About Us Advertise with us Be a Reporter E-Paper

ಗುರು

ಒಳಿತಿನ ಫಲ ತಡವಾದರೂ ನಿಶ್ಚಿತ

ಜಯಶ್ರೀ.ಜೆ. ಅಬ್ಬಿಗೇರಿ

ಜೀವನದ ಜಂಜಾಟದೊಳಗೆ ಬಿದ್ದು ತಲೆ ಚಿಟ್ ಹಿಡಿದು ಹೋಗಿದೆ. ಬದುಕಿನ ತಾಪತ್ರಯಗಳನ್ನು ಕಂಡು ಮನಸ್ಸು ರೋಸಿ ಹೋಗಿದೆ. ಏನು ಮಾಡಬೇಕೆಂದು ತಿಳಿಯುತ್ತಿಲ್ಲ. ಅನ್ನೋದು ನಮ್ಮಲ್ಲಿ ಅನೇಕರ ಗೊಣಗಾಟ.  ಸಮಸ್ಯೆ ಗಳಿಂದ ಅದು ಯಾವಾಗ ಮುಕ್ತಿ ಸಿಗುತ್ತೋ ಎಂಬ ವಿಚಾರದೊಳಗೆ ಮುಳುಗಿರುವುದೇ ಜೀವನ ಆಗಿಬಿಟ್ಟಿದೆ.

ಹೀಗೆ ನಮ್ಮ ತಲೆ ಪ್ರತಿಕ್ಷಣ ಏನಾದರೂ ಒಂದನ್ನು ಯೋಚಿಸುತ್ತಲೇ ಇರುತ್ತದೆ.  ಅದಕ್ಕೆ ವಿಶ್ರಾಂತಿ ಇಲ್ಲ. ಬಹಳಷ್ಟು ಸಾರಿ ಸಣ್ಣ  ವಿಚಾರಕ್ಕೂ ಅತಿಯಾಗಿ ಯೋಚಿಸಿ ಇತರರು ಅಪಹಾಸ್ಯ ಮಡು ವಂತಹ ಪ್ರಸಂಗಗಳು ನಡೆಯುತ್ತವೆ. ಹೀಗೆ ಅಪಹಾಸ್ಯ ಕ್ಕೊಳಗಾಗ ಬಾರದೆಂದು ಮತ್ತೆ ಮತ್ತೆ ವಿಚಾರ ಮಾಡು ವದು ಸರಿಯೆ ನಿಸಿದರೂ ಇದು ಅನೇಕ ಬಾರಿ ಆತಂಕಕ್ಕೆ ತಳ್ಳುತ್ತದೆ. ಕೆಲವು ಬಾರಿ ಎಲ್ಲವೂ ಸರಿಯಾಗಿ  ಎಲ್ಲಿ ಕೆಲಸ ಅರ್ಧಕ್ಕೆ ನಿಂತು ಬಿಡುತ್ತೇನೋ, ಕೆಟ್ಟು ಬಿಡುತ್ತೆನೋ ಎಲ್ಲಿ ಮುಖಭಂಗಕ್ಕೆ ಒಳಗಾಗಬೇಕಾಗುತ್ತೆನೊ? ಎಂದು ಅತಿಯಾದ ಯೋಚನೆ ಗಳಿರುವ  ಹೊಂಡ ದಲ್ಲಿ ಮುಳುಗಿ ನೋವು ಅನುಭವಿಸುತ್ತೇವೆ.

