About Us Advertise with us Be a Reporter E-Paper

ಗುರು

ಗೋಪೂಜೆ ಮಾಡುವುದೇಕೆ?

ನಮ್ಮ ಬದುಕಿಗೆ ನೆರವಾದುದಕ್ಕಾಗಿ ನಾವು ತೀರಿಸಲೇಬೆಕಾದ ಋಣಗಳು- ದೇವ, ಋಷಿ, ಜನ ಮತ್ತು ಭೂತ ಋಣ. ಇವುಗಳಲ್ಲಿ ಭೂತ ಋಣವನ್ನು, ಅಂದರೆ ಪ್ರಾಣಿಗಳಿಂದಾದ ತೀರಿಸುವುದರ ಪ್ರತೀಕವಾಗಿ ಗೋವಿಗೆ ನಾವು ಉಣ್ಣುವ ಆಹಾರವನ್ನೇ ಸ್ವಲ್ಪ ನೀಡುವುದು ರೂಢಿ. ನಮ್ಮ ಬದುಕಿಗೆ ವಿಧವಿಧವಾಗಿ ನೆರವಾಗುವ ಗೋವಿನ ಉಪಕಾರವನ್ನು ಸ್ಮರಿಸಿ ಕೃತಜ್ಞತೆ ಅರ್ಪಿಸುವುದರೊಂದಿಗೆ, ಗೋವಿನಲ್ಲಿರುವ ದೈವೀಗುಣಗಳನ್ನು ಮೈಗೂಡಿಸಿಕೊಳ್ಳುವ ದೀಕ್ಷೆ ತೊಟ್ಟು ಗೋವಿಗೆ ನೀಡುವ ತಿನ್ನುವ ಆ ಆಹಾರವನ್ನೇ ಗೋಗ್ರಾಸ ಎನ್ನುತ್ತಾರೆ. ಇನ್ನು ದೀಪಾವಳಿಯ ನರಕಾಸುರನನ್ನು ವಧಿಸಿದ ಶ್ರೀಕೃಷ್ಣನ ಗೆಲುವಿನ ಹಬ್ಬ. ಆ ಹಬ್ಬದಲ್ಲಿ ಶ್ರೀ ಕೃಷ್ಣನನ್ನು ಅಥವಾ ಶ್ರೀಕೃಷ್ಣನಿಗೆ ಪ್ರಿಯವಾದುದನ್ನು ಪೂಜಿಸಲಾಗುತ್ತದೆ. ಗೋವಳರ ನಡುವೆ ಬೆಳೆದ ಕೃಷ್ಣನಿಗೆ ಅತ್ಯಂತ ಪ್ರಿಯವಾದುದು.

ಆದ್ದರಿಂದ ಗೋವನ್ನು ಪೂಜಿಸಿ, ತನ್ಮೂಲಕ ದೈವೀಗುಣಗಳ ಗಣಿ ಆಗುವ ದೀಕ್ಷೆ ತೊಟ್ಟರೆ ಗೋಪಾಲಕೃಷ್ಣನು ಸುಪ್ರೀತನಾಗುವನೆಂದೇ ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಗೋವುಗಳನ್ನು ಮೀಯಿಸಿ, ಗಂಧ, ಅರಿಶಿನ, ಕುಂಕುಮ ಪೂಸಿ, ಹೂಮಾಲೆಯಿಂದಲಂಕರಿಸಿ, ಆರತಿ ಬೆಳಗಿ ಗೋಪೂಜೆಗೈಯಲಾಗುತ್ತದೆ. ದೀಪಾವಳಿಯು ಬಾಳಿಗೆ ಬೆಳಕು ತರುವ ಹಬ್ಬವೂ ಹೌದು. ಬೇಸಾಯವು ಚೆನ್ನಾಗಿ ಆಗಿ ನಲಿವಿನ ಬೆಳಕು ಬಾಳಿಗೆ ಬರುವಂತಾಗಲು ಗೊಬ್ಬರವನ್ನೀಯುವುದರೊಂದಿಗೆ ಕೃಷಿ ಕಾರ್ಯಗಳಲ್ಲಿ ನೆರವಾಗುವ ಗೋಸಂಪತ್ತು. ಚೆನ್ನಾಗಿ ಇರಬೇಕಾದ್ದು ತೀರಾ ಅವಶ್ಯ ಗೋ ಪ್ರತಿನಿಧಿಯಾಗಿ ಗೋವನ್ನು ಪೂಜಿಸುವುದು. ಬೇಸಾಯ ಚೆನ್ನಾಗಿ ಆಗಲು ಗೋಸಂಪತ್ತು ಚೆನ್ನಾಗಿರಲೆಂಬ ಪ್ರಾರ್ಥನೆಯ ಪ್ರಾತ್ಯಕ್ಷಿಕೆಯೇ ಆಗಿದೆ.

