ಯುಎಇ ಭದ್ರತಾ ಕಳವಳ: ಇಂಗ್ಲೆಂಡ್ ಲಯನ್ಸ್ vs ಪಾಕಿಸ್ತಾನ್ ಶಾಹೀನ್ಸ್ ಪಂದ್ಯ ರದ್ದು
Iran-Israel conflict: ದುಬೈ ಮೇಲಿನ ದಾಳಿಗೆ ಅತಿ ಮುಖ್ಯ ಕಾರಣವೆಂದರೆ ಅಲ್ಲಿನ ಜೆಬೆಲ್ ಅಲಿ ಬಂದರು. ಇದು ಕೇವಲ ವಾಣಿಜ್ಯ ಬಂದರಲ್ಲ, ಬದಲಿಗೆ ಪಶ್ಚಿಮ ಏಷ್ಯಾದಲ್ಲಿ ಅಮೇರಿಕಾ ನೌಕಾಪಡೆಯ ಅತ್ಯಂತ ದೊಡ್ಡ ಮತ್ತು ಪ್ರಮುಖ ನೆಲೆಗಳಲ್ಲಿ ಒಂದಾಗಿದೆ. ಇಂಧನ ತುಂಬಿಸಲು ಈ ಬಂದರನ್ನೇ ಅವಲಂಬಿಸಿದೆ.
England Lions vs Pakistan Shaheens -
ದುಬೈ, ಮಾ.1: ಮಧ್ಯಪ್ರಾಚ್ಯದಲ್ಲಿ ಹೆಚ್ಚುತ್ತಿರುವ ಭದ್ರತಾ ಕಾಳಜಿಯಿಂದಾಗಿ ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿ (ECB) ಅಬುಧಾಬಿಯಲ್ಲಿ ನಡೆಯಬೇಕಿದ್ದ ಪಾಕಿಸ್ತಾನ ಶಾಹೀನ್ಸ್ ಮತ್ತು ಇಂಗ್ಲೆಂಡ್ ಲಯನ್ಸ್ ತಂಡದ ಎರಡನೇ 50 ಓವರ್ಗಳ ಪಂದ್ಯವನ್ನು ರದ್ದುಗೊಳಿಸಿದೆ.
ಅಮೆರಿಕ ಮತ್ತು ಇಸ್ರೇಲ್, ಇರಾನ್ ಮೇಲೆ ನಡೆಸಿದ ಪೂರ್ವಭಾವಿ ದಾಳಿ ನಂತರ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಇರಾನ್ ಪ್ರತೀಕಾರದ ಕ್ಷಿಪಣಿ ದಾಳಿ ನಡೆಸಿದ್ದು ಮಧ್ಯಪ್ರಾಚ್ಯದಾದ್ಯಂತ ಭದ್ರತಾ ಎಚ್ಚರಿಕೆಗಳನ್ನು ಹೆಚ್ಚಿಸಿದೆ. ಈ ಬೆಳವಣಿಗೆಗಳ ಹಿನ್ನೆಲೆಯಲ್ಲಿ, ಅಬುಧಾಬಿಯ ಜಾಯೆದ್ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆಯಬೇಕಿದ್ದ ಪಂದ್ಯವು ಸರ್ಕಾರದ ಅಧಿಕೃತ ಸಲಹೆಯನ್ನು ಅನುಸರಿಸಿ ಇನ್ನು ಮುಂದೆ ಪಂದ್ಯ ನಡೆಯುವುದಿಲ್ಲ ಎಂದು ಇಸಿಬಿ ದೃಢಪಡಿಸಿದೆ.
"ನಮ್ಮ ತಂಡಗಳು ಮತ್ತು ಸಿಬ್ಬಂದಿಗಳ ಸುರಕ್ಷತೆ ಹಾಗೂ ಭದ್ರತೆ ನಮ್ಮ ಪ್ರಮುಖ ಆದ್ಯತೆಯಾಗಿದೆ" ಎಂದು ಇಸಿಬಿ ಹೇಳಿಕೆಯಲ್ಲಿ ತಿಳಿಸಿದೆ. "ಮಧ್ಯಪ್ರಾಚ್ಯದಲ್ಲಿನ ಪ್ರಸ್ತುತ ಘಟನೆಗಳಿಗೆ ಸಂಬಂಧಿಸಿದಂತೆ ನಾವು ಭದ್ರತಾ ತಜ್ಞರು ಮತ್ತು ಸರ್ಕಾರದೊಂದಿಗೆ ಸಂಪರ್ಕದಲ್ಲಿದ್ದೇವೆ ಮತ್ತು ಅಧಿಕೃತ ಸಲಹೆಯನ್ನು ಅನುಸರಿಸುತ್ತಿದ್ದೇವೆ" ಎಂದು ಇಸಿಬಿ ತಿಳಿಸಿದೆ.
