ಇನ್ಮುಂದೆ ಟಿವಿ ವೀಕ್ಷಿಸಲು ಸೆಟ್-ಟಾಪ್ ಬಾಕ್ಸ್ ಬೇಕೆಂದಿಲ್ಲ; ಯಾವೆಲ್ಲ ಚಾನೆಲ್ಗಳು ಉಚಿತವಾಗಿರುತ್ತವೆ?
No need for a set-top box: ದೂರದರ್ಶನ ವೀಕ್ಷಿಸಬೇಕೆಂದರೆ ಪಕ್ಕದಲ್ಲಿ ಸೆಟ್-ಟಾಪ್ ಬಾಕ್ಸ್ ಇರಲೇಬೇಕು. ಆದರೆ ಇನ್ಮುಂದೆ ಇದರ ಅಗತ್ಯವಿರುವುದಿಲ್ಲ. ಸೆಟ್-ಟಾಪ್ ಬಾಕ್ಸ್ ಬಳಕೆಯಿಲ್ಲದೆ ಟಿವಿ ವೀಕ್ಷಿಸಬಹುದು. ಈ ಯೋಜನೆಯನ್ನು ಮಾಹಿತಿ ಮತ್ತು ಪ್ರಸಾರ ಸಚಿವ ಅಶ್ವಿನಿ ವೈಷ್ಣವ್ ಅನಾವರಣಗೊಳಿಸಿದ್ದಾರೆ. ನೂರಾರು ಚಾನೆಲ್ಗಳನ್ನು ಯಾವುದೇ ಮಾಸಿಕ ಶುಲ್ಕವಿಲ್ಲದೆ ವೀಕ್ಷಿಸಬಹುದು.
ಸಾಂದರ್ಭಿಕ ಚಿತ್ರ -
ನವದೆಹಲಿ, ಮಾ.25: ಟಿವಿಗೆ ಸೆಟ್-ಟಾಪ್ ಬಾಕ್ಸ್ (set-top box) ಬಳಸುತ್ತಿರುವವರಿಗೆ ಇಲ್ಲಿದೆ ಗುಡ್ನ್ಯೂಸ್. ದೂರದರ್ಶನ ವೀಕ್ಷಿಸಬೇಕೆಂದರೆ ಪಕ್ಕದಲ್ಲಿ ಸೆಟ್-ಟಾಪ್ ಬಾಕ್ಸ್ ಇರಲೇಬೇಕು. ಆದರೆ ಇನ್ಮುಂದೆ ಇದರ ಅಗತ್ಯವಿರುವುದಿಲ್ಲ. ಸೆಟ್-ಟಾಪ್ ಬಾಕ್ಸ್ ಬಳಕೆಯಿಲ್ಲದೆ ಟಿವಿ ವೀಕ್ಷಿಸಬಹುದು. ಭಾರತದಲ್ಲಿ ಡಿಡಿ ಫ್ರೀ ಡಿಶ್ ಸೇವೆಗಳಿಗೆ ಪ್ರವೇಶವನ್ನು ವಿಸ್ತರಿಸಲು ಮತ್ತು ಸಾರ್ವಜನಿಕ ಪ್ರಸಾರವನ್ನು ಬಲಪಡಿಸಲು ಕೇಂದ್ರವು ಸುಧಾರಿತ ಎಲೆಕ್ಟ್ರಾನಿಕ್ ಪ್ರೋಗ್ರಾಂ ಗೈಡ್ಗಳು ಮತ್ತು ದೂರದರ್ಶನ (Television) ಸೆಟ್ಗಳಲ್ಲಿ ಅಂತರ್ನಿರ್ಮಿತ ಉಪಗ್ರಹ ಟ್ಯೂನರ್ಗಳನ್ನು ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ.
ಈ ಯೋಜನೆಯನ್ನು ಮಾಹಿತಿ ಮತ್ತು ಪ್ರಸಾರ ಸಚಿವ ಅಶ್ವಿನಿ ವೈಷ್ಣವ್ ಅನಾವರಣಗೊಳಿಸಿದ್ದು, ದೂರದ ಹಾಗೂ ಸೇವೆ ಕಡಿಮೆ ಲಭ್ಯವಿರುವ ಪ್ರದೇಶಗಳಲ್ಲಿ ಇದರ ಲಭ್ಯತೆಯನ್ನು ಹೆಚ್ಚಿಸುವುದು ಮುಖ್ಯ ಉದ್ದೇಶವಾಗಿದೆ.
