Dharmendra: ಆಸ್ಕರ್​ ವೇದಿಕೆಯಲ್ಲಿ ಧರ್ಮೇಂದ್ರಗೆ ತಪ್ಪಿದ ಗೌರವ; ಅತ್ಯಂತ ನಾಚಿಕೆಗೇಡು ಎಂದ ಹೇಮಾ ಮಾಲಿನಿ

ನಟ ಧರ್ಮೇಂದ್ರ (Dharmendra) ಅವರ ಬಗ್ಗೆ 98ನೇ ಅಕಾಡೆಮಿ ಪ್ರಶಸ್ತಿಗಳಲ್ಲಿ 'ಇನ್ ಮೆಮೋರಿಯಮ್' ವಿಭಾಗದಲ್ಲಿ ಯಾವುದೇ ಉಲ್ಲೇಖ ಇರಲಿಲ್ಲ. ಇದು ಅಭಿಮಾನಿಗಳ ಬೇಸರಕ್ಕೆ ಕಾರಣವಾಗಿದೆ. ಇದೀಗ ಹಿರಿಯ ನಟಿ ಮತ್ತು ರಾಜಕಾರಣಿ ಹೇಮಾ ಮಾಲಿನಿ (Hema Malini) ಪ್ರತಿಕ್ರಿಯಿಸಿದ್ದಾರೆ . ಆಸ್ಕರ್‌ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ವಿಸ್ತೃತ ಪಟ್ಟಿಯಲ್ಲಿ ಧರ್ಮೇಂದ್ರ ಅವರನ್ನು ಗೌರವಿಸಲಾಗಿದ್ದರೂ, ನೇರ ಪ್ರಸಾರದಿಂದ ಅವರನ್ನು ಕೈಬಿಡಲಾಗಿದೆ ಎಂಬುದು ಭಾರತದಾದ್ಯಂತ ಅನೇಕ ಅಭಿಮಾನಿಗಳನ್ನು (Fans) ನಿರಾಶೆಗೊಳಿಸಿತು. ಈ ಬಗ್ಗೆ ಹೇಮಾ ಮಾಲಿನಿ (Hema Malini ) ಇದು ಅತ್ಯಂತ "ನಾಚಿಕೆಗೇಡು" ಎಂದು ಕರೆದಿದ್ದಾರೆ.

ಹೇಮಾ ಮಾಲಿನಿ ನಿರಾಶೆ

ಬಾಲಿವುಡ್‌ನ 'ಹಿ-ಮ್ಯಾನ್' ಎಂದೇ ಕರೆಯಲ್ಪಡುವ ಧರ್ಮೇಂದ್ರ , ಕಳೆದ ವರ್ಷ ನವೆಂಬರ್‌ನಲ್ಲಿ 89 ನೇ ವಯಸ್ಸಿನಲ್ಲಿ ವಯೋಸಹಜ ಅನಾರೋಗ್ಯದಿಂದ ನಿಧನರಾದರು.

ಇದನ್ನೂ ಓದಿ: Dhurandhar 2 : ಕೇವಲ ಅಡ್ವಾನ್ಸ್ ಬುಕಿಂಗ್‌ನಿಂದಲೇ 120 ಕೋಟಿ ಗಳಿಕೆ ದಾಟಿದೆ ‘ಧುರಂಧರ್ 2’!

ಬಾಲಿವುಡ್ ಹಂಗಾಮಾ ಜೊತೆ ಮಾತನಾಡಿದ ಹೇಮಾ, ಆಸ್ಕರ್ ಪ್ರಶಸ್ತಿ ಪ್ರಸಾರದಿಂದ ಅವರನ್ನು ಹೊರಗಿಟ್ಟಿದ್ದಕ್ಕೆ ತಮ್ಮ ನಿರಾಶೆಯನ್ನು ವ್ಯಕ್ತಪಡಿಸಿದರು.

