Pravasi Prapancha: ಆತಿಥ್ಯಕ್ಕೆ ಹೊಸ ಭಾಷ್ಯ ಬರೆದ ಗೋಲ್ಡ್ ಫಿಂಚ್ ಹೊಟೇಲ್ ಬೆಂಗಳೂರು

ಎಂಆರ್‌ಜಿ ಗ್ರೂಪ್‌ನ ಪ್ರಮುಖ ಹೊಟೇಲ್ ಆಗಿರುವ ಗೋಲ್ಡ್ ಫಿಂಚ್ ಬೆಂಗಳೂರಿನ ಹೃದಯಭಾಗದಲ್ಲಿರುವ ತನ್ನ ಸ್ಥಳ, ಆಧುನಿಕ ಸೌಲಭ್ಯಗಳು, ಆಹಾರ ವೈವಿಧ್ಯ ಮತ್ತು ಸಭೆ-ಸಮಾರಂಭಗಳಿಗೆ ಹೊಂದುವ ವ್ಯವಸ್ಥೆಗಳ ಮೂಲಕ ಉದ್ಯಮಿಗಳು, ಪ್ರವಾಸಿಗರು ಹಾಗೂ ಸ್ಥಳೀಯ ಗ್ರಾಹಕರನ್ನು ಆಕರ್ಷಿಸುವ ಉದ್ದೇಶ ಹೊಂದಿದೆ.

ನಗರದ ಕೇಂದ್ರದಲ್ಲಿರುವ ಅನುಕೂಲಕರ ತಾಣ

ಗೋಲ್ಡ್ ಫಿಂಚ್ ಬೆಂಗಳೂರಿನ ಪ್ರಮುಖ ವೈಶಿಷ್ಟ್ಯವೆಂದರೆ ಅದರ ಸ್ಥಳ. ರೇಸ್ ಕೋರ್ಸ್ ರಸ್ತೆಯ ಸಮೀಪ, ಹೈ ಗ್ರೌಂಡ್ಸ್‌ನ ಕ್ರೆಸೆಂಟ್ ರಸ್ತೆಯಲ್ಲಿರುವ ಈ ಹೊಟೇಲ್, ನಗರದ ಕೇಂದ್ರಭಾಗದಲ್ಲಿ ಉಳಿಯಲು ಬಯಸುವವರಿಗೆ ಅನುಕೂಲಕರ ಆಯ್ಕೆಯಾಗಿದೆ. ವ್ಯವಹಾರಿಕ ಕೆಲಸಗಳಿಗಾಗಿ ಬೆಂಗಳೂರಿಗೆ ಬರುವವರು, ನಗರ ವೀಕ್ಷಣೆಗೆ ಆಗಮಿಸುವ ಪ್ರವಾಸಿಗರು ಹಾಗೂ ಕುಟುಂಬದೊಂದಿಗೆ ವಾಸ್ತವ್ಯ ಬಯಸುವವರು ಪರಿಗಣಿಸಬಹುದಾದ ಹೊಟೇಲ್ ಇದಾಗಿದೆ. ನಗರದ ಪ್ರಮುಖ ಪ್ರದೇಶಗಳಿಗೆ ಸಂಪರ್ಕ ಹೊಂದಿರುವ ಸ್ಥಳದಲ್ಲಿರುವುದರಿಂದ, ಹೊಟೇಲ್‌ನಲ್ಲಿ ಉಳಿಯುವವರು ತಮ್ಮ ಪ್ರವಾಸದ ವೇಳಾಪಟ್ಟಿಯನ್ನು ಸುಲಭವಾಗಿ ರೂಪಿಸಿಕೊಳ್ಳಬಹುದು. ಕೆಲಸದ ನಿಮಿತ್ತ ದಿನವಿಡೀ ಓಡಾಡಿದ ಬಳಿಕ ಆರಾಮವಾಗಿ ವಿಶ್ರಾಂತಿ ಪಡೆಯಲು ಅಥವಾ ನಗರದಲ್ಲಿ ನಡೆಯುವ ಸಭೆ, ಕಾರ್ಯಕ್ರಮಗಳಲ್ಲಿ ಭಾಗವಹಿಸಲು ಬರುವವರಿಗೆ ಈ ಸ್ಥಳ ಅತ್ಯುತ್ತಮ ಎನ್ನುವುದರಲ್ಲಿ ಅನುಮಾನವೇ ಇಲ್ಲ.

ವಾಸ್ತವ್ಯಕ್ಕೆ ಆಧುನಿಕ ಸೌಲಭ್ಯಗಳ ಸ್ಪರ್ಶ

ಹೊಟೇಲ್‌ ಅದ್ಭುತ ಅನಿಸುವುದು ಕೊಠಡಿಗಳ ವಿನ್ಯಾಸ ಮತ್ತು ಸೌಲಭ್ಯಗಳಿಂದಾಗಿ. ಗೋಲ್ಡ್ ಫಿಂಚ್ ಬೆಂಗಳೂರಿನಲ್ಲಿ ಅತಿಥಿಗಳ ವಿಭಿನ್ನ ಅಗತ್ಯಗಳಿಗೆ ಅನುಗುಣವಾಗಿ ಎಕ್ಸಿಕ್ಯೂಟಿವ್ ರೂಮ್, ಗೋಲ್ಡ್ ಕ್ಲಬ್ ರೂಮ್ ಮತ್ತು ಸುಪೀರಿಯರ್ ರೂಮ್‌ಗಳ ವ್ಯವಸ್ಥೆ ನೀಡುತ್ತಿದೆ. ಕೊಠಡಿಗಳ ವಿನ್ಯಾಸದಲ್ಲಿ ಆಧುನಿಕತೆ, ಆರಾಮ ಮತ್ತು ಬಳಕೆಯ ಅನುಕೂಲಕ್ಕೆ ಆದ್ಯತೆ ನೀಡಲಾಗಿದೆ.

ಸುಪೀರಿಯರ್ ರೂಮ್: ಸರಳತೆ ಮತ್ತು ಆರಾಮದಾಯಕ ವಾಸ್ತವ್ಯವನ್ನು ಬಯಸುವವರಿಗೆ.

ಎಕ್ಸಿಕ್ಯೂಟಿವ್ ರೂಮ್: ಕೆಲಸದ ನಿಮಿತ್ತ ಪ್ರಯಾಣಿಸುವವರು ತಮ್ಮ ವೃತ್ತಿಪರ ಚಟುವಟಿಕೆಗಳ ಜತೆಗೆ ವಿಶ್ರಾಂತಿಯನ್ನೂ ಪಡೆಯಲು.

ಗೋಲ್ಡ್ ಕ್ಲಬ್ ರೂಮ್: ಹೆಚ್ಚಿನ ಸ್ಥಳಾವಕಾಶ ಮತ್ತು ಪ್ರೀಮಿಯಂ ವಾಸ್ತವ್ಯದ ಅನುಭವವನ್ನು ಬಯಸುವವರಿಗೆ.

