SIR: ಎಸ್‌ʼಐಆರ್‌ ಕಾವಲಿಗೆ ಹೊರ ರಾಜ್ಯದ ವೀಕ್ಷಕರ ನೇಮಕ ?

ನಿಲ್ಲದ ಸಾಮೂಹಿಕ ಅರ್ಜಿ ಭರ್ತಿ: ಬಿಜೆಪಿ-ಜೆಡಿಎಸ್‌ನಿಂದ ದೂರು

ಪ.ಬಂಗಾಳ ಮಾದರಿ ವಿಶೇಷ ವೀಕ್ಷಕರ ನೇಮಕಕ್ಕೆ ಆಯೋಗ ಚಿಂತನೆ

ಬೆಂಗಳೂರು: ರಾಜ್ಯದಲ್ಲಿ ಎಸ್‌ಐಆರ್ ಆರಂಭಗೊಂಡ ದಿನದಿಂದ ಶುರುವಾಗಿ ಗೊಂದಲ ಮುಂದುವರಿ ದಿದ್ದು, ಸಾಮೂಹಿಕವಾಗಿ ಅರ್ಜಿ ಭರ್ತಿ ಮಾಡುವಂತಿಲ್ಲ ಎನ್ನುವ ಸ್ಪಷ್ಟ ಸೂಚನೆಯ ಹೊರತಾಗಿಯೂ ರಾಜ್ಯದ ಹಲವು ಭಾಗದಲ್ಲಿ ಬಿಎಲ್ ಒಗಳು ಸಾಮೂಹಿಕ ಭರ್ತಿಯನ್ನೇ ಮಾಡುತ್ತಿದ್ದಾರೆ ಎನ್ನುವ ಆರೋಪ ಕೇಳಿ ಬಂದಿದೆ. ಇದರ ಬೆನ್ನಲ್ಲೇ, ಕೇಂದ್ರ ಚುನಾವಣೆ ಆಯೋಗ ಹೊರ ರಾಜ್ಯದ ಅಧಿಕಾರಿಗಳನ್ನು ಉಸ್ತುವಾರಿಗಳನ್ನಾಗಿ ನೇಮಿಸುವ ಗಂಭೀರ ಚಿಂತನೆ ನಡೆಸಿದೆ ಎನ್ನಲಾಗಿದೆ.

ಮಸೀದಿ, ಕಲ್ಯಾಣ ಮಂಟಪಗಳಲ್ಲಿ ಎಣಿಕೆ ನಮೂನೆಗಳನ್ನು ಭರ್ತಿ ಮಾಡುವ ವಿಡಿಯೊಗಳು ವೈರಲ್ ಆಗುತ್ತಿದ್ದಂತೆ ಎಚ್ಚೆತ್ತುಕೊಂಡ ಚುನಾವಣಾ ಆಯೋಗ ಮನೆಮನೆಗೆ ತೆರಳಿಯೇ ಅರ್ಜಿ ಗಳನ್ನು ನೀಡಬೇಕು ಎನ್ನುವ ಸ್ಪಷ್ಟ ಆದೇಶವನ್ನು ನೀಡಿತ್ತು. ಆದರೆ ಶನಿವಾರವೂ ಸಾಮೂಹಿಕ ವಾಗಿ ಅರ್ಜಿ ವಿತರಣೆ, ಭರ್ತಿ ನಡೆಯುತ್ತಿರುವ ವಿಡಿಯೊಗಳು ಕಾಣಿಸಿಕೊಂಡಿರುವುದು ತೀವ್ರ ವಿವಾದಕ್ಕೆ ಕಾರಣವಾಗಿದೆ. ಇದರ ಬೆನ್ನಲ್ಲೇ, ಹೊರರಾಜ್ಯಗಳಿಂದ ಅಧಿಕಾರಿಗಳನ್ನು ನೇಮಿಸುವ ಬಗ್ಗೆ ಚುನಾವಣಾ ಆಯೋಗ ಆಲೋಚನೆ ನಡೆಸಿದೆ ಎನ್ನಲಾಗುತ್ತಿದೆ.

ಯಾವುದೇ ಮತದಾರರನ್ನು ಪಟ್ಟಿಯಿಂದ ತೆಗೆಯುವುದು ಹಾಗೂ ಸೇರ್ಪಡೆ ಮಾಡಬೇಕಾದರೆ ಬಿಎಲ್‌ʼಒಗಳು ಕಡ್ಡಾಯವಾಗಿ ವೀಕ್ಷಕರ ಅನುಮತಿ ಪಡೆಯಬೇಕು. ಇದರೊಂದಿಗೆ ಅಧಿಕಾರಿಗಳು ಕಡ್ಡಾಯವಾಗಿ ಮನೆ ಮನೆಗೆ ತೆರಳಿ ಗಣತಿ ನಮೂನೆಯನ್ನು ನೀಡಬೇಕು. ಜತೆಗೆ ಆಯೋಗ ನಿಗದಿಪಡಿಸಿದ ಸ್ಥಳದಲ್ಲಿಯೇ ಎಸ್‌ಐಆರ್ ಪ್ರಕ್ರಿಯೆಯನ್ನು ನಡೆಸಬೇಕು.