ಕೆಲಸ ಸುಲಲಿತವಾಗಿ ನಡೆಯುತ್ತಿರುವಾಗಲೂ ಅದರ ಬಗ್ಗೆ ಅನುಮಾನ. ಅಯ್ಯೋ! ಈ ಕೆಲಸ ಇಷ್ಟು ಸುಗಮ ವಾಗಿ ನಡೆಯುತ್ತೆ ಅಂತ ಅನಿಸಿರಲೇ ಇಲ್ಲ. ಸರಳವಾಗಿ ನಡೆ ತಿರೋದನ್ನು ನನ್ನ ಕೈಲಿ ನಂಬೋಕೆ ಆಗ್ತಿಲ್ಲ ಅಂತ ಹಲವರು ಹಲಬುತ್ತಾರೆ. ಹೀಗೆ ಅತಿಯಾದ ಯೋಚನೆ ಶುಭ್ರವಾದ ಸರೋವರದಂತಿರುವ ಮನಸ್ಸನ್ನು  ಹೊಂಡವ ನ್ನಾಗಿಸಿ ಬಿಡುತ್ತದೆ. ಇದರಿಂದ ಸಣ್ಣ ಸಣ್ಣ ಕೆಲಸಗಳು ದೊಡ್ಡ ಗುಡ್ಡ ವನ್ನು ಕಡಿದಂತೆ ಶ್ರಮದಾಯಕವೆನಿಸುತ್ತವೆ.  ಹೆಚ್ಚಾಗಿ ಖಿನ್ನತೆಗೆ ದಾರಿ ಮಾಡಿಕೊಡುತ್ತವೆ. ಖಿನ್ನತೆಯಿಂದ ಉತ್ಸಾಹ, ಉಲ್ಲಾಸ ಎಲ್ಲವೂ ಮಾಯವಾಗುತ್ತದೆ.  ನಿಜವಾಗಲೂ ನಾವು ಇಷ್ಟೆಲ್ಲ ತಲೆ ಕೆಡಿಸಿಕೊಳ್ಳುವ ಅವಶ್ಯಕತೆ ಇದೆಯಾ?  ದೈಹಿಕವಾಗಿ ಮತ್ತು ಮಾನಸಿಕವಾಗಿ ನಮಗೆ ನಾವೇ ತೊಂದರೆ ಕೊಟ್ಟುಕೊಳ್ಳೋದು ಎಷ್ಟೊಂದು ಸರಿ? ಭಯದ ರೂಪದಲ್ಲಿರುವ ಈ  ಯೋಚಿಸುವಿಕೆ ನಮ್ಮ ಸಂತೋಷ ವನ್ನು ಕೊಲ್ಲುತ್ತದೆಂದು ಬಲ್ಲವರು ಹೇಳಿದ್ದನ್ನು  ಕೇಳಿದಾ ಗಷ್ಟು ಗೋಣು ಅಲ್ಲಾಡಿಸಿ ನಂತರ ಉದಾಸೀನತೆ ತೋರುವ ಚಟವನ್ನು ರೂಡಿಯಾಗಿಸಿಕೊಂಡು, ನಾವು ತೋಡಿದ ತಗ್ಗಿನಲ್ಲಿ ನಾವೇ ಬಿದ್ದು

ಜಾಣರು ಅಕಸ್ಮಾತ್ತಾಗಿ ತಗ್ಗಿನಲ್ಲಿ ಬಿದ್ದರೆ ಬಲಿಯಲ್ಲಿ ಸಿಕ್ಕ ಬಿದ್ದ ಇಲಿಯಂತೆ ಒದ್ದಾಡಿ ಸಾಯದೆ, ತಾವು ಓದಿದ, ಅನು ಭವಿಸಿ ಕಲಿತ ತಂತ್ರಗಳನ್ನು ಉಪಯೋಗಿಸಿ ಹೊರ ಬರುತ್ತಾರೆ. ಗಿಳಿಮರಿಯೊಂದು ಬೇಟೆಗಾರನ ಕೈಯಲ್ಲಿ ಸಿಕ್ಕು ನೋವನ್ನು ಅನುಭವಿಸುತ್ತಿತ್ತು. ದಿನ ಬೇಟೆಗಾರ ಗಿಳಿಯ ಬಳಗವನ್ನು ಕಂಡು ಬಂದು, ‘ನಿನ್ನನ್ನು ಕಳೆದುಕೊಂಡ ನಿನ್ನ ಬಳಗ ತೀರಾ ದುಃಖದಲ್ಲಿದೆ. ನೀನು ನನ್ನ ಪಂಜರದಲ್ಲಿರುವ ಸುದ್ದಿ ಯನ್ನು  ಕೇಳುತ್ತಲೇ  ನಿನ್ನ ತಂದೆ ತಾಯಿ ಸತ್ತು ಬಿದ್ದರು.’ ಎಂದನು  ಕೇಳಿದ ಗಿಳಿ ಮರಿ ವಿಲ ವಿಲ ಒದ್ದಾಡಿ ಸತ್ತಿತು. ಅಯ್ಯೋ! ಈ ಗಿಳಿ ಮರಿಯೂ ಸತ್ತು ಹೋಯಿ ತೆಂದು ಬೇಟೆಗಾರ ಗಿಳಿಮರಿ ಯನ್ನು ಪಂಜರದಿಂದ ಹೊರತೆಗೆದ. ತಕ್ಷಣವೆ ಗಿಳಿ ಮರಿಯು ಪುರ್ರನೆ ಹಾರ ತೊಡಗಿತು. ‘ಅಯ್ಯೋ! ನೀನು ಸತ್ತಿದ್ದಿಯಾ ಎಂದು’  ಅಂದ. ಅದಕ್ಕೆ ಗಿಳಿಮರಿ ‘ನನ್ನ ತಂದೆ ತಾಯಿಯೂ ಸತ್ತಿಲ್ಲ. ಅವರು ಕೊಟ್ಟ ಐಡಿಯಾದಿಂದಾನೇ ನಾನು ಬಚಾವಾದೆ.’ ಎನ್ನುತ್ತ ಹಾರಿಹೋಯಿತು. ಸರಿ ಯಾದ ದಿಕ್ಕಿನಲ್ಲಿ ಯೋಚಿಸಿ ಪರಿಹಾರೋಪಾಯ ಕಂಡುಕೊಳ್ಳುವುದು  ಅತಿಯಾಗಿ ಯೋಚಿಸಿ ಲಾಭವಿಲ್ಲ ಎನ್ನುವ  ಈ ದೃಷ್ಟಾಂತದಿಂದ ತಿಳಿದು ಬರುತ್ತದೆ.

