Independence Day Nail Art 2025: ರಾಷ್ಟ್ರ ಪ್ರೇಮ ಬಿಂಬಿಸುವ ನೇಲ್ ಆರ್ಟ್‌ಗಳಿವು
Independence Day 2025: ಸ್ವಾತಂತ್ರ್ಯ ದಿನಾಚರಣೆಗೆ ಕ್ಷಣಗನನೆ ಆರಂಭವಾಗಿದೆ. ಈ ಹಿನ್ನೆಲೆಯಲ್ಲಿ ರಾಷ್ಟ್ರಪ್ರೇಮ ವ್ಯಕ್ತಪಡಿಸುವ ನೇಲ್ ಆರ್ಟ್‌ಗಳು ಟ್ರೆಂಡಿಯಾಗಿವೆ. ಯಾವ್ಯಾವ ಡಿಸೈನ್‌ಗಳು ಈ ನೇಲ್ ಆರ್ಟ್‌ನಲ್ಲಿವೆ? ಎಂಬುದರ ಬಗ್ಗೆ ನೇಲ್ ಆರ್ಟ್ ಡಿಸೈನರ್‌ಗಳು ಇಲ್ಲಿ ವಿವರಿಸಿದ್ದಾರೆ.
ಚಿತ್ರಕೃಪೆ: ಇನ್‌ಸ್ಟಾಗ್ರಾಮ್‌.
ಶೀಲಾ ಸಿ ಶೆಟ್ಟಿ
Aug 14, 2025 10:00 PM
ಸ್ವಾತಂತ್ರ್ಯ ದಿನಾಚಾರಣೆ ಪ್ರಯುಕ್ತ ಈ ಸೀಸನ್‌ನಲ್ಲಿ ರಾಷ್ಟ್ರಪ್ರೇಮ ವ್ಯಕ್ತಪಡಿಸುವ ನೇಲ್ ಆರ್ಟ್‌ಗಳು ಟ್ರೆಂಡಿಯಾಗಿವೆ.
ದೇಶಪ್ರೇಮ ಬಿಂಬಿಸುವ ನೇಲ್ ಆರ್ಟ್
ಹೌದು, ಬ್ಯೂಟಿ ಪ್ರಿಯ ಯುವತಿಯರು ತಂತಮ್ಮ ಉಗುರುಗಳ ಮೇಲೆ ದೇಶ ಪ್ರೇಮ ಬಿಂಬಿಸುವಂತಹ ನಾನಾ ಬಗೆಯ ಚಿತ್ತಾರಗಳನ್ನು ಮೂಡಿಸಿ, ಸೋಷಿಯಲ್ ಮೀಡಿಯಾದಲ್ಲಿ ಫೋಟೋಗಳನ್ನು ಅಪ್‌ಲೋಡ್ ಮಾಡತೊಡಗಿದ್ದಾರೆ. ಪರಿಣಾಮ, ಬ್ಯೂಟಿ ಬ್ಲಾಗ್‌ಗಳಲ್ಲಿ ಇದೀಗ ಈ ನೇಲ್ ಆರ್ಟ್ ಡಿಸೈನ್‌ಗಳದ್ದೇ ಹವಾ ಎನ್ನುತ್ತಾರೆ ನೇಲ್ ಆರ್ಟ್ ಡಿಸೈನರ್ ರಂಜಿತಾ.
