BB 19: ಬಿಗ್ ಬಾಸ್​​ಗೆ ಬರಲಿದ್ದಾರೆ ಪಹಲ್ಗಾಮ್ ದಾಳಿಯಲ್ಲಿ ಹುತಾತ್ಮರಾದ ನೌಕಾ ಅಧಿಕಾರಿಯ ಪತ್ನಿ?

ಬಿಗ್ ಬಾಸ್ 19 ಕ್ಕೆ (Bigg Boss 19) ಕ್ಷಣಗಣನೆ ಆರಂಭವಾಗಿದೆ. ಈ ತಿಂಗಳು ಆಗಸ್ಟ್ 24 ರಂದು ಸಲ್ಮಾನ್ ಖಾನ್ ಈ ಜನಪ್ರಿಯ ರಿಯಾಲಿಟಿ ಶೋ ಅನ್ನು ಪ್ರಾರಂಭಿಸಲಿದ್ದಾರೆ. ಈಗಾಗಲೇ ಟ್ರೈಲರ್ ಕೂಡ ರಿಲೀಸ್ ಆಗಿದೆ. ಈ ಬಾರಿ ಕಾರ್ಯಕ್ರಮದ ಥೀಮ್ 'ರಾಜಕೀಯ'. ಆದ್ದರಿಂದ, ತಯಾರಕರು ಮನೆಯೊಳಗೆ ಮತದಾನವನ್ನು ನಡೆಸಲಿದ್ದಾರೆ, ಅದು ಕೂಡ ಪ್ರತಿ ವಾರ. ಹೌದು, ಹೊಸ ವರದಿಗಳ ಪ್ರಕಾರ ಈ ಬಾರಿ ಒಟ್ಟು 16 ಸ್ಪರ್ಧಿಗಳು ಗ್ರ್ಯಾಂಡ್ ಪ್ರೀಮಿಯರ್ ಸಂಚಿಕೆಗೆ ಪ್ರವೇಶಿಸಲಿದ್ದಾರೆ, ಇದರಲ್ಲಿ ಒಬ್ಬ ಹಿರಿಯ ರಾಜಕಾರಣಿಯೂ ಸೇರಿದ್ದಾರೆ. ಇದರ ನಂತರ, 3 ವೈಲ್ಡ್ ಕಾರ್ಡ್ ಸ್ಪರ್ಧಿಗಳು ಕಾರ್ಯಕ್ರಮದಲ್ಲಿ ತಮ್ಮ ಅದೃಷ್ಟವನ್ನು ಪ್ರಯತ್ನಿಸಲು ಬರುತ್ತಾರೆ.

ಬಿಗ್ ಬಾಸ್ 19 ಇಲ್ಲಿಯವರೆಗಿನ ಅತ್ಯಂತ ಉದ್ದವಾದ ಸೀಸನ್ ಆಗಲಿದೆ. ಈ ಕಾರ್ಯಕ್ರಮವು 5 ತಿಂಗಳ ಕಾಲ ನಡೆಯಲಿದೆ ಎಂದು ಹೇಳಲಾಗಿದೆ. ವರದಿಯ ಪ್ರಕಾರ, ಈ ಬಾರಿ ಒಟ್ಟು 19 ಸ್ಪರ್ಧಿಗಳು ಕಾರ್ಯಕ್ರಮಕ್ಕೆ ಪ್ರವೇಶಿಸಲಿದ್ದಾರೆ. ಇವರಲ್ಲಿ 16 ಮಂದಿ ಗ್ರ್ಯಾಂಡ್ ಪ್ರೀಮಿಯರ್ ದಿನದಂದು ಪ್ರವೇಶಿಸುತ್ತಾರೆ, ಆದರೆ 3 ಮಂದಿ ವೈಲ್ಡ್ ಕಾರ್ಡ್ ಸ್ಪರ್ಧಿಗಳಾಗಿರುತ್ತಾರೆ. ಕಾರ್ಯಕ್ರಮದ ಕೆಲವು ಮಾಜಿ ಸ್ಪರ್ಧಿಗಳು ಸಹ ಪ್ರವೇಶಿಸಬಹುದು ಎಂದು ಮತ್ತೊಂದು ವರದಿ ಹೇಳುತ್ತದೆ.

