ಹೊರ್ಮುಜ್ ಜಲಸಂಧಿಯ ಬಳಿ ಇರಾನ್ ಕ್ಷಿಪಣಿ ತಾಣಗಳ ಮೇಲೆ ಅಮೆರಿಕದಿಂದ ಬೃಹತ್ ಬಾಂಬ್ ದಾಳಿ
Bomb Strikes On Iranian Missile Sites: ಹೊರ್ಮುಜ್ ಜಲಸಂಧಿಯ ಬಳಿಯ ಇರಾನ್ ಕ್ಷಿಪಣಿ ತಾಣಗಳ ಮೇಲೆ ಅಮೆರಿಕ ಮಂಗಳವಾರ (ಮಾ. 17) 5,000 ಪೌಂಡ್ಗಳ ಬೃಹತ್ ಬಾಂಬ್ ದಾಳಿ ಮಾಡಿದೆ. ವಿಶ್ವದ ಐದನೇ ಒಂದು ಭಾಗದಷ್ಟು ತೈಲ ಸಾಗಾಟವಾಗುವ ಪ್ರಮುಖ ಜಲಮಾರ್ಗವಾದ ಹೊರ್ಮುಜ್ ಜಲಸಂಧಿಯನ್ನು ಇರಾನ್ ಸ್ಥಗಿತಗೊಳಿಸಿದ ಹಿನ್ನೆಲೆಯಲ್ಲಿ ಈ ವಾಯುದಾಳಿ ನಡೆದಿದೆ.
ಇರಾನ್ ಕ್ಷಿಪಣಿ ತಾಣಗಳ ಮೇಲೆ ಬೃಹತ್ ಬಾಂಬ್ ದಾಳಿ -
ಟೆಹರಾನ್, ಮಾ.18: ಇರಾನ್-ಯುಎಸ್-ಇಸ್ರೇಲ್ ಯುದ್ಧದ (Iran-US-Israel War) ಪ್ರಮುಖ ಕೇಂದ್ರಗಳಲ್ಲಿ ಒಂದಾಗಿ ಹೊರಹೊಮ್ಮಿರುವ ಹೊರ್ಮುಜ್ ಜಲಸಂಧಿಯ ಬಳಿಯ ಇರಾನ್ ಕ್ಷಿಪಣಿ ತಾಣಗಳ ಮೇಲೆ ಅಮೆರಿಕ ಮಂಗಳವಾರ (ಮಾ. 17) 5,000 ಪೌಂಡ್ಗಳ ಬೃಹತ್ ಬಾಂಬ್ ದಾಳಿ ನಡೆಸಿದೆ. ಬಾಂಬ್ಗಳನ್ನು 'ಡೀಪ್ ಪೆನೆಟ್ರೇಟರ್ ಮದ್ದುಗುಂಡುಗಳು' ಎಂದು ವಿವರಿಸಿದ ಅಮೆರಿಕ, ಇರಾನಿನ ಕ್ಷಿಪಣಿ ತಾಣಗಳು ಹೊರ್ಮುಜ್ ಜಲಸಂಧಿಯಲ್ಲಿ (Strait of Hormuz) ಅಂತಾರಾಷ್ಟ್ರೀಯ ಹಡಗು ಸಾಗಣೆಗೆ ಅಪಾಯವಾಗಿದ್ದವು ಎಂದು ಹೇಳಿದೆ.
ಅಮೆರಿಕದ ಪಡೆಗಳು ಇರಾನ್ ಕರಾವಳಿಯ ಬಳಿ ಇರುವ, ಹೊರ್ಮುಜ್ ಜಲಸಂಧಿಯ ಸಮೀಪದ ಬಲಿಷ್ಠ ಕ್ಷಿಪಣಿ ತಾಣಗಳ ಮೇಲೆ ಹಲವು 5,000 ಪೌಂಡ್ ತೂಕದ ಡೀಪ್ ಪೆನೆಟ್ರೇಟರ್ ಮ್ಯುನಿಷನ್ಗಳನ್ನು ಯಶಸ್ವಿಯಾಗಿ ಬಳಸಿವೆ ಎಂದು ಅಮೆರಿಕದ ಸೆಂಟ್ರಲ್ ಕಮಾಂಡ್ ಎಕ್ಸ್ನಲ್ಲಿ ಪ್ರಕಟಿಸಿದ ಹೇಳಿಕೆಯಲ್ಲಿ ತಿಳಿಸಿದೆ.
