ಆಫ್ಘಾನ್‌ ವಿರುದ್ಧ ಗೆದ್ದು ದಾಖಲೆ ವಿಶ್ವ ನಿರ್ಮಿಸಿದ ಭಾರತ

ನವದೆಹಲಿ, ಸೆ.18: 100 ಅಥವಾ ಅದಕ್ಕಿಂತ ಹೆಚ್ಚಿನ ರನ್‌ಗಳ ಅಂತರದಿಂದ 10 ಟಿ20 ಅಂತಾರಾಷ್ಟ್ರೀಯ (T20I) ಪಂದ್ಯಗಳನ್ನು ಗೆದ್ದ ಮೊದಲ ಪೂರ್ಣ-ಸದಸ್ಯ ಕ್ರಿಕೆಟ್ ತಂಡ ಎಂಬ ಹಿರಿಮೆಗೆ ಭಾರತ ಪಾತ್ರವಾಗಿದೆ. ಗುರುವಾರ (ಸೆಪ್ಟೆಂಬರ್ 17) ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ನಡೆದ ಮೂರು ಪಂದ್ಯಗಳ ಟಿ20 ಸರಣಿಯ ಅಂತಿಮ ಪಂದ್ಯದಲ್ಲಿ ಅಫ್ಘಾನಿಸ್ತಾನ ವಿರುದ್ಧ 127 ರನ್‌ಗಳ ಅಂತರದ ಗೆಲುವು ಸಾಧಿಸುವ ಮೂಲಕ ಭಾರತ ಈ 10ನೇ ಗೆಲುವಿನ ದಾಖಲೆಯನ್ನು ನಿರ್ಮಿಸಿತು.

ಅಸೋಸಿಯೇಟ್ ರಾಷ್ಟ್ರವಾಗಿದ್ದು, ಪೂರ್ಣ ಸದಸ್ಯ ರಾಷ್ಟ್ರಗಳಿಗಿಂತ ತುಲನಾತ್ಮಕವಾಗಿ ದುರ್ಬಲ ತಂಡಗಳೊಂದಿಗೆ ಆಡುವ ಕೆನಡಾ ಕೂಡ 10 ಗೆಲುವು ಸಾಧಿಸಿದೆ. ಪೂರ್ಣ ಸದಸ್ಯ ರಾಷ್ಟ್ರಗಳ ಪೈಕಿ, ಭಾರತದ ನಂತರದ ಸ್ಥಾನದಲ್ಲಿ ಎಂಟು ಗೆಲುವುಗಳೊಂದಿಗೆ ಜಿಂಬಾಬ್ವೆ ಹಾಗೂ ತಲಾ ಆರು ಗೆಲುವುಗಳೊಂದಿಗೆ ಪಾಕಿಸ್ತಾನ ಮತ್ತು ಇಂಗ್ಲೆಂಡ್ ತಂಡಗಳಿವೆ.

IND vs AFG: ಅಭಿಷೇಕ್‌ ಅಬ್ಬರಕ್ಕೆ ಕಂಗಾಲಾದ ಆಫ್ಘನ್‌, ಟಿ20ಐ ಸರಣಿಯನ್ನು ಕ್ಲೀನ್‌ ಸ್ವೀಪ್‌ ಮಾಡಿಕೊಂಡ ಭಾರತ!

ಪಂದ್ಯದ ಬಗ್ಗೆ ಹೇಳುವುದಾದದರೆ,ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಭಾರತವು ಭರ್ಜರಿ ಆರಂಭವನ್ನು ಪಡೆಯಿತು. ಅಭಿಷೇಕ್ ಶರ್ಮಾ ಮತ್ತು ಸಂಜು ಸ್ಯಾಮ್ಸನ್ ಅಫ್ಘಾನಿಸ್ತಾನದ ಬೌಲಿಂಗ್ ದಾಳಿಯನ್ನು ಸಮರ್ಥವಾಗಿ ಎದುರಿಸಿ ಅಬ್ಬರಿಸಿದರು. ಅಭಿಷೇಕ್ ಕೇವಲ 16 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರೆ, ಸ್ಯಾಮ್ಸನ್ ಕೂಡ ವೇಗವಾಗಿ ತಮ್ಮ ಅರ್ಧಶತಕವನ್ನು ತಲುಪಿದರು; ಈ ಆರಂಭಿಕ ಜೋಡಿಯು ಒಟ್ಟು 142 ರನ್‌ಗಳನ್ನು ಕಲೆಹಾಕಿತು.

ಅಂತಿಮವಾಗಿ ಅಭಿಷೇಕ್ 34 ಎಸೆತಗಳಲ್ಲಿ 10 ಬೌಂಡರಿ ಮತ್ತು 11 ಸಿಕ್ಸರ್‌ಗಳೊಂದಿಗೆ 108 ರನ್ ಗಳಿಸಿ ಔಟಾದರು. ನಂತರ ಸ್ಯಾಮ್ಸನ್ 35 ಎಸೆತಗಳಲ್ಲಿ 50 ರನ್ ಗಳಿಸಿ ನಿರ್ಗಮಿಸಿದರು. ಇದೇ ವೇಳೆ ರಶೀದ್, ತಿಲಕ್ ವರ್ಮಾ ಅವರನ್ನು ರನ್-ಔಟ್ ಮಾಡಿದ್ದಲ್ಲದೆ ಸ್ಯಾಮ್ಸನ್ ಅವರ ಕ್ಯಾಚ್ ಕೂಡ ಪಡೆದರು. ಅಂತಿಮ ಹಂತದಲ್ಲಿ ಭಾರತ ಕೆಲವು ವಿಕೆಟ್‌ಗಳನ್ನು ಕಳೆದುಕೊಂಡಿತಾದರೂ, ಶ್ರೇಯಸ್ ಅಯ್ಯರ್ ಗಳಿಸಿದ 29 ರನ್‌ಗಳ ನೆರವಿನಿಂದ ತಂಡವು 221/7 ರ ಮೊತ್ತವನ್ನು ತಲುಪಿತು.

ಗುರಿ ಹಿಂಬಾಲಿಸಿದ ಅಫ್ಘಾನಿಸ್ತಾನ ಆರಂಭದಲ್ಲೇ ಆಘಾತ ಎದುರಿಸಿತು. ಅಕ್ಷರ್‌ ಪಟೇಲ್‌ ಮತ್ತು ರವಿ ಬಿಷ್ಣೋಯ್‌ ಸ್ಪಿನ್‌ ದಾಳಿಗೆ ಪವರ್‌ಪ್ಲೇ ಅವಧಿಯಲ್ಲೇ ನಾಲ್ಕು ವಿಕೆಟ್‌ಗಳನ್ನು ಕಳೆದುಕೊಂಡಿತು. ಅಂತಿಮವಾಗಿ 94 ರನ್‌ಗೆ ಸರ್ವಪತನ ಕಂಡಿತು.