Bhagya Lakshmi Serial: ಭಾಗ್ಯ ಮನೆಯಲ್ಲಿ ಕಳ್ಳತನ: ಆದೀ ಕೊಟ್ಟ 25 ಲಕ್ಷ ಕಾಣೆ

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ‘ಭಾಗ್ಯಲಕ್ಷ್ಮೀ’ (Bhagya Lakshmi) ಧಾರಾವಾಹಿಯಲ್ಲಿ ಭಾಗ್ಯಾಗೆ ಒಂದರ ಹಿಂದೆ ಒಂದರಂತೆ ಸಂಕಷ್ಟ ಎದುರಾಗುತ್ತಲೇ ಇದೆ. ತಾನು ಮಾಡಿಲ್ಲದ ತಪ್ಪಿಗೆ ಭಾಗ್ಯ ಅರೆಸ್ಟ್ ಆಗಿ ಸ್ಟೇಷನ್​ಗೆ ಹೋಗುವಂತಾಯಿತು. ಬಳಿಕ ಆದೀಶ್ವರ್ ಬಂದು ಎಲ್ಲ ಸರಿ ಮಾಡಿ ಇಬ್ಬರೂ ಹೊರಬಂದಿದ್ದಾರೆ. ಇದೆಲ್ಲ ಮುಗಿದ ಮನೆಗೆ ಬಂದ ಬಳಿಕ ಭಾಗ್ಯಾಗೆ ಮತ್ತೊಂದು ಆಘಾತ ಉಂಟಾಗಿದೆ. ಭಾಗ್ಯಾಳ ಕೆಲಸ ಮೆಚ್ಚಿ ಆದೀ ಕೊಟ್ಟ 25 ಲಕ್ಷ ಭಾಗ್ಯ ಮನೆಯಿಂದ ಕಳ್ಳತನವಾಗಿದೆ. ಸ್ಯೂಟ್ ಕೇಸ್​ನಲ್ಲಿ ಹಣವೆಲ್ಲ ಮಂಗಮಾಯವಾಗಿದೆ.

ಈ ಹಿಂದೆ ಆದೀಶ್ವರ್ ಹಾಗೂ ತಾಂಡವ್ ಪ್ರಾಜೆಕ್ಟ್ ಪ್ರೆಸೆಂಟೇಷನ್ ಸಂದರ್ಭದಲ್ಲಿ ಬಹುಮುಖ್ಯ ಫೈಲ್‌ವೊಂದನ್ನ ಮಿಸ್ ಮಾಡಿಕೊಂಡಿದ್ದರು. ಅದೇ ಫೈಲ್‌ ಅನ್ನು ಭಾಗ್ಯ ಸರಿಯಾದ ಸಮಯಕ್ಕೆ ಆಫೀಸ್​ಗೆ ಬಂದು ತಂದುಕೊಟ್ಟಳು. ಭಾಗ್ಯ ಸಮಯಪ್ರಜ್ಞೆಯಿಂದ ಪ್ರಾಜೆಕ್ಟ್ ಓಕೆ ಆಯ್ತು. ಹೀಗಾಗಿ, ಭಾಗ್ಯಗೆ ಪ್ರಾಜೆಕ್ಟ್‌ನಲ್ಲಿ ಪಾಲು ಕೊಡುವ ರೂಪದಲ್ಲಿ 25 ಲಕ್ಷ ರೂಪಾಯಿಯನ್ನ ಆದಿ ನೀಡಿದನು. ಆದರೆ, ಆ ಹಣವನ್ನ ಸ್ವೀಕರಿಸಲು ಭಾಗ್ಯ ತಯಾರಿರಲಿಲ್ಲ.

ಹೆಚ್ಚು ದುಡ್ಡಿನಿಂದ ಭಾರವಾಗುತ್ತಿದೆ ಎಂದು ಭಾಗ್ಯ ಪದೇ ಪದೇ ಹೇಳಿದಳು. ಆಫೀಸ್​ಗೆ ಬಂದು ಆ ಹಣವನ್ನು ಪುನಃ ಆದೀಗೆ ನೀಡಲು ಮುಂದಾದಳು. ಆದರೆ, ಇದಕ್ಕೆ ಒಪ್ಪದ ಆದೀಶ್ವರ್, ಭಾಗ್ಯಳಂತೆ ತಾನೂ ಮಿಡಲ್‌ ಕ್ಲಾಸ್‌ ಜೀವನ ನಡೆಸುತ್ತೇನೆ. ಈ ಚಾಲೆಂಜ್‌ನಲ್ಲಿ ಗೆದ್ದರೆ ಭಾಗ್ಯ 25 ಲಕ್ಷ ರೂಪಾಯಿ ತೆಗೆದುಕೊಳ್ಳಬೇಕು ಇಲ್ಲಾಂದ್ರೆ ಬಿಸಿನೆಸ್‌ ಪಾರ್ಟ್ನರ್ ಆಗಬೇಕು ಅಂತ ಆದೀಶ್ವರ್ ಸವಾಲು ಹಾಕಿದ್ದಾನೆ. ಒಂದು ವಾರ ನಾನು ನಿಮ್ಮತರ ಜೀವನ ಮಾಡಿ ನೋಡ್ತೀನಿ.. ಅದೇನೊ ಕಷ್ಟ ಅದು-ಇದು ಅಂತ ಹೇಳ್ತೀತಿ ಅಲ್ವಾ ಅದೇನು ಅಂತ ನಾನೂ ನೋಡ್ತೀನಿ ಎಂದು ಹೇಳಿ ಸಾಮಾನ್ಯ ಜೀವನ ನಡೆಸಿದ್ದಾನೆ.

