ಹಿಂದೂಸ್ತಾನ್ ಕೋಕಾ-ಕೋಲಾ ಬೆವರೇಜಸ್-ಮೈಸೂರು ನಗರ ಪಾಲಿಕೆ ಸಹಯೋಗದಲ್ಲಿ PET ಬಾಟಲಿಗಳ ಸಂಗ್ರಹ ಅಭಿಯಾನಕ್ಕೆ ಚಾಲನೆ

ಮೈಸೂರು: ಹಿಂದೂಸ್ತಾನ್ ಕೋಕಾ-ಕೋಲಾ ಬೆವರೇಜಸ್ (HCCB), ಮೈಸೂರು ನಗರ ಪಾಲಿಕೆ (MCC) ಮತ್ತು ಅನುಷ್ಠಾನ ಪಾಲುದಾರ ಸಂಸ್ಥೆ ಸಂಗಮ್ ಪ್ರತಿಷ್ಠಾನ್ ಸಹಯೋಗದಲ್ಲಿ, ತನ್ನ 'ಗ್ರೀನ್‌ಸ್ವೀಪ್' ಉಪಕ್ರಮದ ಅಡಿಯಲ್ಲಿ ವಾರ್ಷಿಕ ಮೈಸೂರು ದಸರಾ ಉತ್ಸವ(Mysore Dasara Fest)ದ ಸಂದರ್ಭದಲ್ಲಿ 'ಬಳಸಿದ PET ಬಾಟಲಿ ಮುಕ್ತ ಮೈಸೂರು ದಸರಾ 2026' ಅಭಿಯಾನಕ್ಕೆ ಚಾಲನೆ ನೀಡಿದೆ.

ಮೈಸೂರು ನಗರ ಪಾಲಿಕೆಯ ಹೆಚ್ಚುವರಿ ಆಯುಕ್ತರಾದ ಶ್ರೀಮತಿ ಬಿ.ಎನ್. ವೀಣಾ, ಕೆ.ಎ.ಎಸ್. ಅವರ ಉಪಸ್ಥಿತಿಯಲ್ಲಿ ಈ ಉಪಕ್ರಮಕ್ಕೆ ಚಾಲನೆ ನೀಡಲಾಯಿತು.

ಮೈಸೂರು ದಸರಾ 2026ರ ಸಂದರ್ಭದಲ್ಲಿ ಬಳಸಿದ PET ಬಾಟಲಿಗಳ ಜವಾಬ್ದಾರಿಯುತ ಸಂಗ್ರಹಕ್ಕೆ ಬೆಂಬಲ ನೀಡಲು ಸ್ವಯಂಸೇವಕರು, ಸ್ಥಳೀಯ ಕಲಾವಿದರು, ಸಫಾಯಿ ಸಾಥಿಗಳು, ಸಮುದಾಯದ ಸದಸ್ಯರು ಮತ್ತು ಉತ್ಸವಕ್ಕೆ ಆಗಮಿಸಿದ ಸಂದರ್ಶಕರು ಈ ಉಪಕ್ರಮದಲ್ಲಿ ಕೈಜೋಡಿಸಿದರು.

ಇದನ್ನೂ ಓದಿ: Mysuru Dasara 2026: ಅಧರ್ಮದ ಮುಳ್ಳನ್ನು ಧರ್ಮದ ಮುಳ್ಳಿನಿಂದ ತೆಗೆಯುವುದೇ ದಸರಾ: ಸಿಎಂ ಡಿಕೆಶಿ

