ಕಣ್ಣೀರಿನೊಂದಿಗೆ ಶಾಲೆಗೆ ವಿದಾಯ ಹೇಳುವ ಬದಲು ರೋಡ್‌ನಲ್ಲಿ ಅಪಾಯಕಾರಿ ಸ್ಟಂಟ್ ಪ್ರದರ್ಶನ; ಇದು ಜೆನ್ ಝಡ್ ಕಾಲ!

ರಾಯ್ಪುರ್: ಶಾಲಾ ಜೀವನಕ್ಕೆ ಗುಡ್ ಬೈ ಹೇಳುವ ಸಮಯದಲ್ಲಿ, ತಮ್ಮ ತರಗತಿಯ ದಿನಗಳನ್ನು ನೆನೆದು ವಿದ್ಯಾರ್ಥಿಗಳು ಕಣ್ಣೀರಾಗುತ್ತಾರೆ. ಶಾಲಾ ದಿನಗಳಲ್ಲಿ ತಾವೇನು ಮಾಡಿದೆವು, ಶಿಕ್ಷಕರ ಪ್ರೋತ್ಸಾಹ, ಸಹಪಾಠಿಗಳ ಸಹಕಾರ ಇತ್ಯಾದಿಗಳ ಬಗ್ಗೆ ಒಂದೆರಡು ಒಳ್ಳೆಯ ಮಾತುಗಳನ್ನಾಡುತ್ತಾರೆ. ಛತ್ತೀಸ್‍ಗಢದ (Chhattisgarh) ಬಿಲಾಸ್‌ಪುರ ಮತ್ತು ಬಲೋದಬಜಾರ್‌ನಲ್ಲಿ ಮಾತ್ರ ವಿಚಿತ್ರ ಘಟನೆ ನಡೆದಿದೆ. 12ನೇ ತರಗತಿಯ ವಿದ್ಯಾರ್ಥಿಗಳು ಹೂವುಗಳು, ಅಪ್ಪುಗೆಗಳೊಂದಿಗೆ ವಿದಾಯ ಹೇಳುವ ಬದಲಾಗಿ ಟ್ರ್ಯಾಕ್ಟರ್‌ಗಳು, ವ್ಯಾನ್‌ಗಳು ಮತ್ತು ಕಾರುಗಳಲ್ಲಿ ಆಗಮಿಸಿ, ಅಪಾಯಕಾರಿ ಸಾಹಸಗಳನ್ನು (Dangerous stunt) ಪ್ರದರ್ಶಿಸಿದರು.

ಸಾಮಾಜಿಕ ಮಾಧ್ಯಮಗಳಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿರುವ ಈ ವಿಡಿಯೊದಲ್ಲಿ (viral video), ವಿದ್ಯಾರ್ಥಿಗಳು ಕಿಟಕಿಗಳಿಂದ ಅರ್ಧ ಹೊರಗೆ ತೂಗಾಡುತ್ತಿರುವುದನ್ನು, ಬಾನೆಟ್‌ಗಳ ಮೇಲೆ ಕುಳಿತು ಯಾವುದೇ ಸುರಕ್ಷತಾ ಮುನ್ನೆಚ್ಚರಿಕೆಗಳಿಲ್ಲದೆ ಟ್ರ್ಯಾಕ್ಟರ್‌ಗಳನ್ನು ಓಡಿಸುತ್ತಿರುವುದನ್ನು ಸೆರೆಹಿಡಿಯಲಾಗಿದೆ. ವಿದ್ಯಾರ್ಥಿಯೊಬ್ಬ, ಟ್ರ್ಯಾಕ್ಟರ್ ಅನ್ನು ವೇಗವಾಗಿ ಚಲಾಯಿಸಿ ಹಿಮ್ಮುಖಗೊಳಿಸುವ ಮೂಲಕ ಧೂಳು ಹಬ್ಬಿದೆ. ನಂತರ ನಿಲ್ಲಿಸಿದ ಕಾರಿಗೆ ಡಿಕ್ಕಿ ಹೊಡೆದಿದ್ದಾನೆ.

ಇಲ್ಲಿದೆ ವಿಡಿಯೊ:

ಬಲೋಡಬಜಾರ್ ಜಿಲ್ಲೆಯಲ್ಲಿ ಒಂದೆರಡಲ್ಲ, ಹಲವಾರು ಶಾಲೆಗಳ ವಿದ್ಯಾರ್ಥಿಗಳು ಇಂತಹ ಪ್ರವೃತ್ತಿಯಲ್ಲಿ ತೊಡಗಿದ್ದಾರೆ. ಸಾಮಾಜಿಕ ಮಾಧ್ಯಮದಲ್ಲಿ ಖ್ಯಾತಿಯನ್ನು ಗಳಿಸಲು ಜೆನ್-ಝಡ್ ವಿದ್ಯಾರ್ಥಿಗಳು ವಿದಾಯ ಪಾರ್ಟಿಗಳನ್ನು ರಸ್ತೆಬದಿಯ ಸ್ಟಂಟ್ ಶೋಗಳಾಗಿ ಪರಿವರ್ತಿಸಿದ್ದಾರೆ. ವಿದ್ಯಾರ್ಥಿಗಳು ಥ್ರಿಲ್, ಶೋ-ಆಫ್ ಸಂಸ್ಕೃತಿ ಮತ್ತು ಇನ್‌ಸ್ಟಾಗ್ರಾಮ್ ರೀಲ್‌ಗಳಿಗೆ ಆದ್ಯತೆ ನೀಡುತ್ತಿರುವುದು ಕಳವಳಕಾರಿ ವಿಷಯವಾಗಿದೆ.

