Deepavali Mens Fashion 2025: ಹೀಗಿರಲಿ ದೀಪಾವಳಿ ಹಬ್ಬದ ಮೆನ್ಸ್ ಟ್ರೆಡಿಷನಲ್ ಫ್ಯಾಷನ್
Deepavali Mens Fashion 2025: ದೀಪಾವಳಿ ಹಬ್ಬದ ಮೆನ್ಸ್ ಫ್ಯಾಷನ್‌ನಲ್ಲಿ ಈ ಬಾರಿಯೂ ವಿನೂತನ ಪ್ರಯೋಗಾತ್ಮಕ ವಿನ್ಯಾಸದ ಟ್ರೆಡಿಷನಲ್ ವೇರ್‌ಗಳು ಕಾಲಿಟ್ಟಿವೆ. ಯಾವ್ಯಾವ ಶೈಲಿಯವು ಟ್ರೆಂಡಿಯಾಗಿವೆ? ಹೇಗೆಲ್ಲಾ ಧರಿಸಬಹುದು? ಎಂಬುದರ ಬಗ್ಗೆ ಮಾಡೆಲ್ ವಿನಯ್ ಸಿಂಧ್ಯಾ ಒಂದಿಷ್ಟು ಐಡಿಯಾ ನೀಡಿದ್ದಾರೆ.
ಚಿತ್ರಗಳು: ವಿನಯ್ ಸಿಂಧ್ಯಾ, ನಟ/ ಮಾಡೆಲ್ -
ಶೀಲಾ ಸಿ ಶೆಟ್ಟಿ
Oct 18, 2025 8:00 AM
ದೀಪಾವಳಿಯ ಮೆನ್ಸ್ ಫ್ಯಾಷನ್‌ನಲ್ಲಿ ನಾನಾ ಬಗೆಯ ಟ್ರೆಡಿಷನಲ್‌ವೇರ್‌ಗಳು ಕಾಲಿಟ್ಟಿದ್ದು, ವಿನೂತನ ಪ್ರಯೋಗಾತ್ಮಕ ಡಿಸೈನ್‌ಗಳು ಯುವಕರನ್ನು ಸೆಳೆದಿವೆ.
ಯುವಕರನ್ನು ಸೆಳೆದ ಟ್ರೆಡಿಷನಲ್‌ವೇರ್ಸ್
ಸಿಕ್ವೀನ್ಸ್, ಮಿರರ್, ಕಲಾಂಕಾರಿ, ಜರ್ದೋಸಿ, ಪ್ರಿಂಟೆಡ್, ಮಾನೋಕ್ರೋಮ್, ಸಾಲಿಡ್ ಶೇಡ್‌ನ ಕುರ್ತಾ, ಶೆರ್ವಾನಿ, ಮಿಕ್ಸ್ ಮ್ಯಾಚ್ ಮಾಡಬಹುದಾದ ಯುವಕರ ಸೆಲ್ವಾರ್, ಧೋತಿ ಹಾಗೂ ಬಣ್ಣಬಣ್ಣದ ಸಿಲ್ಕ್ ಶರ್ಟ್‌ಗಳು ಡಿಫರೆಂಟ್ ಶೇಡ್ ಹಾಗೂ ವಿನ್ಯಾಸದಲ್ಲಿ ಬಿಡುಗಡೆಗೊಂಡಿವೆ.
ಹೈಲೈಟ್ ಆಗುವ ಕಲರ್ಸ್ ಶರ್ಟ್
ಈ ಬಾರಿ ದೀಪಾವಳಿ ಹಬ್ಬಕ್ಕೆ ಯುವಕರು ಆದಷ್ಟೂ ಬ್ರೈಟ್ ಕಲರ್‌ನ ರಾಯಲ್ ಬ್ಲ್ಯೂ, ಮೆರೂನ್, ನೇರಳೆ, ಮಜಂತಾ, ಸನ್ಕಲರ್ ಶೇಡ್‌ಗಳ ಶರ್ಟ್ ಅಥವಾ ಫುಲ್ ಸ್ಲೀವ್ ಶರ್ಟ್‌ಗಳನ್ನು ಆಯ್ಕೆ ಮಾಡುವುದು ಕಂಡು ಬಂದಿದೆ ಎನ್ನುತ್ತಾರೆ ಮಾಡೆಲ್ ವಿನಯ್. ಅವರ ಪ್ರಕಾರ, ಶರ್ಟ್‌ಗಳನ್ನು ಧರಿಸುವುದಾದಲ್ಲಿ ಕಾಂಟ್ರಸ್ಟ್ ಕಲರ್‌ನ ಪ್ಯಾಂಟ್ ಮ್ಯಾಚ್ ಮಾಡಬೇಕು.
