Summer Fashion 2026: ಸಮ್ಮರ್ನಲ್ಲಿ ಟ್ರೆಂಡಿಯಾದ 3 ಶ್ವೇತ ವರ್ಣದ ಫ್ರಾಕ್ಗಳಿವು
ಸಮ್ಮರ್ನಲ್ಲಿ ಧರಿಸಿದಾಗ ಆರಾಮ ಎಂದೆನಿಸುವ ವಿನ್ಯಾಸದ ವೈಟ್ ಶೇಡ್ನ ಫ್ರಾಕ್ಗಳು ಟ್ರೆಂಡಿಯಾಗಿವೆ. ಬೇಸಗೆಯ ಬಿಸಿಲಿನಲ್ಲಿ ಧರಿಸಿದವರನ್ನು ಕೂಲಾಗಿ ಬಿಂಬಿಸುವ ಶ್ವೇತ ವರ್ಣದ ಫ್ರಾಕ್ಗಳು ಈಗಾಗಲೇ ಫ್ಯಾಷನ್ ಲೋಕದಲ್ಲಿ ಕಾಲಿಟ್ಟಿದ್ದು, ವಯಸ್ಸಿನ ಭೇದ-ಭಾವವಿಲ್ಲದೇ ಯುವತಿಯರನ್ನು ಸವಾರಿ ಮಾಡತೊಡಗಿವೆ. ಅವು ಯಾವುವು? ವಿಶೇಷತೆಯೇನು? ಇಲ್ಲಿದೆ ವಿವರ.
ಚಿತ್ರಗಳು: ಮಲ್ಹಾರ್ ರಾಥೋಡ್, ನಟಿ -
ವೈಟ್ ಶೇಡ್ನ ಫ್ರಾಕ್
ಈ ಬಾರಿಯ ಸಮ್ಮರ್ನಲ್ಲಿ ಮನಸ್ಸಿಗೆ ತಂಪನ್ನೆರೆಯುವ ವೈಟ್ ಶೇಡ್ನ ಫ್ರಾಕ್ಗಳು ಟ್ರೆಂಡಿಯಾಗಿವೆ. ಹೌದು, ಬೇಸಗೆಯ ಬಿಸಿಲಿನಲ್ಲಿ ಧರಿಸಿದವರನ್ನು ಕೂಲಾಗಿ ಬಿಂಬಿಸುವ ಶ್ವೇತ ವರ್ಣದ ಫ್ರಾಕ್ಗಳು ಈಗಾಗಲೇ ಫ್ಯಾಷನ್ ಲೋಕದಲ್ಲಿ ಕಾಲಿಟ್ಟಿದ್ದು, ವಯಸ್ಸಿನ ಭೇದ-ಭಾವವಿಲ್ಲದೆ ಎಲ್ಲರನ್ನೂ ಆಕರ್ಷಿಸತೊಡಗಿದೆ.
ವೈಟ್ ಫ್ರಾಕ್ ಪ್ರಿಯೆ ಮಲ್ಹಾರ್ ರಾಥೋಡ್
ನಟಿ ಹಾಗೂ ಮಾಡೆಲ್ ಮಲ್ಹಾರ್ ರಾಥೋಡ್ ಮೊದಲಿನಿಂದಲೂ ವೈಟ್ ಫ್ರಾಕ್ಸ್ ಪ್ರಿಯೆ. ಇದಕ್ಕೆ ಸಾಕ್ಷಿ ಎಂಬಂತೆ, ಅವರು ಇತ್ತೀಚಿನ ನಾನಾ ಫ್ಯಾಷನ್ ಶೂಟ್ಗಳಲ್ಲೂ ವೈಟ್ ಫ್ರಾಕ್ಗಳಲ್ಲಿಯೇ ಕಾಣಿಸಿಕೊಂಡಿದ್ದಾರೆ. ಅವರು ಧರಿಸಿದ್ಧ ಬಹುತೇಕ ಫ್ರಾಕ್ಗಳೆಲ್ಲವೂ ಇದೀಗ ಈ ಸೀಸನ್ನ ಟಾಪ್ ಲಿಸ್ಟ್ಗೆ ಸೇರಿವೆ ಎನ್ನುವ ಫ್ಯಾಷನಿಸ್ಟಾಗಳು, ಈ ಸೀಸನ್ನಲ್ಲಿ ಟ್ರೆಂಡಿಯಾಗಿರುವ 3 ಬಗೆಯ ಫ್ರಾಕ್ಗಳ ಬಗ್ಗೆ ವಿವರಿಸಿದ್ದಾರೆ.
