ಧೋನಿ ವಿಕೆಟ್ ಕೀಪಿಂಗ್ ಮಾಡುತ್ತಿದ್ದಾಗ ಕ್ರೀಸ್ ಬಿಡುವ ಧೈರ್ಯ ಮಾಡಬೇಡಿ: ಐಸಿಸಿ

ವೆಲ್ಲಿಂಗ್ಟನ್: ಭಾರತದ ಮಾಸ್ಟರ್ ಮೈಂಡ್ ವಿಕೆಟ್ ಕೀಪರ್, ಮಾಜಿ ನಾಯಕ ಎಂ.ಎಸ್.ಧೋನಿ ವಿಕೆಟ್ ಕೀಪಿಂಗ್ ಮಾಡುತ್ತಿದ್ದಾಗ ಕ್ರೀಸ್ ಬಿಡುವ ಧೈರ್ಯ ಮಾಡಬೇಡಿ ಎಂದು ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ (ಐಸಿಸಿ) ಬ್ಯಾಟ್ಸಮನ್‍ಗಳಿಗೆ ಸಲಹೆ ನೀಡಿದೆ.

ಉತ್ತಮ ಗೇಮ್​ ಫಿನಿಶರ್​ ಎಂದು ಕರೆಸಿಕೊಂಡಿರುವ ಮಹೇಂದ್ರ ಸಿಂಗ್​ ಧೋನಿ ವಿಕೆಟ್​ ಹಿಂದೆಯೂ ಚಾಣಾಕ್ಷ ಆಟಗಾರ. ಇತ್ತೀಚೆಗೆ ಕೊನೆಗೊಂಡ ನ್ಯೂಜಿಲೆಂಡ್ ವಿರುದ್ಧದ ಏಕದಿನ ಸರಣಿಯಲ್ಲಿ ಧೋನಿ ತಮ್ಮ ಕೈಚಳಕದಿಂದ ಹಲವು ಬ್ಯಾಟ್ಸಮನ್‍ಗಳಿಗೆ ಪೆವಿಲಿಯನ್ ಹಾದಿ ತೋರಿಸಿದ್ದರು. ನ್ಯೂಜಿಲ್ಯಾಂಡ್ ವಿರುದ್ಧದ ಏಕದಿನ ಸರಣಿಯಲ್ಲಿ ಭಾರತ 4-1 ಅಂತರದಿಂದ ಗೆದ್ದುಕೊಂಡಿತ್ತು. ಈ ಗೆಲುವಿನಲ್ಲಿ ಧೋನಿ ಪಾತ್ರ ಕೂಡ ಮಹತ್ವದ್ದು.

ಧೋನಿ ಅವರ ಸ್ಟಂಪ್​ ವೇಗಕ್ಕೆ ಇಡೀ ವಿಶ್ವವೇ ಮೆಚ್ಚುಗೆ ವ್ಯಕ್ತಪಡಿಸಿತ್ತು. ಅದರಲ್ಲೂ ಅಂತಾರಾಷ್ಟ್ರೀಯ ಕ್ರಿಕೆಟ್​ ಮಂಡಳಿ(ಐಸಿಸಿ), ಧೋನಿ ಅವರು ವಿಕೆಟ್​ ಹಿಂದೆ ಇರುವಾಗ ಯಾರು ಕ್ರೀಸ್​ ಬಿಟ್ಟು ಮುಂದೆ ಹೋಗಿ ಹೊಡೆಯುವ ಧೈರ್ಯ ಮಾಡಬೇಡಿ ಎಂದು ಎಲ್ಲ ಬ್ಯಾಟ್ಸ್ ಮನ್​ಗಳಿಗೆ ಎಚ್ಚರಿಕೆ ನೀಡುವ ಮೂಲಕ ಧೋನಿ ವಿಕೆಟ್ ಕೀಪಿಂಗ್‍ಗೆ ಮೆಚ್ಚುಗೆ ವ್ಯಕ್ತಪಡಿಸಿದೆ.

Never leave your crease with MS Dhoni behind the stumps! https://t.co/RoUp4iMpX6

— ICC (@ICC) February 3, 2019