ಪ್ರೀತಿಯಿ೦ದ ಮಾತಾಡಿಸಿದರೆ ಗಗನಸಖಿಯರೂ ಫಿದಾ!

Posted In : ವಿರಾಮ

ಮು೦ಬೈಯಿ೦ದ ಪ್ರಕಟವಾಗುವ "ಮಿಡ್‍ಡೇ' ಪತ್ರಿಕೆಯ ಮಾಲೀಕರೂ, ಪ್ರಧಾನ ಸ೦ಪಾದಕರೂ ಆಗಿದ್ದ ಖಾಲೀದ್ ಅನ್ಸಾರಿ ಅವರೊ೦ದಿಗೆ ನಾನು ನಾಲ್ಕು ದೇಶಗಳನ್ನು ಸುತ್ತಿದ್ದೇನೆ. ವಯಸ್ಸಿನಲ್ಲಿ ನನಗಿ೦ತ ಸುಮಾರು ಇಪ್ಪತೆôದು ವಷ೯ ಹಿರಿಯರಾದ ಅನ್ಸಾರಿಯವರು ಅನೇಕ ವಷ೯ಗಳ ಸ್ನೇಹಿತರ೦ತೆ ಹತ್ತಿರವಾದವರು. ಪದ್ಮಶ್ರೀ ಪ್ರಶಸ್ತೀ ಪುರಸ್ಕೃತರೂ ಆಗಿರುವ ಅವರು, ಈ ದೇಶ ಕ೦ಡ ಕ್ರೀಡಾ ವರದಿಗಾರರಲ್ಲಿ ಒಬ್ಬರು. ಕಳೆದ ನಾಲ್ಕೆ„ದು ದಶಕಗಳಲ್ಲಿ ಭಾರತ ಕ್ರಿಕೆಟ್ ತ೦ಡದಲ್ಲಿ ಆಡಿದ ಆಟಗಾರರ ಜತೆ ನಿಕಟ ಸ೦ಪಕ೯ ಹೊ೦ದಿದವರು Very fine gentleman ಎ೦ದು ಅವರನ್ನು ಬಣ್ಣಿಸಿದರೆ Very fi ne gentleman ಆದೀತು. ಕ್ರಿಕೆಟ್ ವರದಿಗಾಗಿ ಅವರು ಹೋಗದ ದೇಶವಿರಲಿಲ್ಲ. "ಅವರ ಪಾಸ್‍ಪೋಟ್‍೯ಅನ್ನು ಇಟ್ಟು- ಕೊಳ್ಳಲು ಪ್ರತ್ಯೇಕ ಸೂಟ್‍ಕೇಸ್ ಬೇಕು' ಎ೦ದು ಅವರಿಗೆ ತಮಾಷೆ ಮಾಡುತ್ತಿದ್ದರು. ಆ ಪರಿ ಅವರು ವಿದೇಶಯಾತ್ರೆ ಮಾಡಿದವರು. ನನಗೆ ಅವರ ಕ೦ಪನಿ ಅ೦ದ್ರೆ ಪರಮಾನ೦ದ. ಯಾವುದೇ ವಿಷಯದ ಬಗ್ಗೆ ಒ೦ದು ಪ್ರಶ್ನೆ ಕೇಳಿದರೆ ಸಾಕು, ಅಧ೯ ಗ೦ಟೆ ಕತೆ ಹೇಳಿದ೦ತೆ. ಎಲ್ಲ ಮಗ್ಗುಲುಗಳನ್ನು ಅತ್ಯ೦ತ ಸ್ವಾರಸ್ಯಕರವಾಗಿ ಹೇಳುತ್ತಿ- ದ್ದರು. ಬಹುಬೇಗ ನನಗೆ ಅವರು ಆತ್ಮೀಯರಾದರು. ಪೋಲಿ ಜೋಕುಗಳನ್ನು ಹೇಳುವಷ್ಟು ಹತ್ತಿರವಾದರು.

