ಎಸ್ ಬಿಐ ಕಾರ್ಡ್ ಮತ್ತು ಫ್ಲಿಪ್ ಕಾರ್ಟ್ ನಿಂದ ಮಹತ್ವಪೂರ್ಣ ಸಹಭಾಗಿತ್ವ: ಫ್ಲಿಪ್ ಕಾರ್ಟ್ ಎಸ್ ಬಿಐ ಸಹ-ಬ್ರ್ಯಾಂಡೆಡ್ ಕ್ರೆಡಿಟ್ ಕಾರ್ಡ್ ಬಿಡುಗಡೆ

ಬೆಂಗಳೂರು: ಭಾರತದ ಅತಿದೊಡ್ಡ ಕ್ರೆಡಿಟ್ ಕಾರ್ಡ್ ವಿತರಕ ಸಂಸ್ಥೆ ಯಾಗಿರುವ ಎಸ್ ಬಿಐ ಕಾರ್ಡ್ ಮತ್ತು ಭಾರತದ ದೇಶೀಯ ಇ-ಕಾಮರ್ಸ್ ಮಾರ್ಕೆಟ್ ಪ್ಲೇಸ್ ಆಗಿರುವ ಫ್ಲಿಪ್ ಕಾರ್ಟ್ ಸಂಸ್ಥೆಗಳು ಜಂಟಿ ಸಹಭಾಗಿತ್ವದಲ್ಲಿ ʻಫ್ಲಿಪ್ ಕಾರ್ಟ್ ಎಸ್ ಬಿಐ ಕ್ರೆಡಿಟ್ ಕಾರ್ಡ್ʼ ಅನ್ನು ಘೋಷಣೆ ಮಾಡಿವೆ. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್ ಬಿಐ) ಅಧ್ಯಕ್ಷ ಚಲ್ಲಾ ಶ್ರೀನಿವಾಸುಲು ಶೆಟ್ಟಿ ಮತ್ತು ಎಸ್ ಬಿಐ ವ್ಯವಸ್ಥಾಪಕ ನಿರ್ದೇಶಕ ಅಶ್ವಿನಿ ಕುಮಾರ್ ತಿವಾರಿ ಅವರ ಸಮ್ಮುಖದಲ್ಲಿ ಸಹ-ಬ್ರ್ಯಾಂಡೆಡ್ ಕ್ರೆಡಿಟ್ ಕಾರ್ಡ್ ಅನ್ನು ಬಿಡುಗಡೆ ಮಾಡಲಾಯಿತು.

ಫ್ಲಿಪ್ ಕಾರ್ಟ್ ಎಸ್ ಬಿಐ ಕಾರ್ಡ್ ಅನ್ನು ಕ್ಯಾಶ್ ಬ್ಯಾಕ್ ಪ್ರಯೋಜನಗಳೊಂದಿಗೆ ಅತ್ಯಂತ ಎಚ್ಚರಿಕೆಯಿಂದ ವಿನ್ಯಾಸಗೊಳಿಸಲಾಗಿದ್ದು, ವಿವೇಚನಾಶೀಲ ಗ್ರಾಹಕರಿಗೆ ಅವರ ಹೆಚ್ಚಿನ ಖರೀದಿಗಳಲ್ಲಿ ಪ್ರತಿಫಲದಾಯಕ ಶಾಪಿಂಗ್ ಅನುಭವವನ್ನು ನೀಡುತ್ತದೆ. ಈ ಬಿಡುಗಡೆಯು ಎಸ್ ಬಿಐ ಕಾರ್ಡ್ ಮತ್ತು ಫ್ಲಿಪ್ ಕಾರ್ಟ್ ನ ನಿರಂತರ ಪ್ರಯತ್ನಗಳನ್ನು ಪ್ರತಿಬಿಂಬಿಸುತ್ತದೆ.

ಇದರ ಜೊತೆಗೆ ಹೆಚ್ಚಿನ ಮೌಲ್ಯ, ನಮ್ಯತೆ ಮತ್ತು ಔಪಚಾರಿಕ ಕ್ರೆಡಿಟ್ ಪ್ರವೇಶವನ್ನು ಗ್ರಾಹಕರಿಗೆ ಒದಗಿಸುವುದಲ್ಲದೇ, ಒಟ್ಟಾರೆ ಶಾಪಿಂಗ್ ಅನುಭವವನ್ನು ಹೆಚ್ಚಿಸುತ್ತದೆ.  ಗ್ರಾಹಕರು Flipkart App ಮತ್ತು SBI Card SPRINT ಆಪ್ ಮೂಲಕ ಮತ್ತು SBI Card.com ವೆಬ್ ಸೈಟ್ ನಲ್ಲಿ ಈ ಕ್ರೆಡಿಟ್ ಕಾರ್ಡನ್ನು ಪಡೆದುಕೊಳ್ಳಬಹುದಾಗಿದೆ.

