Norway Chess 2026: 5 ಬಾರಿಯ ವಿಶ್ವ ಚಾಂಪಿಯನ್ ಮ್ಯಾಗ್ನಸ್‌ಗೆ ಸೋಲುಣಿಸಿದ ಪ್ರಜ್ಞಾನಂದ

ನವದೆಹಲಿ, ಜೂ.3: ಬುಧವಾರ ನಡೆದ ನಾರ್ವೆ(Norway Chess 2026) ಚೆಸ್‌ನ ಎಂಟನೇ ಸುತ್ತಿನಲ್ಲಿ ಭಾರತೀಯ ಗ್ರ್ಯಾಂಡ್‌ಮಾಸ್ಟರ್ ಆರ್. ಪ್ರಜ್ಞಾನಂದ(R Praggnanandhaa) ಅವರು ಐದು ಬಾರಿಯ ವಿಶ್ವ ಚಾಂಪಿಯನ್ ಮ್ಯಾಗ್ನಸ್ ಕಾರ್ಲ್ಸನ್‌(Magnus Carlsen)ಗೆ ಸೋಲಿನ ಆಘಾತವಿಕ್ಕಿದ್ದಾರೆ. ಜತೆಗೆ ಗೆಲುವು ಸಾಧಿಸುವ ಮೂಲಕ ವಿಶೇಷ ಆಟಗಾರರ ಪಟ್ಟಿಗೆ ಸೇರಿದ್ದಾರೆ. ಸ್ಪರ್ಧೆಯ ಆರಂಭದಲ್ಲಿ, ನಾಲ್ಕನೇ ಸುತ್ತಿನಲ್ಲಿಯೂ ಭಾರತೀಯ ಆಟಗಾರ ಕಾರ್ಲ್‌ಸೆನ್‌ ವಿರುದ್ಧ ಮೇಲುಗೈ ಸಾಧಿಸಿದ್ದರು.

ಸ್ಪರ್ಧೆಯಲ್ಲಿ ಎರಡು ಸುತ್ತುಗಳು ಬಾಕಿ ಇರುವಾಗ, ಪ್ರಜ್ಞಾನಂದ ಈಗ 12 ಅಂಕಗಳೊಂದಿಗೆ ಮೂರನೇ ಸ್ಥಾನದಲ್ಲಿದ್ದಾರೆ. ಫ್ರೆಂಚ್ ಆಟಗಾರ ಅಲಿರೆಜಾ ಫಿರೋಜಾ 13 ಅಂಕಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ. ಓಪನ್ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಮತ್ತೊಬ್ಬ ಭಾರತೀಯ ಆಟಗಾರ ಡಿ. ಗುಕೇಶ್, ಫಿರೋಜ್ಜಾ ವಿರುದ್ಧ ಸೋತರು. ಗುಕೇಶ್ ಎಂಟು ಅಂಕಗಳೊಂದಿಗೆ ಕೊನೆಯ ಸ್ಥಾನದಲ್ಲಿದ್ದಾರೆ. ಕಾರ್ಲ್ಸನ್ ಕೇವಲ ಒಂದು ಅಂಕದಿಂದ ಮುಂದಿದ್ದಾರೆ.

ಮೇ 27 ರಂದು ನಡೆದ ಮೂರನೇ ಸುತ್ತಿನಲ್ಲಿ ಕಾರ್ಲ್‌ಸೆನ್‌ ಅವರನ್ನು ಬಿಳಿ ಕಾಯಿದಿಂದ ಸೋಲಿಸಿದ ನಂತರ, ಚೆನ್ನೈನ 20 ವರ್ಷದ ಆಟಗಾರ ಕಪ್ಪು ಕಾಯಿಗಳೊಂದಿಗೆ ಅದೇ ಸಾಧನೆಯನ್ನು ಪುನರಾವರ್ತಿಸುವ ಮೂಲಕ ಅದ್ಭುತ ಗೆಲುವು ಸಾಧಿಸಿದರು. 2024 ರ ಆವೃತ್ತಿಯಲ್ಲಿಯೂ ಸಹ ಪ್ರಜ್ಞಾನಂದ ಇದೇ ಪಂದ್ಯಾವಳಿಯಲ್ಲಿ ಕಾರ್ಲ್‌ಸೆನ್‌ ಅವರನ್ನು ಸೋಲಿಸಿದ್ದರು.

