ನಿಮ್ಮ ಮಗುವಿನ ಚಿತ್ರಗಳು, ಕುಳಿತುಕೊಳ್ಳುವ ಭಂಗಿ ಮತ್ತು ಟಿವಿ ನೋಡುವ ಅಭ್ಯಾಸಗಳು ಅವರ ಕಣ್ಣುಗಳ ಬಗ್ಗೆ ಏನು ಹೇಳುತ್ತಿರಬಹುದು?

ಡಾ.ಸೌಮ್ಯ ರಮಣಿ, ಸಲಹೆಗಾರರು – ನೇತ್ರ ವಿಜ್ಞಾನ ವಿಭಾಗ, ರಾಮಯ್ಯ ಮೆಮೋರಿಯಲ್ ಆಸ್ಪತ್ರೆ, ಬೆಂಗಳೂರು

ಮಕ್ಕಳಿಗೆ ತಾವು ಸ್ಪಷ್ಟವಾಗಿ ನೋಡಲು ಸಾಧ್ಯವಾಗುತ್ತಿಲ್ಲ ಎಂದು ಯಾವಾಗಲೂ ಹೇಳಲು ಸಾಧ್ಯ ವಾಗುವುದಿಲ್ಲ. ಬದಲಾಗಿ, ಅವರು ಚಿತ್ರ ಬಿಡಿಸುವ, ಕುಳಿತುಕೊಳ್ಳುವ, ಓದುವ ಅಥವಾ ಟಿವಿ ನೋಡುವ ರೀತಿಯಲ್ಲಿನ ಬದಲಾವಣೆಗಳು ಕೆಲವೊಮ್ಮೆ ಅವರ ದೃಷ್ಟಿಯ ಬಗ್ಗೆ ಪ್ರಮುಖ ಸುಳಿವು ಗಳನ್ನು ನೀಡಬಹುದು. ಇಂತಹ ಸಣ್ಣ ಬದಲಾವಣೆಗಳನ್ನು ಪೋಷಕರು ಆರಂಭದಲ್ಲೇ ಗಮನಿಸಿ ದರೆ, ದೃಷ್ಟಿ ಸಮಸ್ಯೆಗಳು ಕಲಿಕೆ ಮತ್ತು ದೈನಂದಿನ ಜೀವನದ ಮೇಲೆ ಪರಿಣಾಮ ಬೀರುವುದನ್ನು ತಡೆಯಲು ಸಹಾಯವಾಗಬಹುದು.

ಅವರ ಚಿತ್ರಗಳು ನಿಮಗೆ ಏನನ್ನಾದರೂ ಹೇಳುತ್ತಿರಬಹುದು

ಮಕ್ಕಳು ಬಿಡಿಸುವ ಚಿತ್ರಗಳು ಅವರ ದೃಷ್ಟಿ ಎಷ್ಟು ಚೆನ್ನಾಗಿದೆ ಎಂಬುದರ ಕುರಿತು ಒಂದು ಸುಳಿವು ನೀಡಬಹುದು. ಈ ಅಂಶಗಳನ್ನು ಗಮನಿಸಿ:

• ಬಣ್ಣ ಹಚ್ಚುವಾಗ ಅಥವಾ ಬರೆಯುವಾಗ ಮೂಗನ್ನು ಬಹುತೇಕ ಕಾಗದಕ್ಕೆ ತಾಗಿಸಿಕೊಂಡೇ ಇರುವುದು
• ತಮ್ಮ ವಯಸ್ಸಿನ ಇತರ ಮಕ್ಕಳು ಸುಲಭವಾಗಿ ಮಾಡಬಹುದಾದ ಸರಳ ಆಕಾರಗಳು, ಅಕ್ಷರಗಳು ಅಥವಾ ಸಂಖ್ಯೆಗಳನ್ನು ನಕಲಿಸಲು ಕಷ್ಟಪಡುವುದು
• ಅಕ್ಷರಗಳು ಮತ್ತು ಚಿತ್ರಗಳ ನಡುವೆ ಅಸಹಜ ಅಂತರ ಇರುವುದು ಅಥವಾ ಅವು ಸಾಮಾನ್ಯ ಕ್ಕಿಂತ ದೊಡ್ಡದಾಗಿರುವುದು
• ಹಿಂದೆ ಆಸಕ್ತಿಯಿಂದ ಮಾಡುತ್ತಿದ್ದ ಬಣ್ಣ ಹಚ್ಚುವ ಪುಸ್ತಕಗಳು, ಪಜಲ್‌ಗಳು ಅಥವಾ ಹತ್ತಿರದಿಂದ ಗಮನ ಹರಿಸಬೇಕಾದ ಚಟುವಟಿಕೆಗಳಲ್ಲಿ ಆಸಕ್ತಿ ಕಡಿಮೆಯಾಗುವುದು ಅಥವಾ ಕಷ್ಟಪಡುವುದು

