ಕಬ್ಬಿನ ಬೆಂಬಲ ಬೆಲೆ ವಿಚಾರವಾಗಿ ರೈತ ಸಂಘಟನೆಗಳು ನಡೆಸುತ್ತಿರುವ ಹೋರಾಟ ತೀವ್ರ ಸ್ವರೂಪ ಪಡೆದುಕೊಂಡಿದ್ದು, ಬಂದ್‌ನ ಪರಿಣಾಮ ಸಾಮಾನ್ಯ ಜನರ ದೈನಂದಿನ ಬದುಕಿನ ಮೇಲೆ ಬೀರಿದೆ. ದುಡಿದರೆ ಮಾತ್ರ ಹೊಟ್ಟೆ ತುಂಬಿಸಿಕೊಳ್ಳುವ ಸಣ್ಣ ವ್ಯಾಪಾರಿಗಳು, ಬೀದಿ ಬದಿ ವ್ಯಾಪಾ ರಸ್ಥರು, ಹೋಟೆಲ್ ಮಾಲೀಕರು, ಆಟೋ ಚಾಲಕರು ಹಾಗೂ ದಿನಗೂಲಿ ಕಾರ್ಮಿಕರು ವ್ಯಾಪಾರ ವಿಲ್ಲದೆ ಪರದಾಡುವಂತಾಗಿದೆ.
ಕರ್ನಾಟಕದ ನಾಲ್ಕು ಕ್ಷೇತ್ರಗಳ ವಿಧಾನ ಪರಿಷತ್ ಚುನಾವಣೆಯ ಫಲಿತಾಂಶ ಹೊರಬಿದ್ದಿದೆ. ಎಲ್ಲಾ ನಾಲ್ಕು ಕ್ಷೇತ್ರದಲ್ಲಿ ಎನ್‌ಡಿಎ ಮೈತ್ರಿಕೂಟ ಗೆಲುವು ಸಾಧಿಸಿದೆ. ಆದರೆ, ಗಮನಿಸಬೇಕಾದ ವಿಚಾರ ಏನಂದರೆ, ಎರಡು ಕ್ಷೇತ್ರದ ಫಲಿತಾಂಶವನ್ನು ಅಸಿಂಧು ಮತಗಳು ನಿರ್ಧರಿಸಿರುವುದು. ಒಟ್ಟು ನಾಲ್ಕು ಕ್ಷೇತ್ರದಲ್ಲಿ 31,708 ಮತಗಳು ಅಸಿಂಧು ಆಗಿವೆ.
ದೇಶದ ಪ್ರತಿಷ್ಠಿತ ವೈದ್ಯಕೀಯ ಮಹಾ ಸಂಸ್ಥೆಯಾದ ಬೆಂಗಳೂರು ಮೆಡಿಕಲ್ ಕಾಲೇಜಿ (ಬಿಎಂಸಿಆರ್‌ಐ) ನಲ್ಲಿ ಈಗ ರೋಗಿಗಳನ್ನು ರಕ್ಷಿಸುವ 150ಕ್ಕೂ ಹೆಚ್ಚು ನರ್ಸ್‌ʼಗಳಲ್ಲಿ ನೌಕರಿಗೆ ಕುತ್ತು ತರುವ ನೋವು ಕಾಣಿಸಿಕೊಂಡಿದೆ. ಅಷ್ಟೇ ಅಲ್ಲ. ಈ ನೋವು ನಿವಾರಿಸಬೇಕಾದ ಕಾಲೇಜಿನ ಡೀನ್ ಮತ್ತು ಡೈರೆಕ್ಟರ್ ಅವರಿಗೂ ಈ ಸೋಂಕು ಶುರುವಾಗಿದೆ.
