ಕಚೇರಿ ಕೆಲಸ ಮತ್ತು ಅಲ್ಪಾವಧಿ ಕೆಲಸದ ಉದ್ಯೋಗಿಗಳ ನೇಮಕಾತಿಯಲ್ಲಿ 5% ರಷ್ಟು ವ್ಯತ್ಯಾಸಗಳು ವರದಿಯಾಗಿವೆ: ಆಥ್‌ಬ್ರಿಡ್ಜ್

ಆಥ್‌ಬ್ರಿಡ್ಜ್ ಉದ್ಯೋಗಿಗಳ ವಂಚನೆಯ ಫೈಲ್‌ಗಳು - H1 ಹಣಕಾಸು ವರ್ಷ26 ಭಾರತದ ವಿಕಸಿಸುತ್ತಿರುವ ಉದ್ಯೋಗಿಗಳ ನೇಮಕಾತಿಯಲ್ಲಿನ ವ್ಯತ್ಯಾಸಗಳು ಮುಂದು ವರಿದಿರುವುದನ್ನು ಬಹಿರಂಗಪಡಿಸುತ್ತದೆ. ಹಿನ್ನೆಲೆ ಪರಿಶೀಲನೆಯಲ್ಲಿ ಕಚೇರಿ ಕೆಲಸಕ್ಕೆ ಸಂಬಂಧಿಸಿದಂತೆ 4.33% ವ್ಯತ್ಯಾಸ ದರ, ಅಲ್ಪಾವಧಿ ಕೆಲಸಕ್ಕೆ ಸಂಬಂಧಿಸಿದಂತೆ 5.6% ವ್ಯತ್ಯಾಸ ದರವನ್ನು ವರದಿ ಮಾಡಲಾಗಿದೆ.

ನವದೆಹಲಿ: ಭಾರತದ ಪ್ರಮುಖ ಟ್ರಸ್ಟ್ ಮತ್ತು ದೃಢೀಕರಣ ತಂತ್ರಜ್ಞಾನ ಕಂಪನಿಯಾದ ಆಥ್‌ಬ್ರಿಡ್ಜ್ ಇಂದು ಉದ್ಯೋಗಿಗಳ ವಂಚನೆಯ ಫೈಲ್‌ಗಳು- H1 ಹಣಕಾಸು ವರ್ಷ26 ಅನ್ನು ಬಿಡುಗಡೆ ಮಾಡಿದೆ.

ಇದು ಭಾರತದ ಉದ್ಯೋಗಿಗಳ ಹಿನ್ನೆಲೆ ಪರಿಶೀಲನೆ ಪ್ರವೃತ್ತಿಗಳನ್ನು ವಿಶ್ಲೇಷಿಸುವ ಅರ್ಧ ವಾರ್ಷಿಕ ವರದಿಯಾಗಿದೆ. ನೇಮಕಾತಿ ಪ್ರಕ್ರಿಯೆಗಳು ಹೆಚ್ಚು ಹೆಚ್ಚು ಡಿಜಿಟಲ್ ಆಗುತ್ತಿದ್ದರೂ ಸಹ, ಸಾಂಪ್ರದಾಯಿಕ ಕಚೇರಿ ಕೆಲಸ ಮತ್ತು ಬೇಡಿಕೆಯ ಮೇರೆಗೆ ಕೆಲಸ ಮಾಡುವ ಉದ್ಯೋಗಿಗಳು ಎರಡರಕ್ಕೂ ಸಂಬಂಧಿಸಿದಂತೆ ನೇಮಕಾತಿ ವ್ಯತ್ಯಾಸಗಳು ಮುಂದುವರಿಯಲಿವೆ ಎನ್ನುವುದನ್ನು ವರದಿಯು ಎತ್ತಿ ತೋರಿಸುತ್ತದೆ.