ಹವಾನಿಯಂತ್ರಣ, ವೈ-ಫೈ, ಟಿವಿ, ಕಾಫಿ ತಯಾರಿಸುವ ಸೌಲಭ್ಯ, ಕೊಠಡಿಯಲ್ಲೇ ಆಹಾರ ಸೇವೆ, ಸುರಕ್ಷತಾ ಲಾಕರ್ ಮತ್ತು ಲಾಂಡ್ರಿ ಸೇವೆಯಂಥ ಸೌಲಭ್ಯಗಳನ್ನು ಹೊಟೇಲ್ ವ್ಯವಸ್ಥಿತವಾಗಿ ನೀಡುತ್ತಿದೆ.

ವ್ಯಾವಹಾರಿಕ ಪ್ರವಾಸದಲ್ಲಿ ಆರಾಮದಾಯಕ ಕೊಠಡಿಗಳು ಮಲಗಿ ವಿಶ್ರಮಿಸುವುದಕ್ಕಿಂತ ಹೆಚ್ಚಾಗಿ, ಮುಂದಿನ ದಿನದ ಕೆಲಸಗಳಿಗೆ ಸಿದ್ಧರಾಗಲು, ಇ-ಮೇಲ್‌ಗಳನ್ನು ಪರಿಶೀಲಿಸಲು, ಸಭೆಗಳ ಸಿದ್ಧತೆ ಮಾಡಿಕೊಳ್ಳಲು ಬೇಕಾಗುತ್ತವೆ. ಈ ದೃಷ್ಟಿಯಿಂದ ಇಂಥ ಸೌಲಭ್ಯಗಳು ಮುಖ್ಯವಾಗುತ್ತವೆ.

ರ‍್ಯಾಡಿಸನ್ ಬ್ಲೂ ಏಟ್ರಿಯಾ; 3 ದಶಕಗಳ ಆತಿಥ್ಯ ಪರಂಪರೆ

ಸನಾ-ದಿ-ಗೆ: ಕರಾವಳಿಯ ರುಚಿಗಳ ಸೊಗಡು

ಗೋಲ್ಡ್ ಫಿಂಚ್ ಬೆಂಗಳೂರಿನ ಆಹಾರ ವೈಶಿಷ್ಟ್ಯಗಳ ಬಗ್ಗೆ ಮಾತನಾಡುವಾಗ ಮೊದಲು ಗಮನ ಸೆಳೆಯುವುದು ಸನಾ-ದಿ-ಗೆ (Sana-di-ge). ಕರಾವಳಿ ಆಹಾರ ಪರಂಪರೆಯನ್ನು ನಗರಕ್ಕೆ ಪರಿಚಯಿಸುವ ಉದ್ದೇಶ ಹೊಂದಿರುವ ಈ ರೆಸ್ಟೋರೆಂಟ್, ಎಂಆರ್‌ಜಿ ಗ್ರೂಪ್‌ನ ಪ್ರಮುಖ ಆಹಾರ ಮಳಿಗೆಗಳಲ್ಲಿ ಒಂದಾಗಿದೆ.

ಕರಾವಳಿ ಕರ್ನಾಟಕದ ಆಹಾರ ಸಂಸ್ಕೃತಿಗೆ ತನ್ನದೇ ಆದ ವೈಶಿಷ್ಟ್ಯವಿದೆ. ಮಸಾಲೆಗಳ ಬಳಕೆ, ಸಮುದ್ರಾಹಾರದ ವೈವಿಧ್ಯ, ಸಾಂಪ್ರದಾಯಿಕ ಅಡುಗೆ ವಿಧಾನಗಳು ಮತ್ತು ಮನೆಯ ಅಡುಗೆಯ ಆತ್ಮೀಯತೆ ಈ ಪಾಕಪರಂಪರೆಯ ಗುರುತುಗಳು. ಈ ಪರಂಪರೆಯಿಂದ ಪ್ರೇರಿತವಾದ ಖಾದ್ಯಗಳನ್ನು ಅತಿಥಿಗಳಿಗೆ ಪರಿಚಯಿಸುವುದು ಸನಾ-ದಿ-ಗೆಯ ಪರಿಕಲ್ಪನೆಯಾಗಿದೆ. ಎಂಆರ್‌ಜಿ ಗ್ರೂಪ್‌ನ ನಿರ್ದೇಶಕಿ ಆಶಾ ಶೆಟ್ಟಿ ಅವರ ಕುಟುಂಬದ ಪಾಕವಿಧಾನಗಳು ಈ ರೆಸ್ಟೋರೆಂಟ್‌ನ ಆಹಾರ ಪರಿಕಲ್ಪನೆಗೆ ಸ್ಫೂರ್ತಿಯಾಗಿವೆ.

ಸ್ಥಳೀಯ ಆಹಾರದ ರುಚಿಯನ್ನು ಹುಡುಕುವವರು, ಕರಾವಳಿ ಪಾಕಪದ್ಧತಿಯನ್ನು ಪರಿಚಯಿಸಿಕೊಳ್ಳಲು ಬಯಸುವವರು ಹಾಗೂ ವಿಭಿನ್ನ ಆಹಾರ ಅನುಭವಕ್ಕಾಗಿ ರೆಸ್ಟೋರೆಂಟ್‌ಗೆ ಭೇಟಿ ನೀಡುವವರು ಸನಾ-ದಿ-ಗೆ ಪರಿಗಣಿಸಬಹುದಾದ ತಾಣವಾಗಿದೆ.

ಜಿ77 ಕೆಫೆ: ಮಾತುಕತೆಗೂ ಕಾಫಿಗೂ ಒಂದು ತಾಣ

ಪ್ರತಿಯೊಂದು ಭೇಟಿಯೂ ಔಪಚಾರಿಕವಾಗಿರಬೇಕೆಂದಿಲ್ಲ. ಕೆಲವೊಮ್ಮೆ ಗೆಳೆಯರೊಂದಿಗೆ ಕಾಫಿ ಕುಡಿಯುತ್ತಾ ಮಾತನಾಡಬೇಕು; ಇನ್ನೊಮ್ಮೆ ಸಣ್ಣ ವ್ಯಾವಹಾರಿಕ ಚರ್ಚೆ ನಡೆಸಬೇಕು; ಮತ್ತೊಮ್ಮೆ ದಿನದ ಕೆಲಸಗಳ ನಡುವೆ ಸ್ವಲ್ಪ ವಿರಾಮ ಬೇಕಾಗುತ್ತದೆ. ಇಂಥ ಸಂದರ್ಭಗಳಿಗೆ ಜಿ77 ಕೆಫೆ (G77 Cafe) ಸೂಕ್ತವಾದ ವಾತಾವರಣ ಒದಗಿಸುತ್ತದೆ. ಕಾಫಿ, ಪಾನೀಯಗಳು ಮತ್ತು ಲಘು ಆಹಾರದ ಆಯ್ಕೆಗಳೊಂದಿಗೆ, ಸ್ನೇಹಿತರ ಭೇಟಿ, ಅನೌಪಚಾರಿಕ ಮಾತುಕತೆ ಹಾಗೂ ಸಣ್ಣ ಕೆಲಸದ ಚರ್ಚೆಗಳಿಗೆ ಇದು ಅನುಕೂಲಕರ ಸ್ಥಳವಾಗಿದೆ.

