Amitabh Bachchan: ಇದೊಂದು ಕಾರಣಕ್ಕೆ ಟೀಕೆಗೆ ಗುರಿಯಾಗುತ್ತಿದ್ದ ಅಮಿತಾಭ್‌! KBC ವೇದಿಕೆಯಲ್ಲಿ ಮುಕ್ತ ಮಾತು

ಅಮಿತಾಭ್‌ ಬಚ್ಚನ್ (Amitabh Bachchan) ಭಾರತೀಯ ಚಿತ್ರರಂಗದ ಅತ್ಯುತ್ತಮ ನಟ. ಈ ನಟ ತಮ್ಮ ಅದ್ಭುತ ಸಿನಿಮಾಗಳಿಗಾಗಿ, ನಟನೆಗಾಗಿ ಹೆಸರುವಾಸಿಯಾಗಿದ್ದಾರೆ, ಹಲವಾರು ಭಾಷೆಗಳಲ್ಲಿ ನಟಿಸಿದ್ದಾರೆ ಹಲವಾರು ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ. ದಶಕಗಳ ಹಿಂದೆ ಅವರು ಚಿತ್ರರಂಗಕ್ಕೆ ಕಾಲಿಟ್ಟಾಗ ಅದು ಇಷ್ಟೊಂದು ಸುಲಭವಾಗಿರಲಿಲ್ಲ. ಪ್ರಸ್ತುತ ಕೌನ್ ಬನೇಗಾ ಕರೋಡ್ ಪತಿ 18 ( Kaun Banega Crorepati 18) ಅನ್ನು ಆಯೋಜಿಸುತ್ತಿರುವ ಹಿರಿಯ ನಟ, ಮುಂಚೆ ಯುವ ನಟನಾಗಿ ತಾವು ಹೇಗೆ ತಿರಸ್ಕಾರವನ್ನು ಎದುರಿಸಿದರು ಮತ್ತು ಹೋರಾಟವನ್ನು ಮುಂದುವರೆಸಿದರು ಎಂಬುದನ್ನು ಹಂಚಿಕೊಂಡರು.

ಹೋರಾಟದ ಬಗ್ಗೆ ಮುಕ್ತ ಮಾತು

ಕೆಬಿಸಿಯ ವಿಶೇಷ ಸಂಚಿಕೆಯಲ್ಲಿ ಅಮಿತಾಬ್ 2026 ರ ಕಾಮನ್‌ವೆಲ್ತ್ ಕ್ರೀಡಾಕೂಟದ ಚಿನ್ನದ ಪದಕ ವಿಜೇತರಾದ ಲವ್ಲಿನಾ ಬೊರ್ಗೊಹೈನ್, ಝಂಡು ಕುಮಾರ್, ಶರ್ಮಿಳಾ ಧಂಕರ್ ಮತ್ತು ಅಸ್ಮಿತಾ ಡೇ ಅವರೊಂದಿಗೆ ಸಂವಾದ ನಡೆಸುತ್ತಿದ್ದರು . ತರಬೇತಿಯ ಸಮಯದಲ್ಲಿ ತಪ್ಪುಗಳನ್ನು ಮಾಡಿದಾಗ ಕ್ರೀಡಾಪಟುಗಳಂತೆ ಅಮಿತಾಬ್ ಕೂಡ ಸೆಟ್‌ನಲ್ಲಿ ನಿಂದನೆಯನ್ನು ಎದುರಿಸಿದ್ದರೇ ಎಂದು ಅಸ್ಮಿತಾ ಕೇಳಿದರು. ಇದಕ್ಕೆ ಪ್ರತಿಕ್ರಿಯೆಯಾಗಿ, ನಟ ತಮ್ಮ ಹೋರಾಟದ ಬಗ್ಗೆ ಮುಕ್ತವಾಗಿ ಮಾತನಾಡಿದರು.

ಇದನ್ನೂ ಓದಿ: Alia Bhatt: ಮಗಳ ಜೊತೆ ಆಲಿಯಾ- ರಣಬೀರ್ ಜಾಲಿ ಜಾಲಿ!

ನನಗೆ ತುಂಬಾ ಬೈಯುತ್ತಿದ್ದರು. ಆರಂಭದಲ್ಲಿ, ನನಗೆ ನಟನೆ ಬಗ್ಗೆ ಏನು ಹೇಳಲಿಲ್ಲ. ನೀವು ತುಂಬಾ ಎತ್ತರವಾಗಿದ್ದೀರಿ, ಮನೆಗೆ ಹಿಂತಿರುಗಿ ಎನ್ನುತ್ತಿದ್ದರು.

