದಿನ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ಸಿಕ್ಸರ್ ಸಿಡಿಸಿದ ವಿಶ್ವದಾಖಲೆಯೂ ರೋಹಿತ್ ಹೆಸರಿನಲ್ಲಿದೆ. ಅವರು 293 ಪಂದ್ಯಗಳಿಂದ 383 ಸಿಕ್ಸರ್‌ಗಳನ್ನು ಸಿಡಿಸಿದ್ದಾರೆ.

IND vs NZ: 7 ರನ್‌ಗೆ ಔಟಾದರೂ ರಿಕಿ ಪಾಟಿಂಗ್‌ ದಾಖಲೆ ಮುರಿದ ವಿರಾಟ್‌ ಕೊಹ್ಲಿ!

ನ್ಯೂಜಿಲೆಂಡ್ ವಿರುದ್ಧ ಅತಿ ಹೆಚ್ಚು ಸಿಕ್ಸರ್ ಸಿಡಿಸಿದವರು

ರೋಹಿತ್ ಶರ್ಮಾ (ಭಾರತ) 51 ಸಿಕ್ಸರ್‌

ಶಾಹಿದ್ ಅಫ್ರಿದಿ ( ಪಾಕಿಸ್ತಾನ) 50 ಸಿಕ್ಸರ್‌

ಕ್ರಿಸ್ ಗೇಲ್ (ವೆಸ್ಟ್ ಇಂಡೀಸ್) 45 ಸಿಕ್ಸರ್‌

ಸನತ್ ಜಯಸೂರ್ಯ (ಶ್ರೀಲಂಕಾ) 41 ಸಿಕ್ಸರ್‌

ವೆಸ್ಟ್ ಇಂಡೀಸ್‌ನ ಸ್ಫೋಟಕ ಬ್ಯಾಟರ್ ಕ್ರಿಸ್ ಗೇಲ್ 45 ಸಿಕ್ಸರ್‌ಗಳೊಂದಿಗೆ ಮೂರನೇ ಸ್ಥಾನದಲ್ಲಿದ್ದರೆ, ಶ್ರೀಲಂಕಾದ ಮಾಜಿ ನಾಯಕ ಸನತ್ ಜಯಸೂರ್ಯ 41 ಸಿಕ್ಸರ್‌ಗಳೊಂದಿಗೆ ನಾಲ್ಕನೇ ಸ್ಥಾನದಲ್ಲಿದ್ದಾರೆ.

IND vs NZ: ವೆಲ್ಲಿಂಗ್ಟನ್‌ನಲ್ಲಿ ಸೋಲುವ ದವಡೆಗೆ ಸಿಲುಕಿದ್ದ ಭಾರತ ತಂಡವನ್ನು ಗೆಲ್ಲಿಸಿದ ಮಳೆರಾಯ!

ಜೇಮಿಸನ್‌ಗೆ ವಿಕೆಟ್ ಒಪ್ಪಿಸಿದ ರೋಹಿತ್

ವೆಲ್ಲಿಂಗ್ಟನ್‌ನಲ್ಲಿ ನಡೆದಿದ್ದ ಎರಡನೇ ಏಕದಿನ ಪಂದ್ಯದಲ್ಲಿ ಭಾರತದ ಚೇಸಿಂಗ್ ವೇಳೆ ರೋಹಿತ್ ಈ ಐತಿಹಾಸಿಕ ಸಾಧನೆ ಮಾಡಿದರು. ನ್ಯೂಜಿಲೆಂಡ್ ವೇಗಿ ಕೈಲ್ ಜೇಮಿಸನ್ ಬೌಲಿಂಗ್‌ನಲ್ಲಿ ಎರಡು ಸಿಕ್ಸರ್‌ಗಳನ್ನು ಸಿಡಿಸಿದ ರೋಹಿತ್ ಬಳಿಕ ಅವರಿಗೇ ವಿಕೆಟ್ ಒಪ್ಪಿಸಿದರು. ವೈಯಕ್ತಿಕವಾಗಿ ದೊಡ್ಡ ಮೊತ್ತ ಗಳಿಸಲು ಸಾಧ್ಯವಾಗದಿದ್ದರೂ, ಅವರ ಈ ಇನಿಂಗ್ಸ್ ಏಕದಿನ ಕ್ರಿಕೆಟ್ ಇತಿಹಾಸದಲ್ಲಿ ವಿಶೇಷ ಸ್ಥಾನ ಪಡೆದುಕೊಂಡಿದೆ.

]]>

ಶಿವರಾಜ ಅರಳಿ ಅವರ ʼಕಣ್ಣ ಬಾನಲ್ಲಿ ಬೆಂಕಿಯ ಚಿತ್ರʼ ಕೃತಿಗೆ ಜನ್ನಾ-ಸನದಿ ಸಾಹಿತ್ಯ ಪ್ರಶಸ್ತಿ

Sat, 07 Nov 2026 13:41:44 +0000

ಹಾವೇರಿ, ನ.07: ತಾಲೂಕಿನ ಮೇಲ್ಮರಿ ಗ್ರಾಮದ ಕವಿ, ಕಥೆಗಾರ ಶಿವರಾಜ ಅರಳಿ ಅವರ ‘ಕಣ್ಣ ಬಾನಲ್ಲಿ ಬೆಂಕಿಯ ಚಿತ್ರʼ ಕೃತಿಗೆ ಬೆಳಗಾವಿಯ ಬಿ.ಎ. ಸನದಿ ಪ್ರತಿಷ್ಠಾನ ನೀಡುವ 2025ನೇ ಸಾಲಿನ ಪ್ರತಿಷ್ಠಿತ ‘ಜನ್ನಾ-ಸನದಿ ಸಾಹಿತ್ಯ ಪ್ರಶಸ್ತಿʼ ಲಭಿಸಿದೆ. ನ.15ರಂದು ಬೆಳಗಾವಿಯ ಕನ್ನಡ ಸಾಹಿತ್ಯ ಭವನದಲ್ಲಿ ಪ್ರಶಸ್ತಿ ಪ್ರದಾನ ಸಮಾರಂಭ ನಡೆಯಲಿದೆ ಎಂದು ಪ್ರತಿಷ್ಠಾನದ ಆಡಳಿತ ಮಂಡಳಿ ತಿಳಿಸಿದೆ.

ಶಿವರಾಜ ಅರಳಿ ಅವರು ಈವರೆಗೆ ‘ಬೆವರ ಹನಿಗಳುʼ, ‘ಬರಡಾದ ಬಾನಂಗಳʼ ಹಾಗೂ ‘ಕಣ್ಣ ಬಾನಲ್ಲಿ ಬೆಂಕಿಯ ಚಿತ್ರʼ ಸೇರಿದಂತೆ ಮೂರು ಕೃತಿಗಳನ್ನು ಪ್ರಕಟಿಸಿದ್ದಾರೆ. ‘ನಿರುಪಾಯʼ ಮತ್ತು ‘ಲೋಕಲ್ ಟ್ರೇನ್ʼ ಕೃತಿಗಳು ಪ್ರಕಟಣೆಯ ಹಂತದಲ್ಲಿವೆ.

ಶಿವರಾಜ ಅರಳಿ ಅವರಿಗೆ ಡಿ.ಎಸ್. ಕರ್ಕಿ ಯುವ ಕಾವ್ಯ ಪ್ರಶಸ್ತಿ, ಬೆಟಗೇರಿ ಕೃಷ್ಣ ಶರ್ಮ ಕಾವ್ಯ ಪ್ರಶಸ್ತಿ, ಆಜೂರ ಪುಸ್ತಕ ಪ್ರಶಸ್ತಿ, ಶಿಭಾ ಕಾವ್ಯ ಪುರಸ್ಕಾರ ಹಾಗೂ ಹಾವೇರಿ ಜಿಲ್ಲಾಡಳಿತದ ರಾಜ್ಯೋತ್ಸವ ಪ್ರಶಸ್ತಿ ಸೇರಿದಂತೆ ಹಲವು ಗೌರವಗಳು ಸಂದಿವೆ.

ಕರ್ನಾಟಕ ಸಾಹಿತ್ಯ ಅಕಾಡೆಮಿ ಬೆಂಗಳೂರು ಯುವ ಕವಿಗೋಷ್ಠಿ, ಮೈಸೂರು ದಸರಾ ಯುವ ಕವಿಗೋಷ್ಠಿ ಸೇರಿದಂತೆ ರಾಜ್ಯದ ವಿವಿಧ ವೇದಿಕೆಗಳಲ್ಲಿ ಕವಿತೆ ವಾಚಿಸಿದ್ದಾರೆ. ಇವರ ಕಥೆ, ಕವಿತೆಗಳು ಮಯೂರ, ಸಂಯುಕ್ತ ಕರ್ನಾಟಕ, ಕರ್ಮವೀರ ಪತ್ರಿಕೆಗಳಲ್ಲಿ ಪ್ರಕಟವಾಗಿದ್ದು, ಆಕಾಶವಾಣಿ ಧಾರವಾಡದಲ್ಲಿಯೂ ಪ್ರಸಾರಗೊಂಡಿವೆ. ಪ್ರಸ್ತುತ ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ‘ಚಕೋರʼ ಯೋಜನೆಯ ಬೆಳಗಾವಿ ಜಿಲ್ಲಾ ಸಂಚಾಲಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ ಎಂದು ತಿಳಿಸಿದೆ.

]]>

ಛಲವಾದಿ ನಾರಾಯಣಸ್ವಾಮಿ ಮನೆಗೆ ಚಾಕು, ಚೂರಿ ಆರ್ಡರ್‌; ಕಾಂಗ್ರೆಸ್‌ದು ಗೂಂಡಾ ಸಂಸ್ಕೃತಿ ಎಂದು ವಿಜಯೇಂದ್ರ ಕಿಡಿ

Sat, 07 Nov 2026 13:36:30 +0000

ಬೆಂಗಳೂರು, ನ.07: ವಿಧಾನ ಪರಿಷತ್ ವಿಪಕ್ಷ ನಾಯಕ ಛಲವಾದಿ ನಾರಾಯಣಸ್ವಾಮಿ ಅವರ ಮನೆಗೆ ನೂರಾರು ಚೂರಿಗಳು ಮತ್ತು ಚಾಕುಗಳನ್ನು ಕಳಿಸುವುದರ ಮುಖೇನ ಕಾಂಗ್ರೆಸ್ ಪಕ್ಷ, ಕಾಂಗ್ರೆಸ್ ಸರ್ಕಾರ, ಕಾಂಗ್ರೆಸ್ ಕಾರ್ಯಕರ್ತರ ಸಂಸ್ಕೃತಿಯನ್ನು ಮತ್ತೊಮ್ಮೆ ಅನಾವರಣಗೊಳಿಸುವ ಕೆಲಸ ಅವರು ಮಾಡಿದ್ದಾರೆ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ವೈ. ವಿಜಯೇಂದ್ರ (BY Vijayendra) ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಶನಿವಾರ ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಕೊತ್ವಾಲ್ ರಾಮಚಂದ್ರ ಜತೆಯಲ್ಲಿ ಗೂಂಡಾಗಿರ್ದಿ ಮಾಡಿಕೊಂಡು ಬಂದಂತವರು ಕಾಂಗ್ರೆಸ್ ಪಕ್ಷದ ವ್ಯವಸ್ಥೆಯಲ್ಲೂ ಇದ್ದಾರೆ, ಸರ್ಕಾರದಲ್ಲೂ ಕೂಡ ಇದ್ದಾರೆ. ಹುಟ್ಟುಗುಣ ಸುಟ್ಟರೂ ಹೋಗಲ್ಲ ಅನ್ನುವಂತೆ ಇವರ ವರ್ತನೆ ಇದೆ. ಕಾಂಗ್ರೆಸ್ ಸರ್ಕಾರ ಸಂಪೂರ್ಣ ಹತಾಶ ಸ್ಥಿತಿಯಲ್ಲಿದೆ. ಡಿ.ಕೆ. ಶಿವಕುಮಾರ್, ಬಿ.ಕೆ. ಹರಿಪ್ರಸಾದ್, ಪ್ರಿಯಾಂಕ್ ಖರ್ಗೆ ಎಂಬ ಈ ಡಿಕೆ, ಬಿಕೆ ಮತ್ತು ಪಿಕೆ- ಇವರ ಗೂಂಡಾವರ್ತನೆಯನ್ನು ಯಾರೂ ಕ್ಷಮಿಸುವುದಕ್ಕೆ ಸಾಧ್ಯ ಇಲ್ಲ ಎಂದು ತಿಳಿಸಿದರು.

