Festive Season Shopping 2025: ಎಲ್ಲೆಡೆ ಆರಂಭವಾಯ್ತು ಈದ್ ಶಾಪಿಂಗ್
Festive Season Shopping 2025: ಈದ್ ಮಿಲಾದ್ ಹಿನ್ನೆಲೆಯಲ್ಲಿ, ಫೆಸ್ಟೀವ್ ಸೀಸನ್ ಶಾಪಿಂಗ್ ಹೆಚ್ಚಾಗಿದೆ. ವೈವಿಧ್ಯಮಯ ಲೇಡಿಸ್-ಮೆನ್ಸ್-ಕಿಡ್ಸ್ ಫ್ಯಾಷನ್‌ವೇರ್ಸ್, ಆಕ್ಸೆಸರೀಸ್, ಗೃಹಾಲಂಕಾರ ಸಾಮಗ್ರಿಗಳು ಸೇರಿದಂತೆ ಎಲ್ಲವನ್ನೂ ಖರೀದಿಸುವುದು ಹೆಚ್ಚಾಗಿದೆ. ಈ ಕುರಿತಂತೆ ಇಲ್ಲಿದೆ ವರದಿ.
ಚಿತ್ರಕೃಪೆ: ಮಿಂಚು -
ಶೀಲಾ ಸಿ ಶೆಟ್ಟಿ
Sep 2, 2025 8:00 AM
ಎಲ್ಲೆಡೆ ಈದ್ ಫೆಸ್ಟೀವ್ ಸೀಸನ್ ಶಾಪಿಂಗ್ ಆರಂಭಗೊಂಡಿದೆ. ಮಾಲ್‌ಗಳಲ್ಲಿ ಮಾತ್ರವಲ್ಲ, ಸ್ಟ್ರೀಟ್ ಶಾಪ್‌ಗಳಲ್ಲಿ, ಕಮರ್ಷಿಯಲ್ ಶಾಪ್‌ಗಳಲ್ಲಿ, ವೈವಿಧ್ಯಮಯ ಲೇಡಿಸ್-ಮೆನ್ಸ್-ಕಿಡ್ಸ್ ಫ್ಯಾಷನ್‌ವೇರ್ಸ್, ಬಗೆಬಗೆಯ ಆಕ್ಸೆಸರೀಸ್, ವೆರೈಟಿ ಗೃಹಾಲಂಕಾರ ಸಾಮಗ್ರಿಗಳು ಲಗ್ಗೆ ಇಟ್ಟಿವೆ.
ಈದ್ ಫೆಸ್ಟೀವ್ ಶಾಪಿಂಗ್
ಈದ್ ಫೆಸ್ಟಿವ್ ಸೀಸನ್‌ನಲ್ಲಿ ಕೇವಲ ಡಿಸೈನರ್‌ವೇರ್‌ಗಳು ಮಾತ್ರವಲ್ಲ, ನಾನಾ ಬಗೆಯ ಆಕ್ಸೆಸರೀಸ್‌ಗಳು ಆನ್‌ಲೈನ್ ಹಾಗೂ ಆಫ್‌ಲೈನ್ ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ.
ಸೀಸನ್‌ನಲ್ಲಿ ಗ್ರ್ಯಾಂಡ್ ಎಥ್ನಿಕ್ ಡಿಸೈನರ್‌ವೇರ್ಸ್
ಮಕ್ಕಳು ಹಾಗೂ ಮಹಿಳೆಯರು ಧರಿಸುವ ಗ್ರ್ಯಾಂಡ್ ಅನಾರ್ಕಲಿ, ಗಾಗ್ರಾ, ಗರಾರ, ಶರಾರ, ಲೆಹೆಂಗಾ, ಸೀರೆ, ಸಲ್ವಾರ್ ಸೂಟ್‌ಗಳು ಡಾರ್ಕ್ ಶೇಡ್‌ನಲ್ಲಿ ಎಲ್ಲೆಡೆ ಎಂಟ್ರಿ ನೀಡಿವೆ. ಎಂಬ್ರಾಯ್ಡರಿ ಹಾಗೂ ಹ್ಯಾಂಡ್ ವರ್ಕ್, ಮಷಿನ್ ವರ್ಕ್‌ನವು ಹೆಚ್ಚು ಬೇಡಿಕೆ ಪಡೆದುಕೊಂಡಿವೆ ಎನ್ನುತ್ತಾರೆ ಮಾರಾಟಗಾರರು.