ಇದನ್ನೂ ಓದಿ: SIR in Karnataka: ಹುಬ್ಬಳ್ಳಿಯ ತಮ್ಮ ನಿವಾಸದಲ್ಲೇ SIRನಲ್ಲಿ ಭಾಗಿಯಾಗಿ ಪ್ರೇರಣೆಯಾದ ಕೇಂದ್ರ ಸಚಿವ ಪ್ರಲ್ಹಾದ್‌ ಜೋಶಿ

ಆದರೆ ಹಲವು ಭಾಗಗಳಲ್ಲಿ ಈ ರೀತಿ ನಡೆಯದೇ ಇರುವುದರಿಂದ ಆಯೋಗ ಎಸ್‌ಐಆರ್ ಪ್ರಕಿಯೆ ಯನ್ನು ವೀಕ್ಷಕರ ಸಮ್ಮುಖದಲ್ಲಿ ನಡೆಸಲು ಮುಂದಾಗಿದೆ ಎಂದು ಹೇಳಲಾಗುತ್ತಿದೆ.

ಬಿಜೆಪಿ, ಜೆಡಿಎಸ್‌ನಿಂದ ದೂರು: ಎಸ್‌ಐಆರ್ ಗೊಂದಲಕ್ಕೆ ಸಂಬಂಧಿಸಿ ಈಗಾಗಲೇ ಬಿಜೆಪಿಮತ್ತು ಜೆಡಿಎಸ್ ನಾಯಕರು ಚುನಾವಣಾ ಆಯೋಗಕ್ಕೆ ದೂರು ಸಲ್ಲಿಸಿzರೆ. ಮತದಾರರ ಪಟ್ಟಿಯ ಪಾವಿತ್ಯತೆಯನ್ನು ಕಾಪಾಡುವಲ್ಲಿ ಅಧಿಕಾರಿಗಳು ವಿಫಲರಾಗಿದ್ದಾರೆ. ಇದು ಪಕ್ಷಪಾತದ ನಡೆ ಎಂದು ಆರೋಪಿಸಿದ್ದಾರೆ. ಇದನ್ನು ಗಂಭೀರವಾಗಿ ಪರಿಗಣಿಸಿರುವ ಆಯೋಗ, ಪಶ್ಚಿಮ ಬಂಗಾಳದ ಮಾದರಿಯಲ್ಲಿ ಕರ್ನಾಟಕಕ್ಕೂ ವಿಶೇಷ ವೀಕ್ಷಕರನ್ನು ನೇಮಕ ಮಾಡಲು ಚಿಂತನೆ ನಡೆಸಿದೆ. ಹೊರ ರಾಜ್ಯದ ವೀಕ್ಷಕರನ್ನು ನೇಮಕ ಮಾಡುವ ಕ್ರಮವನ್ನು ಸುಪ್ರಿಂಕೋರ್ಟ್ ಈಗಾಗಲೇ ಎತ್ತಿ ಹಿಡಿದಿದೆ.

ಇದೇ ಅಸವನ್ನು ಈಗ ಕರ್ನಾಟಕದಲ್ಲಿ ಬಳಸಲು ಆಯೋಗ ಮುಂದಾಗಿದೆ. ಈ ಹಿಂದೆ ಪಶ್ಚಿಮ ಬಂಗಾಳದಲ್ಲಿ ಎಸ್‌ಐಆರ್ ನಡೆಸುವ ವೇಳೆ ಸಾಕಷ್ಟು ಲೋಪಗಳು ಕಂಡುಬಂದಿದ್ದವು. ಕೊನೆಗೆ ಪಶ್ಚಿಮ ಬಂಗಾಳ ಚುನಾವಣಾ ಆಯೋಗದ ಮನವಿ ಮೇರೆಗೆ ಭಾರತೀಯ ಚುನಾವಣಾ ಆಯೋಗ ಎಸ್‌ಐಆರ್ ಪ್ರಕ್ರಿಯೆ ನಡೆಸಲು ಹೊರ ರಾಜ್ಯದ ಹಿರಿಯ ಅಧಿಕಾರಿಗಳನ್ನು ವೀಕ್ಷಕರನ್ನಾಗಿ ನೇಮಕ ಮಾಡಿದ್ದರು. ಇದೀಗ ಇದೇ ನಡೆಯನ್ನು ಕರ್ನಾಟಕದಲ್ಲಿಯೂ ಅನುಸರಿಸುವ ಸಾಧ್ಯತೆ ದಟ್ಟವಾಗಿದೆ ಎನ್ನಲಾಗಿದೆ.

