Buying Gold In Dubai: ದುಬೈನಿಂದ ಚಿನ್ನ ಖರೀದಿಸೋ ಪ್ಲ್ಯಾನ್‌ ಇದ್ಯಾ? ಈ ವಿಷಯ ನಿಮಗೆ ಗೊತ್ತೇ?

ಬೆಂಗಳೂರು: ಚಿನ್ನ(Gold) ಅಂದ್ರೆ ಯಾರಿಗೆ ಇಷ್ಟ ಇಲ್ಲ ಹೇಳಿ? ಘನತೆಯ ಸಂಕೇತ ಎಂದೇ ಬಿಂಬಿತವಾಗಿರುವ ಚಿನ್ನವು ಕಷ್ಟ ಕಾಲದಲ್ಲಿಯೂ ನೆರವಾಗುತ್ತದೆ ಎಂದು ಸಾಕಷ್ಟು ಜನರು ಖರೀದಿಸುತ್ತಾರೆ. ಕಳೆದ ಕೆಲ ವರ್ಷಗಳಿಂದ ಚಿನ್ನದ ಬೆಲೆ ಗಗನಕ್ಕೇರಿದ್ದು, ಅಕ್ಟೋಬರ್ 2025ರಲ್ಲಿ 10 ಗ್ರಾಂ ಚಿನ್ನದ ಬೆಲೆ ₹1,33,780ಕ್ಕೆ ತಲುಪಿ ಹೊಸ ದಾಖಲೆ ಬರೆದಿದೆ.
ಭಾರತ(India)ಕ್ಕೆ ಹೋಲಿಸಿದರೆ ಜನರು ದುಬೈನಲ್ಲಿ ಚಿನ್ನ ಖರೀದಿಸಲು ಹೆಚ್ಚು ಆದ್ಯತೆ ಕೊಡುತ್ತಾರೆ. ಕಾರಣ ಈ ದೇಶದಲ್ಲಿ ಚಿನ್ನದ ಮೇಲಿರುವ ಸುಂಕ ವಿನಾಯಿತಿ. ನೀವೂ ದುಬೈನಿಂದ ಚಿನ್ನ ಖರೀದಿಸಿ ಭಾರತಕ್ಕೆ ತರಬೇಕೆಂದುಕೊಂಡಿದ್ದರೆ ಈ ವಿಷಯಗಳನ್ನು ಖಂಡಿತ ತಿಳಿದುಕೊಳ್ಳಿ.

• ದುಬೈಯಿಂದ ಭಾರತಕ್ಕೆ ಹಿಂದಿರುಗುವ ಭಾರತೀಯ ಪ್ರಯಾಣಿಕರು ಕಸ್ಟಮ್ಸ್ ಶುಲ್ಕ(customs duty) ಇಲ್ಲದೇ ಚಿನ್ನವನ್ನು ತರಬಹುದು. ಆದರೆ, ಅದು ಸರ್ಕಾರ ನಿಗದಿಪಡಿಸಿರುವ ನಿರ್ದಿಷ್ಟ ಮಿತಿಯೊಳಗಿರಬೇಕು.
• ಪುರುಷ ಪ್ರಯಾಣಿಕರಿಗೆ, ₹50,000 ಮೌಲ್ಯ ಮೀರದ ಅಥವಾ 20 ಗ್ರಾಂವರೆಗೆ ಚಿನ್ನಾಭರಣ ಖರೀದಿಗೆ ಯಾವುದೇ ಸುಂಕ ಇಲ್ಲ.
• ಮಹಿಳಾ ಪ್ರಯಾಣಿಕರಿಗೆ ಖರೀದಿ ಪ್ರಮಾಣ ಹೆಚ್ಚಾಗಿದ್ದು, 40 ಗ್ರಾಂ ಅಥವಾ ಗರಿಷ್ಠ ₹1,00,000 ಮೌಲ್ಯದ ಚಿನ್ನಾಭರಣ ಸುಂಕವಿಲ್ಲದೇ ಖರೀದಿಸಬಹುದು.
• ಈ ವಿನಾಯಿತಿಗಳು ಕೇವಲ ಚಿನ್ನಾಭರಣಗಳಿಗೆ ಮಾತ್ರ; ಚಿನ್ನದ ನಾಣ್ಯಗಳು, ಬಾರ್‌ಗಳು ಅಥವಾ ಬಿಸ್ಕತ್ತುಗಳಿಗೆ ಅನ್ವಯಿಸುವುದಿಲ್ಲ.