ಹೊಟೇಲ್‌ನೊಳಗೆ ಇಂಥ ಕೆಫೆ ಇರುವುದರಿಂದ, ಸ್ವಲ್ಪ ಸಮಯ ಕಳೆಯಲು, ಸಹೋದ್ಯೋಗಿಯನ್ನು ಭೇಟಿಯಾಗಲು ಅಥವಾ ಪ್ರಯಾಣದ ನಡುವೆ ವಿರಾಮ ಪಡೆಯಲು ಬಯಸುವವರಿಗೆ ಇದು ಮತ್ತೊಂದು ಉತ್ತಮ ಆಯ್ಕೆ.

ದಿ ಕಬಾಬ್ ಸ್ಟುಡಿಯೋ

ಇದು ಬೆಂಗಳೂರಿನ ಅತ್ಯಂತ ಪ್ರಸಿದ್ಧ ರೂಫ್‌ಟಾಪ್ ಬಾರ್ಬೆಕ್ಯೂ ರೆಸ್ಟೋರೆಂಟ್. ರೇಸ್ ಕೋರ್ಸ್‌ನ ವಿಹಂಗಮ ನೋಟ, ಲೈವ್ ಮ್ಯೂಸಿಕ್, ಟೇಬಲ್ ಮೇಲೆಯೇ ಬರುವ ಲೈವ್ ಗ್ರಿಲ್, ಬಫೆನಲ್ಲಿ ಉತ್ತರ ಭಾರತೀಯ, ಕಾಂಟಿನೆಂಟಲ್, ಚೈನೀಸ್ ಖಾದ್ಯಗಳ ವೈಭವ. ಕೊನೆಯಲ್ಲಿ ಲೈವ್ ಐಸ್ ಕ್ರೀಮ್ ಕೌಂಟರ್ ಮತ್ತು ಮಾಲಿಕ್ಯುಲರ್ 'ಲಾಸ್ಟ್ ಟೀ' ಇಲ್ಲಿನ ಸಿಗ್ನೇಚರ್.

ಸಭೆ, ಸಮ್ಮೇಳನ ಮತ್ತು ಸಮಾರಂಭಗಳಿಗೆ ವ್ಯವಸ್ಥೆ

ಹೊಟೇಲ್‌ಗಳ ಪಾತ್ರ ಈಗ ವಾಸ್ತವ್ಯ ಮತ್ತು ಆಹಾರಕ್ಕೆ ಮಾತ್ರ ಸೀಮಿತವಾಗಿಲ್ಲ. ಕಂಪನಿಗಳ ಸಭೆಗಳು, ತರಬೇತಿ ಕಾರ್ಯಕ್ರಮಗಳು, ಸಮ್ಮೇಳನಗಳು, ಕುಟುಂಬ ಸಮಾರಂಭಗಳು ಮತ್ತು ಮದುವೆಗಳಿಗೆ ಸೂಕ್ತ ಸ್ಥಳ ಒದಗಿಸುವುದೂ ಆತಿಥ್ಯ ಕ್ಷೇತ್ರದ ಪ್ರಮುಖ ಭಾಗವಾಗಿದೆ.

ಗೋಲ್ಡ್ ಫಿಂಚ್ ಬೆಂಗಳೂರಿನಲ್ಲಿ ಈ ಅಗತ್ಯಗಳನ್ನು ಗಮನದಲ್ಲಿಟ್ಟುಕೊಂಡು ವಿವಿಧ ಸಭಾಂಗಣ ಮತ್ತು ಕಾರ್ಯಕ್ರಮ ಸ್ಥಳಗಳ ವ್ಯವಸ್ಥೆಯಿದೆ. ಅವುಗಳಲ್ಲಿ ಪ್ರಮುಖವಾದವು-

ಸಿಲ್ವರ್ ಬಿಲ್ಸ್

ಇದು ಕಾರ್ಪೊರೆಟ್ ಸಭೆಗಳು, ಮದುವೆಗಳು ಮತ್ತು ದೊಡ್ಡ ಸಮಾರಂಭಗಳಿಗೆ ಬಳಸಬಹುದಾದ ಸಭಾಂಗಣ. ಎರಡು ವಿಭಾಗಗಳನ್ನು ಒಟ್ಟುಗೂಡಿಸಿದಾಗ ಸುಮಾರು 300 ಜನರ ಫ್ಲೋಟಿಂಗ್ ಸಾಮರ್ಥ್ಯವಿದೆ. ಕಾರ್ಯಕ್ರಮದ ಸ್ವರೂಪಕ್ಕೆ ಅನುಗುಣವಾಗಿ ಆಸನ ವ್ಯವಸ್ಥೆಯನ್ನು ರೂಪಿಸಬಹುದು.

ಸೆನೆಟ್ ಹಾಲ್

ತಂಡದ ಸಭೆಗಳು, ವ್ಯವಹಾರಿಕ ಚರ್ಚೆಗಳು, ಸಣ್ಣ ಸಮಾವೇಶಗಳು ಮತ್ತು ಕಾರ್ಪೊರೆಟ್ ಕಾರ್ಯಕ್ರಮಗಳಿಗೆ ಹೊಂದುವ ಸ್ಥಳ. ಸಭೆಯ ಉದ್ದೇಶಕ್ಕೆ ಅನುಗುಣವಾಗಿ ವ್ಯವಸ್ಥೆ ಮಾಡಿಕೊಳ್ಳಬಹುದು.

ಪ್ರೈವೇಟ್ ಡೈನಿಂಗ್ ರೂಮ್

ಸಣ್ಣ ಗುಂಪಿನ ಔತಣ, ಆತ್ಮೀಯ ಸಭೆ, ಸಹೋದ್ಯೋಗಿಗಳೊಂದಿಗೆ ಚರ್ಚೆ ಅಥವಾ ಖಾಸಗಿ ಭೋಜನದ ಸಂದರ್ಭಗಳಿಗೆ ಉಪಯುಕ್ತವಾದ ವ್ಯವಸ್ಥೆ. ಇಂಥ ಸೌಲಭ್ಯಗಳಿಂದ ಒಂದೇ ಸ್ಥಳದಲ್ಲಿ ಸಭೆ ನಡೆಸಿ, ಆಹಾರ ಸೇವಿಸಿ, ಅಗತ್ಯವಿದ್ದರೆ ವಾಸ್ತವ್ಯವನ್ನೂ ಆಯೋಜಿಸಬಹುದು. ವಿಶೇಷವಾಗಿ ಹೊರ ಊರುಗಳಿಂದ ಅತಿಥಿಗಳನ್ನು ಆಹ್ವಾನಿಸುವ ಕಂಪನಿಗಳು ಮತ್ತು ಕುಟುಂಬಗಳಿಗೆ ಈ ವ್ಯವಸ್ಥೆ ಅನುಕೂಲವಾಗಬಹುದು.