ನಾವಿಬ್ಬರು ವಿಮಾನ ಸೇರಿ ಕುಳಿತರೆ, ಗಗನಸಖಿ ಯರಾರೂ ನನ್ನತ್ತ ಬರದೇ, ಅನ್ಸಾರಿಯವರ ಹತ್ತಿರ ಎಡತಾಕುತ್ತಿದ್ದರು. ನನಗಿ೦ತ ಹಿರಿಯರಾದ ಆ ಬುಡ್ಡಾನ ಮ್ಯೆ ಹೊಸೆಯುತ್ತಾರಲ್ಲ, ಏನಿರಬಹುದು ಅವರ ಆಕಷ೯ಣೆ ಎ೦ದು ಅಚ್ಚರಿಯಾಗುತ್ತಿತ್ತು. ಒ೦ದಲ್ಲ, ಎರಡಲ್ಲ, ಹತ್ತಾರು ಸಲ ಇದನ್ನು ಗಮನಿಸಿದೆ. ವಿಮಾನವೇರಿದ೦ದಿನಿ೦ದ ಆರ೦ಭವಾಗಿ, ಇಳಿಯುವ ತನಕ ಅವರ ಸೇವೆ ಮಾಡಲು ಗಗನಸಖಿಯರು ಉತ್ಸುಕತೆ ತೋರುತ್ತಿದ್ದರು. ಈ ಬಗ್ಗೆ ಕುತೂಹಲ ತಡೆಯಲಾರದೇ ಅವರನ್ನೇ ಕೇಳಿದೆ, "ಅದು ರಹಸ್ಯ, ಹೇಳಲಾಗದು' ಎ೦ದು ಅನ್ಸಾರಿ ಗುಟ್ಟು ಬಿಟ್ಟುಕೊಡಲಿಲ್ಲ. ಆದರೆ ನಾನು ಬಿಡಬೇಕಲ್ಲ.

ಆಗ ಅನ್ಸಾರಿಯವರು ಹೇಳಿದ ಮಾತುಗಳು ಈಗಲೂ ನನ್ನ ಮನಸ್ಸಿನಲ್ಲಿ ಹಾಗೇ ಕುಳಿತುಬಿಟ್ಟಿವೆ. "ಗಗನಸಖಿ ಯರನ್ನು ಯಾರೂ ಆತ್ಮೀಯವಾಗಿ ಮಾತಾಡಿಸುವುದಿಲ್ಲ. ಮಹಿಳೆಯರೊ೦ದಿಗೆ ಗ೦ಭೀರವಾಗಿ ವತಿ೯ಸಬೇಕೆ೦ದು ಎಲ್ಲರೂ ಅವರ ಜತೆ ಅ೦ತರ ಕಾಪಾಡುತ್ತಾರೆ. ಆರೇಳು ಗ೦ಟೆ ಅಥವಾ ಹತ್ತು ಹನ್ನೆರಡು ವಷ೯ಗಳ ಪ್ರಯಾಣದ ಸ೦ದಭ೯ದಲ್ಲಿ ಗಗನಸಖಿಯರೊ೦ದಿಗೆ ಹತ್ತಿರವಾಗಿ ಪ್ರಯೋಜನವೇನು ಎ೦ದೇ ಎಲ್ಲರೂ ಯೋಚಿಸುತ್ತಾರೆ. ಎಲ್ಲ ಪ್ರಯಾಣಿಕರ೦ತೆ ನಮ್ಮನ್ನೂ ಪರಿಗಣಿಸುವುದರಿ೦ದ ಅವರಿಗೆ ಹತ್ತಿರವಾಗಿ ಏನು ಪ್ರಯೋಜನ ಎ೦ಬುದು ಎಲ್ಲರ ಎಣಿಕೆ. ಹೀಗಾಗಿ ಅವರ ಜತೆಗೆ ಎಷ್ಟು ಬೇಕೋ ಅಷ್ಟು ವ್ಯವಹರಿಸುತ್ತಾರೆ. ಆದರೆ ಗಗನಸಖಿಯರ ಕಷ್ಟ ಸುಖಗಳ ಬಗ್ಗೆ ಯಾರೂ ವಿಚಾರಿಸುವುದಿಲ್ಲ. ಅವರದು ಒ೦ಥರಾ ಗ್ಲಾಮರಸ್ ಬದುಕು. ಅವರು ಸದಾ ಅಭದ್ರತೆ, ಅನಿಶ್ಚಿತತೆಯಲ್ಲಿ ಬದುಕು ಸಾಗಿಸುತ್ತಾರೆ. ವಾರಗಟ್ಟಲೆ ಗ೦ಡ, ಮನೆ, ಮಕ್ಕಳ ಸ೦ಪಕ೯ವೆ ಇರುವುದಿಲ್ಲ. ಇ೦ದು

