ಶಿಪ್ರಾಕೆಟ್ SHIVIR 2026ರಲ್ಲಿ ‘ಫಾಸ್ಟರ್ (Fastrr)’ ಅನಾವರಣ
ಫಾಸ್ಟರ್ (Fastrr) ಸೂಟ್ನಲ್ಲಿ ಒಂದು-ಟ್ಯಾಪ್ ಚೆಕ್ಔಟ್ಗಾಗಿ Fastrr Checkout, AI ಆಧಾರಿತ ಕಾರ್ಯಕ್ಷಮತೆ ಮಾರ್ಕೆಟಿಂಗ್ಗಾಗಿ Fastrr Ads, ಹೆಚ್ಚಿನ ಖರೀದಿ ಉದ್ದೇಶ ಹೊಂದಿರುವ ಗ್ರಾಹಕರನ್ನು ಗುರುತಿಸುವ Fastrr Identity ಹಾಗೂ ಗ್ರಾಹಕರ ಉದ್ದೇಶವನ್ನು ಕ್ಷಣಾರ್ಧದಲ್ಲಿ ಅರ್ಥಮಾಡಿಕೊಳ್ಳುವ AI ಸಹಾಯಕ Fastrr Sense ಒಳಗೊಂಡಿವೆ
-
ಭಾರತದ ಪ್ರಮುಖ AI-ಚಾಲಿತ ಇ-ಕಾಮರ್ಸ್ ಸಬಲೀಕರಣ ಸಂಸ್ಥೆ ಶಿಪ್ ರಾಕೆಟ್ (Shiprocket) ತನ್ನ ಪ್ರಮುಖ ವಾಣಿಜ್ಯ ಶೃಂಗಸಭೆಯಾದ SHIVIR 2026ರ ಏಳನೇ ಆವೃತ್ತಿಯಲ್ಲಿ Fastrr ಎಂಬ AI-ಚಾಲಿತ ಚೆಕ್ಔಟ್ ವೇದಿಕೆಯನ್ನು ಅನಾವರಣಗೊಳಿಸಿದೆ.
ಖರೀದಿ ಪ್ರಕ್ರಿಯೆಯಲ್ಲಿನ ಅಡೆತಡೆಗಳನ್ನು ಕಡಿಮೆ ಮಾಡಿ, ಖರೀದಿಯನ್ನು ಪೂರ್ಣಗೊಳಿಸುವ ಗ್ರಾಹಕರ ಪ್ರಮಾಣವನ್ನು (Conversion Rate) ಹೆಚ್ಚಿಸುವ ಉದ್ದೇಶದಿಂದ ವಿನ್ಯಾಸಗೊಳಿಸಲಾದ Fastrr, ಭಾರತದ ಮೊದಲ AI-ನೆಟಿವ್ ಪ್ರೀ-ಆರ್ಡರ್ ಸೂಟ್ ಆಗಿದೆ.
ಇದು ಶಿಪ್ರಾಕೆಟ್ನ ನಿರಂತರವಾಗಿ ಅಭಿವೃದ್ಧಿಯಾಗುತ್ತಿರುವ ಪ್ರೀ-ಆರ್ಡರ್ ಕಾಮರ್ಸ್ ತಂತ್ರಜ್ಞಾನಗಳನ್ನು ಒಂದೇ ಬುದ್ಧಿವಂತ ವೇದಿಕೆಯಲ್ಲಿ ಒಗ್ಗೂಡಿಸಿ, AI ಆಧಾರಿತ ಅನುಭವಗಳ ಮೂಲಕ ಗ್ರಾಹಕರ ಖರೀದಿ ಉದ್ದೇಶವನ್ನು ಗುರುತಿಸಲು, ಅರ್ಥಮಾಡಿಕೊಳ್ಳಲು ಹಾಗೂ ಅದನ್ನು ಯಶಸ್ವಿ ಮಾರಾಟವಾಗಿ ಪರಿವರ್ತಿಸಲು ಬ್ರ್ಯಾಂಡ್ಗಳಿಗೆ ನೆರವಾಗುತ್ತದೆ.
