IPL 2026: ಎಂಎಸ್‌ ಧೋನಿ ಮುಂದಿನ ವರ್ಷ ಐಪಿಎಲ್‌ ಆಡ್ತಾರಾ? ಸಿಎಸ್‌ಕೆ ಸಿಇಒ ಹೇಳಿದ್ದಿದು!

ನವದೆಹಲಿ: ಮುಂಬರುವ 2026ರ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ (IPL 2026) ಟೂರ್ನಿಯ ನಿಮಿತ್ತ ಚೆನ್ನೈ ಸೂಪರ್‌ ಕಿಂಗ್ಸ್‌ (Chennai Super Kings) ತಂಡ ರಿಲೀಸ್‌ ಆಟಗಾರರ ಪಟ್ಟಿಯನ್ನು ಪ್ರಕಟಿಸಲು ಪ್ರಕ್ರಿಯೆಯಲ್ಲಿದೆ. ಇದರ ನಡುವೆ ಭಾರತ ತಂಡದ ಮಾಜಿ ನಾಯಕ ಎಂಎಸ್‌ ಧೋನಿಯ (MS Dhoni) ಐಪಿಎಲ್‌ ನಿವೃತ್ತಿ ಬಗ್ಗೆ ಅಭಿಮಾನಿಗಳಿಗೆ ಪ್ರಶ್ನೆ ಕಾಡುತ್ತಿದೆ. ಸಿಎಸ್‌ಕೆ ಮಾಜಿ ನಾಯಕ ಮುಂದಿನ ಆವೃತ್ತಿಯಲ್ಲುಯೂ ಆಡಲಿದ್ದಾರೆಯೇ? ಅಥವಾ ಇಲ್ಲವೇ? ಎಂಬುದು ಇನ್ನು ಸ್ಪಷ್ಟತೆ ಇಲ್ಲ. ಈ ಬಗ್ಗೆ ಸಿಎಸ್‌ಕೆ ಸಿಇಒ ಕಾಶಿ ವಿಶ್ವನಾಥ್‌ ಅವರು ಮಾತನಾಡಿದ್ದಾರೆ. ಎಂಎಸ್‌ ಧೋನಿಗೆ ಈ ವರ್ಷ 44ನೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ.

ಈ ವರ್ಷದ ಆರಂಭದಲ್ಲಿ ಎಂಎಸ್‌ ಧೋನಿ ತಮ್ಮ 44ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದರು ಮತ್ತು ಪ್ರಸ್ತುತ ಲೀಗ್‌ನಲ್ಲಿ ಅತ್ಯಂತ ಹಿರಿಯ ಆಟಗಾರ ಮತ್ತು ಲೀಗ್‌ನಲ್ಲಿ ಆಡಿದ ಮೂರನೇ ಹಿರಿಯ ಆಟಗಾರ. ಕಳೆದ ಆವೃತ್ತಿಯಲ್ಲಿ ಋತುರಾಜ್‌ ಗಾಯಕ್ವಾಡ್‌ ಅವರು ಗಾಯಕ್ಕೆ ತುತ್ತಾದ ಬಳಿಕ ಎಂಎಸ್‌ ಧೋನಿ ತಂಡಕ್ಕೆ ಮರಳುತ್ತಾರೆಯೇ ಎಂಬ ಬಗ್ಗೆ ಹೆಚ್ಚಿನ ಗಮನ ಹರಿಸಲಾಯಿತು. ಋತುವಿನ ಮಧ್ಯದಲ್ಲಿ ನಿಯಮಿತ ನಾಯಕ ರುತುರಾಜ್ ಗಾಯಕ್ವಾಡ್ ಗಾಯದ ಕಾರಣ ಹೊರಗುಳಿದ ನಂತರ, ಎಂಎಸ್‌ ಧೋನಿ ತಂಡವನ್ನು ಮುನ್ನಡೆಸಿದ್ದರು. ಆದರೂ ಸಿಎಸ್‌ಕೆ ಪ್ಲೇಆಫ್ಸ್‌ಗೆ ಅರ್ಹತೆ ಪಡೆದಿರಲಿಲ್ಲ.