"ಖಂಡಿತ ಇದು ನಾಚಿಕೆಗೇಡಿನ ಸಂಗತಿ. ಪ್ರಪಂಚದ ಅನೇಕ ಭಾಗಗಳಲ್ಲಿ ಅನೇಕ ಜನರಿಗೆ ಅರ್ಥಪೂರ್ಣವಾಗಿರುವ ನಟನನ್ನು ಅವರು ಕಡೆಗಣಿಸಿರುವುದು ನಾಚಿಕೆಗೇಡಿನ ಸಂಗತಿ. ಧರಂಜಿ ಎಲ್ಲೆಡೆ ಪರಿಚಿತರಾಗಿದ್ದರು ಮತ್ತು ಗುರುತಿಸಲ್ಪಟ್ಟಿದ್ದರು" ಎಂದು ಅವರು ಹೇಳಿದರು.

ಧರ್ಮೇಂದ್ರ ಅವರು ಇದ್ದಿದ್ದರೆ ಈ ಬಗ್ಗೆ ತಲೆಕೆಡಿಸಿಕೊಳ್ಳುತ್ತಿರಲಿಲ್ಲ ಎಂದು ಹೇಮಾ ಹೇಳಿದರು, ಪ್ರಶಸ್ತಿಗಳು ಅವರ ಸುದೀರ್ಘ ವೃತ್ತಿಜೀವನದ ನಿರ್ಣಾಯಕ ಅಂಶವಾಗಿರಲಿಲ್ಲ ಎಂದು ಹೇಳಿದರು.

"ಅವರು ತಮ್ಮ ಜೀವಿತಾವಧಿಯಲ್ಲಿ ಎಂದಿಗೂ ಹೆಚ್ಚು ಪ್ರಶಸ್ತಿಗಳನ್ನು ಪಡೆದಿಲ್ಲ. ಅವರು ಆಸ್ಕರ್ ಬಗ್ಗೆ ಏಕೆ ಕಾಳಜಿ ವಹಿಸಬೇಕು? ನಾವಿಬ್ಬರೂ, ನಮ್ಮ ದೇಶದಲ್ಲಿ ಪ್ರೀತಿಸಲ್ಪಟ್ಟಿದ್ದಕ್ಕೆ ಸಂತೋಷಪಟ್ಟೆವು. ಆದರೆ ಲಾಲ್ ಪತ್ತರ್ ಮತ್ತು ಮೀರಾದಲ್ಲಿನ ನನ್ನ ಅತ್ಯುತ್ತಮ ಅಭಿನಯಕ್ಕಾಗಿ ನನಗೂ ಯಾವುದೇ ಪ್ರಶಸ್ತಿ ಸಿಗಲಿಲ್ಲ " ಎಂದು ಅವರು ವಿವರಿಸಿದರು.

ಯಾರಿಗೆಲ್ಲ ಗೌರವ?

ದೂರದರ್ಶನದ ಗೌರವಾರ್ಥ ಕಾರ್ಯಕ್ರಮದಲ್ಲಿ ಧರ್ಮೇಂದ್ರ ಮತ್ತು ಹಿರಿಯ ನಟ ಮನೋಜ್ ಕುಮಾರ್ ಅವರನ್ನು ಕೈಬಿಡಲಾಗಿದ್ದರೂ, ಅಧಿಕೃತ ಆಸ್ಕರ್ ವೆಬ್‌ಸೈಟ್‌ನಲ್ಲಿ ಪ್ರಕಟವಾದ ಹೆಚ್ಚು ವಿವರವಾದ ಇನ್ ಮೆಮೋರಿಯಮ್ ಪಟ್ಟಿಯಲ್ಲಿ ಧರ್ಮೇಂದ್ರ ಮತ್ತು ಹಿರಿಯ ನಟ ಮನೋಜ್ ಕುಮಾರ್ ಅವರನ್ನು ಸೇರಿಸಲಾಗಿದೆ.

