ರಸ್ತೆ ನಿರ್ಮಾಣದಲ್ಲಿ ಉಕ್ಕಿನ ಗಸಿ ಬಳಸಿಕೊಳ್ಳಲು ತಂತ್ರಜ್ಞಾನದ ಅಳವಡಿಕೆ ಉತ್ತೇಜಿಸಲು CSIR-CRRI ನೊಂದಿಗೆ ಪರವಾನಗಿ ಪಡೆದ AM/NS ಇಂಡಿಯಾ

ಬೆಂಗಳೂರು: ರಸ್ತೆ ನಿರ್ಮಾಣದಲ್ಲಿ ಸಂಸ್ಕೃರಿಸಿದ ಉಕ್ಕಿನ ಗಸಿ ಬಳಸಿಕೊಳ್ಳುವ ತಂತ್ರಜ್ಞಾನದ ಅಳವಡಿಕೆಯನ್ನು ಉತ್ತೇಜಿಸುವ ಕುರಿತು ಆರ್ಸೆಲರ್‌ಮಿತ್ತಲ್ ನಿಪ್ಪಾನ್ ಸ್ಟೀಲ್ ಇಂಡಿಯಾ (AM/NS ಇಂಡಿಯಾ) ವೈಜ್ಞಾನಿಕ ಮತ್ತು ಕೈಗಾರಿಕಾ ಸಂಶೋಧನಾ ಮಂಡಳಿ (CSIR) - ಕೇಂದ್ರ ರಸ್ತೆ ಸಂಶೋಧನಾ ಸಂಸ್ಥೆ (CRRI) ನೊಂದಿಗೆ ಪಾಲುದಾರಿಕೆ ಘೊಷಿಸಿದೆ.

ಈ ಮೂಲಕ ಉಕ್ಕಿನ ತುಣುಕುಗಳ ಮೌಲ್ಯವರ್ಧನೆ ತಂತ್ರಜ್ಞಾನಕ್ಕಾಗಿ ಪರವಾನಗಿ ಪಡೆದ ದೇಶದ ಮೊದಲ ಕಂಪನಿಯಾಗಿದೆ.

ಈ ಕುರಿತು ಮಾತನಾಡಿದ CSIR-CRRI ಯ ಹಿರಿಯ ಪ್ರಧಾನ ವಿಜ್ಞಾನಿ ಮತ್ತು ತಂತ್ರಜ್ಞಾನದ ಸಂಶೋಧಕ ಸತೀಶ್ ಪಾಂಡೆ, AM/NS ಇಂಡಿಯಾ ಪ್ರಸ್ತುತ 'AM/NS ಆಕರ್' ಬ್ರಾಂಡ್ ಹೆಸರಿನಲ್ಲಿ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಗಸಿಯನ್ನು ಉತ್ಪಾದಿಸುತ್ತದೆ, ಇದು CSIR-CRRI ಯ ಕಠಿಣ ತಾಂತ್ರಿಕ ಮಾರ್ಗಸೂಚಿಗಳು, ವಿಶೇಷಣ ಮತ್ತು ಗುಣಮಟ್ಟದ ನಿಯಂತ್ರಣ ಕ್ರಮಗಳನ್ನು ಪೂರೈಸುತ್ತದೆ.

ಇದನ್ನೂ ಓದಿ: Roopa Gururaj Column: ಸದ್ಗುಣ ಸಂಪನ್ನ ವಿಭೀಷಣ

ತಾಂತ್ರಿಕ ಪರವಾನಗಿಯ ಅಡಿಯಲ್ಲಿ AM/NS ಇಂಡಿಯಾ ಉತ್ಪಾದಿಸುವ ಸಂಸ್ಕರಿಸಿದ ಉಕ್ಕಿನ ಸ್ಲ್ಯಾಗ್ ಸಮುಚ್ಚಯಗಳು ರಸ್ತೆ ಮತ್ತು ಹೆದ್ದಾರಿ ನಿರ್ಮಾಣಗಳಲ್ಲಿ ಸಾಮಾನ್ಯವಾಗಿ ಬಳಸುವ ನೈಸರ್ಗಿಕ ಸಮುಚ್ಚಯಗಳಿಗಿಂತ ಹೆಚ್ಚು ಬಾಳಿಕೆ ಬರುವ ಮತ್ತು ವೆಚ್ಚ-ಪರಿಣಾಮಕಾರಿ ಎಂದು ಸಾಬೀತಾಗಿದೆ. AM/NS ಇಂಡಿಯಾ ವಾರ್ಷಿಕವಾಗಿ ಸುಮಾರು 1.70 ಮಿಲಿಯನ್ ಟನ್ ಸ್ಟೀಲ್ ಸ್ಲ್ಯಾಗ್ ಅನ್ನು ಉತ್ಪಾದಿಸುತ್ತದೆ, ಇದನ್ನು ಈಗ CSIR-CRRI ತಂತ್ರಜ್ಞಾನದ ಪ್ರಕಾರ ಸಂಸ್ಕರಿಸ ಬಹುದು.

“ಸ್ಟೀಲ್ ಸ್ಲ್ಯಾಗ್ ರಸ್ತೆ ತಂತ್ರಜ್ಞಾನವು ಭಾರತದ ರಸ್ತೆ ಮೂಲಸೌಕರ್ಯಕ್ಕೆ ಒಂದು ಪ್ರಮುಖ ಬದಲಾವಣೆಯಾಗಿದೆ. ದೇಶವು ವಾರ್ಷಿಕವಾಗಿ 19 ಮಿಲಿಯನ್ ಟನ್‌ಗಳಿಗಿಂತ ಹೆಚ್ಚು ಸ್ಟೀಲ್ ಗಸಿಯನ್ನು ಉತ್ಪಾದಿಸುತ್ತದೆ ಅದನ್ನು ಸಂಸ್ಕರಿಸದ ಸ್ಟೀಲ್ ಗಸಿ ನೇರ ಬಳಕೆಯು ಸಂಯುಕ್ತಗಳ ಯಾಂತ್ರಿಕ ಗುಣಲಕ್ಷಣಗಳು ಮತ್ತು ಬಾಳಿಕೆಗೆ ಗಮನಾರ್ಹ ಅಪಾಯವನ್ನುಂಟುಮಾಡುತ್ತದೆ. ಈ ಪರವಾನಗಿಯೊಂದಿಗೆ, ಹಜೀರಾದಲ್ಲಿ ಭಾರತದ ಮೊದಲ 'ಆಲ್ ಸ್ಟೀಲ್ ಸ್ಲ್ಯಾಗ್ ರಸ್ತೆ'ಯನ್ನು ನಿರ್ಮಿಸುವಲ್ಲಿ ನಮ್ಮೊಂದಿಗೆ ಸಹಕರಿಸಿದ AM/NS ಇಂಡಿಯಾ - ಈಗ ರಸ್ತೆ ನಿರ್ಮಾಣಕ್ಕಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಸಂಸ್ಕರಿಸಿದ ಸ್ಟೀಲ್ ಸ್ಲ್ಯಾಗ್ ಸಮುಚ್ಚಯಗಳನ್ನು ತಯಾರಿಸಲು, ಮಾರುಕಟ್ಟೆ ಮಾಡಲು ಅಥವಾ ಮಾರಾಟ ಮಾಡಲು ಅನುಮತಿಸಲಾಗುತ್ತಿದೆ ಎಂದು ಹೇಳಿದರು.