Hockey India League: ಚೆನ್ನೈಗೆ ಆಗಮಿಸಿದ ಎಸ್ಜಿ ಪೈಪರ್ಸ್ ಪುರುಷರ ತಂಡ!
ಮಂದಿನ ವರ್ಷ ನಡೆಯುವ ಹೀರೋ ಹಾಕಿ ಇಂಡಿಯಾ ಲೀಗ್ ಟೂರ್ನಿಯ ನಿಮಿತ್ತ ಎಸ್ಜಿ ಪೈಪರ್ಟ್ ಪುರುಷರ ತಂಡ ಡಿಸೆಂಬರ್ 22 ರಂದು ಚೆನ್ನೈಗೆ ಬಂದಿದೆ. ಕಳೆದ ಸೀಸನ್ನಲ್ಲಿ ವಿಫಲವಾಗಿದ್ದ ಎಸ್ಜಿ ಪೈಪರ್ಸ್ ತಂಡ ಈ ಸೀಸನ್ನಲ್ಲಿ ಜರ್ಮನ್ಪ್ರೀತ್ ಸಿಂಗ್ ಅವರ ನಾಯಕತ್ವದಲ್ಲಿ ಪ್ರಶಸ್ತಿ ಗೆಲ್ಲುವ ಭರವಸೆಯೊಂದಿಗೆ ಕಣಕ್ಕೆ ಇಳಿಯುತ್ತಿದೆ.
ಚೆನ್ನೈಗೆ ಆಗಮಿಸಿದ ಎಸ್ಜಿ ಪೈಪರ್ಸ್ ತಂಡ. -
ಬೆಂಗಳೂರು: ಮುಂದಿನ ವರ್ಷ ಜನವರಿ 03 ರಂದು ಆರಂಭವಾಗಲಿರುವ ಹೀರೋ ಹಾಕಿ ಇಂಡಿಯಾ ಲೀಗ್ (HIL 2026) ಎರಡನೇ ಆವೃತ್ತಿಗೆ ಸಿದ್ಧತೆಗಳ ನಡುವೆ ಎಸ್ಜಿ ಪೈಪರ್ಸ್ (SG Pipers) ಪುರುಷರ ತಂಡ ಚೆನ್ನೈಗೆ ಆಗಮಿಸಿದೆ. ಭಾರತೀಯ ಅಂತಾರಾಷ್ಟ್ರೀಯ ಆಟಗಾರರು ಹಾಗೂ ಭರವಸೆಯ ಯುವ ಪ್ರತಿಭೆಗಳ ಸಮನ್ವಯದೊಂದಿಗೆ ತಂಡವನ್ನು ರೂಪಿಸಲಾಗಿದ್ದು, ಪ್ರತಿಯೊಂದು ಪಂದ್ಯದಲ್ಲೂ ಶಿಸ್ತು ಮತ್ತು ಸ್ಥಿರತೆಯನ್ನು ಕಾಪಾಡಿಕೊಳ್ಳುವುದೇ ಪ್ರಮುಖ ಗುರಿಯಾಗಿದೆ ಎಂದು ತಂಡದ ಹೆಡ್ ಕೋಚ್ ಟಿಮ್ ಔಡನಾಲರ್ ತಿಳಿಸಿದ್ದಾರೆ.
"ಈ ತಂಡದ ಮೊದಲ ಮತ್ತು ಮುಖ್ಯ ಗಮನ ರಕ್ಷಣೆಯ ಮೇಲೆಯೇ ಇದೆ. ನನ್ನ ಪಾತ್ರ ಆಟಗಾರರಿಗೆ ಪ್ರತಿದಿನ ಹೆಚ್ಚುವರಿ ಉತ್ತೇಜನ ಮತ್ತು ಆತ್ಮವಿಶ್ವಾಸ ನೀಡುವುದಾಗಿದೆ," ಎಂದು ಹೇಳಿದ್ದಾರೆ.
ಅನುಭವಿ ಭಾರತೀಯ ಡಿಫೆಂಡರ್ ಜರ್ಮನ್ಪ್ರೀತ್ ಸಿಂಗ್ ತಮ್ಮ ಅಂತಾರಾಷ್ಟ್ರೀಯ ಮಟ್ಟದ ಅನುಭವದಿಂದ ತಂಡವನ್ನು ಮುನ್ನಡೆಸಲಿದ್ದಾರೆ. ಒತ್ತಡದ ಸಂದರ್ಭಗಳನ್ನು ಸಮರ್ಥವಾಗಿ ನಿಭಾಯಿಸುವುದು ಹಾಗೂ ಬ್ಯಾಕ್ಲೈನ್ ಅನ್ನು ಸಮರ್ಪಕವಾಗಿ ಸಂಘಟಿಸುವುದು ಈ ಸೀಸನ್ನಲ್ಲಿ ತಂಡದ ತಂತ್ರಗಳ ಪ್ರಮುಖ ಅಂಶವಾಗಿರಲಿದೆ.
