Ramayana Movie: ಬಿಗ್‌ ಬಜೆಟ್‌ ರಾಮಾಯಣ ಸಿನಿಮಾದಲ್ಲಿ ಮತ್ತಷ್ಟು ಸ್ಟಾರ್ಸ್‌ ಫಿಕ್ಸ್‌!
ರಣಬೀರ್ ಕಪೂರ್ ಅವರ ಬಹುನಿರೀಕ್ಷಿತ ‘ರಾಮಾಯಣ’ ಚಿತ್ರದಲ್ಲಿ ಹಿರಿಯ ನಟಿ ಶೀಬಾ ಚಡ್ಡಾ ಮಂಥರಾ ಪಾತ್ರವನ್ನು ನಿರ್ವಹಿಸಲಿದ್ದು, ತಮ್ಮ ಮನೋಹರಕ ನಟನೆಗೆ ಹೆಸರಾದ ಚಡ್ಡಾ ಅವರೇ ಈ ಕುರಿತು ಮಾಹಿತಿ ಹಂಚಿಕೊಂಡಿದ್ದಾರೆ. ಈ ಪಾತ್ರಕ್ಕೆ ಆಯ್ಕೆ ಆಗಿರುವುದಕ್ಕೆ ಬಹಳಷ್ಟು ಖುಷಿ ಇದೆ ಎಂದಿರುವ ಚಡ್ಡಾ ಈ ಪಾತ್ರದಲ್ಲಿ ನಟನೆ ಮಾಡಲು ಖಾತುರಳಾಗಿದ್ದೇನೆ ಎಂದಿದ್ದಾರೆ.
ವಿದ್ಯಾ ಇರ್ವತ್ತೂರು
Jun 13, 2025 8:51 AM
ಮುಂಬೈ: ಹಿರಿಯ ನಟಿ ಶೀಬಾ ಚಡ್ಡಾ (Sheeba Chaddha), ರಣಬೀರ್ ಕಪೂರ್ (Ranbir Kapoor) ಅವರ ಬಹುನಿರೀಕ್ಷಿತ (Upcoming movie) ‘ರಾಮಾಯಣ’ (Ramayana) ಚಿತ್ರದಲ್ಲಿ ಮಂಥರಾ (Manthara) ಪಾತ್ರವನ್ನು ನಿರ್ವಹಿಸಲಿದ್ದಾರೆ. ತಮ್ಮ ಪ್ರಬಲ ಸ್ಕ್ರೀನ್ ಪ್ರಸೆನ್ಸ್‌ಗೆ ಹೆಸರಾದ ಚಡ್ಡಾ, ಮಂಥರಾಳ ಭಾವನಾತ್ಮಕ ಆಯಾಮಗಳನ್ನು ತೆರೆದಿಡಲು ಉತ್ಸುಕರಾಗಿದ್ದಾರೆ. “ಮಂಥರಾಳನ್ನು ಸಂಘರ್ಷದ ಉತ್ಪ್ರೇರಕ ಎಂದು ಗುರುತಿಸಲಾಗಿದೆ, ಆದರೆ ಪ್ರತಿ ಕ್ರಿಯೆಯ ಹಿಂದೆ ಮಾನವೀಯ ಕತೆಯಿದೆ. ಆಕೆಯ ಭಾವನೆಗಳನ್ನು ಅನ್ವೇಷಿಸಿ, ಹೊಸ ಆಯಾಮವನ್ನು ತೋರಿಸಲು ಉತ್ಸುಕಳಾಗಿದ್ದೇನೆ,” ಎಂದು ಶೀಬಾ ಚಡ್ಡಾ ಹೇಳಿದ್ದಾರೆ.
