ಗದ್ದರ್ ಚಲನಚಿತ್ರ ಪ್ರಶಸ್ತಿ ಘೋಷಣೆ; ಅತ್ಯುತ್ತಮ ತೆಲುಗು ನಟಿ ಪ್ರಶಸ್ತಿ ಪಡೆದ ರಶ್ಮಿಕಾ ಮಂದಣ್ಣ
ತೆಲಂಗಾಣ ರಾಜ್ಯ ಸರ್ಕಾರ ಶನಿವಾರ 2025 ರ ಪ್ರತಿಷ್ಠಿತ ಗದ್ದರ್ ಚಲನಚಿತ್ರ ಪ್ರಶಸ್ತಿಗಳನ್ನು ಘೋಷಿಸಿದೆ. ಈ ಪ್ರಶಸ್ತಿಗಳು ಜನವರಿ 1, 2025 ಮತ್ತು ಡಿಸೆಂಬರ್ 31, 2025 ರ ನಡುವೆ ಬಿಡುಗಡೆಯಾದ ಚಲನಚಿತ್ರಗಳು ಮತ್ತು ಕಿರುಚಿತ್ರಗಳನ್ನು ಪರಿಗಣಿಸಲಾಗಿದೆ. ಅತ್ಯುತ್ತಮ ಚಿತ್ರ ಪ್ರಶಸ್ತಿಯನ್ನು ರಾಜು ವೆಡ್ಸ್ ರಾಂಬಾಯಿ ಪಡೆದುಕೊಂಡಿದೆ.
ಸಂಗ್ರಹ ಚಿತ್ರ -
ಹೈದರಾಬಾದ್: ತೆಲಂಗಾಣ ರಾಜ್ಯ ಸರ್ಕಾರ ಶನಿವಾರ 2025 ರ ಪ್ರತಿಷ್ಠಿತ ಗದ್ದರ್ ಚಲನಚಿತ್ರ ಪ್ರಶಸ್ತಿಗಳನ್ನು ಘೋಷಿಸಿದೆ. ಈ ಪ್ರಶಸ್ತಿಗಳು ಜನವರಿ 1, 2025 (Gaddar Film Awards) ಮತ್ತು ಡಿಸೆಂಬರ್ 31, 2025 ರ ನಡುವೆ ಬಿಡುಗಡೆಯಾದ ಚಲನಚಿತ್ರಗಳು ಮತ್ತು ಕಿರುಚಿತ್ರಗಳನ್ನು ಪರಿಗಣಿಸಲಾಗಿದೆ. ಅತ್ಯುತ್ತಮ ಚಿತ್ರ ಪ್ರಶಸ್ತಿಯನ್ನು ರಾಜು ವೆಡ್ಸ್ ರಾಂಬಾಯಿ ಪಡೆದುಕೊಂಡಿದ್ದು , ಇದು ನೈಜ ಘಟನೆಯನ್ನು ಆಧರಿಸಿದೆ. ಚಿತ್ರದ ನಿರ್ದೇಶಕ ಸೈಲು ಕಂಪಾಟಿ ಅತ್ಯುತ್ತಮ ನಿರ್ದೇಶಕ ಪ್ರಶಸ್ತಿಯನ್ನು ಗೆದ್ದಿದ್ದಾರೆ.
ಥಂಡೆಲ್ ಚಿತ್ರದ ಅದ್ಭುತ ಅಭಿನಯಕ್ಕಾಗಿ ನಾಗ ಚೈತನ್ಯ ಅತ್ಯುತ್ತಮ ನಟ ಪ್ರಶಸ್ತಿಯನ್ನು ಪಡೆದರು . ರಾಹುಲ್ ರವೀಂದ್ರನ್ ನಿರ್ದೇಶನದ ದಿ ಗರ್ಲ್ ಫ್ರೆಂಡ್ ಚಿತ್ರದ ಅಭಿನಯಕ್ಕಾಗಿ ರಶ್ಮಿಕಾ ಮಂದಣ್ಣ ಅತ್ಯುತ್ತಮ ನಟಿ ಪ್ರಶಸ್ತಿಯನ್ನು ಪಡೆದರು .ಧಂಡೋರಾ ಚಿತ್ರದ ಅಭಿನಯಕ್ಕಾಗಿ ನಟ ಶಿವಾಜಿ ಅತ್ಯುತ್ತಮ ಪೋಷಕ ನಟ ಪ್ರಶಸ್ತಿ ಪಡೆದರು . ಕುತೂಹಲಕಾರಿಯಾಗಿ, ಮುರಳೀಕಾಂತ್ ಡಿ ನಿರ್ದೇಶನದ ಧಂಡೋರಾ ಎರಡನೇ ಅತ್ಯುತ್ತಮ ಚಲನಚಿತ್ರ ಪ್ರಶಸ್ತಿಯನ್ನು ಸಹ ಗೆದ್ದುಕೊಂಡಿತು. ಮತ್ತೊಂದು ಸಣ್ಣ ಚಿತ್ರ ಲಿಟಲ್ ಹಾರ್ಟ್ಸ್ ಮೂರನೇ ಅತ್ಯುತ್ತಮ ಚಲನಚಿತ್ರ ಪ್ರಶಸ್ತಿಯನ್ನು ಗೆದ್ದುಕೊಂಡಿತು. ಗುಣಶೇಖರ್ ನಿರ್ದೇಶನದ ಯುಫೋರಿಯಾ ಚಿತ್ರದ ಅಭಿನಯಕ್ಕಾಗಿ ಭೂಮಿಕಾ ಚಾವ್ಲಾ ಅತ್ಯುತ್ತಮ ಪೋಷಕ ನಟಿ ಪ್ರಶಸ್ತಿಯನ್ನು ಪಡೆದರು .