ಕ್ರಿಯಾತ್ಮಕ ನೇಲ್ ಆರ್ಟ್ ಡಿಸೈನ್ಸ್
ಇನ್ನು, ನೇಲ್ ಆರ್ಟ್ ಆಯಾ ಸೀಸನ್‌ಗೆ ತಕ್ಕಂತೆ ಬದಲಾಗುತ್ತಿರುತ್ತದೆ. ಕ್ರಿಯಾತ್ಮಕ ನೇಲ್ ಡಿಸೈನರ್‌ಗಳು ತಮ್ಮದೇ ಆದ ಹೊಸ ಬಗೆಯ ಡಿಸೈನ್‌ಗಳನ್ನು ಆಗಾಗ್ಗೆ ಪರಿಚಯಿಸುತ್ತಿರುತ್ತಾರೆ. ಇನ್ನು, ಬ್ಯೂಟಿ ಪ್ರಿಯ ಹುಡುಗಿಯರು ಅಷ್ಟೇ! ಸೀಸನ್ ಅಥವಾ ಸಂದರ್ಭಕ್ಕೆ ತಕ್ಕಂತೆ ತಮ್ಮ ಉಗುರಿನ ನೇಲ್ ವಿನ್ಯಾಸಗಳನ್ನು ಬದಲಿಸುತ್ತಿರುತ್ತಾರೆ. ಇದೀಗ ಕಸ್ಟಮೈಸ್ ನೇಲ್ ಡಿಸೈನ್ ಕೂಡ ಲಭ್ಯವಿರುವುದರಿಂದ ಆಯಾ ಸಂದರ್ಭಕ್ಕೆ ತಕ್ಕಂತೆ ನೇಲ್ ಆರ್ಟ್ ಡಿಸೈನ್ ಮಾಡಿಸಬಹುದು. ಇದಕ್ಕೆ ಪೂರಕ ಎಂಬಂತೆ, ಸ್ವಾತಂತ್ರ್ಯ ದಿನಾಚರಣೆಯ ಸಂಭ್ರಮಕ್ಕೆ ಸಾಕಷ್ಟು ಕಾಲೇಜು ಹುಡುಗಿಯರು ಹಾಗೂ ಯುವತಿಯರು ಈ ಥೀಮ್‌ನ ನೇಲ್ ಡಿಸೈನ್ಸ್ ಚಿತ್ತಾರ ಮೂಡಿಸಿಕೊಂಡಿದ್ದಾರೆ ಹಾಗೂ ಸೋಷಿಯಲ್ ಮೀಡಿಯಾದಲ್ಲಿ ಅಪ್‌ಲೋಡ್ ಮಾಡಿಕೊಂಡಿದ್ದಾರೆ ಎನ್ನುತ್ತಾರೆ ನೇಲ್ ಡಿಸೈನರ್ ರಂಜಿತಾ. ಅವರ ಪ್ರಕಾರ, ನಮ್ಮ ರಾಷ್ಟ್ರದ ಹೆಮ್ಮೆಯ ತಿರಂಗಾ ಶೇಡ್‌ಗಳನ್ನು ಬಳಸಿ, ಚಿತ್ತಾರ ಮೂಡಿಸುವುದು ಖುಷಿ ಕೊಡುತ್ತದಂತೆ.
ಟ್ರೆಂಡಿಯಾಗಿರುವ ರಾಷ್ಟ್ರಪ್ರೇಮ ಬಿಂಬಿಸುವ ನೇಲ್ ಆರ್ಟ್
ಧ್ವಜ, ತಿರಂಗಾ ಮಿನಿ ದ್ವಜ, ತ್ರಿವರ್ಣದ ಹೂವುಗಳು, ಮಿನಿ ಇಂಡಿಯಾ ಮ್ಯಾಪ್, ಪೋಲ್ಕಾ ಡಾಟ್ಸ್, ಕೇಸರಿ ಬಿಳಿ ಹಸಿರಿನ ಸ್ಲೈಡ್ಸ್, ಚೆಕ್ಸ್, ಜೆಮೆಟ್ರಿಕಲ್ ಡಿಸೈನ್ಸ್, ಮಿಕ್ಸ್ ಮ್ಯಾಚ್ ಶೇಡ್ಸ್ ಹೀಗೆ ನಾನಾ ಬಗೆಯ ರಾಷ್ಟ್ರಪ್ರೇಮ ಬಿಂಬಿಸುವ ಚಿತ್ತಾರಗಳು, ಯುವತಿಯರ ಕೈಗಳ ಬೆರಳಿನ ಉಗುರುಗಳ ಮೇಲೆ ಮೂಡಿವೆ ಎನ್ನುತ್ತಾರೆ ನೇಲ್ ಡಿಸೈನರ್ ರಂಜಿತಾ.
ಸ್ವಾತಂತ್ರ್ಯ ದಿನಾಚಾರಣೆ ಹಿನ್ನೆಲೆಯಲ್ಲಿ ರಾಷ್ಟ್ರಪ್ರೇಮ ವ್ಯಕ್ತಪಡಿಸುವ ನೇಲ್ ಆರ್ಟ್‌ಗಳು ಟ್ರೆಂಡಿಯಾಗಿವೆ