ಇವುಗಳಲ್ಲಿ ಯಾವುದಾದರೂ ಕಂಡುಬಂದರೆ, ಕಡ್ಡಾಯವಾಗಿ ದೃಷ್ಟಿ ಸಮಸ್ಯೆ ಇದೆ ಎಂದರ್ಥ ವಲ್ಲ. ದೃಷ್ಟಿಗೆ ಯಾವುದೇ ಸಮಸ್ಯೆ ಇಲ್ಲದಿದ್ದರೂ ಇಂತಹ ಸಂಗತಿಗಳು ಸಂಭವಿಸಬಹುದು. ಆದರೆ ಇವು ನಿರಂತರವಾಗಿ ಕಂಡುಬರುತ್ತಿದ್ದರೆ, ವೈದ್ಯರೊಂದಿಗೆ ಚರ್ಚಿಸುವುದು ಸೂಕ್ತ.

ಇದನ್ನೂ ಓದಿ: Health Tips: ಆಯಾಸವೇ? ದೈಹಿಕ, ಮಾನಸಿಕ ಚೈತನ್ಯಕ್ಕೆ ಕಪ್ಪು ಎಳ್ಳು ಸೇವಿಸಿ

ಕುಳಿತುಕೊಳ್ಳುವ ಭಂಗಿಯೂ ಒಂದು ಸುಳಿವು ಆಗಬಹುದು

ಮಗುವಿಗೆ ಸ್ಪಷ್ಟವಾಗಿ ಕಾಣದಿದ್ದಾಗ, ಅದರ ಬಗ್ಗೆ ಮೆದುಳು ನಿಮಗೆ ತಿಳಿಸುವ ಮೊದಲೇ ದೇಹವು ಅದನ್ನು ಸರಿಪಡಿಸಿಕೊಳ್ಳಲು ಪ್ರಯತ್ನಿಸುತ್ತದೆ. ನೀವು ಈ ರೀತಿಯ ಬದಲಾವಣೆಗಳನ್ನು ಗಮನಿಸ ಬಹುದು:

• ಓದುವಾಗ ಅಥವಾ ಏನನ್ನಾದರೂ ನೋಡುವಾಗಲೆಲ್ಲಾ ತಲೆಯನ್ನು ಒಂದೇ ಬದಿಗೆ ವಾಲಿಸುವುದು ಅಥವಾ ತಿರುಗಿಸುವುದು
• ಅಗತ್ಯಕ್ಕಿಂತ ಹೆಚ್ಚು ಹತ್ತಿರದಲ್ಲಿ ಪುಸ್ತಕಗಳು ಅಥವಾ ಸ್ಕ್ರೀನ್‌ಗಳನ್ನು ಇಟ್ಟುಕೊಂಡು ನೋಡುವುದು
• ಸ್ಪಷ್ಟವಾಗಿ ಕಾಣಲು ಪ್ರಯತ್ನಿಸುತ್ತಿರುವಂತೆ ಒಂದು ಕಣ್ಣನ್ನು ಮುಚ್ಚಿಕೊಳ್ಳುವುದು

ನಿಮ್ಮ ಮಗು ಆಗಾಗ್ಗೆ ಕಣ್ಣುಗಳನ್ನು ಕಿರಿದಾಗಿಸಿ ನೋಡುವುದು, ಪದೇಪದೇ ಕಣ್ಣುಗಳನ್ನು ಉಜ್ಜುವುದು ಅಥವಾ ಹೋಮ್‌ವರ್ಕ್ ಮಾಡಿದ ನಂತರ ತಲೆನೋವು ಇದೆ ಎಂದು ಹೇಳುತ್ತಿದ್ದರೆ, ಇವುಗಳಿಗೂ ಗಮನ ನೀಡಬೇಕು.

