Salman Khan: ತಕ್ಷಣ ಬಿಗ್ ಬಾಸ್ ಶೋ ನಿಲ್ಲಿಸಿ; ಸಲ್ಮಾನ್ ಖಾನ್ ವಿರುದ್ಧ ಹಾಸ್ಯ ನಟ ಸುನಿಲ್ ಪಾಲ್ ಗರಂ

ಸೆಲೆಬ್ರಿಟಿಗಳ ಟ್ರೋಲಿಂಗ್ ಬಗ್ಗೆ ಸಲ್ಮಾನ್ ಖಾನ್ (Salman Khan) ಅವರ ಇತ್ತೀಚಿನ ಹೇಳಿಕೆಗಳ ಬಗ್ಗೆ ಸುನಿಲ್ ಪಾಲ್ ತೀವ್ರ ವಾಗ್ದಾಳಿ ನಡೆಸಿದ್ದಾರೆ. ಹಾಸ್ಯನಟ ಸಲ್ಮಾನ್ ಖಾನ್ ಚಿತ್ರರಂಗದಲ್ಲಿ ಅವರ ಸ್ಥಾನವನ್ನು ಪ್ರಶ್ನಿಸಿದ್ದಾರೆ ಮತ್ತು ಬಿಗ್ ಬಾಸ್‌ನ (Bigg Boss ) ನಿರೂಪಕರಾಗಿ ಅವರ ಅವಧಿಯನ್ನು ಗುರಿಯಾಗಿಸಿಕೊಂಡಿದ್ದಾರೆ . ‘ಜನರಿಂದ ಸಲ್ಮಾನ್ ಖಾನ್ ಬೆಳೆದಿದ್ದಾರೆಯೇ ಹೊರತು, ಸಲ್ಮಾನ್ ಖಾನ್ ಅವರಿಂದ ಜನರಲ್ಲ’ ಎಂದು ಹೇಳುವ ಮೂಲಕ ಕಟುವಾಗಿ ವಾಗ್ದಾಳಿ ನಡೆಸಿದ್ದಾರೆ.

ಜನರಿಂದಾಗಿ ಸ್ಟಾರ್

"ಸಲ್ಮಾನ್ ಖಾನ್ ಅವರನ್ನು ನಾವು ಮಾಡಿದ್ದೇವೆ; ಸಲ್ಮಾನ್ ಖಾನ್ ನಮ್ಮನ್ನು ಮಾಡಲಿಲ್ಲ. ಸಲ್ಮಾನ್ ಖಾನ್ ಇಂದು ನಮ್ಮೆಲ್ಲರಿಂದ, ಭಾರತದ ಜನರಿಂದಾಗಿ ಸ್ಟಾರ್ ಆಗಿದ್ದಾರೆ. ಅವರ ಹಲವಾರು ಚಿತ್ರಗಳನ್ನು ನಾವು ನೋಡಿರುವುದರಿಂದಲೇ ಇದು ಸಾಧ್ಯ .

ಇದನ್ನೂ ಓದಿ: Bigg Boss : ಮಾಜಿ ಬಿಗ್‌ಬಾಸ್ ಸ್ಪರ್ಧಿಗೆ ಕ್ಯಾನ್ಸರ್; ಆರೋಗ್ಯ ಸ್ಥಿತಿ ಗಂಭೀರ

ಸಲ್ಮಾನ್ ಖಾನ್, ಶಾರುಖ್ ಖಾನ್, ಎಲ್ಲರೂ, ದಯವಿಟ್ಟು ಇದರಿಂದ ಪಾಠ ಕಲಿಯಿರಿ. ನೀವು ತುಂಬಾ ಒಳ್ಳೆಯ ಸಮಯವನ್ನು ಕಳೆಯುತ್ತಿದ್ದೀರಿ. ₹2 ಕೋಟಿಗೆ ನಿರ್ಮಿಸಲಾದ ಹನುಮಾನ್ ಅಂಶ್ ₹500 ಕೋಟಿ ಗಳಿಸಿತು, ಆದರೆ ₹500 ಕೋಟಿಗೆ ನಿರ್ಮಿಸಲಾದ ಚಿತ್ರ ₹50 ಕೋಟಿ ಗಳಿಸಲು ಸಾಧ್ಯವಿಲ್ಲ. ನೀವು ನಾಚಿಕೆಪಡಬೇಕು " ಎಂದು ಹೇಳಿದ್ದಾರೆ.