ಭಾರತೀಯ ಜನತಾ ಪಾರ್ಟಿ ಇದನ್ನು ನಾವು ಬಲವಾಗಿ ಖಂಡಿಸುತ್ತೇವೆ. ನಾನು ಇತ್ತೀಚೆಗೆ ದಾವಣಗೆರೆಯಲ್ಲಿ ಏನೋ ಒಂದು ಮಾತನ್ನು ಆಡಿದ್ದೆ, ನಾನು ಹೇಳಿದ್ದೇನೆ ಬಾಯಿ ತಪ್ಪಿನಿಂದ ಬಂದಿದೆ, ಅದನ್ನು ಹಿಂತೆಗೆದುಕೊಳ್ಳುತ್ತೇನೆ ಅಂತ ಹೇಳಿ ವಿಷಾದವನ್ನು ವ್ಯಕ್ತಪಡಿಸಿದ್ದೇನೆ. ಈ ಲಜ್ಜೆಗೆಟ್ಟ ಕಾಂಗ್ರೆಸ್ ಪಕ್ಷ ಪೋಸ್ಟರ್ ಅಭಿಯಾನವನ್ನು ಮಾಡುತ್ತಿದೆ ಎಂದು ಆಕ್ಷೇಪಿಸಿದರು.

ಕಾಂಗ್ರೆಸ್ಸಿಗರಿಗೆ ಹತಾಶೆ ಯಾಕೆ?

ಪ್ರಿಯಾಂಕ್ ಖರ್ಗೆ ಒಬ್ಬ ಕೇಂದ್ರ ಸಚಿವರ ಬಗ್ಗೆ ಹಳ್ಳಿ ಗುಗ್ಗು ಎನ್ನುತ್ತಾರೆ. ಒಬ್ಬ ಗೃಹ ಸಚಿವರಾಗಿ ಮಾತಾಡುವ ಮಾತೇ ಇದು ಎಂದು ಕೇಳಿದರು. ಕಾಂಗ್ರೆಸ್ಸಿನವರು ಚುನಾಯಿತ ಪ್ರಧಾನಮಂತ್ರಿಗಳಾದ ನರೇಂದ್ರ ಮೋದಿಯವರ ಕುರಿತು ಹಗುರ ಮಾತನಾಡುತ್ತಾರೆ. ಅವರ ತಂದೆ- ತಾಯಿಯನ್ನೂ ಟೀಕಿಸಿದ್ದಾರೆ ಎಂದು ದೂರಿದರು. ಮೊನ್ನೆ ಮಲ್ಲಿಕಾರ್ಜುನ ಖರ್ಗೆಯವರು ಬಿಹಾರದಲ್ಲಿ ನರೇಂದ್ರ ಮೋದಿಜೀ ಅವರ ತಂದೆ ಬಗ್ಗೆ ಟೀಕೆ ಮಾಡಿದ್ದಾರೆ. ಯಾಕೆ ಇಷ್ಟು ಹತಾಶರಾಗಿದ್ದೀರಿ ಕಾಂಗ್ರೆಸ್‍ನವರು? ಎಂದು ಪ್ರಶ್ನೆ ಹಾಕಿದರು.

ಜೇಬು ಖಾಲಿ ಇದೆ ಎಂದ ಸಿಎಂ

ರಾಜ್ಯದ ಆರ್ಥಿಕ ಪರಿಸ್ಥಿತಿ ಎಲ್ಲಿಗೆ ಬಂದು ಮುಟ್ಟಿದೆ ಎಂದರೆ, ಸ್ವತಃ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರು ಬೆಳಗಾವಿಯಲ್ಲಿ ಕಬ್ಬು ಬೆಳೆಗಾರರ ಮುಂದೆ ಹೋಗಿ, ತನ್ನ ಜೇಬು ಖಾಲಿ ಇದೆ, ಸರ್ಕಾರದಲ್ಲಿ ದುಡ್ಡಿಲ್ಲ ನಿಮಗೆ ಪರಿಹಾರ ಕೊಡೋದಕ್ಕೆ ಅಂತ ಹೇಳಿ ಬಂದಿದ್ದಾರೆ ಎಂದು ಟೀಕಿಸಿದ ಅವರು, ಡೀಸೆಲ್ ಹಾಕಿಸೋಕೆ ದುಡ್ಡಿಲ್ಲ ನಮ್ಮ ಹತ್ರ ಸರ್ಕಾರದಲ್ಲಿ ಅಂತ ಹೇಳಿ ಸ್ವತಃ ಮುಖ್ಯಮಂತ್ರಿಗಳು ಹೇಳಿದ್ದಾರೆ. ಕಳೆದ ಮೂರೂವರೆ ವರ್ಷದಲ್ಲಿ ಬಡವರಿಗೆ ಒಂದು ಮನೆ ಕೊಡೋದಕ್ಕೆ ಆಗಿಲ್ಲ. ವಿಕಲಚೇತನರಿಗೆ ಇವತ್ತು ಪಿಂಚಣಿ, ವೃದ್ಧಾಪ್ಯ ವೇತನ, ವಿಧವಾ ವೇತನ ಕೊಡುತ್ತಿಲ್ಲ. ಹಲವಾರು ಬಾರಿ ನಾವು ಮುಖ್ಯಮಂತ್ರಿಗಳಿಗೆ, ಹಿಂದಿನ ಮುಖ್ಯಮಂತ್ರಿಗಳಿಗೂ ಕೂಡ ಕೇಳಿದ್ದೇವೆ. ರಾಜ್ಯದ ಆರ್ಥಿಕ ಪರಿಸ್ಥಿತಿಯ ಬಗ್ಗೆ ಶ್ವೇತಪತ್ರವನ್ನು ಹೊರಡಿಸಿ ಅಂತ ಡಿ. ಕೆ. ಶಿವಕುಮಾರ್ ಅವರಿಗೂ ಕೂಡ ಕೇಳಿದ್ದೇವೆ. ಆದರೆ, ಅದನ್ನು ಕೊಟ್ಟಿಲ್ಲ ಎಂದು ದೂರಿದರು.

ವೈಫಲ್ಯ ಮುಚ್ಚಿ ಹಾಕಲು ನಾಟಕ

ಅಭಿವೃದ್ಧಿ ಕೆಲಸ ಮಾಡೋದಕ್ಕೆ ಆಗುತ್ತಿಲ್ಲ. ನಿಮ್ಮ ವೈಫಲ್ಯಗಳನ್ನು ಮುಚ್ಚಿ ಹಾಕಿಕೊಳ್ಳುವ ಸಲುವಾಗಿ ಈ ರೀತಿ ನಾಟಕ ಮಾಡುತ್ತೀರಿ. ಜಿಲ್ಲಾ ಪಂಚಾಯಿತಿ, ತಾಲೂಕು ಪಂಚಾಯಿತಿ, ಜಿಬಿಎ ಚುನಾವಣೆ ಮಾಡೋದಕ್ಕೂ ತಯಾರಿಲ್ಲ. ಖಜಾನೆ ಖಾಲಿಯಾಗಿದೆ, ಇದು ವಾಸ್ತವಿಕ ಸತ್ಯ ಎಂದು ಆರೋಪಿಸಿದರು.

ಕಾಂಗ್ರೆಸ್ ಸರ್ಕಾರ ಕಳೆದ ಮೂರೂವರೆ ವರ್ಷದಲ್ಲಿ ಏನು ಸಾಧನೆ ಮಾಡಿದೆ ಎಂಬ ಪೋಸ್ಟರ್ ಹಚ್ಚಲಿ. ಎಷ್ಟು ಬಡವರಿಗೆ ಮನೆ ಕೊಟ್ಟಿದ್ದಾರೆ ಕರ್ನಾಟಕ ರಾಜ್ಯದಲ್ಲಿ ಅದರ ಬಗ್ಗೆ ಪೋಸ್ಟರ್ ಹಚ್ಚಲಿ. ಎಷ್ಟು ಬಾರಿ ಬೆಲೆ ಏರಿಕೆ ಮಾಡಿದ್ದಾರೆ ಅದರ ಬಗ್ಗೆ ಪೋಸ್ಟರ್ ಹಚ್ಚಲಿ. ಎಷ್ಟು ರಸ್ತೆ ಗುಂಡಿಗಳನ್ನು ಮುಚ್ಚಿದ್ದಾರೆ, ಶಾಸಕರ ಕ್ಷೇತ್ರಕ್ಕೆ ಎಷ್ಟು ಕೋಟಿ ಅನುದಾನ ಕೊಟ್ಟಿದ್ದೀರಿ ಅದರ ಬಗ್ಗೆ ಪೋಸ್ಟರ್ ಹಚ್ಚಲಿ ಎಂದು ಸವಾಲು ಹಾಕಿದರು. ಹಾಲಿನ ದರ ಏರಿಸಿದ್ದು, ಬಸ್ ಪ್ರಯಾಣದರ ಏರಿಕೆಯನ್ನು ಅವರು ಖಂಡಿಸಿದರು. ಇವರು ಅತೀ ಶೀಘ್ರದಲ್ಲಿ ವಿದ್ಯುತ್‌ನ ದರವನ್ನು ಕೂಡ ಹೆಚ್ಚಿಸುತ್ತಾರೆ ಎಂದು ತಿಳಿಸಿದರು.‌

ಅಮಿತ್ ಶಾ ಹೇಳಿಕೆ ವೀಡಿಯೊ ತಿರುಚಲಾಗಿದೆ; ರಾಹುಲ್‌ ಗಾಂಧಿ ವಿರುದ್ಧ ಕೇಂದ್ರ ಸಚಿವ ಪ್ರಲ್ಹಾದ್ ಜೋಶಿ ವಾಗ್ದಾಳಿ

ಒಗ್ಗೂಡಿ ನಡೆಯುತ್ತೇವೆ

ಬಿಜೆಪಿ-ಜೆಡಿಎಸ್ ಒಟ್ಟಾಗಿ ಹೋಗಬೇಕು ಅಂತ ಹೇಳಿ ಎಲ್ಲಾ ಹಿರಿಯರ ಅಪೇಕ್ಷೆಯೂ ಇದೆ, ಆ ನಿಟ್ಟಿನಲ್ಲಿ ನಾವು ಮುಂದೆ ಹೋಗುತ್ತೇವೆ ಎಂದು ಅವರು ತಿಳಿಸಿದರು. ಲಂಚ ಇಲ್ಲದೇ ಈ ಕಾಂಗ್ರೆಸ್ ಸರ್ಕಾರದಲ್ಲಿ ಏನೂ ಕೂಡ ನಡೀತಾ ಇಲ್ಲ. ಇದರ ಕುರಿತು ಸದನದಲ್ಲಿ ಮಾತನಾಡುವೆ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ವೈ. ವಿಜಯೇಂದ್ರ ಹೇಳಿದರು.

]]>

ಬೆಂಗಳೂರಿನಲ್ಲಿ ʼಮೀಡಿಯಾ ಕಪ್ʼ ಆಟಗಾರರ ಹರಾಜು ಪ್ರಕ್ರಿಯೆ; ಟ್ರೋಪಿ ಅನಾವರಣಗೊಳಿಸಿದ ನಟ ವಸಿಷ್ಠ ಸಿಂಹ

Sat, 07 Nov 2026 13:26:03 +0000

ಬೆಂಗಳೂರು, ನ.07: ಪತ್ರಕರ್ತರು ಹಾಗೂ ಮಾಧ್ಯಮದ ಗೆಳೆಯರಿಗಾಗಿ ಫೈವ್‌ಸ್ಟಾರ್ಸ್ ಸಂಸ್ಥೆ ಆಯೋಜಿಸಿರುವ ‘ಮೀಡಿಯಾ ಕಪ್ʼ ನ ಆಟಗಾರರ ಹರಾಜು ಪ್ರಕ್ರಿಯೆ ನಗರದ ಖಾಸಗಿ ಕ್ಲಬ್‌ನಲ್ಲಿ ಜರುಗಿತು. ಎವಿಆರ್ ಸಿನಿಮ್ಯಾಕ್ಸ್ ಅರ್ಪಿಸುತ್ತಿರುವ ಈ ಕ್ರಿಕೆಟ್ ಹಬ್ಬದ ಮೀಡಿಯಾ ಟ್ರೋಪಿಯನ್ನು ನಟ ವಸಿಷ್ಠ ಸಿಂಹ ಅನಾವರಣಗೊಳಿಸಿದರು. ಕಾರ್ಯಕ್ರಮದಲ್ಲಿ ಎಂಟು ತಂಡಗಳ ಆಯ್ಕೆ ನಡೆಯಿತು. ಇದೇ ವೇಳೆ ಎಲ್ಲ ತಂಡಗಳ ಜರ್ಸಿಗಳನ್ನು ಬಿಡುಗಡೆಗೊಳಿಸಲಾಯಿತು.