ಸ್ಪಾ ಮತ್ತು ಫಿಟ್‌ನೆಸ್: ವಿಶ್ರಾಂತಿಗೂ ಆದ್ಯತೆ

ಪ್ರವಾಸ ಅಥವಾ ವ್ಯಾವಹಾರಿಕ ಕೆಲಸದ ವೇಳೆಯಲ್ಲಿ ದೇಹ ಮತ್ತು ಮನಸಿಗೆ ವಿಶ್ರಾಂತಿ ನೀಡುವುದೂ ಮುಖ್ಯ. ಈ ನಿಟ್ಟಿನಲ್ಲಿ ಗೋಲ್ಡ್ ಫಿಂಚ್ ಬೆಂಗಳೂರು ಸ್ಪಾ ಮತ್ತು ಫಿಟ್‌ನೆಸ್ ಕೇಂದ್ರದ ವ್ಯವಸ್ಥೆಯನ್ನು ಹೊಂದಿದೆ.

ಸ್ಪಾ ವಿಭಾಗದಲ್ಲಿ ವಿವಿಧ ಮಸಾಜ್ ಮತ್ತು ಆರೈಕೆ ಚಿಕಿತ್ಸೆಗಳ ಮೂಲಕ ವಿಶ್ರಾಂತಿ ಪಡೆಯಲು ಅವಕಾಶವಿದೆ. ದೈಹಿಕ ಚಟುವಟಿಕೆಗಾಗಿ ಜಿಮ್ ಸೌಲಭ್ಯವೂ ಇದೆ.

ದಿನವಿಡೀ ಸಭೆಗಳು, ಸಂಚಾರ ಮತ್ತು ಕೆಲಸಗಳಲ್ಲಿ ತೊಡಗಿರುವವರಿಗೆ ಹೊಟೇಲ್‌ನಲ್ಲೇ ವಿಶ್ರಾಂತಿ ಪಡೆಯುವ ಅವಕಾಶ ಸಿಗುವುದು ಅನುಕೂಲಕರ. ಹಾಗೆಯೇ ಪ್ರವಾಸದ ವೇಳೆಯಲ್ಲೂ ತಮ್ಮ ನಿಯಮಿತ ವ್ಯಾಯಾಮದ ಅಭ್ಯಾಸವನ್ನು ಮುಂದುವರಿಸಲು ಬಯಸುವವರಿಗೆ ಫಿಟ್‌ನೆಸ್ ಕೇಂದ್ರ ಸಹಾಯಕವಾಗುತ್ತದೆ.

ಶಾಖೆಗಳ ಸರಪಳಿ

ಇಂದು ಗೋಲ್ಡ್ ಫಿಂಚ್ ಕೇವಲ ಬೆಂಗಳೂರಿಗೆ ಸೀಮಿತವಾಗಿಲ್ಲ. ಮಂಗಳೂರು, ಮುಂಬಯಿ, ದೆಹಲಿ NCR, ಗೋವಾ - ಪಣಜಿಯ ಮಂಡೋವಿ ನದಿ ದಡದಲ್ಲಿರುವ ಹೊಸ 98 ಕೊಠಡಿಗಳ ಗೋಲ್ಡ್ ಫಿಂಚ್ ಪಣಜಿ ಸೇರಿದಂತೆ ಭಾರತದಾದ್ಯಂತ 11 ಹೊಟೇಲ್‌ಗಳನ್ನು MRG ಗ್ರೂಪ್ ಹೊಂದಿದೆ. ಜತೆಗೆ Marriott ಮತ್ತು Hilton ನಂಥ ಅಂತಾರಾಷ್ಟ್ರೀಯ ಬ್ರಾಂಡ್‌ಗಳ ಜತೆ - ಬೆಂಗಳೂರಿನ Courtyard by Marriott ಹೆಬ್ಬಾಳ, ಗೋವಾದ DoubleTree by Hilton ಪಣಜಿ, ನವಿ ಮುಂಬಯಿ ಮ್ಯಾರಿಯಟ್ ನಂಥ ಹೊಟೇಲ್‌ಗಳನ್ನು ನಿರ್ಮಿಸಿ ನಿರ್ವಹಿಸುತ್ತಿದೆ. 2030ರ ವೇಳೆಗೆ 20 ಹೊಟೇಲ್‌ಗಳು ಮತ್ತು 2035ರ ವೇಳೆಗೆ 3500 ಕೀಸ್‌ಗಳ ಸಾಮ್ರಾಜ್ಯ ಕಟ್ಟುವ ದೊಡ್ಡ ಕನಸಿನೊಂದಿಗೆ MRG ಮುನ್ನುಗ್ಗುತ್ತಿದೆ.

ಡಾ.ಕೆ. ಪ್ರಕಾಶ್ ಶೆಟ್ಟಿ ಕಂಡ ಬೃಹತ್ ಕನಸು

ಗೋಲ್ಡ್ ಫಿಂಚ್‌ನ ಪರಿಚಯವನ್ನು ಅದರ ಹಿಂದಿರುವ ಎಂಆರ್‌ಜಿ ಗ್ರೂಪ್‌ನ ಬೆಳವಣಿಗೆಯೊಂದಿಗೆ ನೋಡಬೇಕು. 1993ರಲ್ಲಿ ಕೆ. ಪ್ರಕಾಶ್ ಶೆಟ್ಟಿ ಅವರ ನೇತೃತ್ವದಲ್ಲಿ ಆರಂಭವಾದ ಈ ಉದ್ಯಮ ಸಮೂಹವು ಆಹಾರ ಮತ್ತು ಆತಿಥ್ಯ ಕ್ಷೇತ್ರದಿಂದ ಬೆಳೆದು ಹೊಟೇಲ್‌ಗಳು, ರೆಸಾರ್ಟ್‌ಗಳು ಹಾಗೂ ಇತರ ವ್ಯವಹಾರ ಕ್ಷೇತ್ರಗಳಿಗೂ ವಿಸ್ತರಿಸಿದೆ.

ಪ್ರತಿಯೊಂದು ದೊಡ್ಡ ಸಾಮ್ರಾಜ್ಯದ ಹಿಂದೆ ಒಬ್ಬ ದೂರದೃಷ್ಟಿಯ ವ್ಯಕ್ತಿ ಇರುತ್ತಾರೆ. ಗೋಲ್ಡ್ ಫಿಂಚ್ ಕನಸಿನ ಹಿಂದಿರುವ ಆ ಶಕ್ತಿಯೇ ಕೊರಂಗ್ರಪಾಡಿ ಪ್ರಕಾಶ್ ಶೆಟ್ಟಿ. ಇಂದು ಸಾವಿರಾರು ಕೋಟಿ ರುಪಾಯಿ ವಹಿವಾಟಿನ MRG ಗ್ರೂಪ್ ನ ಸಂಸ್ಥಾಪಕ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕರಾದ ಪ್ರಕಾಶ್ ಶೆಟ್ಟಿ ಅವರ ಪಯಣ ಸ್ಫೂರ್ತಿದಾಯಕ. ಉಡುಪಿ ಜಿಲ್ಲೆಯ ಕೊರಂಗ್ರಪಾಡಿ ಎಂಬ ಸಣ್ಣ ಊರಿನಿಂದ 1983 ರಲ್ಲಿ ಪದವಿ ಮುಗಿಸಿ ಬೆಂಗಳೂರಿಗೆ ಬಂದಿಳಿದಾಗ ಅವರ ಕೈಯಲ್ಲಿ ದೊಡ್ಡ ಬಂಡವಾಳವಿರಲಿಲ್ಲ, ಆದರೆ ಎದೆಯಲ್ಲಿ ದೊಡ್ಡ ಕನಸಿತ್ತು.