"ನಂತರ ನನಗೆ ಕೆಲಸ ಸಿಕ್ಕಾಗ, ಅಲ್ಲಿ ನಿಂತು ಸಂಭಾಷಣೆ ಹೇಳಿ' ಎಂದು ಹೇಳುತ್ತಿದ್ದರು. ನನ್ನನ್ನು ಗದರಿಸಿ ಸರಿಪಡಿಸುತ್ತಿದ್ದರು, ಮತ್ತು ನಿಧಾನವಾಗಿ ನಾನು ಸುಧಾರಿಸಿಕೊಂಡೆ" ಎಂದು ಅಮಿತಾಭ್ ಹೇಳಿದರು.

"ಸಾಮಾನ್ಯವಾಗಿ, ನಾನು ಚಿತ್ರೀಕರಣಕ್ಕೆ ಸಮಯಕ್ಕೆ ಸರಿಯಾಗಿ ತಲುಪಲು ಪ್ರಯತ್ನಿಸುತ್ತೇನೆ. ಒಮ್ಮೆ, ನಾನು ತಡವಾಗಿ ಬಂದೆ. ನಿರ್ದೇಶಕರು ಸೆಟ್ ಹೊರಗೆ ನಿಂತಿದ್ದರು. ಆ ಸಮಯದಲ್ಲಿ ನನ್ನ ಬಳಿ ಯಾರೂ ಇಲ್ಲದ ಕಾರಣ ನಾನು ಬೇರೆಯವರ ಕಾರಿನಲ್ಲಿ ಬಂದೆ. ನಾನು ತಲುಪಿದಾಗ, ನಿರ್ದೇಶಕರು ನನ್ನನ್ನು ನೋಡಿ ಶೂಟಿಂಗ್ ಪ್ಯಾಕ್ ಅಪ್‌ ಆಗಿದೆ ಎಂದು ಹೇಳಿದರು. ನನ್ನನ್ನು ಹೊರಡಲು ಹೇಳಿದರು," ಎಂದು ಆ ಸಮಯದ ಕಹಿ ದಿನಗಳ ಬಗ್ಗೆ ಮಾತನಾಡಿದ್ದಾರೆ.

ಕೆಬಿಸಿ ಆಗಸ್ಟ್ 10 ರಂದು ರಾತ್ರಿ 9 ಗಂಟೆಗೆ ಸೋನಿ ಎಂಟರ್‌ಟೈನ್‌ಮೆಂಟ್ ಟೆಲಿವಿಷನ್ ಮತ್ತು ಸೋನಿ ಎಲ್‌ಐವಿಯಲ್ಲಿ ಪ್ರಥಮ ಪ್ರದರ್ಶನಗೊಂಡಿತು, ವಾರದ ದಿನಗಳ ಸಂಚಿಕೆಗಳು ಸೋಮವಾರದಿಂದ ಶುಕ್ರವಾರದವರೆಗೆ ಪ್ರಸಾರವಾಗುತ್ತವೆ. ಹೊಸ ಸೀಸನ್ 'ಸೋಚ್ನಾ ಪಡೇಗಾ' ಥೀಮ್‌ನ ಸುತ್ತ ನಿರ್ಮಿಸಲಾಗಿದೆ.

ಇದನ್ನೂ ಓದಿ: Bigg Boss Kannada 13: ಇಲ್ಲ ನಾನು ಆಚೆ ಹೋಗಲ್ಲ; ಬಿಗ್‌ ಬಾಸ್‌ ವೇದಿಕೆಯಲ್ಲೇ ಯುವಕ ಅಸಭ್ಯ ವರ್ತನೆ

ಅಮಿತಾಬ್ ಕೊನೆಯ ಬಾರಿಗೆ ಕಲ್ಕಿಯಲ್ಲಿ ಕಾಣಿಸಿಕೊಂಡಿದ್ದು ನಾಗ್ ಅಶ್ವಿನ್ ನಿರ್ದೇಶನದ ಈ ಚಿತ್ರದಲ್ಲಿ ಪ್ರಭಾಸ್, ದೀಪಿಕಾ ಪಡುಕೋಣೆ ಮತ್ತು ಕಮಲ್ ಹಾಸನ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.ವಿಶ್ವಾದ್ಯಂತ ಸಾವಿರ ಕೋಟಿಗೂ ಹೆಚ್ಚು ಗಳಿಸಿತು.