ಪ್ರೀಮಿಯಂ ಅಗರಬತ್ತಿ ಮಾರುಕಟ್ಟೆ ವಿಸ್ತರಣೆಗೆ ಮುಂದಾದ ಐಟಿಸಿ, 2 ಹೊಸ ಉತ್ಪನ್ನಗಳ ಬಿಡುಗಡೆ

ಸಾಲು ಸಾಲು ಹಬ್ಬಗಳ ಸೀಸನ್ ಆರಂಭವಾಗಿದ್ದು ಈ ಸಂಭ್ರಮವನ್ನು ಮತ್ತಷ್ಟು ಹೆಚ್ಚಿಸಲು ಭಾರತದ ಪ್ರಮುಖ ಅಗರಬತ್ತಿ ಬ್ರ್ಯಾಂಡ್‌ ಎರಡು ಹೊಸ ಪ್ರೀಮಿಯಂ ಅಗರಬತ್ತಿಗಳನ್ನು ಪರಿಚಯಿಸಿದೆ.

ಈ ಅಗರಬತ್ತಿಗಳು ಸಂಪೂರ್ಣವಾಗಿ ಇದ್ದಿಲು ಮುಕ್ತ ಆಗಿವೆ. ಗ್ರಾಹಕರ ಸಾಂಪ್ರದಾಯಿಕ ಪೂಜಾ ವಿಧಿವಿಧಾನಗಳು ಹಾಗೂ ಆಧುನಿಕ ಜೀವನಶೈಲಿ ಎರಡಕ್ಕೂ ಹೊಂದುವಂತೆ ವಿಭಿನ್ನ ಸುಗಂಧ ಗಳೊಂದಿಗೆ ಇವುಗಳನ್ನು ಸಿದ್ಧಪಡಿಸಲಾಗಿದೆ.

ಭಕ್ತಿಭಾವ ಮೂಡಿಸುವ 'ಟೆಂಪಲ್ ಸ್ಯಾಂಡಲ್ ಗೋಲ್ಡ್'

ಸಾಂಪ್ರದಾಯಿಕ ದೇವಸ್ಥಾನಗಳಲ್ಲಿ ಕಂಡುಬರುವ ಶುದ್ಧ ಶ್ರೀಗಂಧದ ಪರಿಮಳವನ್ನು ಮನೆಗೆ ತರುವ ಉದ್ದೇಶದಿಂದ ಅಗರಬತ್ತಿಯನ್ನು ವಿನ್ಯಾಸಗೊಳಿಸಲಾಗಿದೆ. ನೈಸರ್ಗಿಕ ಶ್ರೀಗಂಧದ ಪುಡಿ ಹಾಗೂ ಜವಾದು ಸುಗಂಧದ ಸಮ್ಮಿಶ್ರಣದಿಂದ ಇದನ್ನು ತಯಾರಿಸಲಾಗಿದೆ.

ಇದು ಪೂಜಾ ಕೋಣೆಯಲ್ಲಿ ಪ್ರಶಾಂತವಾದ ಮತ್ತು ದೀರ್ಘಕಾಲ ಪರಿಮಳವನ್ನು ಪಸರಿಸುತ್ತದೆ. ದೇವರ ಪೂಜೆಯ ಸಮಯದಲ್ಲಿ ಭಕ್ತಿಭಾವ ಮತ್ತು ನೆಮ್ಮದಿಯ ವಾತಾವರಣವನ್ನು ಬಯಸುವ ಗ್ರಾಹಕರಿಗೆ ಈ ಅಗರಬತ್ತಿ ಅತ್ಯುತ್ತಮ ಆಯ್ಕೆಯಾಗಿದೆ.

ಇದನ್ನೂ ಓದಿ: Star Lifestyle 2025: ನಟ ಸಿದ್ಧಾರ್ಥ್ ಮಲ್ಹೋತ್ರಾ ಸಿಂಪಲ್ ವಿಂಟರ್ ಲೈಫ್‌ಸ್ಟೈಲ್

ಮನೆಯ ವಾತಾವರಣಕ್ಕೆ ಹೊಸ ಚೈತನ್ಯ ನೀಡಲಿದೆ 'ಕೂಲ್ ಸ್ಪ್ಲ್ಯಾಶ್'