K Gowtham: ಕನ್ನಡಿಗ ಕೃಷ್ಣಪ್ಪ ಗೌತಮ್ ಎಲ್ಲಾ ಸ್ವರೂಪದ ಕ್ರಿಕೆಟ್ಗೆ ಗುಡ್ಬೈ!
ತಂಡದಲ್ಲಿ ರೋಹಿತ್, ಅಂಕಿತ್ ಪಾಲ್, ದಿಲ್ರಾಜ್ ಸಿಂಗ್ ಮತ್ತು ಸೌರಭ್ ಆನಂದ್ ಕುಶ್ವಾಹಾ ಕೂಡ ಇದ್ದಾರೆ. ಇವರು ಇತ್ತೀಚೆಗೆ ನಡೆದ ಜೂನಿಯರ್ ವಿಶ್ವಕಪ್ ಟೂರ್ನಿಯಲ್ಲಿ ಭಾರತಕ್ಕೆ ಕಂಚಿನ ಪದಕ ತಂದುಕೊಟ್ಟ ತಂಡದ ಭಾಗವಾಗಿದ್ದು, ಹೆಚ್ಚಿನ ಆತ್ಮವಿಶ್ವಾಸದೊಂದಿಗೆ ಲೀಗ್ಗೆ ಕಾಲಿಟ್ಟಿದ್ದಾರೆ.
ಎರಡನೇ ಆವೃತ್ತಿಯ ಬಗ್ಗೆ ಮಾತನಾಡಿದ ನಾಯಕ ಜರ್ಮನ್ಪ್ರೀತ್ ಸಿಂಗ್, "ಈ ಬಾರಿ ನಮ್ಮ ಬಳಿ ಬಹಳ ಸಮಯೋಜಿತ ಎಸ್ಜಿ ಪೈಪರ್ಸ್ ತಂಡವಿದೆ. ಹಿರಿಯರು ಹಾಗೂ ಯುವ ಆಟಗಾರರ ಉತ್ತಮ ಸಂಯೋಜನೆ ಇದಾಗಿದೆ. ಜೂನಿಯರ್ ವಿಶ್ವಕಪ್ ಕಂಚಿನ ಪದಕದ ಬಳಿಕ ಯುವ ಆಟಗಾರರು ಹೆಚ್ಚಿನ ಆತ್ಮವಿಶ್ವಾಸದೊಂದಿಗೆ ಇಲ್ಲಿಗೆ ಬಂದಿದ್ದಾರೆ. ಕಳೆದ ಆವೃತ್ತಿಯು ನಮ್ಮ ನಿರೀಕ್ಷೆಯಂತೆ ಸಾಗಲಿಲ್ಲ, ಆದ್ದರಿಂದ ಈ ಬಾರಿ ನಮ್ಮ ಗುರಿ ಸಂಪೂರ್ಣವಾಗಿ ಸ್ಪಷ್ಟವಾಗಿದೆ,” ಎಂದು ತಿಳಿಸಿದ್ದಾರೆ.
ಆರ್ಸಿಬಿ ಫ್ಯಾನ್ಸ್ಗೆ ಸಿಹಿ ಸುದ್ದಿ! 2025ರಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದು ದಾಖಲೆ ಬರೆದ ಜಾಕೋಬ್ ಡಫಿ!
2025–26ರ ಹೀರೋ ಹಾಕಿ ಇಂಡಿಯಾ ಲೀಗ್ ಆರಂಭದ ಹೊಸ್ತಿಲಲ್ಲ ಎಸ್ಜಿ ಪೈಪರ್ಸ್ ಪುರುಷರ ತಂಡ ಹೊಸ ಉದ್ದೇಶ ಮತ್ತು ದೃಢ ಮನೋಭಾವದೊಂದಿಗೆ ಸೀಸನ್ಗೆ ಪ್ರವೇಶಿಸಿದೆ.