ಶೇ.50ರಷ್ಟು ಅರ್ಜಿ ನಮೂನೆ ವಿತರಣೆ

ರಾಜ್ಯದಲ್ಲಿ ನಡೆಯುತ್ತಿರುವ ಎಸ್‌ಐಆರ್ ಅಭಿಯಾನದಲ್ಲಿ ಎಣಿಕೆ ನಮೂನೆ ಗಳ ವಿತರಣೆ ಶೇ.50ರ ಗಡಿ ದಾಟಿದೆ. ಜುಲೈ 4ರ ಸಂಜೆ ಆರು ಗಂಟೆಯ ವೇಳೆಗೆ ರಾಜ್ಯ ದಲ್ಲಿರುವ ಒಟ್ಟು 5,54,32,314 ಮತದಾರರಲ್ಲಿ 2,78,21,970 ಎಣಿಕೆ ನಮೂನೆಗಳು ವಿತರಣೆ ಗೊಂಡಿದೆ. ರಾಜ್ಯದ 59,050 ಮತಗಟ್ಟೆ ಗಳಲ್ಲಿ, 6352 ಮತಗಟ್ಟೆಗಳಲ್ಲಿ ಶೇ.100ರಷ್ಟು ನಮೂನೆಗಳ ವಿತರಣೆ ಪೂರ್ಣ ಗೊಂಡಿದೆ. ಇನ್ನೂ 5538 ಮತಗಟ್ಟೆಗಳಲ್ಲಿ ಶೇ.90ಕ್ಕಿಂತ ಹೆಚ್ಚು ವಿತರಣೆ ನಡೆದಿದೆ ಎಂದು ಚುನಾವಣಾ ಆಯೋಗ ಮಾಹಿತಿ ನೀಡಿದೆ.

ಶೇ.3.23 ಡಿಜಿಟಲೀಕರಣ

ಎಸ್‌ಐಆರ್ ಅಭಿಯಾನದಲ್ಲಿ ಎಣಿಕೆ ನಮೂನೆಗಳ ವಿತರಣೆ ಭರದಿಂದ ಸಾಗಿದ್ದರೂ ಇದುವರೆಗೆ 17,88,330 ನಮೂನೆಗಳು (ಶೇ.3.23) ಮಾತ್ರ ಡಿಜಿಟಲೀಕರಣಗೊಂಡಿವೆ. ಕೇವಲ 2 ಮತಗಟ್ಟೆಗಳಲ್ಲಿ ಶೇ.100 ಡಿಜಿಟಲೀಕರಣ ಪೂರ್ಣಗೊಂಡಿದ್ದು, 7 ಮತಗಟ್ಟೆಗಳಲ್ಲಿ ಶೇ.9ಕ್ಕಿಂತ ಹೆಚ್ಚು ಡಿಜಿಟಲೀ ಕರಣ ದಾಖಲಾಗಿದೆ. ಈ ನಡುವೆ 77,624 ಮತದಾರರು ಆನ್‌ಲೈನ್ ಮೂಲಕ ಎಣಿಕೆ ನಮೂನೆ ಗಳನ್ನು ಸಲ್ಲಿಸಿದ್ದಾರೆ. ಪರಿಷ್ಕರಣೆ ವೇಳೆ 13859 ಮೃತ ಮತದಾರರು, 11,697 ಶಾಶ್ವತವಾಗಿ ಸ್ಥಳಾಂತರಗೊಂಡ ಮತದಾರರು, 2461 ಈಗಾಗಲೇ ಬೇರೆಡೆ ಮತದಾರರ ಪಟ್ಟಿಯಲ್ಲಿ ಹೆಸರು ಹೊಂದಿರುವವರು, 433 ಪತ್ತೆಯಾಗದ ಅಥವಾ ಗೈರುಹಾಜರಿದ್ದವರು ಹಾಗೂ 161 ಇತರೆ ಪ್ರಕರಣ ಗಳು ಗುರುತಿಸಲ್ಪಟ್ಟಿದ್ದು, ಒಟ್ಟು 28611 ಪ್ರಕರಣಗಳು ವಿವಿಧ ವರ್ಗಗಳಲ್ಲಿ ದಾಖಲಾಗಿವೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.