ಸ್ಕ್ರೀನ್ ಸಮಯದ ಬಗ್ಗೆ ಏನು?

ನಿಮ್ಮ ಮಗು ಪದೇಪದೇ ಸ್ಕ್ರೀನ್‌ಗೆ ಹತ್ತಿರವಾಗಿ ಕುಳಿತುಕೊಳ್ಳುತ್ತಿದ್ದರೆ, ಅದು ಕೇವಲ ಉತ್ತಮವಾಗಿ ನೋಡಬೇಕೆಂಬ ಆಸೆಯಿಂದ ಇರಬಹುದು ಎಂದು ಭಾವಿಸಬೇಡಿ. ಅವರಿಗೆ ನಿಜವಾಗಿಯೂ ಹತ್ತಿರ ದಿಂದ ನೋಡಬೇಕಾಗಿರಬಹುದು. ಈ ಲಕ್ಷಣಗಳನ್ನು ಗಮನಿಸಿ:

• ಎಷ್ಟೇ ಬಾರಿ ಹಿಂದೆ ಕುಳಿತುಕೊಳ್ಳಲು ಹೇಳಿದರೂ ಪದೇಪದೇ ಟಿವಿಯ ಕಡೆಗೆ ಹತ್ತಿರವಾಗು ವುದು
• ಕಾರ್ಯಕ್ರಮಗಳನ್ನು ನೋಡುವಾಗ ಕಣ್ಣುಗಳನ್ನು ಕಿರಿದಾಗಿಸಿ ನೋಡುವುದು
• ಟಿವಿ ನೋಡಿದ ನಂತರ ತಲೆನೋವು ಅಥವಾ ಕಣ್ಣುಗಳಲ್ಲಿ ಆಯಾಸದ ಬಗ್ಗೆ ದೂರು ನೀಡುವುದು
• ಸಾಮಾನ್ಯಕ್ಕಿಂತ ಬೇಗ ಕಾರ್ಯಕ್ರಮಗಳನ್ನು ನೋಡುವ ಆಸಕ್ತಿ ಕಳೆದುಕೊಳ್ಳುವುದು; ಏಕೆಂದರೆ ಕಷ್ಟಪಟ್ಟು ನೋಡಬೇಕಾಗುವುದು ಯಾರಿಗೂ ಇಷ್ಟವಾಗುವುದಿಲ್ಲ.

ಹಿಂದೆ ಹೊರಾಂಗಣ ಆಟಗಳಿಗೆ ಆದ್ಯತೆ ನೀಡುತ್ತಿದ್ದ ಮಗು ಈಗ ಮನೆಯೊಳಗೆ ಆಟವಾಡಲು ಅಥವಾ ವಿಡಿಯೋ ಗೇಮ್‌ಗಳಲ್ಲಿ ಹೆಚ್ಚು ಸಮಯ ಕಳೆಯಲು ಇಷ್ಟಪಡುತ್ತಿದ್ದರೆ, ವಿಶೇಷವಾಗಿ ಇದರೊಂದಿಗೆ ದೃಷ್ಟಿ ಸಮಸ್ಯೆಯ ಇತರ ಲಕ್ಷಣಗಳೂ ಕಂಡುಬಂದರೆ, ಮುಂಚಿತವಾಗಿಯೇ ಕಣ್ಣುಗಳ ಪರೀಕ್ಷೆ ಮಾಡಿಸುವುದು ಪ್ರಯೋಜನಕಾರಿಯಾಗಬಹುದು.

ಈ ಬಗ್ಗೆ ಯಾವಾಗ ಕ್ರಮ ಕೈಗೊಳ್ಳಬೇಕು?

ಎಲ್ಲಾ ಪ್ರಿಸ್ಕೂಲ್‌ ಮಕ್ಕಳಿಗೂ ದೃಷ್ಟಿ ಸಮಸ್ಯೆಯ ಯಾವುದೇ ಸ್ಪಷ್ಟ ಲಕ್ಷಣಗಳು ಕಾಣಿಸದಿದ್ದರೂ ಕಣ್ಣುಗಳ ಪರೀಕ್ಷೆ ಮಾಡಿಸುವುದು ಅಗತ್ಯ.

