Electrocution: ಅಯ್ಯೋ ದುರ್ವಿಧಿಯೇ; ಮಗಳ ಮದುವೆಯ ಸಂಭ್ರಮದಲ್ಲಿದ್ದ ತಂದೆ ಮುಹೂರ್ತಕ್ಕೂ ಮೊದಲೇ ಸಾವು

ಜೈಪುರ: ರಾಜಸ್ಥಾನದ (Rajasthan) ಸೀಕರ್ ಜಿಲ್ಲೆಯ ಖಚರಿಯಾವಾಸ್ ಗ್ರಾಮದಲ್ಲಿ ಸಂತೋಷ, ಸಡಗರದಿಂದ ನಡೆಯುತ್ತಿದ್ದ ವಿವಾಹ (wedding) ಸಮಾರಂಭವು ದುರಂತವಾಗಿ ಮಾರ್ಪಟ್ಟಿದೆ. ಮಗಳ ವಿವಾಹದ ಸಿದ್ಧತೆಯಲ್ಲಿ ತೊಡಗಿದ್ದ 48 ವರ್ಷದ ಸೀತಾರಾಮ್ ಮೆಹರಾ ಎಂಬ ತಂದೆ, ಕೂಲರ್‌ನಿಂದ ವಿದ್ಯುತ್ ತಗುಲಿ (Electrocution) ದಾರುಣವಾಗಿ ಮೃತಪಟ್ಟಿದ್ದಾರೆ.

ಘಟನೆಯ ವಿವರ

ವಿವಾಹದ ಸಂಭ್ರಮದಲ್ಲಿ ಮನೆಯವರು ಡಿಜೆ ಸಂಗೀತದ ಮಸ್ತಿಯಲ್ಲಿ ತೊಡಗಿದ್ದರು. ವರನ ಪರಿವಾರದ ಆಗಮನಕ್ಕಾಗಿ ಕಾಯುತ್ತಿದ್ದ ಸೀತಾರಾಮ್, ಸಿದ್ಧತೆಯಲ್ಲಿ ಮಗ್ನರಾಗಿದ್ದರು. ಆದರೆ, ಕೂಲರ್ ಆನ್ ಮಾಡುವ ವೇಳೆ ಅವರಿಗೆ ವಿದ್ಯುತ್ ಶಾಕ್ ತಗುಲಿದೆ. ತಕ್ಷಣವೇ ಖಚರಿಯಾವಾಸ್ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ಕೊಂಡೊಯ್ಯಲಾಯಿತು. ಆದರೆ, ವೈದ್ಯರು ದಾರಿ ಮಧ್ಯದಲ್ಲೇ ಅವರು ಮೃತಪಟ್ಟಿರುವುದಾಗಿ ಘೋಷಿಸಿದರು. ಸಂಗೀತ ಮತ್ತು ಆನಂದದಿಂದ ತುಂಬಿದ್ದ ಮನೆಯು ಶೋಕದ ವಾತಾವರಣಕ್ಕೆ ತಿರುಗಿದೆ.

ಈ ಸುದ್ದಿಯನ್ನು ಓದಿ: Viral News: ಪ್ರವಾಸಿಗರನ್ನು ಹುಲಿಗಳಿರುವ ದಟ್ಟ ಕಾಡಿನಲ್ಲಿ ಬಿಟ್ಟು ಬಂದ ಗೈಡ್‌- ಆಮೇಲೆ ಆಗಿದ್ದೇನು ಗೊತ್ತಾ?

ಪೊಲೀಸರು ಸ್ಥಳಕ್ಕೆ ಆಗಮಿಸಿ, ಪಂಚನಾಮೆ ನಡೆಸಿ ಶವವನ್ನು ಕುಟುಂಬಕ್ಕೆ ಹಸ್ತಾಂತರಿಸಿದರು. ಕುಟುಂಬದ ದೂರಿನ ಆಧಾರದ ಮೇಲೆ ಔಪಚಾರಿಕ ತನಿಖೆ ಆರಂಭವಾಗಿದೆ. ಸೀತಾರಾಮ್ ಒಬ್ಬ ದಿನಗೂಲಿ ಕಾರ್ಮಿಕರಾಗಿದ್ದು, ತನ್ನ ಮಗಳು ಜ್ಯೋತಿ ಮೆಹರಾಳ ವಿವಾಹಕ್ಕಾಗಿ ಶ್ರಮಿಸಿ ಹಣ ಉಳಿತಾಯ ಮಾಡಿದ್ದರು. ಆತನ ಇಬ್ಬರು ಗಂಡುಮಕ್ಕಳಾದ ಸುಖರಾಮ್ ಮತ್ತು ರಾಕೇಶ್‌ ಅವರ ವಿವಾಹವನ್ನು ಎರಡು ವರ್ಷಗಳ ಹಿಂದೆ ಮಾಡಿದ್ದ ತಂದೆ, ಕಳೆದ ಎರಡು ತಿಂಗಳಿಂದ ಜ್ಯೋತಿಯ ವಿವಾಹದ ಸಿದ್ಧತೆಯಲ್ಲಿ ತೊಡಗಿದ್ದರು.

ಸೀತಾರಾಮ್‌ ಅವರ ಸೌಮ್ಯ ಸ್ವಭಾವ ಮತ್ತು ಸಹಾಯ ಮಾಡುವ ಮನೋಭಾವಕ್ಕೆ ಗ್ರಾಮದಲ್ಲಿ ಹೆಸರಾಗಿದ್ದರು. ಏಳು ಸಹೋದರರಲ್ಲಿ ಮೂರನೆಯವನಾಗಿದ್ದ ಅವರು, ಸ್ಥಳೀಯ ಸಮುದಾಯದಲ್ಲಿ ಪ್ರೀತಿಗೆ ಪಾತ್ರನಾಗಿದ್ದರು. ಒಂದು ದಿನ ಮೊದಲು ಮದುವೆಗೆ ಮೊದಲ ದಿನದ ಶಾಸ್ತ್ರಗಳು ಪೂರ್ಣಗೊಂಡಿದ್ದವು. ವಿವಾಹವು ಭಾನುವಾರಕ್ಕೆ ನಿಗದಿಯಾಗಿತ್ತು, ಆದರೆ ವರನ ಕಡೆಯವರ ಆಗಮನಕ್ಕೂ ಮುನ್ನ ಈ ದುರಂತ ಸಂಭವಿಸಿದೆ.