ಫ್ರಿಂಜ್ ಕ್ರೊಚೆಟ್ ಮಿನಿ ಫ್ರಾಕ್
ಈ ಹೆಸರೇ ಹೇಳುವಂತೆ ಫ್ರಿಂಜ್ ಡಿಸೈನ್ ಹೊಂದಿರುವ ಈ ಕ್ರೊಚೆಟ್ ಮಿನಿ ಫ್ರಾಕ್ ಹಿಂದಿನಂತೆ ಕೇವಲ ಬೀಚ್ಸೈಡ್ಗೆ ಸೀಮಿತವಾಗಿಲ್ಲ! ಬದಲಿಗೆ ಸ್ಟ್ರೀಟ್ ಫ್ಯಾಷನ್ಗೆ ಸೇರಿಕೊಂಡಿದೆ. ಕ್ಯಾಶುವಲ್ ಲುಕ್ನಲ್ಲಿ ನಾನಾ ವಿನ್ಯಾಸದಲ್ಲಿ ಕಾಣಿಸಿಕೊಂಡಿದೆ. ಹಾರ್ಫ್ ವೈಟ್, ಮಿಲ್ಕಿ ವೈಟ್ನಲ್ಲೂ ಬಿಡುಗಡೆಗೊಂಡಿವೆ.
ಜಕಾರ್ಡ್ ಮಿಡಿ ಫ್ರಾಕ್
ಇವು ಕೂಡ ಈ ಸೀಸನ್ನಲ್ಲಿ ಟ್ರೆಂಡಿಯಾಗಿವೆ. ನೋಡಲು ಮಿಡಿ ಡ್ರೆಸ್ನಂತೆ ಕಾಣಿಸುವ ಇವು ಅಗಲವಾದ ನೆಕ್ಲೈನ್ ಇಲ್ಲವೇ ಡೀಪ್ ನೆಕ್ಲೈನ್ಗಳಲ್ಲಿ ನಾನಾ ಬಗೆಯ ವೈಟ್ ಶೇಡ್ಗಳಲ್ಲಿ ಹುಡುಗಿಯರನ್ನು ಸೆಳೆದಿವೆ.
ಕಾಟನ್ ಹಕೋಬಾ ಫ್ರಾಕ್ಸ್
ಎ ಲೈನ್, ಮ್ಯಾಕ್ಸಿ ಸ್ಟೈಲ್ ಸೇರಿದಂತೆ ನಾನಾ ವಿನ್ಯಾಸದ ಶ್ವೇತ ವರ್ಣದ ಕಾಟನ್ನ ಹಕೋಬಾ ಫ್ರಾಕ್ಸ್ ಕೂಡ ಈ ಬಾರಿಯ ಸಮ್ಮರ್ ಫ್ರಾಕ್ ಫ್ಯಾಷನ್ನಲ್ಲಿ ಚಾಲ್ತಿಯಲ್ಲಿದೆ. ಇವು ಕಂಫರ್ಟಬಲ್ ಫೀಲ್ ನೀಡುವುದರೊಂದಿಗೆ ಟ್ರೆಂಡಿಯಾಗಿಯೂ ಕಾಣಿಸುತ್ತವೆ ಎನ್ನುತ್ತಾರೆ ಫ್ಯಾಷನಿಸ್ಟಾಗಳು.