1993ರಲ್ಲಿ ಕೇವಲ 50,000 ರುಪಾಯಿ ಬಂಡವಾಳದೊಂದಿಗೆ ಬೆಂಗಳೂರಿನಲ್ಲಿ 'ಬಂಜಾರಾ' ಎಂಬ ಫೈನ್ ಡೈನ್ ರೆಸ್ಟೋರೆಂಟ್ ಆರಂಭಿಸಿದರು. ರುಚಿ ಮತ್ತು ಆತಿಥ್ಯಕ್ಕೆ ಅವರು ಕೊಟ್ಟ ಪ್ರಾಮುಖ್ಯದಿಂದ ಬಂಜಾರಾ ಸೂಪರ್ ಹಿಟ್ ಆಯಿತು. ಆ ಯಶಸ್ಸೇ ಅವರಿಗೆ ಹೊಟೇಲ್ ಉದ್ಯಮಕ್ಕೆ ಕಾಲಿಡುವ ಆತ್ಮವಿಶ್ವಾಸ ನೀಡಿತು. ಒಂಬತ್ತು ವರ್ಷಗಳ ನಂತರ 2002 ರಲ್ಲಿ ಮಂಗಳೂರಿನಲ್ಲಿ ಮೊದಲ ಗೋಲ್ಡ್ ಫಿಂಚ್ ಹೊಟೇಲ್ ಆರಂಭವಾಯಿತು, ನಂತರ ಬೆಂಗಳೂರಿನಲ್ಲಿ ಶುರುವಾದದ್ದು ಇಂದು ನಾವು ಕಾಣುತ್ತಿರುವ ಗೋಲ್ಡ್ ಫಿಂಚ್ ಬೆಂಗಳೂರು.

ಮೂರು ದಶಕಗಳಿಗೂ ಹೆಚ್ಚು ಅನುಭವ ಹೊಂದಿರುವ ಡಾ. ಶೆಟ್ಟಿ ಅವರನ್ನು ಭಾರತ ಸರ್ಕಾರ ಸೇರಿದಂತೆ ಹಲವು ಸಂಸ್ಥೆಗಳು 'Visionary Leader of the Year 2020' ಪ್ರಶಸ್ತಿ ನೀಡಿ ಗೌರವಿಸಿವೆ. ರಾಜ್ಯೋತ್ಸವ ಪ್ರಶಸ್ತಿಯೂ ಅವರನ್ನು ಅರಸಿ ಬಂದಿದೆ. ಅವರು ಕೇವಲ ಉದ್ಯಮಿಯಲ್ಲ, ದೊಡ್ಡ ಪರೋಪಕಾರಿ ಕೂಡ. ಸಾವಿರಾರು ಜನರಿಗೆ ಉದ್ಯೋಗ ನೀಡಿರುವ ಅವರ ಸಂಸ್ಥೆ, ಶಿಕ್ಷಣ ಮತ್ತು ಆರೋಗ್ಯ ಕ್ಷೇತ್ರದಲ್ಲೂ ಸಕ್ರಿಯವಾಗಿ ಸೇವೆ ಸಲ್ಲಿಸುತ್ತಿದೆ.

ಅವರ ನಾಯಕತ್ವದ ಗುಣವೇನೆಂದರೆ, ಅವರು ಹೊಟೇಲ್ ಅನ್ನು ಕೇವಲ ಕಟ್ಟಡವಾಗಿ ನೋಡುವುದಿಲ್ಲ, ಅದು ಅತಿಥಿಗಳ ಭಾವನೆಗಳ ಗೂಡು ಎಂದು ನಂಬುತ್ತಾರೆ. ಅದಕ್ಕಾಗಿಯೇ ಗೋಲ್ಡ್ ಫಿಂಚ್‌ನಲ್ಲಿ ನೀವು ಕಾಣುವುದು ಗೋಡೆಗಳಲ್ಲ, ಆತ್ಮೀಯ ನಗುಮೊಗದ ಸೇವೆ. ಬೆಂಗಳೂರಿಗೆ ಬಂದಾಗ, ನಿಮ್ಮ ಮನೆಯಂತೆಯೇ ಭಾಸವಾಗುವ, ಆದರೆ ಅರಮನೆಯಂಥ ಸೌಕರ್ಯ ನೀಡುವ ಸ್ಥಳ ಬೇಕೆಂದರೆ, ಗೋಲ್ಡ್ ಫಿಂಚ್‌ಗಿಂತ ಉತ್ತಮ ಆಯ್ಕೆ ಇನ್ನೊಂದಿಲ್ಲ.

ಗೌರವ್ ಶೆಟ್ಟಿ ಅವರ ಯುವ ನಾಯಕತ್ವ

MRG ಗ್ರೂಪ್‌ನ ವ್ಯವಸ್ಥಾಪಕ ನಿರ್ದೇಶಕರಾದ ಗೌರವ್ ಶೆಟ್ಟಿ, ಸಂಸ್ಥೆಯ ಮುಂದಿನ ಹಂತದ ಬೆಳವಣಿಗೆಯತ್ತ ಮುನ್ನಡೆಸುತ್ತಿರುವ ಪ್ರಮುಖ ವ್ಯಕ್ತಿ. ಸ್ವಿಟ್ಜರ್‌ಲ್ಯಾಂಡ್‌ನ ಸ್ವಿಸ್ ಹೊಟೇಲ್ ಮ್ಯಾನೇಜ್‌ಮೆಂಟ್ ಸ್ಕೂಲ್‌ನಲ್ಲಿ ಶಿಕ್ಷಣ ಪಡೆದಿರುವ ಅವರು, ಹೊಟೇಲ್ ನಿರ್ವಹಣೆಯ ಆಧುನಿಕ ವಿಧಾನಗಳು ಮತ್ತು ಜಾಗತಿಕ ಆತಿಥ್ಯ ಉದ್ಯಮದ ಅನುಭವವನ್ನು ಸಂಸ್ಥೆಯ ಬೆಳವಣಿಗೆಗೆ ಬಳಸಿಕೊಳ್ಳುತ್ತಿದ್ದಾರೆ.