ಈ ನಡುವೆ ಸೇತುವೆ ಕಾಮಗಾರಿ ವಿಳಂಬಕ್ಕೆ ಹಿಂದಿನ ಅವಧಿಯ ಶಾಸಕರೇ ಕಾರಣ ಎನ್ನುವ ಅರ್ಥದಲ್ಲಿ ಹೇಳಿಕೆ ನೀಡಿ ಬಿಜೆಪಿ ಮತ್ತು ಮಾಜಿ ಸಚಿವ ಹರತಾಳು ಹಾಲಪ್ಪನವರ ವಿರುದ್ದ ಆರೋಪ ಮಾಡಿದ್ದ ಶಾಸಕ ಬೇಳೂರರ ಹೇಳಿಕೆ ಚರ್ಚೆಯ ವಿಷಯವಾಗಿತ್ತು. ಇದರ ವಿರುದ್ದ ಸ್ಪಷ್ಟನೆಗೆ ಮುಂದಾಗಿರುವ ಹಾಲಪ್ಪ, ಸ್ವತ: ಸದನದಲ್ಲಿ ಕಾಂಗ್ರೆಸ್ ಸರಕಾರದ ಪರವಾಗಿ ಲೋಕೋಪಯೋಗಿ ಮಂತ್ರಿ ಸತೀಶ್ ಜಾರಕಿಹೊಳಿ ಅಧಿಕೃತವಾಗಿ ನೀಡಿರುವ ಲಿಖಿತ ಸ್ಪಷ್ಟನೆಯನ್ನು ಪಡೆದು ಜನರ ಮುಂದಿಟ್ಟಿದ್ದಾರೆ.
ಈ ಪ್ರಥಮ ಪ್ರತಿಕ್ರಿಯಾಶೀಲರ ಪಡೆ ಕೇವಲ ಒಬ್ಬಿಬ್ಬರಿಗೆ ಸೀಮಿತವಾಗಿಲ್ಲ. ಬೆಂಕಿಯ ಜ್ವಾಲೆಯ ನಡುವೆಯೂ ಕಟ್ಟಡ ಹೊಕ್ಕು ಜೀವ ರಕ್ಷಿಸುವ ಅಗ್ನಿಶಾಮಕ ಸಿಬ್ಬಂದಿ, ಆಸ್ಪತ್ರೆ ತಲುಪುವ ಮುನ್ನವೇ ಆಂಬ್ಯುಲೆನ್ಸ್‌ನಲ್ಲೇ ರೋಗಿಯ ಉಸಿರು ಕಾಯುವ ವೈದ್ಯಕೀಯ ತುರ್ತು ಸಿಬ್ಬಂದಿ ಸಮಾಜದ ಕಾನೂನು ಸುವ್ಯವಸ್ಥೆ ಕಾಪಾಡುವ ಪೊಲೀಸರು, ಹಾಗೂ ಹಿನ್ನೆಲೆಯಲ್ಲಿ ನಿಂತು 112 ಅಥವಾ 108 ನಂಬರ್ ಮೂಲಕ ಕರೆ ಸ್ವೀಕರಿಸಿ ಕ್ಷಣಾರ್ಧದಲ್ಲಿ ಸೂಕ್ತ ರಕ್ಷಣಾ ತಂಡವನ್ನು ರವಾನಿಸುವ ಕಂಟ್ರೋಲ್ ರೂಮ್ ನಿರ್ವಾಹಕರು ಈ ಪಡೆಯ ಬೆನ್ನೆಲುಬಾಗಿದ್ದಾರೆ.
ಪಶ್ಚಿಮ ಏಷ್ಯಾದಲ್ಲಿ ಹೆಚ್ಚುತ್ತಿರುವ ಉದ್ವಿಗ್ನತೆ ಹಾಗೂ ಸರಕು ಸಾಗಣೆಗೆ ಎದುರಾಗುತ್ತಿರುವ ಅಡೆತಡೆ ಗಳು ಬೆಂಗಳೂರಿನ ವ್ಯಾಪಾರ ವಲಯದಲ್ಲಿ ಅನಿಶ್ಚಿತತೆ ಮೂಡಿಸಿವೆ. ಆಮದು ಸರಕುಗಳ ಸಾಗಣೆ ವೆಚ್ಚ ಹೆಚ್ಚಳ, ವಿತರಣೆಯಲ್ಲಿ ವಿಳಂಬ ಹಾಗೂ ಪೂರೈಕೆ ಸರಪಳಿಯಲ್ಲಿನ ವ್ಯತ್ಯಯದಿಂದ ಖರ್ಜೂರ, ಜಮ್ ಜಮ್ ನೀರು ಸೇರಿದಂತೆ ಹಲವು ಡ್ರೈ ಫ್ರೂಟ್ಸ್ ವಸ್ತುಗಳ ಬೆಲೆ ಏರಿಕೆಯಾಗುತ್ತಿದೆ.