2026 ರ ಹಣಕಾಸು ವರ್ಷದ ಮೊದಲಾರ್ಧದಲ್ಲಿ ಕಚೇರಿ ಕೆಲಸದ ಉದ್ಯೋಗಿಗಳಿಗೆ ಸಂಬಂಧಿಸಿದಂತೆ ವರದಿಯು ಒಟ್ಟಾರೆ 4.33% ರಷ್ಟು ವ್ಯತ್ಯಾಸ ದರವನ್ನು ದಾಖಲಿಸಿದೆ. ಬೇಡಿಕೆಯ ಮೇರೆಗೆ ಕಾರ್ಯನಿರ್ವಹಿಸುವ ಪರಿಸರ ವ್ಯವಸ್ಥೆಯು (ODE) ತುಲನಾತ್ಮಕವಾಗಿ 5.61% ರಷ್ಟು ಹೆಚ್ಚಿನ ವ್ಯತ್ಯಾಸ ದರವನ್ನು ಪ್ರದರ್ಶಿಸಿದ್ದು, ಇದು ಹೊಂದಾಣಿಕೆಗಳು ಮತ್ತು ಕಾರ್ಯಾಚರಣೆಯ ಪಾತ್ರಗಳಲ್ಲಿ ಹೆಚ್ಚಿನ ಪರಿಶೀಲನಾ ಅಪಾಯಗಳನ್ನು ಸೂಚಿಸುತ್ತದೆ.

ಈ ಸಂಶೋಧನೆಗಳು H1 ಹಣಕಾಸು ವರ್ಷ26 ಸಮಯದಲ್ಲಿ ಸಂಗ್ರಹಿಸಲಾದ ಆಥ್‌ ಬ್ರಿಡ್ಜ್‌ನ ಹಿನ್ನೆಲೆ ಪರಿಶೀಲನಾ ದತ್ತಾಂಶ ಮತ್ತು ಗುರುತು, ವಿಳಾಸ, ಔದ್ಯೋಗಿಕ ಇತಿಹಾಸ, ಶಿಕ್ಷಣ, ಕ್ರಿಮಿನಲ್ ದಾಖಲೆಗಳು ಮತ್ತು CV ದೃಢೀಕರಣಕ್ಕೆ ಸಂಬಂಧಿಸಿದ ಸ್ಪ್ಯಾನ್ ಪರಿಶೀಲನೆಗಳನ್ನು ಆಧರಿಸಿವೆ.

ಈ ಸಂಶೋಧನೆಗಳ ಕುರಿತು ಪ್ರತಿಕ್ರಿಯಿಸುತ್ತಾ, ಆಥ್‌ಬ್ರಿಡ್ಜ್‌ನ CEO ಮತ್ತು ಸಂಸ್ಥಾಪಕರಾದ ಶ್ರೀ ಅಜಯ್ ಟ್ರೆಹಾನ್, "H1 ಹಣಕಾಸು ವರ್ಷ26 ಉದ್ಯೋಗಿಗಳ ವಂಚನೆಯ ಫೈಲ್‌ಗಳು ನೇಮಕಾತಿ-ಸಂಬಂಧಿತ ವ್ಯತ್ಯಾಸಗಳು ನಿರಂತರ ಮತ್ತು ರಚನಾತ್ಮಕ ಸವಾಲಾಗಿ ಉಳಿದಿವೆ ಎಂದು ಸ್ಪಷ್ಟವಾಗಿ ತೋರಿಸುತ್ತವೆ.

ಇದನ್ನೂ ಓದಿ: Ramanand Sharma Column: ಸ್ಮಾರ್ಟ್ʼಫೋನ್ ಬಳಕೆಯ ನಿಯಂತ್ರಣ ಕಾರ್ಯಸಾಧ್ಯವೇ ?

