Air tragdey: ರನ್‌ವೇಯಿಂದ ಸಮುದ್ರಕ್ಕೆ ಜಾರಿದ ವಿಮಾನ, ಇಬ್ಬರು ಸಾವು

ಹಾಂಕಾಂಗ್:‌ ಸೋಮವಾರ ಬೆಳಗಿನ ಜಾವ ದುಬೈನಿಂದ ಆಗಮಿಸುತ್ತಿದ್ದ ಸರಕು ಸಾಗಣೆ ವಿಮಾನವೊಂದು ಹಾಂಕಾಂಗ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ (Hong kong airport) ಇಳಿಯಲು ಪ್ರಯತ್ನಿಸುತ್ತಿದ್ದಾಗ ರನ್‌ವೇಯಿಂದ ಜಾರಿ ಸಮುದ್ರಕ್ಕೆ ಉರುಳಿ (Air tragdey) ಬಿದ್ದಿದ್ದು, ಇಬ್ಬರು ಸಾವನ್ನಪ್ಪಿದ್ದಾರೆ ಎಂದು ದೃಢಪಟ್ಟಿದೆ. ಹಾಂಕಾಂಗ್ ವಿಮಾನ ನಿಲ್ದಾಣ ಪ್ರಾಧಿಕಾರದ ಪ್ರಕಾರ, ಈ ಘಟನೆ ಸುಮಾರು ಬೆಳಗಿನ ಜಾವ 3:50 ಕ್ಕೆ (ಸ್ಥಳೀಯ ಸಮಯ) ಸಂಭವಿಸಿದೆ.

ವಿಮಾನದಲ್ಲಿದ್ದ ನಾಲ್ವರು ಸಿಬ್ಬಂದಿಯನ್ನು ರಕ್ಷಿಸಿ ಆಸ್ಪತ್ರೆಗೆ ಸಾಗಿಸಲಾಯಿತು. ಆರಂಭಿಕ ಮಾಹಿತಿಯ ಆಧಾರದ ಮೇಲೆ ವಿಮಾನ ನಿಲ್ದಾಣದ ನೆಲದ ವಾಹನದಲ್ಲಿದ್ದ ಇಬ್ಬರು ವ್ಯಕ್ತಿಗಳು ಸಾವನ್ನಪ್ಪಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ಏಷ್ಯಾದ ಅತ್ಯಂತ ಜನನಿಬಿಡ ವಿಮಾನ ನಿಲ್ದಾಣವಾಗಿರುವ ಇದರ ಮೂರು ರನ್‌ವೇಗಳಲ್ಲಿ ಒಂದನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ.

ಇದನ್ನೂ ಓದಿ: Bomb Threat: ವಿಮಾನದಲ್ಲಿ ಬಾಂಬ್‌ ಇದೆ... ಕೆಂಪೇಗೌಡ ಏರ್‌ಪೋರ್ಟ್‌ನಲ್ಲಿ ಎಮರ್ಜೆನ್ಸಿ ಲ್ಯಾಂಡಿಂಗ್‌!

ಬಿಡುಗಡೆ ಮಾಡಲಾದ ಅಪಘಾತದ ಚಿತ್ರದಲ್ಲಿ, ಬೋಯಿಂಗ್ 747 ವಿಮಾನವು ಭಾಗಶಃ ನೀರಿನ ಅಡಿಯಲ್ಲಿದ್ದು, ಟೈಲ್‌ಫಿನ್ ಸೇರಿದಂತೆ ಹಿಂಭಾಗ ಮುಳುಗಿದೆ. ವಿಮಾನ ಟ್ರ್ಯಾಕಿಂಗ್ ಕಂಪನಿಯು ಚಿತ್ರದ ಮೂಲವನ್ನು ಬಹಿರಂಗಪಡಿಸಿಲ್ಲ. 32 ವರ್ಷ ಹಳೆಯದಾದ ಈ ವಿಮಾನವನ್ನು ಟರ್ಕಿಶ್ ಕಾರ್ಗೋ ಏರ್‌ಲೈನ್ಸ್ ಏರ್‌ಎಸಿಟಿ ಫಾರ್ ಎಮಿರೇಟ್ಸ್ ನಿರ್ವಹಿಸುತ್ತಿದ್ದು, ದುಬೈ ಅಲ್ ಮಕ್ತೌಮ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ EK9788 ವಿಮಾನ ಸಂಖ್ಯೆಯಡಿಯಲ್ಲಿ ಹೊರಟಿತ್ತು.

"ಇತರ ಸಿಬ್ಬಂದಿ ಸುರಕ್ಷಿತರಾಗಿದ್ದಾರೆ ಎಂದು ದೃಢಪಡಿಸಲಾಗಿದೆ. ವಿಮಾನದಲ್ಲಿ ಯಾವುದೇ ಸರಕು ಇರಲಿಲ್ಲ ಎಂದು ಎಮಿರೇಟ್ಸ್ ಹೇಳಿರುವುದಾಗಿ ರಾಯಿಟರ್ಸ್ ವರದಿ ಮಾಡಿದೆ.

ಹಾಂಗ್ ಕಾಂಗ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ 27 ವರ್ಷಗಳ ಅಸ್ತಿತ್ವದಲ್ಲಿ ಈ ಘಟನೆ ಅತ್ಯಂತ ಭೀಕರ ಘಟನೆಗಳಲ್ಲಿ ಒಂದಾಗಿದೆಯಂತೆ. 1999 ರಲ್ಲಿ, ಚೀನಾ ಏರ್‌ಲೈನ್ಸ್ ವಿಮಾನವು ಚಂಡಮಾರುತದ ಸಮಯದಲ್ಲಿ ಇಳಿಯುವಾಗ ಅಪಘಾತಕ್ಕೀಡಾಗಿತ್ತು. ಹಿಂದೊಮ್ಮೆ ಕೈ ತಕ್ ವಿಮಾನ ನಿಲ್ದಾಣದಲ್ಲಿ ಚೀನಾ ಏರ್‌ಲೈನ್ಸ್‌ನ ವಿಮಾನವೂ ಹೀಗೆಯೇ ರನ್‌ವೇಯಿಂದ ಜಾರಿ ಸಮುದ್ರಕ್ಕಿಳಿದು ಎರಡು ಡಜನ್ ಪ್ರಯಾಣಿಕರು ಮತ್ತು ಸಿಬ್ಬಂದಿಗೆ ಗಾಯಗಳಾಗಿದ್ದವು.