ಒ೦ದು ಊರಾದರೆ, ನಾಳೆ ಇನ್ನೆಲ್ಲೋ. ಎಲ್ಲ ಪ್ರಯಾಣಿಕರ ಜತೆಗೂ ಕೃತಕವಾಗಿ ನಗಬೇಕು, ವ್ಯವಹರಿಸಬೇಕು. ಈ ನಡೆವಳಿಕೆ ಅವರಲ್ಲಿ ಹೆಚ್ಚು ಹೆಚ್ಚು ಕೃತ್ರಿಮತೆಯನ್ನು ತು೦ಬುತ್ತಾ ಹೋಗುತ್ತದೆ. ಇದರಿ೦ದ ಅವರು ವಾಸ್ತವದಿ೦ದ ದೂರ ಸರಿಯುತ್ತಾರೆ. ನಿಜ ಜೀವನದ ಅಸಲಿ ಸ೦ಗತಿಗಳು ಅವರ ಅರಿವಿಗೆ ಬರುವುದಿಲ್ಲ ಈ ಎಲ್ಲ ಕಾರಣಗಳಿ೦ದ ಅವರು ಪ್ರಯಾಣಿಕರ ಜತೆಗೆ ಒ೦ದು ನಿದಿ೯ಷ್ಟ ಚೌಕಟ್ಟಿನೊಳಗೇ ವ್ಯವಹರಿಸುತ್ತಾರೆ. ಎಲ್ಲ ಪ್ರಯಾಣಿಕರು ಅವರನ್ನು ಫಸ್ಟ್ ಕ್ಲಾಸ್ ಸೇವಕಿಯರ೦ತೆ ಕಾಣುತ್ತಾರೆ. ಅಲ್ಲಿ ಆತ್ಮೀಯತೆ ಎಲ್ಲೂ ಕಾಣುವುದಿಲ್ಲ. ಹೀಗಾಗಿ ಗಗನಸಖಿಯರು ಎಷ್ಟೇ ಸು೦ದರಿಯರಾಗಿರಬಹುದು, ಅವರು ಆಪ್ತವಾಗುವು ದಿಲ್ಲ. ವಿಮಾನ ಇಳಿದ ಬಳಿಕ ಅವರ ಮುಖವೂ ನೆನಪಿಗೆ ಬರುವುದಿಲ್ಲ. ಗಗನಸಖಿಯರೂ ಪ್ರಯಾಣಿಕರ ಜತೆ ಒಡನಾಡಿ ವ್ಯಾವಹಾರಿಕ ಸ೦ಬ೦ಧವನ್ನು ಬೆಳೆಸಿ ಆಪ್ತವಾಗಿ ಮಾತಾಡುತ್ತಿದ್ದರು.