ನಿಶ್ಚಿತ ಚಾಲೆಂಜರ್ಸ್, ರಂಗ ಇಲೆವೆನ್, ಟೀಂ ಪರ್ವಂ, ಬಸವನಗುಡಿ ಸಾಯಿ ಕ್ರಿಕೆಟರ್ಸ್, ಸಿರ್ ಚಾಲೆಂಜರ್ಸ್, ದೇವ್ ಬ್ಯಾಟ್ಲಸ್, ಗುರು ಸುಜಯ್, ಕ್ರಿಕೆಟರ್ಸ್, ಮರೈನ್ ಫೈಟರ್ಸ್ ತಂಡಗಳು ಟೂರ್ನಿಯಲ್ಲಿ ಭಾಗವಹಿಸಲಿವೆ. ಡಿಸೆಂಬರ್ ಮೊದಲ ವಾರದಲ್ಲಿ ನಡೆಯಲಿರುವ ಪಂದ್ಯಾವಳಿಯಲ್ಲಿ ಕೇವಲ ಮಾಧ್ಯಮ ಪ್ರತಿನಿಧಿಗಳಲ್ಲದೆ ಚಿತ್ರರಂಗದ ಕೆಲ ನಟರೂ ಕೂಡ ಭಾಗವಹಿಸಲಿದ್ದಾರೆ ಎಂದು ಆಯೋಜಕರು ತಿಳಿಸಿದರು.

ಇದಾದ ನಂತರ ಸುಮಾರು 200ರಕ್ಕೂ ಹೆಚ್ಚು ಅನುಭವಿ ಹಾಗೂ ಪರಿಣತ ಆಟಗಾರರ ಹರಾಜು ಪ್ರಕ್ರಿಯೆ ನಡೆಯಿತು. ಇದರಲ್ಲಿ ಚೇತನ್ ಸಿ.ಆರ್. ತಂಡದ ಸಿಆರ್ ಚಾಲೆಂಜರ್ಸ್ ತಂಡವು ಪ್ರಮುಖ ಆಟಗಾರರಾದ ಸೈಮೋನ್ ಅವರನ್ನು ಅತಿ ಹೆಚ್ಚಿನ ಬಿಡ್ ಮಾಡಿ ತನ್ನ ತೆಕ್ಕೆಗೆ ಹಾಕಿಕೊಂಡಿದ್ದಲ್ಲದೆ, ಐಪಿಎಲ್ ಮಾದರಿಯಲ್ಲಿ ಆಯೋಜಿಸಲಾಗಿದ್ದ ಕಾರ್ಯಕ್ರಮದಲ್ಲಿ ಇನ್ನೂ ಪ್ರಮುಖ ಆಟಗಾರರನ್ನು ಜಿದ್ದಾಜಿದ್ದಿಗೆ ಬಿದ್ದು ತಂಡಗಳು ಖರೀದಿಸಿದರು.

ಸಮಾರಂಭದಲ್ಲಿ ನಟ ವಸಿಷ್ಠ ಸಿಂಹ, ಪ್ರಯೋಜಕ, ಮಾಲೀಕ ಮಂಜುನಾಥ್ ಎನ್. ಹಾಗೂ ಟಾಸ್ಕ್ ಎಂಟರ್ ಪ್ರೈಸಸ್ ಮಾಲೀಕ ಸಂಜಯ್, ಹಿರಿಯ ಪತ್ರಕರ್ತ ರಮಾಕಾಂತ್, ಪ್ರೆಸ್‌ಕ್ಲಬ್‌ನ ಪ್ರಧಾನ ಕಾರ್ಯದರ್ಶಿ ಶಿವಕುಮಾರ್ ಬೆಳ್ಳಿತಟ್ಟೆ, ಆಯೋಜಕರಾದ ಕೃಷ್ಣ ನಾಯಕ, ರಚನ್, ಜಯಪ್ರಕಾಶ್, ಸಯ್ಯದ್, ರವಿ ಕುಮಾರ್ ಸೇರಿದಂತೆ ಎಲ್ಲ ತಂಡಗಳ ಮಾಲೀಕರು ಭಾಗವಹಿಸಿದ್ದರು.

]]>

Bigg Boss Kannada 13: ಜಗದೀಶ್‌ಗೆ ಕಿಚ್ಚ ಸುದೀಪ್ ಕ್ಲಾಸ್, ನಂಬರ್ 1 ಸ್ಥಾನಕ್ಕಾಗಿ ಮನೆಯವರ ನಡುವೆ ಫೈಟ್!

Sat, 07 Nov 2026 13:24:32 +0000

ಬಿಗ್‌ ಬಾಸ್‌ ಕನ್ನಡ ಸೀಸನ್ 13ರ ಈ ವಾರದ ವೀಕೆಂಡ್ ಪಂಚಾಯಿತಿ ಸಾಕಷ್ಟು ಕುತೂಹಲ ಮೂಡಿಸಿದೆ. ಸಾಮಾನ್ಯವಾಗಿ ವಾರದ ಟಾಸ್ಕ್‌ಗಳು ಹಾಗೂ ಸ್ಪರ್ಧಿಗಳ ನಡವಳಿಕೆ ಬಗ್ಗೆ ಚರ್ಚೆ ನಡೆಸುತ್ತಿದ್ದ ಕಿಚ್ಚ ಸುದೀಪ್, ಈ ಬಾರಿ ಮನೆಯೊಳಗೆ (Jageesh) ನಡೆದ ಪತ್ರದ ಪ್ರಸಂಗವನ್ನು ಪ್ರಮುಖವಾಗಿ ಕೈಗೆತ್ತಿಕೊಳ್ಳಲಿದ್ದಾರೆ. ಕುಟುಂಬದವರಿಂದ ಬಂದ ಪತ್ರಗಳು ಸ್ಪರ್ಧಿಗಳನ್ನು ಭಾವುಕರನ್ನಾಗಿಸಿದ್ದರೆ, ಅನಾಮಧೇಯ ಪತ್ರಗಳು (Letter) ಮನೆಯ ವಾತಾವರಣವನ್ನೇ ಬದಲಿಸಿವೆ.

ಅನಾಮಧೇಯ ಪತ್ರದಿಂದ ಮನೆಯೊಳಗೆ ಶುರುವಾದ ಸಂಘರ್ಷ!

ಈ ವಾರ ಬಿಗ್‌ ಬಾಸ್‌ ಸ್ಪರ್ಧಿಗಳಿಗೆ ತಮ್ಮ ಕುಟುಂಬದವರಿಂದ ಪತ್ರಗಳನ್ನು ಸ್ವೀಕರಿಸುವ ಅವಕಾಶ ಸಿಕ್ಕಿತ್ತು. ಬಹಳ ದಿನಗಳ ನಂತರ ಮನೆಯವರಿಂದ ಬಂದ ಸಂದೇಶಗಳನ್ನು ಓದಿದ ಸ್ಪರ್ಧಿಗಳು ಭಾವುಕರಾಗಿದ್ದರು. ಇದರ ಜೊತೆಗೆ ಮತ್ತೊಂದು ವಿಶೇಷ ಅವಕಾಶವಾಗಿ ಅನಾಮಧೇಯ ಪತ್ರ ಬರೆಯುವ ಅವಕಾಶವನ್ನೂ ನೀಡಲಾಗಿತ್ತು.

ಮನಸ್ಸಿನಲ್ಲಿದ್ದ ಅಸಮಾಧಾನ, ಬೇಸರ ಹಾಗೂ ಹೇಳಲಾಗದ ಮಾತುಗಳನ್ನು ಪತ್ರದ ಮೂಲಕ ವ್ಯಕ್ತಪಡಿಸಲು ಸ್ಪರ್ಧಿಗಳು ಮುಂದಾದರು. ಆದರೆ ಈ ಪ್ರಯತ್ನ ಮನೆಯೊಳಗೆ ಹೊಸ ವಿವಾದಕ್ಕೆ ಕಾರಣವಾಯಿತು. ಅದರಲ್ಲೂ ಜಗದೀಶ್ ಮತ್ತು ಯಶಸ್ ಕೃಷ್ಣ ನಡುವಿನ ಘಟನೆ ಇದೀಗ ವೀಕೆಂಡ್ ಪಂಚಾಯಿತಿಯ ಪ್ರಮುಖ ಚರ್ಚೆಯ ವಿಷಯವಾಗಿದೆ.

View this post on Instagram

A post shared by Colors Kannada Official (@colorskannadaofficial)

ಜಗದೀಶ್ ವರ್ತನೆಗೆ ಸುದೀಪ್ ಏನು ಹೇಳಲಿದ್ದಾರೆ?

ಜಗದೀಶ್ ಅವರಿಗೆ ಬಂದ ಅನಾಮಧೇಯ ಪತ್ರದಲ್ಲಿ ಮನೆಯ ಇತರ ಸದಸ್ಯರ ಬಗ್ಗೆ ಹಿಂದಿನಿಂದ ಮಾತನಾಡುವುದು ಹಾಗೂ ಅವರ ಮನಸ್ಸಿಗೆ ನೋವುಂಟುಮಾಡುವ ವರ್ತನೆಯ ಕುರಿತು ಉಲ್ಲೇಖಿಸಲಾಗಿತ್ತು. ಇದರಿಂದ ಕೋಪಗೊಂಡ ಜಗದೀಶ್ ಪತ್ರವನ್ನು ಹರಿದು ಯಶಸ್ ಕಡೆಗೆ ಎಸೆಯಲು ಮುಂದಾದರು. ಈ ವೇಳೆ ಯಶಸ್ ಕಾಲು ಅಡ್ಡ ಇಟ್ಟಿದ್ದರಿಂದ ಪರಿಸ್ಥಿತಿ ಮತ್ತಷ್ಟು ಬಿಗಡಾಯಿಸಿತು.

ಇದೇ ಸಂದರ್ಭದಲ್ಲಿ ಸೌಂದರ್ಯ ಶೆಟ್ಟಿ ಅವರು ಜಗದೀಶ್ ಅವರನ್ನು ಉದ್ದೇಶಿಸಿ 'ಫೇಕ್ ಫೇಕ್' ಎಂದು ಕೂಗಿದ್ದು ಕೂಡ ಚರ್ಚೆಗೆ ಗ್ರಾಸವಾಗಿದೆ. ಈ ಘಟನೆಯಲ್ಲಿ ಯಾರು ಎಷ್ಟು ತಪ್ಪು ಮಾಡಿದ್ದಾರೆ ಎಂಬುದನ್ನು ಕಿಚ್ಚ ಸುದೀಪ್ ಪಂಚಾಯಿತಿಯಲ್ಲಿ ಪ್ರಸ್ತಾಪಿಸುವ ಸಾಧ್ಯತೆಯಿದೆ.

ಈ ವಾರದ ಪಂಚಾಯಿತಿಯಲ್ಲಿ ಗಾನವಿ ಗೌಡ ಅವರ ಭಾವುಕ ಕ್ಷಣಗಳೂ ಪ್ರಮುಖವಾಗಲಿವೆ. ಕುಟುಂಬದ ಪತ್ರಕ್ಕಾಗಿ ಅವರು ಕಾಯುತ್ತಿದ್ದ ರೀತಿ ಮತ್ತು ಪತ್ರ ಸಿಕ್ಕಾಗ ವ್ಯಕ್ತಪಡಿಸಿದ ಭಾವನೆಗಳು ವೀಕ್ಷಕರ ಗಮನ ಸೆಳೆದಿವೆ. ಮನೆಯವರ ಬೆಂಬಲದ ವಿಚಾರವೂ ಚರ್ಚೆಯಾಗುವ ನಿರೀಕ್ಷೆಯಿದೆ.

ಇದರ ಜೊತೆಗೆ ಕಿರಣ್ ಶಾಸ್ತ್ರಿ ಅವರ ಮಾತಿನ ಶೈಲಿ ಹಾಗೂ ಕೆಲವು ಸಂದರ್ಭಗಳಲ್ಲಿ ಬಳಸಿದ ಪದಗಳ ಬಗ್ಗೆಯೂ ಸುದೀಪ್ ಪ್ರಶ್ನೆ ಎತ್ತುವ ಸಾಧ್ಯತೆಯಿದೆ. ಒಟ್ಟಿನಲ್ಲಿ ಈ ವಾರದ ಪಂಚಾಯಿತಿ ಕೇವಲ ಪತ್ರದ ಜಗಳಕ್ಕೆ ಸೀಮಿತವಾಗದೆ, ಸ್ಪರ್ಧಿಗಳ ವರ್ತನೆಯ ಬಗ್ಗೆಯೂ ಕಠಿಣ ಚರ್ಚೆಗೆ ವೇದಿಕೆಯಾಗಲಿದೆ.