"ಅಬುಧಾಬಿಯಲ್ಲಿ ಇಂಗ್ಲೆಂಡ್ ಪುರುಷರ ಲಯನ್ಸ್ ಮತ್ತು ಪಾಕಿಸ್ತಾನ್ ಶಾಹೀನ್ಸ್ ನಡುವಿನ ಎರಡನೇ 50 ಓವರ್ಗಳ ಪಂದ್ಯ ಇನ್ನು ಮುಂದೆ ನಡೆಯುವುದಿಲ್ಲ, ಮತ್ತು ಮುಂದಿನ ವಾರ ಅಬುಧಾಬಿಯಲ್ಲಿ ನಿಗದಿಯಾದ ಇಂಗ್ಲೆಂಡ್ ಮಹಿಳಾ ತಂಡದ ಸರಣಿಯೂ ವಿಳಂಬ ಮಾಡುತ್ತಿದ್ದೇವೆ. ಈ ಪ್ರವಾಸಗಳ ಭವಿಷ್ಯಕ್ಕೆ ಸಂಬಂಧಿಸಿದಂತೆ ನಾವು ಪರಿಸ್ಥಿತಿ ಮತ್ತು ಅಧಿಕೃತ ಸಲಹೆಯನ್ನು ಮೇಲ್ವಿಚಾರಣೆ ಮಾಡುವುದನ್ನು ಮತ್ತು ನಿರ್ಣಯಿಸುವುದನ್ನು ಮುಂದುವರಿಸುತ್ತೇವೆ" ಎಂದಿದೆ.
"ಸಂಪೂರ್ಣ ಜವಾಬ್ದಾರಿಯನ್ನು ತೆಗೆದುಕೊಳ್ಳುತ್ತೇನೆ"; ಟಿ20 ವಿಶ್ವಕಪ್ ವೈಫಲ್ಯದ ಬಳಿಕ ಪಾಕ್ ನಾಯಕನ ಹೇಳಿಕೆ
ಆದಾಗ್ಯೂ, ಇಂಗ್ಲೆಂಡ್ ಪುರುಷರ ಹಿರಿಯರ ತಂಡವು ತಮ್ಮ ಅಸ್ತಿತ್ವದಲ್ಲಿರುವ ಯೋಜನೆಗಳೊಂದಿಗೆ ಮುಂದುವರಿಯುತ್ತದೆ ಮತ್ತು ನಿಗದಿಯಂತೆ ಐಸಿಸಿ ಪುರುಷರ ಟಿ 20 ವಿಶ್ವಕಪ್ನ ಸೆಮಿಫೈನಲ್ಗಾಗಿ ಮುಂಬೈಗೆ ಪ್ರಯಾಣಿಸುತ್ತದೆ ಎಂದು ಇಸಿಬಿ ಸ್ಪಷ್ಟಪಡಿಸಿದೆ.
ಅಮೇರಿಕ ಮತ್ತು ಇಸ್ರೇಲ್ ನಡೆಸಿದ ಜಂಟಿ ದಾಳಿಗೆ ಪ್ರತಿಯಾಗಿ ಇರಾನ್ ನಡೆಸಿದ ಆಕ್ರಮಣದಲ್ಲಿ ದುಬೈ ನಗರವನ್ನೇ ಗುರಿಯಾಗಿಸಿಕೊಂಡಿರುವುದು ಜಾಗತಿಕ ಸಮುದಾಯವನ್ನು ಬೆಚ್ಚಿಬೀಳಿಸಿದೆ.
ದುಬೈ ಮೇಲಿನ ದಾಳಿಗೆ ಅತಿ ಮುಖ್ಯ ಕಾರಣವೆಂದರೆ ಅಲ್ಲಿನ ಜೆಬೆಲ್ ಅಲಿ ಬಂದರು. ಇದು ಕೇವಲ ವಾಣಿಜ್ಯ ಬಂದರಲ್ಲ, ಬದಲಿಗೆ ಪಶ್ಚಿಮ ಏಷ್ಯಾದಲ್ಲಿ ಅಮೇರಿಕಾ ನೌಕಾಪಡೆಯ ಅತ್ಯಂತ ದೊಡ್ಡ ಮತ್ತು ಪ್ರಮುಖ ನೆಲೆಗಳಲ್ಲಿ ಒಂದಾಗಿದೆ. ಅಮೇರಿಕ ತನ್ನ ಯುದ್ಧ ನೌಕೆಗಳು ಮತ್ತು ವಿಮಾನವಾಹಕ ನೌಕೆಗಳನ್ನು ನಿಲ್ಲಿಸಲು, ಇಂಧನ ತುಂಬಿಸಲು ಈ ಬಂದರನ್ನೇ ಅವಲಂಬಿಸಿದೆ. ಇಲ್ಲಿನ ಅಮೇರಿಕನ್ ಕಾರ್ಯಾಚರಣೆಯನ್ನು ಹತ್ತಿಕ್ಕಲು ಇರಾನ್ ಈ ತಂತ್ರ ಹೂಡಿದೆ.