ವೇಗವಾದ ಮತ್ತು ಹೆಚ್ಚು ಡಿಜಿಟಲೀಕರಿಸಿದ ನೇಮಕಾತಿ ಕಾರ್ಯಪ್ರವಾಹಗಳ ಹೊರತಾ ಗಿಯೂ, ಔದ್ಯೋಗಿಕ ಇತಿಹಾಸ, ವಿಳಾಸ ಮತ್ತು ಶಿಕ್ಷಣದಂತಹ ಮೂಲಭೂತ ಪರಿಶೀಲನೆ ಗಳಲ್ಲಿ ನಾವು ಅಂತರವನ್ನು ಗಮನಿಸುತ್ತಲೇ ಇದ್ದೇವೆ. ಇವು ಸಣ್ಣ ಅಸಂಗತತೆಗಳಲ್ಲ; ಅವು ಸಾಂಸ್ಥಿಕ ಅಪಾಯ, ಅನುಸರಣೆ ಮತ್ತು ನಂಬಿಕೆಗೆ ನೇರ ಪರಿಣಾಮಗಳನ್ನು ಹೊಂದಿವೆ. ಸಂಸ್ಥೆಗಳು ತಮ್ಮ ನೇಮಕಾತಿ ಮತ್ತು ಉದ್ಯೋಗಿ ನಿರ್ವಹಣಾ ಕಾರ್ಯ ತಂತ್ರಗಳಲ್ಲಿ ಹಿನ್ನೆಲೆ ಪರಿಶೀಲನೆಯನ್ನು ಒಂದು ಬಾರಿ ಅಥವಾ ನೇಮಕಾತಿಯ ನಂತರದ ಔಪಚಾರಿಕತೆಯಾಗಿ ಪರಿಗಣಿಸುವ ಬದಲು ಆಳವಾಗಿ ಅಳವಡಿಸಿಕೊಳ್ಳುವ ಅಗತ್ಯವನ್ನು ಈ ದತ್ತಾಂಶವು ಒತ್ತಿ ಹೇಳುತ್ತದೆ” ಎಂದು ಹೇಳಿದರು.

ಕಚೇರಿ ಕೆಲಸಕ್ಕೆ ಸಂಬಂಧಿಸಿದ ನೇಮಕಾತಿಗಳಲ್ಲಿ, ಉದ್ಯೋಗ ಪರಿಶೀಲನೆಯು ಹೆಚ್ಚು ಪ್ರಭಾವಿತ ಪರಿಶೀಲನೆಯಾಗಿ ಹೊರಹೊಮ್ಮಿದ್ದು, ವ್ಯತ್ಯಾಸ ದರ 11.15%, ನಂತರ ವಿಳಾಸ ಪರಿಶೀಲನೆಯು 7.68%, ಶಿಕ್ಷಣ ಪರಿಶೀಲನೆಗಳು 4.49% ವ್ಯತ್ಯಾಸಗಳನ್ನು ದಾಖಲಿಸಿದರೆ, ಉಲ್ಲೇಖ ಪರಿಶೀಲನೆಗಳು 4.17% ರಷ್ಟಿವೆ. ದರ ಕಡಿಮೆ ಇದ್ದರೂ, ಮಾದಕವಸ್ತು ತಪಾಸಣೆ (1.87%) ಮತ್ತು ಕ್ರಿಮಿನಲ್ ದಾಖಲೆ ಪರಿಶೀಲನೆಗಳಿಗೆ (0.50%) ಸಂಬಂಧಿಸಿದ ವ್ಯತ್ಯಾಸ ಗಳನ್ನು ಸಹ ಗಮನಿಸಲಾಗಿದೆ.