ಜಗದೀಶ್ ನೀಡಿದ ರ‍್ಯಾಂಕಿಂಗ್‌ಗೆ ಕಿಚ್ಚನ ವ್ಯಂಗ್ಯ!

ಕ್ಯಾಪ್ಟನ್ ಆಗಿದ್ದ ಜಗದೀಶ್ ಸ್ಪರ್ಧಿಗಳಿಗೆ 1ರಿಂದ 10ರವರೆಗೆ ರ‍್ಯಾಂಕಿಂಗ್ ನೀಡುವ ಜವಾಬ್ದಾರಿ ಪಡೆದಿದ್ದರು. ಆದರೆ ಸ್ಪರ್ಧಿಗಳ ಆಟದ ಸಾಮರ್ಥ್ಯವನ್ನು ಪರಿಗಣಿಸುವ ಬದಲು, ಮನೆಯ ಕೆಲಸಗಳನ್ನು ಆಧಾರವಾಗಿಟ್ಟುಕೊಂಡು ಸ್ಥಾನಗಳನ್ನು ನೀಡಿದಂತಿತ್ತು ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ.

ಈ ರ‍್ಯಾಂಕಿಂಗ್ ನೇರ ನಾಮಿನೇಷನ್ ಪ್ರಕ್ರಿಯೆಯ ಮೇಲೂ ಪರಿಣಾಮ ಬೀರಿರುವುದರಿಂದ ವಿಚಾರ ಮತ್ತಷ್ಟು ಗಂಭೀರವಾಗಿದೆ. ಇದೇ ವಿಷಯವನ್ನು ಪ್ರಸ್ತಾಪಿಸಿದ ಕಿಚ್ಚ ಸುದೀಪ್, ಸ್ಪರ್ಧಿಗಳ ಆಟದ ಮೌಲ್ಯಮಾಪನಕ್ಕೂ ಮನೆಯ ಕೆಲಸಗಳಿಗೂ ಇರುವ ವ್ಯತ್ಯಾಸವನ್ನು ಹಾಸ್ಯಮಿಶ್ರಿತ ವ್ಯಂಗ್ಯದ ಮೂಲಕ ವಿವರಿಸಿದ್ದಾರೆ.

ಅಡುಗೆ ಮಾಡಲು ಬರುವುದಿಲ್ಲ, ಪಾತ್ರೆ ತೊಳೆಯುವುದಿಲ್ಲ, ತರಕಾರಿ ಹೆಚ್ಚಲು ಸಾಧ್ಯವಿಲ್ಲ ಎಂಬ ಕಾರಣಗಳನ್ನು ಮುಂದಿಟ್ಟುಕೊಂಡು ರ‍್ಯಾಂಕಿಂಗ್ ನೀಡಿದರೆ ಅದು ಆಟದ ಮೌಲ್ಯಮಾಪನವಾಗುವುದಿಲ್ಲ ಎಂಬರ್ಥದಲ್ಲಿ ಜಗದೀಶ್‌ಗೆ ಚಾಟಿ ಬೀಸಿದ್ದಾರೆ.

ಇದನ್ನೂ ಓದಿ: Bigg Boss Kannada 13: ಈ ವಾರದ ಕ್ಯಾಪ್ಟನ್‌ ಯಶಸ್, ಉತ್ತಮ ಪಟ್ಟ ಪಡೆದ ತಾಂಡವ್

ಸುದೀಪ್ ಅವರ ಮಾತಿನ ಬಳಿಕ ಮನೆಯೊಳಗಿನ ವಾತಾವರಣವೇ ಬದಲಾಗಿದೆ. ಪ್ರತಿಯೊಬ್ಬ ಸ್ಪರ್ಧಿಯೂ ತಾನು ಯಾವ ಸ್ಥಾನಕ್ಕೆ ಅರ್ಹ ಎಂಬುದನ್ನು ನಿರ್ಧರಿಸಿಕೊಂಡು ತಮ್ಮ ಸ್ಥಾನವನ್ನು ಸಮರ್ಥಿಸಿಕೊಳ್ಳಲು ಸಜ್ಜಾಗಿದ್ದಾರೆ.

]]>

ಅರುಣಾಚಲ ಪ್ರದೇಶದ 50 ಕಿಲೋ ಮೀಟರ್‌ ಚೀನಾ ಆಕ್ರಮಿಸಿಕೊಂಡಿದ್ದಾಗಿ ಸುಳ್ಳುಸುದ್ದಿ ಹರಡಿದ ಪಾಕಿಸ್ತಾನ; ಫ್ಯಾಕ್ಟ್‌ ಚೆಕ್‌ನಲ್ಲಿ ಅಸಲಿಯತ್ತು ಬಯಲು

Sat, 07 Nov 2026 12:57:00 +0000

ದೆಹಲಿ, ನ. 7: ಭಾರತದೊಂದಿಗೆ ನೇರ ಮುಖಾಮುಖಿಯಾಗಲು ಸಾಮರ್ಥ್ಯವಿಲ್ಲದ ಪಾಕಿಸ್ತಾನ ಸೋಷಿಯಲ್‌ ಮೀಡಿಯಾದಲ್ಲಿ ಸುಳ್ಳು ಸುದ್ದಿಯನ್ನು ಹಬ್ಬಿಸುವ ಮೂಲಕ ಕಳ್ಳಾಟವಾಡುತ್ತಲೇ ಇದೆ. ಭಾರತೀಯ ಸೇನೆಯ ಬಗ್ಗೆ ಇಲ್ಲಸಲ್ಲದ ವಿಚಾರ ಬಿಂಬಿಸಲು ಯತ್ನಿಸಿ ಸಾಕಷ್ಟು ಬಾರಿ ಮುಖಭಂಗ ಅನುಭವಿಸಿದರೂ ಬುದ್ಧಿ ಕಲಿತಿಲ್ಲ. ಇದೀಗ ಮತ್ತೊಮ್ಮೆ ಅಂತಹದ್ದೇ ವಿಫಲ ಪ್ರಯತ್ನಕ್ಕೆ ಕೈಹಾಕಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಮಾನ ಕಳೆದುಕೊಂಡಿದೆ. ಭಾರತದ ಅರುಣಾಚಲ ಪ್ರದೇಶದ 50 ಕಿಲೋ ಮೀಟರ್‌ ಅನ್ನು ಚೀನಾ ಅಕ್ರಮಿಸಿಕೊಂಡಿದೆ ಎಂದು ಪಾಕಿಸ್ತಾನ ಬೆಂಬಲಿತ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡ ಸುದ್ದಿ ಸಂಪೂರ್ಣ ಸುಳ್ಳು ಎಂದು ಭಾರತೀಯ ಸೇನೆ ಫ್ಯಾಕ್ಟ್‌ ಚೆಕ್‌ (Fact Check) ಮೂಲಕ ಸಾಬೀತುಪಡಿಸಿದೆ.

ಚೀನಿ ಪಡೆಗಳು ಭಾರತೀಯ ಸೈನಿಕರನ್ನು ಸೋಲಿಸಿ ಅರುಣಾಚಲ ಪ್ರದೇಶದೊಳಗೆ ಸುಮಾರು 50 ಕಿಲೋ ಮೀಟರ್‌ ಒಳಗೆ ಮುನ್ನಗ್ಗಿವೆ ಮತ್ತು ಭಾರತೀಯ ಭೂಪ್ರದೇಶದ ಕೆಲವು ಭಾಗಗಳನ್ನು ಚೀನಾದ ಪೀಪಲ್ಸ್ ಲಿಬರೇಶನ್ ಆರ್ಮಿ (PLA) ನಿಯಂತ್ರಣಕ್ಕೆ ಪಡೆದುಕೊಂಡಿದೆ ಎಂಬ ಸುದ್ದಿಯನ್ನು ಭಾರತೀಯ ಸೇನೆ ತಳ್ಳಿಹಾಕಿದೆ.

ಭಾರತೀಯ ಸೇನೆಯ ಫ್ಯಾಕ್ಟ್‌ ಚೆಕ್‌:

Coordinated Inauthentic Behaviour Exposed ❌ Several suspected Pak-sponsored social media accounts are circulating misleading claims that Chinese forces have severely defeated Indian troops, advanced nearly 50 km into Arunachal Pradesh and established PLA control over Indian territory. ✅ These false claims are being amplified in a coordinated manner to promote a misleading anti-Indian Army narrative. @GoI_MeitY: The following 6 handles have been identified as circulating the same content between 1506 hrs on 06 November 2026 and 0146 hrs on 07 November 2026: @SongWeilonzob1, @letmehandleyou1, @_Finding_sarah, @DarkReal09, @War_Updates5 and @sumit_sarkr. ♻️ Disinformation Pattern: Fabricated Military Defeat + Exaggerated Territorial Incursion + Unsubstantiated PLA Control Claims = Misleading Anti-Indian Army Narrative. ⚠️ Always verify border-related claims through credible and official sources before sharing. #IndianArmy #ArunachalPradesh #FactCheckIndia #CognitiveCitizen @adgpi @easterncomd @PIBFactCheck @GoI_MeitY @SpokespersonMoD
— INDIAN ARMY FACT CHECK (@MythbusterXX) November 7, 2026

ಫ್ಯಾಕ್ಟ್‌ ಚೆಕ್‌ ಮೂಲಕ ಬಹಿರಂಗಗೊಂಡಿದ್ದೇನು?

ಎಕ್ಸ್‌ ಮೂಲಕ ಪಾಕಿಸ್ತಾನದ ಕಳ್ಳಾಟವನ್ನು ಬಯಲು ಮಾಡಿದ ಸೇನೆಯ ಫ್ಯಾಕ್ಟ್‌ಚೆಕ್‌ ಹ್ಯಾಂಡಲ್‌, ಪಾಕ್‌ ಮೂಲದ ಅಕೌಂಟ್‌ ದಾರಿ ತಪ್ಪಿಸುವ ಸುದ್ದಿ ಹರಡುತ್ತಿದೆ ಎಂದಿದೆ. ಆ ಮೂಲಕ ಅರುಣಾಚಲ ಪ್ರದೇಶದೊಳಗೆ ಚೀನಾ ಸೇನೆ ದೊಡ್ಡ ಪ್ರಮಾಣದಲ್ಲಿ ನುಸುಳಿದೆ ಎಂದು ಆರೋಪಿಸಿರುವ ಈ ಪೋಸ್ಟ್‌ಗಳ ಆರೋಪ ಸುಳ್ಳು ಎಂದು ಸ್ಪಷ್ಟಪಡಿಸಿದೆ.

ದೆಹಲಿ-ಅಮೃತಸರ-ಕಟರ ಎಕ್ಸ್‌ಪ್ರೆಸ್‌ ವೇ ನಿರ್ಮಾಣಕ್ಕೆ ಥರ್ಮೋಕಾಲ್ ಬಳಸಲಾಗುತಿದ್ಯಾ? ವೈರಲ್‌ ವಿಡಿಯೊದ ಅಸಲಿಯತ್ತು ಈಗ ಬಹಿರಂಗ

ಭಾರತೀಯ ಭೂಪ್ರದೇಶದ ಮೇಲೆ ಪಿಎಲ್‌ಎ ನಿಯಂತ್ರಣವಿದೆ ಎಂಬ ಹೇಳಿಕೆಗಳು ಆಧಾರರಹಿತ ಎಂದು ಒತ್ತಿ ಹೇಳಿರುವ ಸೇನೆ, ಗಡಿಯಲ್ಲಿನ ಪರಿಸ್ಥಿತಿಯ ಬಗ್ಗೆ ತಪ್ಪು ಅಭಿಪ್ರಾಯವನ್ನು ಮೂಡಿಸಲು ಸುಳ್ಳು ಸುದ್ದಿ ಹರಡಲಾಗುತ್ತಿದೆ ಎಂದು ಹೇಳಿದೆ. ನವೆಂಬರ್‌ 6 ಮತ್ತು ನವೆಂಬರ್‌ 7ರ ನಡುವೆ ಸುಮಾರು 6 ಎಕ್ಸ್‌ ಖಾತೆಗಳಲ್ಲಿ ಈ ಸುಳ್ಳು ಸುದ್ದಿ ಪ್ರಕಟವಾಗಿರುವುದನ್ನು ಸೇನೆ ಗಮನಿಸಿದೆ. ಈ 6 ಖಾತೆಗಳಲ್ಲಿ ಪ್ರಕಟವಾದ ಸುದ್ದಿಯ ಸ್ಕ್ರೀನ್‌ ಶಾಟ್‌ಗಳನ್ನೂ ಸೇನೆ ಹಂಚಿಕೊಂಡಿದೆ. ಭಾರತ ವಿರೋಧಿ ಅಭಿಯಾನದ ಭಾಗವಾಗಿಯೇ ಇಂತಹ ಸುದ್ದಿ ಪ್ರಕಟಿಸಲಾಗುತ್ತಿದೆ ಎಂದು ತಿಳಿಸಿದೆ.