ಗಗನಸಖಿಯರ ಜತೆ ಬಿಗುಮಾನ ಮುರಿಯಲೆ೦ದು "ಎಷ್ಟು ಚೆ೦ದವಾಗಿ ನಗುತ್ತೀರಿ, ನನ್ನ ಆಯಾಸವೆಲ್ಲ ಮಾಯವಾಯಿತು. ಪ್ರತಿದಿನ ಮನೆ ಬ೦ದಾಗ ಹೆ೦ಡತಿಯೂ ಇಷ್ಟೇ ಪ್ರೀತಿಯಿ೦ದ ಮಾತಾಡಿಸಿದ್ದರೆ, ಎಷ್ಟು ಚೆನ್ನಾಗಿರುತ್ತಿತ್ತು. ಎ೦ದು ಯೋಚಿಸುತ್ತಿದ್ದೇನೆ. ನಿಮ್ಮ ನಗುವಿನಲ್ಲಿ ತ೦ಪಿದೆ, ಆಪ್ತತೆಯಿದೆ. ಇದನ್ನು ಮಾತ್ರ ಕಳೆದುಕೊಳ್ಳಬೇಡಿ. ನಗೆ ನಿಮಗೆ ತೋರಿಕೆಯಾಗದೆ, ವ್ಯಕ್ತಿತ್ವದ ಅ೦ಗವಾಗಲಿ' ಎ೦ದು ಗಗನಸಖಿಯರಿಗೆ ಹೇಳುತ್ತಿದ್ದ೦ತೆ, ಅವರು ಏಕಾಏಕಿ 'ಫಿದಾ' ಆಗಿಬಿಡುತ್ತಿದ್ದರು. ಹಾಗೆ೦ದು ಅನ್ಸಾರಿ ಅವರದು ಫ್ಲಟ್‍೯ ಮಾಡುವ ನಡೆವಳಿಕೆಯಲ್ಲ. ವಯಸ್ಸಿನ ಹಿಡಿತವೂ ಇಲ್ಲಿ ಕೆಲಸ ಮಾಡುತ್ತಿತ್ತು. ಅಷ್ಟರೊಳಗೆ ಅವರು ಕೇಳಿದ ಪತ್ರಿಕೆ, ಮ್ಯಾಗಜಿನ್‍ಗಳನ್ನೆಲ್ಲ ಗಗನಸಖಿಯರು ತ೦ದುಕೊಡುತ್ತಿದ್ದರು. ಮಾವನ ಮನೆಗೆ ಮೊದಲ ಬಾರಿಗೆ ಬ೦ದ ಅಳಿಯನಿಗೆ ದಕ್ಕುವ೦ಥ ಉಪಚಾರ!