ವಿಶ್ವದ ಐದನೇ ಒಂದು ಭಾಗದಷ್ಟು ತೈಲ ಸಾಗಾಟವಾಗುವ ಪ್ರಮುಖ ಜಲಮಾರ್ಗವಾದ ಹೊರ್ಮುಜ್ ಜಲಸಂಧಿಯನ್ನು ಇರಾನ್ ಸ್ಥಗಿತಗೊಳಿಸಿದ ಹಿನ್ನೆಲೆಯಲ್ಲಿ ಈ ವಾಯುದಾಳಿ ನಡೆದಿದೆ.
ಇಲ್ಲಿದೆ ಎಕ್ಸ್ ಪೋಸ್ಟ್:
Hours ago, U.S. forces successfully employed multiple 5,000-pound deep penetrator munitions on hardened Iranian missile sites along Iran’s coastline near the Strait of Hormuz. The Iranian anti-ship cruise missiles in these sites posed a risk to international shipping in the… pic.twitter.com/hgCSFH0cqO
— U.S. Central Command (@CENTCOM) March 17, 2026
The IAEA has been informed by Iran that a projectile hit the premises of the Bushehr NPP on Tuesday evening. No damage to the plant or injuries to staff reported. Director General @RafaelMGrossi reiterates call for maximum restraint during the conflict to prevent risk of a… pic.twitter.com/fhze0vOqrQ
— IAEA - International Atomic Energy Agency ⚛️ (@iaeaorg) March 18, 2026
ಈ ಮಧ್ಯೆ ಹೊರ್ಮುಜ್ ಜಲಸಂಧಿಯಲ್ಲಿರುವ ಈಗಿನ ಪರಿಸ್ಥಿತಿಯು ಅದರ ಯುದ್ಧಪೂರ್ವ ಸ್ಥಿತಿಗೆ ಮರಳುವುದಿಲ್ಲ ಎಂದು ಇರಾನ್ ಸಂಸತ್ತಿನ ಸ್ಪೀಕರ್ ಮೊಹಮ್ಮದ್ ಬಕರ್ ಖಲಿಬಾಫ್ ಎಚ್ಚರಿಸಿದ್ದಾರೆ. ಈ ಬಗ್ಗೆ ಅವರು ಎಕ್ಸ್ ಪೋಸ್ಟ್ನಲ್ಲಿ ಹೇಳಿದ್ದಾರೆ.
2022ರಲ್ಲಿ ಏರ್ಫೋರ್ಸ್ ಟೈಮ್ಸ್ ವರದಿಯ ಪ್ರಕಾರ, ಬಾಂಬ್ನ ಬೆಲೆ ತಲಾ 2,88,000 ಡಾಲರ್ ಎಂದು ಅಂದಾಜಿಸಲಾಗಿದೆ. ಕಳೆದ ವರ್ಷ ಇರಾನಿನ ಪರಮಾಣು ತಾಣಗಳ ವಿರುದ್ಧ ಅಮೆರಿಕ ದಾಳಿ ಮಾಡಿದ 30,000-ಪೌಂಡ್ (13,600-ಕೆಜಿ) ಬಾಂಬ್ಗಳಿಗಿಂತ ಇವು ಇನ್ನೂ ಕಡಿಮೆ ಶಕ್ತಿಶಾಲಿಯಾಗಿವೆ.
ಮೊಜ್ತಬಾ ಖಮೇನಿ ನಿಜವಾಗಿಯೂ ಬದುಕಿದ್ದಾರಾ? ಎಲ್ಲಿದ್ದಾರೆ, ಹೇಗಿದ್ದಾರೆ? ಇರಾನ್ ಸಚಿವ ಹೇಳಿದ್ದೇನು?
ಮಂಗಳವಾರ ಸಂಜೆ ಇರಾನ್ನ ಬುಶೆಹರ್ ಪರಮಾಣು ವಿದ್ಯುತ್ ಸ್ಥಾವರದ ಬಳಿಯ ಪ್ರದೇಶಕ್ಕೆ ಒಂದು ಬಾಂಬ್ ಅಪ್ಪಳಿಸಿದೆ ಎಂದು ಇರಾನ್, ಐಎಇಎಗೆ ತಿಳಿಸಿದೆ. ಸ್ಥಾವರಕ್ಕೆ ಯಾವುದೇ ಹಾನಿ ಅಥವಾ ಸಿಬ್ಬಂದಿಗೆ ಗಾಯಗಳಾಗಿಲ್ಲ ಎಂದು ವರದಿಯಾಗಿದೆ ಎಂದು ಐಎಇಎ ಎಕ್ಸ್ನಲ್ಲಿ ತಿಳಿಸಿದೆ.