ಈ ತಪ್ಪು ಮಾಹಿತಿ ಅಭಿಯಾನವು ಭಾರತೀಯ ಸೇನೆ ಸೋತಿದೆ, ಚೀನಾ ಮುನ್ನುಗ್ಗುತ್ತಿದೆ ಮತ್ತು ಪಿಎಲ್‌ಎ ನಿಯಂತ್ರಣ ಸಾಧಿಸುತ್ತಿದೆ ಎಂಬ ಆಧಾರರಹಿತ ಸುದ್ದಿಗಳನ್ನು ಪದೇ ಪದೆ ಹರಡುತ್ತಿದೆ ಎಂದು ಹೇಳಿದೆ. ಇದು ಸಾರ್ವಜನಿಕರ ದಾರಿ ತಪ್ಪಿಸುವ ಮತ್ತು ಭಾರತೀಯ ಸೇನೆಯ ವಿರೋಧಿ ನಿರೂಪಣೆಯನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿದೆ ಎಂದು ಹೇಳಿದೆ.

ದೆಹಲಿ ದಾಳಿ ಬೆನ್ನಲ್ಲೇ 20,000 ಮುಸ್ಲಿಂ ಸೈನಿಕರು ರಾಜೀನಾಮೆ ನೀಡಿದ್ರಾ? ವೈರಲ್‌ ಸುದ್ದಿಯ ಅಸಲಿಯತ್ತೇನು?

ನಿರಂತರ ಸುಳ್ಳು ಸುದ್ದಿ

ಗಡಿ-ಸಂಬಂಧಿತ ವಿಚಾರಗಳನ್ನು, ಸುದ್ದಿಗಳನ್ನು ಹಂಚಿಕೊಳ್ಳುವ ಮುನ್ನ ವಿಶ್ವಾಸಾರ್ಹ, ಅಧಿಕೃತ ಮೂಲಗಳ ಮೂಲಕ ಪರಿಶೀಲಿಸುವಂತೆ ಸೂಚಿಸಿದೆ. ಇತ್ತೀಚೆಗೆ ದೇವನಹಳ್ಳಿಯಲ್ಲಿ ನಡೆದ ಭಯೋತ್ಪಾದನಾ ವಿರೋಧಿ ಅಣಕು ಕಾರ್ಯಾಚರಣೆಯ ದೃಶ್ಯಾವಳಿಯನ್ನು ಚೀನೀ ಸೈನಿಕರು ಭಾರತೀಯ ಯೋಧರನ್ನು ತಪಾಸಣೆ ನಡೆಸುತ್ತಿದ್ದಾರೆ ಎಂದು ತಪ್ಪಾಗಿ ಬಿಂಬಿಸಲಾಗಿತ್ತು.

ದೇಶದ ಇನ್ನಷ್ಟು ಸುದ್ದಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ.

ʼಪ್ರವಾಸಿ ಪ್ರಪಂಚʼ ವೆಬ್‌ಸೈಟ್‌ಗೆ ಭೇಟಿ ನೀಡಲು ಇಲ್ಲಿ ಕ್ಲಿಕ್‌ ಮಾಡಿ.

]]>

Elephant Maya: ಕೇರಳದ ಮರಿಯಾನೆ ಮಾಯಾ ಪ್ರಾಣ ಉಳಿಸಲು ಅನಂತ್ ಅಂಬಾನಿ 'ವಂತಾರಾ' ನೆರವು; ಚಿಕಿತ್ಸೆ‌ಗಾಗಿ ಏರ್‌ಲಿಫ್ಟ್‌

Sat, 07 Nov 2026 12:55:56 +0000

ಜಾಮ್‌ ನಗರ, ನವೆಂಬರ್‌ 6: ಆಗಷ್ಟೇ ಕಣ್ಣು ಬಿಟ್ಟ ನವಜಾತ ಮರಿಯಾನೆ! ತಾಯಿ ಹಿಂಡಿನೊಂದಿಗೆ ನದಿ ದಾಟಿ ಹೋದಾಗ, ದಡದಲ್ಲೇ ಒಬ್ಬಂಟಿಯಾಗಿ ಉಳಿದುಹೋಗಿತ್ತು. ಹೇಗೋ ಕೇರಳದ ಅರಣ್ಯ ಸಿಬ್ಬಂದಿಯ ಕಣ್ಣಿಗೆ ಬಿದ್ದು, ಅವರ ಮಮತೆಯ ಮಡಿಲಲ್ಲಿ ಬೆಳೆದ 18 ತಿಂಗಳ ಈ ಪುಟ್ಟ ಆನೆಮರಿ, ಆಟವಾಡುವಾಗ ಬಿದ್ದು ಮುರಿದ ಮೂಳೆಗಳ ನೋವಿನಿಂದ ನರಳುತ್ತಾ ಸಾವು-ಬದುಕಿನ ನಡುವೆ ಹೋರಾಡುತ್ತಿದೆ. ಆದರೆ ಕತ್ತಲ ಹಾದಿಯಲ್ಲಿ ನರಳುತ್ತಿದ್ದ ಈ ಜೀವಕ್ಕೆ ಇದೀಗ 'ವಂತಾರಾ' (Vantara) ಭರವಸೆಯ ಬೆಳಕಾಗಿ ಧಾವಿಸಿದೆ.

ಮರಿಯಾನೆ ಮಾಯಾ (Elephant Maya) ಕಳೆದ 18 ತಿಂಗಳುಗಳ ಕಾಲ ಪ್ರೀತಿಯಿಂದ ಬೆಳೆದರೂ, ಇತ್ತೀಚೆಗೆ ಎರಡೂ ಮುಂಗಾಲುಗಳು ಮುರಿದು, ನಿಲ್ಲಲೂ ಶಕ್ತಿಯಿಲ್ಲದೆ ಕುಗ್ಗಿತ್ತು. ಹೀಗಿದ್ದರೂ, ಅನಂತ್ ಅಂಬಾನಿ ಅವರ ಹೃದಯಪೂರ್ವಕ ಕಳಕಳಿ ಹಾಗೂ ವಂತಾರಾ ಸಂಸ್ಥೆಯ ಚುರುಕಿನ ಕಾರ್ಯಾಚರಣೆಯಿಂದಾಗಿ, ಕೇರಳದ ಮುಖ್ಯ ವನ್ಯಜೀವಿ ವಾರ್ಡನ್ ಡಾ. ಪಿ. ಪುಗಳೇಂಧಿ (ಐಎಫ್‌ ಎಸ್) ಅವರ ಅನುಮತಿ ಲಭಿಸುತ್ತಿದ್ದಂತೆ, ನವೆಂಬರ್ 6 ರಂದು ಅತ್ಯಾಧುನಿಕ ವೈದ್ಯಕೀಯ ವಿಮಾನದ ಮೂಲಕ ಮಾಯಾಳನ್ನು ಜಾಮ್‌ ನಗರದ ವಂತಾರಾ ತೀವ್ರ ನಿಗಾ ಆಸ್ಪತ್ರೆಗೆ ಕರೆತರಲಾಯಿತು.

ಕಳೆದ 2025ರ ಏಪ್ರಿಲ್ 19ರಂದು ಮಲಯಾತ್ತೂರ್ ವಿಭಾಗದ ಕಪ್ರಿಕ್ಕಾಡ್ ಬಳಿ ತಾಯಿಯ ಎದೆಹಾಲೂ ಇಲ್ಲದೆ, ನಿರ್ಜಲೀಕರಣದಿಂದ ಬಳಲಿ ಬಿದ್ದಿದ್ದ ಈ ಪುಟ್ಟ ಜೀವಕ್ಕೆ ಹಾಲು ಹೀರುವ ಶಕ್ತಿಯೂ ಇರಲಿಲ್ಲ. ಅಂತಹ ಸಂದರ್ಭದಲ್ಲಿ ಸಹಾಯಕ ಅರಣ್ಯ ಪಶುವೈದ್ಯಾಧಿಕಾರಿ ಡಾ. ಬಿನೋಯ್ ಸಿ. ಬಾಬು ಮತ್ತು ಆರೈಕೆದಾರರ ತಂಡ ಹಗಲು-ರಾತ್ರಿ ಕಣ್ಣಿಟ್ಟು, ಸಾಕಿ ಸಲಹಿದರು. ಪ್ರೀತಿಯಿಂದ ಆನೆ ಮರಿಗೆ 'ಮಾಯಾ' ಎಂದು ಹೆಸರಿಟ್ಟರು.

ಆದರೆ ವಿಧಿಯ ಆಟ ಬೇರೆಯೇ ಇತ್ತು. 2026ರ ಜುಲೈನಲ್ಲಿ ಆಟವಾಡುತ್ತಿದ್ದಾಗ ಜಾರಿ ಬಿದ್ದು ಮಾಯಾಳ ಹೆಗಲಿಗೆ ಪೆಟ್ಟಾಯಿತು. ಫಿಸಿಯೋಥೆರಪಿ, ಪಟ್ಟಿಗಳು, ಪೌಷ್ಟಿಕಾಂಶದ ಔಷಧಿಗಳನ್ನು ನೀಡಿದರೂ ಆಕೆಯ ಮೂಳೆಗಳು ಕರಗುತ್ತಾ ಬಂದವು. ಅಕ್ಟೋಬರ್ ವೇಳೆಗೆ ಎರಡೂ ಮುಂಗಾಲುಗಳು ಮುರಿದು, ಎದೆ ಸೋಂಕು ಮತ್ತು ಮೈಯೆಲ್ಲಾ ಗಾಯಗಳಾಗಿ ಮಾಯಾ ಏಳಲಾಗದೆ ಮಲಗಿದಲ್ಲೇ ಉಳಿದುಬಿಟ್ಟಳು. ಆಕೆಯ ಜೀವದ ದೀಪ ಆರಿಹೋಗುವ ಭೀತಿ ಎದುರಾಯಿತು.

ಮಾಯಾಳನ್ನು ಉಳಿಸಿಕೊಳ್ಳಲು ಅರಣ್ಯಾಧಿಕಾರಿಗಳು ಕೊನೆಯ ಪ್ರಯತ್ನವಾಗಿ ದೇಶದ ಶ್ರೇಷ್ಠ ಪಶು ವೈದ್ಯರ ಮೊರೆ ಹೋದರು. ಪ್ರಸಿದ್ಧ ಆನೆ ಪಶುವೈದ್ಯರು ಹಾಗೂ ವಂತಾರಾದ ಸಲಹೆಗಾರರಾದ ಪದ್ಮಶ್ರೀ ಡಾ. ಕುಶಾಲ್ ಕನ್ವರ್ ಶರ್ಮಾ ಮತ್ತು ವಂತಾರಾ ಆನೆಗಳ ಆರೈಕೆ ಕೇಂದ್ರದ ಮುಖ್ಯ ಪಶುವೈದ್ಯ ಡಾ. ಯದುರಾಜ್ ಖಾಡ್ಪೇಕರ್ ಅವರು ಮಾಯಾಳ ದೇಹದಲ್ಲಿದ್ದ ಪ್ಯಾರಾಥೈರಾಯ್ಡ್ ಸಮಸ್ಯೆಯನ್ನು ಗುರುತಿಸಿದರು. "ಇನ್ನೂ ಭರವಸೆ ಇದೆ, ಈ ಕಂದಮ್ಮನಿಗೆ ಚಿಕಿತ್ಸೆ ನೀಡೋಣ" ಎಂದು ವೈದ್ಯಕೀಯ ಮಂಡಳಿ ಒಮ್ಮತದಿಂದ ನಿರ್ಧರಿಸಿತು.