ನಿರ್ದಿಷ್ಟ ಪರಿಶೀಲನೆಗಳಲ್ಲಿ ಬೇಡಿಕೆಯ ಮೇರೆಗೆ ಕೆಲಸ ಮಾಡುವ ಉದ್ಯೋಗಿಗಳು ಹೆಚ್ಚಿನ ದುರ್ಬಲತೆಯನ್ನು ಪ್ರದರ್ಶಿಸಿವೆ. ವಿಳಾಸ ಪರಿಶೀಲನೆ ವ್ಯತ್ಯಾಸಗಳು 9.70% ದಾಖಲಾಗಿ ದ್ದರೆ, ಗುರುತಿನ (NID) ವ್ಯತ್ಯಾಸಗಳು 2.53% ರಷ್ಟಿವೆ. ಬೇಡಿಕೆಯ ಮೇರೆಗೆ ಕೆಲಸ ಮಾಡುವ ಉದ್ಯೋಗಿಗಳ ಆರ್ಥಿಕತೆಯ (ODE) ಕ್ರಿಮಿನಲ್ ದಾಖಲೆ ಪರಿಶೀಲನೆ ವ್ಯತ್ಯಾಸಗಳು 2.23% ರಷ್ಟಿವೆ, ಇದು ಗ್ರಾಹಕರ ಸಂವಹನ ಮತ್ತು ಕ್ಷೇತ್ರ ಕಾರ್ಯಾಚರಣೆಗಳನ್ನು ಒಳಗೊಂಡ ಪಾತ್ರಗಳಿಗೆ ಪ್ರಬಲ ಪರಿಶೀಲನಾ ಚೌಕಟ್ಟುಗಳ ಪ್ರಾಮುಖ್ಯತೆಯನ್ನು ಎತ್ತಿ ತೋರಿಸುತ್ತದೆ.

ಉದ್ಯಮವಾರು ವಿಶ್ಲೇಷಣೆಯು ವಿಳಾಸ ವ್ಯತ್ಯಾಸಗಳು ಐಟಿ (12.02%), ಬ್ಯಾಂಕಿಂಗ್ ಮತ್ತು ಬಿಎಫ್‌ಎಸ್‌ಐ (10.23%), ಫಾರ್ಮಾ (11.21%), ರಿಟೇಲ್ (10.64%), ಮತ್ತು ಟೆಲಿಕಾಂ (15.42%) ನಲ್ಲಿ ಪ್ರಚಲಿತವಾಗಿದೆ ಎಂದು ಬಹಿರಂಗಪಡಿಸಿದೆ. ರಿಟೇಲ್ (16.37%), ಟೆಲಿಕಾಂ (14.32%), ಬ್ಯಾಂಕಿಂಗ್ ಮತ್ತು ಬಿಎಫ್‌ಎಸ್‌ಐ (13.00%), ಮತ್ತು ಫಾರ್ಮಾ (12.10%) ನಲ್ಲಿ ಉದ್ಯೋಗ ಪರಿಶೀಲನೆ ವ್ಯತ್ಯಾಸಗಳು ಗಮನಾರ್ಹವಾಗಿ ಉಳಿದಿವೆ.

ಶಿಕ್ಷಣಕ್ಕೆ ಸಂಬಂಧಿಸಿದ ವ್ಯತ್ಯಾಸಗಳು ವಿಶೇಷವಾಗಿ ರೀಟೇಲ್ ವ್ಯಾಪಾರ (9.16%) ಮತ್ತು ಟೆಲಿಕಾಂ (7.80%) ನಲ್ಲಿ ಗಮನಾರ್ಹವಾಗಿದ್ದವು, ಆದರೆ ಸಿವಿ ದೃಢೀಕರಣ ವ್ಯತ್ಯಾಸಗಳು ಐಟಿ (12.80%) ಮತ್ತು ಬ್ಯಾಂಕಿಂಗ್ ಮತ್ತು ಬಿಎಫ್‌ಎಸ್‌ಐ (2.91%) ನಲ್ಲಿ ಕಂಡುಬಂದವು, ಇದು ಸಲ್ಲಿಸಿದ ರೆಸ್ಯೂಮ್‌ಗಳು ಮತ್ತು ಪರಿಶೀಲಿಸಿದ ಮಾಹಿತಿಯ ನಡುವಿನ ಅಸಂಗತತೆ ಯನ್ನು ಸೂಚಿಸುತ್ತದೆ.