IPL 2026: ಐಪಿಎಲ್ 2026 ಹರಾಜಿಗೂ ಮುನ್ನ ಧೋನಿಯನ್ನು ಬಿಡುಗಡೆ ಮಾಡಲು ಮುಂದಾದ ಸಿಎಸ್‌ಕೆ

ಎಂಎಸ್‌ ಧೋನಿ ಭವಿಷ್ಯದ ಬಗ್ಗೆ ಸಿಎಸ್‌ಕೆ ಸಿಇಒ ಸ್ಪಷ್ಟನೆ

ಫ್ರಾಂಚೈಸಿ ಬಿಡುಗಡೆ ಮಾಡುವ ಆಟಗಾರರ ಪಟ್ಟಿಯನ್ನು ಹೆಸರಿಸಲು ಕೇವಲ 10 ದಿನಗಳು ಬಾಕಿ ಇರುವಾಗ, ಸಿಎಸ್‌ಕೆ ಸಿಇಒ ಕಾಶಿ ವಿಶ್ವನಾಥ್ ಅವರು 2011ರ ವಿಶ್ವಕಪ್ ವಿಜೇತ ನಾಯಕನ ಭವಿಷ್ಯದ ಬಗ್ಗೆ ದೃಢಪಡಿಸಿದ್ದಾರೆ. ಧೋನಿ ನಿವೃತ್ತಿ ಹೊಂದಲು ನಿರ್ಧರಿಸಿದರೆ, ಅವರು ಬಿಡುಗಡೆ ಮಾಡಿದ ಆಟಗಾರರ ಪಟ್ಟಿಯಲ್ಲಿ ಕಾಣಿಸಿಕೊಳ್ಳುತ್ತಾರೆ ಎಂದು ಹೇಳಬೇಕಾಗಿಲ್ಲ, ಏಕೆಂದರೆ ಫ್ರಾಂಚೈಸಿ ವೇತನ ಮಿತಿಯನ್ನು ಮುಕ್ತಗೊಳಿಸಲು ಮತ್ತು ಬದಲಿ ಆಟಗಾರನನ್ನು ಹುಡುಕಲು ತಮ್ಮ ಹರಾಜಿನಲ್ಲಿ ಸೇರಿಸಲು ಬಯಸುತ್ತದೆ ಎಂದಿದ್ದಾರೆ.

ಎಂಎಸ್‌ ಧೋನಿ ಅವರು 2026ರ ಐಪಿಎಲ್‌ ಟೂರ್ನಿಯಲ್ಲಿ ಎಂಎಸ್‌ ಧೋನಿ ಆಡಲಿದ್ದಾರೆಂದು ಕಾಶಿ ವಿಶ್ವನಾಥ್‌ ಸ್ಪಷ್ಟಪಡಿಸಿದ್ದಾರೆ. ಎಂಎಸ್‌ ಧೋನಿ ನಿವೃತ್ತಿ ಘೋಷಿಸಲಿದ್ದಾರಾ? ಎಂಬ ಪ್ರಶ್ನೆಯನ್ನು ಕಾಶಿ ವಿಶ್ವನಾಥ್‌ಗೆ ಕೇಳಲಾಯಿತು. ಅದಕ್ಕೆ ಅವರು, "ಇಲ್ಲ, ಅವರು ಐಪಿಎಲ್‌ ವೃತ್ತಿ ಬದುಕಿಗೆ ವಿದಾಯ ಹೇಳುವುದಿಲ್ಲ," ಎಂದು ಇನ್‌ಸ್ಟಾಗ್ರಾಮ್‌ ಖಾತೆಯ ಪ್ರೊವೋಕ್‌ ಲೈಫ್‌ಸ್ಟೈಲ್‌ ಪೇಜ್‌ನ ಸಂಭಾಷಣೆಯಲ್ಲಿ ತಿಳಿಸಿದ್ದಾರೆ.

IPL 2026: ಕೆಎಲ್‌ ರಾಹುಲ್‌ ಬದಲಿಗೆ ಇಬ್ಬರು ಆಟಗಾರರಿಗೆ ಬೇಡಿಕೆ ಮುಂದಿಟ್ಟ ಡೆಲ್ಲಿ ಫ್ರಾಂಚೈಸಿ!