ಈದ್ ಫೆಸ್ಟಿವ್ ಸೀಸನ್‌ನಲ್ಲಿ ಕೇವಲ ಡಿಸೈನರ್‌ವೇರ್‌ಗಳು ಮಾತ್ರವಲ್ಲ, ನಾನಾ ಬಗೆಯ ಆಕ್ಸೆಸರೀಸ್‌ಗಳು ಆನ್‌ಲೈನ್ ಹಾಗೂ ಆಫ್‌ಲೈನ್ ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ.
ಇನ್ನು, ಈ ಫೆಸ್ಟೀವ್ ಸೀಸನ್‌ನಲ್ಲಿ ಹುಡುಗರು ಧರಿಸಬಹುದಾದ ಲಾಂಗ್ ಕುರ್ತಾ ಹಾಗೂ ಪಠಾನ್ ಶೈಲಿಯ ಡಿಸೈನರ್‌ವೇರ್‌ಗಳು ಹೆಚ್ಚು ಡಿಸೈನ್‌ನಲ್ಲಿ ಹಾಗೂ ಲೈಟ್ ಕಲರ್ಸ್‌ನಲ್ಲಿ ಆಗಮಿಸಿವೆ. ಚಿಕ್ಕ ಗಂಡು ಮಕ್ಕಳಿಗೂ ಮಿನಿ ಲಾಂಗ್ ಕುರ್ತಾ ಹಾಗೂ ಪೈಜಾಮ ಪ್ಯಾಂಟ್‌ಗಳು ಬಂದಿವೆ.
ಮಕ್ಕಳಿಗೆ ಬಂತು ಮಿನುಗುವ ಡಿಸೈನರ್‌ವೇರ್ಸ್
ಚಿಕ್ಕ ಹೆಣ್ಣು ಮಕ್ಕಳಿಗಂತೂ ಮಿರಮಿರ ಮಿನುಗುವ ಜರತಾರಿ ಹಾಗೂ ಬ್ರೋಕೆಡ್‌ನ ಮಿನಿ ಸಲ್ವಾರ್ ಕಮೀಝ್, ಗರಾರ, ಶರಾರ ಹಾಗೂ ಲಾಂಗ್ ಅನಾರ್ಕಲಿ ಸೂಟ್‌ಗಳು ಬಂದಿವೆ.
ಜಗಮಗಿಸುವ ಆಕ್ಸೆಸರೀಸ್
ಈದ್ ಮಿಲಾದ್ ಫೆಸ್ಟೀವ್ ಸೀಸನ್‌ನಲ್ಲಿ ಜಗಮಗಿಸುವ ಆಕ್ಸೆಸರೀಸ್‌ಗಳು ಲೆಕ್ಕವಿಲ್ಲದಷ್ಟು ಡಿಸೈನ್‌ನಲ್ಲಿ ಬಂದಿವೆ. ದೊಡ್ಡ ದೊಡ್ಡ ಹ್ಯಾಂಗಿಂಗ್ಸ್, ಕಿವಿಯೊಲೆಗಳು, ಸೈಡ್ ಮಾಂಗ್ಟೀಕಾ, ಹಾರಗಳು, ಕ್ರಿಸ್ಟಲ್‌ನ ನೆಕ್ಲೇಸ್‌ಗಳು, ಬಳೆಗಳ ಸೆಟ್, ಫಿಂಗರ್ರಿಂಗ್‌ಗಳು ಸೇರಿದಂತೆ ನಾನಾ ಬಗೆಯವು ಬಂದಿವೆ.
ಶಾಪಿಂಗ್ ಮಾಡುವಾಗ ಟ್ರೆಂಡಿ ಡಿಸೈನ್‌ಗೆ ಆದ್ಯತೆ ನೀಡಿ.
- ಶಾಪಿಂಗ್ ಹೋಗುವಾಗ ಮಕ್ಕಳನ್ನು ಕರೆದೊಯ್ಯಬೇಡಿ.
- ಸೀಸನ್‌ಗೆ ತಕ್ಕಂತೆ ಕಂಫರ್ಟಬಲ್ ಡ್ರೆಸ್ ಧರಿಸಿ ಹೊರಡಿ.