ಅಪರಾಧ ದಾಖಲೆ ಮತ್ತು ಗುರುತು-ಸಂಬಂಧಿತ ವ್ಯತ್ಯಾಸಗಳು ಕೈಗಾರಿಕೆಗಳಲ್ಲಿ ತುಲನಾ ತ್ಮಕವಾಗಿ ಕಡಿಮೆಯಾಗಿದ್ದರೂ, ನಿಯಂತ್ರಿತ ಮತ್ತು ಗ್ರಾಹಕರೊಂದಿಗೆ ನೇರ ವ್ಯವಹಾರ ವಲಯಗಳಲ್ಲಿ ವಿಶೇಷವಾಗಿ ಅವುಗಳ ನಿರಂತರ ಉಪಸ್ಥಿತಿಯು ಸ್ಥಿರ, ಪ್ರಮಾಣೀಕೃತ ಮತ್ತು ಪಾತ್ರ-ನಿರ್ದಿಷ್ಟ ಹಿನ್ನೆಲೆ ಪರಿಶೀಲನಾ ಅಭ್ಯಾಸಗಳ ಅಗತ್ಯವನ್ನು ಸೂಚಿಸುತ್ತದೆ.

ಸಂಸ್ಥೆಗಳು ವಿಕಸನಗೊಳ್ಳುತ್ತಿರುವ ಉದ್ಯೋಗಿಗಳ ಮಾದರಿಗಳಿಗೆ ಹೊಂದಿಕೊಳ್ಳುತ್ತಿದ್ದಂತೆ, ಆಥ್‌ಬ್ರಿಡ್ಜ್ ತನ್ನ ತಂತ್ರಜ್ಞಾನ-ಆಧಾರಿತ ವಿಶ್ವಾಸಾರ್ಹ ಮೂಲಸೌಕರ್ಯವನ್ನು ಬಲ ಪಡಿಸುವುದನ್ನು ಮುಂದುವರೆಸಿದೆ. ಅಭ್ಯರ್ಥಿಯು ಕೆಲಸಕ್ಕೆ ಸೇರಿದ ನಂತರ ಪರಿಶೀಲನೆ ಯಲ್ಲಿ ವಿಫಲವಾದರೆ ನೇಮಕಾತಿ ತಂಡಗಳು ಪ್ರಕ್ರಿಯೆಯನ್ನು ಮರು ಪ್ರಾರಂಭಿಸುವ ಒತ್ತಡವನ್ನು ತಡೆಯಲು ಮೂಲ ಪರಿಶೀಲನೆಗಳನ್ನು ಮೊದಲೇ ಪೂರ್ಣಗೊಳಿಸುವ ಮೂಲಕ ಆಫರ್ ಹಂತಕ್ಕೆ ಮುಂಚಿತವಾಗಿ ತಪಾಸಣೆಯನ್ನು ಪ್ರಾರಂಭಿಸಲು ನಾವು ಶಿಫಾರಸು ಮಾಡುತ್ತೇವೆ.

ಇದರ ಹೊರತಾಗಿ, ದೀರ್ಘಕಾಲಿಕ ಅಪಾಯವನ್ನು ನಿರ್ವಹಿಸಲು ಒಂದು ಬಾರಿಯ ಹಿನ್ನೆಲೆ ಪರಿಶೀಲನೆ ಸಾಕಾಗುವುದಿಲ್ಲ. ನಡೆಯುತ್ತಿರುವ ಮೇಲ್ವಿಚಾರಣೆಯ ಭಾಗವಾಗಿ ನಿಯಮಿತ ಮಧ್ಯಂತರಗಳಲ್ಲಿ ಔಷಧ ಪರೀಕ್ಷೆ, ನ್ಯಾಯಾಲಯದ ದಾಖಲೆ ಪರಿಶೀಲನೆಗಳು ಮತ್ತು ಜೀವನಶೈಲಿ ಅಪಾಯದ ಮೌಲ್ಯಮಾಪನಗಳನ್ನು ಒಳಗೊಂಡಂತೆ ಆವರ್ತಕ ತಪಾಸಣೆಯನ್ನು ನಡೆಸುವುದು ಅಗತ್ಯವಾಗಿದೆ.