ಇದು ಕೇವಲ ಆಕಾಶಕಾಯಗಳ ಪರಿಚಯ ಮಾಡಿಸುವ ತಾರಾಲಯವಲ್ಲ; ಬದಲಿಗೆ, ಬಾಹ್ಯಾಕಾಶದ ವಿಸ್ಮಯಗಳನ್ನು ಹೊಸ ತಂತ್ರಜ್ಞಾನದ ಮೂಲಕ ಜನರ ಕಣ್ಣಮುಂದೆ ತೆರೆದಿಡುವ ಮಹತ್ವಾಕಾಂಕ್ಷಿ ಯೋಜನೆ. ವಿಶ್ವದ ಮೊದಲ ಬಾಗಿದ ಗುಮ್ಮಟಾಕೃತಿಯ ಎಲ್‌ಇಡಿ ತಾರಾಲಯ ಎಂಬ ಹೆಗ್ಗಳಿಕೆಯನ್ನು ಪಡೆಯುವ ಉದ್ದೇಶ ಹೊಂದಿರುವ ಈ ಕೇಂದ್ರ, ಮೈಸೂರಿನ ವೈಜ್ಞಾನಿಕ ಮತ್ತು ಶೈಕ್ಷಣಿಕ ಪರಂಪರೆಗೆ ಹೊಸ ಆಯಾಮ ನೀಡುವ ನಿರೀಕ್ಷೆ ಮೂಡಿಸಿದೆ.
ಶಿಕ್ಷಕರು, ಸರ್ಕಾರಿ ನೌಕರರು, ಖಾಸಗಿ ಶಾಲಾ-ಕಾಲೇಜುಗಳ ಸಿಬ್ಬಂದಿ ಹಾಗೂ ಹೊಸದಾಗಿ ಪದವೀಧರರ ಮತದಾರರ ಪಟ್ಟಿಗೆ ಸೇರ್ಪಡೆಯಾದ ಯುವಕರು ಸೇರಿದಂತೆ ವಿವಿಧ ವರ್ಗಗಳ ಮತದಾರರು ಅಲ್ಲಿ ಸೇರಿದ್ದ ದೃಶ್ಯಗಳು ಚರ್ಚೆಗೆ ಕಾರಣವಾಗಿವೆ. ಈ ಬೆಳವಣಿಗೆಯು ಮತದಾನದ ಪಾವಿತ್ರ್ಯ ಮತ್ತು ಚುನಾವಣಾ ಪ್ರಕ್ರಿಯೆಯ ಪಾರದರ್ಶಕತೆಯ ಕುರಿತು ಅನೇಕ ಪ್ರಶ್ನೆಗಳನ್ನು ಹುಟ್ಟು ಹಾಕಿದೆ.
ಕಳೆದ ಐದು ವರ್ಷಗಳಿಂದ ಮೈಸೂರಿನಲ್ಲಿ ಸೇವೆ ಸಲ್ಲಿಸುತ್ತಿರುವ ಆಯುಕ್ತರಾದ ಸೀಮಾ ಲಾಟ್ಕರ್ ಅವರು ಮೈಸೂರಿನಲ್ಲಿ ವರಿಷ್ಠಾಧಿಕಾರಿಯಾಗಿ ಮತ್ತು ಆಯುಕ್ತರಾಗಿ ಐದು ವರ್ಷಗಳನ್ನು ಪೂರೈಸುತ್ತಿರುವ ಕಾರಣ ಈ ಪ್ರಕರಣದ ನೆಪದಲ್ಲಿ ಎತ್ತಂಗಡಿ ಮಾಡಲು ಸರಕಾರ ನಿಶ್ಚಯ ಮಾಡಿದೆ ಎಂದು ಉನ್ನತ ಮೂಲಗಳು ತಿಳಿಸಿವೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಬ್ಬರು ತಳಮಟ್ಟದ ಪೊಲೀಸ್ ಸಿಬ್ಬಂದಿಯನ್ನು ಅಮಾನತು ಮಾಡುವ ಸಾಧ್ಯತೆ ಬಗ್ಗೆ ಇಲಾಖೆಯಲ್ಲಿ ಮಾತುಗಳು ಕೇಳಿ ಬರುತ್ತಿವೆ.