ಉಪಗ್ರಹ ಟ್ಯೂನರ್ಗಳನ್ನು ದೂರದರ್ಶನ ಸೆಟ್ಗಳಲ್ಲಿ ಸಂಯೋಜಿಸುವುದರಿಂದ, ವೀಕ್ಷಕರು ಪ್ರತ್ಯೇಕ ಸೆಟ್-ಟಾಪ್ ಬಾಕ್ಸ್ನ ಅಗತ್ಯವಿಲ್ಲದೆ ನೇರವಾಗಿ ಡಿಡಿ ಫ್ರೀ ಡಿಶ್ ಚಾನೆಲ್ಗಳನ್ನು ಪ್ರವೇಶಿಸಬಹುದು. ಇದು ಹೆಚ್ಚುವರಿ ವೈರಿಂಗ್ ಮತ್ತು ಬಹು ರಿಮೋಟ್ ಕಂಟ್ರೋಲ್ಗಳನ್ನು ತೆಗೆದುಹಾಕುವ ಮೂಲಕ ವೆಚ್ಚವನ್ನು ಕಡಿಮೆ ಮಾಡುತ್ತದೆ ಎನ್ನಲಾಗಿದೆ.
ರಾಜ್ಯದ ಈ ಗ್ರಾಮದಲ್ಲಿ ಸಂಜೆ 7 ಗಂಟೆ ಬಳಿಕ ಟಿವಿ, ಮೊಬೈಲ್ ಬಳಕೆ ಮಾಡುವಂತಿಲ್ಲ! ಏನಿದು ವಿಚಿತ್ರ?
ಇದರಿಂದ ಟಿವಿ ಬಳಿ ಇಡಲಾಗುವ ಸೆಟ್-ಟಾಪ್ ಬಾಕ್ಸ್ನ ಯಾವುದೇ ಅಗತ್ಯವಿರುವುದಿಲ್ಲ. ಅಷ್ಟೇ ಅಲ್ಲದೆ ನೂರಾರು ಚಾನೆಲ್ಗಳನ್ನು ಯಾವುದೇ ಮಾಸಿಕ ಶುಲ್ಕವಿಲ್ಲದೆ ವೀಕ್ಷಿಸಬಹುದು. ಕೇವಲ ಒಂದು ಸಣ್ಣ ಆಂಟೆನಾವನ್ನು ಕಟ್ಟಡದ ಮೇಲೆ ಅಳವಡಿಸಿದರೆ ಸಾಕು, ಟಿವಿ ನೇರವಾಗಿ ಸಿಗ್ನಲ್ ಪಡೆದುಕೊಳ್ಳುತ್ತದೆ.
ಇದರ ಜೊತೆಗೆ, ಸರ್ಕಾರವು ಸುಧಾರಿತ ಎಲೆಕ್ಟ್ರಾನಿಕ್ ಕಾರ್ಯಕ್ರಮ ಮಾರ್ಗದರ್ಶಿಯನ್ನು ಪರಿಚಯಿಸುತ್ತಿದೆ. ಇದು ಬಳಕೆದಾರ ಸ್ನೇಹಿ ಇಂಟರ್ಫೇಸ್ ಮೂಲಕ ಚಾನೆಲ್ಗಳು ಮತ್ತು ಕಾರ್ಯಕ್ರಮ ವೇಳಾಪಟ್ಟಿಗಳನ್ನು ಬ್ರೌಸ್ ಮಾಡಲು ಅನುವು ಮಾಡಿಕೊಡುತ್ತದೆ.
ಇದರಿಂದ ಗ್ರಾಹಕರಿಗೆ ಕೆಲವು ಲಾಭಗಳಿವೆ. ಪ್ರತಿ ತಿಂಗಳು ಕೇಬಲ್ ಅಥವಾ ಡಿಟಿಎಚ್ ರೀಚಾರ್ಜ್ ಮಾಡುವ ಅವಶ್ಯಕತೆ ಇರುವುದಿಲ್ಲ. ಡಿಜಿಟಲ್ ರೂಪದಲ್ಲಿ ಚಾನೆಲ್ಗಳು ಲಭ್ಯವಾಗುವುದರಿಂದ ಚಿತ್ರದ ಗುಣಮಟ್ಟ ಉತ್ತಮವಾಗಿರುತ್ತದೆ. ಹೆಚ್ಚಿನ ವೈರ್ಗಳ ಕಿರಿಕಿರಿ ಇಲ್ಲದೆ, ಒಂದೇ ರಿಮೋಟ್ ಮೂಲಕ ಎಲ್ಲವನ್ನೂ ನಿಯಂತ್ರಿಸಬಹುದು.