ಇದರ ಮಧ್ಯೆ ಹೊಸ ಹೆಸರು ಕೇಳಿಬರುತ್ತಿದೆ. ಪಹಲ್ಗಾಮ್ ಭಯೋತ್ಪಾದಕ ದಾಳಿಯಲ್ಲಿ ಹುತಾತ್ಮರಾದವರ ಪತ್ನಿ ಹಿಮಾಂಶಿ ನರ್ವಾಲ್ ಈ ಬಾರಿ ಬಿಗ್ ಬಾಸ್​ಗೆ ಪ್ರವೇಶಿಸಲಿದ್ದಾರಂತೆ. ನಿರ್ಮಾಪಕರು ಹಿಮಾಂಶಿಯನ್ನು ಕಾರ್ಯಕ್ರಮಕ್ಕೆ ಕರೆತರುವ ಬಗ್ಗೆ ಮಾತುಕತೆ ನಡೆಸುತ್ತಿದ್ದಾರೆ ಎಂದು ವರದಿ ಆಗಿದೆ. "ತಯಾರಕರು ಪ್ರೇಕ್ಷಕರೊಂದಿಗೆ ತಕ್ಷಣ ಕನೆಕ್ಟ್ ಆಗಬಹುದಾದ ಕೆಲವು ಜನರನ್ನು ಕರೆತರಲು ಬಯಸುತ್ತಿದ್ದಾರೆ.. ಹೀಗಾಗಿ ಬಿಗ್ ಬಾಸ್ 19 ಗಾಗಿ ಹಿಮಾಂಶಿ ನರ್ವಾಲ್ ಅವರನ್ನು ಕಾರ್ಯಕ್ರಮಕ್ಕೆ ಕರೆತರುವ ಬಗ್ಗೆ ಚರ್ಚೆಗಳು ನಡೆದಿವೆ. ಆದಾಗ್ಯೂ, ಇದರ ಬಗ್ಗೆ ಯಾವುದೇ ದೃಢೀಕರಣವಿಲ್ಲ" ಎಂದು ಹೇಳಲಾಗಿದೆ.

ಹಿಮಾಂಶಿ ನರ್ವಾಲ್ ಪಹಲ್ಗಾಮ್ ದಾಳಿಯಲ್ಲಿ ಹುತಾತ್ಮರಾದ ನೌಕಾಪಡೆಯ ಅಧಿಕಾರಿ ವಿನಯ್ ನರ್ವಾಲ್ ಅವರ ಪತ್ನಿ. ವಿನಯ್ ಮತ್ತು ಹಿಮಾಂಶಿ ಹನಿಮೂನ್‌ಗೆ ಕಾಶ್ಮೀರಕ್ಕೆ ಹೋದಾಗ ಪೈಶಾಚಿಕ ಕೃತ್ಯ ನಡೆಸಿದ ಭಯೋತ್ಪಾದಕರು 26 ಜನರ ಪ್ರಾಣವನ್ನು ಬಲಿ ಪಡೆದಿದ್ದರು. ಈ ದಾಳಿಯಲ್ಲಿ ತಮ್ಮ ಪತಿಯನ್ನು ಕಳೆದುಕೊಂಡ ಹಿಮಾಂಶಿ ಪತಿಯ ಮೃತದೇಹದ ಪಕ್ಕದಲ್ಲಿ ಕುಳಿತುಕೊಂಡು ಕಣ್ಣೀರು ಹಾಕಿದ್ದರು. ಇವರು ಕಣ್ಣೀರು ಹಾಕುತ್ತಿದ್ದ ಫೋಟೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು.

Bhavya Gowda: ಕಟೀಲು ದುರ್ಗಾಪರಮೇಶ್ವರಿ ದೇವಸ್ಥಾನಕ್ಕೆ ಭೇಟಿ ಕೊಟ್ಟ ಭವ್ಯಾ ಗೌಡ

ಹಿಮಾಂಶಿ ಬಿಗ್ ಬಾಸ್​ಗೆ ಹೋಗುವ ಸುದ್ದಿ ಇನ್ನೂ ದೃಢೀಕರಿಸಲಾಗಿಲ್ಲ, ಆದರೆ ಬಿಗ್ ಬಾಸ್ 19 ಗಾಗಿ ದೂರದರ್ಶನ, ಬಾಲಿವುಡ್ ಮತ್ತು ಡಿಜಿಟಲ್ ಜಗತ್ತಿನ ಅನೇಕ ಪ್ರಸಿದ್ಧ ಹೆಸರುಗಳನ್ನು ಸಂಪರ್ಕಿಸಲಾಗಿದೆ. ಇದರಲ್ಲಿ ಶೈಲೇಶ್ ಲೋಧಾ, ಗುರುಚರಣ್ ಸಿಂಗ್, ಮುನ್ಮುನ್ ದತ್ತಾ, ಲತಾ ಸಬರ್ವಾಲ್, ಫೈಜಲ್ ಶೇಖ್ ಅಕಾ ಮಿಸ್ಟರ್ ಫೈಜು, ಜನ್ನತ್ ಜುಬೈರ್, ಪುರವ್ ಝಾ, ಅಪೂರ್ವ ಮುಖಿಜಾ ಮುಂತಾದ ಹೆಸರುಗಳು ಸೇರಿವೆ.