Viral Video: ಮರಿಯಾನೆಗಳು ಪರಸ್ಪರ ಚುಂಬಿಸುತ್ತಿರುವ ಹೃದಯಸ್ಪರ್ಶಿ ವಿಡಿಯೊ ವೈರಲ್

ಎರಡು ಮರಿ ಆನೆಗಳು ಪರಸ್ಪರ ಚುಂಬಿಸುತ್ತಿರುವ ಹೃದಯಸ್ಪರ್ಶಿ ವಿಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ಇದು ಜನರ ಹೃದಯ ಗೆದ್ದಿದೆ. ಎಕ್ಸ್‌ನಲ್ಲಿ ಹಂಚಿಕೊಳ್ಳಲಾದ ಈ ವಿಡಿಯೊದಲ್ಲಿ, ಮರಿಯಾನೆಗಳು ಚುಂಬಿಸುವ ರೀತಿಯಲ್ಲಿ ತಮ್ಮ ಸೊಂಡಿಲುಗಳನ್ನು ನಿಧಾನವಾಗಿ ಸ್ಪರ್ಶಿಸುವುದನ್ನು ನೋಡಬಹುದು. ಇದು ಮುಗ್ಧ ಪ್ರಾಣಿಗಳ ಶುದ್ಧ ಪ್ರೀತಿಯನ್ನು ತೋರಿಸುತ್ತದೆ. ಒಡಹುಟ್ಟಿದವರ ಪ್ರೀತಿ ಎಂದಿಗೂ ಇಷ್ಟು ಮುದ್ದಾಗಿ ಕಾಣಲಿಲ್ಲ. ಎರಡು ಮರಿ ಆನೆಗಳು ಮುತ್ತು ಹಂಚಿಕೊಳ್ಳುತ್ತಿವೆ. ಪ್ರಕೃತಿಯ ಶುದ್ಧವಾದ ಪ್ರೀತಿಯಿದು ಎಂಬ ಶೀರ್ಷಿಕೆಯೊಂದಿಗೆ ಭಾರತೀಯ ಅರಣ್ಯ ಸೇವೆಯ ನಿವೃತ್ತ ಅಧಿಕಾರಿ ಸುಶಾಂತ್‌ ನಂದಾ ಈ ವಿಡಿಯೊವನ್ನು ಹಂಚಿಕೊಂಡಿದ್ದಾರೆ.

ವಿಡಿಯೊ ವೀಕ್ಷಿಸಿ:

ವಿಡಿಯೊದಲ್ಲಿ, ಎರಡು ಆನೆಗಳು ಪರಸ್ಪರ ಹತ್ತಿರ ನಿಂತಿರುವುದು ಕಂಡುಬರುತ್ತದೆ. ಅವು ತಮ್ಮ ತಲೆಗಳನ್ನು ನಿಧಾನವಾಗಿ ಮುಂದಕ್ಕೆ ತರುತ್ತಾ, ಬಹುತೇಕ ಅವು ಚುಂಬನವನ್ನು ಹಂಚಿಕೊಳ್ಳುತ್ತಿರುವಂತೆ ಕಾಣುತ್ತದೆ. ಸಾಮಾಜಿಕ ಮಾಧ್ಯಮ ಬಳಕೆದಾರರು ಇದನ್ನು ಆಳವಾದ ಸಹೋದರರ ಪ್ರೀತಿ ಮತ್ತು ಬಾಂಧವ್ಯದ ಸಂಕೇತವೆಂದು ಕರೆದರು.

ಈ ಸುದ್ದಿಯನ್ನೂ ಓದಿ: Viral Video: ಮಹಿಳೆಯಂತೆ ಸೀರೆಯುಟ್ಟು ಪೊಲೀಸ್ ಅಧಿಕಾರಿ ಎದುರು ಅಶ್ಲೀಲ ನೃತ್ಯ- ಏನಿದು ವೈರಲ್‌ ವಿಡಿಯೊ?

ಈ ಸಣ್ಣ ಕ್ರಿಯೆಯು, ಆನೆಗಳಿಗೆ ಕಾಡಿನಲ್ಲಿ ಜೀವನ ಎಷ್ಟು ಸುಂದರ ಮತ್ತು ಭಾವನಾತ್ಮಕವಾಗಿರಬಹುದು ಎಂಬುದನ್ನು ನೆನಪಿಸಿವೆ. ಸದ್ಯ ಈ ವಿಡಿಯೊ ಭಾರಿ ವೈರಲ್ ಆಗಿದ್ದು, ನೆಟ್ಟಿಗರ ಮನಗೆದ್ದಿದೆ. ಕಾಡಿನಲ್ಲಿ ಒಡಹುಟ್ಟಿದವರ ಪ್ರೀತಿಯನ್ನು ಬಹಳ ಸುಂದರವಾಗಿ ಸೆರೆಹಿಡಿಯಲಾಗಿದೆ. ಈ ಮಧುರವಾದ ಸಂವಹನವು, ಮನುಷ್ಯರ ಒಡಹುಟ್ಟಿದವರಿಗಿಂತ ಮಿಗಿಲಾಗಿ ಮರಿ ಆನೆಗಳ ಆಳವಾದ ಬಂಧವನ್ನು ತೋರಿಸುತ್ತದೆ.

ಆನೆಗಳು ತುಂಬಾ ದೊಡ್ಡದಾಗಿರಬಹುದು. ಆದರೆ ಅವು ಮೃದು ಸ್ವಭಾವ ಹೊಂದಿರುತ್ತದೆ. ಅವು ಸಾಮಾನ್ಯವಾಗಿ ಜೊತೆಯಾಗಿ ಇರುವುದು, ತಲೆಗಳನ್ನು ಸವರಿಕೊಳ್ಳುವುದು ಅಥವಾ ಪರಸ್ಪರ ನೋಡಿಕೊಳ್ಳುವ ಮೂಲಕ ತಮ್ಮ ಪ್ರೀತಿಯನ್ನು ವ್ಯಕ್ತಪಡಿಸುತ್ತವೆ. ಇದೀಗ ವೈರಲ್ ಆಗಿರುವ ಮರಿ ಆನೆಗಳ ನಡುವಿನ ಹೃದಯಸ್ಪರ್ಶಿ ವಿಡಿಯೊ ಎಲ್ಲರ ಮನಗೆದ್ದಿದೆ.