ನಾಡಹಬ್ಬ ಮೈಸೂರು ದಸರಾ ಭಾರತದ ಪ್ರಮುಖ ಸಾಂಸ್ಕೃತಿಕ ಉತ್ಸವಗಳಲ್ಲಿ ಒಂದಾಗಿದ್ದು, ಪ್ರತಿವರ್ಷ ಲಕ್ಷಾಂತರ ಜನರನ್ನು ಆಕರ್ಷಿಸುತ್ತದೆ. ಚಾಮುಂಡಿ ಬೆಟ್ಟ ಮತ್ತು ಆಹಾರ ಮೇಳದ ಆವರಣ ಸೇರಿದಂತೆ ನಗರದ ಪ್ರಮುಖ ಸ್ಥಳಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಸೇರುತ್ತಾರೆ. ಉತ್ಸವದ ಸಂದರ್ಭದಲ್ಲಿ ಜನಸಂದಣಿ ಹೆಚ್ಚಾದಂತೆ ಬಳಸಿದ PET ಬಾಟಲಿಗಳ ಪ್ರಮಾಣವೂ ಹೆಚ್ಚುತ್ತದೆ. ಇಂತಹ ಸಂದರ್ಭದಲ್ಲಿ ಮೌಲ್ಯಯುತ ಮರುಬಳಕೆ ವಸ್ತುಗಳನ್ನು ಸಂಗ್ರಹಿಸಿ, ಮರು ಬಳಕೆ ಪ್ರಕ್ರಿಯೆಗೆ ಮರಳಿಸಲು ಸೂಕ್ತ ಸಂಗ್ರಹ ಮತ್ತು ವಿಲೇವಾರಿ ವ್ಯವಸ್ಥೆ ನಿರ್ಣಾಯಕ ಪಾತ್ರ ವಹಿಸುತ್ತದೆ.

ಈ ವರ್ಷ ಗ್ರೀನ್‌ಸ್ವೀಪ್ ಉಪಕ್ರಮವು ಬಳಸಿದ PET ಬಾಟಲಿಗಳ ಜವಾಬ್ದಾರಿಯುತ ಸಂಗ್ರಹಕ್ಕೆ ಬೆಂಬಲ ನೀಡುತ್ತಿರುವ ಮೂರನೇ ವರ್ಷವಾಗಿದೆ. ನಿಗದಿತ ಸಂಗ್ರಹ ಕೇಂದ್ರಗಳು, ಸ್ವಯಂಸೇವಕರ ಪಾಲ್ಗೊಳ್ಳುವಿಕೆ, ವಿಂಗಡಣೆ ಚಟುವಟಿಕೆಗಳು ಮತ್ತು ನಿರಂತರ ಜಾಗೃತಿ ಕಾರ್ಯಕ್ರಮಗಳ ಮೂಲಕ ಈ ಅಭಿಯಾನವನ್ನು ಅನುಷ್ಠಾನಗೊಳಿಸಲಾಗುತ್ತಿದೆ. ಸಂಗ್ರಹಿಸಿದ PET ಬಾಟಲಿಗಳನ್ನು ಜವಾಬ್ದಾರಿಯುತ ಮರುಬಳಕೆ ಮತ್ತು ಮರುಪಡೆಯುವಿಕೆಗಾಗಿ ಅಧಿಕೃತ ಮರುಬಳಕೆ ಮಾರ್ಗ ಗಳಿಗೆ ಕಳುಹಿಸಲಾಗುತ್ತದೆ.

ಪ್ರಮುಖ ಉತ್ಸವ ಸ್ಥಳಗಳಲ್ಲಿ 30ಕ್ಕೂ ಹೆಚ್ಚು ಸ್ವಯಂಸೇವಕರು ಮತ್ತು ಸಫಾಯಿ ಸಾಥಿಗಳನ್ನು ನಿಯೋಜಿಸಲಾಗಿದ್ದು, ಸಂಗ್ರಹ ಅಭಿಯಾನದಲ್ಲಿ ಜನರ ಪಾಲ್ಗೊಳ್ಳುವಿಕೆಯನ್ನು ಉತ್ತೇಜಿಸುವ ಉದ್ದೇಶದಿಂದ ಚಾಮುಂಡಿ ಬೆಟ್ಟ ಮತ್ತು ಆಹಾರ ಮೇಳದ ಆವರಣದಲ್ಲಿ ಸಂಗ್ರಹ ಕೇಂದ್ರಗಳನ್ನು ಸ್ಥಾಪಿಸಲಾಗಿದೆ.