ಎಸ್ಜಿ ಪೈಪರ್ಸ್ ಪುರುಷರ ತಂಡ
ಫಾರ್ವರ್ಡ್ಸ್: ಟೋಮಾಸ್ ಡೊಮೆನೆ, ಆದಿತ್ಯ ಲಾಲಗೆ, ಸೌರಭ್ ಆನಂದ್, ದಿಲ್ರಾಜ್ ಸಿಂಗ್, ರೋಮನ್ ಡುವೇಕೊಟ್
ಮಿಡ್ಫೀಲ್ಡರ್ಸ್: ಶಮ್ಶೇರ್ ಸಿಂಗ್, ರಾಜ್ಕುಮಾರ್ ಪಾಲ್, ಅಂಕಿತ್ ಪಾಲ್, ಕಿಂಗ್ಸನ್ ಸಿಂಗ್, ಕೈ ವಿಲ್ಲಾಟ್, ಜೇಕಬ್ ಡ್ರೇಪರ್
ಡಿಫೆಂಡರ್ಸ್: ಜರ್ಮನ್ಪ್ರೀತ್ ಸಿಂಗ್ (ನಾಯಕ), ವರುಣ್ ಕುಮಾರ್, ರೋಹಿತ್, ಮಂಜೀತ್, ಗ್ಯಾರೆತ್ ಫರ್ಲಾಂಗ್, ರೂಪಿಂದರ್ ಪಾಲ್ ಸಿಂಗ್, ಬ್ರಾಮ್ ವಾನ್ ಬ್ಯಾಟಮ್
ಗೋಲ್ಕೀಪರ್ಸ್: ಟೋಮಾಸ್ ಸ್ಯಾಂಟಿಯಾಗೋ, ಪವನ್
ಟೂರ್ನಿಯಲ್ಲಿ ಎಸ್ಜಿ ಪೈಪರ್ಸ್ ತಂಡದ ಪಂದ್ಯಗಳ ವೇಳಾಪಟ್ಟಿ
ಜನವರಿ 5, 2026 (ಸೋಮವಾರ)
ಪಂದ್ಯ: SG ಪೈಪರ್ಸ್ vs HIL GC
ಸಮಯ: 8:15 PM | ಸ್ಥಳ: ಚೆನ್ನೈ
ಜನವರಿ 9, 2026 (ಶುಕ್ರವಾರ)
ಪಂದ್ಯ: ತಮಿಳುನಾಡು ಡ್ರಾಗನ್ಸ್ vs SG ಪೈಪರ್ಸ್
ಸಮಯ: 8:15 PM | ಸ್ಥಳ: ಚೆನ್ನೈ
ಜನವರಿ 12, 2026 (ಸೋಮವಾರ)
ಪಂದ್ಯ: SG ಪೈಪರ್ಸ್ vs ಹೈದರಾಬಾದ್ ತೂಫಾನ್ಸ್
ಸಮಯ: 6:15 PM | ಸ್ಥಳ: ರಾಂಚಿ
ಜನವರಿ 14, 2026 (ಬುಧವಾರ)
ಪಂದ್ಯ: ರಾಂಚಿ ರಾಯಲ್ಸ್ vs SG ಪೈಪರ್ಸ್
ಸಮಯ: 8:15 PM | ಸ್ಥಳ: ರಾಂಚಿ
ಜನವರಿ 17, 2026 (ಶನಿವಾರ)
ಪಂದ್ಯ: ಕಲಿಂಗ ಲ್ಯಾನ್ಸರ್ಸ್ vs SG ಪೈಪರ್ಸ್
ಸಮಯ: 8:15 PM | ಸ್ಥಳ: ಭುವನೇಶ್ವರ
ಜನವರಿ 18, 2026 (ಭಾನುವಾರ)
ಪಂದ್ಯ: SG ಪೈಪರ್ಸ್ vs ಶ್ರಾಚಿ ರಾರ್ಹ್ ಬೆಂಗಾಲ್ ಟೈಗರ್ಸ್
ಸಮಯ: 6:15 PM | ಸ್ಥಳ: ಭುವನೇಶ್ವರ
ಜನವರಿ 22, 2026 (ಗುರುವಾರ)
ಪಂದ್ಯ: JSW ಸೂರ್ಮಾ ಹಾಕಿ ಕ್ಲಬ್ vs SG ಪೈಪರ್ಸ್
ಸಮಯ: 8:15 PM | ಸ್ಥಳ: ಭುವನೇಶ್ವರ