America-China: ಅಮೆರಿಕದ ಸುಂಕದಾಟದ ಕುರಿತು ಗಮನ ಕೊಡುವುದಿಲ್ಲ; ತೆರಿಗೆ ಹೆಚ್ಚಳದ ಕುರಿತು ಚೀನಾ ಪ್ರತಿಕ್ರಿಯೆ

ಬೀಜಿಂಗ್‌: ಅಮೆರಿಕ ಹಾಗೂ ಚೀನಾದ (America-China) ನಡುವೆ ಸುಂಕ ಸಮರ ಜೋರಾಗಿದೆ. ಅಮೆರಿಕ ವಿಧಿಸಿದ ಶೇ 245 ಸುಂಕದ ಕುರಿತು ಇದೀಗ ಚೀನಾ ಪ್ರತಿಕ್ರಿಯೆ ನೀಡಿದೆ. ಅಮೆರಿಕದ ಈ ಆಟದ ಕುರಿತು ಬಗ್ಗೆ ಗಮನ ಹರಿಸುವುದಿಲ್ಲ ಎಂದು ಚೀನಾ ಗುರುವಾರ ಹೇಳಿದೆ. ಚೀನಾ ತನ್ನ ಪ್ರತೀಕಾರದ ಕ್ರಮದಿಂದಾಗಿ ಶೇ.245 ರಷ್ಟು ಸುಂಕವನ್ನು ಎದುರಿಸುತ್ತಿದೆ ಎಂಬ ಶ್ವೇತಭವನದ ಹೇಳಿಕೆಗೆ ಪ್ರತಿಕ್ರಿಯೆಯಾಗಿ ಚೀನಾದ ವಿದೇಶಾಂಗ ಸಚಿವಾಲಯ ಈ ಹೇಳಿಕೆ ನೀಡಿದೆ . ಟ್ರಂಪ್ ಆಡಳಿತವು ಚೀನಾದ ಆಮದಿನ ಮೇಲೆ 245% ವರೆಗಿನ ಹೊಸ ಸುಂಕವನ್ನು ಘೋಷಿಸಿದ್ದು, ಅಮೆರಿಕ ಮತ್ತು ಚೀನಾ ನಡುವಿನ ವ್ಯಾಪಾರ ಸಂಘರ್ಷವನ್ನು ಮತ್ತಷ್ಟು ಹೆಚ್ಚಿಸಿದೆ.

"ಚೀನಾ ತನ್ನ ಪ್ರತೀಕಾರದ ಕ್ರಮಗಳ ಪರಿಣಾಮವಾಗಿ ಈಗ ಅಮೆರಿಕಕ್ಕೆ ಆಮದು ಮಾಡಿಕೊಳ್ಳುವ ವಸ್ತುಗಳ ಮೇಲೆ 245% ವರೆಗಿನ ಸುಂಕವನ್ನು ಎದುರಿಸುತ್ತಿದೆ ಎಂದು ಮಂಗಳವಾರ ತಡರಾತ್ರಿ ಬಿಡುಗಡೆಯಾದ ಶ್ವೇತಭವನದ ಫ್ಯಾಕ್ಟ್ ಶೀಟ್‌ನಲ್ಲಿ ಈ ನಿರ್ಧಾರವನ್ನು ವಿವರಿಸಲಾಗಿದೆ.