ನೇರ ಪ್ರಸಾರದ ಸಮಯದಲ್ಲಿ, ಅಕಾಡೆಮಿ ಡಯೇನ್ ಕೀಟನ್, ಕ್ಯಾಥರೀನ್ ಒ'ಹಾರಾ, ರಾಬರ್ಟ್ ರೆಡ್‌ಫೋರ್ಡ್, ಉಡೊ ಕಿಯರ್, ರಾಬ್ ರೀನರ್, ರಾಬರ್ಟ್ ಡುವಾಲ್, ಜೀನ್ ಹ್ಯಾಕ್‌ಮನ್ ಮತ್ತು ವಾಲ್ ಕಿಲ್ಮರ್ ಸೇರಿದಂತೆ ಹಲವಾರು ದಿವಂಗತ ಅಂತರರಾಷ್ಟ್ರೀಯ ಚಲನಚಿತ್ರ ವ್ಯಕ್ತಿಗಳಿಗೆ ಗೌರವ ಸಲ್ಲಿಸಿತು.

ಹಿಂದಿನ ಸಮಾರಂಭಗಳಲ್ಲಿ, ಇನ್ ಮೆಮೋರಿಯಮ್ ವಿಭಾಗವು ಸಾಂದರ್ಭಿಕವಾಗಿ ಭಾರತೀಯ ಚಲನಚಿತ್ರ ವ್ಯಕ್ತಿಗಳನ್ನು ಒಳಗೊಂಡಿತ್ತು.

2018ರಲ್ಲಿ ನಡೆದ 90ನೇ ಅಕಾಡೆಮಿ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ, ಸಿನಿಮಾ ದಿಗ್ಗಜರಾದ ಶಶಿ ಕಪೂರ್ ಮತ್ತು ಶ್ರೀದೇವಿ ಅವರನ್ನು ಮಾಂಟೇಜ್‌ನಲ್ಲಿ ಗೌರವಿಸಲಾಯಿತು. ಈ ಇಬ್ಬರು ತಾರೆಯರ ಸ್ಮರಣಾರ್ಥವಾಗಿ ಎಡ್ಡಿ ವೆಡ್ಡರ್ ಸಂಗೀತ ಗೌರವ ಸಲ್ಲಿಸಿದರು.

ಇತ್ತೀಚೆಗೆ, 2021ರಲ್ಲಿ ನಡೆದ 93ನೇ ಅಕಾಡೆಮಿ ಪ್ರಶಸ್ತಿಗಳಲ್ಲಿ, ನಟರಾದ ಇರ್ಫಾನ್ ಖಾನ್ ಮತ್ತು ಆಸ್ಕರ್ ವಿಜೇತ ಕಾಸ್ಟ್ಯೂಮ್ ಡಿಸೈನರ್ ಭಾನು ಅಥಯ್ಯ ಅವರನ್ನು ಸಹ ಈ ವಿಭಾಗದಲ್ಲಿ ಸ್ಮರಿಸಲಾಗಿತ್ತು.

ಇದನ್ನೂ ಓದಿ: Actress Sreeleela: ವೇದಿಕೆಯಲ್ಲಿ ನಟ ಮಹೇಶ್ ಕಂಡು ಶ್ರೀಲೀಲಾ ಗರಂ? ಅಸಲಿ ಮ್ಯಾಟರ್‌ ಏನು?

ಪ್ರಸಾರದಲ್ಲಿ ಕಾಣಿಸಿಕೊಂಡಿರದ ಇತರೆ ಹೆಸರುಗಳ ಪೈಕಿ ಬ್ರಿಗಿಟ್ಟೆ ಬಾರ್ಡೋಟ್, ಜೇಮ್ಸ್ ವ್ಯಾನ್ ಡೆರ್ ಬೀಕ್, ಎರಿಕ್ ಡೇನ್, ಮಾಲ್ಕಮ್-ಜಮಾಲ್ ವಾರ್ನರ್ ಮತ್ತು ಬಡ್ ಕಾರ್ಟ್ ಹೆಸರು ಕೂಡಾ ಸೇರಿವೆ.