ಅದರಂತೆ ಆದೀ ಕೊನೆಯ ದಿನದ ಕೊನೆಯ ಕ್ಷಣದ ವರೆಗೆ ಕಷ್ಟಪಟ್ಟು ಚಾಲೆಂಜ್ ಮಾಡಿದ್ದಾನೆ. ಅಂತಿಮವಾಗಿ ಭಾಗ್ಯ ಹಾಗೂ ಆದೀಶ್ವರ್ ಒಂದು ನಿರ್ಧಾರಕ್ಕೆ ಬರುತ್ತಾರೆ. ಈ ಮಿಡಲ್ ಕ್ಲಾಸ್ ಜೀವನ ಎಷ್ಟು ಸೂಕ್ಷ್ಮ, ಎಷ್ಟು ಕಷ್ಟ ಎಂಬುದು ನನಗೆ ಅರ್ಥವಾಗಿದೆ.. ಬೇರೆಯವರ ಹಣ ತೆಗೆದುಕೊಂಡರೆ ಏನೆಲ್ಲ ತೊಂದರೆ ಇದೆ ಎಂಬುದು ನನಗೆ ಗೊತ್ತಾಗಿದೆ.. ಆ ಹಣ ಭಾಗ್ಯಾಳಿಗೆ ಕಷ್ಟ ಆಗಬಹುದು.. ನಾನೇ ವಾಪಾಸ್ ತೆಗೆದುಕೊಳ್ಳುತ್ತೇನೆ ಎಂದು ಆದೀಶ್ವರ್ ಅಂದುಕೊಂಡಿದ್ದಾನೆ.

ಮತ್ತೊಂದೆಡೆ ಭಾಗ್ಯ, ಪಾಪಾ ಆದೀ ಅವರು ನಾನು ಈ ಹಣ ತೆಗೆದುಕೊಳ್ಳಬೇಕೆಂದು ಎಷ್ಟೆಲ್ಲ ಕಷ್ಟ ಪಟ್ಟಿದ್ದಾರೆ. ಅವರ ಸಂಪೂರ್ಣ ವಿರುದ್ಧದ ಜೀವನ ಶೈಲಿ ನಡೆಸಿ, ದಿನಕ್ಕೆ 150 ರೂ. ಪಾತ್ರ ಖರ್ಚು ಮಾಡಿ, ಎರಡು ಪ್ರತಿ ಡ್ರೆಸ್ ಮಾತ್ರ ಹಾಕಿ, ಆಫೀಸ್​ಗೆ ಬಸ್​ನಲ್ಲಿ ಹೋಗಿ ನಾನು ಹಣ ತೆಗೆದುಕೊಳ್ಳಬೇಕೆಂದು ಎಷ್ಟು ಶ್ರಮ ಹಾಕಿದ್ದಾರೆ.. ಈ ಚಾಲೆಂಜ್​ನಲ್ಲಿ ಅವರು ಗೆದ್ದಿದ್ದಾರೆ.. ಇನ್ನುಕೂಡ ನಾನು ಈ ಹಣ ತೆಗೆದುಕೊಂಡಿಲ್ಲ ಅಂದ್ರೆ ಅದು ಸರಿ ಇರುವುದಿಲ್ಲ ಎಂದು ಭಾಗ್ಯ ಅಂದುಕೊಂಡಿದ್ದಾಳೆ.

ಕೊನೆಗೆ ಭಾಗ್ಯಾನೇ ಆದೀಶ್ವರ್ ಬಳಿ ನೀವು ಈ ಚಾಲೆಂಜ್ ಗೆದ್ದಿದ್ದೀರ ನಾನು 25 ಲಕ್ಷ ಹಣವನ್ನು ತೆಗೆದುಕೊಳ್ಳುತ್ತೇನೆ ಎಂದು ಹೇಳಿದ್ದಾಳೆ. ಈ ಮಾತು ಕೇಳಿ ಆದೀಗೆ ಶಾಕ್ ಆದರೂ ಒಂದುಕಡೆಯಿಂದ ಖುಷಿ ಆಗಿದೆ. ಸರಿ ಎನ್ನುತ್ತಾನೆ ಆದೀ. ಪುನಃ ಆದೀ ಅವರೇ ಭಾಗ್ಯಾಗೆ ಆ ಹಣ ನೀಡಲಿ ಎಂದು ಭಾಗ್ಯಾಳ ಮಾವ ರೂಮ್​ನಿಂದ ಸ್ಯೂಟ್ ಕೇಸ್ ತಂದು ಕೊಡುತ್ತಾನೆ. ಆದರೆ, ಆದೀಶ್ವರ್ ಸ್ಯೂಟ್ ಕೇಸ್ ಓಪನ್ ಮಾಡಿ ನೋಡಿದಾಗ ಅದರಲ್ಲಿ ಏನೂ ಇರುವುದಿಲ್ಲ. ಇದನ್ನು ಕಂಡು ಮನೆಯವರಿಗೆ ಆಘಾತವಾಗುತ್ತದೆ.