ಮುಂಬೈನ ದಿ ವೆಸ್ಟಿನ್ ಮುಂಬೈ ಪೊವೈ ಲೇಕ್ ಹೋಟೆಲ್ನಲ್ಲಿ ನಡೆದ SHIVIR 2026 ಸಮಾವೇಶ ದಲ್ಲಿ 2,500ಕ್ಕೂ ಹೆಚ್ಚು ಸ್ಟಾರ್ಟ್ಅಪ್ ಸಂಸ್ಥಾಪಕರು, ಬ್ರ್ಯಾಂಡ್ ನಿರ್ವಾಹಕರು ಹಾಗೂ ತಂತ್ರಜ್ಞಾನ ಕ್ಷೇತ್ರದ ನಾಯಕರು ಭಾಗವಹಿಸಿ, ಕೃತಕ ಬುದ್ಧಿಮತ್ತೆ (AI) ಭವಿಷ್ಯದ ವಾಣಿಜ್ಯವನ್ನು ಹೇಗೆ ಮರುರೂಪಿಸುತ್ತಿದೆ ಎಂಬುದರ ಕುರಿತು ಚರ್ಚಿಸಿದರು.
ಭಾರತದಲ್ಲಿನ ಉದ್ಯಮಗಳು ಗ್ರಾಹಕರನ್ನು ಸೆಳೆಯುವುದು (Customer Acquisition), ಖರೀದಿಯಾಗಿ ಪರಿವರ್ತಿಸುವುದು (Conversion) ಹಾಗೂ ದೀರ್ಘಕಾಲ ಉಳಿಸಿಕೊಳ್ಳುವುದು (Retention) ಸೇರಿದಂತೆ ಪ್ರತಿಯೊಂದು ಹಂತದಲ್ಲೂ AI ಅಳವಡಿಸಿಕೊಳ್ಳುತ್ತಿರುವ ಸಂದರ್ಭದಲ್ಲಿ, ಈ ಸಮಾವೇಶವು ಕೇವಲ ಸೈದ್ಧಾಂತಿಕ ಚರ್ಚೆಗೆ ಸೀಮಿತವಾಗದೆ, AIಯನ್ನು ವ್ಯವಹಾರದಲ್ಲಿ ಹೇಗೆ ಪರಿಣಾಮಕಾರಿಯಾಗಿ ಬಳಸಬಹುದು ಎಂಬುದರ ಕುರಿತು ಪ್ರಾಯೋಗಿಕ ಮಾರ್ಗದರ್ಶನ ನೀಡಿತು.
ಮುಖ್ಯ ಭಾಷಣಗಳು, ಉದ್ಯಮ ಪರಿಣಿತರ ನೇತೃತ್ವದ ಚರ್ಚೆಗಳು ಹಾಗೂ ನೇರ ಉತ್ಪನ್ನ ಪ್ರದರ್ಶನಗಳ ಮೂಲಕ, AI ಹೇಗೆ ನೈಜ ವ್ಯವಹಾರಿಕ ಸವಾಲುಗಳನ್ನು ಪರಿಹರಿಸಿ ಬೆಳವಣಿಗೆಗೆ ದಾರಿ ಮಾಡಿಕೊಡುತ್ತದೆ ಎಂಬುದನ್ನು ಭಾಗವಹಿಸಿದವರು ತಿಳಿದುಕೊಂಡರು.