ನಿತೇಶ್ ತಿವಾರಿ ನಿರ್ದೇಶನದ ಈ ಭವ್ಯ ಚಿತ್ರದಲ್ಲಿ ಶೀಬಾ ಚಡ್ಡಾ, ರಾಮನಾಗಿ ರಣಬೀರ್ ಕಪೂರ್, ಸೀತೆಯಾಗಿ ಸಾಯಿ ಪಲ್ಲವಿ, ಮತ್ತು ರಾವಣನಾಗಿ ಯಶ್ ಅವರೊಂದಿಗೆ ತೆರೆ ಹಂಚಿಕೊಳ್ಳಲಿದ್ದಾರೆ. ಈ ವರ್ಷದ ಬಹುನಿರೀಕ್ಷಿತ ಚಿತ್ರವಾಗಿರುವ ‘ರಾಮಾಯಣ’ದಲ್ಲಿ ಸನ್ನಿ ದೇವೋಲ್ ಹನುಮಂತನಾಗಿ, ರವಿ ದುಬೆ ಲಕ್ಷ್ಮಣನಾಗಿ, ಲಾರಾ ದತ್ತಾ ಕೈಕೇಯಿಯಾಗಿ, ರಕುಲ್ ಪ್ರೀತ್ ಸಿಂಗ್ ಶೂರ್ಪಣಕಿಯಾಗಿ, ಮತ್ತು ಕಾಜಲ್ ಅಗರವಾಲ್ ಮಂಡೋದರಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಅಮಿತಾಭ್ ಬಚ್ಚನ್, ಸೀತೆಯ ರಕ್ಷಣೆಗಾಗಿ ತ್ಯಾಗಮಾಡುವ ಜಟಾಯು ಪಾತ್ರದಲ್ಲಿ ಮಿಂಚಲಿದ್ದಾರೆ.
ಎರಡು ಕಂತುಗಳಲ್ಲಿ ಬಿಡುಗಡೆಯಾಗಲಿರುವ ಈ ಚಿತ್ರದ ಮೊದಲ ಭಾಗ 2026ರ ದೀಪಾವಳಿಯಂದು, ಎರಡನೇ ಭಾಗ 2027ರ ದೀಪಾವಳಿಯಂದು ತೆರೆಕಾಣಲಿದೆ. ಶೀಬಾ ಚಡ್ಡಾ ತಮ್ಮ ಪರಿಣಾಮಕಾರಿ ಅಭಿನಯಕ್ಕೆ ಟೆಲಿವಿಷನ್ ಮತ್ತು ಚಿತ್ರರಂಗದಲ್ಲಿ ಗುರುತಿಸಿಕೊಂಡಿದ್ದಾರೆ. ‘ಬಧಾಯಿ ದೋ’, ‘ಪಗ್ಲಾಯಿಟ್’, ‘ತಾಜ್ ಮಹಲ್ 1989’, ‘ಬಂದಿಶ್ ಬ್ಯಾಂಡಿಟ್ಸ್’, ಮತ್ತು ಇತ್ತೀಚಿನ ‘ಕೌಶಲ್‌ಜೀಸ್ ವರ್ಸಸ್ ಕೌಶಲ್’ ಮತ್ತು ‘ಜರಾ ಸೀ ಧೂಪ್’ ಚಿತ್ರಗಳಲ್ಲಿ ಆಕೆಯ ಪಾತ್ರಗಳು ವಿಮರ್ಶಕರ ಪ್ರಶಂಸೆಗೆ ಪಾತ್ರವಾಗಿವೆ.
ಇದನ್ನೂ ಓದಿ: Aamir Khan: ರಜನೀಕಾಂತ್‌ ಸಿನಿಮಾದಲ್ಲಿ ಆಮೀರ್‌ ಖಾನ್‌ ನಟಿಸೋದು ಪಕ್ಕಾನಾ?
ಮಂಥರಾಳ ಪಾತ್ರಕ್ಕೆ ಶೀಬಾ ಚಡ್ಡಾ ಆಯ್ಕೆಯಾಗಿರುವುದು ಚಿತ್ರದ ಬಗ್ಗೆ ಕುತೂಹಲವನ್ನು ಹೆಚ್ಚಿಸಿದೆ. ಈ ಭವ್ಯ ರಾಮಾಯಣ ಚಿತ್ರದ ಮೂಲಕ ಆಕೆ ಹೊಸ ಆಯಾಮವನ್ನು ತರುವ ನಿರೀಕ್ಷೆಯಿದೆ.