Narendra Modi: 'ಛತ್‌ ಪೂಜೆಯನ್ನು ಅವಮಾನಿಸಿದವರಿಗೆ ಬಿಹಾರದ ಜನರೇ ಉತ್ತರ ನೀಡುತ್ತಾರೆ'; ಕಾಂಗ್ರೆಸ್‌- RJD ವಿರುದ್ಧ ಮೋದಿ ಕಿಡಿ

ಪಟನಾ: ಬಿಹಾರದಲ್ಲಿ ಚುನಾವಣಾ ಕಾವು ಏರುತ್ತಲೇ ರಾಜಕೀಯ ಪಕ್ಷಗಳ ನಡುವಿನ ವಾಗ್ದಾಳಿ ಪ್ರಾರಂಭವಾಗಿದೆ. ಇದೀಗ ಪ್ರಧಾನಿ ನರೇಂದ್ರ ಮೋದಿ (Narendra Modi) ವಿಪಕ್ಷಗಳ ವಿರುದ್ಧ ಕಿಡಿ ಕಾರಿದ್ದಾರೆ. ಬಿಹಾರ ಮತ್ತು ಪೂರ್ವ ಭಾರತದಾದ್ಯಂತ ಆಳವಾಗಿ ಪೂಜಿಸಲ್ಪಡುವ ದೇವತೆ ಛಥ್‌ ಪೂಜೆ ಹಾಗೂ ದೇವಿಯನ್ನು ಕಾಂಗ್ರೆಸ್‌ ಅವಮಾನಿಸುತ್ತಿದೆ ಎಂದು ಅವರು ಆರೋಪಿಸಿದ್ದಾರೆ. ಕಾಂಗ್ರೆಸ್ ಮತ್ತು ರಾಷ್ಟ್ರೀಯ ಜನತಾ ದಳ (ಆರ್‌ಜೆಡಿ) ವಿರುದ್ಧ ಗುರುವಾರ ಅವರು ವಾಗ್ದಾಳಿ ನಡೆಸಿ, ರಾಜ್ಯದ ಸಾಂಸ್ಕೃತಿಕ ಸಂಪ್ರದಾಯಗಳನ್ನು ಜಾಗತಿಕವಾಗಿ ಉತ್ತೇಜಿಸಲು ತಮ್ಮ ಸರ್ಕಾರ ಮಾಡುತ್ತಿರುವ ಪ್ರಯತ್ನಗಳನ್ನು ವಿರೋಧ ಪಕ್ಷ ವಿರೋಧಿಸುತ್ತಿದೆ ಎಂದು ಅವರು ಹೇಳಿದರು.

ನಿಮ್ಮ ಮಗ ಮೋದಿ ಛಥಿ ಮೈಯಾದ ವೈಭವವನ್ನು ಪ್ರಪಂಚದಾದ್ಯಂತ ಬಿತ್ತರಿಸಲು ಪ್ರಯತ್ನಿಸುವಾಗ ಕೆಲವರು ಅದನ್ನು ವಿರೋಧಿಸುತ್ತವೆ. ಈ ಕಾಂಗ್ರೆಸ್ ಮತ್ತು ಆರ್‌ಜೆಡಿ ಜನರು ಏನು ಮಾಡುತ್ತಿದ್ದಾರೆ? ಅವರು ಛಥಿ ಮೈಯಾ ಅವರನ್ನು ಅವಮಾನಿಸುತ್ತಿದ್ದಾರೆ" ಎಂದು ಪ್ರಧಾನಿ ಹೇಳಿದರು. ಚುನಾವಣೆಯಲ್ಲಿ ಮತ ಗಳಿಸಲು ಯಾರಾದರೂ ಛಠಿ ಮೈಯಾ ಅವರನ್ನು ಅವಮಾನಿಸಬಹುದೇ ಹೇಳಿ? ಬಿಹಾರ ಅಂತಹ ಅವಮಾನವನ್ನು ಸಹಿಸಿಕೊಳ್ಳುತ್ತದೆಯೇ? ಪವಿತ್ರ ನಿರ್ಜಲ ಉಪವಾಸವನ್ನು ಆಚರಿಸುವ ನಮ್ಮ ತಾಯಂದಿರು ಅಂತಹ ಅಗೌರವವನ್ನು ಸ್ವೀಕರಿಸುತ್ತಾರೆಯೇ? ನೀವು ಅವರನ್ನು ಶಿಕ್ಷಿಸುತ್ತೀರಾ ಅಥವಾ ಇಲ್ಲವೇ?" ಎಂದು ಮೋದಿ ಕೇಳಿದರು.

