ಬೆಂಗಳೂರಿನ ಪಬ್‌ಗಳ ಮೇಲೆ ಪೊಲೀಸ್ ದಾಳಿ: ಐಡಿ ತೋರಿಸಲು ಹೇಳಿದ್ದಕ್ಕೆ ಪೊಲೀಸ್ ಇನ್ಸ್‌ಪೆಕ್ಟರ್ ಮೇಲೆಯೇ ಹಲ್ಲೆ ಮಾಡಿದ ಐಎಎಸ್ ಅಧಿಕಾರಿ
IAS Officer Assaults Police: ಪಬ್ ದಾಳಿಯ ಸಂದರ್ಭದಲ್ಲಿ ಪೊಲೀಸ್ ಇನ್ಸ್‌ಪೆಕ್ಟರ್ ಮೇಲೆ ಹಲ್ಲೆ ಮತ್ತು ನಿಂದನೆ ಮಾಡಿದ ಆರೋಪದ ಮೇಲೆ ಆಂಧ್ರಪ್ರದೇಶ ಕೇಡರ್‌ನ ಐಎಎಸ್ ಅಧಿಕಾರಿ ಮತ್ತು ಅವರ ಮೂವರು ಸ್ನೇಹಿತರ ವಿರುದ್ಧ ಬೆಂಗಳೂರು ಪೊಲೀಸರು ಎಫ್‌ಐಆರ್ ದಾಖಲಿಸಿದ್ದಾರೆ. ಐಡಿ ತೋರಿಸಲು ಕೇಳಿದಾಗ, ಐಎಎಸ್ ಅಧಿಕಾರಿಯು ಪೊಲೀಸ್ ಅಧಿಕಾರಿಗಳೊಂದಿಗೆ ವಾಗ್ವಾದ ನಡೆಸಿದರು.
ಪೊಲೀಸ್ ಇನ್ಸ್‌ಪೆಕ್ಟರ್ ಮೇಲೆಯೇ ಹಲ್ಲೆ ಮಾಡಿದ ಐಎಎಸ್ ಅಧಿಕಾರಿ -
ಬೆಂಗಳೂರು, ಅ.13: ಪಬ್ ದಾಳಿಯ ಸಂದರ್ಭದಲ್ಲಿ ಪೊಲೀಸ್ ಇನ್ಸ್‌ಪೆಕ್ಟರ್ ಮೇಲೆ ಹಲ್ಲೆ ಮತ್ತು ನಿಂದನೆ ಮಾಡಿದ ಆರೋಪದ ಮೇಲೆ ಆಂಧ್ರಪ್ರದೇಶ ಕೇಡರ್‌ನ ಐಎಎಸ್ ಅಧಿಕಾರಿ ಮತ್ತು ಅವರ ಮೂವರು ಸ್ನೇಹಿತರ ವಿರುದ್ಧ ಬೆಂಗಳೂರು (Bengaluru) ಪೊಲೀಸರು ಎಫ್‌ಐಆರ್ ದಾಖಲಿಸಿದ್ದಾರೆ. ಬೆಳಗಿನ ಜಾವ 1:30 ರ ಸುಮಾರಿಗೆ ಬೆಂಗಳೂರು ಪೊಲೀಸ್ ಅಧಿಕಾರಿಗಳು ಪಬ್ ಮೇಲೆ ದಾಳಿ ನಡೆಸಿ, ಹಾಜರಿದ್ದವರ ಐಡಿ ತೋರಿಸಲು ಹೇಳಿದಾಗ ಈ ಘಟನೆ ಸಂಭವಿಸಿದೆ. ಐಡಿ ತೋರಿಸಲು ಕೇಳಿದಾಗ, ಐಎಎಸ್ ಅಧಿಕಾರಿಯು (IAS Officer) ಪೊಲೀಸ್ ಅಧಿಕಾರಿಗಳೊಂದಿಗೆ ವಾಗ್ವಾದ ನಡೆಸಿದರು.