ಬಿಗ್ ಬಾಸ್ ಬಗ್ಗೆ ಸುನಿಲ್ ಪಾಲ್ ಕೂಡ ಸಲ್ಮಾನ್‌ಗೆ ಒಂದು ಸಂದೇಶ ನೀಡಿದ್ದರು.ಬಿಗ್‌ ಬಾಸ್‌ ಒಂದು "ಗಟರ್ ಶೋ" ಎಂದು ಕರೆದರು. ‘ಬಿಗ್ ಬಾಸ್’ ಕಾರ್ಯಕ್ರಮವನ್ನು ‘ಕಸದ ತೊಟ್ಟಿ’ ಎಂದು ಕರೆದಿರುವ ಸುನಿಲ್ ಪಾಲ್, ತಕ್ಷಣವೇ ಆ ಶೋ ಮುಚ್ಚುವಂತೆ ಸಲ್ಮಾನ್ ಖಾನ್ ಅವರಿಗೆ ಸವಾಲು ಹಾಕಿದ್ದಾರೆ. ದೇಶಕ್ಕೆ ಯಾವುದೇ ಕೊಡುಗೆ ನೀಡದ, ಅನಗತ್ಯ ಗಲಾಟೆ ಮಾಡುವ ಜನರನ್ನು ತಂದು ಆ ಶೋನಲ್ಲಿ ಸ್ಟಾರ್ ಮಾಡುತ್ತಿದ್ದೀರಿ. ಮೊದಲು ಆ ಶೋ ಬಂದ್ ಮಾಡಿ’ ಎಂದು ಸಲ್ಮಾನ್ ಖಾನ್ ಅವರಿಗೆ ಸುನಿಲ್ ನೇರವಾಗಿ ಆಗ್ರಹಿಸಿದ್ದಾರೆ.

ಇತ್ತೀಚೆಗೆ ‘ಬಿಗ್ ಬಾಸ್’ ವಾರಾಂತ್ಯದ ಸಂಚಿಕೆಯಲ್ಲಿ ನಟಿ ಕತ್ರಿನಾ ಕೈಫ್ ಅವರ ತೂಕದ ಬಗ್ಗೆ ಮತ್ತು ಇತರ ಕಲಾವಿದರ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ನಡೆಯುತ್ತಿರುವ ಟ್ರೋಲಿಂಗ್ ವಿರುದ್ಧ ಸಲ್ಮಾನ್ ಖಾನ್ ತೀವ್ರ ಅಸಮಾಧಾನ ಹೊರಹಾಕಿದ್ದರು. ಸಲ್ಮಾನ್‌ ವೀಕೆಂಡ್ ಕಾ ವಾರ್ ಕಾರ್ಯಕ್ರಮದಲ್ಲಿ ಸಲ್ಮಾನ್, ಸಾಮಾಜಿಕ ಜಾಲತಾಣಗಳಲ್ಲಿ ಸೆಲೆಬ್ರಿಟಿಗಳ ಲುಕ್ ಬಗ್ಗೆ ಹೇಗೆ ಟ್ರೋಲ್ ಮಾಡಲಾಗುತ್ತದೆ ಎಂಬುದರ ಕುರಿತು ಮಾತನಾಡಿದರು.

ಇದನ್ನೂ ಓದಿ: Amruthadhaare serial: ಜೆಡಿ ಕಿತಾಪತಿಗೆ ಕರಗಲ್ಲ ಈ ಟೀಚರ್, ಮತ್ತೆ ಬಂದ್ಲು ಭೂಮಿ!

ತೂಕ ಹೆಚ್ಚಳದ ಬಗ್ಗೆ ಕತ್ರಿನಾ ಕೈಫ್ ಅವರನ್ನು ಟ್ರೋಲ್ ಮಾಡುವವರಿಗೆ ನಟ ಮತ್ತಷ್ಟು ತಿರುಗೇಟು ನೀಡಿ, "ಪ್ರತಿಯೊಬ್ಬರೂ ಗರ್ಭಿಣಿಯಾದ ನಂತರ ತೂಕ ಹೆಚ್ಚಿಸಿಕೊಳ್ಳುತ್ತಾರೆ. ಅವರು ಚಿತ್ರರಂಗಕ್ಕೆ ಮರಳಿದಾಗ, ಅವರು ಮತ್ತೆ ಆಕಾರಕ್ಕೆ ಬರುತ್ತಾರೆ. ಅವರು ತಮ್ಮ ಕುಟುಂಬದೊಂದಿಗೆ ಸಮಯ ಕಳೆಯಲು ಬಯಸುತ್ತಾರೆ" ಎಂದು ಹೇಳಿದರು.