ತಂದೆಯ ಉದ್ಯಮದೊಂದಿಗೆ ಬಾಲ್ಯದಿಂದಲೇ ನಿಕಟ ಸಂಪರ್ಕ ಹೊಂದಿದ್ದ ಗೌರವ್ ಶೆಟ್ಟಿ, ಕಾಲಕ್ರಮೇಣ ಅದರ ಕಾರ್ಯವೈಖರಿ ಮತ್ತು ನಿರ್ವಹಣೆಯ ವಿವಿಧ ಆಯಾಮಗಳನ್ನು ಅರಿತುಕೊಂಡರು. ಸಂಸ್ಥೆಯ ವಿಸ್ತರಣೆ, ಬ್ರ್ಯಾಂಡ್‌ನ ಗುರುತನ್ನು ಬಲಪಡಿಸುವುದು ಮತ್ತು ಉದ್ಯಮದ ಹೊಸ ಅವಕಾಶಗಳನ್ನು ಗುರುತಿಸುವುದರಲ್ಲಿ ಅವರು ಪಾತ್ರವಹಿಸುತ್ತಿದ್ದಾರೆ.

ಆತಿಥ್ಯ ಉದ್ಯಮವು ನಿರಂತರವಾಗಿ ಬದಲಾಗುತ್ತಿದೆ. ಗ್ರಾಹಕರ ನಿರೀಕ್ಷೆಗಳು, ತಂತ್ರಜ್ಞಾನದ ಬಳಕೆ, ಆಹಾರದ ಹೊಸ ಪ್ರವೃತ್ತಿಗಳು ಮತ್ತು ಜಾಗತಿಕ ಪ್ರವಾಸೋದ್ಯಮದ ಬೆಳವಣಿಗೆಗಳು ಹೊಟೇಲ್‌ಗಳ ಕಾರ್ಯವೈಖರಿಯ ಮೇಲೂ ಪರಿಣಾಮ ಬೀರುತ್ತವೆ. ಇಂಥ ಸಂದರ್ಭದಲ್ಲಿ ಪರಂಪರೆಯ ಅನುಭವ ಮತ್ತು ಹೊಸ ತಲೆಮಾರಿನ ಆಲೋಚನೆಗಳನ್ನು ಸಮನ್ವಯಗೊಳಿಸುವುದು ಸಂಸ್ಥೆಯ ಬೆಳವಣಿಗೆಗೆ ನೆರವಾಗುತ್ತದೆ. ಗೌರವ್ ಶೆಟ್ಟಿ ಅವರ ನಾಯಕತ್ವದಲ್ಲಿ MRG ಗ್ರೂಪ್ ತನ್ನ ಆತಿಥ್ಯ ಉದ್ಯಮವನ್ನು ಮತ್ತಷ್ಟು ವಿಸ್ತರಿಸುವ ದೃಷ್ಟಿಕೋನ ಹೊಂದಿದೆ. ಸಂಸ್ಥೆಯ ದೀರ್ಘಕಾಲೀನ ಯೋಜನೆಗಳಲ್ಲಿ ಹೊಸ ಮಾರುಕಟ್ಟೆಗಳನ್ನು ತಲುಪುವುದು ಮತ್ತು ತನ್ನ ಬ್ರ್ಯಾಂಡ್‌ಗಳ ವ್ಯಾಪ್ತಿಯನ್ನು ಹೆಚ್ಚಿಸುವುದೂ ಸೇರಿವೆ.

ರಾಮೋಜಿ ಫಿಲ್ಮ್‌ ಸಿಟಿ; ಸಿನಿಮಾ ನಗರಿಯಲ್ಲಿದೆ ಇಡೀ ಜಗತ್ತು

ಡಾ.ಪ್ರಕಾಶ್‌ ಶೆಟ್ಟಿ: ಉದ್ಯಮದಿಂದ ಸಮಾಜಸೇವೆ ತನಕ

ಕೈಗಾರಿಕೋದ್ಯಮವನ್ನು ನಡೆಸುವ ಕಲೆಯು ಉದ್ಯಮಿಗಳಿಗೆ ಹುಟ್ಟಿನಿಂದಲೇ ಒಲಿದಿರುತ್ತದೆ ಮತ್ತು ಅದು ಕಲಿಕೆಯಿಂದ ಬರುವುದಿಲ್ಲವೆಂದು ಹಲವರ ನಂಬಿಕೆ. ಹಾಗಾಗಿ, ವ್ಯಾಪಾರ ಕುಟುಂಬಗಳಲ್ಲಿ ಜನಿಸಿದವರು ಮಾತ್ರ ಉದ್ಯಮಿಗಳಾಗಿ ಯಶಸ್ವಿಯಾಗಬಹುದೆಂದು ಅವರು ನಂಬುತ್ತಾರೆ. ಆದರೆ, ದೃಢನಿಶ್ಚಯ ಮತ್ತು ಉತ್ಸಾಹದೊಂದಿಗೆ ಎಂಥ ಅಡೆತಡೆಗಳನ್ನೂ ದಾಟಿಕೊಂಡು ಮುಂದೆ ಸಾಗಬಹುದೆಂಬುದಕ್ಕೆ ಡಾ. ಕೊರಂಗ್ರಪಾಡಿ ಪ್ರಕಾಶ್ ಶೆಟ್ಟಿಯವರೇ ನಿದರ್ಶನ.

ಈ ಮಾತನ್ನು ಕರ್ನಾಟಕದ ಉಡುಪಿ ಜಿಲ್ಲೆಯ ಕೊರಂಗ್ರಪಾಡಿ ಎಂಬ ಸಣ್ಣ ಹಳ್ಳಿಯಲ್ಲಿ ಜನಿಸಿದ ಪ್ರಕಾಶ್ ಶೆಟ್ಟಿಯವರು ಹೊಟೇಲ್‌ ರಂಗದಲ್ಲಿ ತಾವು ಮಾಡಿದ ಅದ್ಭುತ ಸಾಧನೆಗಳೊಂದಿಗೆ ನಿರೂಪಿಸಿದ್ದಾರೆ. ಈ ಅಪ್ರತಿಮ ಸಾಧಕರ ಬಗ್ಗೆ ಇಲ್ಲಿ ತಿಳಿಯೋಣ.

ರೈತಾಪಿ ಕುಟುಂಬದಲ್ಲಿ ಆರಂಭಗೊಂಡ ಡಾ. ಶೆಟ್ಟಿಯವರ ಬದುಕಿನ ಮಹತ್ವಾಕಾಂಕ್ಷೆಯ ಪಯಣ 400 ಕೋಟಿ ರುಪಾಯಿಗಳ ವ್ಯಾಪಾರ ಸಾಮ್ರಾಜ್ಯದ ಸ್ಥಾಪನೆಯೆಡೆಗೆ ಸಾಗಿತು. ಇಂದು, ಅವರ ಉದ್ಯಮಗಳು ಪ್ರತ್ಯಕ್ಷವಾಗಿ ಮತ್ತು ಪರೋಕ್ಷವಾಗಿ 4,000ಕ್ಕೂ ಹೆಚ್ಚು ಜನರಿಗೆ ಉದ್ಯೋಗಾವಕಾಶ ಒದಗಿಸಿವೆ.

