Winter Fashion 2025: ವಿಂಟರ್ ಫ್ಯಾಷನ್‌ಗೆ ಸೇರಿದ ವೈವಿಧ್ಯಮಯ ಉಲ್ಲನ್ ಟೋಪಿಗಳು
Winter Fashion: ಚಳಿಗಾಳಿಗೆ ಬೆಚ್ಚಗಿಡುವ ವೈವಿಧ್ಯಮಯ ವಿನ್ಯಾಸದ ಫ್ಯಾಷೆನೆಬಲ್ ಉಲ್ಲನ್ ಟೋಪಿಗಳು ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ. ಮಕ್ಕಳು, ಟೀನೇಜ್ ಹುಡುಗ-ಹುಡುಗಿಯರು, ಮಹಿಳೆಯರು, ಪುರುಷರು, ಹಿರಿಯರು ಹೀಗೆ ಎಲ್ಲರಿಗೂ ಹೊಂದುವಂತಹ ವಿನ್ಯಾಸ ಹಾಗೂ ವೈಬ್ರೆಂಟ್ ಕಲರ್‌ನಲ್ಲಿ ಯೂನಿಸೆಕ್ಸ್ ಉಲ್ಲನ್ ಟೋಪಿಗಳು ಎಂಟ್ರಿ ನೀಡಿದ್ದು, ಚಳಿಗಾಲದ ಲೇಯರ್ ಲುಕ್‌ಗೆ ಸಾಥ್ ನೀಡುತ್ತಿವೆ ಎನ್ನುತ್ತಾರೆ ಸ್ಟೈಲಿಸ್ಟ್ಸ್. ಈ ಕುರಿತಂತೆ ಇಲ್ಲಿದೆ ವರದಿ.
ಚಿತ್ರಕೃಪೆ: ಪಿಕ್ಸೆಲ್ -
ಶೀಲಾ ಸಿ ಶೆಟ್ಟಿ
Nov 1, 2025 4:18 PM
ಉಲ್ಲನ್ ಟೋಪಿಗಳು ಚಳಿಗಾಲದ ಫ್ಯಾಷನ್‌ಗೆ ಸೇರಿವೆ. ನಾನಾ ವಿನ್ಯಾಸದಲ್ಲಿ ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ. ಇವು ಕಿವಿಯನ್ನು ಬೆಚ್ಚಗಿಡುವುದು ಮಾತ್ರವಲ್ಲದೇ, ಸ್ಟೈಲಿಶ್ ಆಗಿಯೂ ಬಿಂಬಿಸುತ್ತವೆ.
ಲೇಯರ್ ಲುಕ್‌ಗೆ ಉಲ್ಲನ್ ಟೋಪಿ ಸಾಥ್
ಮಕ್ಕಳು, ಟೀನೇಜ್ ಹುಡುಗ-ಹುಡುಗಿಯರು, ಮಹಿಳೆಯರು, ಪುರುಷರು, ಹಿರಿಯರು ಹೀಗೆ ಎಲ್ಲರಿಗೂ ಹೊಂದುವಂತಹ ವಿನ್ಯಾಸ ಹಾಗೂ ವೈಬ್ರೆಂಟ್ ಕಲರ್‌ನಲ್ಲಿ ಯೂನಿಸೆಕ್ಸ್ ಉಲ್ಲನ್ ಟೋಪಿಗಳು ಎಂಟ್ರಿ ನೀಡಿದ್ದು, ಚಳಿಗಾಲದ ಲೇಯರ್ ಲುಕ್‌ಗೆ ಸಾಥ್ ನೀಡುತ್ತಿವೆ ಎನ್ನುತ್ತಾರೆ ಸ್ಟೈಲಿಸ್ಟ್ಸ್.