ಚಿನ್ನದ ಅಂಬಾರಿಯಲ್ಲಿ ವಿರಾಜಮಾನಳಾದ ಬೆಟ್ಟದ ತಾಯಿ ಚಾಮುಂಡೇಶ್ವರಿಗೆ ಲಕ್ಷಾಂತರ ಭಕ್ತರು ಶಿರಬಾಗಿದರೆ, ಗಜಗಾಂಭೀರ್ಯದಿಂದ ಹೆಜ್ಜೆ ಹಾಕಿದ ಪ್ರಶಾಂತ ನೇತೃತ್ವದ ಗಜಪಡೆಯ ಠೀವಿಗೆ ಜನಸ್ತೋಮ ಮಂತ್ರಮುಗ್ಧವಾಯಿತು. ಈ ಮೂಲಕ 2026ನೇ ಸಾಲಿನ ವಿಶ್ವವಿಖ್ಯಾತ ಮೈಸೂರು ದಸರಾ ಮಹೋ ತ್ಸವದ ಕಿರೀಟಪ್ರಾಯ ವಿಜಯದಶಮಿ ಜಂಬೂ ಸವಾರಿ ವೈಭವೋಪೇತವಾಗಿ ಸಂಪನ್ನಗೊಂಡು ಇತಿಹಾಸದ ಪುಟಗಳಲ್ಲಿ ದಾಖಲಾಯಿತು.
ದೇವಸ್ಥಾನದ ಗುಡ್ಡದ ಮೇಲಿನ ಸುಮಾರು 20 ಗುಂಟೆ ಜಮೀನಿನಲ್ಲಿ ಪ್ರತಿವರ್ಷ ಮಳೆಗಾಲ ಆರಂಭವಾಗುತ್ತಿದ್ದಂತೆ ಭತ್ತದ ಸಸಿಗಳು ಕಾಣಿಸಿಕೊಳ್ಳುತ್ತವೆ. ಸುಮಾರು 200 ಅಡಿ ಉದ್ದ ಹಾಗೂ 70 ಅಡಿ ಅಗಲದ ಪ್ರದೇಶದಲ್ಲಿ ಹಸಿರಿನಿಂದ ಕಂಗೊಳಿಸುವ ಪೈರು ಜೂನ್‌ನಿಂದ ಅಕ್ಟೋಬರ್‌ವರೆಗೆ ಮಾತ್ರ ವೀಕ್ಷಣೆಗೆ ಲಭ್ಯ. ಬಳಿಕ ಕಟಾವು ನಡೆಸಿ ಭತ್ತವನ್ನು ಸಂಗ್ರಹಿಸಲಾಗುತ್ತದೆ.
ನಾಡಿನ ಕಲೆ, ಸಂಸ್ಕೃತಿ, ಪರಂಪರೆ ಮತ್ತು ರಾಜವೈಭವವನ್ನು ಜಗತ್ತಿಗೆ ಸಾರುವ ಮೈಸೂರು ದಸರಾ ಮಹೋತ್ಸವದ ಅಂತಿಮ ಸಂಭ್ರಮಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಹತ್ತು ದಿನಗಳ ಕಾಲ ಸಾಂಸ್ಕೃತಿಕ ನಗರಿಯನ್ನು ಸಂಭ್ರಮದ ಸಾಗರವಾಗಿಸಿದ್ದ ನಾಡಹಬ್ಬ, ಅ.೨೧ರ ಬುಧವಾರ ವಿಜಯದಶಮಿಯಂದು ನಡೆಯಲಿರುವ ಐತಿಹಾಸಿಕ ಜಂಬೂಸವಾರಿ ಹಾಗೂ ಬನ್ನಿಮಂಟಪದ ಪಂಜಿನ ಕವಾಯತಿನೊಂದಿಗೆ ತನ್ನ ವೈಭವದ ಪರಾಕಾಷ್ಠೆ ತಲುಪಲಿದೆ.
ದಸರಾ(Dasara) ಹಬ್ಬವೆಂದರೆ ಹೂವಿನ ಬೆಳೆಗಾರರಿಗೆ ಉತ್ತಮ ಆದಾಯದ ನಿರೀಕ್ಷೆ ಮೂಡುವ ಸಮಯ. ಹಬ್ಬ ಹರಿದಿನಗಳಲ್ಲಿ ಹೂವಿಗೆ ಹೆಚ್ಚಿನ ಬೇಡಿಕೆ ಇರುತ್ತದೆ ಎಂಬ ನಂಬಿಕೆ ಯಿಂದ ರೈತರು ಅಲ್ಪಸ್ವಲ್ಪ ಜಮೀನಿನಲ್ಲಿ ಹೂವಿನ ಬೆಳೆ ಬೆಳೆದು ಆದಾಯದ ನಿರೀಕ್ಷೆಯಲ್ಲಿರು ತ್ತಾರೆ. ಆದರೆ ಈ ಬಾರಿ ದಸರಾ ಹಬ್ಬ ರೈತರ ಪಾಲಿಗೆ ನಿರಾಸೆ ತಂದಿದ್ದು, ಹೂವಿನ ದರದಲ್ಲಿ ಕುಂಠಿತ ಕಂಡುಬಂದಿರುವು ದರಿಂದ ಬೆಳೆಗಾರರು ಸಂಕಷ್ಟಕ್ಕೆ ಸಿಲುಕಿದ್ದಾರೆ.