ಮಂಗಳದೀಪ್ ಸೆಂಟ್ ಶ್ರೇಣಿಗೆ ಹೊಸದಾಗಿ ಸೇರ್ಪಡೆಯಾಗಿರುವ 'ಕೂಲ್ ಸ್ಪ್ಲ್ಯಾಶ್' ಅಗರಬತ್ತಿ ಯು, ಆಧುನಿಕ ಮತ್ತು ತಾಜಾ ಸುಗಂಧವನ್ನು ಹೊಂದಿದೆ. ಇದು ಮನೆಯ ವಾತಾವರಣವನ್ನು ಸದಾ ಉಲ್ಲಾಸಭರಿತವಾಗಿರಿಸಲು ಸಹಾಯ ಮಾಡುತ್ತದೆ.

ಪೂಜೆಯ ಸಮಯ ಮಾತ್ರವಲ್ಲದೆ, ದಿನನಿತ್ಯದ ಕ್ಷಣಗಳಲ್ಲಿ ಮನೆಯಲ್ಲಿ ತಾಜಾತನ ಮತ್ತು ಹೊಸ ಚೈತನ್ಯ ತುಂಬಿದ ವಾತಾವರಣವನ್ನು ಇಷ್ಟಪಡುವ ಗ್ರಾಹಕರಿಗಾಗಿ ಇದನ್ನು ವಿಶೇಷವಾಗಿ ಸಿದ್ಧಪಡಿಸಲಾಗಿದೆ. ಇದು ದೈನಂದಿನ ಜೀವನದಲ್ಲಿ ಒಂದು ರಿಫ್ರೆಶ್ ಆದ ಅನುಭವವನ್ನು ನೀಡುತ್ತದೆ.

ಈ ಹೊಸ ಉತ್ಪನ್ನದ ಬಗ್ಗೆ ಪ್ರತಿಕ್ರಿಯಿಸಿರುವ ಮುಖ್ಯ ಕಾರ್ಯನಿರ್ವಾಹಕ ರೋಹಿತ್ ಡೋಗ್ರಾ, “ಇಂದಿನ ಗ್ರಾಹಕರು ಕೇವಲ ಒಳ್ಳೆಯ ಪರಿಮಳವನ್ನು ಮಾತ್ರವಲ್ಲ, ಆ ಪರಿಮಳದಿಂದ ತಮಗೆ ಸಿಗುವ ಅನುಭವವನ್ನು ಕೂಡ ನಿರೀಕ್ಷಿಸುತ್ತಾರೆ. ಟೆಂಪಲ್ ಸ್ಯಾಂಡಲ್ ಗೋಲ್ಡ್ ಮೂಲಕ ದೇವಸ್ಥಾನದ ಶ್ರೀಗಂಧದ ಪರಿಮಳವನ್ನು ನೀಡುತ್ತಿದ್ದರೆ, ಕೂಲ್ ಸ್ಪ್ಲ್ಯಾಶ್ ಮೂಲಕ ದೈನಂದಿನ ಜೀವನಕ್ಕೆ ತಾಜಾತನವನ್ನು ಒದಗಿಸುತ್ತಿದ್ದೇವೆ,” ಎಂದು ತಿಳಿಸಿದ್ದಾರೆ.

ಅಗರಬತ್ತಿಗಳು ಇದೀಗ ದೇಶಾದ್ಯಂತ ಎಲ್ಲಾ ಪ್ರಮುಖ ರಿಟೇಲ್ ಮಳಿಗೆಗಳು ಹಾಗೂ ಮಾರ್ಟ್‌ ಗಳಲ್ಲಿ ಲಭ್ಯವಿವೆ. 40 ಕಡ್ಡಿಗಳಿರುವ ಪ್ರತಿಯೊಂದು ಪ್ಯಾಕ್‌ನ ಬೆಲೆಯನ್ನು 150 ರೂಪಾಯಿಗಳಿಗೆ ನಿಗದಿಪಡಿಸಲಾಗಿದೆ. ಉನ್ನತ ಗುಣಮಟ್ಟದ ಈ ಹೊಸ ಉತ್ಪನ್ನಗಳ ಮೂಲಕ ಐಟಿಸಿ ಮಂಗಳ ದೀಪ್ ತನ್ನ ಪ್ರೀಮಿಯಂ ಮಾರುಕಟ್ಟೆಯನ್ನು ಮತ್ತಷ್ಟು ವಿಸ್ತರಿಸಿಕೊಂಡಿದೆ.