ಇಸ್ರೇಲ್ ಮೇಲೆ ಇರಾನ್ ಮತ್ತೆ ದಾಳಿ
ಇಸ್ರೇಲ್, ಇರಾನ್ನ ಇಬ್ಬರು ಹಿರಿಯ ಭದ್ರತಾ ಅಧಿಕಾರಿಗಳನ್ನು ಹತ್ಯೆ ಮಾಡಿದ ನಂತರ, ಟೆಹರಾನ್ ಬುಧವಾರ (ಮಾ. 18) ಇಸ್ರೇಲ್ ಮತ್ತು ಅದರ ಸುತ್ತಮುತ್ತಲಿನ ಇತರ ಅರಬ್ ರಾಷ್ಟ್ರಗಳ ಮೇಲೆ ಮತ್ತೆ ದಾಳಿಗಳನ್ನು ಪ್ರಾರಂಭಿಸಿತು.
ಅಮೆರಿಕ ಮತ್ತು ಇಸ್ರೇಲ್ ವಿರುದ್ಧ ನಡೆಯುತ್ತಿರುವ ಯುದ್ಧದಲ್ಲಿ ಟೆಹರಾನ್ನ ಪ್ರಮುಖ ವ್ಯಕ್ತಿಗಳಲ್ಲಿ ಒಬ್ಬರಾದ ಅಲಿ ಲಾರಿಜಾನಿ ಯುಎಸ್-ಇಸ್ರೇಲ್ ದಾಳಿಯಲ್ಲಿ ಹತ್ಯೆಯಾದರು ಎಂದು ಇರಾನ್ ಮಂಗಳವಾರ (ಮಾ. 17) ದೃಢಪಡಿಸಿದೆ. ಲಾರಿಜಾನಿ, ಹತ ನಾಯಕ ಅಯತೊಲ್ಲಾ ಅಲಿ ಖಮೇನಿ ಮತ್ತು ಅವರ ಮಗ ಮೊಜ್ತಬಾ ಅವರ ಆಪ್ತರಾಗಿದ್ದರು.
"ಇಸ್ರೇಲ್ ಒತ್ತಡದಿಂದ ಟ್ರಂಪ್ ಯುದ್ಧಕ್ಕೆ ಒಪ್ಪಿದ್ದಾರೆ"; ರಾಜಿನಾಮೆ ನೀಡಿದ ಅಮೆರಿಕದ ಉನ್ನತ ಭದ್ರತಾ ಅಧಿಕಾರಿ
ಲಾರಿಜಾನಿ ಟೆಹರಾನ್ನ ಪೂರ್ವಕ್ಕೆ ಪಾರ್ಡಿಸ್ ಜಿಲ್ಲೆಯ ತನ್ನ ಮಗಳ ಮನೆಯಲ್ಲಿದ್ದಾಗ ಅವರ ಮೇಲೆ ದಾಳಿ ಮಾಡಲಾಗಿದೆ. ಈ ದಾಳಿಯಲ್ಲಿ ಇರಾನ್ನ ಪ್ಯಾರಾಮಿಲಿಟರಿ ಬಸಿಜ್ ಘಟಕದ ಕಮಾಂಡರ್ ಜನರಲ್ ಘೋಲಮ್ ರೆಜಾ ಸೊಲೈಮಾನಿ ಕೂಡ ಸಾವಿಗೀಡಾಗಿದ್ದಾರೆ.
ಹತ್ಯೆಗಳಿಗೆ ಪ್ರತೀಕಾರವಾಗಿ, ಇರಾನ್ ಬುಧವಾರ ಇಸ್ರೇಲ್ನ ಮಲ್ಟಿಪಲ್-ವಾರ್ಹೆಡ್ ಕ್ಷಿಪಣಿಗಳ ದಾಳಿ ನಡೆಸಿತು. ಪರಿಣಾಮ ಟೆಲ್ ಅವೀವ್ನ ಪೂರ್ವದಲ್ಲಿರುವ ರಾಮತ್ ಗ್ಯಾನ್ನಲ್ಲಿ ಇಬ್ಬರು ಸಾವಿಗೀಡಾಗಿದ್ದಾರೆ. ಸೌದಿ ಅರೇಬಿಯಾ, ಕುವೈತ್ ಮತ್ತು ಇತರ ಅರಬ್ ರಾಷ್ಟ್ರಗಳು ಸಹ ಕ್ಷಿಪಣಿ, ಡ್ರೋನ್ ದಾಳಿಗೆ ಒಳಗಾದವು. ಇವುಗಳನ್ನು ವಾಯು ರಕ್ಷಣಾ ವ್ಯವಸ್ಥೆಗಳು ತಡೆದವು.
