ತೆಲಂಗಾಣ ಸೇನಾ ನೆಲೆಯಿಂದ 4 ಎಕೆ-203 ರೈಫಲ್ ಸೇರಿ11 ಶಸ್ತ್ರಾಸ್ತ್ರಗಳ ಕಳವು
Army Weapons Theft: ತೆಲಂಗಾಣದ ಸಿಕಂದರಾಬಾದ್ ಕಂಟೋನ್ಮೆಂಟ್ ಪ್ರದೇಶದಲ್ಲಿರುವ ಮದ್ರಾಸ್ ರೆಜಿಮೆಂಟ್ನ ಅತ್ಯಂತ ಸುರಕ್ಷಿತ ಶಸ್ತ್ರಾಗಾರದಿಂದ ಅತ್ಯಾಧುನಿಕ ಶಸ್ತ್ರಾಸ್ತ್ರಗಳು ಮತ್ತು ಮದ್ದುಗುಂಡುಗಳ ಕಳವು ಮಾಡಲಾಗಿದೆ. ಈ ಬಗ್ಗೆ ತೆಲಂಗಾಣ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಆಗಸ್ಟ್ 30 ರಾತ್ರಿ ಕಳವು ನಡೆದಿರಬಹುದು ಎನ್ನಲಾಗಿದೆ.
ಸಾಂದರ್ಭಿಕ ಚಿತ್ರ -
ಹೈದರಾಬಾದ್, ಸೆ. 3: ತೆಲಂಗಾಣದ (Telangana) ಸೇನಾ ನೆಲೆಯಿಂದ 4 ಎಕೆ-203 ರೈಫಲ್ಗಳು ಸೇರಿ 11 ಶಸ್ತ್ರಾಸ್ತ್ರಗಳನ್ನು ಕಳವು ಮಾಡಲಾಗಿದೆ (Army Weapons Theft). ಸಿಕಂದರಾಬಾದ್ ಕಂಟೋನ್ಮೆಂಟ್ ಪ್ರದೇಶದಲ್ಲಿರುವ ಮದ್ರಾಸ್ ರೆಜಿಮೆಂಟ್ನ ಅತ್ಯಂತ ಸುರಕ್ಷಿತ ಶಸ್ತ್ರಾಗಾರದಿಂದ ಅತ್ಯಾಧುನಿಕ ಶಸ್ತ್ರಾಸ್ತ್ರಗಳು ಮತ್ತು ಮದ್ದುಗುಂಡುಗಳ ಕಳವು ತೆಲಂಗಾಣ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಘಟನೆಯಲ್ಲಿ ಆವರಣದೊಳಗಿನ ಸಿಬ್ಬಂದಿ ಭಾಗಿಯಾಗಿರುವ ಶಂಕೆಯಿದೆ ಎಂದು ಶಂಕಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಭಾನುವಾರ (ಆಗಸ್ಟ್ 30) ರಾತ್ರಿ ಕಳವು ನಡೆದಿರಬಹುದು ಎನ್ನಲಾಗಿದ್ದು, ಸೋಮವಾರ (ಆಗಸ್ಟ್ 31) ಬೆಳಗ್ಗೆ 7.50ರ ಸುಮಾರಿಗೆ ಸೇನಾ ಸಿಬ್ಬಂದಿ ಬೊಲ್ಲಾರಮ್ನಲ್ಲಿರುವ ಕೋಟ್ ಮತ್ತು ಬೆಟಾಲಿಯನ್ ಮ್ಯಾಗಜೀನ್ (ಮದ್ದುಗುಂಡುಗಳ ಸಂಗ್ರಹ) ತೆರೆದಾಗ, ಶಸ್ತ್ರಾಸ್ತ್ರಗಳು ಮತ್ತು ಮದ್ದುಗುಂಡುಗಳನ್ನು ಹೊಂದಿದ್ದ ಬೀಗ ಮತ್ತು ಪೆಟ್ಟಿಗೆ ಮುರಿದಿರುವುದು ಕಂಡುಬಂತು.
ಕಾಣೆಯಾದ ಶಸ್ತ್ರಾಸ್ತ್ರಗಳಲ್ಲಿ 4 ಎಕೆ-203 ಅಸಾಲ್ಟ್ ರೈಫಲ್ಗಳು, 5.56 ಎಂಎಂ INSAS ರೈಫಲ್, ಆರು 9 ಎಂಎಂ ಆಟೋ ಪಿಸ್ತೂಲ್ಗಳು ಮತ್ತು 6.35-ಬೋರ್ ಸಿವಿಲಿಯನ್ ಪಿಸ್ತೂಲ್, 21 ಮ್ಯಾಗಜೀನ್ಗಳು ಮತ್ತು ಒಂದು ಪ್ಯಾಸಿವ್ ನೈಟ್ ವಿಷನ್ ಬೈನಾಕ್ಯುಲರ್ ಸೇರಿವೆ. ಕದ್ದ ವಸ್ತುಗಳು ಸುಮಾರು 15 ಲಕ್ಷ ರೂಪಾಯಿ ಮೌಲ್ಯದ್ದು ಎನ್ನಲಾಗಿದೆ.