ಪೋಷಕರು ಕನ್ನಡಕ ಅಥವಾ ಕಾಂಟ್ಯಾಕ್ಟ್ ಲೆನ್ಸ್‌ಗಳನ್ನು ಧರಿಸುತ್ತಿದ್ದರೆ ಅಥವಾ ದೃಷ್ಟಿ ಸರಿಪಡಿಸಲು ಲೇಸರ್ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರೆ, ಅವರ ಮಕ್ಕಳಿಗೆ ಚಿಕ್ಕ ವಯಸ್ಸಿನಲ್ಲೇ ಕಣ್ಣುಗಳ ಪರೀಕ್ಷೆ ಮಾಡಿಸುವುದು ಸೂಕ್ತ. ಏಕೆಂದರೆ ಅವರಿಗೆ ದೃಷ್ಟಿ ಸಮಸ್ಯೆಗಳು ಉಂಟಾಗುವ ಸಾಧ್ಯತೆ ಹೆಚ್ಚಿರಬಹುದು.

ಈ ಲಕ್ಷಣಗಳು ಸಾಂದರ್ಭಿಕವಾಗಿ ಅಲ್ಲದೆ ಪದೇಪದೇ ಕಂಡುಬರುತ್ತಿದ್ದರೆ, ಮಗುವಿನ ಕಣ್ಣುಗಳನ್ನು ಪರೀಕ್ಷಿಸುವುದು ಒಳ್ಳೆಯದು. ಕೆಲವು ಮಕ್ಕಳು ತಮ್ಮ ದೃಷ್ಟಿಗೆ ತಿದ್ದುಪಡಿ ಅಗತ್ಯವಿದ್ದರೂ ಯಾವುದೇ ದೂರು ನೀಡದೇ ಇರಬಹುದು. ಏಕೆಂದರೆ ಸಾಮಾನ್ಯ ದೃಷ್ಟಿ ಹೇಗಿರುತ್ತದೆ ಎಂಬುದೇ ಅವರಿಗೆ ತಿಳಿದಿರುವುದಿಲ್ಲ; ಹೀಗಾಗಿ ಹೋಲಿಕೆ ಮಾಡಲು ಅವರ ಬಳಿ ಯಾವುದೇ ಮಾನದಂಡ ಇರುವುದಿಲ್ಲ.

ದೃಷ್ಟಿ ಸಮಸ್ಯೆಗಳನ್ನು ಆರಂಭದಲ್ಲೇ ಗುರುತಿಸುವುದು ಮುಖ್ಯ. ಏಕೆಂದರೆ ಸ್ಪಷ್ಟವಾದ ದೃಷ್ಟಿ ಓದಲು, ಬರೆಯಲು, ತರಗತಿಯಲ್ಲಿ ಇತರರೊಂದಿಗೆ ಹೆಜ್ಜೆ ಹಾಕಲು ಮಾತ್ರವಲ್ಲದೆ, ಮಗುವಿನ ದೈನಂದಿನ ಆತ್ಮವಿಶ್ವಾಸಕ್ಕೂ ಪ್ರಮುಖ ಪಾತ್ರ ವಹಿಸುತ್ತದೆ.

ಆತಂಕಪಡುವ ಅಗತ್ಯವಿಲ್ಲ; ಆದರೆ ಇಂತಹ ಬದಲಾವಣೆಗಳು ನಿರಂತರವಾಗಿ ಕಂಡು ಬರುತ್ತಿವೆ ಯೇ ಎಂಬುದನ್ನು ಗಮನಿಸಿ. ಏನಾದರೂ ಸತತವಾಗಿ ಸರಿಯಾಗಿಲ್ಲವೆಂದು ಅನಿಸಿದರೆ, ಕಣ್ಣಿನ ತಜ್ಞರನ್ನು ಒಮ್ಮೆ ಭೇಟಿ ಮಾಡುವುದು ಮನಸ್ಸಿಗೆ ನೆಮ್ಮದಿ ನೀಡುವುದರ ಜೊತೆಗೆ, ಚಿಕಿತ್ಸೆ ಅಗತ್ಯವಿರುವ ಯಾವುದೇ ಸಮಸ್ಯೆಯನ್ನು ಆರಂಭದಲ್ಲೇ ಗುರುತಿಸಲು ಸಹಾಯ ಮಾಡಬಹುದು.