ಕಂಪನಿಯ ಅನುಮತಿ-ಆಧಾರಿತ ಡಿಜಿಟಲ್ ಕ್ರೆಡೆನ್ಷಿಯಲ್ ಪ್ಲಾಟ್‌ಫಾರ್ಮ್ ಆಗಿರುವ ಆಥ್‌ನಂಬರ್‌ನಂತಹ ಪರಿಹಾರಗಳು, ನೇಮಕಾತಿ ಚಕ್ರಗಳಲ್ಲಿ ಗುರುತು, ಉದ್ಯೋಗ ಮತ್ತು ಶಿಕ್ಷಣ ಸೇರಿದಂತೆ ದೃಢೀಕೃತ ಕ್ರೆಡೆನ್ಷಿಯಲ್‌ಗಳನ್ನು ಸುರಕ್ಷಿತವಾಗಿ ಪರಿಶೀಲಿಸಲು, ಸಂಗ್ರಹಿ ಸಲು ಮತ್ತು ಮರುಬಳಕೆ ಮಾಡಲು ಸಂಸ್ಥೆಗಳಿಗೆ ಅನುವು ಮಾಡಿಕೊಡುತ್ತದೆ.

ಇದು ನಕಲು, ಆನ್‌ಬೋರ್ಡಿಂಗ್ ಸಮಸ್ಯೆಗಳು ಮತ್ತು ದೀರ್ಘಕಾಲಿಕ ಪರಿಶೀಲನೆ ಅರಿವಿನ ಕೊರತೆಯನ್ನು ಕಡಿಮೆ ಮಾಡುತ್ತದೆ. ಅಷ್ಟೇ ಅಲ್ಲದೇ, ಆಥ್‌ಬ್ರಿಡ್ಜ್‌ನ ನಾಯಕತ್ವದ ಸೂಕ್ತ ಕಾರ್ಯಶ್ರದ್ಧೆ ಚೌಕಟ್ಟು, ಹೆಚ್ಚಿನ ಕಾರ್ಯತಾಂತ್ರಿಕ, ನಿಯಂತ್ರಕ ಮತ್ತು ಖ್ಯಾತಿಯ ಅಪಾಯ ಹೊಂದಿರಬಹುದಾದ ಹಿರಿಯ ಮತ್ತು ಮಹತ್ವದ ಪಾತ್ರಗಳಿಗಾಗಿ ಆಳವಾದ, ಹೆಚ್ಚಿನ-ಕಠಿಣ ಪರಿಶೀಲನೆಯನ್ನು ಶಿಫಾರಸು ಮಾಡುತ್ತದೆ.

ಉದ್ಯೋಗಿಗಳ ವಂಚನೆಯ ಫೈಲ್‌ಗಳು - H1 ಹಣಕಾಸುವರ್ಷ26 ನೇಮಕಾತಿ ಪ್ರಮಾಣ ಗಳು ಹೆಚ್ಚಾದಂತೆ ಮತ್ತು ಉದ್ಯೋಗಿಗಳ ಸಂಯೋಜನೆಗಳು ವೈವಿಧ್ಯಮಯವಾಗುವು ದರಿಂದ ರಚನಾತ್ಮಕ, ಮುಂದಾಲೋಚನೆಯುಳ್ಳ ಹಿನ್ನೆಲೆ ಪರಿಶೀಲನೆಯ ಪ್ರಾಮುಖ್ಯತೆ ಯನ್ನು ಪುನರುಚ್ಚರಿಸುತ್ತದೆ. ಸಂಸ್ಥೆಗಳು ವೇಗವನ್ನು ಪ್ರಮಾಣದೊಂದಿಗೆ ಸಮತೋಲನ ಗೊಳಿಸಿದಾಗ, ನಂಬಿಕೆ, ನಿಖರತೆ ಮತ್ತು ಶ್ರದ್ಧೆಯು ಸ್ಥಿತಿಸ್ಥಾಪಕ, ಅಜ್ಞಾನುಸರಣ ಮತ್ತು ವಿಶ್ವಾಸಾರ್ಹ ಉದ್ಯೋಗಿಗಳ ನಿರ್ಮಾಣದಲ್ಲಿ ಪ್ರಮುಖಾಂಶವಾಗಿರುತ್ತವೆ.