ಭಾರತೀಯ ವಾಯುಪಡೆ ಹೆಲಿಕಾಪ್ಟರ್ ಹೊಡೆದುರುಳಿಸಿದ ಪಾಕ್ ಸೇನೆ? ವೈರಲ್ ವಿಡಿಯೋದ ಅಸಲಿ ಕತೆ
ಸೇನಾ ಅಧಿಕಾರಿಗಳು ಆರಂಭಿಕ ಆಂತರಿಕ ತನಿಖೆ ನಡೆಸಿದ ನಂತರ, ಸೋಮವಾರ ಮಧ್ಯಾಹ್ನ 3 ಗಂಟೆಯ ಸುಮಾರಿಗೆ ಬೊಲ್ಲಾರಂ ಪೊಲೀಸ್ ಠಾಣೆಯಲ್ಲಿ ಅಧಿಕೃತ ದೂರು ದಾಖಲಿಸಿದ್ದಾರೆ. ಆಯುಧಾಗಾರದಲ್ಲಿ ಕಳವು ನಡೆದಿರುವ ಸ್ಥಳವನ್ನು ಪರಿಶೀಲಿಸಿದ ಮಲ್ಕಾಜ್ಗಿರಿ ಪೊಲೀಸ್ ಕಮಿಷನರ್ ಬಿ. ಸುಮತಿ, ಈ ಪ್ರಕರಣದ ತನಿಖೆಗಾಗಿ ವಿಶೇಷ ತಂಡಗಳನ್ನು ರಚಿಸಲಾಗಿದೆ ಎಂದು ತಿಳಿಸಿದ್ದಾರೆ. ಅತ್ಯಂತ ಕಠಿಣ ಮಿಲಿಟರಿ ಭದ್ರತೆ ಇರುವ ವಲಯದಲ್ಲಿ ಆಯುಧಗಳಿದ್ದ ಕೊಠಡಿಯ ಬೀಗ ಒಡೆದು ಒಳನುಗ್ಗಲು ಕಳ್ಳರು ಹೇಗೆ ಯಶಸ್ವಿಯಾದರು ಎಂಬ ಬಗ್ಗೆ ಪೊಲೀಸರು ತೀವ್ರ ತನಿಖೆ ನಡೆಸುತ್ತಿದ್ದಾರೆ ಎಂದು ಅವರು ಹೇಳಿದ್ದಾರೆ.
ಆವರಣದೊಳಗಿನ ಸಿಬ್ಬಂದಿ ಭಾಗಿಯಾಗಿರುವ ಸಾಧ್ಯತೆಯನ್ನು ನಾವು ಪರಿಶೀಲಿಸುತ್ತಿದ್ದೇವೆ ಎಂದು ಅವರು ಹೇಳಿದರು. ಸಿಬ್ಬಂದಿಯನ್ನು ಪ್ರಶ್ನಿಸಲಾಗುತ್ತಿದ್ದು, ಸ್ಥಳದಿಂದ ಬೆರಳಚ್ಚುಗಳು ಮತ್ತು ಇತರ ಸಾಕ್ಷ್ಯಗಳನ್ನು ಸಂಗ್ರಹಿಸಲಾಗುತ್ತಿದೆ ಎಂದು ಹೇಳಿದರು.
ಕೋಟೆ ಮತ್ತು ಬೆಟಾಲಿಯನ್ ಮ್ಯಾಗಜೀನ್ ಅನ್ನು ಮುಚ್ಚುವ ಮುನ್ನ, ಆಗಸ್ಟ್ 30ರಂದು ಸಂಜೆ 6 ಗಂಟೆಯ ಸುಮಾರಿಗೆ ಶಸ್ತ್ರಾಸ್ತ್ರಗಳು ಮತ್ತು ಮದ್ದುಗುಂಡುಗಳನ್ನು ಕೊನೆಯ ಬಾರಿಗೆ ಪರಿಶೀಲಿಸಿ ಲೆಕ್ಕ ಇಡಲಾಗಿತ್ತು. ಅವು ನಿಖರವಾಗಿ ಯಾವ ಸಂದರ್ಭದಲ್ಲಿ ಮತ್ತು ಯಾವ ಸಮಯದಲ್ಲಿ ನಾಪತ್ತೆಯಾಗಿವೆ ಎಂಬುದು ಸದ್ಯಕ್ಕೆ ತಿಳಿದುಬಂದಿಲ್ಲ ಎಂದು ಎಫ್ಐಆರ್ನಲ್ಲಿ ತಿಳಿಸಲಾಗಿದೆ.