ಸಂಗ್ರಹ ಕಾರ್ಯಕ್ಕೆ ಪೂರಕವಾಗಿ, ಬಳಸಿದ PET ಬಾಟಲಿಗಳ ಜವಾಬ್ದಾರಿಯುತ ಸಂಗ್ರಹದ ಕುರಿತು ಜನರಲ್ಲಿ ಜಾಗೃತಿ ಮೂಡಿಸಲು ಕರ್ನಾಟಕದ ಸಾಂಪ್ರದಾಯಿಕ ಬೀದಿ ನಾಟಕ ಕಲಾ ಪ್ರಕಾರವಾದ ಬೀದಿ ನಾಟಕವನ್ನು ಈ ಉಪಕ್ರಮದಲ್ಲಿ ಬಳಸಿಕೊಳ್ಳಲಾಗುತ್ತಿದೆ. ಸ್ಥಳೀಯ ಕಲಾವಿದರು ಪ್ರಮುಖ ಉತ್ಸವ ಸ್ಥಳಗಳಲ್ಲಿ ಕನ್ನಡದಲ್ಲಿ ಸಂವಾದಾತ್ಮಕ ಬೀದಿ ನಾಟಕಗಳನ್ನು ಪ್ರದರ್ಶಿಸುವ ಮೂಲಕ ಸಂದರ್ಶಕರಲ್ಲಿ ಜಾಗೃತಿ ಮೂಡಿಸಿ, ಅಭಿಯಾನದಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳುವಂತೆ ಪ್ರೋತ್ಸಾ ಹಿಸುತ್ತಿದ್ದಾರೆ.

ಅಭಿಯಾನದ ಉದ್ಘಾಟನಾ ಸಂದರ್ಭದಲ್ಲಿ ಮಾತನಾಡಿದ ಮೈಸೂರು ನಗರ ಪಾಲಿಕೆಯ ಹೆಚ್ಚುವರಿ ಆಯುಕ್ತರಾದ ಶ್ರೀಮತಿ ಬಿ.ಎನ್. ವೀಣಾ, ಕೆ.ಎ.ಎಸ್. ಅವರು, “ಮೈಸೂರು ದಸರಾ ಕರ್ನಾಟಕದ ಅತ್ಯಂತ ಪ್ರಮುಖ ಸಾಂಸ್ಕೃತಿಕ ಆಚರಣೆಗಳಲ್ಲಿ ಒಂದಾಗಿದ್ದು, ಪ್ರತಿವರ್ಷ ಲಕ್ಷಾಂತರ ಸ್ಥಳೀಯರು, ಯಾತ್ರಿಕರು ಮತ್ತು ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಇಂತಹ ಬೃಹತ್ ಕಾರ್ಯಕ್ರಮದ ಸಂದರ್ಭದಲ್ಲಿ ಸಾರ್ವಜನಿಕ ಸ್ಥಳಗಳ ನಿರ್ವಹಣೆಗೆ ಎಲ್ಲ ಪಾಲುದಾರರ ಸಾಮೂಹಿಕ ಸಹಭಾಗಿತ್ವ ಅತ್ಯಗತ್ಯ.

ಈ ಉಪಕ್ರಮದ ಮೂಲಕ ಪ್ರಮುಖ ಉತ್ಸವ ಸ್ಥಳಗಳಲ್ಲಿ ಸ್ಥಾಪಿಸಿರುವ ನಿಗದಿತ ಸಂಗ್ರಹ ಕೇಂದ್ರ ಗಳನ್ನು ಬಳಸಿಕೊಳ್ಳುವಂತೆ ಹಾಗೂ ಬಳಸಿದ PET ಬಾಟಲಿಗಳನ್ನು ಜವಾಬ್ದಾರಿಯುತವಾಗಿ ಸಂಗ್ರಹಿಸುವ ಅಭ್ಯಾಸವನ್ನು ರೂಢಿಸಿಕೊಳ್ಳುವಂತೆ ಸಂದರ್ಶಕರನ್ನು ಪ್ರೋತ್ಸಾಹಿಸುತ್ತಿದ್ದೇವೆ. ಈ ಪ್ರಯತ್ನಕ್ಕೆ ಬೆಂಬಲ ನೀಡುತ್ತಿರುವ ಹಿಂದೂಸ್ತಾನ್ ಕೋಕಾ-ಕೋಲಾ ಬೆವರೇಜಸ್, ಸಂಗಮ್ ಪ್ರತಿಷ್ಠಾನ್, ಸ್ವಯಂಸೇವಕರು ಮತ್ತು ಸಫಾಯಿ ಸಾಥಿಗಳ ಸಹಕಾರವನ್ನು ನಾವು ಶ್ಲಾಘಿಸುತ್ತೇವೆ,” ಎಂದರು.