ಎಂಎಸ್‌ ಧೋನಿ ಅವರು ಯಾವಾಗ ನಿವೃತ್ತಿ ಘೋಷಿಸಲಿದ್ದಾರೆಂದು ಮತ್ತೊಂದು ಪ್ರಶ್ನೆಯನ್ನು ಕೇಳಲಾಯಿತು. ಇದಕ್ಕೆ ಅವರು, "ಅವರನ್ನು ಕೇಳಿ ನಂತರ, ನಿಮ್ಮ ಬಳಿ ತಿಳಿಸುತ್ತೇನೆ," ಎಂದು ಕಡ್ಡಿ ಮುರಿದಂತೆ ಸಿಎಸ್‌ಕೆ ಸಿಇಒ ಉತ್ತರ ನೀಡಿದ್ದಾರೆ.

2025ರ ಐಪಿಎಲ್‌ ಬಳಿಕ ಎಂಎಸ್‌ ಹೇಳಿದ್ದೇನು?

2025ರ ಐಪಿಎಲ್‌ ಟೂರ್ನಿಯ ಸಂದರ್ಭದಲ್ಲಿ ಹರ್ಷಬೋಗ್ಲೆ ಅವರು ಎಂಎಸ್‌ ಧೋನಿ ಇದೇ ಪ್ರಶ್ನೆಯನ್ನು ಕೇಳಿದ್ದರು. ಇದಕ್ಕೆ ಅವರು, "ಇದು ಸನ್ನಿವೇಶವನ್ನು ಅವಲಂಬಿಸಿರುತ್ತದೆ. ಮತ್ತೊಮ್ಮೆ, ನಾನು ಅದನ್ನೇ ಹೇಳುತ್ತೇನೆ - ನನಗೆ ನಿರ್ಧರಿಸಲು ನಾಲ್ಕು ಅಥವಾ ಐದು ತಿಂಗಳುಗಳಿವೆ. ನಿಮಗೆ ತಿಳಿದಿದೆ, ಏನು ಮಾಡಬೇಕೆಂದು ನಿರ್ಧರಿಸಲು ಯಾವುದೇ ಆತುರವಿಲ್ಲ. ನಾನು ಮುಗಿಸಿದ್ದೇನೆ ಎಂದು ನಾನು ಹೇಳುತ್ತಿಲ್ಲ, ನಾನು ಅದೇ ಸಮಯದಲ್ಲಿ ಹಿಂತಿರುಗುತ್ತೇನೆ ಎಂದು ನಾನು ಹೇಳುತ್ತಿಲ್ಲ. ನನಗೆ ಸಮಯದ ಐಷಾರಾಮಿ ಇರಬೇಕು, ಮತ್ತು ನಿಮಗೆ ಗೊತ್ತಾ, ಅದು ಇದ್ದಾಗ, ಅದರ ಬಗ್ಗೆ ಯೋಚಿಸಿ ನಂತರ ಏಕೆ ನಿರ್ಧರಿಸಬಾರದು. ಪ್ರತಿ ವರ್ಷ, ಇದು ಶೇಕಡಾ 15 ರಷ್ಟು ಹೆಚ್ಚಿನ ಪ್ರಯತ್ನ. ನೀವು ದೇಹವನ್ನು ಫಿಟ್ ಆಗಿ ಇಟ್ಟುಕೊಳ್ಳಬೇಕು, ಇದು ಉನ್ನತ ಮಟ್ಟದ ಕ್ರಿಕೆಟ್ ಎಂಬುದನ್ನು ಮರೆಯಬಾರದು, ನಿಮಗೆ ತಿಳಿದಿದೆ, ಇದು ವೃತ್ತಿಪರ ಕ್ರಿಕೆಟ್, ನೀವು ನಿಮ್ಮ ಅತ್ಯುತ್ತಮವಾಗಿರಬೇಕು," ಎಂದು ಹರ್ಷ ಭೋಗ್ಲೆ ಅವರೊಂದಿಗಿನ ಸಂವಾದದಲ್ಲಿ ಧೋನಿ ಹೇಳಿದರು.