ಬೇಸಾಯ ಚೆನ್ನಾಗಿ ಆಗಿ ಬಾಳಿನ ನಲಿವಿನ ಬೆಳಕು ಬರುವಂತಾಗುವಲ್ಲಿ ದೇವರ ಕೃಪೆ ಇದ್ದಲ್ಲಿ ಎಲ್ಲವೂ ಕೂಡಿಬಂದು ಎಲ್ಲವೂ ಚೆನ್ನಾಗಿ ಆಗುವುದೆಂಬ ಸತ್ಯವನ್ನೇ ಕಂಡುಕೊಂಡಿದ್ದ ಪೂರ್ವಿಕರು, ಬೆಳೆ ಚೆನ್ನಾಗಿ ಆಗಿಸುವಂತೆಯೂ ದೇವರ ಕೃಪೆಯ ಮೊರೆ ಹೋದರು. ಶ್ರೀ ವಿಷ್ಣುವು ವಾಮನನಾಗಿ ಬಲಿ ಮಹಾರಾಜನನ್ನು ಭೂಮಿಯೊಳಕ್ಕೆ ತಳ್ಳಿದುರಿಂದ, ಹೊಲ ಗದ್ದೆಗಳೆಲ್ಲ ಬಲೀಂದ್ರನದೇ ಸಾಮ್ರಾಜ್ಯವೆಂದೆಣಿಸಿ, ಬೇಸಾಯವನ್ನು ಚೆನ್ನಾಗಿ ನಲಿವಿನ ಬೆಳಕನ್ನು ಹರಿಸುವಂತೆ ದೀಪಾವಳಿಯ ಸಂದರ್ಭದಲ್ಲಿ ಬಲೀಂದ್ರನೊಡನೆ ಪ್ರಾರ್ಥಿಸುವ ಮೂಲಕ ರೈತರು ಗದ್ದೆ ಪೂಜೆ ನೆರವೇರಿಸುವ ಕ್ರಮ ರೂಢಿಸಿದರು. ಅದಕ್ಕಾಗಿ ಬಲಿಪಾಡ್ಯದ ದಿನ ಸಂಜೆ ಕತ್ತಲು ಕವಿಯುತ್ತಲೇ ರೈತರು ತಮ್ಮ ಹೊಲಗದ್ದೆಯ ಮೂಲೆಯಲ್ಲಿ ದೀಪವನ್ನು ಉರಿಸಿ, ಹೂಗಳನ್ನು ಹಾಕಿ ನೈವೇದ್ಯವನ್ನು (ಸಾಮಾನ್ಯವಾಗಿ ಅವಲಕ್ಕಿಯನ್ನು) ಅರ್ಪಿಸಿ, ಆರತಿ ಬೆಳಗಿ, ಬೆಳೆಯನ್ನು ವೃದ್ಧಿಸುವ ಕೃಪೆದೋರೆಂದು ಬಲೀಂದ್ರನೊಡನೆ ಪ್ರಾರ್ಥಿಸಿ ಗದ್ದೆಪೂಜೆಯನ್ನು ನೆರವೇರಿಸುತ್ತಾರೆ. ಈ ಗದ್ದೆಪೂಜೆಯು ರೈತರಿಗೆ ತಮ್ಮ ಬೇಸಾಯದಲ್ಲೇ ದೈವತ್ವವನ್ನು ಆವಾಹಿಸಿ ಸಮರ್ಪಣ ಉತ್ಕೃಷ್ಟ ರೀತಿಯಲ್ಲಿ ಬೇಸಾಯವನ್ನು ಈಡೇರಿಸಲು ಪ್ರೇರಕವೂ ಹೌದು.

