ಸಿಟ್ರನ್‌ನಿಂದ 'ಬಸಾಲ್ಟ್ ಎಕ್ಸ್ ಕಂಫರ್ಟ್ ಎಡಿಷನ್' ಕಾರು ಬಿಡುಗಡೆ: ಕೇವಲ ₹8.75 ಲಕ್ಷಕ್ಕೆ ಪ್ರೀಮಿಯಂ ಫೀಚರ್ಸ್!

ಬೆಂಗಳೂರು: ಕೈಗೆಟುಕುವ ಬೆಲೆಯಲ್ಲಿ ಅತ್ಯುತ್ತಮ ಕಂಫರ್ಟ್ ಒದಗಿಸುವ ಮೂಲಕ ಭಾರತೀಯ ಮಾರುಕಟ್ಟೆಯಲ್ಲಿ ತನ್ನದೇ ಆದ ಛಾಪು ಮೂಡಿಸುತ್ತಿರುವ ಫ್ರೆಂಚ್ ಕಾರು ಬ್ರ್ಯಾಂಡ್ 'ಸಿಟ್ರನ್' ಇದೀಗ ಭಾರತೀಯ ಗ್ರಾಹಕರಿಗೆ ಮತ್ತೊಂದು ಭರ್ಜರಿ ಕೊಡುಗೆ ನೀಡಿದೆ. ಸಿಟ್ರನ್ ತನ್ನ 108ನೇ ವಾರ್ಷಿಕೋತ್ಸವದ ಸಂಭ್ರಮದ ಅಂಗವಾಗಿ, 'ಬಸಾಲ್ಟ್ ಎಕ್ಸ್ ಕಂಫರ್ಟ್ ಎಡಿಷನ್' ಎನ್ನುವ ಹೊಸ ಮಾದರಿಯ ಕಾರನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.

ಇತ್ತೀಚೆಗಷ್ಟೇ ಬಿಡುಗಡೆಯಾಗಿ ಯಶಸ್ವಿಯಾಗಿದ್ದ 'ಏರ್‌ಕ್ರಾಸ್ ಕಂಫರ್ಟ್ ಎಡಿಷನ್' ನಂತರ, ಇದೀಗ ಬಸಾಲ್ಟ್ ಸರಣಿಯಲ್ಲೂ ಈ ವಿಶೇಷ ಆವೃತ್ತಿಯನ್ನು ಪರಿಚಯಿಸಲಾಗಿದೆ. ಕೈಗೆಟುಕುವ ಬೆಲೆಯಲ್ಲಿ, ಅಂದರೆ ಕೇವಲ 8.75 ಲಕ್ಷ ರೂ.ಗಳ (ಎಕ್ಸ್ ಶೋರೂಂ) ಆರಂಭಿಕ ಬೆಲೆಯಲ್ಲಿ ಈ ಕಾರು ಲಭ್ಯವಿದೆ. ಟಾಪ್-ಎಂಡ್ ವೇರಿಯಂಟ್‌ಗಳಿಗೆ ಮಾತ್ರವಲ್ಲದೆ, ಬೇಸ್ ಮತ್ತು ಮಿಡ್ ವೇರಿಯಂಟ್‌ಗಳಲ್ಲೂ ಪ್ರೀಮಿಯಂ ಸೌಲಭ್ಯಗಳನ್ನು ಒದಗಿಸುತ್ತಿರುವುದು ಇದರ ಬಹುದೊಡ್ಡ ವಿಶೇಷತೆಯಾಗಿದೆ.

ಇದನ್ನೂ ಓದಿ: Tesla Cars: ಕರ್ನಾಟಕಕ್ಕೆ ಲಗ್ಗೆ ಇಟ್ಟ ಟೆಸ್ಲಾ: ಬೆಂಗಳೂರಿನ ವೈಟ್‌ಫೀಲ್ಡ್‌ನಲ್ಲಿ ಮೊದಲ ಎಕ್ಸ್‌ಪೀರಿಯೆನ್ಸ್ ಸೆಂಟರ್ ಆರಂಭ

ಪ್ರೀಮಿಯಂ ಇಂಟೀರಿಯರ್ಸ್ ಮತ್ತು ಸ್ಮಾರ್ಟ್ ಫೀಚರ್ಸ್

ಬಸಾಲ್ಟ್ ಎಕ್ಸ್ ಕಂಫರ್ಟ್ ಎಡಿಷನ್ ಕಾರಿನ ಕ್ಯಾಬಿನ್ ವಿನ್ಯಾಸವನ್ನು ಇನ್ನಷ್ಟು ಐಷಾರಾಮಿ ಯಾಗಿ ರೂಪಿಸಲಾಗಿದೆ. ಇದರ ಎಲ್ಲಾ ವೇರಿಯಂಟ್‌ಗಳಲ್ಲೂ 'ಮೆಟ್ರೋಪಾಲಿಟನ್ ಬೀಜ್ ಲೆದರೆಟ್ ಸೀಟ್‌'ಗಳನ್ನು ಸ್ಟ್ಯಾಂಡರ್ಡ್ ಆಗಿ ನೀಡಲಾಗಿದ್ದು, ಇದು ಪ್ರಯಾಣಿಕರಿಗೆ ಅತ್ಯುತ್ತಮ ಆರಾಮದಾಯಕ ಅನುಭವವನ್ನು ನೀಡಲಿದೆ.