ತುಳುನಾಡಿನ ಬದುಕಿನ ಕಥೆ ಹೇಳುವ ಪ್ರಾಚೀನ ವಸ್ತುಗಳು, ಕಾಲದ ಪಯಣಕ್ಕೆ ಸಾಕ್ಷಿಯಾಗಿರುವ ಹಳೆಯ ನಾಣ್ಯಗಳು, ವಿವಿಧ ಕ್ಷೇತ್ರಗಳಲ್ಲಿ ಸಾಧನೆಯ ಛಾಪು ಮೂಡಿಸಿರುವ 25 ಮಂದಿ ಸಾಧಕರಿಗೆ ಗೌರವ ಸನ್ಮಾನ ಹಾಗೂ ಕನ್ನಡತುಳು ಭಾಷೆಗಳ ಸಂಗೀತ ಸಂಭ್ರಮ ಹೀಗೆ ನಾಲ್ಕು ವಿಶಿಷ್ಟ ಆಯಾಮ ಗಳಲ್ಲಿ ರೂಪುಗೊಂಡಿರುವ ಈ ಸಾಂಸ್ಕೃತಿಕ ಹಬ್ಬವು ಅ.18 ಮತ್ತು 19ರಂದು ಕಂಬಳದ ಸಮೀಪದ ಸಾಂಸ್ಕೃತಿಕ ವೇದಿಕೆಯಲ್ಲಿ ಜನಮನ ಸೆಳೆಯಲಿದೆ.
ಎರಡು ದಿನಗಳ ಕಾಲ ಸುಮಾರು 48 ಗಂಟೆಗಳ ನಿರಂತರ ಕಂಬಳ ಸ್ಪರ್ಧೆ ನಡೆಯಲಿದ್ದು, ಕರಾವಳಿಯ 150 ಜೋಡಿ ಕೋಣಗಳ ಓಟವನ್ನು ಕಣ್ತುಂಬಿಕೊಳ್ಳಲು ಕ್ರೀಡಾಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಇದು ಕೇವಲ ಕೋಣಗಳ ಓಟವಲ್ಲ, ಕರಾವಳಿಯ ಕೃಷಿ ಸಂಸ್ಕೃತಿ, ಗ್ರಾಮೀಣ ಬದುಕು, ಪ್ರಾಣಿ ಸಾಕಾಣಿಕೆಯ ಪರಂಪರೆ ಮತ್ತು ತಲೆಮಾರುಗಳಿಂದ ಉಳಿದುಬಂದ ಜಾನಪದ ಕ್ರೀಡೆಯನ್ನು ನಾಡಿನ ಸಾಂಸ್ಕೃತಿಕ ರಾಜಧಾನಿಗೆ ಪರಿಚಯಿಸುವ ಮಹತ್ವದ ಪ್ರಯತ್ನವೂ ಹೌದು.
ಮಾರುಕಟ್ಟೆಯಲ್ಲಿ ಉತ್ತಮ ಗುಣಮಟ್ಟದ ಗ್ರೇಡ್-1 ಕೊಬ್ಬರಿಯ ಕೊರತೆ ಇರುವುದರಿಂದ, ಲಭ್ಯವಿರುವ ಗುಣಮಟ್ಟದ ಕೊಬ್ಬರಿಗೆ ಎಣ್ಣೆ ಉತ್ಪಾದಕರು ಮತ್ತು ವರ್ತಕರು ಪೈಪೋಟಿಯ ಮೇಲೆ ಹೆಚ್ಚಿನ ದರ ನೀಡಿ ಖರೀದಿಸುತ್ತಿದ್ದಾರೆ. ತಿಪಟೂರು ಕೊಬ್ಬರಿಯು ತನ್ನ ವಿಶೇಷ ರುಚಿ, ಹೆಚ್ಚಿನ ಎಣ್ಣೆಯಾಂಶ ಹಾಗೂ ಬಾಳಿಕೆಗೆ ಹೆಸರು ವಾಸಿಯಾಗಿದೆ. ಇಲ್ಲಿನ ತೆಂಗಿನ ಎಣ್ಣೆ ಹಾಗೂ ಇತರೆ ಉಪ ಉತ್ಪನ್ನಗಳಿಗೂ ಮಾರುಕಟ್ಟೆಯಲ್ಲಿ ನಿರಂತರ ಬೇಡಿಕೆ ಹೆಚ್ಚಿದೆ.