ಇದನ್ನೂ ಓದಿ: Bengaluru Stampede: ಪೊಲೀಸ್ ಆಯುಕ್ತರ ಮನವಿ ಮೇರೆಗೆ ಆರ್‌ಸಿಬಿ ಕಾರ್ಯಕ್ರಮಕ್ಕೆ ಹೋದೆ: ಡಿಕೆಶಿ

ಫ್ಲಿಪ್ ಕಾರ್ಟ್ ಎಸ್ ಬಿಐ ಕಾರ್ಡ್ ನೊಂದಿಗೆ ಗ್ರಾಹಕರು ಮೈಂತ್ರಾದಲ್ಲಿ ಖರೀದಿಸಿದಲ್ಲಿ ಶೇ.7.5 ರಷ್ಟು ಮತ್ತು ಫ್ಲಿಪ್ ಕಾರ್ಟ್, ಶಾಪ್ಸಿ ಮತ್ತು ಕ್ಲಿಯರ್ ಟ್ರಿಪ್ ನಲ್ಲಿ ಶೇ.5 ರಷ್ಟು ಕ್ಯಾಶ್ ಬ್ಯಾಕ್ ಪಡೆದುಕೊಳ್ಳಬಹುದಾಗಿದೆ. ಗ್ರಾಹಕರು ಮೊಬೈಲ್ ಗಳು, ಎಲೆಕ್ಟ್ರಾನಿಕ್ಸ್, ದಿನಸಿ, ಫ್ಯಾಷನ್, ಪೀಠೋಪಕರಣಗಳು, ಉಪಕರಣಗಳು, ಗೃಹೋಪಯೋಗಿ ಉತ್ಪನ್ನಗಳು, ಪ್ರಯಾಣ ಬುಕಿಂಗ್ ಗಳು ಮತ್ತು ಇನ್ನೂ ಹೆಚ್ಚಿನ ಉತ್ಪನ್ನಗಳನ್ನು ಒಳಗೊಂಡಂತೆ ಫ್ಲಿಪ್ ಕಾರ್ಟ್ ಪರಿಸರ ವ್ಯವಸ್ಥೆ ಯಾದ್ಯಂತ ಈ ರಿವಾರ್ಡ್ ಗಳನ್ನು ಬಳಸಿಕೊಳ್ಳಬಹುದಾಗಿದೆ.

ಇದಲ್ಲದೇ, ಗ್ರಾಹಕರು, ಉಬರ್, ನೆಟಿಮೆಡ್ಸ್ ಮತ್ತು ಪಿವಿಆರ್ ನಂತಹ ಆಯ್ದ ಬ್ರ್ಯಾಂಡ್ ಗಳಲ್ಲಿ ಶೇ.4 ರಷ್ಟು ಕ್ಯಾಶ್ ಬ್ಯಾಕ್ ಮತ್ತು ಇತರ ಎಲ್ಲಾ ಅರ್ಹ ಖರ್ಚುಗಳ ಮೇಲೆ ಶೇ.1 ರವರೆಗೆ ಅನಿಯ ಮಿತ ಕ್ಯಾಶ್ ಬ್ಯಾಕ್ ಪಡೆದುಕೊಳ್ಳಲು ಅವಕಾಶವಿದೆ. ಫ್ಲಿಪ್ ಕಾರ್ಟ್ ಎಸ್ ಬಿಐ ಕಾರ್ಡ್ ಕ್ಯಾಶ್ ಬ್ಯಾಕ್ ಸೌಲಭ್ಯದ ಸ್ವಯಂ-ಕ್ರೆಡಿಟ್ ಸೌಲಭ್ಯ ದೊರೆಯಲಿದೆ. ಇದು ಸ್ಟೇಟ್ ಮೆಂಟ್ ರಚನೆಯ ಎರಡು ದಿನಗಳಲ್ಲಿ ಎಸ್ ಬಿಐ ಕಾರ್ಡ್ ಖಾತೆಗೆ ಅರ್ಹ ಕ್ಯಾಸ್ ಬ್ಯಾಕ್ ನ ಸ್ವಯಂಚಾಲಿತ ಕ್ರೆಡಿಟ್ ಅನ್ನು ಅನುಮತಿಸುತ್ತದೆ ಹಾಗೂ ಅಡೆತಡೆ ಇಲ್ಲದ ಶಾಪಿಂಗ್ ಅನುಭವವನ್ನು ಖಚಿತಪಡಿಸುತ್ತದೆ.

