ಸಿನಿಮಾ ಮಾಧ್ಯಮ, ಪತ್ರಕರ್ತರ ಜೊತೆ ಕ್ರಿಕೆಟ್‌ ಟೂರ್ನಿ ಆಡಿದ ಲವ್‌ ಒಟಿಪಿ ತಂಡ!

ಬೆಂಗಳೂರು: ಮನೆ ಕಟ್ಟಿ ನೋಡು, ಮದುವೆ ಮಾಡಿ‌ ನೋಡು ಎಂಬ ಮಾತಿದೆ. ಆದ್ರೆ ಈಗ ಈ‌ಮಾತು ಸಿನಿಮಾ ಮಂದಿಗೆ ಕೊಂಚ ಬದಲಾದಂತೆ ಕಾಣ್ತಿದ್ದು, ಸಿನಿಮಾ ಮಂದಿ ಸಿನಿಮಾ ಮಾಡಿ ನೋಡಿ‌. ಅದನ್ನ ರಿಲೀಸ್ ಮಾಡಿ ನೋಡಿ ಅಂತಿದ್ದಾರೆ...ಯಾಕಂದ್ರೆ ಒಂದು ಸಿನಿಮಾ ಮಾಡೊದು ಎಷ್ಟು ಕಷ್ಟವೋ, ಕಷ್ಟ ಪಟ್ಟು ಮಾಡಿರುವ ಸಿನಿಮಾವನ್ನು ಜನರಿಗೆ ತಲುಪುವ ರೀತಿ ಪ್ರಚಾರ ಮಾಡಿ ಅದನ್ನು ರಿಲೀಸ್ ಮಾಡೋದು ಅಷ್ಟೇ ಕಷ್ಟ.

ತೇಜೇಶ್ಚರ್ ಅಭಿನಯದ ಲವ್ ಓಟಿಪಿ ಸಿನಿಮಾ ತಂಡ ಸೇರಿದೆ. ಈಗಾಗಲೇ ಟೀಸರ್, ಹಾಡುಗಳ ಮೂಲಕ ಮನೆ ಮಾತಾಗಿರುವ ಲವ್ ಓಟಿಪಿ ಚಿತ್ರ, ಈಗ ವಿಭಿನ್ನ ಪ್ರಚಾರದ ಮೂಲಕ ಸಿನಿ ಪ್ರೇಮಿಗಳ ಸೆಳೆಯುವ ಪ್ರಯತ್ನ ಮಾಡುತ್ತಿದೆ. ಇದೇ ತಿಂಗಳ 14 ಕ್ಕೆ ರಿಲೀಸ್‌ಗೆ ಸಿದ್ದವಾಗಿರುವ ಲವ್ ಓಟಿಪಿ ಚಿತ್ರ ಸಿನಿಮಾಗಳ ಪ್ರಚಾರದಲ್ಲಿ ಪ್ರಮುಖ ಪಾತ್ರ ವಹಿಸುವ ಪತ್ರಕರ್ತರ ಜೊತೆ ಸ್ನೇಹಪೂರ್ವಕವಾಗಿ ಕ್ರಿಕೆಟ್ ಟೂರ್ನಿ ಆಡುವ ಮೂಲಕ ಗಮನ ಸೆಳೆದಿದೆ. ಈ ರೀತಿಯೂ ಸಿನಿಮಾ ಪ್ರಚಾರ ಮಾಡಬಹುದು ಎಂದು ತೋರಿಸಿದೆ.

OTT Entry Movie: ಕಾಂತಾರ ಸಿನಿಮಾದ ಜೊತೆಗೆ ಸಾಲು ಸಾಲು ಹಿಟ್ ಸಿನಿಮಾ ಒಟಿಟಿಗೆ ಎಂಟ್ರಿ: ಯಾವುದೆಲ್ಲ ಗೊತ್ತಾ?

ಲವ್ ಒಟಿಪಿ ತಂಡ, ಡಿಜಿಟಲ್ ಮಾಧ್ಯಮದವರು, ಪತ್ರಿಕೆಯ ಸಿನಿಮಾ ಪತ್ರಕರ್ತರು , ಯೂಟ್ಯೂಬರ್‌ಗಳ ಜೊತೆ ಕ್ರಿಕೆಟ್ ಆಡುವ ಮೂಲಕ ಸಿನಿಮಾ ಪ್ರಚಾರ ಮಾಡಿದೆ. ಲವ್ ಓಟಿಪಿ‌ ಚಿತ್ರ ತಂಡ ಸೇರಿದಂತೆ ಒಟ್ಟು ಐದು ತಂಡಗಳ ಟೂರ್ನಿ ಇದಾಗಿತ್ತು.