ಒಮ್ಮೆ ವಿಮಾನ ಟೇಕಾಫ಼್ ಆದ ಅಧ೯ ಗ೦ಟೆಯಲ್ಲಿ ಕಿಚನ್ ಕ್ಯಾಬಿನ್‍ಗೆ ಹೋಗಿ ಒ೦ದು ರೌ೦ಡ್ ಎಲ್ಲ ಗಗನಸಖಿಯರನ್ನು ಪರಿಚಯ ಮಾಡಿಕೊ೦ಡು ಬ೦ದ ಬಳಿಕ, ಅವರ ಖದರೇ ಬೇರೆ. ಎಲ್ಲರಿಗೂ ಒ೦ದು ಊಟವಾದರೆ, ಅನ್ಸಾರಿಯವರ ಪೆ್ಲೀಟೇ ಬೇರೆ. ಎಲ್ಲರಿಗೂ ಕೆಲವೇ ಗು೦ಡುಗಳ ಆಯ್ಕೆ ಅನ್ಸಾರಿಯವರಿಗೆ ವಿಶೇಷ ಆತಿಥ್ಯ. (ಅದರ ಸೈಡ್ ಇಫೆಕ್ಟ್ ನನ್ನ ಮೇಲೂ ಆಗುತ್ತಿತ್ತು) ಎಲ್ಲರ ಊಟವಾಗಿ, ಒ೦ದು ನಿದ್ದೆಯಾದ ಬಳಿಕ ಪ್ರಯಾಣಿಕರೆಲ್ಲ ಅವರವರ ಗು೦ಗಿನಲ್ಲಿದ್ದರೆ, ಅನ್ಸಾರಿಯವರು ಮಾತ್ರ ಗಗನಸಖಿಯರು ಇರುವಲ್ಲಿ ಹೋಗಿ, ಅವರ ಅನುಭವಗಳನ್ನು ಕೇಳುವುದರಲ್ಲಿ ಆಸಕ್ತಿ ತೋರುತ್ತಿದ್ದರು. ಅವರೆಲ್ಲರನ್ನು ಸುತ್ತ ಕುಳ್ಳಿರಿಸಿಕೊ೦ಡು ಅವರ ಕತೆಗಳಿಗೆ ಕಿವಿಯಾಗುತ್ತಿದ್ದರು. ವಿಮಾನಪ್ರಯಾಣವನ್ನು ಇಡಿಯಾಗಿ ಅನುಭವಿಸುವ ಕಲೆ ಅವರಿಗೆ ಕರಗತವಾಗಿತ್ತು. ಇಷ್ಟು ಹೊತ್ತಿಗೆ ಗಗನಸಖಿಯರಿಗೆಲ್ಲ ಕ್ಲೋಸ್ ಆಗಿಬಿಡುತ್ತಿದ್ದ ಅನ್ಸಾರಿ ಏನೇ ಹೇಳಿದರೂ ಅವರ ಸೇವೆಗೆ ಇಡೀ cabin crew ಸಿದ್ಧವಾಗಿ ಬಿಡುತ್ತಿತ್ತು. ಅವರಿಗಾಗಿ ವಿಶೇಷ ಐಟ೦ಗಳನ್ನು ಸಿದ್ಧಪಡಿಸಿ ಬಡಿಸುವಷ್ಟರಮಟ್ಟಿಗೆ ಆತಿಥ್ಯ ತೋರುತ್ತಿದ್ದರು. ಒ೦ದಿಬ್ಬರು ಗಗನಸಖಿಯರನ್ನು ಕರೆದು ಪುಸ್ತಕ, ಪೆನ್, ಕೀಚೈನ್, ಪರ್ ಫ್ಯೂಮ್… ಹೀಗೆ ಯಾವುದಾದರೂ ವಸ್ತುಗಳನ್ನು ಅವರು ನೆನಪಿನ ಕಾಣಿಕೆಯಾಗಿ ಕೊಡಲು ಮರೆಯುತ್ತಿರಲಿಲ್ಲ. ಗಗನಸಖಿ ಯರೂ ಇದಕ್ಕೆ ಪ್ರತಿಯಾಗಿ ಅವರಿಗೂ ಗು೦ಡಿನ ಬಾಟಲಿ, ಚಾಕಲೇಟ್, ಕುಕೀಸ್, ಪರ್ ಫ್ಯೂಮ್ಗಳನ್ನು ನೀಡುತ್ತಿದ್ದರು. ಪ್ರತಿ ವಿಮಾನಪ್ರಯಾಣವನ್ನೂ ಹೊಸ ಅನುಭವವಾಗಿ, ಮಾನವ ಸ೦ಬ೦ಧಗಳ ಹೊಸ ಸಾಧ್ಯತೆಯಾಗಿ ಅವರು ಪರಿವತಿ೯ಸುತ್ತಿದ್ದರು. ವಿಮಾನ ದೊಳಗಿನ ಜಗತ್ತಿನ ಪರಿಚಯ ಮಾಡಿಸುತ್ತಿದ್ದರು.

* ವಿಶ್ವೇಶ್ವರ ಭಟ್

Leave a Reply

Your email address will not be published. Required fields are marked *

16 − eight =

Loading

ಸದನದಲ್ಲಿ ಸಿಎಂ ವಿರುದ್ಧವೇ ಹಕ್ಕುಚ್ಯುತಿ ಮಂಡಿಸಿದ ಪ್ರತಿಪಕ್ಷದ ನಿರ್ಧಾರ ಸರಿಯೇ?

Thank you for voting
You have already voted on this poll!
Please select an option!

vishwavani-timely-3

 
Back To Top