ಮಿಲಿಟರಿ, ಏರೋಸ್ಪೇಸ್ ಮತ್ತು ಸೆಮಿಕಂಡಕ್ಟರ್ ಕೈಗಾರಿಕೆಗಳಿಗೆ ನಿರ್ಣಾಯಕ ಅಂಶಗಳಾದ ಗ್ಯಾಲಿಯಂ, ಜರ್ಮೇನಿಯಮ್ ಮತ್ತು ಆಂಟಿಮನಿ ಸೇರಿದಂತೆ ಪ್ರಮುಖ ಹೈಟೆಕ್ ವಸ್ತುಗಳನ್ನು ಚೀನಾ ಉದ್ದೇಶಪೂರ್ವಕವಾಗಿ ನಿರ್ಬಂಧಿಸುತ್ತಿದೆ ಎಂದು ಆಡಳಿತವು ಆರೋಪಿಸಿದೆ. ಶ್ವೇತಭವನದ ಪ್ರಕಾರ, ಈ ಹೊಸ ಸುಂಕಗಳ ಪ್ರಾಥಮಿಕ ಗುರಿ ವೈದ್ಯಕೀಯ ಉಪಕರಣಗಳು- ವಿಶೇಷವಾಗಿ ಸಿರಿಂಜ್ಗಳು ಮತ್ತು ಸೂಜಿಗಳು – ಏಕೆಂದರೆ ಯುಎಸ್ ವೈದ್ಯಕೀಯ ಪೂರೈಕೆ ಸರಪಳಿಯ ನಿರ್ಣಾಯಕ ಕ್ಷೇತ್ರಗಳಲ್ಲಿ ಚೀನಾದ ಉತ್ಪಾದನೆಯ ಮೇಲೆ ಅತಿಯಾದ ಅವಲಂಬನೆ ಎಂದು ಆಡಳಿತವು ವಿವರಿಸುತ್ತದೆ. ಇಂತಹ ಅವಲಂಬನೆಯ ರಾಷ್ಟ್ರೀಯ ಭದ್ರತಾ ಪರಿಣಾಮಗಳ ಬಗ್ಗೆ ಆಡಳಿತವು ಈ ಹಿಂದೆ ಕಳವಳ ವ್ಯಕ್ತಪಡಿಸಿತ್ತು.

ಈ ಸುದ್ದಿಯ್ನನೂ ಓದಿ: Donald Trump: ಚೀನಾದ ಆಮದಿನ ಮೇಲೆ ಶೇ 245 ವರೆಗೆ ಸುಂಕ ವಿಧಿಸಿದ ಟ್ರಂಪ್

ಕೆಲವು ತಿಂಗಳುಗಳ ಹಿಂದೆ, ಚೀನಾ ಅಮೆರಿಕಕ್ಕೆ ಗ್ಯಾಲಿಯಂ, ಜರ್ಮೇನಿಯಮ್, ಆಂಟಿಮನಿ ಮತ್ತು ಸಂಭಾವ್ಯ ಮಿಲಿಟರಿ ಅನ್ವಯಿಕೆಗಳನ್ನು ಹೊಂದಿರುವ ಇತರ ಪ್ರಮುಖ ಹೈಟೆಕ್ ವಸ್ತುಗಳ ರಫ್ತುಗಳನ್ನು ನಿಷೇಧಿಸಿತ್ತು. ಅಮೆರಿಕದ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಸುಂಕ ಹೆಚ್ಚಿಸಿತ್ತು. ಚೀನಾ ಮೇಲಿನ ತೆರಿಗೆಯನ್ನು ಶೇ.104ರಿಂದ 125ಕ್ಕೆ ಹೆಚ್ಚಿಸಲಾಗುವುದು ಎಂದು ಘೋಷಿಸಿದ್ದರು. ನಂತರ ಚೀನಾ ಕೂಡ ಪ್ರತಿಸುಂಕವನ್ನು ಏರಿಸಿತ್ತು. ಟ್ರಂಪ್‌ ಮತ್ತೆ ಸುಂಕವನ್ನು ಶೇ 145 ಕ್ಕೆ ಹೆಚ್ಚಿಸಿದ್ದರು. ಚೀನಾ ಜಾಗತಿಕ ಮಾರುಕಟ್ಟೆಗಳನ್ನು ಅಗೌರವಿಸಿದೆ, ಆದ್ದರಿಂದ ಈ ನಿರ್ಧಾರ ಕೈಗೊಂಡಿದ್ದೇವೆ ಎಂದು ಟ್ರಂಪ್‌ ತಿಳಿಸಿದ್ದಾರೆ. ಪ್ರತಿಸುಂಕ ಜಾರಿಗೊಳಿಸಿದ ಕ್ಷಣದಿಂದಲೂ ಅಮೆರಿಕ ಹಾಗೂ ಇತರ ರಾಷ್ಟ್ರಗಳ ನಡುವೆ ವ್ಯಾಪಾರ ಸಮರ ಪ್ರಾರಂಭವಾಗಿತ್ತು.