ಕಣದಲ್ಲಿರುವ 13 ಅಭ್ಯರ್ಥಿಗಳ ಪೈಕಿ ಪ್ರಮುಖ ಸ್ಪರ್ಧೆ ಕಾಂಗ್ರೆಸ್‌ನ ಶರಣಪ್ಪ ಮಟ್ಟೂರು ಮತ್ತು ಬಿಜೆಪಿಯ ಶಶಿಲ್ ಜಿ.ನಮೋಶಿ ನಡುವೆಯೇ ಸೀಮಿತವಾಗಿದ್ದು, ಶಿಕ್ಷಕರ ಮತಗಳನ್ನು ಸೆಳೆಯಲು ಉಭಯ ಪಕ್ಷಗಳ ತಂಡಗಳು ಏಳು ಜಿಲ್ಲೆಗಳಲ್ಲಿ ಬಿರುಸಿನ ಪ್ರಚಾರ ನಡೆಸುತ್ತಿವೆ. ರಾಜಕೀಯ ಚಟುವಟಿಕೆಯ ವೇಗ, ಮೈತ್ರಿ ಪಕ್ಷಗಳ ಒಗ್ಗಟ್ಟು ಹಾಗೂ ಕ್ಷೇತ್ರದಾದ್ಯಂತ ನಡೆಯುತ್ತಿರುವ ಸಂಪರ್ಕ ಅಭಿಯಾನ ಗಮನಿಸಿದರೆ ಸದ್ಯದ ವಾತಾವರಣದಲ್ಲಿ ಬಿಜೆಪಿಗೆ ತುಸು ಮೇಲುಗೈ ಕಾಣಿಸುತ್ತಿದೆ.
ಪತ್ನಿ ಹಾಗೂ 11 ವರ್ಷದ ಮಗಳನ್ನು ಅಗಲಿರುವ ಚಿನ್ಮಯಿ, ತಂದೆ-ತಾಯಿಗೂ ಆಸರೆಯಾಗಿದ್ದರು. ಕುಟುಂಬಕ್ಕೆ ಆಧಾರವಾಗಿದ್ದ ಅವರ ಅಕಾಲಿಕ ನಿಧನ ಸಂಬಂಧಿಕರು ಹಾಗೂ ಪರಿಚಿತರಲ್ಲಿ ದುಃಖ ಮೂಡಿಸಿದೆ. ತಾವು ಕಾರ್ಯನಿರ್ವಹಿಸುತ್ತಿದ್ದ ಆಶ್ರಮದ ಆಸ್ಪತ್ರೆಗೇ ಅಂಗಾಂಗಗಳನ್ನು ದಾನ ಮಾಡುವ ಮೂಲಕ ಚಿನ್ಮಯಿ ಸಾವಿನಲ್ಲೂ ಮಾನವೀಯತೆ ಮೆರೆದಿದ್ದಾರೆ.
ರಸ್ತೆಯಲ್ಲಿ ನೀರು ಹರಿಯುವ ದೃಶ್ಯ ನೋಡಿದರೆ ಕೊಳಚೆ ನೀರಿನ ಜಲಪಾತವೇ ಸೃಷ್ಟಿಯಾದಂತಿದೆ. ಈ ಮಾರ್ಗದಲ್ಲಿ ಸಂಚರಿಸುವ ದ್ವಿಚಕ್ರ ವಾಹನ ಸವಾರರು, ಪಾದಚಾರಿಗಳು, ಶಾಲಾ-ಕಾಲೇಜು ವಿದ್ಯಾರ್ಥಿ ಗಳು ವಾಹನಗಳ ಚಕ್ರಗಳಿಂದ ಚಿಮ್ಮುವ ಕೊಳಚೆ ನೀರಿನ ಸಿಂಚನಕ್ಕೆ ತುತ್ತಾಗುತ್ತಿದ್ದಾರೆ. ದುರ್ವಾಸನೆಯ ನಡುವೆ ಸಂಚರಿಸುವುದು ಜನರಿಗೆ ನಿತ್ಯದ ಸಂಕಷ್ಟವಾಗಿ ಪರಿಣಮಿಸಿದೆ.