ಟ್ರೆಡಿಷನಲ್ ಗ್ರ್ಯಾಂಡ್ ಕುರ್ತಾ
ಹಬ್ಬದ ಸೀಸನ್‌ಗೆ ನೆಕ್ ಎಂಬ್ರಾಯ್ಡಡರಿ ಇರುವಂತಹ ಸಿಲ್ಕ್ ಕುರ್ತಾಗಳು ಬಂದಿವೆ. ಇವುಗಳಲ್ಲಿ ಡಾರ್ಕ್ ಕಲರ್‌ನ ಕುರ್ತಾ ಆಯ್ಕೆ ಮಾಡಿಕೊಳ್ಳಬಹುದು. ಇನ್ನು ಪರ್ಸನಾಲಿಟಿಗೆ ತಕ್ಕಂತೆ ಕುರ್ತಾಗಳ ಲೆಂತ್ ನೋಡಿಕೊಳ್ಳಬೇಕು. ಆದಷ್ಟೂ ಶಾರ್ಟ್ ಕುರ್ತಾಗಳಿಗೆ ಮಾನ್ಯತೆ ನೀಡಿ. ಇದನ್ನು ಜೀನ್ಸ್ ಮೇಲೂ ಧರಿಸಬಹುದು.
ಮಧ್ಯ ವಯಸ್ಕರನ್ನು ಸೆಳೆದ ಶೆರ್ವಾನಿ
ನಾರ್ತ್ ಇಂಡಿಯನ್ ಔಟ್‌ಫಿಟ್‌ಗಳಲ್ಲಿ ಇದೀಗ ನಾನಾ ಬಗೆಯ ಶೆರ್ವಾನಿ ಹಾಗೂ ಪಟಾನಿ ಡ್ರೆಸ್‌ಗಳು ಟ್ರೆಂಡ್‌ನಲ್ಲಿವೆ. ಇವಿ ಇದೀಗ ಮಧ್ಯ ವಯಸ್ಕರನ್ನು ಸೆಳೆದಿವೆ.
ಸಿಲ್ಕ್ ಟ್ರೆಡಿಷನಲ್‌ವೇರ್ಸ್ ಹಂಗಾಮ
ಇದೀಗ ಸಿಲ್ಕ್ ಜುಬ್ಬಾ ಅಥವಾ ಸಿಲ್ಕ್ ಜುಬ್ಬಾ, ಶರ್ಟ್‌ಗಳು ಬೇಡಿಕೆ ಹೆಚ್ಚಿಸಿಕೊಂಡಿವೆ. ಇವು ಹಬ್ಬಕ್ಕೆ ಗ್ಯ್ರಾಂಡ್ ಲುಕ್ ನೀಡುತ್ತವೆ. ಇನ್ನು, ಈ ಸಿಲ್ಕ್ ಶೈನಿಂಗ್ ಕಲರ್ ಶರ್ಟ್‌ಗಳನ್ನು ಕಾಂಟ್ರಾಸ್ಟ್ ಪ್ಯಾಂಟ್‌ನೊಂದಿಗೆ ಮ್ಯಾಚ್ ಮಾಡಿ ಧರಿಸಬಹುದು. ಸಿಲ್ಕ್ ಶರ್ಟ್‌ಗಳನ್ನು ಪಂಚೆ ಜತೆ ಧರಿಸುವುದರಿಂದ ಟ್ರೆಡಿಷನಲ್ ಲುಕ್ ನೀಡಬಹುದು ಎನ್ನುತ್ತಾರೆ ಸಿಂಧ್ಯಾ.