ಬಾಳಿಗೆ ನಲಿವಿನ ಬೆಳಕು ಬರಿಸುವ ತ್ಯಾಗ-ಸೇವೆಗೈಯಲು ಸಿರಿಸಂಪತ್ತಿನ ಸಮೃದ್ಧಿಯೂ ಅತ್ಯಗತ್ಯ. ಆದ್ದರಿಂದ ದೀಪಾವಳಿಯ ಸಂಧರ್ಭದಲ್ಲಿ ಸಿರಿಯೊಡತಿಯಾದ ಲಕ್ಷ್ಮಿದೇವಿಯ ಪೂಜೆಯನ್ನು ಅಥವಾ ಧನಲಕ್ಷ್ಮಿ ಪೂಜೆಯನ್ನು ನೆರವೇರಿಸುತ್ತಾರೆ. ಹಣ ಲಕ್ಷ್ಮಿದೇವಿಯ ಆವಾಸ ಎಂದು ತಿಳಿದುದರಿಂದಾಗಿ, ಹಣದ ಪೆಟ್ಟಿಗೆಯನ್ನೂ, ಹಣದ ವಹಿವಾಟಿಗೆ ಸಂಬಂಧಿಸಿದ ಪುಸ್ತಕಗಳನ್ನೂ ಒಟ್ಟಾಗಿ ಇರಿಸಿ ಹೂಗಳಿಂದ ಅಲಂಕರಿಸಿ ಆರತಿ ಬೆಳಗಿ ವ್ಯಾಪಾರಸ್ಥರು ಧನಲಕ್ಷ್ಮಿ ಪೂಜೆ ಗೈಯ್ಯುತ್ತಾರೆ.

ಹೆಚ್ಚೆಚ್ಚು ತ್ಯಾಗಸೇವೆಗೈಯಲು ಹೆಚ್ಚೆಚ್ಚು ಹಣವನ್ನು ದೀನಮೊರೆಯೇ ಆಗ ಮನದಲ್ಲಿ ಮಿಡಿಯುತ್ತಿರಬೇಕು. ಲಕ್ಷ್ಮಿದೇವಿಯ ಕೇವಲ ಲೌಕಿಕ ಧನಸಂಪತ್ತಿನ ದೇವತೆ ಮಾತ್ರ ಅಲ್ಲ: ಸರ್ವವಿಧದ ಶ್ರೇಯಸ್ಸಿಗೂ, ಸಮಸ್ತ ಸನ್ಮಂಗಲಗಳಿಗೂ ಆಕೆಯೇ ಒಡತಿ. ಆದ್ದರಿಂದ ತಮ್ಮ ತಮ್ಮ ಕ್ಷೇತ್ರಗಳಲ್ಲಿ ಶ್ರೇಯಸ್ಸನ್ನೂ, ಮಂಗಲವನ್ನೂ ಬಯಸುವ ಎಲ್ಲರೂ ದೀಪಾವಳಿಯ ಸಂಧರ್ಭದಲ್ಲಿ ಲಕ್ಷ್ಮೀಪೂಜೆಯನ್ನು ಮಾಡಿ ಶ್ರೇಯಸ್ಸಿಗಾಗಿ, ಮಂಗಲಕ್ಕಾಗಿ ಮೊರೆಯಿಡಬಹುದು.

Tags

Related Articles

Leave a Reply

Your email address will not be published. Required fields are marked *

Language
Close