ಐಎಎಸ್ ಅಧಿಕಾರಿ ಮತ್ತು ಅವರ ಸ್ನೇಹಿತರು ಪೊಲೀಸ್ ಅಧಿಕಾರಿಗಳ ಮೇಲೆ ನಿಂದನೆ ಮಾಡುತ್ತಿರುವ ವಿಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿತ್ತು. ಆರೋಪಿ ಐಎಎಸ್ ಅಧಿಕಾರಿಯನ್ನು ವಿಕಾಸ್ ಮರ್ಮತ್ ಎಂದು ಗುರುತಿಸಲಾಗಿದೆ. ಅವರು ಆಂಧ್ರಪ್ರದೇಶದ ಕುಪ್ಪಂನಲ್ಲಿರುವ ಕುಪ್ಪಂ ಪ್ರದೇಶ ಅಭಿವೃದ್ಧಿ ಪ್ರಾಧಿಕಾರದ ಯೋಜನಾ ನಿರ್ದೇಶಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಅವರ ಮೂವರು ಸ್ನೇಹಿತರನ್ನು ಅಭಯ್ ಉದಯ್ ಸಿಂಗ್, ನಿತೇಶ್ ಮತ್ತು ರೋಶನ್ ಎಂದು ಗುರುತಿಸಲಾಗಿದೆ.
ಇಲ್ಲಿದೆ ವಿಡಿಯೊ:
AP IAS officer Vikas Marmat booked in Bengaluru after pub altercation An Andhra Pradesh cadre Indian Administrative Service (IAS) officer, Vikas Marmat, project director of the Kuppam Area Development Authority (KADA), has been booked by Bengaluru police following an alleged altercation with police personnel at a pub on Residency Road. The case was registered at Cubbon Park police station based on a complaint by inspector Arun Salunke. Marmat and three others, Abhay Uday Singh, Nithish and Roshan. Police were checking customers' identity cards The incident reportedly occurred around 1.30am on October 10, when Bengaluru Central Crime Branch personnel were checking identity cards to verify the ages of customers at Cavore Bar and Restaurant on Residency Road. According to the complaint, four people allegedly entered into an argument with the police personnel and assaulted them. Police registered a criminal case against Marmat and the three others under at Cubbon Park police station. #VikasMarmat #AndhraPradesh #Bengaluru #Kuppam
— Sudhakar Udumula (@sudhakarudumula) October 13, 2026
ಕಾವೂರ್ ಪಬ್‌ನಲ್ಲಿ ನಡೆದ ಘಟನೆಯ ನಂತರ ಕಬ್ಬನ್ ಪಾರ್ಕ್ ಪೊಲೀಸ್ ಠಾಣೆಯಲ್ಲಿ ಎಫ್‌ಐಆರ್ ದಾಖಲಾಗಿದೆ. ಆರೋಪಿ ಐಎಎಸ್ ಅಧಿಕಾರಿಯು ಪೊಲೀಸ್ ಇನ್ಸ್‌ಪೆಕ್ಟರ್ ಮೇಲೆ ಹಲ್ಲೆ ನಡೆಸಿ ಬೆದರಿಕೆ ಹಾಕಿದ್ದಾರೆ ಎಂದು ಎಫ್‌ಐಆರ್‌ನಲ್ಲಿ ಹೇಳಲಾಗಿದೆ. ಬೆಂಗಳೂರು ಪೊಲೀಸರು, ಕೇಂದ್ರ ಅಪರಾಧ ವಿಭಾಗ (ಸಿಸಿಬಿ) ಜೊತೆಗೆ, ನಗರದಾದ್ಯಂತ ಪಬ್‌ಗಳು ಮತ್ತು ಇತರ ಸಂಸ್ಥೆಗಳ ಮೇಲೆ ದಾಳಿ ನಡೆಸುತ್ತಿದ್ದರು.
ಬೆಂಗಳೂರು ಟ್ರಾಫಿಕ್‌ನಲ್ಲಿ ಹೀಗೂ ಸಮಯ ಕಳೆಯಬಹುದೇ? ಫುಟ್‌ಬಾಲ್ ಕ್ರೇಜ್ ಬಗ್ಗೆ ಹರಟೆ ಹೊಡೆದ ಸವಾರರು!