ಅತ್ಯಾಧುನಿಕ ಜೀವ ರಕ್ಷಕ ವ್ಯವಸ್ಥೆಯಿರುವ ವಿಮಾನದಲ್ಲಿ ಮೂವರು ತಜ್ಞ ವೈದ್ಯರು, ಆರೈಕೆದಾರರ ಜೊತೆಗೆ, ಮಾಯಾಳಿಗೆ ಪರಿಚಿತರಾಗಿದ್ದ ಡಾ. ಬಿನೋಯ್ ಸಿ. ಬಾಬು ಮತ್ತು ಪ್ರೀತಿಯ ಸಾಕುತಂದೆಯಂತಿದ್ದ ನಿಖಿಲ್ ಬಾಬು ಕೂಡ ಜೊತೆಯಾಗಿದ್ದಾರೆ. ವಂತಾರಾದಲ್ಲಿ ಆಕೆಗೆ 24 ಗಂಟೆಯೂ ನಿರಂತರ ಹಾರೈಕೆ, ನೋವು ಶಮನ ಚಿಕಿತ್ಸೆ, ಹೈಡ್ರಾಲಿಕ್ ಲಿಫ್ಟಿಂಗ್ ಬೆಂಬಲ ಹಾಗೂ ಜಲಚಿಕಿತ್ಸೆ (ಹೈಡ್ರೋಥೆರಪಿ) ಲಭಿಸಲಿದೆ. ಚಿಕಿತ್ಸೆಯ ಸಂಪೂರ್ಣ ಉಸ್ತುವಾರಿಯನ್ನು ಕೇರಳ ಅರಣ್ಯ ಇಲಾಖೆಯೇ ವಹಿಸಿದ್ದು, ಮಾಯಾ ಗುಣಮುಖಳಾದ ತಕ್ಷಣವೇ ಆಕೆಯನ್ನು ಮತ್ತೆ ಸ್ವಂತ ಮನೆ ಅಭಯಾರಣ್ಯಕ್ಕೆ ಕರೆದೊಯ್ಯಲಾಗುತ್ತದೆ.

"ಮಾಯಾ ತನ್ನ ಹುಟ್ಟಿನಿಂದಲೂ ಪ್ರತಿಯೊಂದು ಕ್ಷಣವೂ ಬದುಕಿಗಾಗಿ ಹೋರಾಡಿದ್ದಾಳೆ. ಈಗ ಆಕೆಗಾಗಿ ಹೋರಾಡುವುದು ನಮ್ಮ ಕರ್ತವ್ಯ. ನಮ್ಮ ತಂಡ ಆಕೆಯ ಬಳಿಯಿಂದ ಒಂದು ಕ್ಷಣವೂ ದೂರ ಸರಿಯುವುದಿಲ್ಲ. ಪ್ರತಿಯೊಂದು ಜೀವವೂ ಅಮೂಲ್ಯವಾದದ್ದು, ಈ ಪುಟ್ಟ ಮಗು ಬೇಗ ಗುಣಮುಖರಾಗಲಿ ಎಂದು ನಾವೆಲ್ಲರೂ ಪ್ರಾರ್ಥಿಸೋಣ," ಎಂದು ವಂತಾರಾದ ಸಿಇಒ ಶ್ರೀ ವಿವಾನ್ ಕರಾನಿ ಭಾವನಾತ್ಮಕವಾಗಿ ನುಡಿದಿದ್ದಾರೆ.

ಮಾಯಾ ಚೇತರಿಸಿಕೊಳ್ಳುವ ಹಾದಿ ಇನ್ನೂ ಸುದೀರ್ಘವಾಗಿದೆ, ಸವಾಲುಗಳಿಂದ ಕೂಡಿದೆ. ಆದರೆ, ಪ್ರೀತಿ ಮತ್ತು ಕರುಣೆಯ ಬಲವಿರುವಾಗ ಈ ಪುಟ್ಟ ಮಾಯಾ ಖಂಡಿತ ಗೆದ್ದು ಬರುವಳು ಎಂಬ ಹಾರೈಕೆ, ನಿರೀಕ್ಷೆ ಎಲ್ಲರದ್ದಾಗಿದೆ.

]]>

IND vs NZ: 4 ವಿಕೆಟ್‌ ಕಿತ್ತು ವೆಲ್ಲಿಂಗ್ಟನ್‌ನಲ್ಲಿ ಇತಿಹಾಸ ಬರೆದ ಗುರ್ನೂರ್‌ ಬ್ರಾರ್‌!

Sat, 07 Nov 2026 12:13:36 +0000

ವೆಲ್ಲಿಂಗ್ಟನ್‌: ನ್ಯೂಜಿಲೆಂಡ್ ವಿರುದ್ಧ ಶನಿವಾರ ಇಲ್ಲಿನ ಹೆನ್ರಿ ಸ್ಟೇಡಿಯಂನಲ್ಲಿ ನಡೆದ ಎರಡನೇ ಏಕದಿನ ಪಂದ್ಯದಲ್ಲಿ (IND vs NZ) ಭಾರತದ ಯುವ ವೇಗದ ಬೌಲರ್ ಗುರ್ನೂರ್‌ ಬ್ರಾರ್ (Gurnoor Brar) ಅಮೋಘ ಬೌಲಿಂಗ್ ಪ್ರದರ್ಶನ ನೀಡುವ ಮೂಲಕ ಹೊಸ ದಾಖಲೆ ನಿರ್ಮಿಸಿದ್ದಾರೆ. ನ್ಯೂಜಿಲೆಂಡ್ ನೆಲದಲ್ಲಿ ಏಕದಿನ ಕ್ರಿಕೆಟ್‌ನಲ್ಲಿ ಅತ್ಯುತ್ತಮ ಬೌಲಿಂಗ್ ಪ್ರದರ್ಶನ ನೀಡಿದ ಭಾರತೀಯ ವೇಗದ ಬೌಲರ್‌ಗಳ ಪಟ್ಟಿಯಲ್ಲಿ ಬ್ರಾರ್‌ ಎರಡನೇ ಸ್ಥಾನ ಪಡೆದಿದ್ದಾರೆ.

10 ಓವರ್‌ಗಳಲ್ಲಿ ಕೇವಲ 30 ರನ್ ನೀಡಿ 4 ವಿಕೆಟ್ ಕಬಳಿಸಿದ ಗುರ್ನೂರ್‌ ಬ್ರಾರ್‌, ಆತಿಥೇಯ ತಂಡದ ಪ್ರಮುಖ ಬ್ಯಾಟರ್‌ಗಳಾದ ಟಾಮ್ ಲೇಥಮ್, ಗ್ಲೆನ್ ಫಿಲಿಪ್ಸ್ ಹಾಗೂ ನಾಯಕ ಮಿಚೆಲ್ ಸ್ಯಾಂಟ್ನರ್ ಅವರ ವಿಕೆಟ್‌ಗಳನ್ನು ಪಡೆಯುವ ಮೂಲಕ ಭಾರತದ ಮೇಲುಗೈಗೆ ಕಾರಣರಾದರು.

ನ್ಯೂಜಿಲೆಂಡ್ ನೆಲದಲ್ಲಿ ಭಾರತೀಯ ವೇಗದ ಬೌಲರ್‌ನ ಅತ್ಯುತ್ತಮ ಬೌಲಿಂಗ್ ದಾಖಲೆ ಇಂದಿಗೂ ಮಾಜಿ ವೇಗಿ ಹಾಗೂ ಕನ್ನಡಿಗ ಜಾವಗಲ್ ಶ್ರೀನಾಥ್ ಅವರ ಹೆಸರಿನಲ್ಲಿದೆ. 2003ರಲ್ಲಿ ಆಕ್ಲೆಂಡ್‌ನಲ್ಲಿ ನಡೆದಿದ್ದ ಪಂದ್ಯದಲ್ಲಿ ಶ್ರೀನಾಥ್ 23 ರನ್ ನೀಡಿ 4 ವಿಕೆಟ್ ಪಡೆದಿದ್ದರು. ಇದೀಗ ಗುರ್ನೂರ್‌ ಬ್ರಾರ್‌ 4/30 ಸಾಧನೆಯೊಂದಿಗೆ ಈ ಪಟ್ಟಿಯಲ್ಲಿ ಎರಡನೇ ಸ್ಥಾನ ಅಲಂಕರಿಸಿದ್ದಾರೆ.

Syed Mushtaq Ali Trophy: 15ನೇ ವಯಸ್ಸಿನಲ್ಲಿ ಬಿಹಾರ ತಂಡಕ್ಕೆ ನಾಯಕನಾದ ವೈಭವ್‌ ಸೂರ್ಯವಂಶಿ!

ಇದುವರೆಗೆ 11 ಏಕದಿನ ಪಂದ್ಯಗಳನ್ನಾಡಿರುವ ಬ್ರಾರ್ 31.19ರ ಸರಾಸರಿಯಲ್ಲಿ ಒಟ್ಟು 21 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಪ್ರಸ್ತುತ ನಡೆಯುತ್ತಿರುವ ಭಾರತ-ನ್ಯೂಜಿಲೆಂಡ್ ಏಕದಿನ ಸರಣಿಯಲ್ಲೂ ಗುರ್ನೂರ್‌ ಬ್ರಾರ್‌ ಅತ್ಯಧಿಕ ವಿಕೆಟ್ ಪಡೆದ ಬೌಲರ್ ಎನಿಸಿಕೊಂಡಿದ್ದಾರೆ. ಎರಡು ಪಂದ್ಯಗಳಿಂದ 10.57ರ ಸರಾಸರಿಯಲ್ಲಿ 7 ವಿಕೆಟ್ ಕಬಳಿಸಿದ್ದಾರೆ.

ನ್ಯೂಜಿಲೆಂಡ್ ಬ್ಯಾಟಿಂಗ್ ಕುಸಿತ

ಪಂದ್ಯದಲ್ಲಿ ಟಾಸ್ ಗೆದ್ದ ಭಾರತ ತಂಡ ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಭಾರತೀಯ ವೇಗಿಗಳ ಸಂಘಟಿತ ದಾಳಿಗೆ ತತ್ತರಿಸಿದ ನ್ಯೂಜಿಲೆಂಡ್ ತಂಡ ಕೇವಲ 53 ರನ್‌ಗಳಿಗೆ 5 ಪ್ರಮುಖ ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು.

Four wickets, a match-winning spell, and a well-deserved POTM Scorecard ▶️ https://t.co/pxZRYf6dYV #TeamIndia | #NZvIND https://t.co/jVFaKU6V2W
— BCCI (@BCCI) November 7, 2026

ಈ ಹಂತದಲ್ಲಿ ಡ್ಯಾರಿಲ್ ಮಿಚೆಲ್ ಹಾಗೂ ನಾಯಕ ಮಿಚೆಲ್ ಸ್ಯಾಂಟ್ನರ್ 6ನೇ ವಿಕೆಟ್‌ಗೆ 59 ರನ್‌ಗಳ ಜೊತೆಯಾಟವಾಡುವ ಮೂಲಕ ತಂಡಕ್ಕೆ ಚೇತರಿಕೆ ನೀಡಿದರು. ಡ್ಯಾರಿಲ್ ಮಿಚೆಲ್ 104 ಎಸೆತಗಳಲ್ಲಿ 5 ಬೌಂಡರಿ ಹಾಗೂ 2 ಸಿಕ್ಸರ್‌ಗಳ ನೆರವಿನಿಂದ 55 ರನ್ ಗಳಿಸಿದರೆ, ಸ್ಯಾಂಟ್ನರ್ 38 ಎಸೆತಗಳಲ್ಲಿ ಒಂದು ಬೌಂಡರಿ ಹಾಗೂ 2 ಸಿಕ್ಸರ್ ಸಹಿತ 31 ರನ್ ಗಳಿಸಿದರು.

ಆದರೆ ಈ ಜೋಡಿ ಬೇರ್ಪಟ್ಟ ಬಳಿಕ ನ್ಯೂಜಿಲೆಂಡ್ ಮತ್ತೆ ಕುಸಿತ ಕಂಡಿತು. 5 ವಿಕೆಟ್‌ಗೆ 112 ರನ್ ಗಳಿಸಿದ್ದ ತಂಡ ಕೇವಲ 22 ರನ್‌ಗಳ ಅಂತರದಲ್ಲಿ ಉಳಿದ ಐದು ವಿಕೆಟ್‌ಗಳನ್ನು ಕಳೆದುಕೊಂಡು 134 ರನ್‌ಗಳಿಗೆ ಆಲೌಟ್ ಆಯಿತು. ಭಾರತದ ಪರ ಗುರ್ನೂರ್‌ ಬ್ರಾರ್ 4 ವಿಕೆಟ್ ಪಡೆದರೆ, ಅಕ್ಷರ್ ಪಟೇಲ್, ಆಕಿಬ್ ನಬಿ ಹಾಗೂ ಅನ್ಶುಲ್ ಕಾಂಬೋಜ್ ತಲಾ 2 ವಿಕೆಟ್ ಕಬಳಿಸಿದರು. ಇದೀಗ ಪಂದ್ಯ ಗೆದ್ದು ಐದು ಪಂದ್ಯಗಳ ಏಕದಿನ ಸರಣಿಯಲ್ಲಿ ಭಾರತ ತಂಡ 2-0 ಮುನ್ನಡೆ ಸಾಧಿಸಿದೆ.

