Viral Video: ಮೆಟ್ರೋದೊಳಗೂ ಭಿಕ್ಷೆ ಬೇಡಿದ ಯುವಕ; ಇದು ನಡೆದಿರೋದು ಬೇರೆಲ್ಲೋ ಅಲ್ಲ... ಬೆಂಗಳೂರಿನಲ್ಲಿ!

ಬೆಂಗಳೂರು: ಗ್ರೀನ್ ಲೈನ್ ಮೆಟ್ರೋ (green line metro) ರೈಲಿನೊಳಗೆ ವ್ಯಕ್ತಿಯೊಬ್ಬ ಭಿಕ್ಷೆ ಬೇಡುತ್ತಿರುವ ದೃಶ್ಯ ಬೆಂಗಳೂರಿನ ಶ್ರೀರಾಂಪುರ ನಿಲ್ದಾಣದಲ್ಲಿ ಕಂಡುಬಂದಿದೆ. ಇದನ್ನು ನೋಡಿದ ಪ್ರಯಾಣಿಕರು ಆಘಾತಕ್ಕೊಳಗಾಗಿದ್ದರು. ಸಾಮಾನ್ಯವಾಗಿ ಟ್ರಾಫಿಕ್ ಸಿಗ್ನಲ್‌ಗಳು ಮತ್ತು ಬಸ್ ನಿಲ್ದಾಣಗಳಲ್ಲಿ ಕಂಡುಬರುವ ಭಿಕ್ಷಾಟನೆ ಈಗ ಮೆಟ್ರೋ ಆವರಣಕ್ಕೂ ಪ್ರವೇಶಿಸಿದ್ದು, ಪ್ರಯಾಣಿಕರ ಸುರಕ್ಷತೆ ಮತ್ತು ನೈರ್ಮಲ್ಯದ ಬಗ್ಗೆ ಕಳವಳ ವ್ಯಕ್ತಪಡಿಸಿದೆ. ಈ ವಿಡಿಯೊ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ (Viral Video) ಆಗಿದೆ.

ಪ್ರಯಾಣಿಕನೊಬ್ಬ ಸೆರೆಹಿಡಿದ ಈ ದೃಶ್ಯದಲ್ಲಿ, ಆ ವ್ಯಕ್ತಿ ಪ್ರಯಾಣದ ಸಮಯದಲ್ಲಿ ಸಹ ಪ್ರಯಾಣಿಕರನ್ನು ಸಮೀಪಿಸುತ್ತಾ ಭಿಕ್ಷೆ ಬೇಡುತ್ತಿರುವುದನ್ನು ತೋರಿಸಲಾಗಿದೆ. ಇದು ವ್ಯಾಪಕ ಟೀಕೆಗೆ ಕಾರಣವಾಗಿದೆ. ಮೆಟ್ರೋ ಪ್ರಯಾಣಿಕರು ಭದ್ರತಾ ತಪಾಸಣೆ, ನಿಲ್ದಾಣದ ಮೇಲ್ವಿಚಾರಣೆ ಮತ್ತು ಸುವ್ಯವಸ್ಥೆ ಕಾಪಾಡುವ ಕ್ರಮಗಳ ಬಗ್ಗೆ ಅಧಿಕಾರಿಗಳನ್ನು ಪ್ರಶ್ನಿಸುತ್ತಿದ್ದಾರೆ.

