BBK 12: ಟಾಸ್ಕ್​ನಲ್ಲಿ ಕಾವ್ಯಾಗೆ ಬಿಗ್ ಸಪೋರ್ಟ್: ಆದ್ರೆ ಗೆದ್ದಿದ್ದು ಮಾತ್ರ..

ಬಿಗ್ ಬಾಸ್ ಕನ್ನಡ ಸೀಸನ್ 12 ರಲ್ಲಿ (Bigg Boss Kannada 12) ಇದು ಮೊದಲ ಫಿನಾಲೆ ವಾರ ಆಗಿರುವುದರಿಂದ ಟಾಸ್ಕ್​ಗಳ ಕಾವು ಏರುತ್ತಿದೆ. ಒಂದೊಂದು ಟಾಸ್ಕ್ ಕೂಡ ಮಹತ್ವ ಪಡೆದುಕೊಳ್ಳುತ್ತಿದೆ. ಸದ್ಯ ಕಾಕ್ರೋಚ್ ಸುಧಿ, ಅಶ್ವಿನಿ ಗೌಡ, ಸ್ಪಂದನಾ ಸೋಮಣ್ಣ ಹಾಗೂ ಮಾಲು ಫೈನಲಿಸ್ಟ್ ಆಗಿದ್ದಾರೆ. ಈ ವಾರದ ಅಂತ್ಯದಲ್ಲಿ ಮಾಸ್ ಎಲಿಮಿನೇಷನ್ ನಡೆಯಲಿರುವ ಕಾರಣ ಈ ವಾರ ನೀಡಲಿರುವ ಟಾಸ್ಕ್ ಸ್ಪರ್ಧಿಗಳು ಮುಖ್ಯವಾಗಿದೆ. ಫೈನಲಿಸ್ಟ್​ಗಳನ್ನು ಬಿಟ್ಟು ಉಳಿದು ಎಲ್ಲ ಕಂಟೆಸ್ಟೆಂಟ್​ಗಳ ನಾಮಿನೇಟ್ ಆಗಿರುವ ಕಾರಣ ಗೆಲ್ಲಲೇ ಬೇಕಾದ ಒತ್ತಡದಲ್ಲಿದ್ದಾರೆ.

ಮೊದಲ ಫಿನಾಲೆಯ ಈ ವಾರ ತಾವು ಫೈನಲಿಸ್ಟ್ ಆಗಿ ಬಿಗ್ ಬಾಸ್ ಮನೆಯಲ್ಲಿ ತಮ್ಮ ಪ್ರಯಾಣ ಮುಂದುವರೆಸಲು ಇದು ಕಟ್ಟ ಕಡೆಯ ಅವಕಾಶ ಎಂದು ಹೇಳಿ ಬಿಗ್ ಬಾಸ್ ಒಂದೊಂದೆ ಟಾಸ್ಕ್ ನೀಡುತ್ತಿದ್ದಾರೆ. ಇದೀಗ ಕಲರ್ಸ್ ಕನ್ನಡ ಇಂದಿನ ಟಾಸ್ಕ್​ನ ಪ್ರೋಮೋವನ್ನು ಬಿಟ್ಟಿದ್ದು, ಇದರಲ್ಲಿ ಕಾವ್ಯಾ ಹಾಗೂ ರಾಶಿಕಾ ನಡುವೆ ಟಾಸ್ಕ್ ಒಂದು ನಡೆದಿದೆ. ಓರ್ವ ಸ್ಪರ್ಧಿ ಹಲಗೆ ಮೇಲೆ ನಡೆಯುತ್ತ ಎದುರಾಳಿ ಆಟಗಾರ ಇಟ್ಟಿರುವ ಡಿಸ್ಕ್ ಅನ್ನು ತಿರುಗಿಸಿ ತಮ್ಮ ಬಣ್ಣದ ಅಧಿಕ ಡಿಸ್ಕ್​ಗಳು ಮೇಲ್ಬದಿಯಲ್ಲಿ ಇರುವಂತೆ ನೋಡಿಕೊಳ್ಳಬೇಕು.

ಬಿಗ್ ಬಾಸ್ ಪ್ರೋಮೋ:

ಈ ಟಾಸ್ಕ್​ನಲ್ಲಿ ಹೆಚ್ಚಿನವರು ಕಾವ್ಯಾಗೆ ಸಪೋರ್ಟ್ ಮಾಡಿದ್ದಾರೆ, ಜಾನ್ವಿ, ಗಿಲ್ಲಿ ನಟ, ರಕ್ಷಿತಾ ಶೆಟ್ಟಿ, ಮಲ್ಲಮ್ಮ, ಧನುಷ್ ಸೇರಿದಂತೆ ಅನೇಕರು ಕಾವ್ಯ ಅವರು ಈ ಗೆಲ್ಲಲಿ ಅಂತ ಅವರಿಗೆ ಸಪೋರ್ಟ್ ಮಾಡ್ತೇನೆ ಎಂದಿದ್ದಾರೆ. ಆದರೆ, ಟಾಸ್ಕ್​ ಅನ್ನು ಸರಿಯಾಗಿ ಅರ್ಥ ಮಾಡುವಲ್ಲಿ ಕಾವ್ಯ ಎಡವಿದ್ದಾರೆ. ಟಾಸ್ಕ್​ನ ಉಸ್ತುವಾರಿ ವಹಿಸಿಕೊಂಡಿದ್ದ ಧ್ರುವಂತ್ ಅವರು, ಡಿಸ್ಕ್​ಗಳನ್ನು ಕಾವ್ಯ ಅವರು ಕೈಯಲ್ಲಿ ಕಲೆಕ್ಟ್ ಮಾಡ್ತಾ ಹೋಗ್ತಿದ್ದಾರೆ. ಅವರು ತಮಗೆ ಇಷ್ಟ ಬಂದ ಹಾಗೆ ಆಟವಾಡಿದ್ದಾರೆ.. ನಿಮ್ಮನ್ನ ಈ ಟಾಸ್ಕ್​ನಲ್ಲಿ ಮೂವ್ ಮಾಡೋಕೆ ಬಿಡಲ್ಲ ಎಂದು ಹೇಳಿದ್ದಾರೆ.

ಈ ಪ್ರಸಂಗದಿಂದ ರಾಶಿಕಾಗೆ ಪ್ಲಸ್ ಆಗುವ ಸಾಧ್ಯತೆ ಇದೆ. ಅಲ್ಲದೆ ಪ್ರೋಮೋದಲ್ಲಿ ಕಾವ್ಯ ಬೇಸರದಲ್ಲಿ ಹೋಗುತ್ತಿರುವುದು ಕಂಡರೆ ರಾಶಿಕಾ ಮೊಗದಲ್ಲಿ ಗೆಲುವಿನ ನಗೆ ಕಾಣಿಸುತ್ತಿದೆ. ಅಂತಿಮವಾಗಿ ಈ ಟಾಸ್ಕ್ ಏನಾಗಿದೆ?, ಯಾರು ಗೆದ್ರು ಎಂಬುದು ಇಂದಿನ ಸಂಚಿಕೆಯಲ್ಲಿ ನೋಡಬೇಕಿದೆ.

Karna Serial: ಮಂಟಪದಿಂದ ತೇಜಸ್ ಕಾಣೆ: ನಿತ್ಯಾಗೆ ತಾಳಿ ಕಟ್ಟಲು ತಯಾರಾದ ಕರ್ಣ