Varamahalaxmi festival styling 2025: ಹೀಗಿರಲಿ ವರಮಹಾಲಕ್ಷ್ಮಿ ಹಬ್ಬದ ಟ್ರೆಡಿಷನಲ್ ಸಿಂಗಾರ
ವರಮಹಾಲಕ್ಷ್ಮಿ ಹಬ್ಬದಂದು ಹೆಣ್ಣುಮಕ್ಕಳನ್ನು ಟ್ರೆಡಿಷನಲ್ ಲುಕ್‌ನಲ್ಲಿ ನೋಡುವುದೇ ಚೆಂದ. ಇದಕ್ಕೆ ಪೂರಕ ಎಂಬಂತೆ, ವರಮಹಾಲಕ್ಷ್ಮಿ ಹಬ್ಬದಂದು ಥೇಟ್ ಮಹಾಲಕ್ಷ್ಮಿಯಂತೆ ಸಿಂಗರಿಸಿಕೊಳ್ಳಲು ಸ್ಟೈಲಿಸ್ಟ್ಗಳು ಒಂದಿಷ್ಟು ಟಿಪ್ಸ್ ನೀಡಿದ್ದಾರೆ. ವರಮಹಾಲಕ್ಷ್ಮಿ ಹಬ್ಬದಂದು ಟ್ರೆಡಿಷನಲ್ ಸೀರೆ ಉಟ್ಟು, ಥೇಟ್ ಮಹಾಲಕ್ಷ್ಮಿಯಂತೆ ಸಿಂಗರಿಸಿಕೊಳ್ಳಿ. ಇದು ಕಂಪ್ಲೀಟ್ ಫೆಸ್ಟಿವಲ್ ಲುಕ್ ನೀಡುವುದರೊಂದಿಗೆ ಹಬ್ಬದ ಸಂಭ್ರಮವನ್ನು ಹೆಚ್ಚಿಸುತ್ತದೆ ಎನ್ನುತ್ತಾರೆ ಸ್ಟೈಲಿಸ್ಟ್ಗಳು.
ಚಿತ್ರಕೃಪೆ _ ಪಿಕ್ಸೆಲ್
ಶೀಲಾ ಸಿ ಶೆಟ್ಟಿ
Aug 6, 2025 7:00 AM
ಟ್ರೆಡಿಷನಲ್ ಉಡುಗೆ/ರೇಷ್ಮೆ ಸೀರೆ ಆಯ್ಕೆ ಮಾಡಿ
ಹಬ್ಬದಂದು ಉಡಲು ಟ್ರೆಡಿಷನಲ್ ಉಡುಗೆ ಅಥವಾ ಸೀರೆಯನ್ನು ಆಯ್ಕೆ ಮಾಡಿ. ಸದ್ಯಕ್ಕೆ ವೆಸ್ಟರ್ನ್ ಲುಕ್ ನೀಡುವ ಸ್ಲಿವ್ಲೆಸ್ ಬ್ಲೌಸ್ ಹಾಗೂ ಕ್ರಾಪ್ ಬ್ಲೌಸ್ ಆವಾಯ್ಡ್ ಮಾಡಿ. ಎಥ್ನಿಕ್ ಡಿಸೈನ್ ಇರುವ ಬ್ಲೌಸನ್ನೇ ಸೆಲೆಕ್ಟ್ ಮಾಡಿ. ಇನ್ನು ಬಾರ್ಡರ್ ಸೀರೆಗಳು ಸುಲಭವಾಗಿ ಮನೆಯ ಮಹಾಲಕ್ಷ್ಮಿಯಂತೆ ಬಿಂಬಿಸುತ್ತವೆ.
ಟ್ರೆಡಿಷನಲ್ ಲುಕ್ ನೀಡುವ ಮೇಕಪ್ ನಿಮ್ಮದಾಗಲಿ
ಮೇಕಪ್ ರೇಷ್ಮೆ ಸೀರೆ ಹಾಗೂ ಸಾಂಪ್ರದಾಯಿಕ ಉಡುಗೆಗೆ ಹೊಂದುವಂತಿರಬೇಕು. ಮುಖದ ಸೌಮ್ಯತನ ಹೆಚ್ಚಿಸುವಂತಹ ಟ್ರೆಡಿಷನಲ್ ಲುಕ್ ಆಯ್ಕೆ ಮಾಡಿ. ಕಣ್ಣಿಗೆ ಕಾಜಲ್, ಐಬ್ರೋ ತೀಡಿ, ಸ್ಕಿನ್ ಟೋನ್‌ಗೆ ಹೊಂದುವ ಲಿಪ್ಸ್‌ಸ್ಟಿಕ್‌ ಹಚ್ಚಿ.
ಹಣೆಗೆ ಬಿಂದಿ ಇಡಿ
ಧರಿಸುವ ಉಡುಪು ಹಾಗೂ ಉಡುವ ಸೀರೆಯ ಮ್ಯಾಚಿಂಗ್ ಆದರೂ ಸರಿಯೇ ಹಣೆಗೆ ಬಿಂದಿ ಇರಿಸಿ. ಇದು ಇಡೀ ಲುಕ್ಕನ್ನು ಕಂಪ್ಲೀಟ್ ಮಾಡುತ್ತದೆ. ನೋಡಲು ಪಕ್ಕಾ ಸೌತ್ ಇಂಡಿಯನ್ ಇಮೇಜ್ ನೀಡುತ್ತದೆ.
ಜಡೆಯ ಅಲಂಕಾರ
ಹಬ್ಬದ ಹೇರ್ ಸ್ಟೈಲ್ ಕೂಡ ಸೀರೆಗೆ ಹೊಂದಬೇಕು. ಅದಕ್ಕೆ ನೀವು ಬಗೆಬಗೆಯ ಜಡೆಯನ್ನು ಹೆಣೆದುಕೊಳ್ಳಬಹುದು. ಇಲ್ಲವೇ ತುರುಬನ್ನು ಹಾಕಿ ಕೆಳಗೆ ಜಡೆ ಹಾಕಬಹುದು. ಜಡೆಯ ಸಿಂಗಾರಕ್ಕೆ ಅಗತ್ಯವಿರುವ ಜಡೆ ಬಿಲ್ಲೆಗಳನ್ನು ಧರಿಸಬಹುದು. ಮಲ್ಲಿಗೆ ಹಾಗೂ ಕನಕಾಂಬರ ಹೂವನ್ನು ಕೂಡ ಮುಡಿಯಬಹುದು.
ಗ್ರ್ಯಾಂಡ್ ಆಭರಣಗಳನ್ನು ಧರಿಸಿ
ಕುತ್ತಿಗೆಗೆ ನೆಕ್ಲೇಸ್, ಹಾರ, ಜುಮಕಿ, ಕಿವಿಯೋಲೆ, ಮಾಟಿ, ಬಳೆ ಅಥವಾ ಕಡ, ಮಾಂಗ್ಟೀಕಾದಂತಹ ಟ್ರೆಡಿಷನಲ್ ಚಿನ್ನಾಭರಣಗಳನ್ನು ಧರಿಸಿ. ಇವು ಥೇಟ್ ಮನೆಯ ಮಹಾಲಕ್ಷ್ಮಿ ಯಂತೆ ಬಿಂಬಿಸುತ್ತವೆ.