ಈ ಕುರಿತು ಪ್ರತಿಕ್ರಿಯಿಸಿದ HCCBಯ ಮುಖ್ಯ ಸಾರ್ವಜನಿಕ ವ್ಯವಹಾರಗಳು, ಸಂವಹನ ಮತ್ತು ಸುಸ್ಥಿರತೆ ಅಧಿಕಾರಿ ಹಿಮಾಂಶು ಶೇಖರ್ ಪ್ರಿಯದರ್ಶಿ ಅವರು, “ಮೈಸೂರು ದಸರಾ ಕರ್ನಾಟಕದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆ ಮತ್ತು ಸಮುದಾಯದ ಒಗ್ಗಟ್ಟನ್ನು ಪ್ರತಿಬಿಂಬಿಸುವ ಆಚರಣೆ ಯಾಗಿದೆ. ನಮ್ಮ ತವರು ರಾಜ್ಯದಲ್ಲಿ ಈ ಉತ್ಸವಕ್ಕೆ ಬೆಂಬಲ ನೀಡುತ್ತಿರುವುದು ನಮಗೆ ಹೆಮ್ಮೆಯ ಸಂಗತಿ. ಗ್ರೀನ್‌ಸ್ವೀಪ್ ಮೂಲಕ ಪ್ರತಿಯೊಬ್ಬ ಸಂದರ್ಶಕರಿಗೂ ಬಳಸಿದ PET ಬಾಟಲಿಗಳ ಜವಾಬ್ದಾರಿಯುತ ಸಂಗ್ರಹವನ್ನು ಸುಲಭವಾಗಿ ಮತ್ತು ಪರಿಣಾಮಕಾರಿಯಾಗಿ ಕೈಗೊಳ್ಳಲು ಅನುಕೂಲ ಕಲ್ಪಿಸುವುದು ನಮ್ಮ ಉದ್ದೇಶವಾಗಿದೆ.

ಇದಕ್ಕಾಗಿ ನಿಗದಿತ ಸಂಗ್ರಹ ಕೇಂದ್ರಗಳು, ತರಬೇತಿ ಪಡೆದ ಸ್ವಯಂ ಸೇವಕರು ಮತ್ತು ಸಫಾಯಿ ಸಾಥಿಗಳು ಹಾಗೂ ಕನ್ನಡದ ಬೀದಿ ನಾಟಕಗಳ ಮೂಲಕ ಜಾಗೃತಿ ಮೂಡಿಸಲಾಗುತ್ತಿದೆ. ಬಳಸಿದ ಪ್ರತಿಯೊಂದು PET ಬಾಟಲಿಯನ್ನೂ ಸಂಗ್ರಹಿಸಿ ಮರುಬಳಕೆ ಪ್ರಕ್ರಿಯೆಗೆ ಕಳುಹಿಸುವಂತೆ ಜನರನ್ನು ಪ್ರೋತ್ಸಾಹಿಸುವ ಮೂಲಕ ವೃತ್ತಾಕಾರ ಆರ್ಥಿಕತೆಯ ತತ್ವಗಳು ಮತ್ತು ಬಳಕೆಯ ನಂತರದ ಪ್ಯಾಕೇಜಿಂಗ್‌ನ

ಜವಾಬ್ದಾರಿಯುತ ನಿರ್ವಹಣೆಯ ಕುರಿತು ಹೆಚ್ಚಿನ ಜಾಗೃತಿ ಹಾಗೂ ಜನರ ಪಾಲ್ಗೊಳ್ಳುವಿಕೆಯನ್ನು ಉತ್ತೇಜಿಸುವ ಆಶಯ ನಮ್ಮದು. ಈ ಸಾಮೂಹಿಕ ಪ್ರಯತ್ನವನ್ನು ಸಾಕಾರಗೊಳಿಸಲು ಸಹಕರಿಸಿದ ಮೈಸೂರು ನಗರ ಪಾಲಿಕೆ, ಸಂಗಮ್ ಪ್ರತಿಷ್ಠಾನ್, ಸ್ವಯಂಸೇವಕರು ಮತ್ತು ಕಲಾವಿದರಿಗೆ ನಾವು ಕೃತಜ್ಞರಾಗಿದ್ದೇವೆ,” ಎಂದರು.