ಮಂತ್ರಿ ಸ್ಕ್ವೇರ್ ಸಂಪಿಗೆ ರಸ್ತೆ ಮತ್ತು ಶ್ರೀರಾಂಪುರ ನಿಲ್ದಾಣಗಳ ನಡುವೆ ಚಲಿಸುವಾಗ ರೈಲಿನ ಕೊನೆಯ ಕೋಚ್‍ನಲ್ಲಿ ವ್ಯಕ್ತಿಯು ಭಿಕ್ಷೆ ಬೇಡುತ್ತಿರುವುದನ್ನು ವಿಡಿಯೊದಲ್ಲಿ ನೋಡಬಹುದು. ಹಣಕ್ಕಾಗಿ ಆತ ಪ್ರಯಾಣಿಕರ ಬಳಿ ಕೈಚಾಚಿದ್ದಾನೆ. ಯಾರೊಬ್ಬರು ಹಣ ನೀಡಿರುವುದು ಕಂಡುಬಂದಿಲ್ಲ. ಆದರೆ, ಆತ ಭಿಕ್ಷೆ ಎತ್ತುತ್ತಿರುವ ಬಗ್ಗೆ ಅನೇಕ ಮಂದಿ ಸಾಮಾಜಿ ಮಾಧ್ಯಮ ಬಳಕೆದಾರರು ಟೀಕಿಸಿದ್ದಾರೆ. ಅಲ್ಲದೆ ಅಧಿಕಾರಿಗಳು ಯಾವುದೇ ಕ್ರಮ ಕೈಗೊಳ್ಳದಿರುವ ಬಗ್ಗೆಯೂ ಟೀಕೆ ಮಾಡಿದ್ದಾರೆ.

ವಿಡಿಯೊ ವೀಕ್ಷಿಸಿ:

ನಮ್ಮ ಮೆಟ್ರೋ ರೈಲಿನಲ್ಲಿ ವ್ಯಕ್ತಿಯೊಬ್ಬ ಭಿಕ್ಷೆ ಬೇಡುತ್ತಿರುವ ದೃಶ್ಯದ ವೈರಲ್ ವಿಡಿಯೊವಿದು. ಬಿಎಂಆರ್‌ಸಿಎಲ್ ಹೇಳುವಂತೆ, ಅವನು ಬೆಳಗ್ಗೆ 11 ಗಂಟೆಗೆ ಮೆಜೆಸ್ಟಿಕ್‌ನಿಂದ ಟಿಕೆಟ್‌ ತೆಗೆದುಕೊಂಡು ರೈಲನ್ನು ಪ್ರವೇಶಿಸಿ ದಾಸರಹಳ್ಳಿಯಲ್ಲಿ ನಿರ್ಗಮಿಸಿದ. ನಂತರ ಪ್ರಯಾಣದ ಸಮಯದಲ್ಲಿ ಅವನು ಭಿಕ್ಷೆ ಬೇಡಲು ಪ್ರಾರಂಭಿಸಿದನು. ಆದರೆ, ಗೃಹರಕ್ಷಕರ ನಿಯಮಿತ ಗಸ್ತು ತಿರುಗುವಿಕೆಯಲ್ಲಿ ಅಂತಹ ಯಾವುದೇ ಚಟುವಟಿಕೆ ಕಂಡುಬಂದಿಲ್ಲ ಎಂದು ತಿಳಿಸಲಾಗಿದೆ.

ಇನ್ನು ಈ ಬಗ್ಗೆ ಮೆಟ್ರೋ ಅಧಿಕಾರಿಗಳು ಪ್ರತಿಕ್ರಿಯೆ ನೀಡಿದ್ದು, ಘಟನೆ ಯಾವಾಗ ನಡೆಯಿತು ಎಂದು ನಮಗೆ ಖಚಿತವಿಲ್ಲ. ಟಿಕೆಟ್ ಖರೀದಿಸಿದ ನಂತರ ಅವನು ಗ್ರೀನ್ ಲೈನ್ ನಿಲ್ದಾಣದ ಪಾವತಿಸಿದ ಪ್ರದೇಶವನ್ನು ಪ್ರವೇಶಿಸಿದಂತೆ ಕಾಣುತ್ತದೆ ಎಂದು ಬಿಎಂಆರ್‌ಸಿಎಲ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಇದನ್ನೂ ಓದಿ: Viral Video: ಪ್ರೇಯಸಿ ಜೊತೆ ಶಾಪಿಂಗ್ ಹೋಗಿದ್ದ ಪತಿ; ರೆಡ್ ಹ್ಯಾಂಡ್ ಆಗಿ ಹಿಡಿದ ಪತ್ನಿ ಮಾಡಿದ್ದೇನು ಗೊತ್ತಾ?