ದಾಳಿಯ ಸಮಯದಲ್ಲಿ, ಸಮವಸ್ತ್ರದಲ್ಲಿದ್ದ ಸಿಸಿಬಿ ಸಿಬ್ಬಂದಿ, ಕಳೆದ ಶುಕ್ರವಾರ (ಅ.9) ಬೆಳಗಿನ ಜಾವ 1.30ಕ್ಕೆ ಪಬ್‌ಗೆ ಪ್ರವೇಶಿಸಿ ಗ್ರಾಹಕರ ಗುರುತಿನ ಚೀಟಿಗಳನ್ನು ಪರಿಶೀಲಿಸಲು ಪ್ರಾರಂಭಿಸಿದರು. ಈ ವೇಳೆ ಅವರ ವಯಸ್ಸನ್ನು ದೃಢೀಕರಿಸಲು ಮತ್ತು ಅನುಮಾನಾಸ್ಪದ ವ್ಯಕ್ತಿಗಳನ್ನು ಪರಿಶೀಲಿಸಲು ಪ್ರಾರಂಭಿಸಿದರು. ಶೋಧದ ಸಮಯದಲ್ಲಿ, ಪೊಲೀಸರು ಮರ್ಮತ್‌ಗೆ ಗುರುತಿನ ಚೀಟಿ ತೋರಿಸಲು ಕೇಳಿದಾಗ, ಅವನು ಮತ್ತು ಅವನ ಮೂವರು ಸ್ನೇಹಿತರು ಕೋಪಗೊಂಡು ಪೊಲೀಸರೊಂದಿಗೆ ವಾಗ್ವಾದ ನಡೆಸಲು ಪ್ರಾರಂಭಿಸಿದರು ಎಂದು ಆರೋಪಿಸಲಾಗಿದೆ.
ಆರೋಪಿ ಐಎಎಸ್ ಅಧಿಕಾರಿ ಅಧಿಕಾರಿಗಳ ಮೇಲೆ ನಿಂದನೆ ಮಾಡಲು ಪ್ರಾರಂಭಿಸಿದರು ಎಂದು ಆರೋಪಿಸಲಾಗಿದೆ. ಪೊಲೀಸ್ ಇನ್ಸ್‌ಪೆಕ್ಟರ್ ಅವರ ವರ್ತನೆಯ ಬಗ್ಗೆ ಪ್ರಶ್ನಿಸಿದಾಗ, ಐಎಎಸ್ ಅಧಿಕಾರಿ ಇನ್ಸ್‌ಪೆಕ್ಟರ್‌ಗೆ ಕಪಾಳಮೋಕ್ಷ ಮಾಡಿ ಬೆದರಿಕೆ ಹಾಕಿದರು. ತಾವು ಐಎಎಸ್ ಅಧಿಕಾರಿ ಮತ್ತು ಪೊಲೀಸರು ತಮ್ಮ ವಿರುದ್ಧ ಕ್ರಮ ಕೈಗೊಳ್ಳಲು ಸಾಧ್ಯವಿಲ್ಲ ಎಂದು ಹೇಳಿದರು.
ಬೆಂಗಳೂರು ಪೊಲೀಸ್ ಆಯುಕ್ತ ಸೀಮಂತ್ ಕುಮಾರ್ ಸಿಂಗ್ ನೇತೃತ್ವದಲ್ಲಿ ನಗರದಾದ್ಯಂತ ಪಬ್‌ಗಳು ಮತ್ತು ಬಾರ್‌ಗಳ ಮೇಲೆ ತಡರಾತ್ರಿ ದಾಳಿ ನಡೆಸಲಾಯಿತು. ಸುಮಾರು 1,500 ಪೊಲೀಸ್ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿದ್ದು, ಸಮಯ ಉಲ್ಲಂಘನೆ, ಅಪ್ರಾಪ್ತ ವಯಸ್ಕರ ಮದ್ಯಪಾನ ಮತ್ತು ಇತರ ಅಕ್ರಮಗಳನ್ನು ಪರಿಶೀಲಿಸಲು 400 ರಿಂದ 500 ಸ್ಥಳಗಳಲ್ಲಿ ದಾಳಿ ಮತ್ತು ತಪಾಸಣೆ ನಡೆಸಿದ್ದಾರೆ.