ಈಜಲು ಬಾರದವನು ನೀರಲ್ಲಿ ಬಿದ್ದರೆ ಕೈ ಕಾಲು ಬಡಿಯುತ್ತಾನೆ. ನನ್ನನ್ನು ಕಾಪಾಡಿ ಎಂದು ಜೋರಾಗಿ ಚೀರುತ್ತಾನೆ. ಸನಿಹದಲ್ಲಿದ್ದವರು ಬಿದ್ದವನನ್ನು ರಕ್ಷಿಸಲು ದಾವಿಸುತ್ತಾರೆ. ಹೊರತು ಯೋಚಿಸುತ್ತಾ ಕುಳಿತುಕೊಳ್ಳು ವುದಿಲ್ಲ. ಮನೆಗೆ  ಬಿದ್ದಾಗಲೂ ಅದು ಇದು ಎಂದು ಯೋಚಿಸದೆ ಅಗ್ನಿಶಾಮಕ ದಳದವರಿಗೆ ಕರೆ ಮಾಡಿ ಅವರು ಬರುವವರಿಗೂ ಕಾಯದೆ, ಬಕೆಟ್ಟಿನಿಂದ ಬೆಂಕಿಗೆ ನೀರು ಗೊಜ್ಜುತ್ತಲೇ ಇರುತ್ತೇವೆ. ನಾರ್ಮನ್ ವಿನ್ಸಂಟ್ ಪೀಲೆ  ‘ನಿಮ್ಮ ಆಲೋಚನೆಗಳನ್ನು ಬದಲಾ ಯಿಸಿಕೊಂಡರೆ  ಜಗತ್ತೆ ಬದಲಾಗುವದು ಖರೆ.’ ಎಂಬ ಮಾತು ಸತ್ಯವೆನಿಸತೊಡುಗುತ್ತದೆ. ಬಸ್ಸಿನಲ್ಲಿ ಅಥವಾ ರೈಲಿ ನಲ್ಲಿ ಪ್ರಯಣಿಸುತ್ತಿರುವಾಗ ನಮ್ಮ ಕಣ್ಣ ಮುಂದೆ ದಾಟಿ ಹೋಗುವಂತೆ ಕಾಣುವ ಗಿಡ ಮರ ಹಳ್ಳ ಹೊಳೆ ತೊರೆ ನದಿ ಗುಡ್ಡಗಳನ್ನು ಯಾವುದೇ  ನೊಡಿ ಆಸ್ವಾದಿಸುವ ಹಾಗೆ. ಸಮುದ್ರಗಳ ಅಲೆಗಳಂತೆ ನಿರಂತರವಾಗಿ ಹುಟ್ಟುವ ಆಲೋಚನೆಗಳಿಗೆ ಇಂಬುಕೊಟ್ಟು ಅದರ ಕುರಿತೇ  ಅತಿ ಯಾಗಿ ಯೋಚಿಸುವದಕ್ಕಿಂತ ಆಲೋಚನೆಗೆ ತಕ್ಕಂತೆ ಪ್ರತಿಕ್ರಿಯಿಸುವುದು ಒಳಿತು.  ಅತಿಯಾದ ಯೋಚನೆಗೆ  ವಿರಾಮ ಹಾಕಿ ಸಂಪೂರ್ಣವಾಗಿ ಆರಾಮ ವಾಗಿರಬೇಕೆಂದರೆ  ಜೀವನ ಪ್ರೀತಿ ಹೆಚ್ಚಿಸುವ ಧ್ಯಾನ ಮತ್ತು ದೈವಿಕ ಭಕ್ತಿಯೂ ಅತ್ಯಗತ್ಯ ಎನ್ನುವುದರಲ್ಲಿ ಎರಡು ಮಾತಿಲ್ಲ. ಓಗ್ ಮಂಡಿನೊ ಹೇಳಿದಂತೆ ‘ಸದಾ ಒಳಿತನ್ನು ಯೋಚಿಸಿ ಒಳಿತನ್ನು ಮಾಡಿ. ಒಳಿತಿನ ಫಲ ತಡ ವಾಗಿ ದಕ್ಕಬಹುದು ಆದರೆ  ನಿಶ್ಚಿತ..’

Tags

Related Articles

Leave a Reply

Your email address will not be published. Required fields are marked *

Language
Close