ಮೆಟ್ರೋ ರೈಲುಗಳಲ್ಲಿ ಅಥವಾ ನಿಲ್ದಾಣಗಳ ಒಳಗೆ ಭಿಕ್ಷಾಟನೆಗೆ ಅವಕಾಶವಿಲ್ಲ ಎಂದು ಅಧಿಕಾರಿಗಳು ಪುನರುಚ್ಚರಿಸಿದ್ದಾರೆ. ನಮ್ಮ ಭದ್ರತಾ ಸಿಬ್ಬಂದಿ ಅಂತಹ ಚಟುವಟಿಕೆಗಳ ಮೇಲೆ ನಿಗಾ ಇಡುತ್ತಾರೆ. ವಸ್ತುಗಳನ್ನು ಮಾರಾಟ ಮಾಡುವುದು, ಭಿಕ್ಷಾಟನೆ ಮಾಡುವುದು, ಜೋರಾಗಿ ಸಂಗೀತ ನುಡಿಸುವುದು ಅಥವಾ ಹಿರಿಯ ನಾಗರಿಕರು ಮತ್ತು ಅಂಗವಿಕಲರಿಗೆ ಮೀಸಲಾದ ಆಸನಗಳನ್ನು ಆಕ್ರಮಿಸಿಕೊಳ್ಳುವಂತಹ ಚಟುವಟಿಕೆಗಳನ್ನು ಮೇಲ್ವಿಚಾರಣೆ ಮಾಡಲು ಸಿಬ್ಬಂದಿಗಳು ಬೋಗಿಗಳಲ್ಲಿ ಪ್ರಯಾಣಿಸುತ್ತಾರೆ ಎಂದು ಅಧಿಕಾರಿ ಹೇಳಿದರು.

ಬೆಂಗಳೂರು ಮೆಟ್ರೋದಲ್ಲಿ ಭಿಕ್ಷೆ ಬೇಡಿದ ವಿಕಲಚೇತನ ವ್ಯಕ್ತಿ

ಡಿಸೆಂಬರ್ 2024 ರಲ್ಲಿ, ಬೆಂಗಳೂರು ಮೆಟ್ರೋ ರೈಲಿನೊಳಗೆ ಅಂಗವಿಕಲ ವ್ಯಕ್ತಿಯೊಬ್ಬ ಭಿಕ್ಷೆ ಬೇಡುತ್ತಿರುವ ದೃಶ್ಯದ ವಿಡಿಯೊ ಕಾಣಿಸಿಕೊಂಡಿತ್ತು. ಬಿಳಿ ಬಣ್ಣದ ಚೆಕ್ಕರ್ ಶರ್ಟ್ ಮತ್ತು ತಲೆಬುರುಡೆ ಟೋಪಿ ಧರಿಸಿ, ಅವನು ತನ್ನ ತೋಳುಗಳನ್ನು ಚಾಚಿ ಕೋಚ್ ಮೂಲಕ ನಡೆದುಕೊಂಡು ಹೋಗುವುದನ್ನು ಕಾಣಬಹುದು. ಈ ದೃಶ್ಯವನ್ನು ಎಲ್ಲಿ ಸೆರೆಹಿಡಿಯಲಾಗಿದೆ ಎಂಬುದು ನಿಖರವಾಗಿ ಸ್ಪಷ್ಟವಾಗಿಲ್ಲ. ಆದರೂ ರೈಲಿನಲ್ಲಿದ್ದ ಪ್ರಯಾಣಿಕರು ಅದನ್ನು ಸೆರೆಹಿಡಿದಿದ್ದಾರೆ.

ವರದಿ ಪ್ರಕಾರ, ಆ ವ್ಯಕ್ತಿ ಕ್ಯೂಆರ್ ಕೋಡ್ ಬಳಸಿ ಚಲ್ಲಘಟ್ಟ ಮೆಟ್ರೋ ನಿಲ್ದಾಣದಲ್ಲಿ ಪರ್ಪಲ್ ಲೈನ್ ಹತ್ತಿ ಕೆಂಗೇರಿ ನಿಲ್ದಾಣದಲ್ಲಿ ಇಳಿದಿದ್ದಾನೆ. ನವೆಂಬರ್ 2023 ರಲ್ಲೂ ಗ್ರೀನ್ ಲೈನ್‌ ಮೆಟ್ರೋದಲ್ಲಿ ಇದೇ ರೀತಿಯ ಪ್ರಕರಣ ಸಂಭವಿಸಿತ್ತು.