ಛೆಚ್ಚರ್ ಗ್ರಾಮದಲ್ಲಿ, ವಿದ್ಯಾರ್ಥಿಗಳು ಟ್ರ್ಯಾಕ್ಟರ್ ಮತ್ತು ಕಾರುಗಳಲ್ಲಿ ಶಾಲೆಗೆ ಹೋಗಿದ್ದಾರೆ. ಸಂಚಾರ ನಿಯಮಗಳನ್ನು ನಿರ್ಲಕ್ಷಿಸಲಾಗಿದೆ ಮತ್ತು ರಸ್ತೆಗಳನ್ನು ಖಾಸಗಿ ಕ್ರೀಡಾಂಗಣಗಳಂತೆ ಪರಿಗಣಿಸಲಾಗಿದೆ.

ಪ್ರಾಕ್ಟಿಕಲ್‌ ಪರೀಕ್ಷೆಯ ಉತ್ತರ ಪತ್ರಿಕೆಯಲ್ಲೇ ಸಿಹಿ ಹಂಚಿದ ಶಾಲಾ ಸಿಬ್ಬಂದಿ; ವಿದ್ಯಾರ್ಥಿಯ ಶಾಕಿಂಗ್‌ ರಿಯಾಕ್ಷನ್‌ ವಿಡಿಯೋ ವೈರಲ್‌

ಮೊದಲ ಪ್ರಮುಖ ಘಟನೆ ಕಟ್ಗಿಯಲ್ಲಿ ಬೆಳಕಿಗೆ ಬಂದಿತು. ಸರ್ಕಾರಿ ಶಾಲೆಯಲ್ಲಿ ವಿದಾಯ ಆಚರಣೆ ವೇಳೆ 15-20 ಲಕ್ಷ ರೂ. ಮೌಲ್ಯದ ಐಷಾರಾಮಿ ವಾಹನಗಳು ಇದ್ದವು. ವಿದ್ಯಾರ್ಥಿಗಳು ಚಲಿಸುವ ವಾಹನಗಳ ಮೇಲೆ ನಿಂತು, ಬಾನೆಟ್‌ಗಳ ಮೇಲೆ ಕುಳಿತು ಕಿಟಕಿಗಳಿಂದ ನೇತಾಡಿದ್ದಾರೆ.

ವಿಡಿಯೊಗಳಿಗೆ ಪ್ರತಿಕ್ರಿಯಿಸಿದ ಹೆಚ್ಚುವರಿ ಎಸ್ಪಿ ಅಭಿಷೇಕ್ ಸಿಂಗ್, ಪೊಲೀಸರು ನಿರ್ಣಾಯಕವಾಗಿ ವರ್ತಿಸಿದ್ದಾರೆ ಎಂದು ಹೇಳಿದರು. 16 ವಯಸ್ಕ ವಿದ್ಯಾರ್ಥಿಗಳು ಸೇರಿದಂತೆ 26 ಚಾಲಕರ ವಿರುದ್ಧ ಅಜಾಗರೂಕ ಚಾಲನೆಗಾಗಿ ನಾಲ್ಕು ಪ್ರಕರಣಗಳನ್ನು ದಾಖಲಿಸಲಾಗಿದೆ ಎಂದು ಅವರು ಹೇಳಿದರು. ಎಲ್ಲರ ಮೇಲೂ ಮೋಟಾರು ವಾಹನ ಕಾಯ್ದೆಯ ಸೆಕ್ಷನ್ 184 ರ ಅಡಿಯಲ್ಲಿ ಪ್ರಕರಣ ದಾಖಲಿಸಿ, ನ್ಯಾಯಾಲಯದ ಮುಂದೆ ಹಾಜರುಪಡಿಸಿ ದಂಡ ವಿಧಿಸಲಾಯಿತು. ವಾಹನ ಮಾಲೀಕರಿಗೂ ದಂಡ ವಿಧಿಸಲಾಯಿತು.

ಕಾಸ್ಡೋಲ್ ಬ್ಲಾಕ್‌ನಲ್ಲಿರುವ ಸ್ವಾಮಿ ಆತ್ಮಾನಂದ ಇಂಗ್ಲಿಷ್ ಮಾಧ್ಯಮ ಶಾಲೆಯಲ್ಲಿ ಬೀಳ್ಕೊಡುಗೆಯ ನಂತರ ಇದೇ ರೀತಿಯ ದೃಶ್ಯಗಳು ಮರುಕಳಿಸಿದವು. ಹೀಗೆ ಒಂದೆರಡಲ್ಲ, ಹಲವಾರು ಶಾಲೆಯ ಮಕ್ಕಳು ಈ ರೀತಿಯ ಅಪಾಯಕಾರಿ ಸ್ಟಂಟ್ ಅನ್ನು ಪ್ರದರ್ಶಿಸಿದ್ದಾರೆ.