ಅನೀಸ್ ನಾಯಕತ್ವದ ಟೀಮ್ ಲವ್ ಓಟಿಪಿ. ನ್ಯೂಸ್ 18 ಕನ್ನಡದ ವರದಿಗಾರ ಸತೀಶ್ ಕನಕಪುರ ನಾಯಕತ್ವದ ಸ್ಟಾರ್ ರಿಪೋರ್ಟರ್ಸ್. ಪಿಅರ್ ಓ ಪ್ರವೀಣ್ ಏಕಾಂತ್ ನೇತೃತ್ವದ ಡಿಜಿಟಲ್ ಒಟಿಪಿ, ಮತ್ತೊರ್ವ ಪಿಆರ್‌ಒ ಹರೀಶ್ ಅರಸು ನಾಯಕತ್ವದ ಲವ್ ಹಂಟರ್ಸ್ ಹಾಗೂ ಮತ್ತೋತ್ವ ಸಿನಿಮಾ ಪತ್ರಕರ್ತ ಆತ್ಮೀಯ ಕನ್ನಡಿಗ ಖ್ಯಾತಿಯ ಶ್ರೀಧರ್ ಶಿವಮೊಗ್ಗ ನೇತೃತ್ವದ ಲವ್ ಸ್ಕ್ವಾಡ್ ತಂಡಗಳು ಲವ್ ಒಟಿಪಿ ಕಪ್‌ಗಾಗಿ ಹಣಾಹಣಿ ಮಡೆಸಿದ್ದವು.

Imanvi: "ಪಾಕ್‌ ಜೊತೆ ಈಕೆಗೆ ನಂಟು ಸಿನಿಮಾದಿಂದ ಕಿತ್ತೊಗೆಯಿರಿ" ; ಪ್ರಭಾಸ್‌ ಹೊಸ ಸಿನಿಮಾ ನಾಯಕಿ ಮೇಲೆ ಏನಿದು ಆರೋಪ?

ರೋಚಕ ಟೂರ್ನಿಯಲ್ಲಿ ಸ್ಟಾರ್ ರಿಪೋರ್ಟರ್ಸ್ ಹಾಗೂ ಲವ್ ಹಂಟರ್ಸ್ ತಂಡಗಳು ಫೈನಲ್‌ ತಲುಪಿ, ಲವ್‌ ಒಟಿಪಿ ಕಪ್‌ಗಾಗಿ ಜಿದ್ದಾಜಿದ್ದಿ ನಡೆಸಿದ್ದವು. ಫೈನಲ್ ಪಂದ್ಯದ ರೋಚಕ‌ ಆಟದಲ್ಲಿ ಲವ್‌ ಹಂಟರ್ಸ್ ತಂಡ, ಸ್ಟಾರ್ ರಿಪೋರ್ಟರ್ಸ್ ಬಳಗಕ್ಕೆ 2 ರನ್‌ಗಳ ರೋಚಕ‌ ಸೋಲುಣಿಸಿ ಲವ್‌ ಒಟಿಪಿ ಕಪ್ ಅನ್ನು ಮುಡಿಗೇರಿಸಿಕೊಂಡಿತು. ಆ ಮೂಲಕ ಕ್ರಿಕೆಟ್‌ ಆಡುವ ಜೊತೆಗೆ ಕ್ರಿಕೆಟ್ ಪ್ರೇಮಿಗಳನ್ಜು ತಲುಪಿ ಸಿನಿಮಾ ಮಂದಿರಕ್ಕೆ ಅವರನ್ನು ಕರೆತರುವ ವಿಭಿನ್ನ ಪ್ರಚಾರವನ್ನು ಚಿತ್ರತಂಡ ಮಾಡಿದೆ.

ಇನ್ನು ಅನೀಶ್ ತೇಜೇಶ್ವರ್ ಲವ್ ಒಟಿಪಿ ಚಿತ್ರದಲ್ಲಿ ನಾಯಕನಾಗಿ‌ ನಟಿಸುವ ಜೊತೆಗೆ ನಿರ್ದೇಶನ ಮಾಡಿದ್ದು, ಈ ಸಿನಿಮಾ ಮೂಲಕ ಮನೆ ಮನ ತಲುಪೋಕೆ ಅನೀಶ್ ಸಜ್ಜಾಗಿದ್ದಾರೆ. ಚಿತ್ರರಂಗದಲ್ಲಿ ನೆಲೆ ಕಾಣಬೇಕು ಎಂದು ಹೋರಾಡ್ತಿರುವ ಸ್ನೇಹಿತ ಅನೀಶ್ ಕಂಡ ಕನಸಿಗೆ ವಿಜಯ್ ಎಂ ರೆಡ್ಡಿ ಬಂಡವಾಳ ಹೂಡುವ ಮೂಲಕ ನಿರ್ಮಾಪಕರಾಗಿ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ನವೆಂಬರ್ 14 ಕ್ಕೆ ಕನ್ನಡ ಮಾತ್ರವಲ್ಲದೆ ತೆಲುಗಿನಲ್ಲೂ ಏಕ ಕಾಲಕ್ಕೆ ರಿಲೀಸ್ ಆಗ್ತಿರುವ ಲವ್‌ OTP ಚಿತ್ರದಲ್ಲಿ ಅನೀಶ್ ತೇಜೇಶ್ವರ್, ಜಾಹ್ನವಿ ಕಲಕೇರಿ, ಆರೋಹಿ ನಾರಾಯಣ್, ರಾಜೀವ್ ಕನಕಾಲ, ಪ್ರಮೋದಿನಿ ಮುಂತಾದವರು ನಟಿಸಿದ್ದು, ಈ ಚಿತ್ರವೂ ಯಾವ ರೀತಿ ಚಿತ್ರಪ್ರೇಮಿಗಳ ಮನ ಗೆಲ್ಲುತ್ತೆ ಕಾದು ನೋಡಬೇಕಿದೆ.