ಈ ಸಂದರ್ಭದಲ್ಲಿ ಶಿಪ್ರಾಕೆಟ್ನ ವ್ಯವಸ್ಥಾಪಕ ನಿರ್ದೇಶಕ ಹಾಗೂ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ (MD & CEO) ಸಾಹಿಲ್ ಗೋಯಲ್ ಮಾತನಾಡಿ, "ಇಂದು AI ಪ್ರತಿಯೊಂದು ಭಾರತೀಯ ಉದ್ಯಮಕ್ಕೂ ಅತ್ಯಗತ್ಯ ಸಾಧನವಾಗುತ್ತಿದೆ. ಮುಂದಿನ 12 ತಿಂಗಳಲ್ಲಿ ತಮ್ಮ ವ್ಯವಹಾರದ ಪ್ರತಿ ಯೊಂದು ಹಂತದಲ್ಲೂ AI ಅನ್ನು ಅಳವಡಿಸಿಕೊಳ್ಳುವ ಸಂಸ್ಥಾಪಕರು ದೀರ್ಘಕಾಲಿಕ ಸ್ಪರ್ಧಾತ್ಮಕ ಮುನ್ನಡೆ ಸಾಧಿಸಲಿದ್ದಾರೆ. Fastrr ಆ ಅವಕಾಶವನ್ನು ಸಾಕಾರಗೊಳಿಸುವ ನಮ್ಮ ಪರಿಹಾರವಾಗಿದೆ. ಇದು ಗ್ರಾಹಕರನ್ನು ಸೆಳೆಯಲು, ಖರೀದಿಯಾಗಿ ಪರಿವರ್ತಿಸಲು ಹಾಗೂ ಅವರೊಂದಿಗೆ ಉತ್ತಮ ಸಂಪರ್ಕ ಸಾಧಿಸಲು ಅಗತ್ಯವಿರುವ ಬುದ್ಧಿವಂತ ಸಾಮರ್ಥ್ಯಗಳನ್ನು ಒಂದೇ AI-ನೆಟಿವ್ ವೇದಿಕೆ ಯಲ್ಲಿ ಒದಗಿಸುತ್ತದೆ," ಎಂದು ಹೇಳಿದರು.
ಪ್ರಸ್ತುತ ಅನೇಕ ಬ್ರ್ಯಾಂಡ್ಗಳು ತಮ್ಮ ಪ್ರೀ-ಆರ್ಡರ್ ಪ್ರಕ್ರಿಯೆಯನ್ನು ನಿರ್ವಹಿಸಲು ಹಲವಾರು ಪ್ರತ್ಯೇಕ ತಂತ್ರಜ್ಞಾನ ಪರಿಹಾರಗಳನ್ನು ಬಳಸುತ್ತಿರುವುದರಿಂದ, ಅವರ ತಂತ್ರಜ್ಞಾನ ವ್ಯವಸ್ಥೆಗಳು ವಿಭಜನೆಯಾಗಿ, ನಿರ್ವಹಣೆ ಹೆಚ್ಚು ಸಂಕೀರ್ಣವಾಗುತ್ತಿದೆ. ಇದರ ಪರಿಣಾಮವಾಗಿ ಗ್ರಾಹಕರ ಅನುಭವದಲ್ಲಿ ವ್ಯತ್ಯಯ ಉಂಟಾಗುವುದರ ಜೊತೆಗೆ ಕಾರ್ಯಾಚರಣಾ ದಕ್ಷತೆಯೂ ಕುಂಠಿತ ವಾಗುತ್ತಿದೆ. ಈ ಸಮಸ್ಯೆಗೆ ಪರಿಹಾರವಾಗಿ Fastrr, ಶಿಪ್ರಾಕೆಟ್ನ ಪ್ರೀ-ಆರ್ಡರ್ ಕಾಮರ್ಸ್ ಸಾಮರ್ಥ್ಯಗಳನ್ನು ಒಂದೇ AI-ಆಧಾರಿತ ಸಮಗ್ರ ವೇದಿಕೆಯಲ್ಲಿ ಒಗ್ಗೂಡಿಸುತ್ತದೆ.