ಉಡುಪಿ ಜಿಲ್ಲೆಯ ಕೊರಂಗ್ರಪಾಡಿಯಲ್ಲಿ ಜುಲೈ 21, 1959ರಂದು ಪ್ರಕಾಶ್ ಶೆಟ್ಟಿ ಜನಿಸಿದರು. ಅವರು ತಮ್ಮ ಪ್ರಾಥಮಿಕ ಶಿಕ್ಷಣವನ್ನು ಸ್ವಗ್ರಾಮದಲ್ಲೇ ಪೂರ್ಣಗೊಳಿಸಿದರು. ಅನಂತರ ಉನ್ನತ ವ್ಯಾಸಂಗಕ್ಕಾಗಿ ಉಡುಪಿಗೆ ತೆರಳಿದರು. ಪೂರ್ಣಪ್ರಜ್ಞಾ ಕಾಲೇಜಿನಿಂದ ಬಿಬಿಎಂ ಪದವಿ ಶಿಕ್ಷಣ ಪಡೆದರು. ಪದವಿಯ ನಂತರ, ಅವರು ಬೆಂಗಳೂರಿನಲ್ಲಿ ಉದ್ಯೋಗವನ್ನಾಶ್ರಯಿಸಿದರು. ಆದರೆ, ಅವರ ಮನಸು ಸದಾಕಾಲ ಉದ್ಯಮಶೀಲತೆಯತ್ತ ಕೇಂದ್ರೀ‍ಕೃತವಾಗಿತ್ತು. ತಮ್ಮ ಕೆಲಸಕ್ಕೆ ರಾಜೀನಾಮೆ ನೀಡಿದ ಡಾ.ಶೆಟ್ಟಿ 50,000 ರುಪಾಯಿ ಸಾಲ ಪಡೆದು ಒಂದು ಮುದ್ರಣಾಲಯವನ್ನು ಸ್ಥಾಪಿಸಿದರು. ಅವರ ಉದ್ಯಮಶೀಲ ಪ್ರಯಾಣದ ಆರಂಭದ ಹೆಜ್ಜೆ ಇದಾಗಿತ್ತು.

ಡಾ. ಶೆಟ್ಟಿಯವರ ವಿವಾಹ ಆಶಾ ಶೆಟ್ಟಿ ಅವರೊಂದಿಗೆ ನೆರವೇರಿತು. ದಂಪತಿಗೆ ಗಂಡು ಮಗು ಹುಟ್ಟಿದಾಗ ಆತನಿಗೆ ಗೌರವ್ ಎಂದು ನಾಮಕರಣ ಮಾಡಿದರು. ಆನಂತರ ಡಾ. ಪ್ರಕಾಶ್‌ ಶೆಟ್ಟಿ ಎಂಆರ್‌ಜಿ ಗ್ರೂಪ್ಅನ್ನು ಸ್ಥಾಪಿಸಿದರು. ಅದರ ಹೆಸರಿಗಾಗಿ ತಮ್ಮ ಪ್ರೀತಿಪಾತ್ರರಾದ ತಂದೆ ಮಾಧವ್, ತಾಯಿ ರತ್ನ, ಮತ್ತು ಮಗ ಗೌರವ್‌ರ ಹೆಸರುಗಳ ಆಂಗ್ಲ ಮೊದಲಾಕ್ಷರವನ್ನಾಯ್ದುಕೊಂಡು MRG (ಎಂಆರ್‌ಜಿ) ಗ್ರೂಪ್‌ ಆರಂಭಿಸಿದರು.

ಮುದ್ರಣ ವ್ಯವಹಾರದಲ್ಲಿ ಸೀಮಿತ ಲಾಭ ಕಂಡ ಡಾ. ಶೆಟ್ಟಿ, ಆತಿಥ್ಯ ಮತ್ತು ಆಹಾರ ವಲಯವನ್ನು ಪ್ರವೇಶಿಸಿದರು. ಅವರು 1993ರಲ್ಲಿ ಫೈನ್‌ಡೈನ್‌ ರೆಸ್ಟೋರೆಂಟ್ ಬಂಜಾರವನ್ನು ಆರಂಭಿಸಿದರು. ಶೀಘ್ರದಲ್ಲೇ ಅದು ಯಶಸ್ವಿಯಾಯಿತು. ಗ್ರಾಹಕರ ಪ್ರತಿಕ್ರಿಯೆಯಿಂದ ಉತ್ತೇಜಿತರಾದ ಅವರು, ಗೋಲ್ಡ್‌ ಫಿಂಚ್ ಹೊಟೇಲ್‌ಗಳ ಬ್ರ್ಯಾಂಡ್ಅನ್ನು ಪರಿಕಲ್ಪನೆಗೆ ತಂದರು. ಮೊದಲಿಗೆ ಹೊಟೇಲನ್ನು ಮಂಗಳೂರಿನಲ್ಲಿ ಪ್ರಾರಂಭಿಸಿ, ದೆಹಲಿಯ ಬಳಿಯ ಸೂರಜ್‌ಕುಂಡ್ ಸೇರಿದಂತೆ ಬೆಂಗಳೂರು, ಗೋವಾ, ಮುಂಬಯಿ ಮತ್ತು ದೆಹಲಿ ಎನ್‌ಸಿಆರ್‌ಗೆ ಗೋಲ್ಡ್‌ ಫಿಂಚ್ ಹೊಟೇಲ್‌ಗಳು ವಿಸ್ತರಿಸಿದರು.

ಕರ್ನಾಟಕದಲ್ಲಿ 1997ರಲ್ಲಿ ನಡೆದ ರಾಷ್ಟ್ರೀಯ ಕ್ರೀಡಾಕೂಟದ ಊಟದ ವ್ಯವಸ್ಥೆಗಾಗಿ ಬಂಜಾರ ರೆಸ್ಟೋರೆಂಟ್‌ ಅಧಿಕೃತವಾಗಿ ಆಯ್ಕೆಯಾಯಿತು. ಈ ಸಂದರ್ಭದಲ್ಲಿ ಡಾ. ಶೆಟ್ಟಿಯವರು ನೀಡಿದ ಐಷಾರಾಮಿ ಆತಿಥ್ಯವು ಅವರ ಖ್ಯಾತಿಯನ್ನು ಉತ್ತುಂಗಕ್ಕೇರಿಸಿತು. ಅವರ ಅದ್ಭುತ ಆತಿಥ್ಯಕ್ಕೆ ಮಾರುಹೋಗಿ 1999ರಲ್ಲಿ ಮಣಿಪುರದಲ್ಲಿ ನಡೆದ ರಾಷ್ಟ್ರೀಯ ಕ್ರೀಡಾಕೂಟಕ್ಕೂ ಊಟದ ವ್ಯವಸ್ಥೆ ಒದಗಿಸುವುದಕ್ಕಾಗಿ ಬಂಜಾರ ರೆಸ್ಟೋರೆಂಟ್‌ ಅಧಿಕೃತವಾಗಿ ಆಯ್ಕೆಯಾಯಿತು. ಆನಂತರ ಅವರಿಗೆ ಆತಿಥ್ಯ ಉದ್ಯಮದಲ್ಲಿ ರಾಷ್ಟ್ರವ್ಯಾಪಿ ಮನ್ನಣೆ ದೊರೆಯತೊಡಗಿತು.