ಎಸ್ ಬಿಐ ಕಾರ್ಡ್ ನ ವ್ಯವಸ್ಥಾಪಕ ನಿರ್ದೇಶಕ & ಮುಖ್ಯಕಾರ್ಯನಿರ್ವಹಣಾಧಿಕಾರಿ ಸಲೀಲ ಪಾಂಡೆ ಅವರು ಮಾತನಾಡಿ, ʻʻಎಸ್ ಬಿಐ ಕಾರ್ಡ್ ನಲ್ಲಿ ನಮ್ಮ ಗ್ರಾಹಕರ ವಿಕಸನಗೊಳ್ಳುತ್ತಿರುವ ಅಗತ್ಯತೆಗಳು ಮತ್ತು ಆಕಾಂಕ್ಷೆಗಳಿಗೆ ಹೊಂದಿಕೆಯಾಗುವ ಅತ್ಯುತ್ತಮ ಉತ್ಪನ್ನಗಳು ತಲುಪಿಸಲು ನಾವು ನಿರಂತರವಾಗಿ ಶ್ರಮಿಸುತ್ತೇವೆ. ಫ್ಲಿಪ್ ಕಾರ್ಟ್ ಜೊತೆಗಿನ ಪಾಲುದಾರಿಕೆಯಲ್ಲಿ ಫ್ಲಿಪ್ ಕಾರ್ಟ್ ಎಸ್ ಬಿಐ ಕಾರ್ಡ್ ಅನ್ನು ಆರಂಭಿಸುವುದು ಮತ್ತೊಂದು ಪ್ರಮುಖ ಹೆಜ್ಜೆಯಾಗಿದೆ.

ಭಾರತದಲ್ಲಿ ಇ-ಕಾಮರ್ಡ್ ನ ತ್ವರಿತ ಬೆಳವಣಿಗೆಯೊಂದಿಗೆ ಗ್ರಾಹಕರು ಪ್ರತಿ ಖರೀದಿಯಲ್ಲೂ ಸುಗಮ ಮತ್ತು ಲಾಭದಾಯಕ ಅನುಭವಗಳನ್ನು ಹೆಚ್ಚಾಗಿ ಹುಡುಕುತ್ತಿದ್ದಾರೆ. ಫ್ಲಿಪ್ ಕಾರ್ಟ್ ಎಸ್ ಬಿಐ ಕಾರ್ಡನ್ನು ರಿವಾರ್ಡ್ ಮತ್ತು ಸುಗಮ ಪಾವತಿ ಅನುಭವವನ್ನು ಒದಗಿಸಲು ಚಿಂತನಾಶೀಲ ವಾಗಿ ವಿನ್ಯಾಸಗೊಳಿಸಲಾಗಿದೆʼʼ ಎಂದು ತಿಳಿಸಿದರು.

ಫ್ಲಿಪ್ ಕಾರ್ಟ್ ಗ್ರೂಪ್ ನ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಕಲ್ಯಾಣ್ ಕೃಷ್ಣಮೂರ್ತಿ ಅವರು ಮಾತನಾಡಿ, ʻʻಫ್ಲಿಪ್ ಕಾರ್ಟ್ ನಲ್ಲಿ, ನಾವು ಮಾಡುವ ಎಲ್ಲಾ ಚಟುವಟಿಕೆಗಳಲ್ಲೂ ಗ್ರಾಹಕರನ್ನು ಪ್ರಮುಖ ಸ್ಥಾನದಲ್ಲಿರಿಸುತ್ತೇವೆ. ವಿಶಾಲ ಪರಿಸರ ವ್ಯವಸ್ಥೆಗೆ ಹಂಚಿಕೆಯ ಮೌಲ್ಯ ವನ್ನು ಸೃಷ್ಟಿಸುವತ್ತ ನಮ್ಮ ಗಮನ ಕೇಂದ್ರೀಕರಿಸಿದೆ. ಹಲವು ವರ್ಷಗಳಲ್ಲಿ ನಾವು ಹಲವಾರು ನವೀನ ಹಣಕಾಸು ಕೊಡುಗೆಗಳನ್ನು ಪರಿಚಯಿಸಿದ್ದೇವೆ. ಎಸ್ ಬಿಐ ಕಾರ್ಡ್ ನ ಸಹ-ಬ್ರ್ಯಾಂಡೆಡ್ ಕ್ರೆಡಿಟ್ ಕಾರ್ಡ್, ಆ ಶಾಪಿಂಗ್ ಪ್ರಯಾಣದಲ್ಲಿನ ಮತ್ತೊಂದು ಪ್ರಮುಖ ಹೆಜ್ಜೆಯಾಗಿದೆ.