]]>

Deepavali 2026: ಬೆಳಕಿನ ಹಬ್ಬ ದೀಪಾವಳಿ ತರದಿರಲಿ ನಿಮ್ಮ ಬಾಳಿಗೆ ಅಂಧಕಾರ!

Sat, 07 Nov 2026 12:08:20 +0000

| ಡಾ. ಮುರಲೀ ಮೋಹನ್ ಚೂಂತಾರು

ಕಾಲಚಕ್ರ ವೇಗವಾಗಿ ಚಲಿಸುತ್ತಿದೆ. ಮೊನ್ನೆ ಮೊನ್ನೆಯಷ್ಟೇ ಮುಗಿದ ದೀಪಾವಳಿ ಪುನಃ ಬಂದೇ ಬಿಟ್ಟಿತು. ದೀಪಾವಳಿ (Deepavali Celebration 2026) ಎಂದಾಕ್ಷಣ ನಮಗೆ ನೆನಪಾಗುವುದು ಸಾಲು ಸಾಲು ದೀಪಗಳು, ಸಿಡಿಮದ್ದುಗಳು, ರಾಕೆಟ್‍ಗಳು, ಬಾಣ ಬಿರುಸುಗಳು. ಎಲ್ಲೆಲ್ಲೂ ಸಂಭ್ರಮದ ಸಡಗರದ ವಾತಾವರಣ. ಮನೆಮಂದಿಯೆಲ್ಲಾ ಒಟ್ಟಿಗೆ ಕುಳಿತು ಹೊಸ ಬಟ್ಟೆ ತೊಟ್ಟು ಸಂಭ್ರಮಿಸುವ ಪರ್ವಕಾಲ. ಜಾತಿ, ಮತ, ಧರ್ಮಗಳ ಭೇದವಿಲ್ಲದೆ ಚಿಕ್ಕ ಮಕ್ಕಳಿಂದ ಹಿಡಿದು ಎಂಬತ್ತರ ಆಸುಪಾಸಿನ ವೃದ್ದರವರೆಗೂ ಎಲ್ಲಿಲ್ಲದ ಸಂಭ್ರಮ. ಮಕ್ಕಳಿಗೆ ಸುರು ಸುರುಕಡ್ಡಿ ಮತ್ತು ಹೂಕುಂಡದ ಬೆಳಕಿನ ಸುರಿಮಳೆ. ಅಜ್ಜ, ಅಜ್ಜಿಯರಿಗೆ ಮೊಮ್ಮಕ್ಕಳ ಜತೆ ಆಡುವ ನಲಿಯುವ ಮತ್ತು ತಮ್ಮ ಬಾಲ್ಯದ ದಿನಗಳ ಚೇಷ್ಟೆಗಳನ್ನು ಪುನಃ ಮೆಲುಕು ಹಾಕುವ ಸುಸಂದರ್ಭ. ಮಧುಮೇಹ ರೋಗವಿದ್ದರೂ ಹಬ್ಬದ ನೆನಪಲ್ಲ ಸಿಹಿತಿಂಡಿಯನ್ನು ಮೆಲ್ಲುವ ಸುವರ್ಣವಕಾಶ. ಪರವಾಗಿಲ್ಲ, ಹೊಗಲಿ ಬಿಡಿ ಹಬ್ಬದ ದಿನ ಒಂದು ಸ್ವೀಟ್ ತಿಂದಲ್ಲಿ ಏನಾಗಲ್ಲ ಬಿಡಿ ಎಂದು ಸಮಜಾಯಿಸಿ ನೀಡುವ ಸೊಸೆಯಂದಿರು ಮತ್ತು ಮಕ್ಕಳು. ಒಟ್ಟಿನಲ್ಲಿ ಊರಿಗೆ ಊರೇ ಸಂಭ್ರಮ ಸಡಗರದಿಂದ ಮಿಂದೇಳುತ್ತಿರುತ್ತದೆ.

ಒಂದು ಅಂದಾಜಿನ ಪ್ರಕಾರ ದೀಪಾವಳಿ ಸಂದರ್ಭದಲ್ಲಿ ಸಾವಿರಾರು ಕೋಟಿ ರೂಪಾಯಿಗಳ ಮೌಲ್ಯದ ಸಿಡಿಮದ್ದನ್ನು ಸಿಡಿಯಲಾಗುತ್ತದೆ. ದೀಪಾವಳಿ ಸಂಭ್ರಮ ಮತ್ತು ಸಂತಸದ ಪ್ರತೀಕವಾಗಿದ್ದರೂ, ಈ ಪಟಾಕಿ, ಸಿಡಿಮದ್ದು ಮತ್ತು ಬಾಣ ಬಿರುಸುಗಳಿಂದ ಆಗುವ ಅನಾಹುತ ಮತ್ತು ದುರಂತಗಳಿಗೆ ಏಣೆಯೇ ಇಲ್ಲ. ಅತಿಯಾದ ಸದ್ದು ಮಾಡುವ ಅಪಾಯಕಾರಿ ಪಟಾಕಿಗಳನ್ನು ಸರ್ಕಾರ ನಿಷೇಧಿಸಿದೆ. ಈ ಸಂಬಂಧವಾಗಿ ಸ್ಫೋಟಕಗಳ ಕಾಯ್ದೆ ಮತ್ತು ನಿಯಮಗಳು ಎಂಬ ಕಾನೂನೇ ಇದ್ದರೂ ಜನರು ಮತ್ತು ವ್ಯಾಪಾರಿಗಳು ಈ ಕಾನೂನನ್ನು ಪರಿಪಾಲಿಸದಿರುವುದು ಬಹುದೊಡ್ಡ ದುರಂತವೇ ಸರಿ. ಸರ್ಕಾರ ಕೂಡ ಈ ಕಾನೂನನ್ನು ಪರಿಣಾಮಕಾರಿಯಾಗಿ ಜಾರಿಮಾಡದಿರುವುದು ದುರದೃಷ್ಟಕರ ವಿಚಾರವಾಗಿದೆ.

ಉತ್ತಮ ದರ್ಜೆಯ ಗುಣಪಟ್ಟದ ಪಟಾಕಿಗಳು ಮತ್ತು ಸಿಡಿಮದ್ದಿನ ತಯಾರಿಕೆ, ಅವುಗಳ ಸಂಗ್ರಹ, ಅಪಾಯಕಾರಿ ಸಿಡಿಮದ್ದುಗಳನ್ನು ಬಳಸದಿರುವಿಕೆ ಮುಂತಾದ ಕಾನೂನನ್ನು ಯಾರು ಪಾಲಿಸುತ್ತಿಲ್ಲ. ಇದೇ ಕಾರಣದಿಂದಲೇ ವಾತಾವರಣ ಕಲುಷಿತಗೊಳ್ಳುತ್ತಿದೆ. ಶ್ವಾಸಕೋಶ ಸಂಬಂಧಿ ರೋಗಗಳಾದ ಅಸ್ತಮ ಮುಂತಾದ ಚರ್ಮರೋಗಗಳು ಇತ್ಯಾದಿಗಳು ಹಬ್ಬ ಹರಿದಿನಗಳ ಸಂದರ್ಭದಲ್ಲಿ ಉಲ್ಬಣಿಸುತ್ತಿದೆ. ಅದೇ ರೀತಿ ಬಾರೀ ಸದ್ದಿನ ಪಟಾಕಿ ಸಿಡಿಸುವುದರಿಂದ ಉಂಟಾಗುವ ಸದ್ದಿನಿಂದ ಶ್ರವಣಶಕ್ತಿ ಕುಂದುತ್ತದೆ. ಸಾಕುಪ್ರಾಣಿಗಳು, ಪಕ್ಷಿ ಸಂಕುಲಗಳು ಬೆದರಿ ಹಿಂಸೆಗೊಳಗಾಗುತ್ತದೆ. ಪುಟ್ಟ ಮಕ್ಕಳಿಗೂ ಹಿಂಸೆಯಾಗಬಹುದು ಮತ್ತು ಮಾನಸಿಕವಾಗಿ ಕುಗ್ಗಿ ಹೋಗಬಹುದು. ಮಕ್ಕಳಿಗೆ ತುಂಬಾ ಸದ್ದಿನ ಸಿಡಿಮದ್ದನ್ನು ಸಿಡಿಸಿದಾಗ ಭಯಬೀತರಾಗಬಹುದು. ಮಾನಸಿಕವಾಗಿ ವಿಶೇಷ ಪರಿಣಾಮ ಬೀರಿ ಮಾನಸಿಕ ಸ್ಥೈರ್ಯ ಉಡುಗಿ ಹೋಗಬಹುದು. ಅಜಾಗರೂಕತೆಯಿಂದ ಸಿಡಿಮದ್ದನ್ನು ಬಳಸಿದಲ್ಲಿ ಕೈಕಾಲುಗಳಿಗೆ ಸುಟ್ಟು ಗಾಯಗಳಾಗಬಹುದು, ಕಣ್ಣುಗಳಿಗೆ ಹಾನಿಯಾಗಬಹುದು. ದೇಹದ ಇತರ ಭಾಗಗಳಿಗೂ ಗಾಯವಾಗಬಹುದು. ಬೆಂಕಿಯ ಜೊತೆ ಸರಸ ಯಾವತ್ತೂ ಒಳ್ಳೆಯದಲ್ಲ. ಆ ಕಾರಣಕ್ಕಾಗಿಯೇ ಹಲವಾರು ಮುಂಜಾಗರೂಕತಾ ಕ್ರಮಬನ್ನು ಕಡ್ಡಾಯವಾಗಿ ಪಾಲಿಸಲೇಬೇಕು.

ಮುನ್ನೆಚ್ಚರಿಕೆ ಕ್ರಮಗಳೇನು?