ಪ್ರಧಾನಿ ಮೋದಿ ಮಾತು

"ಆರ್‌ಜೆಡಿ ಮತ್ತು ಕಾಂಗ್ರೆಸ್ ಎಷ್ಟು ನಾಚಿಕೆಯಿಲ್ಲದೆ ಮಾತನಾಡುತ್ತಿವೆ? ಅವರಿಗೆ ಛತ್ತಿ ಮೈಯಾ ಪೂಜೆ ಕೇವಲ ನಾಟಕ. ಅವರು ಮಾಡುತ್ತಿರುವ ಈ ಅವಮಾನ ಶತಮಾನಗಳವರೆಗೆ ಸಾರ್ವಜನಿಕ ನೆನಪಿನಲ್ಲಿ ಉಳಿಯುತ್ತದೆ ಎಂದು ಹೇಳಿದರು. "ಬಿಹಾರ ಸ್ವಾಭಿಮಾನದ ನಾಡು. ಛತ್ತಿ ಪೂಜೆಯನ್ನು ಅವಮಾನಿಸಿದವರನ್ನು ಬಿಹಾರ ಎಂದಿಗೂ ಕ್ಷಮಿಸುವುದಿಲ್ಲ ಎಂದು ಅವರು ಹೇಳಿದರು. ಇಷ್ಟು ದಿನಗಳ ಕಾಲ ಬಿಹಾರದವರ ಮೇಲೆ ದರ್ಪ ತೋರಿದ್ದು ಸಾಕು. ಅವರ ಕಥೆಯನ್ನು ನಾನು ಬಿಚ್ಚಿಡುತ್ತೇನೆ. ಬಂದೂಕು, ಕ್ರೌರ್ಯ, ಕಹಿ, ದುರಾಡಳಿತ ಮತ್ತು ಭ್ರಷ್ಟಾಚಾರ. ಇದು ಜಂಗಲ್ ರಾಜ್‌ನ ಗುರುತು ಅಲ್ಲವೇ? ಇದು ಆರ್‌ಜೆಡಿ ಮತ್ತು ಅದರ ಮಿತ್ರಪಕ್ಷಗಳ ಗುರುತು ಅಲ್ಲವೇ? ಎಂದು ಅವರು ಹೇಳಿದ್ದಾರೆ.

ಈ ಸುದ್ದಿಯನ್ನೂ ಓದಿ: Bihar Assembly Election: ಬಿಹಾರ ಚುನಾವಣೆಗೆ ಕೇಂದ್ರದಿಂದ ಹೈ ಸೆಕ್ಯೂರಿಟಿ; 500 ಭದ್ರತಾ ತುಕುಡಿಗಳ ಮತ್ತೊಂದು ಬ್ಯಾಚ್ ರವಾನೆ

ಆರ್‌ಜೆಡಿ ಮತ್ತು ಕಾಂಗ್ರೆಸ್‌ನ ದುರಾಡಳಿತ ಇರುವಲ್ಲಿ, ಅಭಿವೃದ್ಧಿಯ ಯಾವುದೇ ಕುರುಹು ಇರುವುದಿಲ್ಲ. ಭ್ರಷ್ಟಾಚಾರ ಇರುವಲ್ಲಿ, ಸಾಮಾಜಿಕ ನ್ಯಾಯವನ್ನು ಸಾಧಿಸಲಾಗುವುದಿಲ್ಲ. ಬಡವರ ಹಕ್ಕುಗಳನ್ನು ಲೂಟಿ ಮಾಡಲಾಗುತ್ತದೆ; ಕೆಲವೇ ಕುಟುಂಬಗಳು ಅಭಿವೃದ್ಧಿ ಹೊಂದುತ್ತವೆ. ಅಂತಹ ಜನರು ಬಿಹಾರಕ್ಕೆ ಎಂದಿಗೂ ಒಳ್ಳೆಯದನ್ನು ಮಾಡಲು ಸಾಧ್ಯವಿಲ್ಲ" ಎಂದು ಮೋದಿ ಹೇಳಿದ್ದಾರೆ.