ರಿಯಲ್ ಎಸ್ಟೇಟ್ ಉದ್ಯಮವು ಪ್ರವರ್ಧಮಾನಕ್ಕೆ ಬರುತ್ತಿದ್ದಂತೆ, ಬೆಂಗಳೂರಿನ ಬಿಟಿಎಂ ಲೇಔಟ್‌ನಲ್ಲಿರುವ ಅಹಿಕಾ ಅಪಾರ್ಟ್‌ಮೆಂಟ್‌ಗಳ ನಿರ್ಮಾಣದೊಂದಿಗೆ ಎಂಆರ್‌ಜಿ ಗ್ರೂಪ್ ಈ ವಲಯಕ್ಕೆ ಕಾಲಿಟ್ಟಿತು. ಇಂದು, ಪ್ರೆಸ್ಟೀಜ್ ಗ್ರೂಪ್ ಮತ್ತು ಇತರ ಪ್ರತಿಷ್ಠಿತ ಸಂಸ್ಥೆಗಳೊಂದಿಗೆ ಸಹಯೋಗದಲ್ಲಿ ಎಂಆರ್‌ಜಿ ದೊಡ್ಡ ಪ್ರಮಾಣದ ಯೋಜನೆಗಳನ್ನು ನಿರ್ವಹಿಸುತ್ತಿದೆ. ರಿಯಲ್ ಎಸ್ಟೇಟ್ ಉದ್ಯಮದಲ್ಲಿ ಕರ್ನಾಟಕ, ಮಹಾರಾಷ್ಟ್ರ, ಗೋವಾ ಮತ್ತು ದೆಹಲಿಗೆ ಎಂಆರ್‌ಜಿ ಗ್ರೂಪ್‌ನ ವಹಿವಾಟು ವ್ಯಾಪಿಸಿದೆ. ಇಂದು 1,000 ಎಕರೆಗಳಿಗಿಂತ ಹೆಚ್ಚು ಭೂ ಮಾಲೀಕತ್ವ ಹೊಂದಿರುವ ಎಂಆರ್‌ಜಿ ಗ್ರೂಪ್‌ ಪ್ರಸ್ತುತ ಮಂಗಳೂರಿನಲ್ಲಿ ಗೋಲ್ಡ್‌ಫಿಂಚ್ ಸಿಟಿ ಎಂಬ ಹೆಸರಿನ 104 ಎಕರೆಗಳ ಬೃಹತ್ ಸಮಗ್ರ ಟೌನ್‌ಶಿಪ್ಅನ್ನು ಅಭಿವೃದ್ಧಿಪಡಿಸುತ್ತಿದೆ. ಅಲ್ಲಿ ವಸತಿ ಅಪಾರ್ಟ್‌ಮೆಂಟ್‌ಗಳು, ಶಾಲೆಗಳು, ಆಸ್ಪತ್ರೆಗಳು, ಹೈಪರ್‌ಮಾರ್ಕೆಟ್‌ಗಳು, ಮಾಲ್‌ಗಳು, ಹೊಟೇಲ್‌ಗಳು, ಮಲ್ಟಿಪ್ಲೆಕ್ಸ್‌ಗಳು ಮತ್ತು ಔತಣಕೂಟ ಸೌಲಭ್ಯಗಳೂ ಲಭ್ಯವಿವೆ.

ಡಾ. ಶೆಟ್ಟಿ ಸಮಾಜಸೇವೆಯಲ್ಲೂ ಸಕ್ರಿಯವಾಗಿ ತೊಡಗಿಕೊಂಡಿದ್ದಾರೆ. COVID-19 ಸಾಂಕ್ರಾಮಿಕದ ಸಮಯದಲ್ಲಿ, ಎಂಆರ್‌ಜಿ ಗ್ರೂಪ್ 20,000ಕ್ಕೂ ಹೆಚ್ಚು ಕುಟುಂಬಗಳಿಗೆ ಊಟವನ್ನೊದಗಿಸಿತ್ತು. ಪ್ರತಿ ವರ್ಷ ಸಾವಿರಾರು ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿವೇತನವನ್ನು ನೀಡುತ್ತ ದೀನದಲಿತರಿಗೆ ಆರ್ಥಿಕ ಸಹಾಯವನ್ನೂ ಈ ಸಂಸ್ಥೆ ಒದಗಿಸುತ್ತಿದೆ.

ಪ್ರವಾಸೋದ್ಯಮಕ್ಕೆ ಇಂಧನ ತುಂಬಿದ ಕೆ.ಜೆ. ಜಾರ್ಜ್; ಕರ್ನಾಟಕದ ಪ್ರವಾಸೋದ್ಯಮಕ್ಕೆ ಹೊಸ ದಿಕ್ಕು-ಸಚಿವರ ದೂರದೃಷ್ಟಿಯ ನಾಯಕತ್ವ

ಡಾ. ಶೆಟ್ಟಿ ಅವರ ಸಾಧನೆಗಳನ್ನು ಗುರುತಿಸಿ, ಮಂಗಳೂರು ವಿಶ್ವವಿದ್ಯಾನಿಲಯವು ತನ್ನ 42ನೆಯ ವಾರ್ಷಿಕ ಘಟಿಕೋತ್ಸವದಲ್ಲಿ ಅವರಿಗೆ ಗೌರವ ಡಾಕ್ಟರೇಟ್ ನೀಡಿತು. ಕರ್ನಾಟಕದ ರಾಜ್ಯಪಾಲ ಥಾವರ್‌ಚಂದ್ ಗೆಹ್ಲೋಟ್ ಅವರ ಅಧ್ಯಕ್ಷತೆಯಲ್ಲಿ ಈ ಕಾರ್ಯಕ್ರಮವು ನೆರವೇರಿತು.

ಆತಿಥ್ಯ, ರಿಯಲ್ ಎಸ್ಟೇಟ್ ಮತ್ತು ಸಮಾಜಸೇವೆಯ ರಂಗಗಳಲ್ಲಿ ಅವಿರತ ಪರಿಶ್ರಮದ ಮೂಲಕ, ವ್ಯಾಪಾರ ಪ್ರಪಂಚ ಮತ್ತು ಸಮಾಜದ ಮೇಲೆ ಶಾಶ್ವತ ಪ್ರಭಾವ ಬೀರುತ್ತಿದ್ದಾರೆ ಡಾ. ಕೊರಂಗ್ರಪಾಡಿ ಪ್ರಕಾಶ್ ಶೆಟ್ಟಿ.