ಇದರ ಜೊತೆಗೆ, ಗ್ರಾಹಕರ ದಿನನಿತ್ಯದ ಅಗತ್ಯಗಳಿಗೆ ತಕ್ಕಂತೆ ಕಾರನ್ನು ಪರ್ಸನಲೈಸ್ ಮಾಡಿ ಕೊಳ್ಳಲು 'ಕಂಫರ್ಟ್ ಎಎಕ್ಸ್‌ಎಸ್‌ ಪ್ಯಾಕ್ಸ್' ಎಂಬ ವಿಶೇಷ ಆಕ್ಸೆಸರೀಸ್ ಆಯ್ಕೆ ನೀಡಲಾಗಿದೆ.

ಈ ಪ್ಯಾಕ್ ಮೂಲಕ ಗ್ರಾಹಕರು:

* ಜೆಬಿಎಲ್ ಪ್ರೀಮಿಯಂ ಆಡಿಯೋ ಸಿಸ್ಟಮ್

* ಪ್ರೆಡಿಕ್ಟಿವ್ ಸೇಫ್ಟಿ ಅಲರ್ಟ್‌ಗಳನ್ನು ಒಳಗೊಂಡಿರುವ ಫ್ರಂಟ್ ಮತ್ತು ಕ್ಯಾಬಿನ್ ಡ್ಯಾಶ್ ಕ್ಯಾಮೆರಾ

* ರಿವರ್ಸ್ ಪಾರ್ಕಿಂಗ್ ಕ್ಯಾಮೆರಾ

* ವೈರ್‌ಲೆಸ್ ಚಾರ್ಜರ್

* 10-ಇಂಚಿನ ಆಂಡ್ರಾಯ್ಡ್ ಟಚ್‌ಸ್ಕ್ರೀನ್

ಹೀಗೆ ಹತ್ತು-ಹಲವು ತಂತ್ರಜ್ಞಾನ ಆಧಾರಿತ ಫೀಚರ್ಸ್‌ಗಳನ್ನು ತಮ್ಮ ಕಾರಿಗೆ ಸೇರಿಸಿಕೊಳ್ಳಬಹುದು. ದೈನಂದಿನ ನಗರದ ಟ್ರಾಫಿಕ್ ಇರಲಿ ಅಥವಾ ಹೆದ್ದಾರಿಗಳ ಸುದೀರ್ಘ ಪ್ರಯಾಣವಿರಲಿ, ಈ ಫೀಚರ್ಸ್‌ಗಳು ಪ್ರಯಾಣವನ್ನು ಮತ್ತಷ್ಟು ಸುಲಭ ಮತ್ತು ಆನಂದದಾಯಕವಾಗಿಸಲಿವೆ.

ಗ್ರಾಹಕರ ಕಂಫರ್ಟ್‌ಗೆ ಮೊದಲ ಆದ್ಯತೆ

ಹೊಸ ಎಡಿಷನ್ ಬಿಡುಗಡೆಯ ಕುರಿತು ವಿವರ ಹಂಚಿಕೊಂಡಿರುವ ಸ್ಟೆಲ್ಲಾಂಟಿಸ್ ಇಂಡಿಯಾದ ಆಟೋಮೋಟಿವ್ ಬ್ರ್ಯಾಂಡ್ಸ್ ವಿಭಾಗದ ಬ್ಯುಸಿನೆಸ್ ಹೆಡ್ ಮತ್ತು ಡೈರೆಕ್ಟರ್ ಕುಮಾರ್ ಪ್ರಿಯೇಶ್, "'ಕಂಫರ್ಟ್' ಎಂಬುದು ಸಿಟ್ರನ್‌ನ ಕೇಂದ್ರಬಿಂದುವಾಗಿದೆ. ಕಂಪನಿಯು 108ನೇ ವಾರ್ಷಿಕೋತ್ಸವ ಆಚರಿಸುತ್ತಿರುವ ಈ ಸಂದರ್ಭದಲ್ಲಿ, ಭಾರತೀಯ ಗ್ರಾಹಕರಿಗೆ 'ಬಸಾಲ್ಟ್ ಎಕ್ಸ್ ಕಂಫರ್ಟ್ ಎಡಿಷನ್' ಅನ್ನು ಪರಿಚಯಿಸುತ್ತಿರುವುದು ನಮಗೆ ಹೆಮ್ಮೆಯ ವಿಷಯ. ಪ್ರೀಮಿಯಂ ಇಂಟೀರಿಯರ್ಸ್ ಮತ್ತು ತಂತ್ರಜ್ಞಾನವನ್ನು ಎಲ್ಲರಿಗೂ ಕೈಗೆಟುಕುವಂತೆ ಮಾಡುವುದೇ ನಮ್ಮ ಉದ್ದೇಶ. ನಮ್ಮ ಈ 'ಅಡ್ವಾನ್ಸ್ಡ್ ಕಂಫರ್ಟ್' ಫಿಲಾಸಫಿ ಗ್ರಾಹಕರಿಗೆ ಹೆಚ್ಚಿನ ಮೌಲ್ಯ ಮತ್ತು ಅತ್ಯುತ್ತಮ ಅನುಭವ ನೀಡಲಿದೆ," ಎಂದು ವಿಶ್ವಾಸ ವ್ಯಕ್ತಪಡಿಸಿದರು.

ಈಗಾಗಲೇ ಬಸಾಲ್ಟ್ ಎಕ್ಸ್ ಕಂಫರ್ಟ್ ಎಡಿಷನ್ ಕಾರುಗಳು ದೇಶಾದ್ಯಂತ ಇರುವ ಎಲ್ಲಾ ಸಿಟ್ರನ್ ಡೀಲರ್‌ಶಿಪ್‌ಗಳಲ್ಲಿ ಲಭ್ಯವಿದೆ.