ಇದು ಭಾರತದಲ್ಲಿ ಔಪಚಾರಿಕ ಸಾಲಕ್ಕೆ ಪ್ರವೇಶವನ್ನು ಕಲ್ಪಿಸುವ ಮತ್ತು ವಿಸ್ತರಣೆ ಮಾಡುವ ನಮ್ಮ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ. ಗರಿಷ್ಠ ಮೌಲ್ಯವನ್ನು ನೀಡಲು ವಿನ್ಯಾಸಗೊಳಿಸಲಾದ ಪರಿಹಾರಗಳೊಂದಿಗೆ ದೇಶಾದ್ಯಂತ ಲಕ್ಷಾಂತರ ಮನೆಗಳು ಅಂದರೆ ಗ್ರಾಹಕರು ತಮ್ಮ ಆಕಾಂಕ್ಷೆ ಗಳನ್ನು ಅತ್ಯಂತ ವಿಶ್ವಾಸದಿಂದ ಪೂರೈಸುವ ದಿಸೆಯಲ್ಲಿ ನಾವು ಅವರನ್ನು ಸಬಲೀಕರಣಗೊಳಿ ಸುವ ಗುರಿಯನ್ನು ಹೊಂದಿದ್ದೇವೆʼʼ ಎಂದು ಹೇಳಿದರು.

ಫ್ಲಿಪ್ ಕಾರ್ಟ್ ಎಸ್ ಬಿಐ ಕಾರ್ಡ್ ಪಡೆಯಲು ಮತ್ತು ವಾರ್ಷಿಕ ನವೀಕರಣಕ್ಕೆ 500 ರೂಪಾಯಿ ಶುಲ್ಕ ಮತ್ತು ಸಂಬಂಧಿಸಿದ ತೆರಿಗೆಗಳು ಇರಲಿವೆ. ಅರ್ಹ ಅರ್ಜಿಗಳು, ಕಾರ್ಡುದಾರರು 1250 ರೂಪಾಯಿಗಳ ಮೊತ್ತದ ಆರಂಭಿಕ ಪ್ರಯೋಜನವನ್ನು ಪಡೆಯಲಿದ್ದಾರೆ.

ಹೆಚ್ಚುವರಿಯಾಗಿ, ಸದಸ್ಯತ್ವ ಹೊಂದಿದ ಕಾರ್ಡುದಾರರು ವಾರ್ಷಿಕ 3,50,000 ರೂಪಾಯಿಗೂ ಹೆಚ್ಚು ಮೌಲ್ಯದ ಶಾಪಿಂಗ್ ಮಾಡಿದರೆ ಕಾರ್ಡ್ ನವೀಕರಣ ಶುಲ್ಕದಿಂದ ವಿನಾಯ್ತಿ ಪಡೆಯ ಲಿದ್ದಾರೆ. ಅದೇರೀತಿ ಇಂಧನದ ಮೇಲಿನ ಶೇ.1 ರಷ್ಟು ಸರ್ಚಾರ್ಜ್ ನಿಂದಲೂ ವಿನಾಯ್ತಿ ಪಡೆಯ ಲಿದ್ದಾರೆ. ಮಾಸ್ಟರ್ ಕಾರ್ಡ್ ಮತ್ತು ವಿಸಾ ಪೇಮೆಂಟ್ ಪ್ಲಾಟ್ ಫಾರ್ಮ್ ಗಳಲ್ಲಿ ಕಾಂಟ್ಯಾಕ್ಟ್ ಲೆಸ್ ಕಾರ್ಡ್ ಸೌಲಭ್ಯವೂ ಇದೆ.
ಈ ಕೊಡುಗೆಯ ಆರಂಭದ ನೆನಪಿಗಾಗಿ ಫ್ಲಿಪ್ ಕಾರ್ಟ್ ಮತ್ತು ಎಸ್ ಬಿಐ ಕಾರ್ಡ್ ಸೀಮಿತ ಅವಧಿಯ ಉದ್ಘಾಟನಾ ಕೊಡುಗೆಯನ್ನು ಪರಿಚಯಿಸುತ್ತಿದೆ. ಫ್ಲಿಪ್ ಕಾರ್ಟ್ ಅಪ್ಲಿಕೇಷನ್ ನಲ್ಲಿ ಕಾರ್ಡ್ ಗೆ ಅರ್ಜಿ ಸಲ್ಲಿಸುವ ಪ್ರಕ್ರಿಯೆಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ ನಂತರ ಅರ್ಜಿ ದಾರರಿಗೆ ಪ್ರತಿದಿನ 10 ಸ್ಯಾಮ್ ಸಂಗ್ ಗ್ಯಾಲಕ್ಸಿ ಸ್ಮಾರ್ಟ್ ವಾಚ್ ಗಳು ಮತ್ತು 100 ಅಂಬ್ರೇನ್ ವೈರ್ ಲೆಸ್ ಪವರ್ ಬ್ಯಾಂಕ್ ಗಳನ್ನು ಗೆಲ್ಲುವ ಅವಕಾಶವನ್ನು ನೀಡುತ್ತದೆ.