ಈ ಸುದ್ದಿಯನ್ನೂ ಓದಿ: Viral News: ಕಾರ್ ಪಾರ್ಕಿಂಗ್ ವಿಚಾರಕ್ಕೆ ನಡೀತು ಮಾರಾಮಾರಿ; ಓರ್ವನ ಸ್ಥಿತಿ ಗಂಭೀರ

• ಜೊತೆಗೆ, ಪ್ರಯಾಣಿಕರು ಕನಿಷ್ಠ ಒಂದು ವರ್ಷ ವಿದೇಶದಲ್ಲಿ ನೆಲೆಸಿದ್ದರೆ ಮಾತ್ರ ಈ ಸುಂಕ-ರಹಿತ ಸೌಲಭ್ಯಕ್ಕೆ ಅರ್ಹರಾಗುತ್ತಾರೆ. ಪ್ರಸ್ತುತ ಕಸ್ಟಮ್ಸ್ ನಿಯಮಗಳ ಪ್ರಕಾರ, ಮಕ್ಕಳು ಯಾವುದೇ ಚಿನ್ನದ ಡ್ಯೂಟಿ-ಫ್ರೀ ಮಿತಿಗೆ ಅರ್ಹರಾಗುವುದಿಲ್ಲ.
• ಪ್ರಯಾಣಿಕರು ನಿಗದಿತ ಮಿತಿಗಿಂತ ಹೆಚ್ಚಿನ ಪ್ರಮಾಣದ ಚಿನ್ನವನ್ನು ದುಬೈನಿಂದ ತಂದರೆ, ಅವರು ಭಾರತ ತಲುಪುವಾಗ ಅದನ್ನು ಕಸ್ಟಮ್ಸ್ ವಿಭಾಗಕ್ಕೆ ಘೋಷಿಸಿ ಸುಮಾರು 15.75% (ಸೆಸ್ ಮತ್ತು ಸರ್‌ಚಾರ್ಜ್ ಸೇರಿ) ತೆರಿಗೆ ಪಾವತಿಸಬೇಕು. ಘೋಷಣೆ ಮಾಡದಿದ್ದರೆ ಕಸ್ಟಮ್ಸ್ ಅಧಿಕಾರಿಗಳು ದಂಡ, ವಶಪಡಿಸಿಕೊಳ್ಳುವಿಕೆ ಅಥವಾ ಕಾನೂನು ಕ್ರಮ ಕೈಗೊಳ್ಳಬಹುದು.
• ಸಮಸ್ಯೆಗಳನ್ನು ತಪ್ಪಿಸಲು, ಪ್ರಯಾಣಿಕರು ತಮ್ಮ ಖರೀದಿ ಬಿಲ್‌ಗಳು, ಚಿನ್ನಾಭರಣದ ತೂಕದ ದಾಖಲೆಗಳು ಇತ್ಯಾದಿಗಳೊಂದಿಗೆ ಪ್ರಯಾಣಿಸಲು ಹಾಗೂ ಅಭರಣವಲ್ಲದ ಚಿನ್ನದ ವಸ್ತುಗಳೊಂದಿಗೆ ಪ್ರಯಾಣ ಮಾಡದಂತೆ ಸಲಹೆ ನೀಡಲಾಗಿದೆ.
• ಕಡಿಮೆ ಬೆಲೆ ಮತ್ತು ಕಡಿಮೆ ಸ್ಥಳೀಯ ತೆರಿಗೆಗಲಿಂದಾಗಿ ದುಬೈ ಚಿನ್ನದ ಖರೀದಿಗೆ ಜನಪ್ರಿಯ ತಾಣವಾಗಿದೆ. ಆದರೂ, ಚಿನ್ನ ಖರೀದಿಸಲು ಬಯಸುವವರು ಭಾರತದ ಆಮದು ನಿಯಮಗಳನ್ನು ತಿಳಿದುಕೊಳ್ಳುವುದು ಅತ್ಯಗತ್ಯ.