ಬಹುಶಃ ಕಳ್ಳತನ ಆಗಿರಬೇಕೆಂದು ಅಂದುಕೊಳ್ಳುತ್ತಾರೆ. ಮನೆಯವರೆಲ್ಲ ಇಡೀ ರೂಮ್​ಗೆ ತೆರಳಿ ಹಣ ಇದೆಯಾ ಎಂದು ಹುಡುಕಿದ್ದಾರೆ. ಬಳಿಕ ಕುಸುಮಾ, ನಮ್ಮ ಮನೆಯ ಹಿಂದಿನ ಡೋರ್ ಸರಿಯಿಲ್ಲ.. ನಿನ್ನೆಯಷ್ಟೆ ಅದನ್ನು ಸರಿ ಮಾಡಿದ್ದು ಎಂದು ಹೇಳುತ್ತಾಳೆ. ಆಗ ಕಳ್ಳತನ ಆಗಿರುವುದು ಖಚಿತವಾಗಿದೆ. ಭಾಗ್ಯ ಹಾಗೂ ಆದೀ ಪೊಲೀಸ್ ಸ್ಟೇಷನ್​ಗೆ ತೆರಳಿ ಕಂಪ್ಲೆಂಟ್ ಕೊಡುತ್ತಾರೆ. ಇದೇ ಸಮಯದಲ್ಲಿ ತಾಂಡ್ ಆದೀಗೆ ಕಾಲ್ ಮಾಡಿ ಎಲ್ಲಿದ್ದೀರ ಎಂದು ಕೇಳುತ್ತಾನೆ.

ಆದೀ ಸ್ಟೇಷನ್​ನಲ್ಲಿ ಇರುವ ಸುದ್ದಿ ಕೇಳಿ ತಾಂಡವ್ ಕೂಡ ಅಲ್ಲಿಗೆ ಬಂದಿದ್ದಾನೆ. ಭಾಗ್ಯ ಮನೆಯಿಂದ 25 ಲಕ್ಷ ಕಳುವಾದ ಸುದ್ದಿ ಕೇಳಿ ತಾಂಡವ್​ಗೆ ಕೋಪ ಬರುತ್ತದೆ. ನಾನು ಅವತ್ತೇ ಹೇಳಿದೆ ನಿಮ್ ಹತ್ರ, ಇವರಿಗೆ ಬೇಕರಿಯಿಂದ ಸ್ವೀಟ್ ತೆಗೊಂಡು ಹೋದ್ರೆ ಸಾಕು.. ಈ ಹಣ ಎಲ್ಲ ಏಕೆ ಅಂತ.. ಈಗ ನೋಡಿ ಏನು ಮಾಡಿದ್ದಾರೆ ಅಂತ ಎಂದು ರೇಗಾಡಿದ್ದಾನೆ. ಬಳಿಕ ಪೊಲೀಸರು ಮನೆಯನ್ನು ನೋಡಬೇಕು ಹೋಗೋಣ ಎಂದಿದ್ದಾರೆ. ಸದ್ಯ ತಾಂಡವ್ ಸೇರಿ ಎಲ್ಲರೂ ಭಾಗ್ಯ ಮನೆಗೆ ತೆರಳಿದ್ದಾರೆ. ಈ ಕಳ್ಳತನ ಯಾರು ಮಾಡಿದ್ರು..?, 25 ಲಕ್ಷ ಪುನಃ ಸಿಗುತ್ತ?, ಈ ಕಳ್ಳತನಕ್ಕೂ ಕನ್ನಿಕಾಗೂ ಸಂಬಂಧ ಇದೆಯೇ? ಎಂಬುದೆಲ್ಲ ಮುಂದಿನ ಸಂಚಿಕೆಯಲ್ಲಿ ನೋಡಬೇಕಿದೆ.

Mokshitha Pai: ಬಿಗ್ ಬಾಸ್ ಮೋಕ್ಷಿತಾ ನಟನೆಯ ಮಿಡಲ್ ಕ್ಲಾಸ್ ರಾಮಾಯಣ ಸಿನಿಮಾದ ಟ್ರೈಲರ್ ರಿಲೀಸ್