Fastrrನ ಕೇಂದ್ರಬಿಂದುವಾಗಿ ಕಾರ್ಯನಿರ್ವಹಿಸುವುದು ಶಿಪ್ರಾಕೆಟ್ನ ಸ್ವಂತ Commerce Graph ಆಗಿದ್ದು, ಇದು ಶಿಪ್ರಾಕೆಟ್ನ ಶಿಪ್ಪಿಂಗ್ ಮತ್ತು ಚೆಕ್ಔಟ್ ಪರಿಸರ ವ್ಯವಸ್ಥೆಯಲ್ಲಿನ ಕೋಟ್ಯಂತರ ಖರೀದಿದಾರರ ಸಂವಹನಗಳ ಆಧಾರದ ಮೇಲೆ ನಿರ್ಮಿಸಲಾಗಿದೆ. ಈ ಬುದ್ಧಿವಂತ ಡೇಟಾ ಪದರವು ಪ್ರತಿಯೊಂದು ವಹಿವಾಟಿನಿಂದ ನಿರಂತರವಾಗಿ ಕಲಿಯುತ್ತಾ, ಪ್ರತಿಯೊಂದು ಹೊಸ ಸಂವಹನ ದೊಂದಿಗೆ ತನ್ನ AI ಮಾದರಿಗಳನ್ನು ಇನ್ನಷ್ಟು ನಿಖರಗೊಳಿಸುತ್ತದೆ.
ತೊಂದರೆರಹಿತ ಚೆಕ್ಔಟ್, AI ಆಧಾರಿತ ಶಾಪಿಂಗ್ ಸಹಾಯ, ಗುರುತು ತಿಳಿಯದ ವೆಬ್ಸೈಟ್ ಸಂದರ್ಶಕರನ್ನು ಗುರುತಿಸುವ ಸಾಮರ್ಥ್ಯ, Fastrr Ads, ವೈಯಕ್ತಿಕಗೊಳಿಸಿದ ವಾಟ್ಸ್ಆಪ್ ಆಟೊಮೇಷನ್ ಹಾಗೂ AI ಆಧಾರಿತ ಪರಿವರ್ತನೆ ಆಪ್ಟಿಮೈಸೇಶನ್ಗಳ ಮೂಲಕ Fastrr, ಬ್ರ್ಯಾಂಡ್ಗಳಿಗೆ ಗ್ರಾಹಕರಿಗೆ ವೈಯಕ್ತಿಕ ಅನುಭವವನ್ನು ಒದಗಿಸಲು ಹಾಗೂ ಅವರ ಖರೀದಿ ಉದ್ದೇಶವನ್ನು ಹೆಚ್ಚು ಪರಿಣಾಮಕಾರಿಯಾಗಿ ಯಶಸ್ವಿ ಮಾರಾಟವಾಗಿ ಪರಿವರ್ತಿಸಲು ನೆರವಾಗುತ್ತದೆ.
Fastrrನ ಪ್ರಮುಖ ವೈಶಿಷ್ಟ್ಯಗಳಲ್ಲಿ ಒಂದಾದ Fastrr Ads, True Delivered ROAS (Return on Ad Spend) ಆಧಾರಿತ AI-ನೆಟಿವ್ ಕಾರ್ಯಕ್ಷಮತೆ ಮಾರ್ಕೆಟಿಂಗ್ ಪರಿಹಾರವಾಗಿದೆ. ಸಾಂಪ್ರದಾಯಿಕ ಜಾಹೀರಾತು ವೇದಿಕೆಗಳು ಸಾಮಾನ್ಯವಾಗಿ ಜಾಹೀರಾತಿನಿಂದ ಉಂಟಾದ ಪರಿವರ್ತನೆಗಳ ಆಧಾರದ ಮೇಲೆ ಅಭಿಯಾನಗಳನ್ನು ಮೌಲ್ಯಮಾಪನ ಮಾಡುತ್ತವೆ. ಆದರೆ Fastrr