ಈ ಉಪಕ್ರಮದ ಕುರಿತು ಮಾತನಾಡಿದ ಸಂಗಮ್ ಪ್ರತಿಷ್ಠಾನದ ಸಂಸ್ಥಾಪಕಿ ಕೊಮಲ್ ಘಾಗ್ ನಾಡರ್ ಅವರು, “ಮೈಸೂರು ದಸರಾ ಕರ್ನಾಟಕದ ವಿವಿಧ ಭಾಗಗಳಿಂದ ಮತ್ತು ಹೊರಗಿನಿಂದ ಕುಟುಂಬಗಳು, ಯಾತ್ರಿಕರು ಹಾಗೂ ಪ್ರವಾಸಿಗರನ್ನು ಒಂದೆಡೆ ಸೇರಿಸುತ್ತದೆ. ಹೀಗಾಗಿ, ಬಳಸಿದ PET ಬಾಟಲಿಗಳ ಜವಾಬ್ದಾರಿಯುತ ಸಂಗ್ರಹದ ಕುರಿತು ಜಾಗೃತಿ ಮೂಡಿಸಲು ಇದು ಸೂಕ್ತ ವೇದಿಕೆ ಯಾಗಿದೆ. ಈ ಉಪಕ್ರಮಕ್ಕೆ ಬೆಂಬಲ ನೀಡಿದ ಮೈಸೂರು ನಗರ ಪಾಲಿಕೆಗೆ ಮತ್ತು ನೆಲಮಟ್ಟದಲ್ಲಿ ಈ ಪ್ರಯತ್ನವನ್ನು ಅನುಷ್ಠಾನಗೊಳಿಸುವ ಜವಾಬ್ದಾರಿಯನ್ನು ನಮಗೆ ವಹಿಸಿದ ಹಿಂದೂಸ್ತಾನ್ ಕೋಕಾ-ಕೋಲಾ ಬೆವರೇಜಸ್‌ಗೆ ನಾವು ಕೃತಜ್ಞರಾಗಿದ್ದೇವೆ,” ಎಂದರು.

ಕರ್ನಾಟಕದಲ್ಲಿ HCCBಯ ವ್ಯಾಪಕ ಉಪಸ್ಥಿತಿ ಮತ್ತು ಸಮುದಾಯದೊಂದಿಗಿನ ನಿರಂತರ ಸಹಭಾಗಿತ್ವದ ಭಾಗವಾಗಿಯೂ ಈ ಉಪಕ್ರಮ ಮಹತ್ವ ಪಡೆದಿದೆ. ಬೆಂಗಳೂರಿನಲ್ಲಿ ಪ್ರಧಾನ ಕಚೇರಿ ಹೊಂದಿರುವ HCCB, ರಾಜ್ಯದಲ್ಲಿ ಎರಡು ಉತ್ಪಾದನಾ ಘಟಕಗಳನ್ನು ನಿರ್ವಹಿಸುತ್ತಿದ್ದು, ಅವುಗಳಲ್ಲಿ ಬಿಡದಿ ಕೈಗಾರಿಕಾ ಪ್ರದೇಶದಲ್ಲಿರುವ ಅತ್ಯಾಧುನಿಕ ಉತ್ಪಾದನಾ ಘಟಕವೂ ಸೇರಿದೆ.

ತನ್ನ ಪ್ರಮುಖ ಸಮುದಾಯ ಸಹಭಾಗಿತ್ವ ಕಾರ್ಯಕ್ರಮವಾದ ಪ್ರಾಜೆಕ್ಟ್ ಶೈನ್ ಮೂಲಕ HCCB, ಕರ್ನಾಟಕದಾದ್ಯಂತ ಆರೋಗ್ಯ ಮತ್ತು ನೈರ್ಮಲ್ಯದ ಕುರಿತು ಜಾಗೃತಿ, ತ್ಯಾಜ್ಯ ನಿರ್ವಹಣೆ, ಸುರಕ್ಷಿತ ಕುಡಿಯುವ ನೀರಿನ ಲಭ್ಯತೆ ಹಾಗೂ ಮಹಿಳೆಯರು ಮತ್ತು ಯುವಜನರ ಕೌಶಲ್ಯಾಭಿವೃದ್ಧಿ ಸೇರಿದಂತೆ ಹಲವು ಸಮುದಾಯ ಕೇಂದ್ರಿತ ಉಪಕ್ರಮಗಳಿಗೆ ನಿರಂತರವಾಗಿ ಬೆಂಬಲ ನೀಡುತ್ತಿದೆ.