ಈ ಯೋಜನೆಯು ದೇಶದಾದ್ಯಂತ ಸಾರ್ವಜನಿಕ ಪ್ರಸಾರ ಮೂಲಸೌಕರ್ಯವನ್ನು ಬಲಪಡಿಸುವುದರ ಜೊತೆಗೆ ತಂತ್ರಜ್ಞಾನವನ್ನು ಬಳಸಿಕೊಂಡು ವಿಷಯಗಳ ಲಭ್ಯತೆ ಮತ್ತು ಬಳಕೆದಾರ ಅನುಭವವನ್ನು ಸುಧಾರಿಸುವ ಸರ್ಕಾರದ ವ್ಯಾಪಕ ಪ್ರಯತ್ನದ ಒಂದು ಭಾಗವಾಗಿದೆ.
Year Ender 2025: ಈ ವರ್ಷ ಗಮನ ಸೆಳೆದ ಟಿವಿ ಕಾರ್ಯಕ್ರಮಗಳಿವು; ಇಲ್ಲಿದೆ ಪಟ್ಟಿ
ಗ್ರಾಹಕರ ಜೇಬಿಗೆ ಕತ್ತರಿ: ಬೆಲೆ ಏರಿಸಿದ ಜೊಮ್ಯಾಟೊ
ಮಧ್ಯಪ್ರಾಚ್ಯ ಸಂಘರ್ಷದ ಬಿಸಿ ಹೋಟೆಲ್ಗಳಿಗೆ ತಟ್ಟಿರುವುದು ಗೊತ್ತೇ ಇದೆ. ಇದೀಗ ಹೋಟೆಲ್ಗಳು ಗ್ರಾಹಕರಿಗೆ ಹೆಚ್ಚುವರಿ ಗ್ಯಾಸ್ ಮೊತ್ತವನ್ನು ಸೇರಿಸುತ್ತಿದ್ದಾರೆ. ಇದರ ಜೊತೆಗೆ ನಗರಗಳಲ್ಲಿ ಹೆಚ್ಚಾಗಿ ಬಳಕೆಯಲ್ಲಿರುವ ಸ್ವಿಗ್ಗಿ, ಜೊಮ್ಯಾಟೊ ಕೂಡ ತನ್ನ ಬೆಲೆಯನ್ನು ಸತತವಾಗಿ ಹೆಚ್ಚಿಸುವ ಮೂಲಕ ಗ್ರಾಹಕರ ಜೇಬಿಗೆ ಕತ್ತರಿ ಹಾಕಿದೆ.
ಇತ್ತೀಚಿನ ವರದಿಯ ಪ್ರಕಾರ, ಸ್ವಿಗ್ಗಿ ತನ್ನ ಪ್ಲಾಟ್ಫಾರ್ಮ್ ಶುಲ್ಕವನ್ನು 14.99 ರೂಪಾಯಿಯಿಂದ 17.58 ರೂಪಾಯಿಗೆ ಹೆಚ್ಚಿಸಿದೆ. ಕಳೆದ ವಾರವಷ್ಟೇ ಜೊಮ್ಯಾಟೋ ತನ್ನ ಶುಲ್ಕವನ್ನು 14.90 ರೂಪಾಯಿಗೆ ಪರಿಷ್ಕರಿಸಿತ್ತು. ಇದೀಗ ಸ್ವಿಗ್ಗಿ ತನ್ನ ಪ್ರತಿಸ್ಪರ್ಧಿಗಿಂತಲೂ ಒಂದು ಹೆಜ್ಜೆ ಮುಂದೆ ಹೋಗಿ ಸುಮಾರು 18 ರೂಪಾಯಿಗಳವರೆಗೆ ಶುಲ್ಕ ವಿಧಿಸಲು ನಿರ್ಧರಿಸಿದೆ.