ವೈವಿಧ್ಯಮಯ ಉಲ್ಲನ್ ಟೋಪಿಗಳು
ಗಂಡು-ಹೆಣ್ಣು ಮಕ್ಕಳು ಇಬ್ಬರೂ ಧರಿಸಬಹುದಾದ ವೈಬ್ರೆಂಟ್ ಡಿಸೈನ್‌ನ ಮಂಕಿ ಕ್ಯಾಪ್ ಮಾತ್ರವಲ್ಲ, ಸ್ಕಾರ್ಫ್ ಶೈಲಿಯವು, ಕಂಪ್ಲೀಟ್ ಕಿವಿ ಮುಚ್ಚುವ ಟೈಯಿಂಗ್ ಟೋಪಿಗಳು ಕಾರ್ಟೂನ್ ಕ್ಯಾರೆಕ್ಟರ್ ಚಿತ್ತಾರಗಳೊಂದಿಗೆ ಹಾಗೂ ಡಿಸೈನ್ ಪ್ರಿಂಟ್‌ನೊಂದಿಗೆ ಇರುವಂತವು ಮಾರುಕಟ್ಟೆಯಲ್ಲಿ ಆಗಮಿಸಿವೆ. ಇನ್ನು ಟೀನೇಜ್ ಹುಡುಗ-ಹುಡುಗಿಯರ ಫಂಕಿ ಸ್ಟೈಲ್‌ಗೆ ಸೂಟ್ ಆಗುವಂತೆ ಬೀನ್, ಫ್ರೆಂಚ್ ಸ್ಟೈಲ್, ಸ್ಕಲ್, ಟರ್ಬನ್, ಪೋಮ್ ಪೋಮ್, ಮಫ್ಲರ್ ಕ್ಯಾಪ್ ಸೇರಿದಂತೆ ನಾನಾ ಬಗೆಯವು ಯೂನಿಸೆಕ್ಸ್ ಡಿಸೈನ್‌ನಲ್ಲಿ ಬಿಡುಗಡೆಗೊಂಡಿವೆ. ಇನ್ನು ಹಿರಿಯರಿಗೆ ಸೂಟ್ ಆಗುವ ಪೋಮ್ ಪೋಮ್ ಉಲ್ಲನ್ ಟೋಪಿಗಳು ಹೊಸ ಕಲರ್‌ನಲ್ಲಿ ಕಾಣಿಸಿಕೊಂಡಿವೆ. ಆದರೆ, ಹೆಚ್ಚೇನೂ ಬದಲಾವಣೆಯಾಗಿಲ್ಲ ಎನ್ನುತ್ತಾರೆ ಮಾರಾಟಗಾರರು.
ಹಿಲ್ ಸ್ಟೇಷನ್ ಪ್ರವಾಸದಲ್ಲಿ ಉಲ್ಲನ್ ಟೋಪಿ ಬಳಕೆ
ಪ್ರವಾಸ ಅಥವಾ ಪ್ರಯಾಣಿಸುವಾಗ ಆದಷ್ಟೂ ಉಲ್ಲನ್ ಟೋಪಿ ಬಳಸುವುದು ಉತ್ತಮ. ಇವು ಕಿವಿಯನ್ನು ಬೆಚ್ಚಗಿಡುತ್ತವೆ. ಕಿವಿ ನೋವು, ತಲೆ ನೋವು ಬಾರದಂತೆ ತಡೆಯುತ್ತವೆ. ಟ್ರಾವೆಲಿಂಗ್ ಸಮಯದಲ್ಲಿ ಸ್ಟೈಲಿಶ್ ಆಗಿಯೂ ಇವನ್ನು ಧರಿಸಬಹುದು. ಫೋಟೋಗಳಲ್ಲೂ ನೋಡಲು ಆಕರ್ಷಕವಾಗಿ ಕಾಣುತ್ತವೆ ಎನ್ನುತ್ತಾರೆ ಡಿಸೈನರ್ ರಾಕಿ.
ಉಲ್ಲನ್ ಟೋಪಿ ಪ್ರಿಯರ ಗಮನಕ್ಕೆ
- ಯೂನಿಸೆಕ್ಸ್ ಉಲ್ಲನ್ ಟೋಪಿಗಳನ್ನು ಎಲ್ಲರೂ ಬಳಸಬಹುದು.
- ಇವನ್ನು ಹೆಚ್ಚು ಉಜ್ಜಿ ವಾಶ್ ಮಾಡಬಾರದು.
- ಲೈಟ್‌ವೇಟ್ ಉಲ್ಲನ್ ಟೋಪಿಗಳು ಭಾರವೆನಿಸುವುದಿಲ್ಲ!
- ಯುವತಿಯರು ಫ್ರೀ ಹೇರ್‌ಸ್ಟೈಲ್‌ಗೆ ಸ್ಟೈಲಿಶ್ ಆಗಿ ಧರಿಸಬಹುದು.