ಕಳೆದ 19 ವರ್ಷಗಳ ಕ್ಲಾಸಿಕಲ್‌ ಚೆಸ್‌ನಲ್ಲಿ ಇದೇ ಮೊದಲ ಬಾರಿಗೆ ಒಬ್ಬ ಆಟಗಾರ ಒಂದೇ ಪಂದ್ಯಾವಳಿಯಲ್ಲಿ ಎರಡು ಬಾರಿ ನಾರ್ವೇಯ ದಿಗ್ಗಜನನ್ನು ಸೋಲಿಸಿದ್ದು ಇದೇ ಮೊದಲು. ಪ್ರಜ್ಞಾನಂದಗೂ ಮುನ್ನ ಭಾರತೀಯ ದಂತಕಥೆ ವಿಶ್ವನಾಥನ್ ಆನಂದ್ ಅವರು 2007 ರಲ್ಲಿ ಲಿನಾರೆಸ್ ಅಂತರರಾಷ್ಟ್ರೀಯ ಚೆಸ್ ಪಂದ್ಯಾವಳಿಯಲ್ಲಿ ಕಾರ್ಲ್‌ಸನ್ ಅವರನ್ನು ಎರಡು ಬಾರಿ ಸೋಲಿಸಿದ್ದರು.

"ಮ್ಯಾಗ್ನಸ್ ಅನ್ನು ಸೋಲಿಸುವುದಕ್ಕಿಂತ ಹೆಚ್ಚಾಗಿ, ಈ ಪಂದ್ಯಾವಳಿಯಲ್ಲಿ ಪಂದ್ಯ ಗೆಲ್ಲುವುದು ಈ ಹಂತದಲ್ಲಿ ಹೆಚ್ಚು ಮುಖ್ಯ ಎಂದು ನಾನು ಭಾವಿಸುತ್ತೇನೆ. ಆದ್ದರಿಂದ ನಾನು ಅದನ್ನು ಮಾಡುವಲ್ಲಿ ಯಶಸ್ವಿಯಾಗಿದ್ದೇನೆ ಎಂದು ನನಗೆ ಸಂತೋಷವಾಗಿದೆ" ಎಂದು ಪ್ರಗ್ನಾನಂದ ಪಂದ್ಯದ ನಂತರ ಚೆಸ್‌ಬೇಸ್ ಇಂಡಿಯಾಗೆ ತಿಳಿಸಿದರು.

ಮಹಿಳಾ ಕ್ರಿಕೆಟ್‌ನಲ್ಲಿ ಸಾರ್ವಕಾಲಿಕ ದಾಖಲೆ ಬರೆದ ಹರ್ಮನ್‌ಪ್ರೀತ್

"ಮ್ಯಾಗ್ನಸ್ ಅವರು ನಿಜವಾಗಿಯೂ ಚೆನ್ನಾಗಿ ಆಡುತ್ತಿದ್ದರು ಮತ್ತು ಉತ್ತಮವಾಗಿ ಡಿಫೆಂಡ್ ಮಾಡುತ್ತಿದ್ದರು. ಒಂದು ಹಂತದಲ್ಲಿ, ಆಟವು ಕೇವಲ ಡ್ರಾ ಆಗಲಿದೆ ಎಂದು ನಾನು ಪ್ರಾಮಾಣಿಕವಾಗಿ ಭಾವಿಸಿದ್ದೆ. ಅವರು ಆ ಹಂತದವರೆಗೆ ಚೆನ್ನಾಗಿ ಸಮರ್ಥಿಸಿಕೊಂಡಿದ್ದರು. ಆದರೆ ಅಂತಿಮ ಹಂತದಲ್ಲಿ ಅವರು ಮಾಡಿದ ತಪ್ಪು ನನಗೆ ಆಶ್ಚರ್ಯಕರವಾಗಿತ್ತು" ಎಂದರು.