ವಿಶೇಷ ಪ್ರಶಸ್ತಿಗಳಲ್ಲಿ, ಚಿರಂಜೀವಿ NTR ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಯನ್ನು ಪಡೆದರು, ಆದರೆ ಪೈಡಿ ಜೈರಾಜ್ ಪ್ರಶಸ್ತಿಯನ್ನು ಕಮಲ್ ಹಾಸನ್ ಪಡೆದರು. ಬಿಎನ್ ರೆಡ್ಡಿ ಚಲನಚಿತ್ರ ಪ್ರಶಸ್ತಿಯನ್ನು ಹಿರಿಯ ನಿರ್ದೇಶಕ ಸಿಂಗೀತಂ ಶ್ರೀನಿವಾಸ ರಾವ್ ಅವರಿಗೆ ಮತ್ತು ನಿರ್ಮಾಪಕ ಅಶ್ವಿನಿ ದತ್ ನಾಗಿರೆಡ್ಡಿ–ಚಕ್ರಪಾಣಿ ಚಲನಚಿತ್ರ ಪ್ರಶಸ್ತಿಯನ್ನು ಪಡೆದಿದ್ದಾರೆ. ನಟ, ನಿರ್ದೇಶಕ ಮತ್ತು ನಿರ್ಮಾಪಕ ಆರ್ ನಾರಾಯಣಮೂರ್ತಿ ಅವರು ಟಿಎಲ್ ಕಾಂತ ರಾವ್ ಚಲನಚಿತ್ರ ಪ್ರಶಸ್ತಿಯನ್ನು ಪಡೆದರು, ಪ್ರತಿಷ್ಠಿತ ರಘುಪತಿ ವೆಂಕಯ್ಯ ಚಲನಚಿತ್ರ ಪ್ರಶಸ್ತಿಯು ತೆಲುಗು ಚಿತ್ರರಂಗಕ್ಕೆ ನೀಡಿದ ಕೊಡುಗೆಗಾಗಿ ರಮೇಶ್ ಪ್ರಸಾದ್ ಅವರಿಗೆ ಸಂದಿತು.
ಡಾ ಸಿ ನಾರಾಯಣ ರೆಡ್ಡಿ ಚಲನಚಿತ್ರ ಪ್ರಶಸ್ತಿಯನ್ನು ಜನಪ್ರಿಯ ಸಾಹಿತಿ ಸುದ್ದಲ ಅಶೋಕ್ ತೇಜ ಪಡೆದುಕೊಂಡರೆ, ಹಿರಿಯ ನಟಿ ಜಯಸುಧಾ ಅವರಿಗೆ ಅಕ್ಕಿನೇನಿ ನಾಗೇಶ್ವರ ರಾವ್ ಪ್ರಶಸ್ತಿ ಘೋಷಿಸಲಾಗಿದೆ. ತೆಲಂಗಾಣ ಸರ್ಕಾರವು ಈ ಪ್ರಶಸ್ತಿಗಳನ್ನು ಮಾರ್ಚ್ 19 ರಂದು ತೆಲುಗು ಹೊಸ ವರ್ಷಾಚರಣೆ ಯುಗಾದಿ ಹಬ್ಬದಂದು ನಡೆಯಲಿರುವ ವಿಶೇಷ ಸಮಾರಂಭದಲ್ಲಿ ಪ್ರದಾನ ಮಾಡಲಿದೆ.
