Operation Sindoor: ಆಪರೇಷನ್‌ ಸಿಂದೂರ್‌ನಲ್ಲಿ ಪಾಕಿಸ್ತಾನದ 150 ಸೈನಿಕರು ಹತ; ದಾಖಲೆ ಸಮೇತ ವರದಿ ಮಾಡಿದ ಪಾಕ್‌ ಟಿವಿ

ಇಸ್ಲಾಮಾಬಾದ್‌: ಪಾಕಿಸ್ತಾನದಲ್ಲಿ ಅಡಗಿದ್ದ ಉಗ್ರರ ಹತ್ಯೆಗಾಗಿ ಭಾರತ ನಡೆಸಿದ್ದ ಆಪರೇಷನ್‌ ಸಿಂದೂರ (Operation Sindoor) ಕಾರ್ಯಾಚರಣೆಯಲ್ಲಿ ಪಾಕಿಸ್ತಾನಕ್ಕೆ ಭಾರೀ ನಷ್ಟವಾಗಿದೆ. ಪಾಕಿಸ್ತಾನದ ಮಾಧ್ಯಮ ಸಂಸ್ಥೆಯೊಂದು ಭಾರತದ ನಿಖರ ದಾಳಿಯಲ್ಲಿ ಇಸ್ಲಾಮಾಬಾದ್ 150 ಕ್ಕೂ ಹೆಚ್ಚು ಸೈನಿಕರನ್ನು ಕಳೆದುಕೊಂಡಿದೆ ಎಂದು ವರದಿ ಮಾಡಿದೆ. ಸಮಾ ಟಿವಿ ನಂತರ ಆ ವರದಿಯನ್ನು ಡಿಲಿಟ್‌ ಎಂದು ಆರೋಪಿಸಲಾಗಿದೆ. ಆದಾಗ್ಯೂ, ಸುದ್ದಿ ವರದಿಯ ಸ್ಕ್ರೀನ್‌ಶಾಟ್ ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡು ವೈರಲ್ ಆಗುತ್ತಿದೆ. ಈ ಹಿಂದೆ ಪಾಕಿಸ್ತಾನ ಭಾರತದ ದಾಳಿಯಿಂದ ನಷ್ಟವೇನು ಸಂಭವಿಸಿಲ್ಲ ಎಂದು ಹೇಳಿಕೊಂಡಿತ್ತು. ನಂತರ ಬಿಡುಗಡೆಯಾದ ಸ್ಯಾಟ್‌ಲೈಟ್‌ ಚಿತ್ರಗಳು ಹಾನಿಯ ಪ್ರಮಾಣವನ್ನು ತೋರಿಸಿದ್ದವು.

ಈಗ ಅಳಿಸಲಾಗಿರುವ ಸುದ್ದಿ ಲೇಖನದಲ್ಲಿ ಪಾಕಿಸ್ತಾನದ ಅಧ್ಯಕ್ಷರು ಪಟ್ಟಿ ಮಾಡಿದ್ದ, "ಆಪರೇಷನ್ ಬನ್ಯಾನುನ್ ಮಾರ್ಸೂಸ್ ಸಮಯದಲ್ಲಿ ಧೈರ್ಯ ಮತ್ತು ಅತ್ಯುನ್ನತ ತ್ಯಾಗಕ್ಕಾಗಿ" ನೀಡಿದ ಶೌರ್ಯ ಪ್ರಶಸ್ತಿಗಳ ಪಟ್ಟಿಯನ್ನು ಸಹ ಹೊಂದಿತ್ತು. ಗಮನಾರ್ಹವಾಗಿ, ಆಪರೇಷನ್ ಬನ್ಯಾನುನ್ ಮಾರ್ಸೂಸ್ ಎಂಬುದು ಪಾಕಿಸ್ತಾನದ ವಾಯುನೆಲೆಗಳ ಮೇಲೆ ಭಾರತೀಯ ದಾಳಿಗೆ ಪ್ರತೀಕಾರದ ಸಂಕೇತನಾಮವಾಗಿದೆ.

ಸಾವನ್ನಪ್ಪಿರುವ 155 ಸೈನಿಕರ ಹೆಸರುಗಳನ್ನು ಅವರ ಹೆಸರಿನ ಮುಂದೆ ಬರೆಯಲಾಗಿದೆ ಎಂದು ಸಮಾ ಟಿವಿ ವರದಿ ಉಲ್ಲೇಖಿಸಿದೆ. ಈಗ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿರುವ ಪಟ್ಟಿಯಲ್ಲಿ ಇಮ್ತಿಯಾಜಿ ಸನದ್ ಪಡೆದ 146 ಜನರ ಹೆಸರುಗಳಿವೆ. ಏತನ್ಮಧ್ಯೆ, 45 ಸೈನಿಕರಿಗೆ ತಮ್ಘಾ ಇ ಬಸಲತ್ ನೀಡಲಾಯಿತು. ಒಟ್ಟು ನಾಲ್ವರು ಸೈನಿಕರಿಗೆ ಮರಣೋತ್ತರವಾಗಿ ಈ ಪ್ರಶಸ್ತಿಯನ್ನು ನೀಡಲಾಯಿತು ಎಂದು ವರದಿಯಾಗಿದೆ.

ಈ ಸುದ್ದಿಯನ್ನೂ ಓದಿ: Cloudburst: ಪಾಕಿಸ್ತಾನದಲ್ಲಿ ಮೇಘಸ್ಫೋಟಕ್ಕೆ 200 ಕ್ಕೂ ಅಧಿಕ ಬಲಿ; ರಕ್ಷಣಾ ಕಾರ್ಯಕ್ಕೆ ತೆರಳಿದ್ದ ವಿಮಾನವೂ ಪತನ

ನಾಲ್ವರು ಸೈನಿಕರಿಗೂ ಸಹ ಮರಣೋತ್ತರವಾಗಿ ತಮ್ಘಾ-ಎ-ಜುರಾತ್ ನೀಡಲಾಯಿತು. ಆದಾಗ್ಯೂ, ಈ ನಿಟ್ಟಿನಲ್ಲಿ ಪಾಕಿಸ್ತಾನ ಸರ್ಕಾರದಿಂದ ಯಾವುದೇ ಅಧಿಕೃತ ಹೇಳಿಕೆ ಬಿಡುಗಡೆಯಾಗಿಲ್ಲ. ಪಹಲ್ಗಾಮ್ ಭಯೋತ್ಪಾದಕ ದಾಳಿಗೆ ಪ್ರತೀಕಾರವಾಗಿ, ಮೇ 6 ಮತ್ತು 7 ರ ಮಧ್ಯರಾತ್ರಿ, ಭಾರತೀಯ ಸಶಸ್ತ್ರ ಪಡೆಗಳು ಆಪರೇಷನ್ ಸಿಂಧೂರ್ ಅನ್ನು ಪ್ರಾರಂಭಿಸಿ ಪಾಕಿಸ್ತಾನ ಮತ್ತು ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿನ ಒಂಬತ್ತು ಭಯೋತ್ಪಾದಕ ಶಿಬಿರಗಳನ್ನು ಗುರಿಯಾಗಿಸಿಕೊಂಡು ದಾಳಿ ನಡೆಸಿತ್ತು.