Ads, ಯಶಸ್ವಿಯಾಗಿ ಗ್ರಾಹಕರಿಗೆ ತಲುಪಿದ ಆರ್ಡರ್ಗಳ ಆಧಾರದ ಮೇಲೆ ಜಾಹೀರಾತಿನ ಪರಿಣಾಮಕಾರಿತ್ವವನ್ನು ಅಳೆಯುತ್ತದೆ. ಇದರಿಂದ ಪ್ರತಿಯೊಂದು ಮಾರ್ಕೆಟಿಂಗ್ ರೂಪಾಯಿ ನಿಜವಾಗಿ ವ್ಯವಹಾರಕ್ಕೆ ಎಷ್ಟು ಮೌಲ್ಯವನ್ನು ಸೃಷ್ಟಿಸಿದೆ ಎಂಬುದನ್ನು ಬ್ರ್ಯಾಂಡ್ಗಳು ಹೆಚ್ಚು ನಿಖರವಾಗಿ ತಿಳಿದುಕೊಳ್ಳ ಬಹುದು. ಜಾಹೀರಾತಿನ ಕಾರ್ಯಕ್ಷಮತೆಯನ್ನು ನೇರವಾಗಿ ಆರ್ಡರ್ ಪೂರೈಕೆಯೊಂದಿಗೆ ಸಂಪರ್ಕಿಸುವ ಮೂಲಕ, ಉದ್ಯಮಗಳು ತಮ್ಮ ಮಾರ್ಕೆಟಿಂಗ್ ಅಭಿಯಾನಗಳನ್ನು ಹೆಚ್ಚು ವಿಶ್ವಾಸದಿಂದ ಸುಧಾರಿಸಿಕೊಳ್ಳಬಹುದು, ಮಾರ್ಕೆಟಿಂಗ್ ದಕ್ಷತೆಯನ್ನು ಹೆಚ್ಚಿಸಬಹುದು ಹಾಗೂ ಲಾಭದಾಯಕ ಬೆಳವಣಿಗೆಯನ್ನು ಸಾಧಿಸಬಹುದು.
AI ಪ್ರತ್ಯೇಕ ಸಾಧನವಾಗಿ ಕಾರ್ಯನಿರ್ವಹಿಸದೆ, ಪ್ರತಿಯೊಂದು ವಾಣಿಜ್ಯ ಕಾರ್ಯಪ್ರವಾಹದೊಳಗೆ ಅಡಕವಾಗಿರುವ ಬುದ್ಧಿವಂತಿಕೆಯ ಪದರವಾಗಿರಬೇಕು ಎಂಬುದು ಶಿಪ್ರಾಕೆಟ್ನ ನಂಬಿಕೆಯಾಗಿದೆ. ಕಂಪನಿಯ ಮೊದಲ AI-ನೆಟಿವ್ ಪ್ರೀ-ಆರ್ಡರ್ ಸೂಟ್ ಆಗಿರುವ Fastrr, ಭಾರತದಲ್ಲಿನ ಉದ್ಯಮಗಳಿಗೆ ಹೆಚ್ಚು ಬುದ್ಧಿವಂತ, ಪರಸ್ಪರ ಸಂಪರ್ಕಿತ ಹಾಗೂ ಸುಲಭವಾಗಿ ಬಳಸಬಹುದಾದ ಇ-ಕಾಮರ್ಸ್ ಅನುಭವವನ್ನು ಒದಗಿಸುವತ್ತ ಮಹತ್ವದ ಹೆಜ್ಜೆಯಾಗಿದೆ.
Shiprocket SHIVIR 2026 ಕಾರ್ಯಕ್ರಮವನ್ನು Airpay ಸಹ-ಪ್ರಸ್ತುತಪಡಿಸಿದ್ದು, AWS, Google Cloud, Oneture, Salesforce, Zoho ಸೇರಿದಂತೆ ಹಲವು ತಂತ್ರಜ್ಞಾನ ಪಾಲುದಾರರು ಕಾರ್ಯಕ್ರಮಕ್ಕೆ ಬೆಂಬಲ ನೀಡಿದರು.