ಯಾವತ್ತೂ ಮನೆಯ ಒಳಗೆ ಪಟಾಕಿ ಸಿಡಿಮದ್ದು ಸುಡಲೇಬಾರದು. ನಾಲ್ಕು ಗೋಡೆಗಳ ನಡುವೆ ಪಟಾಕಿಯ ಜತೆ ಸರಸ ಯಾವತ್ತೂ ಅಪಾಯಕಾರಿ. ಮನೆಯ ಹೊರಗಡೆ ಬಯಲು ಪ್ರದೇಶದಲ್ಲಿ ಪಟಾಕಿ ಸಿಡಿಸುವುದು ಉತ್ತಮ.
ಮಕ್ಕಳು ಪಟಾಕಿ ಸುಡುವಾಗ ಹಿರಿಯರು ಜತೆಗೆ ಇರಲೇಬೇಕು. ಯಾವತ್ತೂ ಮಕ್ಕಳ ಮೇಲೆ ಒಂದು ಕಣ್ಣು ಇರಬೇಕು ಮತ್ತು ವಿಶೇಷ ಮುತುವರ್ಜಿ ಮತ್ತು ಕಾಳಜಿ ಇರಿಸಬೇಕು, ಒಮ್ಮೆ ಸಿಡಿಯಲು ಯತ್ನಿಸಿದ ಸಿಡಿಯದೇ ಇದ್ದ ಪಟಾಕಿಯನ್ನು ಪುನಃ ಸಿಡಿಸುವ ಪ್ರಯತ್ನ ಮಾಡಲೇ ಬಾರದು. ಯಾವತ್ತೂ ಉತ್ತಮ ದರ್ಜೆಯ ಗುಣಪಟ್ಟದ ಪಟಾಕಿಯನ್ನೇ ಖರೀದಿಸಿ. ಖರ್ಚು ಹೆಚ್ಚಾದರೂ ಪರವಾಗಿಲ್ಲ. ಅಗ್ಗದ ಬೆಲೆಯ ಕಳಪೆ ಗುಣಮಟ್ಟದ ಸಿಡಿಮದ್ದು ಯಾವತ್ತೂ ಅಪಾಯಕಾರಿ. ಉಚಿತವಾಗಿ ಸಿಕ್ಕಿದ ಕಳಪೆ ದರ್ಜೆಯ ಪಟಾಕಿ ಉಪಯೋಗಿಸಬೇಡಿ.
ಮಕ್ಕಳು ಪಟಾಕಿ ಹಚ್ಚುವಾಗ ಪರಸ್ಪರ ಚೇಷ್ಟೆ, ತುಂಟಾಟ ಮತ್ತು ಮಕ್ಕಳಾಟಿಕೆಗೆ ಅವಕಾಶ ನೀಡಬೇಡಿ. ಒಂದು ಕ್ಷಣದ ಮರೆವು ಮತ್ತು ತುಂಟಾಟ ಇನ್ನೊಬ್ಬರ ಜೀವಕ್ಕೆ ಅಂಧಕಾರ ತರಲೂ ಬಹುದು. ಮಕ್ಕಳಿಗೆ ಮಕ್ಕಳಿಗಾಗಿ ಮಾಡಿದ ಸಿಡಿಮದ್ದನ್ನು ಮತ್ತು ಪಟಾಕಿಗಳನ್ನು ನೀಡಬೇಕು. ಸುರುಸುರು ಕಡ್ಡಿ, ಹೂಕುಂಡ, ಭೂಚಕ್ರ, ಗುಬ್ಬಿ ಪಟಾಕಿ ಇತ್ಯಾದಿ ಕಡಿಮೆ ಸದ್ದಿನ ಮತ್ತು ಕಡಿಮೆ ಅಪಾಯವಿರುವ ಪಟಾಕಿಗಳನ್ನು ನೀಡಬೇಕು. ಅಪಾಯಕಾರಿ ಸಿಡಿಮದ್ದನ್ನು ಮಕ್ಕಳಿಂದ ದೂರವಿಡಬೇಕು.
ಪಟಾಕಿ ಸಿಡಿಸುವುದು ಧೈರ್ಯದ ಸಂಕೇತವಲ್ಲ. ಸಿಡಿಯುವ ಪಟಾಕಿಗಳನ್ನು ಕೈಯಲ್ಲಿ ಹೊತ್ತಿಸಬಾರದು. ಮಕ್ಕಳು ಇದನ್ನು ಧೈರ್ಯದ ಸಂಕೇತವೆಂದು ಭಾವಿಸುತ್ತಾರೆ ಮತ್ತು ಇತರ ಮಕ್ಕಳ ಮುಂದೆ ಮೊಂಡು ಧೈರ್ಯ ತೋರಿಸಲು ಹೋಗಿ ಅಪಾಯವನ್ನು ಆಹ್ವಾನಿಸುತ್ತಾರೆ. ಇದರ ಅಪಾಯ ಮತ್ತು ತೊಂದೆರೆಗಳ ಬಗ್ಗೆ ಹೆತ್ತವರು ತಿಳಿ ಹೇಳಬೇಕು.
ಹೂಕುಂಡ, ಭೂಚಕ್ರ ಮುಂತಾದವುಗಳನ್ನು ಕೆಳಗಿ ಬಾಗಿ ಹಚ್ಚುವಾಗ ವಿಶೇಷ ಗಮನವಿರಲಿ. ಸಿಡಿಯದ ಪಟಾಕಿಗಳನ್ನು ಕೈಯಿಂದ ಮುಟ್ಟಲು ಹೋದಾಗ ಹಠಾತ್ ಸಿಡಿಯಲೂ ಬಹುದು. ಸಿಡಿಯದ ಪಟಾಕಿಗಳನ್ನು ಪುನಃ ಬಳಸಲೇ ಬೇಡಿ. ಸುರು ಸುರು ಕಡ್ಡಿ ಹೊತ್ತಿಸುವಾಗ ಹೊರಹೊಮ್ಮುವ ಕಿಡಿಗಳ ಬಗ್ಗೆ ಗಮನವಿರಲಿ. ಬೇರೆ ಮಕ್ಕಳ ದೇಹದ ಮೇಲೆ ಮತ್ತು ಮೈ ಮೇಲೆ ಬೆಂಕಿಯ ಕಿಡಿ ಸಿಡಿದು ಬೀಳದಂತೆ ಎಚ್ಚರವಹಿಸಿ. ಮೈ ಮೇಲೆ ಬಟ್ಟೆ ಧರಿಸಿ, ಮೈ ಮುಚ್ಚಿಕೊಂಡು ಸಿಡಿಮದ್ದನ್ನು ಮತ್ತು ಪಟಾಕಿಗಳನ್ನು ಹಚ್ಚಬೇಕು. ಹತ್ತಿಯ ಅಥವಾ ಕಾಟನ್ ಬಟ್ಟೆ ಉತ್ತಮ. ನೈಲಾನ್ ಬಟ್ಟೆ ಬಳಸಬಾರದು.
ರಾಕೆಟ್ ಪಟಾಕಿ ಹಚ್ಚುವಾಗ ವಿಶೇಷ ಮುನ್ನೆಚ್ಚರಿಕೆ ವಹಿಸಬೇಕು. ಅವು ನೇರವಾಗಿ ಮೇಲ್ಮುಖವಾಗಿ ಹಾರುವಂತಿರಬೇಕು. ಕೈಯಲ್ಲಿ ಹಿಡಿದು ರಾಕೇಟ್‍ಗೆ ಬೆಂಕಿ ಹಚ್ಚುವುದು ಅತೀ ಅಪಾಯಕಾರಿ ಮತ್ತು ಮುರ್ಖತನದ ಪರಮಾವಧಿ.
ಪಟಾಕಿ ಹಚ್ಚುವ ಸಮಯದಲ್ಲಿ ಮಕ್ಕಳು ಜೇಬುಗಳಲ್ಲಿ ಮತ್ತು ಇನ್ನೊಂದು ಕೈಯಲ್ಲಿ ನಾಲ್ಕೈದು ಪಟಾಕಿ ಇಟ್ಟುಕೊಳ್ಳಬಾರದು. ಯಾವುದೇ ಪಟಾಕಿಯ ಕಿಡಿ ತಗಲಿದಲ್ಲಿ ಜೀವಕ್ಕೂ ಸಂಚಕಾರ ಬರಬಹುದು ಒಮ್ಮೆಗೆ ಒಂದೇ ಪಟಾಕಿ ಎಂಬ ನಿಯಮ ಕಡ್ಡಾಯವಾಗಿ ಪಾಲಿಸಬೇಕು.
ಮಕ್ಕಳು ಮತ್ತು ಹೆತ್ತವರು ಪಟಾಕಿ ಸುಡುವಾಗ ಚಪ್ಪಲಿ ಧರಿಸಲೇಬೇಕು. ಮಕ್ಕಳೂ ಅವಸರದಲ್ಲಿ ಬರಿಗಾಲಲ್ಲಿ ಓಡಾಡುವಾಗ ಭೂಚಕ್ರ, ಸುರುಸುರುಬತ್ತಿ ಮತ್ತು ಹೂಕುಂಡ ಮುಂತಾದವುಗಳು ಸುಟ್ಟು ಹೋದ ಬಳಿಕವೂ ಬಿಸಿಯಾಗಿರುತ್ತದೆ. ಬರಿಗಾಲಿಗೆ ಬೆಂಕಿ ತಗಲಿ ಸುಟ್ಟು ಗಾಯವಾಗಬಹುದು ಮಕ್ಕಳು ಬಳಸಿದ ಪಟಾಕಿಗಳನ್ನು ಒಂದು ಸುರಕ್ಷಿತ ಮೂಲೆಯಲ್ಲಿ ರಾಶಿ ಹಾಕುವುದು ಉತ್ತಮ. ಅದೇ ರೀತಿ ಪಟಾಕಿ ಹಚ್ಚುವ ಸಮಯದಲ್ಲಿ ಒಂದೆರಡು ಬಕೆಟ್ ನೀರನ್ನು ಇಟ್ಟುಕೊಳ್ಳುವುದು ಅತೀ ಅಗತ್ಯ. ಹಾಗೆಯೇ ಪಟಾಕಿ ಸುಡುವ ಸಮಯದಲ್ಲಿ ಯಾವುದೇ ಕ್ಷಣದಲ್ಲಿ ಅಪಾಯ ಸಂಭವಿಸಬಹುದು. ಆ ಕಾರಣದಿಂದ ಪ್ರಥಮ ಚಿಕಿತ್ಸೆ ಸಾಧನೆಗಳನ್ನು ಸಿದ್ಧವಾಗಿಟ್ಟುಕೊಳ್ಳಬೇಕು. ಯಾವುದೇ ರೀತಿಯ ನಿರ್ಲಕ್ಷ ಪ್ರಾಣಕ್ಕೆ ಸಂಚಕಾರ ತರಬಹುದು. ಸಾಕಷ್ಟು ಮುಂಜಾಗರಕತೆ ವಹಿಸಿದ್ದಲ್ಲಿ ದೊಡ್ಡ ಅನಾಹುತವನ್ನು ತಡೆಗಟ್ಟಬಹುದು. ಒಟ್ಟಿನಲ್ಲಿ ದೀಪಾವಳಿಯ ಸಂತಸ, ಸಂಭ್ರಮ ಮತ್ತು ಸುಡುಮದ್ದುಗಳ ಭರಾಟೆಯ ನಡುವೆ ಹೆತ್ತವರು, ಹಿರಿಯರು ತಮ್ಮ ಜವಾಬ್ದಾರಿ ಮತ್ತು ಹೊಣೆಗಾರಿಕೆಯನ್ನು ನಿಭಾಯಿಸಿದ್ದಲ್ಲಿ ಬೆಳಕಿನ ಹಬ್ಬ ದೀಪಾವಳಿ ಎಲ್ಲರ ಬದುಕಿಗೂ ಬೆಳಕಿನ ಸಿಂಚನ ನೀಡಬಹುದು. ಇಲ್ಲವಾದಲ್ಲಿ ಬೆಳಕಿನ ಹಬ್ಬ ಕೆಲವರ ಬಾಳಿಗೆ ಶಾಶ್ವತ ಅಂಧಕಾರವನ್ನು ತರಲೂಬಹುದು ಎಂಬ ಕಟು ಸತ್ಯದ ಅರಿವು ಎಲ್ಲರಿಗೂ ಇದ್ದಲ್ಲಿ ದೀಪಾವಳಿಯ ಆಚರಣೆ ಹೆಚ್ಚು ಮೌಲ್ಯಪೂರ್ಣವಾಗಬಹುದು.

ದೀಪಾವಳಿ ಎನ್ನುವುದು ಬರೀ ಹೊಸಬಟ್ಟೆ, ಹಬ್ಬದೂಟ ಮತ್ತು ಸುಡು ಮದ್ದಿನ ಆರ್ಭಟಕ್ಕೆ ಸೀಮಿತವಾಗಬಾರದು. ದೀಪಾವಳಿ ಆಚರಣೆ ಎನ್ನುವುದು ಶ್ರೀಮಂತಿಕೆ ಮತ್ತು ದೊಡ್ಡತನದ ಪ್ರದರ್ಶನಕ್ಕೆ ವೇದಿಕೆಯಾಗಬಾರದು. ಶರತ್ ಋತುವಿನ ಮಧ್ಯಭಾಗದಲ್ಲಿ ಬರುವ ದೀಪಾವಳಿ ಸಡಗರ ಸಂಭ್ರಮ ಮತ್ತು ಸಂತಸದ ಪ್ರತೀಕವಾಗಿರುತ್ತದೆ. ಮಳೆ ಮುಗಿದು ಮೋಡ ಚದುರಿ ತಿಳಿಯಾಗಿ, ಮುಗಿಲಾಗಿ ಮಾರ್ಪಾಡಾಗಿ ನೆಲ ಹಸಿಯಾಗಿ, ಭೂತಾಯಿ ಹಸಿರಿನಿಂದ ಕಂಗೊಳಿಸಿರುತ್ತಾಳೆ. ಇದು ಸಮೃದ್ಧಿಯ ಸಂದೇಶ ಮತ್ತು ಸಂಕೇತ. ಈ ಶುಭಗಳಿಗೆಯಲ್ಲಿ ಮನೆಮಂದಿಯೆಲ್ಲಾ ಒಟ್ಟು ಸೇರಿ ಊರ ಕೇರಿನ ಜನರೆಲ್ಲಾ ಒಂದಾಗಿ ಜಾತಿ ಮತ ಧರ್ಮದ ಬೇಧವಿಲ್ಲದೇ ವಿಶ್ವ ಭಾತೃತ್ವವನ್ನು ಸಾರುವ ಮಾನವೀಯತೆಯ ಪ್ರತೀಕವಾಗಬೇಕೇ ಹೊರತು, ಒಣ ಪ್ರತಿಷ್ಠೆ ಮತ್ತು ಆಡಂಬರದ ಧ್ಯೋತಕವಾಗಬಾರದು. ಹಾಗಾದಲ್ಲಿ ಮಾತ್ರ ದೀಪಾವಳಿಯ ಆಚರಣೆಗೆ ಹೆಚ್ಚು ಮೌಲ್ಯ ಬಂದೀತು ಮತ್ತು ಅರ್ಥಪೂರ್ಣವಾಗಬಹುದು.

(ಲೇಖಕರು: ವೈದ್ಯರು, ಸುರಕ್ಷಾ ದಂತ ಚಿಕಿತ್ಸಾಲಯ, ಹೊಸಂಗಡಿ)

]]>